མགོན་པོ་བསོད་ནམས།
ཀ་མེད་གལ་ལ་ཐུག་དུས་སྐུ་རྟེན་སྐུལ།། ཁ་རྗེ་དབང་ཐང་ཉམས་ཤིང་མགོ་མེད་བོད།།
ག་བར་ཁྲིད་ན་ཆུ་སྣ་གར་འཐེན་འདིས།། ང་ཚོར་ཇུས་ཉེས་ཐེབས་པའི་ལོ་རྒྱུས་མང་།།
༼ངའི་འབྲི་དེབ༽དྲ་ཚིགས་ཤར་གཏོང་བྱས་པ།།
ཐེ་བོ་ཤེས་རབ་རྒྱ་མཚོ།
ཉིན་ཤས་སྔོན་བོད་ཡིག་དྲ་ཚིགས་བཟོ་བཀོད་པ་གྲྭ་བཟོད་པ་དང་གྲགས་པ་གཉིས་ཀྱིས་རང་ངོས་ནས་འགྲོ་གྲོན་བཏང་ནས་ངའི་འབྲི་དེབ་ཅེས་པའི་བོད་ཡིག་གི་དྲ་ཚིགས་གསར་པ་ཞིག་ཤར་གཏོང་བྱས་ཡོད་པ་དང་། ཁོང་གཉིས་ཀྱིས་ངའི་འབྲི་དེབ་དྲ་ཚིགས་གསར་བཟོ་བྱེད་དགོས་པའི་དམིགས་ཡུལ་གཙོ་བོ་ནི། དེང་སྐབས་བོད་ཡིག་གི་དྲ་རྒྱ་མང་པོ་ཞིག་ཡོད་ནའང་། དེ་དག་ལ་ལྟ་ཀློག་དང་འབྲི་རྩོམ་གནང་མཁན་མང་ཤོས་བོད་ཡིག་གི་གནས་ཚད་ཡག་པོ་ཡོད་མཁན་ཞེ་གཅིག་ལས།
ཁ་བྲལ་ཟེར་བ་ནི་གཞི་རྩ་མེད་པའི་རྩོད་གླེང་ཞིག་རེད།
ནགས་ཕྲན་པ་བསོད་ནམས་ཚེ་རིང་།
བོད་ནི་སྔ་རབས་ནས་ས་ལྒང་འདིར་ཐུན་མོང་མ་ཡིན་པའི་ས་ཁམས་དང་རིག་གཞུང་ཁྱད་འཕགས་ལྡན་པའི་མི་རིགས་ཤིག་ཡིན་པས་མ་ཚད། དུས་རབས་བདུན་པའི་གཡས་གཡོན་དུ་བོད་རྒྱལ་ཁབ་ཀྱི་ཆབ་སྲིད་དང་དམག་དོན་གྱི་སྟོབས་ཤུགས་ཀྱིས་ཤར་གླིང་ས་ཡི་གསུམ་གཉིས་དབང་དུ་བསྡུས་པའི་ལོ་རྒྱུས་བསྐྲུན་ཡོད། དེའི་སྐབས་བོད་ཀྱིས་དམག་འཁྲུག་རྒྱག་ས་གཙོ་བོ་ཡང་རྒྱ་ནག་ཡིན་པ་དང་། བོད་ཀྱི་རྒྱལ་པོ་མངའ་བདག་ཁྲི་རལ་པ་ཅན་གྱི་སྐབས་སུ་རྒྱ་བོད་དབར་དབོན་ཞང་མཇལ་འདུམ་མཛད་པའི་ས་མཚམས་རྡོ་རིང་ངོས་སུ་“དེའི་ཤར་ཕྱོགས་ཐམས་ཅད་ནི་རྒྱ་ཆེན་པོའི་ཡུལ་དང། ནུབ་ཕྱོགས་ཐམས་ཅད་ནི་ཡང་དག་པ་བོད་ཆེན་པོའི་ཡུལ་ཏེ།
དེ་ལས་མང་བ་། “ཁ་བྲལ་ཟེར་བ་ནི་གཞི་རྩ་མེད་པའི་རྩོད་གླེང་ཞིག་རེད།” »
དེ་རིང་དང་སང་ཉིན།
འབའ་སྲས།
