འབའ་སྲས།
གསུང་སྐད་སྙན་མོ་མ་ཐོས་ལོ་ངོ་དྲུག །
གར་སོང་གང་ཡོད་མ་ཤེས་ལོ་ངོ་དྲུག །
ལོ་ངོ་དྲུག་ལ་དྲན་པའི་མིག་ཆུ་འདི།།
ད་དུང་ལོ་ངོ་ཅི་ཙམ་ཟེགས་དགོས་ཨང་།།
ཡིན་ལུགས་ཤིག།
མགོན་པོ་སྐྱབས།
གཉོམ་ཆུང་མི་ལ་ཐུབ་ཚོད་མ་བྱེད།
རྒྱུ་ཆེན་མི་ལ་ངོ་དགའ་མ་བྱེད།
རང་ཚུགས་ཐུབ་པའི་བརྟན་བརླིང་མེད་ན།
མི་གཤིས་ངོ་མའི་རིན་ཐང་བརླགས་འགྲོ།
མི་ཚེ་འགྲུལ་བཞུད་ཀྱི་ཁ་དོག
རེབ་ཐོག་མདའ།
ཕ་མ།
སྨུག་སྤྲིན་ལང་ལོང་སེམས་པའི་ངོགས་ལ་ཐིབས།།
དྲན་གདུང་མིག་ཆུ་ནམ་མཁའི་མཐའ་རུ་ཟགས།།
ཁ་བའི་སྐྲ་ལོ་འཁུར་བའི་རྒྱང་རིང་གི།།
བྱམས་བརྩེ་འོ་མའི་ཐིགས་པ་སྙིང་ལ་འཁྱིལ།།
རུས་རྐང་གི་མཆོད་མེ། (ཚན་པ་གསུམ་པ།)
རྔ་བ་ཀུན་བཟང་སྒྲོལ་མ།
ང་དགུའི་སྔོན་གྱི་ཁ་བའི་ལྗོངས་འདིར།།
བདེ་སྐྱིད་ཉིན་མ་ཀུན་ནས་འཕྲོ་བས།།
ཆོས་ལྡན་གངས་ལྗོངས་བྷོ་ཏའི་ཡུལ་ཞེས།།
འཛམ་གླིང་སུམ་གཉིས་ཁྱོན་ལ་གྲགས་སོང་།།
ཤམ་བྷ་ལའི་ཚོགས་འདུ།
སྙན་བཟང་གཡུང་དྲུང་ཚེ་རིང་།
ཤམ་བྷ་ལའི་ཚོགས་འདུ་ཚོགས་ཟིན་པ་འདྲ། ‘‘ཐུ་བྷོད་ཀྱི་ས་ཆ་ན་མེ་འབར་བཞིན་ཡོད་ནའང་། ཐང་གི་ཕྱོགས་ན་གླུ་ལེན་བཞིན་འདུག’’ ‘‘འདིར་བཞུགས་ཀྱི་སྐྱེས་ཆེན་རྣམ་པ་སྔོན་ཆད་ཐུ་བྷོད་ཀྱི་རྒྱལ་པོ་དང་བློན་པོར་བཞུགས་སྟབས། ཉམས་མྱོང་ཅན་ཤ་སྟག་རེད།’’ ‘‘ཐུ་བྷོད་མི་རིགས་ལ་བཅངས་པའི་ལར་ཞེན་དང་བརྩེ་བ་ཁྲག་ལ་འགོས་པ་ཇི་བཞིན་ཡོད་པ་རེད།’’ ‘‘དེས་ན་ང་ཚོས་ཐུ་བྷོད་ལ་ཞབས་འདེགས་ག་རེ་བསྒྲུབ་ཐུབ་བམ།’’ རེས་གསལ་རེས་ཡིབ་ཀྱི་ཚིག་འདི་དག་སུས་གསུང་གི་ཡོད་མེད་མི་ཤེས་ནའང་། རིགས་ལྡན་རྒྱལ་པོའི་སྒོ་དང་སྒེའུ་ཁུང་དག་ལས་ཆད་མ་མཐུད་ཀྱིས་གྲག་ཡོང་།
རང་གིས་རང་ལ་གསལ་བཏབ་པ།
