གྲིབ་གཟུགས།
མུན་པ་ཟབ་པའི་འཇིག་རྟེན་ནས།།
ཟླ་བའི་འོད་སྣང་རྒྱང་ལ་བྱེར།།
ཚོར་བ་རྣོ་བའི་སེམས་པ་ཡིས།།
ན་ཟུག་མོད་པོ་རིན་གྱིས་ཉོས།།
ཁྱོད་དང་ང་ལས་མི་ལྷག་པའི་བོད་ཁམས་ལ་བལྟས་ཏེ་དྲན་གསོ་ཐེངས་གཅིག
འཕྲིན་ལས་འོད་ཟེར།
ཚེ་སྲོག་མེ་ཞགས་ཀྱི་གུང་བུར་ཐིམ་ཐིམ་རེད།།
ཚར་གཅོད་དྲག་དཔུང་གི་གླུ་སྒྲ་ལེན་ལེན་རེད།།
མཇུག་འབྲས་ཏིལ་འབྲུ་བཞིན་ད་ནས་ཆུང་ཆུང་རེད།།
འཆི་གསོན་གྲངས་འབོར་གྱི་གཤིབ་བསྡུར་བྱེད་རན་རེད།།
དེ་ལས་མང་བ་། “ཁྱོད་དང་ང་ལས་མི་ལྷག་པའི་བོད་ཁམས་ལ་བལྟས་ཏེ་དྲན་གསོ་ཐེངས་གཅིག” »
དམར་ཤོག་ཚོགས་ཆེན་མ་ཚར་བར་འདས་མཆོད་བྱས་མི་ཆོག
ཟུར་གསལ་འདྲ་པར་དེ་ཕྱི་ཟླ་༡༡ ཚེས་༧ ཉིན་ཨ་མདོ་རྔ་བའི་སྒོ་མང་ཞང་ཐོག་ནས་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་པའི་རྒྱལ་གཅེས་དཔའ་བོ་གྲྭ་རྡོ་རྗེ་ལགས་ཀྱི་འདྲ་པར་ཡིན། ཁོང་རང་ལུས་མེར་སྲེག་གཏོང་ས་དེ་ག་རང་ནས་འདས་གྲོངས་སུ་གྱུར་ཡོད་པ་དང་།ཕྱི་ཚེས་༨ ཉིན་ཁོང་གི་རུས་ཐལ་ཡིན་ཟེར་བའི་ཐལ་ལ་ནང་མིར་སྤྲད་ཡོད་པ་མ་གཏོགས་གཞན་གང་ཡང་རེག་མེད་པར་མ་ཟད།
དེ་ལས་མང་བ་། “དམར་ཤོག་ཚོགས་ཆེན་མ་ཚར་བར་འདས་མཆོད་བྱས་མི་ཆོག” »
སེར་སྲུང་སྔགས་པ་ཞིག་གི་སྐོར་ལ་བཟོས་པའི་དངོས་བྲིས་གློག་བརྙན་སྟོན་རྒྱུ་ཡིན།
གཟའ་འཁོར་འདིའི་གཟའ་ཕུར་བའི་དགོང་མོ་དུས་ཚོད་དྲུག་པ་དང་ཕྱེད་ཀ་ནས་བརྒྱད་པ་དང་ཕྱེད་ཀའི་བར། ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་ན་སེར་སྲུང་སྔགས་པ་ཞིག་གི་སྐོར་ལ་བཟོས་པའི་དངོས་བྲིས་གློག་བརྙན་ཞིག་སྟོན་གྱི་འདུག གློ་བརྙན་དེ་བཟོ་མཁན་ནི་གློག་བརྙན་འཁྲབ་འཁྲིད་པ་པད་མ་ཚེ་བརྟན་ལགས་ཡིན་པ་དང་། ཁོང་གིས་ཁོང་གི་ཡུལ་ཕྱོགས་ཀྱི་སྔགས་པ་ཞིག་གིས་སེར་སྲུང་གི་སྲོལ་རྒྱུན་དེ་རང་ཚ་བོ་ལ་བརྒྱུད་ཐབས་བྱས་པའི་སྐོར་ཡིན་ལ། དེ་ནི་༢༠༠༤་ལོར་ཨེ་ཤར་ཡའི་ Discovery Channel གྱི་ཆེད་དུ་བཟོས་པ་ཞིག་རེད། པད་མཚེ་བརྟན་ལགས་ནས་གློག་བརྙན་འདིའི་བཟོ་སྟངས་སྐོར་ལ་ཡང་གསུང་བཤད་གནང་རྒྱུ་རེད་ཟེར།
ང་ཕོད་འཇིགས་མེད་ལགས་གློ་བུར་དུ་ཨེ་ཤེ་ཡའི་རང་དབང་རླུང་འཕྲིན་ཁང་གི་འགན་འཛིན་ནས་ཕབ་དགོས་དོན་གང་ཡིན་ནམ།
འོད་ཟེར་གྱིས་བརྩམས་པའི་། “ང་ཕོད་འཇིགས་མེད་ལགས་གློ་བུར་དུ་ཨེ་ཤེ་ཡའི་རང་དབང་རླུང་འཕྲིན་ཁང་གི་འགན་འཛིན་ནས་ཕབ་དགོས་དོན་གང་ཡིན་ནམ།” ཞེས་པ་དེ་ཨིན་ཡིག་ཏུ་བསྒྱུར་པ་དེ”་རི་མཐོ་ས་གཙང་”ཞེས་པའི་དྲ་དེབ་ཏུ་བཀོད་འདུག དེའི་འབྲེལ་ཐག་ནི་གཤམ་གསལ་ལྟར་རེད། http://highpeakspureearth.com གོང་གསལ་རྩོམ་དེ་རྒྱ་ཡིག་ན་ཡོད་པ་གཤམ་གསལ་འབྲེལ་ཐག་ན་འདུག http://highpeakspureearth.com/2012/唯色《自由亚洲电台藏语部主任阿沛·晋美为何突/?lang=zh-hans འོད་ཟེར་རང་གི་དྲ་བ་ “མཐོང་མི་ཐུབ་པའི་བོད་”ཅེས་པ་ཡོད་པ་འདི་ན་འདུག http://woeser.middle-way.net/2012/11/blog-post_9.html
ཚེ་སྲོག་འབར་སྟངས་ཀྱི་མཐའ་སྣེ་འཚོལ་བ།
སྲོང་བཙན་བུ།
གཅིག ཕངས་མེད་དུ་འབར་སྟངས།
བྱིས་པ་བསམ་མེད་ཅིག་གི་ཁ་ནང་ནས་ཨ་མའི་ནུ་མ་འབར་སོང་། ཕོ་སྐྱེས་དར་མ་ཞིག་གི་མིག་ལམ་ནས་གཏན་གྲོགས་མའི་ལང་ཚོ་འབར་སོང་། ཨ་མྱེས་རྒས་འཁོགས་དེའི་ལག་པས་འཁེན་ས་འབར་སོང་། གསེར་ཁྲིའི་སྟེང་གི་བླ་མ་གསེར་ཞྭ་ཅན་དེ་གསུང་ཆོས་འཕྲོ་ཅན་དུ་བཞག་ནས་འབར་སོང་། གསེར་ཏོག་འོད་སྣང་འཁྱིལ་བའི་དགོན་འདབས་དེ་ནས་གྲྭ་གཞོན་ལོ་ཆུང་དེ་འབར་སོང་། དམར་པོའི་དར་དམར་གཡོ་བའི་སློབ་རའི་སློབ་མ་དེ་འབར་སོང་། སྨྱུག་ཐོགས་ཡི་གེ་བ་དེ་རྩོམ་པ་འཕྲོ་ཅན་དུ་བཞག་ནས་འབར་སོང་། སྒྲ་སྙན་འཁུར་བའི་གཞས་པ་དེ་སྙན་གཞས་འཕྲོ་ཅན་དུ་བཞག་ནས་འབར་སོང་། ཕ་མ་ཞིག་གི་སེམས་ཀྱི་ཕྱེད་ཀ་དེ་འབར་སོང་། མ་འབྱར་བྱིས་པ་ཞིག་གི་ཕ་མ་འབར་སོང་།
