སྤྲུལ་སྐུ་དབང་ཆེན།
ཀ་མ་ལ་འདྲའི་ལུས་ཟུངས་རབ་བཅོམ་ཁ་ལ་ཐ་མ་མི་མཆོད་ཞུ།
ཁ་དོག་མཛེས་པའི་པགས་པའི་མདོག་བསྒྱུར་ཁ་ལ་ཐ་མ་མི་མཆོད་ཞུ།
ག་ས་གང་དུ་དྲི་ངན་རབ་འཐུལ་ཁ་ལ་ཐ་མ་མི་མཆོད་ཞུ།
ང་དང་ཁྱོད་མེད་བརྟེན་ན་སྲོག་འཕྲོག་ཁ་ལ་ཐ་མ་མི་མཆོད་ཞུ།
ཅ་དངོས་ཟས་གོས་སེམས་ནས་བརྗེད་འགྲོ་ཁ་ལ་ཐ་མ་མི་མཆོད་ཞུ།
ཆ་ལུགས་མི་མཉམ་དྲན་པ་རབ་ལྡིབ་ཁ་ལ་ཐ་མ་མི་མཆོད་ཞུ།
ཇ་ཆང་བྲོ་མེད་ཚོར་ཤུགས་རྒུད་བྱེད་ཁ་ལ་ཐ་མ་མི་མཆོད་ཞུ།
ཉ་རྒྱུས་རྩ་ཕྲན་རྩ་སྐྱ་བཞིན་སྐམ་ཁ་ལ་ཐ་མ་མི་མཆོད་ཞུ།།
བསོད་ནམས་བཟང་པོ། ཨ་ཨ། ལོ་བཅུ་ཙམ་གྱི་གོང་ལ་ཨ་རི་དང་རྒྱ་གར་བར་དུ་གནམ་གླ་རྒྱ་གར་སྒོར་མོ་ཁྲི་གསུམ་ལྷག་ཙམ་ཡིན། ལོ་ལྔ་ཡི་གོང་ལ་རྒྱ་གར་སྒོར་མོ་ཁྲི་བཞི་ཙམ་ཡིན། ན་ནིང་ཡང་རྒྱ་གར་སྒོར་མོ་ཁྲི་ལྔ་ལྷག་ཙམ་ཡིན། ད་ཡིན་ན་གོང་འཕར་ཡོད་གི། རྒྱ་གར་སྒོར་མོ་འབུམ་གཅིག་ཤོར་ས་རེད་ཡ། རྒྱ་ནག་ལ་ལོ་འདིའི་དབྱར་ཐོག་གི་གནམ་གྲུའི་འཛིན་ཉོས་ན་ཨ་སྒོར་ ༢༥༠༠ ཙམ་རེད་ཟེར། རྒྱ་གར་ལ་ ༡༧༠༠ ཡི་ཡོག་ན་མེད་ཀི འབྱུང་འགྱུར་གྱི་ཟླ་བ་དྲུག་གི་ནང་ཚུད་ལ་བལྟས་པ་ཡིན་མོད། ཨ་རི་དང་རྒྱ་གར་དབར་གྱི་ཕར་ལམ་ཚུར་ལམ་གཉིས་ལ་གོང་ཆུང་ཤོས་དེ་ཨ་སྒོར་…
གླིང་ཚ་ཚེ་བརྟན་རྡོ་རྗེ་ནས།
་་་་་་་་་་་་་་་་་་་་་་་་་་་་་་བདེན་པའི་ཆེད་དུ་རང་ཉིད་ཀྱི་ཚེ་སྲོག་དེ་ཡང་དོར་འོས་པ་ཡིན།
བོད་མི་མི་རེ་ངོ་རེ་ནས་རང་ཉིད་བོད་མི་ཞིག་ཡིན་པ་དྲན་དགོས་པ་དང་། བོད་མི་རིགས་ལ་འགན་ཡོད་པའི་མི་ཞིག་དུ་བསམ་ཐུབ་པ་དང་རང་ཉིད་བོད་མིའི་སྐྱིད་སྡུག་མཉམ་མྱོང་བྱེད་རྒྱུའི་ཆོད་སེམས་བརྟན་པོ་ཡོད་པའི་ངེས་ཤེས་ཤིག་རྙེད་རྒྱུ་དེ་ནི་ད་ལྟའི་འཆར་བོད་མི་རིགས་འདི་ཉིད་ཤིོ་ལམ་ནས་གསོན་ལམ་དུ་བཞེངས་པའི་ཐབས་ལམ་དེ་ཡིན།