ཀླུ་རྒྱལ་ཚེ་རིང་གིས།
———-
༡༩༥༩ ལོའི་སྔོན་ལ་མཚོན་ན་བོད་མིའི་ཡིག་རྨོངས་པའི་གྲངས་འབོར་དེ་ཆེན་པོ་ཡིན། བོད་མི་ཡོངས་རྫོགས་ཆོས་དད་པ་ཡིན་ལ། ང་ཚོས་བོད་མི་རྣམས་ནི་རིའི་རྒྱལ་པོ་རི་རབ་དང་བཅས་པའི་གླིང་བཞིའི་ཡ་གྱལ་འཛམ་བུ་གླིང་དུ་འཚོ་བཞིན་ཡོད་པར་ཡིད་ཆེས་བྱས་ཡོད། ཉི་མས་རི་རྒྱལ་གྱི་སྐེད་ཅིག་ནས་བསྐོར་བ་བྱེད་ཀྱི་ཡོད་པར་ཡིད་ཆེས་བྱས་ཡོད། ༢༠༡༢ ལོར་སླེབས་སྐབས་དེ་ལྟར་ཡིད་ཆེས་བྱེད་པའི་བོད་མི་ཧ་ལམ་ཉིན་མོའི་སྐར་མ་ཙམ་ཡིན། བོད་ཡིག་ཤེས་མཁན་གྱི་བོད་མིའི་གྲངས་འབོར་ཀྱང་སྔོན་དང་བསྡུར་ན་ཧ་ཅང་ཚད་མཐོ་པོར་གྱུར་ཡོད།
ཨེ་མ། ཨིན་བོད་ཀྱི་འགྱུར་འདི་གཉི༷ས་བསྡུར་ནས་གཟིགས་དང་།
བུ་རམ་ཤིང་བར་མཐུ་མཉམ་བུ་རམ་ཤིང་བའི་རྒྱུད།།
ཐུབ་དཀའ་ཤཱཀྱ་རྣམས་ལ་སྤྱོད་པ་རྣམ་དག་པ།།
འཕྲོག་བྱེད་ཟླ་བ་ལྟ་བུར་སྐྱེ་དགུ་རྣམས་ལ་སྡུག།
རྒྱལ་པོ་ཟས་གཙང་ཞེས་བྱའི་མིང་ཅན་བྱུང་བར་གྱུར།།
In ikshvaku’s line, equal to ikshvaku in might,
Among the invincible Shakyas, was born a king,
Loved by his people like the autumn moon,
pure in conduct, Shuddhodana by name.
དེ་ལས་མང་བ་། “ཨེ་མ། ཨིན་བོད་ཀྱི་འགྱུར་འདི་གཉི༷ས་བསྡུར་ནས་གཟིགས་དང་།” »
ཚངས་དབྱངས་རྒྱ་མཚོར་སེམས་གསོ་ཞུ་བ།
རས་པ།
—- དྲ་ཐོག་ནས་ཚངས་མགུར་གྱི་བགྲོ་གླེང་ཞིག་ལ་ཟུར་ཉན་བྱས་རྗེས་བྲིས།
རྒྱལ་དབང་ལགས
ཁྱེད་ལ་ཐུགས་ཁག་མེད་དེ
ཁྱེད་ཀྱི་སྙན་ངག་དུམ་བུ་རེ་རེར་འགོས་པའི་མིག་ཆུའང
ཁོ་ཚོས་ཁ་སྐོམ་གདུང་བས་མནར་བའི་བྱེ་ཐང་གི་མི་ཞིག་ནང་བཞིན
འཐུང་ཚར་ཞིང འཐུང་ཚར་རྗེས་དེ་ནི་བདུད་རྩི་རེད་ཅེས་བཟི་གཏམ་བཤད