དེ་རིང་འཐུང་བའི་ཆང་འདི་ཞིམ་པོ་མ་རེད།།
དེ་རིང་ལངས་པའི་གླུ་འདི་སྙན་མོ་མ་རེད།།
དེ་རིང་སྡོད་སའི་རྐུབ་སྟེགས་བདེ་བོ་མ་རེད།།
སང་ཉིན་སྐྱིད་པའི་འཚོ་བ་བདག་ལ་ཡོད་དམ།།
རང་ལུས་མེ་སྲེག་མ་གནང་།
མེ་ཏོག་ལྷ་མཛེས།
རང་ཡུལ་གངས་ཅན་བོད་ཀྱི་སྣོད་བཅུད་རིག་གཞུང་རྣམས་རྩ་མེད་འགྲོ་བའི་ཉེན་ཁ་སྐྱོབས་ཐབས་སུ་དམིགས་ཏེ། རང་རིགས་སྤུན་ཟླ་བཅུ་ཕྲག་བཞི་ལ་ཉེ་བས་རང་ལུས་མེ་ལྷའི་མཆོད་རྫས་སུ་ཕུལ་ནས་རྒྱ་ནག་དམར་གཞུང་ལ་ངོ་རྒོལ་མཐར་ཐུག་དེ་བྱས་ཡོད། ཁོང་རྣམ་པའི་བློ་སྟོབས་དང་བློས་གཏོང་། རིགས་ཞེན་གྱི་ལྷག་བསམ་ཆེས་ཕུལ་བྱུང་ཡིན་པ་བཤད་མ་དགོས་ནའང་། ཁོང་རྣམ་པའི་རེ་སྨོན་འགྲུབ་མིན་བལྟ་བ་ནིརྩ་བའི་གནད་འགག་སྟེ། གྲུབ་འབྲས་མེད་པའི་ལས་ཀ་ཛ་དྲག་ནི་ལྐུགས་རྟགས་ཆེ་ཤོས་ཡིན།
སྒུག་ཡོད།
རྨེ་རུ།
ཉི་མ་ལ་ཁར་འགྲོ་འགྲོ།
ང་ཚོ་ཕ་ཡུལ་ལ་འགྲོ།
གཉེན་ཉེ་ཚོས།
རེ་སྒུག་གི་ཁ་བཏགས་བཟུང་ཡོད།
རོ་ལངས།
གཅན་འོད་འབར།
༡
ཁོར་ཡུག་འདིའི་གྲུ་ཟུར་ཀུན་ཏུ་དྲག་རླུང་ལྟར་ལྡང་ཞིང་འབྲུག་སྒྲ་བཞིན་གྲགས་པའི་ཡ་མཚན་དངོས་བྱུང་གི་གནས་ཚུལ་ཁྱད་མཚར་ཞིག་ཁྱབ་བཞིན་པ་དེ་ནི་ཁ་སང་འཇིག་རྟེན་འདི་དང་གཏན་དུ་ཁ་བྲལ་བའི་ཤི་བོ་དེའི་དོན་རྐྱེན་རེད། བསམ་བློ་པ་ཚོས་བཤད་ན། ཁོར་སེམས་ནད་བྱུང་ནས་ཤི་བ་རེད་ཟེར། ཚན་རིག་པ་ཚོས་སྨྲས་ན་མ་རེད། ཁོ་གཞན་གྱིས་ལྐོག་གསོད་བྱས་པ་རེད་ཟེར། སྨན་པ་ཚོས་བརྗོད་ན། དེ་མ་རེད། ཁོ་ནད་རྙིངབསྐྱར་འཕར་བྱུང་ནས་འཆི་བ་རེད་ཟེར།
བོད་མིའི་མེར་མཆོད་ངོར་རྒོལ་ཐད་དཔྱད་གླེང་ཚོགས་འདུ་བསྡུས་པ།
ལྷ་སྡེ་གནམ་ལོ་ཡག་གིས་བསྒྱུར།