དེ་ལས་མང་བ་། “སེམས་བསམ་པའི་ཁ་བརྡ་བོད་མི་སྤྱི་སྒེར་གཉིས་ལ་ཞུས་པ།” »
༼བོད་ཀྱི་བང་ཆེན་དྲ་ཚིགས་ནས་འདྲེན་བཀོད་ཞུས།༽
ཟླ་འདིའི་ཚེས་༩ ཉིན་རྒྱ་གར་ལྷོ་ཕྱོགས་མོན་གྷོ་གཞིས་ཆགས་ནས་མི་མང་པོར་དུག་ཕོག་སྟེ། གཅིག་གྲོངས་པ་དང་མི་མང་པོ་སྨན་ཁང་དུ་མྱུར་སྐྱོབ་བྱེད་བཞིན་འདུག སྨན་ཁང་དུ་འབྱོར་ཟིན་པ་རྣམས་སྲོག་ཉེན་ལས་ཐར་ན་ཡང་། ཁག་ཅིག་གི་ལུས་ཡོངས་ནག་པོ་ཆགས་ཏེ་ནད་གཞི་ལྕི་མོ་ཡིན་པ་དང་།
དེ་ལས་མང་བ་། “མོན་གྷོ་རུ་དུག་ཕོག་སྟེ་མི་མང་པོར་ཛ་དྲག་སྨན་བཅོས།” »
……..རྩེ་སྐར།
ས་སྲོད་འདིར།
དགོང་ཁའི་ཉི་མ་ལ་ལེ་བདའ་བྱེད་བཞིན།
རླུང་བུ་རྒྱུ་ཕྱོགས་ན་འཕུར་བའི་ཕོ་རོག་དེ་ཚོ།
ད་དུང༌། རལ་ལ་ཉེ་བའི་སྤྲིན་པ་ལེབ་མོ་དེ།
སྐུ་དྲག་སུ་ཞིག་གི་ཕོ་ཉ་བཞིན།
རི་བོ་དེའི་ཕར་རྒྱབ་ལ་བཞུད་སྟངས་དེས།
ངའི་དྲན་པ་གློ་བུར་དུ་ཚ་གདུག་གིས་བཟུང་སྟེ།
ཞེན་ཁོག་ལྷག་མ་ཞིག་གིས
ཚོད་ཚོད་ལ་ཀི་རིང་ཞིག་མི་འཐེན་ཀ་མེད་དུ་གྱུར།
དབང་་ཆེན་སྤྲུལ་སྐུ།
ཀ་གཏུགས་བྱུང་ནས་རང་སྲོག་འདོར་བྱེད་ཤོ་རྒྱན་མ་འཛུག་གངས་ཅན་པ།
ཁ་ལྟས་ངན་པས་རང་གཞན་ཕངས་བྱེད་ཤོ་རྒྱན་མ་འཛུག་གངས་ཅན་པ།
ག་ལེར་རྒྱུ་ནོར་རྒྱང་དུ་བྲོས་འགྲོ་ཤོ་རྒྱན་མ་འཛུག་གངས་ཅན་པ།
ང་ཚོའི་ཡ་རབས་རིག་གཞུང་ཉམས་འགྲོ་ཤོ་རྒྱན་མ་འཛུག་གངས་ཅན་པ།།
ཅ་ཅོ་འུར་ཟིང་ནང་འཁྲུགས་སློང་བྱེད་ཤོ་རྒྱན་མ་འཛུག་གངས་ཅན་པ།
ཆ་རྒྱུས་ཡོད་ཀྱང་ཡིད་ཆེས་བརླག་འགྲོ་ཤོ་རྒྱན་མ་འཛུག་གངས་ཅན་པ།
ཇ་ཆང་ངོམས་མེད་ཟོས་བརྗེད་ཁུར་ཡོང་ཤོ་རྒྱན་མ་འཛུག་གངས་ཅན་པ།
