……..རྩེ་སྐར།

གནག་སྣུམ་སྐྲ་ལོ་གླས་མའི་ལན་བུ་འགྲམ་པའི་མཁུར་ཚོས་ཐུར་དུ་དཔྱངས།།
བཅུ་དྲུག་ལང་ཚོའི་ནུ་འབུར་ཟུང་དེ་སྟོད་གོས་ཐུ་ལ་བཙན་གྱིས་བཙུར།།
གཞོན་ཤ་ཆགས་པའི་རྐེད་པའི་ལྡེམ་སྒེག་གོམ་པའི་འདེགས་འཇོག་བར་ན་གསལ།།
ཕོ་སྐྱེས་རིག་ན་ངོ་ཚའི་ཟོལ་ཞིག་ཟུར་མིག་གཡོ་བའི་ཞོར་ནས་མངོན།།
ད་ནི་མགོ་དཀྲིས་དམར་པོའི་འོག་ན་སེམས་ཀྱི་འདོད་པ་ཅི་ཞིག་ཡོད།

དེ་ལས་མང་བ་། “མགོ་དཀྲིས་དམར་པོའི་འོག་གི་གསང་བ།” »

རང་རྟོན།

གླུ་བ་བདུད་པེར་ཆེད་དུ་ཕུལ།

ཁ་བའི་བདེ་སྡུག་ལྷན་སྐྱེས་ངག་ལ་བརྒྱུས་པའི་དབྱངས་རྟའི་འགྱུར་ཁུགས་སྟོང་གིས་ས་ཆེན་ཁམས་འདི་གཉིད་ལས་དཀྲོགས་པའི་གཏམ་རྒྱུད་སྙན།།
ཁ་ཙམ་ཡིན་པའི་ལ་རྒྱའི་གཡུ་རལ་གསིག་བཞིན་མི་ཚེའི་ལང་ཚོ་རྫོགས་པའི་རྐང་རྗེས་རེ་རེ་འཇིག་རྟེན་ངོས་སུ་རྣམ་པར་བཀྲ།།
ཁ་སེམས་ཤར་ནུབ་མིན་པའི་ངེས་དོན་ལོ་རྒྱུས་མི་ཡུལ་ཁམས་ན་འབྲུག་བཞིན་ལྡིར་བའི་མཚན་སྙན་བ་དན་དཀར་བོ་དགུང་ན་གཡོ།།
ཁ་ཁུ་སིམ་པོའི་བོད་ཡུལ་ལུང་བ་ཁད་ཀྱིས་དཀྲོགས་པའི་སྙིང་སྟོབས་དེ་ཡང་སྒང་བ་བོད་པའི་ཤ་ཁྲག་རུས་ན་གནས་ཤིང་གསོན།།

དེ་ལས་མང་བ་། “ང་ཡི་གླུ་རྒྱལ་བདུད་པེ་གཏན་བཞུགས་མཛོད།།” »

འབའ་སྲས།

ཞི་བདེའི་རྒྱ་མཚོ་ཆེན་པོའི་ཕ་རོལ་ན།།
བདག་གི་སེམས་པ་དམར་པོའི་ནང་རོལ་ན།།
ནམ་ཡང་བརྗེད་པར་དཀའ་བའི་དྭངས་མོ་མཚོ།།
ཞེ་མཐུན་རོགས་ཁྱོད་དེང་སང་གང་ན་ཡོད།།

ཁྱེད་ཀྱི་ཞལ་རས་མ་མཐོང་ལོ་ལྔ་འགོར།།
ཁྱེད་ཀྱི་འཕྲིན་ཡིག་མ་འབྱོར་ལོ་བཞི་འདས།།
ཁྱེད་རང་གང་ཡོད་མ་ཤེས་ལོ་གསུམ་སོང་།།
ངོ་མ་བཤད་ན་ཁྱོད་ནི་གང་ན་ཡོད།།

དེ་ལས་མང་བ་། “དྭངས་མོ་མཚོ། ཁྱོད་གང་ན་ཡོད།༼ཁག་གཉིས་པ།༽” »

གཅན་འོད་འབར།

ཁུ་སིམ་གྱི་མགོ་བོ་བྲང་ཁར་སྨད་ནས།
བདག་མེད་ཀྱི་སྐྲ་ལོར་བྱིལ་བྱིལ་བྱེད་པའི་རླུང་ཞིག་ལྡང་བར་རེ་ལ།
འཁྱག་སིབ་ཀྱི་ལག་ཟུང་བྲང་ཁར་བཞག་ནས།
ཁེར་རྐྱང་གི་འགྲམ་པར་འཇམ་ཞིམ་གྱི་འོ་ཞིག་བྱེད་པར་སྒུག

