༄༅། །ན་མོ་རིགས་འདུས་བདེ་གཤེགས་རྡོ་རྗེ་འཆང་། །ཕྱོགས་བསྡུས་དཀོན་མཆོག་གསུམ་གྱི་དངོས། །བདག་གཞན་བྱང་ཆུབ་མ་ཐོབ་པར། །སྙིང་ནས་ཉེ་བར་སྐྱབས་སུ་མཆིའོ། །ཞེས་སྐྱབས་འགྲོ་ལན་གསུམ་བརྗོད། ནམ་མཁས་ཁྱབ་པའི་སེམས་ཅན་རྣམས། །སྡུག་བསྔལ་མཚོ་ལས་བསྒྲལ་བའི་ཕྱིར། །རྩ་བ་གསུམ་གྱི་གོ་འཕང་མཆོག །མ་འཐོབ་བར་དུ་བསྒྲུབ་པར་བྱ། །ཞེས་སེམས་བསྐྱེད་ལན་གསུམ་བྱ། ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རངས་བསྐུལ་ཞིང་གསོལ་བ་འདེབས། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཕྱིར་བསྔོའོ། །ཞེས་ཡན་ལག་བདུན་པ་བྱ།

དེ་ལས་མང་བ་། “རྗེ་བཙུན་གཡུ་ཐོག་པའི་བླ་མའི་རྣལ་འབྱོར་མདོར་བསྡུས།” »

དེང་རབས་བོད་ཀྱི་རྩོམ་པ་པོའི་ཁྲོད་དཔྱད་བརྗོད་རྩོམ་འབྲི་བ་ཁོང་ལྟ་བུ་མི་འབྱུང་དོན་ག་རེ་ཡིན་ནམ། 

ཚོའོ་ཁྲང་ཆིན་ལགས་ནི་དང་ཐོག་སྙན་ངག་གསར་རྩོམ་དང་། སྙན་གཞུང་ཉམས་ཞིབ་པ་ཞིག་ཡིན་ལ། སྤྱི་ལོ་༡༩༨༢ལོར་རྒྱ་ནག་ཤི་ལོན་ཅང་སློབ་གྲྭ་ཆེན་མོའི་(黑龍江大學)རྒྱ་ཡིག་སྡེ་ཁག་ནས་སློབ་མཐར་ཕྱིན། མཐོ་སློབ་དེར་སྡོད་སྐབས་རྩོམ་རིག་ཚོགས་ཤོག<<ལམ་ཆེན་ཚོགས་ཤོག>>《大路社》ཞེས་པ་གསར་འདོན་སྣེ་ཁྲིད་དང་རྩོམ་སྒྲིག་པའི་ལས་འགན་བཞེས། སློབ་མཐར་ཕྱིན་རྗེས་<<ཧྲིན་ཀྲིན་ན་གཞོན་ཚོགས་ཤོག>>(深圳青年報)རྩོམ་སྒྲིག་པའི་ལས་འགན་བཞེས། སྤྱི་ལོ༡༩༨༧ལོར་<<ཧྲིན་ཀྲིན་ན་གཞོན་ཚོགས་ཤོག>>རྒྱ་གཞུང་གིས་བཀག་སྡོམ་བྱས་རྗེས། སྤྱི་ལོ་༡༩༨༨ལོར་རྩོམ་སྒྲིག་པའི་ལས་ཐོག་ནས་ཨ་རིར་སྐྱབས་བཅོལ་དུ་ཕྱིན།

དེ་ལས་མང་བ་། “རྒྱ་རིགས་རྩོམ་པ་པོ་ཚོའོ་ཁྲང་ཆིན་ངོ་སྤྲོད། ཙ་ཡུས་ཕུན་ཚོགས།” »

ཚུལ་ཁྲིམས་ཟླ་བ།

སྙིང་རྗེའི་དབང་ཕྱུག་བསྟན་འཛིན་རྒྱ་མཚོ།།
རིང་བའི་སྤྱན་གྱི་འོད་ཞགས་ཟླུམ་པོས།།
དད་པའི་རྗེས་འགྲོ་གངས་ཅན་པ་ཡི།།
སྡུག་གི་མུན་པ་སེལ་རོགས་གནང་ཞིག།

གངས་རིའི་ཨ་ཕ་བསྟན་འཛིན་རྒྱ་མཚོ།།
འཇམ་པའི་ཕྱག་གི་གཡབ་མོ་ཞིག་གིས།།
གོག་འགྲོས་བྱིས་པ་གངས་ཅན་བོད་ཀྱི།།
འཆོལ་བའི་གོམ་ཁ་བསྐྱོར་རོགས་གནང་ཞིག།

དེ་ལས་མང་བ་། “འགྲོ་བའི་ཉི་མ།” »