ངེས་པར་དུ་སེམས་དགོས་པའི་གནད་འགག་འགའ།
ཨོ་རྒྱན་ཉི་མ།
དང་པོ་བོད་བརྒྱུད་ནང་བསྟན་རྒྱ་ནག་དང་། ཐེ་ཝན། སིང་གཱ་པུར། རྒྱ་གར་སོགས་བརྒྱུད་དེ་ནུབ་ཕྱོགས་སུ་དར་དུས་ཚང་མ་ཡིད་སྨོན་ཤོར་ཡུལ་དུ་དུ་གྱུར་བ་རེད། དེ་ནི་སྐབས་དེ་དུས་བོད་པ་ཚོར་ལྷད་མེད་ཀྱི་དྲང་བདེན་དང་། བཅོས་ཀྱི་བརྩེ་བ། ལྷག་བསམ་རྣམ་དག་ཡོད་མཁན་ལས། དེང་སང་ནང་བཞིན་མགོ་བདེ་དྲན་འཕྲུལ་ཅན་དེ་ཚོ་མེད་པས་རེད།ཆོས་ཞེས་པ་དེ་དང་པོ་རང་རྒྱུད་འདུལ། དེ་ནས་གཞན་རྒྱུད་གྲོལ་བར་བྱ་བའི་གདམ་པ་གཏད་དེ་སྐྱེ་འགྲོའི་ཕན་བདེ་སྒྲུབ་བྱེད་ཅིག་ཡིན་ཡང་། དེང་སང་ནི་སྐྱ་སེར་རྒན་གཞོན་མེད་པར་རང་མ་གྲོལ་སྔོན་ནས་གཞན་བསྒྲལ་འདོད་ཀྱིས་བྲེལ་ཞིང་། ལམ་འགྲོ་མ་རྒྱུགས་དུས་ལོག་གཡེམ་བྱས། རྐུ་རྒྱབ་པ་སྟེ། མདོར་ན་ཆབ་སྲིད་པ་དང་། ཚོང་པ་ཚོས་གང་བྱས་མཐའ་དག་དེང་སང་གི་གྲྭ་བླ་སྤྲུལ་གསུམ་དང་
ང་ཚོ་སད་རན་འདུག
རེབ་ཐོག་མདའ།
ཞི་བའི་བཅིངས་འགྲོལ་ཁ་ལ་འཁྱེར་བའི་ལོ་རབས་ལྔ་བཅུའི་སྣེ་མོ་ནས།།
དོན་ཚན་བཅུ་བདུན་མིང་གིས་ལྕིབས་པའི་མེ་མདའ་ཞིག་གི་སོ་ཁ་ནས།།
སྒང་བ་བོད་ལ་འཇབ་ནས་སླེབས་པའི་ཤར་ཕྱོགས་རྒྱ་ཡི་ལག་དམར་ཚོས།།
གཞིས་བྱེས་བོད་པ་ཁ་ཁ་བཟོས་པའི་ན་ཟུག་སྙིང་ལ་བརྐོས་ནས་ཡོད།།
བཙོན་འོག་ཚུད་པའི་རྩོམ་པ་པོའི་ཉིན་མོ་སྲུང་བརྩི་དང་འབྲེལ་བའི་བགྲོ་གླེང།
སྨྲ་བརྗོད་རང་དབང་དང་བཙོན་འོག་གི་རྩོམ་པ་པོ།
༄༅།། བཀུར་འོས་སེར་སྐྱ་མི་དམངས་ཡོངས་ཀྱི་སྙན་ལམ་དུ།
