ཆ་རུས།

སྙིང་ལ་ཟུག་པའི་རྒྱབ་གཟུགས་ཏེ།
མཛེས་པ་ལ་ནི་བརྗོད་མི་ནུས།
དྲག་ཆར་རླུང་འཚུབ་ཇི་ཙམ་བཙན་ཡང་།
བདག་ནི་སྲུང་མ་ལྟར།
ཁྱེད་རང་གར་འགྲོ་གང་འདུག་གི་རྒྱབ་གཟུགས་ན།
མིག་ཟུང་ཅེར་ཏེ་མཆིས།

དེ་ལས་མང་བ་། “ཕྱིར་མིག་ཐེངས་གཅིག་ལྟོས་དང་།” »

རེབ་ཐོག་མདའ།

གནམ་གྱི་རྒྱལ་མོའི་བཀའ་ལུང་མ་ཡིན་ལ།།
ས་ཆེན་གོ་ལའི་འབྲས་སུ་མ་སྨིན་པས།།
ཀ་ཁ་སུམ་ཅུའི་དབྱངས་རྟ་སྙན་མོ་འདི།།
ང་དང་ཁ་བ་རི་བའི་བླ་སྲོག་ཡིན།།

བཙན་གྱིས་བསླབས་པའི་ཕྱི་སྐད་མ་ཡིན་ལ།།
སྒོར་གྱིས་བླུས་པའི་བྱ་དངོས་མ་ཡིན་པས།།

དེ་ལས་མང་བ་། “བདག་གི་བླ་སྲོག” »

ཚེ་རིང་།

ཁོའི་སྟེང་ན་ལྷན་སྐྱེས་ཀྱི་འོད་སྣང་ཞིག་ཡོད་ལ
མུན་པ་རུབ་མཚམས་སུ
མཚན་སྨག་དང་འདྲེས་པའི་འོད་ཟེར་ལྗང་སེར་དེ་ནི
ཧ་ཅང་ཡིད་དུ་འོང་བ་ཞིག་ཡིན

འོན་ཀྱང་འོད་སྣང་ཆུང་ཆུང་ཞིག་དང
རབ་རིབ་ཅིག་ལས་མེད་པས
གཞན་གྱི་མུན་པ་སེལ་མི་ནུས་པར་མ་ཟད
ཐ་ན་རང་གི་མདུན་ལམ་ཡང་མཐོང་དཀའ

དེ་ལས་མང་བ་། “སྲིན་འབུ་མེ་ཁྱེར།” »

རེབ་ཐོག་མདའ།

སྐྱེ་རྒ་ན་འཆི་འཁོར་བའི་གཤིས་སུ་གྲུབ།།
ལས་དང་ཉོན་མོངས་སྒྱུ་མའི་རང་བཞིན་ཉིད།།
བདེ་སྡུག་ཚོར་བས་གྲུབ་པའི་མྱི་ཚེ་འདི།།
ཞིབ་ཏུ་བསམ་ན་མཚན་གྱི་རྨི་ལམ་བཞིན།།

སྲིད་པའི་འབྱོར་བ་མི་རྟག་གློག་གི་གར།།
འཁོར་བའི་ཕུན་ཚོགས་འདུ་བྱེད་ལས་ཀྱི་འབྲས།།

དེ་ལས་མང་བ་། “སྤྱོད་འཇུག་ཆེན་མོ་ལས་རྙེད་པའི་ཚོར་འདུ།” »

ཨེ་མ་ཧོ།

ན་མོ་གུ་རུ་བུདྡྷ་ཛྙྰ་ན་ཡེ།
འཛམ་གླིང་མུན་པ་ནག་པོའི་ཀློང་ཀ་ན།།
ཨེ་ཝྃ་འོད་གསལ་སྙིང་པོ་སྟེར་པའི་མགོན།།
མ་འདྲིས་མཛའ་བཤེས་དམ་པ་ཤཱཀྱའི་སྲས།།
ཤེས་རབ་བསྟན་པའི་སྒྲོན་མེ་རྒྱལ་གྱུར་ཅིག།།
བདུད་དང་གདོན་གཟུགས་མུ་སྟེགས་ས་ཆེན་འགེངས།།
ཡང་དག་ལམ་བཟང་མི་ཤེས་དམུས་ལོང་ཚོགས།།