རྒྱལ་བའི་བཀའ་དྲིན།
ཨ་འདུས་མིག་ཆུ།
-རྒྱུན་མཐུད་སྙན་ངག་རིང་མོ།
སྐུ་དྲག་རིང་ལུགས་མེ་ལྕེ་བཞིན་དུ་ཤུགས་ཀྱིས་འབར་བའི་དུས་སྐབས་སུ།།
གངས་ཅན་འགྲོ་རྣམས་གདུང་ཡོས་དྲག་པོའི་ལུས་སེམས་མ་ལུས་རྒུད་སྐབས་སུ།།
རྒྱ་དམར་ཁྱི་དམག་རླུང་ཡན་བཞིན་དུ་ཕྱོགས་སུ་མཆེད་ནས་ཡོང་སྐབས་སུ།།
གངས་ཅན་པ་རྣམས་ཉམ་ཆུང་བདག་མེད་ཁེར་རྐྱང་གྱུར་བའི་དུས་སྐབས་སུ།།
སྐུ་དྲག་རྣམས་ནི་གནམ་ལ་འཕུར་ཞིང་ས་ལ་འཛུལ་ལ་ཉེ་བའི་ཚེ།།
བརླ་བཙོང་བ་རྣམས་ལྕེ་རྩེ་དྲུད་ནས་རྒྱ་རྐུབ་ལྡག་ལ་བརྩོན་པའི་ཚེ།།
བོད་མིའི་ཆོས་སྲིད་གསེར་གྱི་འཁོར་ལོ་སྣུམ་ཟད་མར་མེར་གྱུར་བའི་ཚེ།།
གངས་ཅན་འགྲོ་རྣམས་ཐང་ལ་སྟོར་བའི་བྱིའུ་ཕྲུག་སྣང་བཞིན་གྱུར་བའི་ཚེ།།
འདྲ་པར་ཞིག
བྱམས་པ་ལྷུན་གྲུབ་ཀྱིས་དབྱིན་ཡིག་ནས་བོད་སྒྱུར་བྱས།
སྦྱར་པར་དེ་ཡིས་བུ་མོ་སྤུན་གཉིས་དེས་ཆུ་འབོག་རྒྱབ་དུས་ཀྱི་གནས་སྟངས་ཇི་ལྟར་ཡོད་མེད་ང་ལ་སྟོན་གྱི་འདུག་ལ། ཁོ་མོ་གཉིས་རེ་རེ་བཞིན་ངའི་ཨ་མའི་ཕྱག་རེར་འཇུས་ནས་འདུག བུ་མོ་ཆེ་བ་དེ་ལོ་བཅུ་གཉིས་སམ་དེ་ལས་ཆེ་ཙམ་ཞིག་འདུག ཁོང་མོ་གསུམ་ཆ་ཙོག་གེར་ལངས་ཏེ་སྐྲ་གསེབ་ནས་འཛུམ་དམུལ་དམུལ་ངང་། ལག་པར་པར་ཆས་ཐོགས་པའི་ཨ་ཁུའི་ཕྱོགས་སུ་བལྟས་ནས་འདུག ངའི་ཨ་མའི་ཞལ་རས་ནི་ཆེས་ཡིད་དུ་འོང་བ་ཞིག་འདུག་ལ། དེ་ནི་ང་མ་སྐྱེ་གོང་ལ་བརྒྱབས་པའི་པར་ཞིག་རེད། ཁོང་ཚོའི་འཇིགས་སུ་རུང་ལ་སྐད་ཅིག་མའི་རྐང་པ་དེ་དག་བཀྲུས་སའི་མཚོ་དེ་ནི་ད་ཆ་ཡང་གཏན་ནས་འགྱུར་མེད་པ་ཞིག་ཏུ་སྣང་།
བུ་མོ་དེའི་ཚབ་དུ།
མྱི་ལྟིག
_རང་ཡུལ་གྱི་བུ་མོ་ཆུང་ཆུང***མགྲོན་ཁང་ཞིག་ཏུ་གཅེར་བུར་ཕུད་ཡོད་པའི་འདྲ་པར་མཐོང་རྗེས།