ཆེད་གསོལ། འདི་ཟླའི་ཚེས་༡༥རེས་གཟའ་ཕུར་བའི་ཉིན་རྒྱལ་སྤྱིའི་བཙོན་འོག་ཏུ་ཚུད་པའི་རྩོམ་པ་པོའི་ཉིན་མོ་སྲུང་བརྩི་བྱེད་པའི་དུས་དྲན་ཐེངས་༣༡པའི་ཉིན་མོ་འཁེལ་ཡོད་སྟབས། པེན་ཕྱི་སྡོད་བོད་ཀྱི་རྩོམ་པ་པོའི་མཐུན་ཚོགས་ཀྱི་ངོས་ནས་དེའི་ཉིན་དུས་དྲན་སྲུང་བརྩི་དང་འབྲེལ་ནས་༼སྨྲ་བརྗོད་རང་དབང་དང་བཙོན་འོག་གི་རྩོམ་པ་པོ་༽ཞེས་པའི་བརྗོད་གཞིའི་སྟེང་མེག་གྷན་བོད་ཁྱིམ་ཉིན་མོའི་སློབ་གྲྭ་རུ་ཉིན་རྒྱབ་ཆུ་ཚོད་༤ཐོག་བགྲོ་གླེང་གོ་སྒྲིག་ཞུ་བཞིན་ཡོད་པས་རྒྱ་ཆེའི་མི་དམངས་རྣམས་ངེས་ཕེབས་ཡོང་བའི་གསལ་བརྡ་རུ།
དེ་ལས་མང་བ་། “བཙོན་འོག་ཚུད་པའི་རྩོམ་པ་པོའི་ཉིན་མོ་སྲུང་བརྩི་དང་འབྲེལ་བའི་བགྲོ་གླེང།” »
ལས་འདིར་གཟིགས་པའི་དུས་རེད།
གངས་རིའི་སྲས་མོ།
འབྲོག་པ་གྲོང་བསྒྱུར་ཟེར་ནས།། ནོར་ལུག་མེད་པར་བཟོས་སོང།།
ཅང་མེད་ཁང་སྟོང་ཞིག་གིས།། ཁ་ཙམ་གསོ་ཐབས་ཡོད་དམ།།
འཆར་ལྡན་བུ་སྐྱེ་ཟེར་ནས།། བུད་མེད་སྐྱེ་སྒོ་བཀག་སོང་།།
ཕྲུ་གུ་འཕེལ་བ་བཀག་ན།། རིགས་རྒྱུད་ཇི་ལྟར་སྤེལ་ལམ།།
ཉིན་གཉིས་ཀྱི་བོད་གནས་མཁོ་སྤྲོད་ཀྱི་ལས་འགུལ། (པར)
རས་པ།
ང་ཚོས་ཧིན་རྡི་དང་དབྱིན་ཡིག་གི་ནང་དུ་ཕྱི་ལོ ༢༠༠༩ ནས་ ༢༠༡༢ ཟླ་ ༡༡ ཚེས་ ༨ བར་བོད་ནང་གི་བོད་མི་༦༩ ཡིས་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་བྱས་པའི་གནས་ཚུལ་བྲིས་ཏེ། རྒྱ་གར་གྱི་གྲོང་ཁྱེར་ཆེ་ཁག་གཉིས་དང་། དམིགས་གསལ་གྱིས་ golden temple དང་ Jallianwala Bagh གཉིས་གཙོ་བོར་བྱས་པའི་མི་མང་འདུ་འཛོམས་ཆེ་ཤོོས་ཀྱི་ས་གནས་ཁག་ཅིག་ལ་བོད་ཀྱི་ད་ལྟའི་དངོས་ཡོད་གནས་ཚུལ་ངོ་སྤྲོད་ཀྱི་ཡིག་ཆ་བཀྲམས་པ་ཡིན།
དེ་ལས་མང་བ་། “ཉིན་གཉིས་ཀྱི་བོད་གནས་མཁོ་སྤྲོད་ཀྱི་ལས་འགུལ། (པར)” »
ཝཱ་ཎར་མཆོད་འབུལ་སྨོན་ལམ་རྒྱ་ཆེ་ཞིག་འཚོགས་སོང་།
