མགར་འཇམ་དབྱངས།

མེར་གྱིས་ལྟེམས་པའི་རྒྱ་མཚོར་སྔོན་མོར་འཐིམ་ལ་ཉེ་བའི་གྲུ་ཆུང་ཞིག །
ལོ་དང་ཟླ་བར་ཞག་དང་ཉི་མར་རེ་བའི་ངོ་གདོང་སྐམ་ཅིང་རིད། །
དྲག་ཏུ་འཕྱོ་བའི་རླབས་དང་བསྟུན་པའི་སྙིང་གི་འཕར་རྩ་རྟབ་པོར་གྱུར། །
མིག་མདངས་ལྷག་མའི་ཕམ་ཉེས་ཁྲོད་དུ་རྒྱང་མཐའི་ས་མཚམས་རབ་རིབ་ཅིག །
སྨྱུ་གུའི་རྩེ་རུ་དྲོད་ཐིགས་སྨིན་པའི་དབུལ་བོའི་ཚོགས་ཤིག་འཁོན་ཅིང་རྩོད། །
ཆང་དང་བུ་མོའི་འཕོངས་ཚོར་དུངས་པའི་སྐུ་ངོ་རྒྱག་པ་གཉིད་དུ་ཡུར། །
འཆི་བདག་འཇིགས་པོས་གདན་ཞུ་འབྱོར་བའི་ཨ་མ་རྒན་མོ་རེ་བ་བྲལ། །
ཉོག་ཏུ་སོང་བའི་མེས་པོའི་ཁྱིམ་གཞིར་མི་རྐང་ཤོར་བའི་ཚོར་སྣང་སྟེར། །

དེ་ལས་མང་བ་། “གནམ་འོག་གི་མགྱོགས་བྲིས།” »

གཅན་འོད་འབར།
༡
ནམ་རྒྱུན་ཞོགས་པའི་ཉི་ཟེར་འབབ་པའི་ཕྱོགས་ལ་འཁོར་ནས་ཁེར་རྐྱང་གི་ཚོར་སྣང་དག་རླུང་ལ་བསྐུར་རྒྱུ་ནི་སུ་ཞིག་དྲན་པའི་ཉིན་མཚན་དག་གི་སྐྱོ་བའི་དྲན་གདུང་རིང་མོ་ཉིན་ཐོར་འགོད་པ་དང་མཚུངས་བས། ཉི་ཟེར་ལ་ལྟ་བ་ནི་རང་གིས་རང་ལ་སེམས་གསོ་བྱེད་པ་དང་ཡང་འདྲ། སུ་ཞིག་ལ་ཡང་བརྩེ་བའི་རེ་བ་མ་བཅངས་བར་ཡུན་རིང་ཞིག་འདས་རྗེས་ཀྱི་དེ་རིང་། ཆར་བ་དང་ན་བུན་འཐབས་པའི་ཁྲོད་ནས་མེ་ཏོག་ཅིག་བདག་གི་མིག་གོང་ལ་སྐྱེས་ཤིང་སེམས་ཁོངས་ལ་བཞད་པའི་གཏམ་རྒྱུད་ཅིག་གི་དབུ་ཁྱུད་རང་བྱུང་གིས་བྲིས་པ་འདི་བདེ་སྐྱིད་ཅིག་གི་སྔོན་འགྲོ་ཡིན་ན་སྡུག་བསྔལ་ཞིག་གི་ས་བོན་ཡིན་པ་ངས་ཀྱང་གསལ་པོ་ཞིག་མ་རྟོགས་མོད། རང་སེམས་རང་ལ་མི་དབང་པའི་ཁྱད་མཚར་གྱི་ངང་ཚུལ་འདི་བསམ་ན་ང་ལ་ཡང་གདམ་ག་གཞན་ཞིག་མི་འདུག

དེ་ལས་མང་བ་། “སེམས་འགྱུ་རབ་རིབ།” »