ཕྱི་ལོ ༢༠༡༢ལོའི་ཟླ ༤ཚེས ༢༢ཉིན། གྲོང་ཁྱེར་སི་ཊི་ཉིས་ཨ་ཞིས་ཧྥེལ་ས་ཁུལ་དུ་ཨོ་སི་ཁྲི་ལི་ཡའི་རྒྱལ་སྤྱིའི་བོད་རིག་པའི་གླེང་སྟེགས། རྒྱ་ནག་རང་དབང་རིག་གཞུང་ལས་འགུལ་ཁང་དང་སི་ཊི་ཉིས་དུས་གནས་ལྟེ་གནད་གླེང་སྟེགས་བཅས་ཚོགས་པ་གསུམ་མཉམ་འབྲེལ་གྱིས་བརྗོད་གཞིར༼མེ་རླབས་ཁྲོད་ཀྱི་རང་དབང་། བོད་མིའི་ལས་དབང་དང་འབྱུང་འགྱུར་དཔྱད་གླེང༽ཞེས་པའི་ཚོགས་འདུ་བསྡུས་ཤིང་། ཨོ་སི་ཁྲི་ལི་ཡར་བཞུགས་པའི་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་མཆོག་དང་བོད་རྒྱའི་འབྲེལ་མཐུད་འགན་འཛིན་ལྕམ་སྐུ་ཞབས་ཟླ་སྒྲོན་ལགས། ཨོ་སི་ཁྲི་ལི་ཡ་གཞུང་གི་རྒྱལ་སྤྱིའི་མཐོ་རིམ་བློ་འདོན་པ་ལྕམ Patricia Lyon དེ་མིན་སི་ཊི་ཉིས་བོད་རིགས་མཐུན་ཚོགས་ཀྱི་ཚོགས་གཙོ་ནེས་རྒན་དང་རྒྱུན་ལས་ཁ་ཤས། སི་ཊི་ཉིས་ལ་བཞུགས་པའི་རྒྱ་རིགས་མཁས་པ་དང་དམངས་གཙོ་ལས་འགུལ་བ། སློབ་ཕྲུག་དང་གསར་འགོད་པ། རྩོམ་པ་པོ་དང་བོད་མི་བཅས་ཁྱོན་བསྡོམས་མི་གྲངས ༧༠ལྷག་ཚོགས་ཞུགས་གནང་སོང་།
དེ་ལས་མང་བ་། “བོད་མིའི་མེར་མཆོད་ངོར་རྒོལ་ཐད་དཔྱད་གླེང་ཚོགས་འདུ་བསྡུས་པ།” »
རླུང་ཁྲོད་ཀྱི་མར་མེ།
རྩོམ་པ་པོ། ཤབ་བྷན་སཱ་ཤྭི་ནྭ།
སྒྱུར་བ་པོ། རིན་ཆེན་དབང་རྒྱལ།
སྤྱི་གསུམ་པའི་ཚེས ༢༦ ཉིན་གྱི་ཞོགས་པའི་ཉི་འོད་གསང་སྟབས་ཀྱིས་ཁང་པའི་ནང་དུ་འཕྲོས་ཏེ་ཤག་རོགས་རྣམས་གཉིད་ལས་མ་བསླངས་སྔོན་འཇམ་དཔལ་ཡེ་ཤེས་མལ་ལས་ལངས་ཟིན། ཁོང་གིས་ཉལ་གཟན་ལྟེབས་ཚིགས་བརྒྱབ་སྟེ་འབོལ་གདན་སྟེང་དུ་བརྩིགས་ཤིང་ཏ་ལཱའི་བླ་མའི་ཕྱག་དེབ་གཉིས་དེའི་སྟེང་དུ་བཞག་ཡོད། ཕྲེང་ང་ཞིག་མདུན་གྱི་ལྕགས་གཟེར་ལ་བཀལ་ཡོད་པ་དང་སྨྱུག་གུ་གཉིས་སྐུད་པ་དམར་པོ་ཞིག་གིས་དཀྲིས་ཏེ་བཞག་ཡོད། དེ་ནས་ཁོང་གིས་རྒྱབ་ཁུག་ཁུར་ནས་མཱ་ཇཱན་ཊི་ལའི་དགོན་པའི་འཁྲིས་སུ་སོང་སྟེ་ཁ་ཁུ་སིམ་པོས་ཇ་ཁང