གནས་ཚུལ་མཁོ་སྤྲོད་པ། ཨ་རིག་དགེ་མཐོང་།
ཁ་སང་སྤྱི་ཟླ་བཅུ་གཅིག་པའི་ཚེས་བཅུ་གཅིག་གི་རེས་གཟའ་ཉི་མའི་གུང་སེང་དང་སྟབས་བསྟུན་གྱིས་ཝཱ་ཎའི་མཐོ་སློབ་ཀྱི་དགེ་ལུགས་ཚོགས་པས་གོ་བསྒྲིགས་གནང་སྟེ། བོད་ནང་གི་དཔའ་བོ་དཔའ་མོ་བོད་བསྟན་པ་ཆབ་སྲིད་ཀྱི་སླད་དུ་རང་སྲོག་བློས་གཏོང་གནང་མཁན་དག་གི་ཆེད་དུ་བསྔོ་བ་སྨོན་ལམ་དང་། མཆོད་འབུལ་ཞིག་དགེ་ལྡན་ཆོ་འཕྲུལ་སྨོན་ལམ་ཆེན་མོའི་འཛིན་སྐྱོང་བསྟི་གནས་ཁང་བོད་དགོན་བཤད་སྒྲུབ་འདོད་རྒུ་འཁྱིལ་དུ་འཚོགས་སོང་ལ། དེར་ཝཱ་ཎའི་དགེ་སློབ་གཉིས་དང་གདན་ས་གསུམ་གྱི་འཐུས་ཚབ་དགེ་འདུན་པ་དག་གཙོས་སྐྱ་སེར་ཉིས་བརྒྱ་ལྷག་འཛོམས་ཏེ་སྐྱབས་འགྲོ་སེམས་སྐྱེད་དང་སྨོན་ལམ་རྣམ་ལྔ། དེ་བཞིན་བླ་མ་མཆོད་པའི་ཆོ་ག་དང་འབྲེལ་བའི་ཚོགས་རྒྱས་པ་ཞིག་བཏང་ཞིང་བསྔོ་བ་སྨོན་ལམ་གང་རྒྱས་གང་སོང་།
དེ་ལས་མང་བ་། “ཝཱ་ཎར་མཆོད་འབུལ་སྨོན་ལམ་རྒྱ་ཆེ་ཞིག་འཚོགས་སོང་།” »
ནོར་གླིང་ས་ཁུལ་དུ་དཔའ་བོ་མགོན་པོ་ཚེ་རིང་ལགས་ཀྱི་ཆེད་དུ་མཆོད་འབུལ།
སྤྱི་ལོ་ ༢༠༡༢ ཟླ་བ་ ༡༡ ཚེས་ ༡༡ ཉིན་ནོར་གླིང་ས་གནས་བོད་རིགས་སྤྱི་མཐུན་ཚོགས་པའི་གོ་སྒྲིག་འོག་འཆི་མེད་དགའ་ཚལ་གླིང་གི་དགེ་འདུན་པ་དང་བཙུན་དགོན་སྒྲོལ་མ་གླིང་གི་དགེ་འདུན་པའི་གཙོས་ནོར་གླིང་ས་ཁུལ་གྱི་བོད་རིགས་སེར་སྐྱ་ཐུན་མོང་ནས་འཆི་མེད་དགའ་ཚལ་གླིང་དགོན་པར། སྤྱི་ཚེས་ ༡༠ ཉིན་བོད་རྒྱལ་ཁབ་དང་མི་རིགས་ཀྱི་ཆེད་དུ་རང་ལུས་མཆོད་མེར་ཕུལ་བའི་རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱི་ཆེད་དུ་མཆོད་འབུལ་སྨོན་ལམ་ཞིག་ཚོགས་ཡོད།
དེ་ལས་མང་བ་། “ནོར་གླིང་ས་ཁུལ་དུ་དཔའ་བོ་མགོན་པོ་ཚེ་རིང་ལགས་ཀྱི་ཆེད་དུ་མཆོད་འབུལ།” »