འདོམ་གྱི་བུ་ཆུང་འཇིབ་ཀྱང་རྣམ་རྟོག་ལ་མི་འཇིག།།
བྷ་གའི་ཁྱིམ་མཚེས་འདོད་ཀྱང་ན་ཟུག་ལ་མི་འཛེམ།།
སྟེང་འོག་གཡས་གཡོན་གང་དུ་ཅི་འདོད་དུ་བསྐོར་ཆོག།།
མ་བཅོལ་འདྲ་པར་ཞིག་གིས་བརླག་དོན་ནི་འདུག་གམ།།
ཁྲ་ཁྲ་ཆིལ་ཆིལ་མང་བའི་རེབ་གོང་དུ་འཕྲད་ནས།།
དགའ་དགའ་དུངས་དུངས་ཡིན་པས་ཁྱོད་བློ་དང་བསྟུན་ཏེ།།
ནན་ནན་ཏན་ཏན་ཡིན་པའི་ཡིད་ཆེས་ཤིག་འབུས་མོད།།
ཟང་ཟིང་ལང་ལོང་ཡིན་པས་ངའི་བློ་དང་འགལ་འདུག །
རུས་རྐང་གི་མཆོད་མེ།
རྔ་བ་ཀུན་བཟང་སྒྲོལ་མ།།
ཚན་པ་གཉིས་པ།
ལུས་སེམས་དམར་པའི་དར་ཆའི་འོག་ནས།།
རང་ལུས་རིན་ཆེན་མེ་རུ་སྒྲོན་ཐལ།།
རྒན་གཞོན་སེར་སྐྱའི་སྙིང་ནད་འོག་ནས།།
མ་འོངས་རང་བཙན་སླར་གསོ་བྱས་ཐལ།།
ཨ་མའི་ཟུངས་ཁྲག་མཆོད་མེ་ཕུལ་སོང་།།
བྱིས་པའི་སྲོག་རྩ་མུ་གེས་བཅད་ཐལ།།
རྒྱ་འདྲ་དམར་པོས་ཧམ་སེམས་འོག་ནས།།
ས་ཡ་དྲུག་པོའི་མེ་ལྕེ་འབར་ཐལ།།
སྙན་ངག་གི་གས་ཆག
ཀླུ་སྨྱོན།
ལོ་མ་ལྗོན་རྩེ་ནས་འདར་དུས།
དབང་མེད་འགྲུལ་བཞུད་ཅིག་བྱེད་འདོད།།
ཆར་བས་ལྷམ་ཡུ་གཉིས་བརླན་དུས།།།
སྐར་མས་ལམ་སྒྲོན་ཞིག་བྱས་སོང་།།
སྨུག་པ་དུམ་བུ་དང་དུམ་བུས།།
ཕ་གིའི་རི་རྩེ་དེ་དཀྲིས་དུས།།
སྙིང་ཤ་ཚོམ་བུ་དང་ཚོམ་བུ།།
ཕྱོགས་ཕྱོགས་མེ་སྟག་བཞིན་མཆེད་སོང་།།
སེམས་ནས་འཆར་ཡན་ཞིག་འཕྱུར་ཏེ།།
ལག་ནས་སྙན་ངག་ཅིག་བྲིས་པ།།
ཤོག་བྱ་སྐུད་ཆད་ཅིག་འདྲ་བར།།
ནམ་མཁའ་སྟོང་པ་ལ་ཐིམ་སོང་།།
བཙན་བྱོལ་བོད་མི་ཚོ། སྐྱབས་བཅོལ་བ་རེད་དམ་རྒྱལ་ཁབ་ཅིག་གི་མི་སེར་རེད་། (ཕྱི་མ)