་ནས་ཇ་བཏུང་བཞིན་བག་ལེབ་བཟས། དེའི་རྗེས་སྤྱི་སྤྱོད་རླངས་འཁོར་ཞིག་ལ་བསྡད་དེ་ཚོུད་འགའ་ཞིག་གི་རྗེས་སུ་ཁོང་ཉིད་མེ་དཔུང་ཞིག་ཏུ་འགྱུར་སའི་ས་གནས་ཇཱན་ཏར་མྭན་ཏར་ལ་སོང་། ཇཱན་ཏར་མྭན་ཏར་ནས་མྱུར་སྐྱོབ་རླངས་འཁོར་ནང་དུ་བཅུག་སྟེ་འགྲོ་སྐབས་ཁོང་གི་དྲན་པ་ད་དུང་ཉམས་མེད།
ཟླ་བཞི་བ་ཚེས་དུས།
གཡུ་དྲུག་དཀར། རྡ་ས།
ཟླ་བཞི་བ་ཚེས་དུས། ཕ་ཡུལ་ལ་དབྱར་ཕ་མ་འདྲ་ཞིག་འཇབ་ནས་ཡོང་གིན་ཡོད་ཅིང་། སྐྱིད་མེ་ཏོག་འདྲ་ཞིག་འཛུམ་གྱིས་བཞད་དེ་ཡོང་གིན་ཡོད་པས། ངས་ནམ་ཡང་རང་གི་ཕ་ཡུལ་དེ་ཟླ་བཞི་བའི་ཕ་ཡུལ་ཡིན་ཆོག་ཨང་སྙམ་གྱིན་ཡོད་མོད།
ད་ལོར་ཟླ་བཞི་བ་ཚེས་དུས། ངས་ཕ་ཡུལ་གྱི་སྔོ་དྭངས་དྭངས་ཀྱི་ནམ་མཁའ་དྲན་གྱི་མེད། ངས་ཕ་ཡུལ་གྱི་ལྗང་ཐིང་ཐིང་གི་སྤང་ལྗོངས་དྲན་གྱིན་མེད། ངས་ཕ་ཡུལ་གྱི་ཁྲ་ཆིལ་ཆིལ་གྱི་མེ་ཏོག་དྲན་གྱིན་མེད་ལ། ངས་ཕ་ཡུལ་གྱི་སྙན་ལྷང་ལྷང་གི་ཁུ་བྱུག་ཀྱང་དྲན་གྱིན་མེད།
དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་གིས་ཨ་རི་ཕྱི་འབྲེལ་ལས་དོན་ཚོགས་ཆུང་ལ་གསུང་འཕྲིན་ཞིག་ཕུལ་བ།
༼དབུས་བོད་མིའི་སྒྲིག་འཛུགས་ཀྱི་བོད་ཡིག་དྲ་ངོས་ནས་འདིར་འདྲེན་བཀོད་ཞུས།༽
ཕྱི་ལོ་ ༢༠༡༢ ཟླ་ ༤ ཚེས་ ༢༣ ཉིན་ཨ་རིར་རྟེན་གཞི་བྱས་པའི་༸གོང་ས་༸སྐྱབས་མགོན་ཆེན་པོ་མཆོག་གིས་དམིགས་བསལ་སྐུ་ཚབ་བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག་གིས་ཝ་ཤིང་ཊོན་དུ་ཨ་རི་ཕྱི་འབྲེལ་ལས་དོན་ཚོགས་ཆུང་ལ་གསུང་འཕྲིན་ཞིག་ཕུལ་བའི་ནང་འཁོད་དོན།
རྣམ་པ་ཚོས་མཁྱེན་གསལ་ལྟར་འདས་པའི་ལོ་མང་རིང་ངས་རྒྱ་ནག་གཞུང་དང་ལྷན་གྲོས་མོལ་བྱ་རྒྱུའི་སྐུ་ཚབ་ཚོགས་ཆུང་གི་འགོ་ཁྲིད་བྱས་ཡོད། འོན་ཀྱང་དེ་རིང་འདིར་ངས་གྲོས་མོལ་གྱི་བརྒྱུད་རིམ་ཐོག་ཡར་རྒྱས་ཇི་འདྲ་བྱུང་མིན་སྐོར་སྙན་གསེང་ཞུ་རྒྱུ་གང་ཡང་མེད། གང་ཡིན་བརྗོད་ན། གནད་དོན་དེའི་ཐོག་གསར་པ་ཞུ་རྒྱུ་གང་ཡང་མེད།