དེ་རིང་ཚེས་ ༡༢ ཉིན་རེབ་གོང་ནས་གཞོན་སྐྱེས་གཉིས་ཀྱིས་རང་ལུས་མེར་བསྲེགས་བཏང་བའི་གནས་ཚུལ་ཕྱོགས་བསྡུས། ༼རྗེས་འབྲེལ་གནས་ཚུལ་སྣོན་འདེབས་ཞུ་གི་ཡོད༽
༼༡༽ དཔའ་བོ་སྙིང་དཀར་བཀྲ་ཤིས་ཀྱིས་རང་ལུས་མེར་བསྲེགས་བཏང་བའི་གནས་ཚུལ།
༼༡༽ དཔའ་བོ་སྙིང་དཀར་བཀྲ་ཤིས་ཀྱིས་རང་ལུས་མེར་བསྲེགས་བཏང་བའི་གནས་ཚུལ།
དེ་རིང་རེབ་གོང་སྒྲོ་རོང་པོ་ནས་རང་ལོ་ ༢༤ ཡིན་པ་སྙིང་དཀར་བཀྲ་ཤིས་ཞུ་བ་ཞིག་གིས། “རྒྱལ་བ་རིན་པོ་ཆེ་སྐུ་ཚེ་བརྟན་པར་ཤོག” ”བོད་ལ་རང་དབང་དགོས”ཞེས་སྐད་འབོད་དང་བཅས་ཏེ། རང་ལུས་མེར་བསྲེགས་བཏང་ནས་འདས་གྲོངས་ཕྱིན་འདུག
སྙིང་དཀར་བཀྲ་ཤིས་ནི་ཕ་བཀྲ་ཤིས་རྣམ་རྒྱལ་༼རང་ལོ་ ༤༧༽་དང་མ་མཁའ་འགྲོ་འཚོ་༼ལོ་བཞིའི་གོང་ཚེ་ལས་འདས་འདུག༽གཉིས་ཀྱི་བུ་ཡིན་པ་དང་། སྙིང་དཀར་བཀྲ་ཤིས་ཀྱི་སྐྱེས་དམན་གྱི་མིང་ལ་འབྲུག་མོ་ཚེ་རིང་༼ལོ་ ༢༣༽ཡིན་འདུག་ལ། སྙིང་དཀར་བཀྲ་ཤིས་ཀྱི་ཨ་མ་འདས་རྗེས་ཁོང་གི་ཨ་ཕས་སྐྱེས་དམན་གཞན་ཞིག་དང་གཉེན་སྒྲིག་ཡོད་པ་དེའི་མིང་ལ་ལྷ་མོ་མཁར་ཟེར་གྱི་ཡོད་འདུག
ང་ཚོ་འདི་ལྟར་འགྲོ་མི་རུང་།
གངས་རིའི་ཉི་མས་བསྒྱུར། དཔལ་ལྡན་རྒྱལ་གྱིས་བརྩམས།(Duke University)
ཟླ་བ་ཁ་ཤས་ཀྱི་སྔོན་ནས། ངས་རྒྱུན་ལྡན་རང་ཉིད་གཉིད་དུ་མ་སོང་གོང་སང་ཉིན་བོད་ནང་དུ་འཇིགས་སྣང་ཆེ་བའི་རང་ལུས་མེར་སྲེག་གི་གནས་ཚུལ་ཡང་བསྐྱར་མི་ཡོང་བའི་སྨོན་ལམ་རྒྱབ་ཀྱི་ཡོད། ངའི་སྨོན་འདུན་ནི་ལན་གང་ཡང་མེད་པ་ཞིག་ཆགས་སོང་། དེ་རིང་སླར་ཡང་ངའི་ཕ་ཡུལ་རྔ་བ་སི་ཁྲོན་དུ་ན་གཞོན་གྲྭ་བ་ཞིག་གིས་རང་ལུས་མཆོད་མེར་ཕུལ་འདུག
ཉ་ལུག་མི་གསུམ་གྱི་སྐྱོ་གླུ
ནམ་མཁའ།
གངས་ལྗོངས་རྫ་ཆུ་བསིལ་མ།།
རྫས་སྦྱོར་དུག་ཆུས་སྒྱུར་སོང་།།
ཉམ་ཆུང་ཉ་མོ་སྐྱོ་ཡང་།།
