དོལ་སྨྱོན།
——-འཛིན་རོགས་གཅིག་པ་བསྟན་སྐྱིད་ལ་ཕུལ།

 
ནད་པ་ལྟ་དུས་སྨན་པ་ཡིན་མཁན།།
གླུ་དབྱངས་ལེན་དུས་གཞས་མ་ཡིན་མཁན།།
སྙན་ངག་འབྲི་དུས་རྩོམ་རོགས་ཡིན་མཁན།།
ཁྱེད་རང་དེང་སང་བདེ་མོ་ཡིན་ནམ།།

དཔེ་དེབ་ཀློག་ལ་དགའ་བོ་ཡོད་མཁན།།
ཟིན་ཐོ་འབྲི་ལ་སྤྲོ་བ་ཡོད་མཁན།།

དེ་ལས་མང་བ་། “ཁྱེད་རང་དེང་སང་བདེ་མོ་ཡིན་ནམ།” »

སྣང་ཤེས། (ཝར་ཎ)

ངེས་འབྱུང་རྐྱེན་གྱིས་མ་བསྐུལ་སྡོམ་པ་འདི།།
སངས་རྒྱས་སྒམ་པོའི་གཞུང་དང་ཨེ་འགལ་ལམ།།
རྩ་བ་མེད་པའི་རྩེ་མོ་ཆེན་པོ་འདི།།
སེམས་ཅན་དམུན་པོའི་བློ་དང་ཨེ་འཚམས་སམ།།

མེ་ལྟར་འབར་བའི་ཆགས་སེམས་དམར་པོ་འདི།།
ངུར་སྨྲིག་གོས་ཀྱིས་བཏུམས་ན་ཨེ་ཁོག་གམ།།

དེ་ལས་མང་བ་། “སྡོམ་པ་མི་ཐེག་པའི་ཁུར་བོ།” »

འཇམ་གཅེས།

 
རབ་དཀར་གངས་རིའི་ཡུལ་དུ་མཚན་དཔེ་དེ་བཞད་རྗེས།།
ཡངས་པའི་ཁྱོན་འདིར་མཛད་འཕྲིན་དབྱར་ཆུ་ལྟར་རྡོལ་མཛད།།
ལག་ཟུང་ཐལ་སྦྱར་ཅན་གྱི་གོཽ་ཏ་མའི་དགེ་སྦྱོང་།།
དེང་དུས་སྟོན་མཆོག་འཇིག་རྟེན་མགོན་པོ་དེར་བཀུར་རོ།།

སྙིགས་ལྔའི་དྲག་རླུང་འཚུབ་མའི་གདུག་རྩུབ་ཀྱི་ནང་དུ།།
ངན་དགུ་མ་ཚང་མེད་པའི་རང་གཞན་གྱི་བརླང་སྤྱོད།།

དེ་ལས་མང་བ་། “ཕོ་མཚན་འདི་དགོས་མེད་ཡིན།” »

མགལ་དུམ།
———(ཐག་ཉེ་རིང་གི་གློ་ཉེ་དག་ལ་བསྐུར་བའི་སྙིང་གི་ཚིག)
 

རྡོ་ཡི་ཁོག་པར་སྦས་པའི་སྐད་ཆ་དག
རི་བོ་གཡོམ་གཡོམ་འགུལ་བའི་མིག་ཆུ་ལ་འཐིམས་ཡོད།
 
བརྩེ་དུང་ཞགས་ཐག་གིས་རིང་དུ་བཏགས་ཡོད་པས།
མཆི་མ་སྨུག་ལོང་གི་ལྟེ་བར་གཅུད་ཅིང་།
དབུགས་ལེབ་མོ་དག་ཀྱང་ཆུ་བུར་གྱི་ངོས་སུ་འབྱར་ཡོད་སྐད།

དེ་ལས་མང་བ་། “སྙིང་གིས་གློ་བསྟན་པ།” »

ཨེ་མ་ཧོ།

 
ན་མོ་གུ་རུ་དྷརྨ་དྷ་ར་ཡེ།
ཁ་བའི་འདབ་མང་བརྩེགས་པའི་གངས་རིའི་རྩེར།།
སྤྲིན་དཀར་སྨུག་པས་གཏམས་པའི་ཀློང་ཡངས་སུ།།
རི་དྭགས་གཡང་དྭགས་རྒྱལ་པོ་འཇིགས་བྲལ་བ།།
གངས་སེང་དཀར་པོའི་གཡུ་རལ་དགུང་ལས་མཐོ།།
ཕ་ལམ་ཕྲ་རྡུལ་སྤུངས་འདྲའི་རྫ་རིའི་ངོགས།།
ཐང་དཀར་བྱ་རྒྱལ་རྒོད་པོ་ཚང་ཆེན་དུ།།

དེ་ལས་མང་བ་། “གངས་སེང་དཀར་པོའི་གཡུ་རལ་དགུང་ལས་མཐོ།།” »