ཤར་ཕྱོགས་ཁུག་རྟ།

བཙན་བྱོལ་བོད་མིའི་བྱུང་རབས་ལ་བལྟས་ཚེ་བོད་ནས་འབྱོར་མ་ཐག་འཛམ་གླིང་གི་གནས་ཚུལ་མ་མཐོང་བ་དང། དུས་ཀྱི་འགྱུར་འགྲོས་དང་ལེན་བྱེད་འདོད་མེད་པ་ཅི་རིགས་ཀྱིས་༧གོང་ས་མཆོག་གི་རླབས་ཆེན་དགོངས་གཞིར་ལམ་དུ་ལྷོང་རྒྱུར་བར་ཆད་བྱས་ཡོད་ནའང། བར་ཆད་དེ་དག་ལྷག་བསམ་རྨ་མེད་པ་ལས་བྱུང་བ་ཡིན་སྟབས་སྤྱི་ཚོགས་ལ་བརྡབ་གསིག་ཆེན་པོ་བྱུང་མེད་ཅེས་ན་མི་ཆོག་པ་མེད། ཡིན་ནའང། བར་ལམ་ཞིག་ནས་བཙན་བྱོལ་ས་ཐོག་གི་སྡོད་སའི་གནས་དྲོ་ཟ་རྒྱུའི་ཟས་ཞིམ་ཏེ་གྲོད་ཁོག་ཅུང་ཙམ་རྒྱགས་ཤིང། དཀའ་སྡུག་སྐྱོ་གདུང་གི་སྨྲེ་སྔགས་ཀྱང་རྣ་བར་སྒྲུང་གི་མཚུངས་ཟླར་གྱུར་སོང་བ་དང་མཉམ།

དེ་ལས་མང་བ་། “དཀྲོག་གཏམ་གྱི་རྒྱབ་མདུན་དང་བདག་གི་རེ་བ།” »

ཨེ་མ་ཧོ།

ཀ་མ་ལ་ལྟར་ལྷག་བསམ་མཚུངས་མེད་པ། །
ཁ་བའི་རིགས་བདག་རྒྱལ་པོ་མ་ཎི་ཀ །
ག་བུར་མདངས་ཀྱིས་མཛེས་པའི་ཁྱིམ་བདག་པོ། །
ང་ཡི་ཡབ་ཆེན་རྗེ་བཙུན་སྐུ་ཚེ་རིང་། །
ཅ་དག་ཤྰཀྱའི་དགེ་སྦྱོང་རིན་པོ་ཆེ། །
ཆ་ལུགས་རབ་བྱུང་ཆོས་གོས་རྒྱན་འཆང་ཞིང་། །
ཇ་ཆང་འདོད་ཡོན་སྤངས་པའི་བྱ་བྲལ་བ། །
ཉ་གང་དྲན་པའི་བཤེས་གཉེན་སྐུ་ཚེ་རིང་། །

དེ་ལས་མང་བ་། “སྐུ་ཚེ་རིང་།” »

རྡོ་རྗེ་རིན་ཆེན་གྱིས།

————

ཁྱེད་རང་སྤྱི་འཐུས་གྲོས་ཚོགས་ལ་ཕེབས་མྱོང་ངམ།  རྒྱ་གར་དུ་འཚར་ལོང་བྱུང་བའི་ཁམས་པའི་སྤྱི་འཐུས་ཚོར་ཆ་བཞག་ན། གྲོས་ཚོགས་སུ་ཁམས་སྐད་བཤད་པ་དང་།  བོད་པ་ཟེར་རྒྱུ་ལ་བེད་པ་ལྟ་བུ་ཞིག་སྨྲ་ཡོང་།  བརྗོད་གཞི་ཚ་པོ་དེ་འདྲའི་ཐོག་གླེང་སློང་བྱེད་སྐབས་ཁམས་སྐད་དྲག་མ་རེ་བརྒྱབ་ཡོང་དུས་གཟི་བརྗིད་ཡོད།  སྟོད་པ་དང་གཞིས་ཀ་རྩེ་བ་རྣམས་ལ་དེ་འདྲའི་རང་སྐད་ཤུགས་ཆེན་པོ་མེད་ཀྱང་། དཔེར་ན་རྣམ་རྒྱལ་ཟེར་བ་རྣམ་རྒྱ་ཟེར་བ་ལྟ་བུ་རེ་ཟུར་ནས་ཐོན་ཡོང་།  མེད་པ་དེ་ཨ་མདོ་བ་ཚོ་ལ་མེད།  ཨུ་ཚུགས་བརྒྱབ་ནས་དབུས་སྐད་གང་ཐུབ་ཅི་ཐུབ་རེ་ཨེ་ཤོད་ལ་ལྟ།  དབུས་པའི་སྒྲ་གདངས་མ་ཐོན་སྐབས་འཁྲིས་ན་བསྡད་པའི་སྤྱི་འཐུས་ཚོས་འཕྱ་སྨོད་ཀྱི་ཁྲེལ་དགོད་རེ་ཡང་བྱེད།  ཨ་མདོ་བ་ཚོས་དབུས་སྐད་མ་ཤོད་པའི་སྐབས་ལ་ངོ་ཚ་ནས་གདོང་པ་ཡང་དམར་པོར་འགྱུར།   སྒྲིག་འཛུགས་ཁག་གིས་ཨ་མདོའི་མི་སྣ་གལ་ཆེན་རེ་སླེབས་སྐབས་དབུས་པར་དམིགས་ནས་སྐད་བསྒྱུར་ཀྱང་འཛུགས།