ཉ་དོལ་རྒྱ་བཞིན་རང་ལུས་བཙོན་འཇུག་ཤོ་རྒྱན་མ་འཛུག་གངས་ཅན་པ།།
༼དབུས་བོད་མིའི་སྒྲིག་འཛུགས་ཀྱི་དྲ་ཚིགས་ནས་འདྲེན་བཀོད་ཞུས།༽ ༄༅། ། ཕྱི་ལོ་ ༢༠༡༢ ཟླ་ ༦ ཚེས་ ༡༡ ཉིན་བཀའ་བློན་ཁྲི་ཟུར་མཁས་དབང་ཟམ་གདོང་རིན་པོ་ཆེ་མཆོག་ལྷོ་ཀོ་རི་ཡའི་རྒྱལ་ས་སི་ཡོལ་གྱི་ལྷོ་ངོས་སུ་ཆགས་པའི་ཡོ་སོའི་ (Yeosu) གྲོང་ཁྱེར་ནང་རྒྱལ་སྤྱིའི་ནང་པའི་ལྷན་ཚོགས་ (World Fellowship of…
ས་དཀྱིལ་ཚེ་བཀྲ།
ཉག་ཕྲ་བའི་དུས་སུ། ཚེ་སྲོག་ལས་རྩ་ཆེ་བ་གཟི་བརྗིད་ཉིད།①
མེ་ཕུང་། གཅེས་པར་འོས་པའི་ཐ་ཚིག་ཅིག་སྟེ། སྙིང་ཉེ་བའི་མཆུ་སྒྲོས་ལ་འོད་ཀྱི་གོང་བུ་འཛུམ་པའི་མེ་ཏོག་མང་པོས་ཚ་སྡུག་གི་ཀློང་ནས། མཛེས་སྡུག་སྤར་སོང་། ལང་ཚོ་སྤར་སོང་། བདེན་དོན་སྤར་སོང་། མེ་ལྕེ་དྲག་པོ་འབར་བའི་མེ་ཕུང་རེ་རེ་ནི། ཏག་ཏག ཉི་ཟླའི་སྙིང་ལ་ཚི་ལུ་ཆགས་པའི་གཏམ་རྒྱུད་དག མུན་པའི་ཁྲོད་ཕྱེ་མ་ལེབ་ཁྲ་བོ་དག་གིས་སྒྱུ་རྩལ་གྱི་ལམ་ཁར་བདེན་སྣང་འཚོལ་བ་དང་མཚུངས་ཨང་།
སྤྲུལ་སྐུ་དབང་ཆེན་ནས།།
ཞོགས་དུང་རྟོག་སད་ཅོང་བརྡའི་ཚིག་དོན་རྨོངས་ཞེན་མཚོན་ཆ་པགས་པའི་རིགས།
ནག་གནས་རི་དྭགས་རྔོན་པའི་ཆ་སྤྱད་ཆོས་ལྡན་བོད་ལ་མི་མཛའ་ཞེས།
དུང་དཀར་སྙན་མོ་ཞལ་ནས་བུས་ཡང་ཉི་མའི་ཟེར་ལ་འུག་པའི་མིག
མི་བཟོད་གཡོ་ཅན་གཡམ་རྒྱུགས་མཁན་དག་ཚིག་གིས་དམག་དཔུང་བསྡུས་སོ་སྐད།།
མཁས་དབང་ཚུལ་བློ་རིག་པའི་ཁྱུ་མཆོག་ལྷག་བསམ་རབ་དཀར་ཀུ་མུད་གཉེན།
ཞོགས་པའི་དུང་བརྡས་བསིལ་རླུང་གཡབ་ཏེ་རང་རིགས་རྒན་གཞོན་བར་གསུམ་ལ།
གླེན་ལྐུག་གདོལ་སྤྱོད་གྲི་དང་པགས་རིགས་གོས་རྒྱན་ལུས་ལ་མ་འཆང་ཞེས།