རེ་བས་ཁེངས་བའི་རི་གྲོང་འདིའི་མཚམས་སྤྲིན་ངོགས་ནས།
རང་ལ་མི་དབང་བའི་ཁང་མིག་འདི་ལ།
བརྩེ་འདང་གི་སྨུག་ཞགས་རེ་ཨེ་འཁོར་བལྟས་ཤིང་།
དྲོད་ཁོལ་ཀྱི་ཉི་ཟེར་རེ་ཨེ་ཕོགས་ལ་སྒུག

དེ་ལས་མང་བ་། “ཁེར་རྐྱང་དུ།” »

མེ་ཏོག་དཀར་པོ།

ཀ་ཁ་ག་ང་ཤེས་པའི་ཁེངས་པས། །
ཁ་ལྕེ་བརྒྱ་དང་སྟོང་དུ་སྤྲུལ་ཏེ། །
ག་ས་ག་རུ་ཆོས་ལ་སྨོད་མཁན། །
ང་ཚོའི་ཁྲོད་དུ་མང་དུ་མང་དུ། །

ཅ་ལག་ཙག་ཙིག་བཙོང་མཁན་ཡན་གྱི། །
ཆ་འཇོག་བློ་བཏད་བཅོལ་སའི་ཡུལ་ཞིག །
ཇ་ཕུད་ཆང་ཕུད་མཆོད་ཡུལ་སྲུང་མར། །
ཉ་སོགས་དུད་འགྲོ་འདྲ་འོ་སྐད་དོ། །

དེ་ལས་མང་བ་། “ཀ་ཁ་ག་ང་ཤེས་པའི་ཁེངས་པ།” »

ངས་པོ་རྒྱལ་མཚན།

སྔོན་བྱུང་ཞི་བའི་ཁམས་སུ་རང་དབང་དཔལ།།
མ་བཅོས་ལྷུན་གྲུབ་རང་བཞིན་གཏེར་གྱི་མཛོད།།
གློ་བུར་དུད་རབས་ཉི་ཤུའི་སྲིབ་ཀ་ནས།།
ཀླ་ཀློའི་གདུང་རྩུབ་ཅིག་གིས་རྩད་ནས་གཏོར།།

འགྲན་བྲལ་མེས་པོའི་ཐུགས་མཚོའི་ལྟེ་བ་ལས།།
ལེགས་འཁྲུངས་ནང་རིག་རིན་ཆེན་ནོར་བུའི་ཕུང།།
མེ་ཆུའི་སྦྱོར་བ་བཙན་པོས་བརླགས་བྱས་ཏེ།།
དབེན་གནས་ཞི་གྲོང་ཁྲག་མཚོའི་གླིང་དུ་བསྒྱུར།།

དེ་ལས་མང་བ་། “མུན་ནག་དང་སྐྱོ་གདུང་གི་ལོ་ཟླ་མངོན་པའི་ཁྲག་དྲོན་གྱི་ཟིན་ཐོ།” »

ནམ་མཁའ།

འདོད་པ་མང་བའི་སེམས་ཀྱི་མཁའ་དབྱིངས་སུ།།
ཆགས་སེམས་སྤྲིན་གྱིས་བྲིས་བའི་བུ་མོ་ལ།།
དྲན་པའི་ཡིད་ཀྱི་འཇའ་ཚོན་སྐེ་རྒྱན་འདི།།
གཡུ་ཆུང་བུ་མོའི་མགུལ་དུ་འཁྱོལ་བར་ཤོག།

དབྱངས་ཅན་ངག་གི་རོལ་མོའི་གདངས་ཀྱི་གཟུགས།།
དབྱངས་ཅན་ངག་གི་གཅུང་མོས་བྲིས་བ་ཞིག།
སྤྲིན་ལས་གྲོལ་བའི་ཟླ་བའི་འོད་སྣང་བཞིན།།
ཡུན་རིང་འཁྱམས་པའི་བུ་ཡི་སེམས་སུ་ཤར།།

དེ་ལས་མང་བ་། “མི་མཐོང་སེམས་པ་མ་མཐོང་བུ་མོས་ཁྱེར།” »