RC.ཐོ་འགོད་ལས་འཕྲོས་པའི་བསམ་ཚུལ།
མེ་ཏོག་ལྷ་མཛེས།
བོད་པ་རང་ངོས་ནས་འཛམ་གླིང་གི་གནས་ཚུལ་མཐོང་རྒྱ་ཆུང་བས་ལེགས་བཅོས་བྱ་འདོད་མེད་པ་དང་། ཁྱིམ་མཚེས་རྒྱ་ནག་གི་དྲག་པོའི་དཔུང་ཤུགས་རྒྱ་སྐྱེད་བྱུང་བ་ལ་བརྟེན་ནས། ཆུང་དུས་ཕ་མའི་ངག་སྒོ་ནས་རྟག་པར་ཐོས་པའི་བརྡ་ཆད། ང་ཚོ་བོད་པའི་ཆུས་ཤོར། ཟེར་བའི་དུས་ངན་ཤར་ཏེ་བོད་པ་རྣམས་ཁ་འཐོར་དགུ་འཐོར་དུ་གྱུར། ཕྱི་རྒྱལ་དུ་བསླེབས་པ་རྣམས་རིམ་པས་གནས་ཡུལ་རྒྱལ་ཁབ་ཀྱི་ཡུལ་མི་ཆགས་ནའང། རྒྱ་བལ་འབྲུག་གསུམ་དུ་ཡོད་པ་རྣམས་ཀྱི་མི་ཚེ་ནི་སྐྱབས་བཅོལ་གྱི་ངོ་བོའི་ཐོག་ལུས། རྒྱལ་ཁབ་འདི་དག་ཏུ་གནས་སྡོད་ཆོག་པའི་དཔང་ཡིག་ནི་RC.ཡིན་ཅིང། RC.ཀྱི་ཡུན་ཚད་ནི་ལོ་རེ་ལས་ལྷག་པ་མེད་པས་རིམ་སྣུད་བྱ་དགོས།
མི་བཞི་གར་སོང་ཆ་མེད་དུ་གྱུར།
རིན་ཆེན་དབང་རྒྱལ།
དེ་རིང་ཕྱི་ལོ ༢༠༡༢ ཟླ ༤ ཚེས ༢༩ ནས་ཡར་བརྩིས་པའི་ཟླ་བ་གསུམ་གྱི་གོང་སྟེ་ཕྱི་ལོ ༢༠༡༢ ཟླ ༡ ཚེས ༢༣ ཉིན་མོར་བོད་མདོ་ཁམས་བྲག་མགོ་རྫོང་ཐོག་ཏུ་གཞི་རྒྱ་ཆེ་བའི་བོད་མིའི་ཞི་རྒོལ་གྱི་ལས་འགུལ་བྱུང་ཞིང། ངོ་རྒོལ་དེ་བྱུང་བའི་ཉིན་གསུམ་བཞི་ཙམ་གྱི་རྗེས་སུ་རྒྱ་ནག་ཁྲིན་ཏུའུ་གྲོང་ཁྱེར་ནས། བྲག་མགོ་སྒོ་ཆེན་དགོན་པའི་སྤྲུལ་སྐུ་བློ་བཟང་བསྟན་འཛིན་རིན་པོ་ཆེ་དང། བྲག་མགོ་དགོན་པའི་སློབ་དགེ་དགེ་བཤེས་ཚེ་དབང་རྣམ་རྒྱལ། དགོན་པའི་ཚོང་པ་འཕྲིན་ལས། དགོན་པའི་རྩིས་པ་དང་དྲུང་ཡིག་གཅིག་ལྕོགས་དགྲ་ལྷ་བཅས། ཉེན་རྟོག་པས་འཇུ་བཟུང་བྱས་ཏེ་ད་བར་ཟླ་བ་གསུམ་དང་ཉིན་བཞི་སོང་ཡོད་ཀྱང། ཁོང་རྣམས་ཤི་གསོན་ཅི་ཡིན་དང་། གར་ཡོད་གར་ཁྲིད་ཀྱི་གནས་ཚུལ་ཅི་ཡང་གོ་རྒྱུ་མེད།