དེ་ལས་མང་བ་། “ཆོས་འཁོར་དུས་དྲན་རབ་གསལ་རྡོ་རྗེ་ཕ་ལམ་གྱི་མེ་ལོང་།” »

རས་པ།

གྲོགས་པོ་ཚོས་ནམ་རྒྱུན་བཤད་རྒྱུར
ཡང་གནམ་རྒན་མ་ངུས་སོང་ཟེར
གྲོགས་པོ་ཚོས་ནམ་རྒྱུན་བཤད་རྒྱུར
ལམ་འགྲམ་ཀུན་ཏུ་འདམ་སྙིགས་ཀྱིས་བཀང་འདུག་ཟེར

བདེན་དེ འཇིག་རྟེན་གྱི་སྙིགས་རོ་ཡལ་འགྲོ་དུས
སྐྱོ་གདུང་གི་སྣང་བ་ཅིས་ཀྱང་དགོས་པ་འདྲ

དེ་ལས་མང་བ་། “དོ་ནུབ་ཆར་རྒྱུན་དང་འགྲོགས་དུས།” »

ཕུ་ཐུང་ནང་ལ་སྲབ་ཀྱི་ལྗིད་ཁོག་བཅུག་དོན

དགའ་ཉག་འཁྱམ་པོ།

མདོ་ཁམས་བྲག་གཡབ་ཡུལ་གྱི་༧སྐྱབས་མགོན་དགུ་པ་ཆེན་པོ་རྗེ་བཙུན་བློ་བཟང་བསྟན་འཛིན་ཆོས་ཀྱི་རྒྱལ་མཚན་དཔལ་བཟང་པོའི་འཁྲུངས་སྐར་ལ་སྒོ་གསུམ་དྭངས་བས་གུས་འདུད་དང་འཚམས་འདྲི་ཞུ། ཁོང་ནི་ཕྱི་ལོ་༡༩༤༠ ཟླ་བ་༧ པའི་ཚེས་༢༧ ཉིན་མདོ་ཁམས་མི་ཉག་ཡུལ་དུ་སྐུ་འཁྲུངས།

མདོ་ཁམས་མི་ཉག་དགེ་བཅུ་ཚང་བའི་སར།།
ངོ་མཚར་ཁྱད་འཕགས་རྟགས་དང་རྟེན་འབྲེལ་ཁྲོད།།

དེ་ལས་མང་བ་། “བྲག་གཡབ་སྐྱབས་མགོན་མཆོག་ལ་ཕུལ་བ།” »

ཨེ་མ་ཧོ།

སྐྱིད་པའི་ཉི་མ་དྲོན་པོ་དགུང་ནས་འཆར།།
ཞིམ་པའི་བཟའ་གཏུང་ལོངས་སྤྱོད་མདུན་དུ་བཤམས།།
མཛེས་པའི་ན་ཆུང་བུ་མོ་དད་དགའ་བཅས།།
བདེ་བའི་ཕྱག་རྒྱ་ཆེན་པོའི་ཚོགས་འཁོར་རོལ།།
ངེས་འབྱུང་རྣལ་མ་སྐྱེས་པའི་རྒྱ་མོ་འདིས།།
ལུས་དང་ལོངས་སྤྱོད་དཀོན་མཆོག་གསུམ་ལ་མཆོད།།

དེ་ལས་མང་བ་། “གདམས་ངག་ཇ་འཐུང་མ།” »

སྐྱ་རེངས།

00
རྡ་ས་ཟེར་ན་ཅི་ཞིག་རེད། རྡ་ས་ཟེར་ན་ཉི་འོད་མི་ཕོག་པའི་བྲག་ཁུང་ཞིག་རེད།
དེའི་ནང་དུ་ང་རྒྱལ་དང་རང་རློམ་གྱི་བྲག་ཅ་འཁོར་ཞིང་། མུན་ནག་དང་གཡོ་རྫུན་མཉམ་དུ་འཐབ།
01
རྡ་ས་ནི་དྲན་ཆོག་པའི་ལྷ་ས་མ་ཡིན་པས། ཁྱེད་ཀྱིས་རྡ་ས་དྲན་པ་དེ།
དོན་དུ། ཁྲམ་པ་ཁྱུ་གཅིག་དྲན་པ་ལགས།
02
དོ་ནུབ། བདག་གིས་ཕ་ཡུལ་དུ་དྲན་མྱོང་པའི་རྡ་ས་གང་དུ་མཆིས།
ཕ་ཡུལ་དུ། ང་ཚོས་ལྷ་ས་ལས་ཀྱང་རྡ་ས་དྲན་མྱོང་བ་སུ་ཡིས་རྟོགས།