མ་ཡུམ་སློབ་གྲྭར་ཐེངས་གཅིག་ལོག་པའི་ཚོར་སྣང།

རིང་ཐུང་སྙོམས་པའི་གཞུང་ལམ་ཕྲ་མོ་འཕྲུལ་རྟས་གཅོད་དུས་སྙིང་ན་དྲན་པའི་གདུང་བ་ཞིག །
ལྗང་མདོག་ཡལ་བའི་ཇ་ཤིང་ལོ་མ་མིག་ལ་མངོན་དུས་སེམས་ན་སྐྱོ་བའི་སྣང་བ་ཞིག །
ཡུན་རིང་བྲལ་བའི་ལྕགས་སྒོ་ཆེན་མོ་དལ་གྱིས་བརྒལ་དུས་ཡུལ་ལ་ལོག་འདྲའི་ཚོར་བ་ཞིག །
སྔར་ནས་འདྲིས་པའི་ཁོ་ར་ཁོར་ཡུག་ཡུན་གྱིས་མྱུལ་དུས་ཅུང་ཙམ་འགྱུར་བས་ཁེངས་བ་ཞིག །

དེ་ལས་མང་བ་། “མ་ཡུམ་སློབ་གྲྭར་ལོག་པ། འཛུམ་ཆུང་བཀྲ་ཤིས།” »

༸གོང་ས་མཆོག་དབུ་བཞུགས་ཐོག་སེམས་དང་སྲོག་གི་བགྲོ་གླེང་ཚོགས་འདུ་ཐེངས་༢༦པ་འབྲས་སྤུངས་ཆོས་སྒར་དུ་ཚོགས་པར་ལྟ་བ།

སྤྱི་ལོ་༢༠༡༣ ལོའི་ཟླ་༡ ཚེས་༡༧ ནས་༢༢ བར་གདན་ས་ཆེན་པོ་དཔལ་ལྡན་འབྲས་སྤུངས་སུ་ལོ་རྒྱུས་རང་བཞིན་ལྡན་པའི་སེམས་དང་སྲོག་གི་ཚོགས་འདུ་ཐེངས་༢༦ པ་སྐོང་ཚོགས་གནང་། ཚོགས་འདུ་དེར་ཕེབས་མཁན་གྱི་མི་སྣ་གཙོ་བོ་ནི་ནུབ་ཕྱོགས་ཀྱི་དངོས་ཁམས་དང་ཀླད་རྩའི་ཚན་རིག་སྐོར་གྱི་མཁས་པ་འབུམ་རམས་པ་ཁག་ཅིག་དང་། ནང་པའི་གཞུང་ལུགས་རམས་འབྱམས་ལ་མཁས་པའི་དགེ་བཤེས་ལྷ་རམས་པ་དང་། ཕྱི་རྒྱལ་གྱི་མཐོ་སློབ་ཁག་ནས་འབུམ་རམས་པའི་མཚན་གནས་ཐོབ་པའི་ནང་པའི་མཁས་པ་དག་རེད།

དེ་ལས་མང་བ་། “དངོས་ཁམས་དང་སེམས་གཤིས་རིག་པའི་གྲུབ་དོན་གསར་བ། སེར་ཤུལ་རིན་ཆེན་དོན་གྲུབ།” »

སྤྲུལ་སྐུ་དབང་ཆེན།

བོད་ཕྱི་ནང་གཉིས་ཀ་ནས་ལོ་ངོ་ཁ་ཤས་ཤིག་ལ་ལོ་གསར་གྱི་དུས་སྟོན་མི་བྱེད་པའི་རྣམ་འགྱུར་ཞིག་བསྟན་པ་ཙམ་རེད་མ་གཏོགས་ད་ནས་བཟུང་བོད་ཀྱི་ལོ་གསར་དུས་སྟོན་དེ་རྩ་བ་ནས་གཅོད་ཀྱི་ཡིན་ལབ་པ་དང་མཇུག་བསྒྲིལ་བ་ཡིན་ཟེར་གྱི་ཡོད་པ་མ་རེད་བསམ། ལོ་གསར་བ་ཚེས་པ་ལ་ལོ་གསར་གྱི་དུས་སྟོན་བྱེད་པ་ནི་འཛམ་གླིང་སྤྱི་ལ་གཅིག་མཚུངས་སུ་ཡོད་པ་ཞིག་རེད་མ་གཏོགས་བོད་མིས་འཛམ་གླིང་ལ་མ་དར་བ་ཞིག་གསར་བཏོད་དང་གསར་རྙེད་བྱུང་བ་དེ་འདྲ་ཅི་མ་རེད།

དེ་ལས་མང་བ་། “ད་ལོའི་ལོ་སར་དུས་སྟོན་གཏོང་དགོས་མིན་ཐད་ལ་བསམ་ཚུལ། བྱམས་བརྩེ་འོད་སྣང་།” »