གསེར་ལས་དཀོན་པའི་འཚོ་བའི་ལམ་སྟོན་བསླབ་བྱ་ཡིད་བཞིན་ནོར་བུ་བརྩལ།།
དེ་ལས་མང་བ་། “གོས་རྒྱན་མེ་ལ་བསྲེགས་ཞེས་རྩ་བའི་བླ་མས་བཀའ་གསུང་མིན།།” »
ཤར་མཁན་སྤྲུལ་འཇམ་དཔལ་བློ་གྲོས།
དྲི་བྲལ་སྟོང་ཆེན་ལྷ་མོར་སྦྲུམ་པའི་རབ་འབྱམས་སྣང་བའི་དག་ཆེན་དབྱིངས། །ཀུན་ཁྱབ་གཡུང་དྲུང་རྡུལ་བྲལ་ལོངས་སྤྱོད་ལྷ་ཡི་དགའ་བ་སྟོང་ཕྲག་འབུམ། །མི་མཇེད་ཞིང་དུ་སྣ་ཚོགས་མཁྱེན་བརྩེའི་འོད་དཀར་ཟློས་པ་འགྲོ་བའི་དཔལ། །སྐུ་གསུམ་ཡེ་ལྡན་བླ་མ་གཤེགས་པའི་མུན་ནག་གདུལ་བྱའི་མིག་ལ་གདུང་། །
རྫོགས་ལྡན་ཆོས་མཆོག་འཕགས་ཡུལ་འབྲས་དཀར་སྤུངས་ནས་ཆུ་འཛིན་དབྱིངས་སུ་ཐིམ། །སྦས་ཡུལ་གངས་དཀར་འདབ་སྟོང་གྲོང་ནས་གསེར་ལྡན་མ་ལ་འདྲེན་པ་རྨད། །འོན་ཏེ་ད་དུང་ཟབ་ལམ་རྡོ་རྗེའི་ལམ་མཆོག་པད་ཚལ་ལག་འགྲོའི་ཁྲོམ་པའི་རྒྱ། །མ་བསྐྱེད་ངེས་དོན་བསྟན་པའི་ཁུར་ཆེན་བོར་ནས་གཤེགས་པ་ཀྱེ་མ་ཧུད། །
ནམ་མཁའ།
ཉེ་བའི་ཆར་བོད་ཀྱི་དུས་བབ་དྲ་ཐོག་ཏུ་བཏོན་པའི་གནས་ཚུལ་ཞིག་ལ། མདོ་སྨད་ཐེ་བོ་ནས་གནས་མཇལ་བ་སྐོར་ཞིག་ལྷ་སར་ཕྱིན་པའི་སྐབས། མདོ་སྟོད་སྨད་ཀྱི་མི་སུ་ཡིན་ཚང་མ་དྲག་དམག་ཚོས་ཞིབ་བཤེར་བྱེད་པར་རྟེན།ཨ་མདོ་ཐེ་བོ་གྲྭ་བ་ཞིག་ལ་ཞིབ་བཤེར་བྱེད་མཁན་གྱི་དྲག་དམག་ཞིག་དང་ཁ་རྩོད་ཤོར་ནས་དྲག་དམག་དེས་ཐེ་ཚོམ་ཅི་ཡང་མེད་པར་གྲྭ་བ་དེ་དམར་གསོད་བྱས་མོད། ཡིན་ཡང་རང་དབང་ལུང་པའི་གཞུང་དང་མི་དམངས་གཉིས་ཀ་གཉིད་ལ་ཤོར་བ་ལྟར་གྲགས་འགུལ་ཅི་ཡང་མི་འདུག་ལ། དེའི་སྐོར་ནས་དྲ་རྩོམ་འབྲི་མཁན་ཚོ་ཡང་ཡིད་སྐྱོ་བའི་གནས་ཚུལ་ལ་གོམས་ལོབ་ལྟ་བུ་ཞིག་ཏུ་གྱུར་ཡོད་པ་འདྲ་བར་ཡིག་འབྲུ་སྣ་གཅིག་ཀྱང་མཐོང་རྒྱུ་མི་འདུག