དེ་ལས་མང་བ་། “ཕ་ཡུལ་དུ། ལྷ་ས་ལས་ཀྱང་རྡ་ས་དྲན་མྱོང་།” »

ཨེ་མ་ཧོ།

རྩ་རླུང་ཐིག་ལེའི་སྒྱུ་རྩལ་རིག་པ་ལ་བྱང་ནས།།
ས་ཆུ་མེ་རླུང་ནམ་མཁའ་ཐོགས་མེད་རྒྱུ་བའི།།
དྲང་སྲོང་རིག་འཛིན་བརྒྱུད་པའི་ཤུལ་ལམ་དུ་འཕགས་ཞིང་།།
མཐའ་ཡས་རྒྱ་མཚོར་ལྡིང་བའི་ཕོ་རྒོད་ང་སྐྱིད་པ།།

དགོན་དང་གྲྭ་ཚང་འཛིན་པའི་འཁོར་བ་ཡང་མ་མཆིས།།
སྡེ་དང་འཁོར་འབངས་སྐྱོང་བའི་རླབས་ཆེན་ཀྱང་མ་ཡིན།།

དེ་ལས་མང་བ་། “སྐྱིད་གླུ་རྒྱ་མཚོའི་རླབས་ཕྲེང་ཞེས་བྱ་བ།” »

ལོག་སྨྲ་ཚར་གཅོད།

རང་གི་རྐང་འོག་ས་ལྒང་འདི་ཡི་དབྱིབས་ཙམ་འགྲོ་སྟངས་མ་ཤེས་གོང་།།
མ་མཐོང་རྨོངས་བློས་ལྷ་ཡི་ཞིང་ཁམས་སྟོང་དུ་བསྐྲུན་ཏེ་མི་ཚེ་སྐྱེལ།།
ཨེ་མ་གངས་ལྗོངས་མི་རིགས་འདི་ལ་རྨོངས་བློ་སད་པའི་དུས་ཡོད་ན།།
ལྷ་སྒྲུང་རིང་མོའི་གཏམ་རྒྱུད་དོར་ཏེ་དོན་དངོས་འཚོལ་ན་ཅི་མ་རུང་།།

རང་གི་ལུས་ཀྱི་བསམ་བློ་གནས་ས་སྙིང་དང་ཀླད་པ་མ་ཕྱེས་གོང་།།
གསལ་རིག་སེམས་ཀྱིས་ཐམས་ཅད་མཁྱེན་ཞེས་འུར་སྒྲོག་བྱས་ཏེ་མི་ཚེ་སྐྱེལ།།

དེ་ལས་མང་བ་། “རྟོག་སད་རྒན་པོའི་ངུ་སྒྲ” »

ཀ་ཁའི་རྫི་བོ།

མེ་འཁོར་ཞེས་པའི་ལྕགས་སྒམ་རིང་མོའི་ནང་།།
སྐུ་དྲག་དག་གིས་ཀོ་སྒམ་ཆུང་ཆུང་རེ།།
ཁུར་ནས་ང་རྒྱལ་མགོ་བོ་འགྱོགས་ཐབས་སུ།།
རྐུབ་བཀྱགས་རིང་པོ་སྒང་ཚང་ལེབས་སེ་འཛིན།།
ཁྱིམ་བདག་ཕྱུག་པོས་འཁོར་གཡོག་མང་པོ་ཁྲིད།།
ཆུང་མས་བཟའ་བཅའ་བཏུང་བ་ལག་འགྲེམ་བྱེད།།

དེ་ལས་མང་བ་། “མེ་འཁོར་ནང་གི་ལྟད་མོ།” »