དེ་ལས་མང་བ་། “ཁམས་པ་དྲིན་ཆེན་དེ་ཚོ།” »

བྱམས་པ་ལྷུན་གྲུབ།

རྣམ་བཀྲ་དཀྱེལ་ཡངས་ཤེས་བྱའི་དཀྱིལ་འཁོར་ཀུན།།
ཆགས་ཐོགས་མི་མངའ་ཇི་ལྟར་མཁྱེན་པའི་དཔལ།།
ཡེ་ཤེས་སྤྱན་ལྡན་གངས་ཅན་མགོན་པོ་ཁྱེད།།
མཇལ་བའི་མོད་ལ་བདག་སོགས་གདུལ་བྱའི་ཚོཊ།།
དགའ་དང་དད་པས་ལུས་སེམས་རབ་ཏུ་མྱོས།།
ཟབ་གསལ་ཆད་མེད་འགག་མེད་ཁྱོད་ཀྱི་གསུང་།།
ཡང་ཡང་ཐོས་པས་སྐལ་ལྡན་གདུལ་བྱ་རྣམས།།
འཁོར་བའི་བཙོན་དུ་ཚུད་བྱེད་དུག་གསུམ་ལ།།
རྒྱབ་ཏུ་ཕྱོགས་པའི་བློ་བཟང་བཅོས་མིན་སྐྱེས།།

དེ་ལས་མང་བ་། “ཞི་བདེའི་དེད་དཔོན།” »

དགེ་འདུན་རབ་གསལ་གྱིས།

ཚིག་གི་གྲུབ་ཆའི་གྲངས་ཀའི་ཐོག་ནས་བྱ་ཚིག་ལ་དབྱེ་བ་འབྱེད་ཐུབ་བམ།   དེ་རིང་དྲ་ཐོག་མྱུལ་སྐབས་གཤམ་གྱི་བརྗོད་གཞི་འདི་འདྲ་ཞིག་མིག་ལམ་དུ་ཤར།  དེ་བས་གླེང་གཞིའི་ཆེད་འདིར་བཀོད་པ་ཡིན།

བྱ་ཚིག་ (Verb) ཟེར་བ་དེ་ནི་ལ་ཊིན་གྱི་སྐད་ལས་ (verbum) ཟེར་བ་དེ་ལས་མཆེད་ཅིང་། དེའི་ནང་དོན་ནི་ཚིག་ཟེར་བ་ཙམ་རེད།  འོན་ཀྱང་བྱ་ཚིག་ནི་རྗོད་པའི་རྣམ་གཞག་ཁྲོད་དུ་བྱ་བ་སྟོན་པ་སྟེ། དཔེར་ན་འཁྱེར། ཀློག  རྒྱུགས། སྦྱང་ལྟ་བུ་རེད། ད་དུང་སྣང་བའི་ངང་ཚུལ་སྟོན་པ་དཔེར་ན་བྱུང་དང་ཆགས། གྱུར་ལྟ་བུ་དང་།  གནས་ཚུལ་གྱི་ངོ་བོར་ཡོད་པ་ནི་ཡོད་དང་གནས་ལྟ་བུ་རེད།  སྐད་རིགས་མང་པོའི་ནང་བྱ་ཚིག་གིས་དུས་གསུམ་སྟོན་ཅིང་དེས་བྱ་བ་གང་ཞིག་སྒྲུབ་ཟིན་པའམ་སྒྲུབ་བཞིན་པ།  ཡང་ན་སྒྲུབ་པར་འགྱུར་བ་ཞེས་པའི་གནས་སྟོན་པ་རེད།

དེ་ལས་མང་བ་། “ཚིག་གི་གྲུབ་ཆ་དང་བྱ་ཚིག” »