བོད་ལྭ་ནི་བོད་ཀྱི་རིག་གནས་ཤིག་ཡིན།
་་་་་་་་་་་་་་་་་་་་་་་་་་ཨ་རིའི་བོད་སྐད་བརྙན་འཕྲིན་གྱི་མདུན་དུ་བསྟབས་པའི་གཏམ་ཤལ་ལེ་མ།
ཨ་འཇམ་གྱིས།
མི་རིགས་ཤིག་ལ་མི་རིགས་ཤིག་གི་ཁྱད་ཆོས་ལྡན་པའི་གོ་རིམ་ནི། མི་རིགས་གང་དེའི་ཀྱག་ཀྱོག་གི་ལོ་རྒྱུས་ཀྱི་དུས་ཡུན་རིང་མོའི་གོ་རིམ་ཁྲོད་དུ་འབད་ཅིང་རྩོལ་བ་ལ་བཏབ་སྟེ་བྱུང་བའི་རིག་གནས་ཐོན་སྐྱེད་ཀྱི་སྣང་ཚུལ་ཞིག་ལ་གོ་ཆོག དེ་རིང་གི་མགོ་བོ་མཐོ་བར་འདེགས་པའི་འུ་ཅག་གི་གདེང་སྤོབས་འདི་ཡང་མེས་པོའི་རྩོལ་སྒྲུབ་ཀྱི་ནུས་པས་བསྐྱེད་པའི་རིག་གནས་ཀྱི་ངོམ་སོ་ལས་བྱུང་བ་ཡིན།
ང་ཚོས་རིག་གནས་གང་ཞིག་གི་ཁྱད་ནུས་ཀྱང་རང་ཉིད་ཀྱི་ཁོར་ཡུག་དང་དུས་ཚོད་ཀྱི་བབ་བསྟུན་དུ་ཐག་གཅོད་དགོས་པའི་གནས་ཚུལ་ཤིན་ཏུ་མང་པ་བདེན་དུ་མཆི་ཡང་། རིག་གནས་གང་ཞིག་གི་མདུན་དུ་བདོག་པའི་མི་རིགས་དེ་ཉིད་ཀྱིས་རིག་གནས་དེ་ལ་ལྟ་བའི་འདུ་ཤེས་འཛིན་སྟངས་ཚད་ལྡན་ཞིག་དང་། བཀོལ་སྤྱོད་ཁེ་ཕན་ཡང་དག་ཅིག འགན་འཁྲིའི་བསམ་བློ་བརྟན་པོ་ཞིག་དགོས་ཏེ། རིག་གནས་དེས་སྐྱོབ་པའི་མི་རིགས་ཤིག་གི་དར་རྒུད་ཐག་གཅོད་ཀྱི་གནད་དོན་ཞིག་དང་འབྲེལ་བས་སོ།།
འབའ་རོམ་དྲ་བ།
དྲ་རྒྱ་ལ་ཞུགས་པའི་ཡིད་མཐུན་གྱི་གྲོགས་པོ་རྣམས་པར་ཞུ་རྒྱུར། ད་ལམ་ང་ཚོས་འབའ་རོམ་དྲ་བ་ཟེར་བའི་དྲ་བ་ཞིག་སྒོ་ཕྱེས་ཡོད་ལ། འདིའི་དམིགས་ཡུལ་གཙོ་བོ་ནི་བོད་ཀྱི་ཆོས་དང་རིགས་གཞུང་དེ་མ་ཟད་པའི་དྭགས་བརྒྱུད་ཆེ་བཞི་ཡ་རྒྱལ་དཔལ་ལྡན་འབའ་རོམ་བཀའ་བརྒྱུད་ཀྱི་ལོ་རྒྱུས་དང་གནས་རི་སོགས་ལ་ཉམས་ཞིབ་དང་ཤེས་འདོད་ཡོད་པ་རྣམས་ཀྱི་ཆེད་དུ་བཟོས་པ་ཡིན། འདི་ཡི