གླིང་ཚ་ཚེ་བརྟན་རྡོ་རྗེ་ནས། རང་ཚུགས་ཐུབ་པ། ཞུམ་མེད་ཀྱི་སྙིང་སྟོབས་ཡོད་པ། འགྲོ་བ་འདྲ་མཉམ་གྱི་འདུ་ཤེས་ཟབ་མོ་ཡོད་པ། རིགས་ལ་བཅིངས་པའི་ལྷག་བསམ་ལ་རྨ་མེད་པ། དྲང་བདེན་ལ་རང་གི་ཚེ་སྲོག་ལས་ཀྱང་གཅེས་པ། མིའི་ཀུན་སྤྱོད་ཀྱི་ཁེ་དབང་ལ་གཅིག་མཚུངས་སུ་ལྟ་བ་དང་ཕྱོགས་རུས་མེད་པ་བཅས་ཀྱི་སྟེང་ནས། དཀའ་ངལ་ཡོད་ཚད་ལ་གདོང་གཏད་པར་རང་གི་ལུས་ངག་ཡིད་གསུམ་དང་རྒྱུ་དངོས་སྤྱོར་གསུམ་གང་ཡིན་ཡང་བློས་གཏོང་བྱེད་པར་རང་ཉིད་ཀྱི་སེམས་གཏིང་ནས་གྲྭ་སྒྲིག་ཚགས་ཚུད་ཡོད་པ་ཞིག་དགོས་པ་ཡིན། ༨།༦།༡༢
གཅན་འོད་འབར།
ཁུ་སིམ་གྱི་གཙང་འགྲམ་ཞིག་ལ་དུས་ཆད་བཏབ་པའི་སྲོད་ཁར།
གཙང་བོའི་རླབས་ཀྱིས་འཁྱེར་པའི་སྡོང་ལོར་བལྟ་ཞོར་མཛའ་མོར་སྒུག་ཅིང།
རླུང་བུས་གང་སར་འདེད་པའི་སྤྲིན་པར་ཅེར་ནས་ཟླ་བ་བསུས།
ཁེར་རྐྱང་གི་ཟླ་བ། ཁེར་རྐྱང་གི་གཙང་བོ།
ད་དུང་ཁེར་རྐྱང་གི་སྡོང་ལོ།
ང་དང་ངའི་སེམས་པ་ཆག་རོ་འདིའི་ཐོག་མའི་སེམས་གསོ་དང་འདྲ་ལ།
ང་དང་ངའི་མིག་ཟུང་སྐམ་པོ་འདིའི་མཐའ་མའི་མཆི་མ་དང་ཡང་མཚུངས།
ཅི་ཡང་མཐོང་ཐབས་བྲལ་བའི་མུན་ནག་འདིའི་ཁ་དོག་ངོགས་སུ།
ཡུན་རིང་སྒུག་པའི་སེམས་ཀྱི་སྐར་མདའ་དེ།
མཚན་ལྗོངས་འདིའི་མཁའ་དབྱིངས་ནས་ཟགས་པར་རེ་ཞིང།
གང་ཡང་ཐོས་རྒྱུ་མེད་པའི་གཙང་འགྲམ་འདིའི་ལྗོན་པའི་འོག་ཏུ།
གནས་ཚུལ་མཁོ་སྤྲོད་གནང་མཁནཿ གཡུང་དྲུང་བོན་གྱི་དྲ་ཚིགས་རྒྱུན་ལས་ཁང་།
དེ་ཡང་ཐོག་མར་༧སྐྱབས་རྗེ་༧རྒྱལ་བ་སྨན་རི་བའི་དགོངས་བཞེད་ལྟར་ཕྱི་ལོ་༢༠༠༠ལོ་ནས་ཕྱོགས་མཐའི་སློབ་གྲྭ་ཁག་གི་དབྱར་ཁའི་གུང་གསེང་དང་སྟབས་བསྟུན། ལོ་རེ་བཞིན་གཡུང་དྲུང་བོན་གྱི་ཆོས་དང་རིག་གཞུང་གི་སྐོར་ལ་བགྲོ་གླེང་ཐེངས་རེ་འཚོགས་དབུ་བཙུགས་གནང་ཡོད་པ་བཞིན།