སྐྱོབ་མཁན་གཅིག་ཀྱང་མི་འདུག །
རླུང་འཚུབ་ཁྲོད་ཀྱི་མི་ཚེ།
གྲིབ་གཟུགས།
དང་པོ།
དེ་རིང་ནི་ནམ་ཟླ་གྲང་མགོ་ཚུགས་ཟིན་པའི་སྟོན་མཇུག་གི་ཉི་མ་ཞིག་རེད། གཏེར་རི་ལུང་པའི་ཡུལ་མི་རྣམས་ནི་ནམ་ཟླའི་གྲང་ངར་ལ་མི་འཛེམ་པར་ཤག་ཐང་དཀྱིལ་གྱི་གཙང་ཆུ་ལ་ཟམ་པ་འཛུགས་པའི་ལས་ལ་བྲེལ་ཟིང་ངང་འགུལ་བཞིན་འདུག མ་གཞི་ཤག་ཐང་ནི་ཆུ་རྡོ་དང་བྱེ་མས་གང་ཞིང་དུས་བཞིའི་ཁྲོད་རྦ་རླབས་གནམ་ལ་འཕྱོ་བའི་གཙང་ཆུ་བཞུར་སའི་ཁོད་སྙོམས་པའི་ས་རྒྱ་ཆེན་པོ་ཞིག་ཡིན་མོད། དེ་ན་དབྱར་དུས་སུའང་རྩྭ་ལྗང་ཞིག་ཧ་ལམ་མཐོང་རྒྱུ་མེད།
ཕྱི་ཚེས་ ༧ ཉིན་ཨ་མདོ་རྔ་པར་རྒྱལ་གཅེས་དཔའ་བོ་གསུམ་གྱིས་མཉམ་དུ་རང་ལུས་མེར་བསྲེགས་ཀྱི་གནས་ཚུལ་ཁ་སྣོན།
ཕྱི་ལོ་༢༠༡༢ ཟླ་༡༡ ཚེས་༡༠ ཉིན་གནས་ཚུལ་འབྱོར་གསལ་ལ། འདི་ཟླའི་ཚེས་༧ ཉིན་ཨ་མདོ་རྔ་པ་ནས་རང་ལུས་མེར་སྲེག་གཏོང་མཁན་རྒྱལ་གཅེས་དཔའ་བོ་གསུམ་གྱི་ནང་ནས་རང་ལོ་༡༥ ཡིན་པའི་གྲྭ་རྡོ་རྗེ་ལགས་གནས་ཚུལ་བྱུང་ས་རང་ནས་སྐུ་གྲོངས་ཡོད་ཅིང་། ཁོང་གི་ཕུང་པོ་རྒྱ་གཞུང་གིས་བཙན་ཁྱེར་བྱས་ཏེ་ནང་མིར་སྤྲད་མེད་ལ། ཕྱི་ཚེས་༨ ཉིན་ཁོང་གི་རུས་ཐལ་ཡིན་ཟེར་ནས་ཐལ་ལ་ཞིག་ནང་མིར་སྤྲད་པ་མ་གཏོགས་གཞན་གང་ཡང་སྤྲད་མེད་པ་དང་།
ངོ་ལོག་པ་སླེབས་ཡོད།
བཀྲ་ཤིས་དོན་འགྲུབ།
དགོན་མིན་དགོན་པར་བཏགས་པའི་གྲོང་བརྡལ་ནས།།
དབུ་སྐྲ་མཚོན་ལ་དྲངས་པའི་གྲྭ་རྒོད་དག།།
བྱེས་ལ་གཞིས་ཆགས་ཟེར་བའི་གྲོང་གསེབ་ཏུ།།
ངེས་འབྱུང་ཞལ་ཁ་བསྒྱུར་བ་ཇེ་མང་རེད། །
ཆིག་ལབ་རིང་མོ། ༼ཚན་པ་དང་པོ༽
——སློབ་གྲྭ་དང་སློབ་གྲོགས་
དོལ་སྨྱོན།
༡༽
སྨུག་པ་འཐུལ་བའི་གནས་འདི་རུ།།
ཆར་བ་འབབ་པའི་གནས་འདི་རུ།།
གྲང་རླུང་སྐྱེན་པའི་གནས་འདི་རུ
བདེ་དྲོད་བྲལ་བའི་གནས་འདི་རུ།།