་ནང་ནས་བོད་ཀྱི་ཆོས་དང་རིགས་གཞུང་འབའ་རོམ་བཀའ་བརྒྱུད་ཀྱི་ལོ་རྒྱུས་དེ་ཚོ་དང་འབྲེལ་བའི་པར་དང་བརྙན་པར་བཞད་སོགས་བལྟ་ཀློག་ཐུབ་པ་མ་ཚད་མི་སོ་སོས་ཟིན་བྲིས་སྤེལ་ན་ཡང་འགྲིག་ཀྱི་ཡོད། འདི་ཡི་ནང་དུ་རྒྱ་ཆེ་ཀློག་པ་པོ་མང་ཙམ་ཕེབས་ཐུབ་པའི་རེ་བ་ཡོད། ། དྲ་རྒྱའི་ཁ་བྱང་ནི། (www.barompa.org)ཟེར་བ་དེ་ཡིན། །
བོད་ཀྱི་རྡུང་ལེན་མཁན་པོ་དཔལ་མགོན་ངོ་སྤྲོད།
རྩོམ་པ་པོ་སྨིན་དབུས་པོ།
འོས་སྦྱོས་མཁན་སྒྲོལ་དཀར།
བོད་ཀྱི་དམངས་ཁྲོད་སྒྲ་སྙན་རྡུང་ལེན་ཆེད་མཁས་པ་ རྒན་དཔལ་མགོན་ལགས་ནི། སྤྱི་ལོ ༡༩༤༩ ལོར་མདོ་ཁམས་ཀན་ལྷོ་གཡང་ལྡན་ཕྱུག་མོའི་རྨ་ཆུ་རྫོང་ཁོངས་ཀྱི་མཁར་ཆེན་ཚོ་བ་ཞེས་པར་སྐྱེས་ཤིང་། ༡༩༧༠ ལོར་ནུབ་བྱང་མི་རིགས་སློབ་གྲྭ་ཆེན་མོའི་གསོ་རིག་སྡེ་ཁག་ལས་མཐར་ཕྱིན་ཏེ་སྨན་པའི་ལས་གནས་ལ་ཞུགས་ཏེ་འགྲོ་བའི་སྡུག་བསྔལ་དྲུངས་འབྱིན་ལ་བརྩོན་པའི་ལས་རིམ་ཁྲོད་རྨ་ཆུ་རྫོང་མི་དམངས་སྨན་ཁང་གི་སྨན་སྤྱི་གཞོན་པ་དང་སྨན་སྤྱི་ཆེན་མོའི་གཙོ་འགན་བཞེས་པ་དང་
འགྱིག་གི་འདྲུད་ལྷམ།
མྱི་ལྟིག
གཅིག
དེང་སང་གི་གསར་བུ་ཚོ་འགྱིག་གི་འདྲུད་ལྷམ་གྱོན་རྒྱུར་ཧ་ཅང་དགའ། འགྱིག་གི་འདྲུད་ལྷམ་ནི་ངེས་པར་མཁོ་བའི་ཆས་ཤིག་ཡིན་ལ་གོན་ཆོག་ཆོག་དང་ཕུད་ ཆོག་ཆོག་གི་སྟབས་བདེ་སྤྱོད་བདེ་ཡི་ཆས་ཤིག་ཀྱང་ཡིན།འགྱིག་གི་འདྲུད་ལྷམ་གྱི་བསླུ་བྲིད་ཀྱིས་ཀྱང་ལྷམ་སྤྱི་དང་མཚུངས་པར་མིག་ཆུའི་ལྷན་སྙིང་གཏམ་གྱིས་དྲུད་འགྲོ །ཆེས་ཐོག་མའི་བག་ཆགས་འཇོག་སྟངས་ཀྱང་ལྷམ་སྤྱི་དང་མཚུངས་མོད།གཟབ་ཀྱིས་གཤིབ་ཞོར་ལྷོད་ཀྱིས་འགྲོགས་དུས་ད་གཟོད་རང་ཉིད་འདྲོགས་དགོས་པ་ཤེས།
རང་མོས་སྙན་ངག་གི་གྲུབ་དོན་དང་འབྲེལ་བའི་སྐད་ཆ་དམར་བཤད།
…….རྩེ་སྐར།