ཨ་འདུས་སྐལ་བཟང་རྒྱ་མཚོས།

———ངོས་ཀྱི་ཡུལ་དང་ངོས་ཀྱི་མི་མང་ཞེས་པའི་བཀའ་རྩོམ་བཀླགས་རྗེས།

སྙན་འཇེབས་གསུང་གི་འགྱུར་ཁུག་རེ་ན་ལེགས་བཤད་གསེར་གྱི་འོད་ཕྲེང་རེ།།
རབ་དཀར་ཞལ་གྱི་འཛུམ་དམུལ་རེ་ན་སྐྱོ་གདུང་གཤགས་པའི་བྱམས་བརྩེ་རེ།།
ཡིད་འོང་མཉེན་ལྕུག་ཕྱག་རྒྱ་རེ་ན་དད་འདུན་འགུག་པའི་སྒྱུ་འཕྲུལ་རེ།།
བསམ་ཡས་རིག་པའི་འཁྱུག་ཤེད་རེ་ན་འགྲོ་དྲུག་སྐྱོང་བའི་ཟློས་གར་རེ།།

ཁྱོད་ནི་ཚན་རྩལ་རིག་པ་མིན་ཡང་སླད་མར་ཕན་པའི་སྨན་ཕུང་ཞིག།

དེ་ལས་མང་བ་། “ལྷ་མོ་དོན་གྲུབ། ངས་ཁྱོད་འདི་ལྟར་མཐོང༌།” »

རྫ་ཆུའི་ཟླ་བ།

 
སྤྲིན་ཚོམས་མེ་ཏོག་ཁྱོད་ཀྱི་ཕྱོགས་སུ་བཞད།།
སྦྲང་ཆར་བབས་པས་བདག་སེམས་གྲང་ཞིང་བསིལ།།
འབྲུག་སྒྲའི་ཁྲོད་ནས་ཁྱོད་ཉིད་དྲན་ན་ཡང་།།
ཡིད་སེམས་གསོ་བའི་གྲོགས་ཤིག་འཚོལ་ཐབས་བྲལ།།

བདག་ཉིད་གཅིག་པུར་མེ་ཏོག་གྲུ་ཁར་ཁེན།།
གནས་འདིར་སྔར་བཞིན་རང་བྱུང་ལྷིང་འཇགས་ལྡན།།

དེ་ལས་མང་བ་། “དྲན་ཚོར་གྱི་ཁ་དོག” »

བཙན་ཁུ་ཚུར་གྱིས།

ནམ་མཁའ་མིན་པའི་ནམ་མཁའི་ངོས་ལ།།
ཟླ་བ་མིན་པའི་ཟླ་བ་དཀར་པོ།།
མཚན་མོ་མིན་པའི་མཚན་མོ་ཞིག་ལ།།
ཡར་ཚེས་དུང་འདྲ་དུང་མདོག་གངས་ཡིན།།
པཎ་ཆེན་སྙིང་སྟོབས་གངས་ཀྱི་གངས་ཡིན།།

གངས་ཀྱི་རང་བཞིན་ཚ་བས་བཞུས་ན།།
ཁྱེད་ཉིད་ཚ་བ་གཞོམ་པའི་སྨན་ཡིན།།

དེ་ལས་མང་བ་། “ཟླ་བ་མིན་པའི་ཟླ་བ་དཀར་པོ།” »

བསྟན་འཛིན་འོད་ཟེར།

ཁ་བའི་འདབས་མ་བརྩེགས་པའི་རི་ཞོལ་དུ།།
མེས་པོའི་རྡོ་མཁར་སྨུག་པོའི་ཞིག་རལ་ཡོད།།
གཙང་བོ་དལ་གྱིས་འབབ་པའི་ཁུག་སོ་རུ།།
བཙན་པོ་དམག་ལ་སོང་བའི་སྨིག་རྗེས་ཡོད།།

རྫ་བྲག་སྤང་གསུམ་འཐབ་པའི་བཙན་རྫོང་ན།།
དཔའ་བོ་གཡུལ་ལ་ཤི་བའི་དུར་ས་ཡོད།།

དེ་ལས་མང་བ་། “ཕྱི་མིག་ཐེངས་གཅིག་ལྟ་དུས།” »

ཀོ་ལི་གྷ་གཞུང་པ་ཚེ་དབང་བསོད་ནམས།

 
ཀ་དག་ཕྱག་རྒྱ་གདོང་ཐོག་བླ་མར་འདུད།།
ཁ་བའི་ཡུལ་འཁྲུངས་ཨ་རིར་གཟུགས་སྐུ་བསྡུས།།
ག་ས་གང་ནས་ཁྱེད་ལ་རྗེས་དྲན་མང་།།
ང་རྒྱལ་སྤངས་པའི་མཆོད་སྤྲིན་ཡིད་ཀྱིས་འབུལ།།
ཅ་ཅོ་མང་བའི་དྲ་འབུའི་བསྟོད་སྨད་ཚིག །
ཆ་རྒྱུས་མ་ལོན་སྨོད་པ་ཉེས་པའི་ཚོགས།།

དེ་ལས་མང་བ་། “གདོང་ཐོག་རིན་པོ་ཆེར་ཕུལ་བའི་རྗེས་དྲན་ཀ་བཤད།” »

