མི་གསོན་པོ།

གཙུག་ལག་སློབ་གྲྭ་འདིའི་ནང་དུ་དགའ་སྐྱིད་སྤྲོ་གསུམ་དང་ལྡན་པའི་འཚོ་བ་རོལ་ཏེ་ལོ་ངོ་ཧྲིལ་པོ་གསུམ་བརྒལ་ཟིན་པའི་དེ་རིང་། ངས་སྦྱངས་འབྲས་ལ་གདེངས་ཚོད་རྙེད་པ་དང་གཟེངས་སུ་ཐོན་པའི་གྲུབ་འབྲས་བླངས་པའི་ལོ་རྒྱུས་ཤིག་བཤད་རྒྱུ་མེད་ཀྱང་སོ་སོའི་དབྱིན་སྐད་ཀྱི་ཤེས་ཚད་ལ་དཔག་པའི་བློ་བསྐྱེད་དང་ཉམས་མྱོང་རྟོགས་སད་སོགས་གང་ཐད་ནས་རང་ཉིད་ཀྱི་མི་ཚེ་ནང་དུ་གཟི་བརྗིད་ཀྱི་ལོ་རྒྱུས་མཐོ་རུ་བཏང་བའི་བྱ་གཞག་ཅིག་བསྐྲུན་ཡོད་པའི་ངེས་ཤེས་ཀྱིས་སེམས་ཚོར་སྙིང་ཁམས་སྨིན་པས་སེམས་པ་ནི་དགའ་སྤྲོས་ཁེངས།

དེ་ལས་མང་བ་། “སློབ་ཐོན་གྱི་གཏམ།” »

ལོག་སྨྲ་ཚར་གཅོད།

མཆོད་རྟེན་ནི་གྲོངས་ཟིན་པའི་སྐྱེས་བུ་ག་གེ་མོའི་དྲན་རྟེན་གྱི་བང་སོ་ཞིག་ཡིན། དེ་ཇི་ལྟར་ཞེ་ན། སྤྱིར་ནང་པའི་ཡུལ་གྲུ་ཚང་མར་མཆོད་རྟེན་མང་ལ་ལྷག་པར་ང་སྡོད་སའི་ལུང་པ་འདིའི་ནང་མཆོད་རྟེན་ཧ་ཅང་མང་བས་ལེ་ཝར་གཅིག་གི་ས་ཙམ་བསྐྱོད་ན་ཧ་ལམ་མཆོད་རྟེན་བཅུ་ཕྲག་ཙམ་མཇལ་ཐུབ། ཉིན་ཞིག་རི་མགོར་གསེར་གྱི་མཆོད་རྟེན་ཧ་ཅང་རྩ་ཆེན་ཞིག་ཡོད་པ་དེར་མཇལ་སྐོར་དུ་སོང་བའི་ལམ་བར་དུ་སྤང་དང་ཤིང་ནགས་ཀྱི་མཚམས་ཤིག་ལ་སྤྲེའུ་ཁྱུ་ཚོགས་ཤིག་གིས་མྱ་ངན་གྱི་རྣམ་པར་སྒོར་སྒོར་བྱས་ནས་ཚང་མས་དབུས་སུ་མིག་གཡོ་འགུལ་མེད་པར་བལྟས་ཏེ་ཡོད་པ་ཞིག་མཐོང་བྱུང་།

དེ་ལས་མང་བ་། “མཆོད་རྟེན་གྱི་བྱུང་རབས་གླེང་བ།” »

སྨིན་སྣང་མཛེས།

དང་པོ།

རང་ཉིད་ལ་མཚོན་ན་གླུ་སྙན་མོ་ཞིག་ལེན་མི་ཤེས་ཀྱང་གླུ་ལེན་རྒྱུར་དགའ་བ་དང་སྙན་ངག་ཡག་པོ་ཞིག་གྱེར་མི་ཤེས་ཀྱང་སྙན་ངག་ལ་དགའ་བ་ནི་ང་ལ་རྩྭ་ཐང་གི་འཚོ་བ་སྐྱིད་པོ་དེས་བཞག་པའི་བག་ཆགས་ཟབ་མོ་ཞིག་ཀྱང་ཅིས་མ་ཡིན། ལྷག་པར་ཏུ་སྦྲ་འདབས་ནས་སྐྱེས་ཤིང་སྦྲ་འདབས་ནས་འཚར་ལོངས་བྱུང་བའི་ཁོ་མོར། སྦྲ་ནག་ཅེས་པའི་མིང་དེས་ཀྱང་ཚོར་བ་དམིགས་བསལ་བ་ཞིག་སྤྲད་པ་ནི་རྒྱུན་ལྡན་གྱི་སྣང་ཚུལ་ཞིག་རེད།