རང་རེ་བོད་མི་རིགས་ཀྱི་རྩོམ་རིག་ལ་དུས་རབས་སོ་སོའི་ཁ་ཕྱོགས་དང་བསྟུན་འགྱུར་ལྡོག་ཆེན་པོ་ཞིག་བྱུང་ཞིང༌། ཁྱད་པར་དུ་སྤྱི་ཚོགས་འཕེལ་རྒྱས་ཀྱི་རྒྱུན་དང་འགྲོགས་ཏེ་རྩོམ་རིག་ལའང་འཕེལ་རྒྱས་རང་བཞིན་གྱི་རྣམ་པ་གསར་གཏོད་དང༌། བྱེ་བྲག་གི་གྲུབ་ཆ་མང་པོ་ཞིག་ས་ཁྱབ་རྡོ་ཁྱབ་ཏུ་དར་ཏེ། རྩོམ་པ་པོའི་རྣམ་དཔྱོད་ཀྱི་རྩལ་དང་གཤིས་སྤྱོད་ཀྱི་ཁྱད་པར་གྱིས་རྩོམ་གཤིས་དང་རྩོམ་སྟངས་ཀྱི་རྣམ་པའང་མི་འདྲ་བ་སྣ་ཚོགས་ཤིག་འབྱུང་གིན་ཡོད། དེ་ལ་སྙན་ངག་ལྟ་བུར་མཚོན་ན་གནའ་བོའི་སྲོལ་རྒྱུན་སྙན་ངག་དང་ཐབས་གཅིག་ཏུ་དེང་གི་སྐབས་ན་སྙན་ངག་གསར་པའམ་རང་མོས་སྙན་ངག་ནི་རང་རེའི་སྤྱི་ཚོགས་ཁྲོད་རྣམ་པ་གསར་བྱུང་གི་རྩོམ་རིག་བྱེ་བྲག་པ་ཞིག་གི་ཚུལ་ཅན་དུ་དར་འཕེལ་བྱུང་ཡོད།
དེ་ལས་མང་བ་། “རང་མོས་སྙན་ངག་གི་གྲུབ་དོན་དང་འབྲེལ་བའི་སྐད་ཆ་དམར་བཤད།” »
ནོར་གླིང་དུ་རང་ལུས་མེར་བསྲེགས་ལས་འགུལ་སྐོར་ལ་བགྲོ་གླེང་འཚོགས་པ།
དེ་རིང་ཕྱི་ཚེས་ ༢༨ ཉིན་ནོར་གླིང་མཐོ་སློབ་དང་ཉམས་ཞིབ་སྡེ་ཚན་མཉམ་འབྲེལ་གྱི་བགྲོ་གླེང་༼རང་ལུས་མེར་བསྲེགས་ལས་འགུལ་གླེང་བ༽ཞེས་པ་ཞིག་ནོར་གླིང་བདེ་ལྡན་གཙུག་ལག་ཁང་དུ་འཚོགས་ཡོད་པ་དང་། བགྲོ་གླེང་གི་བརྗོད་གཞི་དེ་བཞིན། ༼༡༽ མེར་སྲེག་ལས་འགུལ་གྱི་རྒྱབ་ལྗོངས། ༼༢༽ མེར་སྲེག་ལས་འགུལ་བྱུང་འཕེལ་གྱི་རིམ་པ། ༼༣༽ མེར་སྲེག་ལས་འགུལ་གྱི་གྲུབ་འབྲས། ༼༤༽ མེར་སྲེག་ལས་འགུལ་འདི་ངོ་བོ་གཞན་དུ་འགྱུར་མིན། ༼༥༽ མེ་སྲེག་ལས་འགུལ་དང་ཁྱབ་བསྒྲགས་གནས་སྟངས། ༼༦༽ གཞུང་མང་གཉིས་ནས་འགན་ལེན་ཅི་ནུས་བཅས་སྐོར་ཚན་དྲུག་ཏུ་དབྱེ་བགོས་
དེ་ལས་མང་བ་། “ནོར་གླིང་དུ་རང་ལུས་མེར་བསྲེགས་ལས་འགུལ་སྐོར་ལ་བགྲོ་གླེང་འཚོགས་པ།” »