ཨེ་ཝྃ་རིག་པ།

 
ཐོག་མེད་ནས་འཁྱམ་པའི་རྣམ་ཤེས་ཕྲ་མོ།།
འགྱུར་མེད་ཀྱི་ལས་སྣང་དབང་བཙན་ཁྲོད་ན།།
བག་ཡང་ངང་རྒྱུ་བའི་ཁེར་རྐྱང་འཚོ་བ།།
བརྩོན་སེམས་དང་མི་འབྲལ་རིན་ཐང་ལྡན་ཡོད།།

གྲང་ངར་གྱི་སྡུག་སྣང་སྒྲོ་བཏགས་དངོས་རེད།།
ཕུན་ཚོགས་ཀྱི་བདེ་སྐྱིད་བསླུ་བྲིད་རང་རེད།།

དེ་ལས་མང་བ་། “བརྩོན་འགྲུས།” »

འཇམ་གཅེས།

 
འདི་སྣང་འཁོར་བའི་གནས་ལ་ཞེན་ཆེས་ནས།།
ཡར་གྱི་དག་ཞིང་བདེ་སྐྱིད་ངས་མི་དྲན།།
ལྐོག་གྱུར་གནས་ལུགས་ངོས་འཛིན་མ་ནུས་པས།།
མར་གྱི་ངན་སོང་སྡུག་བསྔལ་ངས་མི་བསམ།།

ལྟ་སྤྱོད་སྒོམ་གསུམ་གནས་ལུགས་མ་ཤེས་པས།།
ལྟ་ལོག་སྤྱོད་ལོག་ཟེར་བར་ངས་མི་འདོད།།

དེ་ལས་མང་བ་། “རང་རྐྱ་ཐུབ་པ།” »

ཆབ་མདོ་ངག་ཕུན།

བདག་ཅན་སྟོན་པ་འཁྲུངས་ཡུལ་འཕགས་པའི་ལྗོངས།།
གཞན་གྱི་འོག་ནས་རང་དབང་བདེ་སྐྱིད་ཡོངས་སུ་ཐུབ།།
ལམ་བཟང་དམངས་གཙོའི་འཕགས་ཡུལ་བདེ་སྐྱིད་འོད་སྣང་འབར།།
འཕགས་ཡུལ་འགོ་དམངས་དགའ་བའི་འཛུམ་རླབས་དགུང་ལ་འཕྱུར།།
ཆབ་དཔལ་རིག་གསུམ་མངའ་ཐང་རིམ་པར་དགུང་ལ་འཕེལ།།
འཚེ་མེད་ཞི་བའི་ལྟ་གྲུབ་འབྱུང་སའི་གནས་ཀྱི་མཆོག།

དེ་ལས་མང་བ་། “རྒྱ་གར་འགོ་དམངས་ལ་བཀའ་དྲིན་སྙིང་ནས་ཆེ།” »

ཨེ་མ་ཧོ།

གདོང་ཐོག་སྤྲུལ་སྐུ་བསྟན་པའི་རྒྱལ་མཚན་རིན་པོ་ཆེ་མྱུར་བྱོན་གསོལ་འདེབས་ཀུན་དགའ་ནོར་བུ་ཞེས་བྱ་བ།

ན་མོ་གུ་རུ་མཉྫུ་ཤྲཱི་ཡེ།
ཟབ་ཞི་སྤྲོས་བྲལ་འོད་གསལ་འདུས་མ་བྱས།།
ཆོས་དབྱིངས་སྐྱེ་ངང་ལས་མ་གཡོས་ཀྱང་།།
དམིགས་མེད་ཐུགས་རྗེའི་སྤྱན་རས་རྟག་གཟིགས་པའི།།
རྒྱལ་དང་རྒྱལ་བའི་སྲས་ཀུན་དེང་འདིར་དགོངས།།

དེ་ལས་མང་བ་། “མྱུར་འབྱོན་གསོལ་འདེབས་ཀུན་དགའ་ནོར་བུ།” »

ཁྲོ་གཏུམ།
སེམས་ཀྱི་གཞུང་ན་བཞུར་བའི་མིག་ཆུ་དཀར་དམར
ངག་རྒྱུགས་སུ་གཏོང་མ་ཐུབ་པའི་སྐད་ཆའི་གཏིང་རིང་པོ་དེ་ཡིན་དུས
ལོ་རྒྱུས་ཀྱི་ཁ་དོག་གིས་ཚེ་སྲོག་འཐུས་མྱོང་ཞིང
ཟིན་ཐོ་འགའ་ཤས་སུ་ལོ་ཚིག་གི་གནད་བཟུང་བ་བདེན་ཀྱང
མིག་ལམ་དང་རྣ་ལམ་དུ་གསལ་ཁ་མ་ཐོན་པའི་དུས་རབས་ཀྱི་གླུ་ཤགས་ཧ་ཅང་མང་སོང

དེ་ལས་མང་བ་། “ལོ་ཟླ་ཤོག་བུའི་སྣེ་རུ་གཅུལ།” »