དེ་ལས་མང་བ་། “སྦྲ་ནག་ཚང་གི་སྐབས་དང་པོའི་དགོང་ཚོགས་ལ་ཕྱིན་པའི་མྱོང་ཚོར།” »

སེར་ཤུལ་རིན་ཆེན་དོན་གྲུབ།

ཏང་དང་དོལ་ཚོགས།

འདོད་རྔམ་རང་ལུགས་ཀྱི་གཡའ་རྩི་མ་དག་པའི་དེང་གི་སྤྱི་ཚོགས་སུ་རང་ཉིད་དང་རང་གི་ཁེ་ཕན་གྱི་ཆེད་དུ་ཅི་ཡང་བྱེད་སྲིད་པ་ནི་རྒྱུན་ལྡན་ལྟར་སྣང་ལ། བྱེད་བཞིན་པའང་མང་དུ་མཐོང་། དེ་དག་ལས་གཅིག་ནི་དོལ་རྒྱལ་བསྟེན་གསོལ་བྱེད་མཁན་གྱི་ཕྱི་སྡོད་བོད་པ་ཉུང་ཤས་ཤིག་དང་། དེའི་འབྲེལ་ཡོད་ཀྱི་ཕྱི་རྒྱལ་བ་ཁག་ཅིག་གི་བྱེད་སྟངས་མངོན་གསལ་བ་དག་རེད། ཁོང་ཚོས་རྒྱ་ནག་གཞུང་དང་འབྲེལ་བ་བྱས་ནས་ཏང་གི་བཀའ་གསུང་དང་ལེན་གྱིས་རང་གི་འཚོ་ཐབས་ཡར་རྒྱས་གཏོང་བཞིན་པ་དང་།

དེ་ལས་མང་བ་། “དོལ་རྒྱལ་བ་ཚོའང་མི་ཡིན།” »

ཚེ་བརྟན་ཆུང་བ། རང་ལོ་༡༤ འཛིན་རིམ་༡༠ (དཔེ་སྟོན་སློབ་གྲྭ)

དེ་རིང་རྒྱལ་སྤྱིའི་དཔེ་ཀློག་གི་ཉིན་མོ་ཡིན་ཙང་གུས་མོ་ངས་བཀླགས་པའི་དཔེ་དེབ་འདིའི་མྱོང་ཚོར་ཞིག་དེ་རིང་གི་ཉིན་མོ་འདི་གུས་བརྩིའི་ཆེད་དུ་མདོར་བསྡུས་ཤིག་ཞུ་འདོད་བྱུང།
གུས་མོ་ངས་བཀླགས་པའི་དཔེ་དེབ་ནི་རི་རྩེའི་སྤྲིན་དཀར་ཟེར། རི་རྩེའི་སྤྲིན་དཀར་གྱི་རྩོམ་པ་པོ་ནི་ཚེ་རིང་དབྱངས་སྐྱིད་ལགས་རེད། ཚེ་རིང་དབྱངས་སྐྱིད་ནི་སྤྱི་ལོ་༡༩༨༢ལོར་བོད་ལྗོངས་སློབ་གྲྭ་ཆེན་མོ་ནས་ཐོན་ནས། ད་ལྟ་ལྷ་སའི་སློབ་འབྲིང་ཞིག་གི་ནང་དུ་དགེ་རྒན་ཞིག་བྱེད་བཞིན་འདུག

དེ་ལས་མང་བ་། “དཔེ་དེབ་བཀླགས་པའི་མྱོང་ཚོར།” »