གནས་ཚུལ་མཁོ་གཏོང་གནང་མཁནཿ མཁན་པོ་ཆོས་དབྱིངས།
དཔལ་སྔ་འགྱུར་རྙིང་མའི་༸སྐྱབས་རྗེ་སྟག་ལུང་རྩེ་སྤྲུལ་རིན་ཆེ་བཤད་སྒྲུབ་ཉིན་བྱེད་ཕྲིན་ལས་བཟང་པོ་མཆོག་གིས་༢༠༡༢ སྤྱི་ཟླ་ ༥ ཚེས་༤༢ དབུ་བཙུགས་ཏེ་བྱང་གཏེར་གྱི་བཀའ་དབང་དང་ལྗགས་ལུང་བསྩལ་ཡོད་པ་རེད། སྐྱབས་རྗེ་མཆོག་འདི་ལོ་སྤྱི་ཟླ་ ༣ ཚེས་་༦ ། བོད་རབ་བྱུང་བཅུ་བདུན་པའི་ཆ ུ་འབྲུག་ལོའི་བོད་ཟླ་ ༡ ་ཚེས་ ༡༣ རེས་གཟའ་མིག་དམར་ཉིན། སྔ་འགྱུར་རྙིང་མ་མ་དགོན་དྲུག་གི་བླ་ཆེན་ཁག་མཁན་དང་པོ་རྣམས་ཀྱིས་ཇི་ལྟར་གསོལ་བ་བཏབ་པ་བཞིན་རྙིང་མའི་དབུ་འཛིན་དུ་ཞལ་བཞེངས་གནང་།
དེ་ལས་མང་བ་། “རྙིང་མའི་དབུ་འཛིན་གྱིས་བཀའ་ཆོས་གནང་བ་དང་ཁྲི་འདོན།” »
་་་་་་ངས་འགྲོ་བ་འདྲ་མཉམ་དང་བོད་མི་རིགས་ཀྱི་ཁེ་དབང་རྩོད་ཀྱི་ཡོད།
བོད་མི་རིགས་ཀྱི་རང་དབང་དང་ཞི་བདེའི་ཆེད་དུ་ངའི་མི་ཚེ་ནང་དུ་དཀར་ཐིགས་ཙམ་ཞིག་འཇོག་ཐུབ་སོང་བ་ཡིན་ན། ང་རང་ལ་མི་ངན་དང་ཁྲེལ་མེད། ནག་ཅན། མི་རིགས་ཤིག་གི་ཉེས་ཅན་པ། མི་ཁ་དང་འཕྱ་དམོད་གང་ཞིག་བྱས་ཀྱང་། ང་རང་སྒེར་ངོས་ནས་དེ་ལ་སྡང་སེམས་དང་འཁོན་ལན་གཏན་ནས་མེད་པ་མ་ཟད། སེམས་ཁོང་རུས་པའི་གཏིང་ནས་བློ་འགྱོད་སྤུ་ཙམ་མེད།
དེ་ལས་མང་བ་། “ཕན་མ་ཐོགས་ན་གནོད་མི་བསྐྱེལ་བ་དེ་ངའི་དམ་བཅའ་ཡིན།” »
༼ བོད་ཀྱི་དུས་བབ་ནས་དྲངས། ༽
ཉེ་ཆར་རྒྱ་གཞུང་དབུས་འཐབ་ཕྱོགས་གཅིག་གྱུར་ཁང་གི་དཔོན་རིགས་ཚོ་བརྗེ་སྤོར་དང་། བོད་རྒྱ་འབྲེལ་མོལ་ལ་འགན་འཁུར་མཁན་ཀྲུའུ་ཝེ་ཆོན་རྒན་ཡོལ་བཏང་འདུག
