གནས་ཚུལ་མཁོ་གཏོང་བ། བསོད་ནམས།
དེ་རིང་ཕྱི་ཟླ་༡༡ཚེས་༡༧ཉིན་ཨ་མདོ་རེབ་གོང་སྨད་པ་ཁ་རྒྱ་སྡེ་བའི་ཕ་འབྲུག་བྱམས་དང་མ་སྒྲོལ་འཚོ་གཉིས་ཀྱི་བུ་མོ་རང་ལོ་༢༦ཡིན་པ་ལྕགས་མོ་སྐྱིད་ལགས་ཀྱིས་བོད་ནང་གི་ཕྱི་དྲོ་ཆུ་ཚོད་༤ཡས་མས་སུ། རེབ་གོང་དགའ་བདེ་ཁྲོམ་རའི་བྱང་སྒོའི་ཁ་གཏད་སྲང་ལམ་ཁྲལ་བསྡུ་ཅུའུ་ཡི་སྒོ་ཁ་ནས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་དེ་གར་སྐུ་གྲོངས་ཡོད་འདུག་ལ། དེ་མ་ཐག་དམག་མི་ཡོང་སྟེ་སྐུ་ཕུང་འཁྱེར་རྩིས་བྱེད་སྐབས་བུད་མེད་མང་པོ་ཞིག་དང་མི་མང་པོ་ཞིག་གིས་དམག་མིའི་ལག་ནས་བཙན་འཕྲོག་གིས་རོང་བོ་དགོན་ཆེན་གྱི་སྒྲོལ་མ་ཐང་ཆེན་དུ་གདན་འདྲེན་བྱས་རྗེས།
སྤྱི་ལོ་ ༢༠༡༢ ཟླ་བ་ ༡༡ ཚེས་ ༡༦ རེས་གཟའ་པ་སངས་ཉིན་གྱི་སྔ་དྲོ་ནོར་གླིང་ཉེ་འཁྲིས་ཀྱི་དགོན་སྡེ་ཁག་དང་མི་མང་གིས། བོད་ནང་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད་ཀྱི་ཞི་བའི་གོམ་བགྲོད་ཞིག་བྱས་ཡོད། དེ་རིང་ཕྱི་ཚེས་ ༡༦ ཉིན་གྱི་ཞོགས་པའི་ཆུ་ཚོད་ ༨་ ༣༠ སྟེང་ནོར་གླིང་བོད་རིཊ་སྤྱི་མཐུན་ཚོགས་པའི་གོ་སྒྲིག་འོག ནོར་གླིང་ཉེ་འཁྲིས་རྒྱུད་སྟོད་གྲྭ་ཚང་དང་འཆི་མེད་དགའ་ཚལ་གླིང་། བཙུན་དགོན་སྒྲོལ་མ་གླིང་བཅས་ཀྱི་དགེ་འདུན་པ་དང་བཙུན་མ།
