རས་པ།
—- དྲ་ཐོག་ནས་ཚངས་མགུར་གྱི་བགྲོ་གླེང་ཞིག་ལ་ཟུར་ཉན་བྱས་རྗེས་བྲིས།

རྒྱལ་དབང་ལགས
ཁྱེད་ལ་ཐུགས་ཁག་མེད་དེ
ཁྱེད་ཀྱི་སྙན་ངག་དུམ་བུ་རེ་རེར་འགོས་པའི་མིག་ཆུའང
ཁོ་ཚོས་ཁ་སྐོམ་གདུང་བས་མནར་བའི་བྱེ་ཐང་གི་མི་ཞིག་ནང་བཞིན
འཐུང་ཚར་ཞིང འཐུང་ཚར་རྗེས་དེ་ནི་བདུད་རྩི་རེད་ཅེས་བཟི་གཏམ་བཤད

དེ་ལས་མང་བ་། “ཚངས་དབྱངས་རྒྱ་མཚོར་སེམས་གསོ་ཞུ་བ།” »

ཨ་འདུས་མིག་ཆུ།
-རྒྱུན་མཐུད་སྙན་ངག་རིང་མོ།

སྐུ་དྲག་རིང་ལུགས་མེ་ལྕེ་བཞིན་དུ་ཤུགས་ཀྱིས་འབར་བའི་དུས་སྐབས་སུ།།
གངས་ཅན་འགྲོ་རྣམས་གདུང་ཡོས་དྲག་པོའི་ལུས་སེམས་མ་ལུས་རྒུད་སྐབས་སུ།།
རྒྱ་དམར་ཁྱི་དམག་རླུང་ཡན་བཞིན་དུ་ཕྱོགས་སུ་མཆེད་ནས་ཡོང་སྐབས་སུ།།
གངས་ཅན་པ་རྣམས་ཉམ་ཆུང་བདག་མེད་ཁེར་རྐྱང་གྱུར་བའི་དུས་སྐབས་སུ།།

སྐུ་དྲག་རྣམས་ནི་གནམ་ལ་འཕུར་ཞིང་ས་ལ་འཛུལ་ལ་ཉེ་བའི་ཚེ།།
བརླ་བཙོང་བ་རྣམས་ལྕེ་རྩེ་དྲུད་ནས་རྒྱ་རྐུབ་ལྡག་ལ་བརྩོན་པའི་ཚེ།།
བོད་མིའི་ཆོས་སྲིད་གསེར་གྱི་འཁོར་ལོ་སྣུམ་ཟད་མར་མེར་གྱུར་བའི་ཚེ།།
གངས་ཅན་འགྲོ་རྣམས་ཐང་ལ་སྟོར་བའི་བྱིའུ་ཕྲུག་སྣང་བཞིན་གྱུར་བའི་ཚེ།།

དེ་ལས་མང་བ་། “རྒྱལ་བའི་བཀའ་དྲིན།” »

མྱི་ལྟིག

_རང་ཡུལ་གྱི་བུ་མོ་ཆུང་ཆུང***མགྲོན་ཁང་ཞིག་ཏུ་གཅེར་བུར་ཕུད་ཡོད་པའི་འདྲ་པར་མཐོང་རྗེས།
འདོམ་གྱི་བུ་ཆུང་འཇིབ་ཀྱང་རྣམ་རྟོག་ལ་མི་འཇིག།།
བྷ་གའི་ཁྱིམ་མཚེས་འདོད་ཀྱང་ན་ཟུག་ལ་མི་འཛེམ།།
སྟེང་འོག་གཡས་གཡོན་གང་དུ་ཅི་འདོད་དུ་བསྐོར་ཆོག།།
མ་བཅོལ་འདྲ་པར་ཞིག་གིས་བརླག་དོན་ནི་འདུག་གམ།།

ཁྲ་ཁྲ་ཆིལ་ཆིལ་མང་བའི་རེབ་གོང་དུ་འཕྲད་ནས།།
དགའ་དགའ་དུངས་དུངས་ཡིན་པས་ཁྱོད་བློ་དང་བསྟུན་ཏེ།།
ནན་ནན་ཏན་ཏན་ཡིན་པའི་ཡིད་ཆེས་ཤིག་འབུས་མོད།།
ཟང་ཟིང་ལང་ལོང་ཡིན་པས་ངའི་བློ་དང་འགལ་འདུག །

དེ་ལས་མང་བ་། “བུ་མོ་དེའི་ཚབ་དུ།” »