ཉེ་ཆར་ཧོང་ཀོང་མེན་པའོ་གསར་ཤོག་གིས་གནས་ཚུལ་སྤེལ་དོན། ཐེངས་མང་༸གོང་ས་མཆོག་གི་སྐུ་ཚབ་དང་ལྷན་དུ་བོད་རྒྱ་འབྲེལ་མོལ་གནང་མཁན། རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པ་ཀྲུའུ་ཝེ་ཆོན་ལས་གནས་ནས་རྒན་ཡོལ་ལ་བཏང་ཡོད་པ་དང་། ཁོའི་ཚབ་ལ་དེ་སྔོན་བོད་ཁུལ་དུ་ཡུན་རིང་ལས་དོན་སྒྲུབ་མྱོང་བའི་ད་ལྟའི་རྒྱ་ནག་ཅང་ཞིས་ཞིང་ཆེན་གྱི་སྲིད་གྲོས་མགོ་གཙོ་(ཀྲུའུ་ཞི)ཀྲང་ཡིས་ཅཱོང་བསྐོ་བཞག་བྱས་ཡོད་པ་དང་། དེ་བཞིན། དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པ་ཧུང་ཡའེ་ཅིན་ཅཱང་ཞིས་ཞིང་ཆེན་གྱི་སྲིད་གྲོས་མགོ་གཙོར་ལས་བསྒྱུར་བྱས་འདུག
ས་དཀྱིལ་ཚེ་བཀྲ།
ལྷ་བསང་གཏོང་རོགས། ཆོས་དུང་འབུད་རོགས།
ཁྱེད་རང་མ་གཞི་ནས་བསང་ཁྲི་སྔོན་པོ་ཞིག
ཁྱེད་རང་གདོད་མ་ནས་ལྷ་སྒྲུང་ནག་པོ་ཞིག
རེབ་གོང་ཨཱ། ཕ་ཡི་རུས་ཟད་ཅིང་མ་ཡི་ཟུངས་འཐོར་བའི།
ལོ་རྒྱུས་ཀྱི་བླ་མཁར་སྨུག་པོ་ཨང་།
གླིང་ཚ་ཚེ་བརྟན་རྡོ་རྗེ།
དེ་རིང་བར་དུ་ང་རང་བཀག་བསྐྱེལ་ཁང་འདི་ལ་བཅུགས་ནས་ཉིན་མོ་བཅོ་བརྒྱད་འགོར་ཡོད། དེ་ཡི་རིང་དུ་ཁྲིམས་ཁང་དུ་ཐེངས་གསུམ་རིང་ལ་ཁྲིམས་རྩོད་པའི་སར་ཁྲིད་པ་རེད། ཁྲིམས་རྩོད་པས་སར་ཁྲིད་ཐེངས་རེར། ངའི་མིང་ནས་འབོད་པ་དང་ཉིན་བཀག་ཕྱིར་འགྱངས་བྱེད་པ་ལས། ང་ལ་སྐད་ཆ་གཞན་གང་ཡང་མི་འདྲི། དེ་རིང་བར་དུ་ང་རང་བཀག་བསྐྱེལ་ཁང་འདིའི་ཡིག་ཚང་དུ་ཐེངས་ཁ་ཤས་ཤིག་ལ་སྐད་བཏང་བ་ལས། དེ་རིང་བར་དུ་ང་ལ་ཐག་གཅོད་བྱེད་ཀྱི་ཡིན་ཟེར་བའི་སྐད་ཆ་གང་ཡང་བཤད་མྱོང་མེད།
དེ་ལས་མང་བ་། “བཀག་བསྐྱེལ་ཁང་གིས་དེ་རིང་ང་ལ་རེ་སྐུལ་དང་འདྲི་བརྩད་སླར་ཡང་བྱས་སོང་།” »