༡༩༩༨ལོར་ང་ལ་ཨ་རིའི་ཝ་ཤིན་ཌོན་གྱི་ཕྱི་སྲིད་ལྷན་ཁང་གི་ལས་བྱེད་ཞིག་གིས་ཁ་པར་འབྱོར་ཏེ། རྒྱ་གར་ནས་ཡོང་བའི་ཨ་རིའི་བོད་མིའི་སྐྱབས་བཅོལ་སྤྱི་ཚོགས་ཁྲོད་ཀྱི་མི་ངན་གཏེ་བོ་(པདྨ་དགའ་གཞོན)ཞིག་གི་སྐོར་ལ་སྐད་ཆ་དྲིས་བྱུང་ལ། དོན་དངོས་ཐོག་རྒྱ་གར་ནང་གི་བོད་མི་ཚོ་ཉེན་ཚབས་ཆེ་བའི་གནས་སྟངས་ཤིག་གི་ནང་དུ་ལྷག་ཡོད་མེད་ཀྱང་དྲིས་བྱུང། ངས་རྒྱ་གར་ནང་སྲིད་ལས་ཁུངས་དང་བོད་མིའི་སྒྲིག་འཛུགས།གཞན་གཞུང་འབྲེལ་མིན་པའི་ཚོགས་པ་ཁག་གི་ཡིག་ཆ་དང་མཉམ་དུ་རྒྱ་གར་གྱི་གཏོང་ཕོད་ཆེན་པོའི་སྒོ་ནས་བོད་མིར་རོགས་རམ་བྱས་པ་དང་། རྒྱལ་བ་རིན་པོ་ཆེ་མཆོག་ལ་གུས་བརྩི་ཆེན་པོ་ཞུ་བཞིན་ཡོད་པའི་ལོ་རྒྱུས་བཅས་བསྐུར་བ་ཡིན། དངོས་ཡོད་ཐོག་ནས་མི་སྒེར་རེ་ཟུང་ལ་བརྙས་བཅོས་དང། བཤུ་གཞོག་བྱས་པ་དེ་འདྲ་ཡོད་སྲིད་ཀྱང། སྤྱིའི་ཆ་ནས་རྒྱ་གར་གྱིས་བོད་མིའི་བདེ་རྩར་ཞབས་འདེགས་དང་། བོད་ཀྱི་ཆོས་དང་རིག་གཞུང་བདག་གཅེས་ཀྱི་ཆེད་དུ་ཞབས་ཞུ་སྒྲུབ་པ་ནི་བསྟོད་བསྔགས་བྱེད་འོས་པ་ཞིག་རེད། རྒྱས་པ་སྐར་ཁུང་དྲ་བ་བརྒྱུད་ཀློགས།
རྒྱ་ནག
བསྟན་འཛིན་གཉེན།
རྒྱ་ནག ངའི་སྡུག་བསྔལ་ཐམས་ཅད་འཛིན་ཅིང
སེམས་ཁམས་ནག་འཐོམས་མེར་གཏོང་བའི་ཐ་སྙད་ཅིག
བོད ཁྲག་དང་ཤ་འཁོན་གྱིས་བཏུམས་པའི
མནར་གཅོད་ཀྱི་འཇིག་རྟེན་ཅིག་ཡིད་ངོགས་སུ་བསྐྲུན་པའི་ཐ་སྙད་ཅིག
ང་སྐྱེས་དགོས་དོན་ཡང རྒྱ་ནག་ལ་ཁོང་ཁྲོ་དང་ང་རྒྱལ་ལངས་ཆེད་དུ་ཡིན་པ་འདྲ་བས
དགོངས་སེལ་ཞུ་དགོས་པ་ཞིག་ནི ང་བླ་མའི་བཀའ་ལས་འགལ་བཞིན་པ་དེ་རེད
བཙན་བྱོལ་ནང་གི་ཚོགས་པ་སྐྱིད་སྡུག་ཁག་ལ་ཞུ་རྒྱུར།༼བོད་འབྱོར༽
ལྷག་དཀར་གྱིས།
——-
བཙན་བྱོལ་ནང་གི་ཚོགས་པ་སྐྱིད་སྡུག་ཁག་ལ་ཞུ་རྒྱུར། དེ་རིང་བོད་ཀྱི་དུས་བབ་གསར་ལམ་ནས་ཚོགས་སྐྱིད་༡༡གི་གསལ་བསྒྲགས་ཅེས་པ་དང་ཁ་བརྡ་དྲ་ཚིགས་བརྒྱུད་ནས་རེབ་ཐོག་མདའ་ཟེར་བ་ཞིག་གིས་བྲིས་པའི་བོད་པ་ལ་དུང་ཞེན