ཀླུ་སྨྱོན།
ལོ་མ་ལྗོན་རྩེ་ནས་འདར་དུས།

དབང་མེད་འགྲུལ་བཞུད་ཅིག་བྱེད་འདོད།།

ཆར་བས་ལྷམ་ཡུ་གཉིས་བརླན་དུས།།།

སྐར་མས་ལམ་སྒྲོན་ཞིག་བྱས་སོང་།།

སྨུག་པ་དུམ་བུ་དང་དུམ་བུས།།

ཕ་གིའི་རི་རྩེ་དེ་དཀྲིས་དུས།།

སྙིང་ཤ་ཚོམ་བུ་དང་ཚོམ་བུ།།

ཕྱོགས་ཕྱོགས་མེ་སྟག་བཞིན་མཆེད་སོང་།།

སེམས་ནས་འཆར་ཡན་ཞིག་འཕྱུར་ཏེ།།

ལག་ནས་སྙན་ངག་ཅིག་བྲིས་པ།།

ཤོག་བྱ་སྐུད་ཆད་ཅིག་འདྲ་བར།།

ནམ་མཁའ་སྟོང་པ་ལ་ཐིམ་སོང་།།

དེ་ལས་མང་བ་། “སྙན་ངག་གི་གས་ཆག” »

  བསྟན་འཛིན་གཉེན།
རྒྱ་ནག   ངའི་སྡུག་བསྔལ་ཐམས་ཅད་འཛིན་ཅིང
སེམས་ཁམས་ནག་འཐོམས་མེར་གཏོང་བའི་ཐ་སྙད་ཅིག
བོད   ཁྲག་དང་ཤ་འཁོན་གྱིས་བཏུམས་པའི
མནར་གཅོད་ཀྱི་འཇིག་རྟེན་ཅིག་ཡིད་ངོགས་སུ་བསྐྲུན་པའི་ཐ་སྙད་ཅིག
ང་སྐྱེས་དགོས་དོན་ཡང རྒྱ་ནག་ལ་ཁོང་ཁྲོ་དང་ང་རྒྱལ་ལངས་ཆེད་དུ་ཡིན་པ་འདྲ་བས
དགོངས་སེལ་ཞུ་དགོས་པ་ཞིག་ནི   ང་བླ་མའི་བཀའ་ལས་འགལ་བཞིན་པ་དེ་རེད

དེ་ལས་མང་བ་། “རྒྱ་ནག” »

ཤར་ཕྱོགས་ཁུག་རྟ།

བསམ་གླིང་ཚེ་རིང་ལྷ་མོར་འབོད་པའི་བཅད་མ་ཁ་ཤས་མཐོང་འཕྲལ་བྲིས།

བག་ལ་ཉལ་བའི་དམར་ཆུང་སྙིང།།
ལྷོག་ལྷོག་དྲན་པས་དཀྲོགས་པ་ན།།
ཡོངས་འཛིན་དཔའ་བོའི་ངག་རིག་ཆབ།།
ཆུ་ཐིག་རིས་ཀྱིས་ལྷ་མོར་ཟགས།།

དེ་ལས་མང་བ་། “བཙན་བྱོལ་དུའང་བུད་མེད་སྙན་ངག་པ་ཞིག་འདུག།” »

རྔ་བ་ཀུན་བཟང་སྒྲོལ་མ།

(ཚན་པ་དང་བོ)

རུས་རྐང་དང་ཁྲག་ཐིགས་རེའི་བར་ན།།
བདེན་པ་དང་ལ་རྒྱལ་ཡིས་ཕྱུག་ཡོད།།
རུས་རྐང་དང་མཆོད་མེ་རེའི་བར་ནས།།
ཞི་བདེ་དང་གཅིག་སྒྲིལ་རེ་བསྒྲགས་སོང།།

དེ་ལས་མང་བ་། “རུས་རྐང་གི་མཆོད་མེ།” »

རེབ་ཐོག་མདའ།

ལྷ་བཟང་ཚེ་རིང་།

ཁང་བརྩེགས་མཐོན་པོ་ཞིག་གི་ནང་རོལ་ན།།
ཕྱུག་པོའི་ལུས་ལ་དབུལ་པོའི་ལྷན་པ་ཅན།།
རྡ་སའི་གཙུག་ལག་ཁང་གི་བཞི་མདོ་ན།།
རང་བཙན་མ་ཎི་འདོན་པའི་ནེ་ཙོ་ཞིག།།

རང་དོན་སྦུག་ན་བསྒྲུབས་པའི་རི་གྲོང་ན།།
བླ་མའི་ཐུགས་དགོངས་དཀྲུག་པའི་དུག་ལྕེ་ཅན།།
དཔེ་ཚོང་ཁང་པ་ཆེན་མོའི་སྒོ་འགྲམ་ན།།
སྒོར་མོའི་ལང་ཚོ་རུམ་པའི་རྒད་པོ་ཞིག།།

དེ་ལས་མང་བ་། “བོད་པ་ལ་དུངས་ཞེན་ཡོད་ན་་་་གོང་ས་མཆོག་གི་དགོངས་པ་མ་དཀྲུགས།” »