ཨེ་མ་ཧོ།

ན་མོ་གུ་རུ་ཡེ།
རྩ་བརྒྱུད་བླ་མའི་བྱིན་རླབས་སྙིང་ལ་ཞུགས།།
ཡི་དམ་ལྷ་ཡིས་རྗེས་བཟུང་དངོས་གྲུབ་ཐོབ།།
མཁའ་འགྲོ་དམ་ཅན་ལུས་དང་གྲིབ་བཞིན་འགྲོགས།
གང་བསམ་ལྷུན་གྱིས་འགྲུབ་པའི་དགེ་ལེགས་སྩོལ།།
སྐྱབས་གནས་ཀུན་འདུས་ཨོ་རྒྱན་རིན་པོ་ཆེ།།
བཟོད་མེད་གདུང་ཤུགས་དྲག་པོས་གསོལ་བ་འདེབས།།

དེ་ལས་མང་བ་། “གངས་ལྗོངས་ཨེ་ཝྃ་ཇོ་མོ་གླིང་ལ་ཕུལ་བའི་སྙིང་གཏམ་གང་ཤར་མ།” »

བློ་གྲོས་རབ་བརྟན།

ཁ་སང་ནོར་ཝེ་ནས་༧གོང་ས་མཆོག་གིས་དོལ་ཚོགས་སྐད་འབོད་མཁན་ལ་དམིགས་ཏེ། མི་ཚོགས་ལ་བཤད་དོན། ཁོང་ཚོ་ཡག་པོ་རེད། རང་དབང་ལུང་པ་རེད། ཁོང་ཚོ་ལས་ཀ་དེ་ལ་དགའ་བོ་དང་སྐྱིད་པོ་ཡོད་རེད་ཅེས་བཞད་མོ་དང་བཅས་གསུངས་སོང་། དེ་དང་འབྲེལ་ཏེ་ཟླ་འགའི་སྔོན་ཨ་རིའི་སན་ཧྥི་རན་སུ་སི་ཁོ་ནས་ཕྱི་རྒྱལ་བ་ཞིག་༧གོང་ས་མཆོག་དང་ཆེས་ཐག་ཉེ་སར་བཅར་ཏེ་རྩོད་པ་བྱས་པའི་ཐད་ནས་འཐུས་ཤོར་ཞིག་དེ་རིང་གླེང་གི་ཡིན།

ཕྱི་རྒྱལ་བ་དེ་མི་ཚོས་བཤད་ན་ཨ་ནེ་ཞིག་རེད་ཟེར།

དེ་ལས་མང་བ་། “ཐུབ་ཚོད་དང་བརྙས་བཅོས་རེད།” »

མཁན་པོ་བྱམས་པ་བློ་གྲོས།

གུས་རྟག་སྦྱོར་བའི་བསྐལ་བ་བརྒྱ་ཕྲག་མཐར།།
རྣམ་འདྲེན་དུ་མའི་ལེགས་བཤད་སྣང་བ་ཡི།།
མཁྱེན་གཉིས་ཡེ་ཤེས་འདབ་ཡངས་ཆེར་རྒྱས་ཏེ།།
རྒྱལ་བས་མི་ནུབ་སྐྱོང་བའི་སྐལ་བཟང་ཐོབ།།

ཅེས་ཚིགས་བཅད་སྔུན་བསུས་ནས་ཆོས་དང་འཇིག་རྟེན་གང་གིས་ཐད་ནས་ཀུན་མཁྱེན་བླ་མའམ་མཁན་ཆེན་ཚུལ་ཁྲིམས་བློ་གྲོས་ཀྱི་བཀའ་སློབ་ལ་ཨེ་མ་ཧོ།

དེ་ལས་མང་བ་། “དྲང་བདེན་གྱི་བརྡ་ཐོ་ཞིག” »

ཁྲི་རལ་པ་ཅན།

ནམ་རྒྱུན་ཁོམ་ལོང་རེ་ཡོད་དུས་དྲ་ལམ་མྱུལ་ཚེ།ཁ་བརྡ་དྲ་བའི་སྟེང་སྐུ་ཞབས་སྤོབས་པ་མཐའ་ཡས་ལགས་ཀྱིས་བོན་པོ་ཚོ་གདོན་འདྲེ་ལ་བརྩིས་ཏེ་བོན་རྣམས་ཀྱི་སྟེང་བཀའ་བཀྱོན་མང་པོ་ཕེབས་ཀྱིན་ཡོད་ཅིང་། དེ་མཚུངས་སུ་དགེ་ལུགས་པ་ཚོ་ལའང་ཕྱི་མགོ་ནང་བཙོང་སོགས་ཀྱི་སྐྱོན་བརྗོད་མཐའ་ཡས་གནང་གི་ཡོད་མོད། དེ་ནི་བོད་སྤྱི་དོན་ལ་ཤ་ཚའི་གཏམ་ཙམ་ཡིན་རྒྱུ་རེད་སྙམ་སྟེ་དེ་ཙམ་དོ་སྣང་ཆ་འཇོག་མ་བྱས།འོན་ཀྱང་། སྤོབས་པ་ལགས་རིམ་གྱིས་སྨྱོས་ཡོང་གི་འདུག།