་ཡོད་ན་གོང་ས་མཆོག་གི་དགོངས་པ་མ་དཀྲུག་ཅེས་པའི་རྩོམ་དེ་གཉིས་མཐོང་ནས་སེམས་པ་མི་སྐྱིད་པ་ཅིག་བྱུང་སོང་། རྒྱུ་མཚན་བོད་ནང་གི་མི་མང་པོ་ཞིག་ལ་མཚོན་ན་ནམ་རྒྱུན་རྒྱ་ནག་གི་དམ་དྲག་པའི་སྟངས་འཛིན་འོག་ན་བཙན་བྱོལ་ནང་གི་གནས་སྟངས་ཕྲ་ཞིང་ཕྲ་བ་རེ་རེར་མིག་ལྟོས་དང་རེ་བ་བྱེད་ཀྱི་ཡོད་པ་བཞིན། ཉེ་སྔོན་༧གོང་ས་མཆོག་ནས་ལ་དྭགས་དང་ཨོ་སི་ཁྲི་ལི་ཡ་ནས་གསུངས་པའི་བཙན་བྱོལ་བོད་གཞུང་གི་མིང་བརྗེ་སྒྱུར་ཐད་ཀྱི་གསུང་བཤད་གང་ལའང་མཚོན་ནའང་ཁོང་ནས་བོད་པ་སྤྱི་བའི་ལས་དོན་ལ་འཐུས་ཤོར་ཡོང་ཉེན་གྱིས་ཆུ་མ་ཡོང་གོང་གི་རགས་བྱས་ཏེ་ཚང་མའི་བྱ་བ་གང་ལའང་བབ་ཅོལ་བྱེད་མི་ཉན་པའི་ཉེན་བརྡ་བཏང་བ་ཙམ་ལས་ཚོགས་པ་དང་ཚོགས་པའི་བར་དུ་བསྒྲགས་གཏམ་སྤེལ་ནས་ངོ་རྒོལ་བྱེད་རྒྱུ་ཞིག་ཡེ་ནས་གསུང་མི་འདུག་པར་བསམ།
དེ་ལས་མང་བ་། “བཙན་བྱོལ་ནང་གི་ཚོགས་པ་སྐྱིད་སྡུག་ཁག་ལ་ཞུ་རྒྱུར།༼བོད་འབྱོར༽” »
བཙན་བྱོལ་དུའང་བུད་མེད་སྙན་ངག་པ་ཞིག་འདུག།
ཤར་ཕྱོགས་ཁུག་རྟ།
བསམ་གླིང་ཚེ་རིང་ལྷ་མོར་འབོད་པའི་བཅད་མ་ཁ་ཤས་མཐོང་འཕྲལ་བྲིས།
བག་ལ་ཉལ་བའི་དམར་ཆུང་སྙིང།།
ལྷོག་ལྷོག་དྲན་པས་དཀྲོགས་པ་ན།།
ཡོངས་འཛིན་དཔའ་བོའི་ངག་རིག་ཆབ།།
ཆུ་ཐིག་རིས་ཀྱིས་ལྷ་མོར་ཟགས།།
ཧན་ཧན་། བཏགས་ནོར་དང་རླངས་འཁོར་འགྲན་བསྡུར་། ཞིབ་བཤེར་བཅས་ཀྱི་ཐད་ལ།
༡༠ ད་ལྟའི་རྒྱ་ནག་གི་ཆབ་སྲིད་ལམ་ལུགས་ལ་མཚོན་ན། མི་རྣམས་ཀྱིས་གླེང་གཞི་ཆེ་ཤོས་ནི་རྒྱ་ནག་གི་སྟོབས་ཤུགས་དང་ཕྱི་གླིང་གི་རིག་གནས་ཤུགས་རྐྱེན་དང་དེའི་ནུས་པའི་སྐོར་ནས་རེད། ཁྱེད་ཀྱི་རྩོམ་ཡིག་རྣམས་དབྱིན་ཡིག་ནང་བསྒྱུར་ཏེ་དཔར་བསྐྲུན་བྱེད་པ་ནི། དངོས་སུ་རྒྱ་ནག་གི་དེང་དུས