ཆབ་བྲག་ལྷ་མོ་སྐྱབས།
བདག་གིས་དེ་སྔོན་། སྤྱི་འཐུས་ཀྱི་འོས་ཆོས་ཟེར་བའི་རྩོམ་ཐུང་ཞིག་བོད་ཀྱི་དུས་བབ་ཚགས་པར་དུ་སྤེལ་མྱོང་བའི་ནང་འདི་ལྟར་བཤད་ཡོད།
“མདོར་བསྡུས་ན་གསུམ་སྟེ། དང་པོ་ནི། བཅའ་ཁྲིམས་ནང་བཏོན་པའི་སྤྱི་འཐུས་སུ་འགྲོ་ཆོག་པའི་མ་མཐའི་ཆ་རྐྱེན་དག་དང༌། གཉིས་པ་ནི། སྤྱི་འཐུས་ཀྱི་དམ་བཅའ་བརྩི་སྲུང་བྱ་ཐུབ་མཁན། གསུམ་པ་ནི། ཤེས་འཇོན་གྱི་ཚད་གཞི་བཅས་ཡིན། དང་པོ་ནི་བཅའ་ཁྲིམས་ཀྱིས་གཏན་ལ་ཕབ་པས་ངེས་པར་ཚང་དགོས་པ་བཤད་ག་ལ་དགོས།
དྷི༔ལྷ་ལྡན།
དཔྱད་བརྗོད་འདིར་ད་ལོའི་བལ་ཡུལ་ནས་རྙེད་པའི་ཞིབ་འཇུག་གི་བརྟག་འབྲས་གཞིར་བྱས་ཏེ་གནས་བརྟན་སྡེ་བའི་ལུགས་བཤད་པ་དང་། སྐུ་སྲས་སྒྲ་གཅན་ཟིན་འཁྲུངས་སྐར་སོགས་སྟོན་པའི་འཁྲུངས་འདས་ཀྱི་ལོ་ཚིགས་ལ་སྒྲུབ་བྱེདདུ་བཀོད་པ་སོགས་རང་རེས་སྔོན་གྱི་བཤད་སྲོལ་དེ་དག་མ་ངེས་པར་བསྟན་པ་དང་། ད་དུང་ཞར་བྱུང་གནས་བརྟན་སྡེ་བའི་ལུགས་ཐོག་མར་བོད་ལ་ངོ་སྤྲོད་མཁན་དགེ་ཆོས་ལགས་ཀྱི་འདོད་པ་མི་མཐུན་པ་གཉིས་བྱུང་བ་སོགས་ལ་དཔྱད་ཡོད།
དེ་ལས་མང་བ་། “བདག་ཅག་གི་སྟོན་པའི་འཁྲུངས་འདས་ཀྱི་ལོ་ཚིགས་ལ་དཔྱད་པ་ཞིབ་མོ་རྣམ་འབྱེད།” »
རྔ་རྒོད།
གློག་བརྙན་འདིའི་ནང་དོན་གཙོ་བོ་ནི། རང་རེའི་ནང་བསྟན་འདི་ནུབ་ཕྱོགས་སུ་དར་སྤེལ་མཛད་མཁན་གྱི་སྐྱེས་ཆེན་རྣམས་དང་། དམ་པ་གང་གི་བཀའ་དྲིན་དང་ལོ་རྒྱུས་དག་སྙིང་བསྡུས་བྱས་ཏེ། ནུབ་ཕྱོགས་བོད་ཀྱི་ཆོས་འབྱུང་དེ་གློག་བརྙན་གྱི་ཚུལ་དུ་བསྟན་པ་དེའོ།། འོན་ཀྱང་ལོ་རྒྱུས་འདིའི་ནང་དོན་གྱི་ཆ་ནས་ཅུང་ནོར་འདུག་བསམས་བྱུང་། རྒྱུ་མཚན། གློག་བརྙན་འདིའི་དོན་སྙིང་ངོ་མ་དང་འབྲེལ་བ། ཀུན་ལ་ཡོངས་སུ་གྲགས་པའི་༧གོང་ས་ཐམས་ཅད་མཁྱེན་པ་མཆོག་དང་དྲུང་བ་རིན་པོ་ཆེ་སོགས་གཙོ་བོར་མ་བགྱིས་པར།
མཁོ་གཏོང་བ། མཁས་གྲུབ་རྒྱ་མཚོ།
གཡག་རྒོད་དང་བླངས་རྩོམ་སྒྲིག་ཚོགས་ཆུང་།
ན་ནིང་གི་སྤྱི་ཟླ་དགུ་བའི་ནང་མི་སྣ་དྲུག་ལས་གྲུབ་པའི་གཡག་རྒོད་དང་བླངས་རྩོམ་སྒྲིག་ཚོགས་ཆུང་གསར་འཛུགས་བྱས་ཏེ། གཡག་རྒོད་ཀྱི་མིང་བྱང་དང་། དམིགས་འཛིན། ལངས་ཕྱོགས་སོགས་ལ་བསྒྱུར་བཅོས་གནང་བ་དང་འབྲེལ། ལས་དོན་གྱི་ཁ་ཕྱོགས་གསལ་བཟོས་ཀྱིས་མཉམ་འབྲེལ་གྱི་ལས་ཀའི་ངོ་བོར་བསྒྱུར་ཡོད། ཚོགས་མི་རྣམས་ནི་ལྕགས་མོ་འཚོ་དང་། ལྷ་ཆབ་སྦྱིན་པ། གཟུང་ཕྱུག་སྐྱིད། སུ་ཊ་སྤུ། ཇོ་ལེས་དང་མཁས་གྲུབ་བཅས་ཡིན།