དེ་ལས་མང་བ་། “རྐུན་རྒྱབ་ཇག་ལངས།” »

དོན་འགྲུབ་བཀྲ་ཤིས།

གཅིག

བོད་དུ་རང་ལུས་མེར་སྲེག་གནང་བ་དེ་༸གོང་ས་མཆོག་བོད་དུ་ཕེབས་པའི་ཆེད་ཡིན་པ་དང་བོད་བསྟན་སྲིད་ཀྱི་ཆེད་ཡིན་པ་ལ་འགལ་བ་ཡོད་རྒྱུ་ཕར་བཞག་ད་ལྟའི་ཆར་ཁ་བྲལ་ཐབས་མེད་པའི་དོན་གཅིག་མིང་གི་རྣམ་གྲངས་ཡིན། དཔའ་བོ་ཁོང་རྣམས་ཀྱི་ཐུགས་ནང་དེ་གཉིས་དགོས་པ་གཅིག་མཚུངས་སུ་མཐོང་ནས་མེ་ལྕེ་རབ་ཏུ་འབར་བའི་ཀློང་དུ་ཤི་ཁའི་དབུགས་ཐག་གཅིག་དེས་༸གོང་ས་མཆོག་སྐུ་ཚེ་ཁྲི་ལོར་བརྟན་པར་ཤོག བོད་དུ་ཕེབས་དགོས། བོད་རྒྱལ་ལོ་ཞེས་བོད་མི་རྣམས་ཀྱིས་སྙིང་རྡོག་ལ་བྲིས་པའི་ཡི་གེ་དེ་དག་ཆེས་མཐའ་མར་ཐེངས་གཅིག་བཀླགས་ནས་ང་ཚོ་དང་ནམ་ཡང་ཁ་གྱེས་པ་རེད།

དེ་ལས་མང་བ་། “སྤོབས་ལོ་གཉིས་ལ་བགྲོ་བ་ཁོང་སྐྲན་འབྱིན་བའི་རིན་ཆེན་ཟླ་ཤེལ་གསར་པ།” »

དཔའ་ཆེན་དོན་གྲུབ།

ང་སློབ་ཆུང་དུ་འགྲོ་དུས་ཚབ་ཁྲིད་དགེ་རྒན་ཞིག་ཡོད། སྐབས་དེར་ཚབ་ཁྲིད་དགེ་རྒན་ལ་དགེ་རྒན་གླས་མ་ཟེར། དགེ་རྒན་གླས་མ་ནི་རྒན་ཡོལ་རྗེས་སུ་རྒས་ཕོགས་མེད་པ་དང་། ཟླ་རེའི་ཟླ་ཕོགས་དགེ་རྒན་གཞན་དག་ལས་དམའ་བ་ཡིན། ཡིན་ཡང་། སློབ་ཁྲིད་ཀྱི་ལས་འགན་ཁོ་ཚོ་གཅིག་པ་ཡིན། མཚམས་ལན་རེར་དགེ་རྒན་གླས་མ་ཚོར་ལས་འགན་ལྗི་བ་ཡོད་པ་རེད། ང་ལ་དགེ་རྒན་གླས་མ་ཁོང་གིས་རྩིས་རིག་གི་སློབ་ཁྲིད་གནང་མྱོང་ཞིང་། ཁོང་ནི་ག་ལེར་དགེ་རྒན་དངོས་མ་ཆགས་ཡོད།

དེ་ལས་མང་བ་། “ཚབ་ཁྲིད་དགེ་རྒན་གྱི་དཀའ་ངལ་ནི་སློབ་གསོའི་གནད་དོན་ལ་ཐུག་ཡོད།” »