་རིག་གནས་ནུབ་གླིང་གི་སྤྱི་ཚོགས་སུ་ནང་འདྲེན་བྱེད་པའི་དཔེ་མཚོན་རེད་ཅེས་བཤད་ཆོག་གི་རེད། ཁྱེད་ཀྱིས་དེབ་ལ་ནུབ་གླིང་གི་མི་ཚོས་གླེང་སློང་བྱ་གི་རེད་ལ། ཡང་ན་ཤུགས་རྐྱེན་ཇེ་ཆེར་འགྲོ་བའི་གོ་སྐབས་ཡང་ཡོད་སྲིད། ཁྱེད་ཀྱིས་རང་གི་དེབ་ཀྱིས་འདི་ལྟ་བུའི་ལེའུ་ཞིག་བཟུང་ཡོད་པར་ལྟ་ཚུལ་གང་འདྲ་ཡོད་དམ། རྒྱས་པ་སྐར་ཁུང་དྲ་བ་བརྒྱུད་ཀློགས།
རུས་རྐང་གི་མཆོད་མེ།
རྔ་བ་ཀུན་བཟང་སྒྲོལ་མ།
(ཚན་པ་དང་བོ)
རུས་རྐང་དང་ཁྲག་ཐིགས་རེའི་བར་ན།།
བདེན་པ་དང་ལ་རྒྱལ་ཡིས་ཕྱུག་ཡོད།།
རུས་རྐང་དང་མཆོད་མེ་རེའི་བར་ནས།།
ཞི་བདེ་དང་གཅིག་སྒྲིལ་རེ་བསྒྲགས་སོང།།
བོད་ཀྱི་ངོ་བོར་འཛིན་པའི་ལྟ་ཚུལ་གསར་པ།
” ང་རང་ཉིད་ཀྱི་ལོ་རྒྱུས་ཀྱང་ཁ་འཐོར་དགུ་འཐོར་ཞིག་ཡིན། དཔེར་ན། ངའི་ཕ་མ་གཉིས་བོད་ནས་བཙན་བྱོལ་ལ་ཡོང་བ་དང་། ང་སྐྱེ་ས་རྒྱ་གར་དང་། འཚར་ས་ཁེ་ན་ཌ། སློབ་གྲྭ་འགྲིམས་ས་ཨིན་ལན་ཌི་ཡིན། མི་འདྲ་བ་མང་དག་ཅིག་འདྲེས་ནས་ཡོད་པ་འདིས་ང་ལ་བག་ཆགས་ཅི་ཞིག་བཞག་ཡོད་དམ། བོད་མི་ག་ཚོད་ཅིག་གིས་ཁོར་ཡུག་གཞན་ཞིག་གི་ནང་འཐིམ་སྟེ་འགྲོ་ལུགས་མང་པོ་ཞིག་ལ་གོམས་འདྲིས་བྱེད་དགོས་ཀྱི་ཡོད་པ་དང་། དུས་ཡུན་ཐུང་ཐུང་ཞིག་གི་ནང་ཁོར་ཡུག་དང་གོམས་གཤིས་སོགས་ལ་བསྟུན་ཐུབ་པ་བྱུང་བར་བསམ་གྱིན་བསམ་གྱིན་ང་ཡ་མཚན་སྐྱེ་ཡི་འདུག རྒྱ་ནག་གིས་དབང་བསྒྱུར་མ་བྱས་གོང་གི་བོད་ཀྱི་ངོ་བོ་དེ་འགྱུར་ཚར་བ་རེད། ང་ཚོའི་མགོ་ཐོག་ཏུ་འཆར་བའི་ཉི་མ་དེ་སྔར་བཞིན་བོད་ཀྱི་ཉི་མ་མིན་པར། ཉིན་མོ་སྣང་བར་བྱེད་པའི་ཉི་མ་གསར་པ་ཞིག་ཏུ་གྱུར་བ་རེད། འོན་ཀྱང་ཉི་མ་གསར་པ་དེས་དེང་སང་ང་ཚོས་རང་ཁྱིམ་དུ་འབོད་པའི་རྒྱ་གར་དང་། བལ་ཡུལ།…