དེ་ལས་མང་བ་། “གཡག་རྒོད་ཀྱི་ལོ་འཁོར་སྙན་ཐོ།༼སྤྱི་ལོ་༢༠༡༢ སྤྱི་ཟླ་༩ ནས་སྤྱི་ལོ་༢༠༡༣ སྤྱི་ཟླ་༡༢ བར།༽” »
བསྟན་འཛིན་བསོད་ནམས་ཀྱིས་བརྩམས། རྡོ་བྷས་བོད་བསྒྱུར་བྱས།
ངས་དྲན་ཚད་ལ་ངས་སོ་སོའི་ཁྱིམ་ཅེས་འབོད་བའི་ས་ཆ་དག་ནི་ངའི་ཁྱིམ་དངོས་མ་དེ་མིན་ལ། ང་སྐྱེས་ས་དང་ཆུང་བྱིས་པའི་དུས་ཚོད་སྐྱེལ་སའི་རྡོ་རྗེ་གླིང་དུ་ཡང་གནས་སྐབས་ཀྱི་ཚོར་བ་ཞིག་གམ་ཡང་ན་དུས་ཀུན་ཏུ་ང་ཚོའི་དངོས་ཁྱིམ་དེ་གངས་ཅན་ལྗོངས་ཀིའི་རི་རྒྱུད་ཀྱི་གྲིབ་གཟུགས་འོག་གི་ང་ཚོ་གནས་སྡོད་བྱེད་སའི་ཕ་རོལ་གྱི་བོད་ལ་ཆགས་ཡོད་པར་བརྗོད་ཀྱི་ཡོད། བོད་ལ་ཕར་འགྲོ་ཚུར་ཡོང་བྱེད་མཁན་བྲོས་བྱོལ་བ་གཉེན་ཉེ་དང་། ངོ་ཤེས་དེ་དག་གིས་ངའི་ཕ་མས་ཀྱང་ཁོང་ཚོ་བཞིན་རང་ཁྱིམ་དང་ནང་མི་ཤུལ་དུ་བཞག་ནས་ཧི་མ་ལ་ཡའི་འགྲུལ་བཞུད་འདི་བརྒྱུད་པ་རྟོགས་པར་བཅུག་སོང་།
ཆོས་ཀྱི་ཉི་མ།
དྲང་པོའི་ལམ་ནས་དྲང་པོར་འཁྲིད་པའི་ཐབས།།
དྲང་སྲོང་ཆེན་པོ་ཐམས་ཅད་མཁྱེན་པའི་ལམ།།
དྲང་པོར་སྟོན་པའི་དྲང་སྲོང་འཇིག་རྟེན་མིག།།
དྲང་པོའི་ཚངས་ཐིག་འདེབས་པའི་གཟིགས་མོར་བྱོན།།
དེ་ལ་གང་ཞིག་གླེང་བསླང་པ་ནི། དེང་དུས་བོད་ཀྱི་སྤྲུལ་སྐུའི་ལམ་ལུགས་འབྱུང་རྐྱེན་དང་དེས་བསྟན་པ་ལ་བཞག་པའི་ལག་རྗེས་སོགས་ཐོས་བསམ་པ་ཕལ་ཆེ་བའི་རྒྱུན་པར་གླེང་སློང་བྱེད་བཞིན་པ་རྣམས་ཡི་གེའི་གཟུགས་སུ་འགོད་པ་ལ་དབང་ཞེས་པ་ནི་དོན་དུ་དབང་ཆ་ཡོད་དང་མེད་ཞེས་པའི་སྐད་ཆ་དང་གཅིག་པ་རེད།
དེ་ལས་མང་བ་། “བོད་ཀྱི་སྤྲུལ་སྐུའི་ལམ་ལུགས་ལ་བསམ་ཚུལ་རོབ་ཙམ་བཤད་པ།” »
གཉན་ཆེན།
བསྟན་པའི་འཇུག་སྒོ་སྐྱབས་འགྲོའི་ཨུཏྤལ་རང་སེམས་སྐྱེད་མོའི་ཚལ་དུ་བཞད།།
ཐར་བའི་འཇུག་སྒོ་ངེས་འབྱུང་དྲི་བསུང་དགེ་སེམས་འདབ་མའི་སྤུབས་སུ་འཐུལ།།
བསླབ་སྡོམ་ཁྲིམས་གཙང་ཚུལ་བཞིན་སྲུང་བའི་སེའུ་འབྲུའི་བཅུད་ཀྱིས་ཡོངས་སུ་གཏམས།།
སེམས་ཀྱི་བུང་བ་དགའ་བའི་སྤྲོ་བཞིན་དེ་རིང་མགྲིན་པའི་བསྟོད་གླུ་ལེན།།
རིག་པ་སྟོང་གི་སྒོ་གླགས་འབྱེད་པའི་བསྡུས་གྲྭའི་རིགས་ལམ་ཐོག་མར་སྦྱངས།།
ཡོད་མེད་རྩོད་པའི་དགག་སྒྲུབ་པར་ནས་བློ་སེམས་དོག་མོའི་ར་བ་གཏོར།།
གནས་ཚུལ་གཏོང་མཁན། སྤེལ་ལྗམ་བོད་ཚོགས་དྲུང་གཞོན་ས་དཀར་བཀྲ་ཤིས།
འདི་ཟླའི་ཚེས་༡༣ སྟེ་གཟའ་པ་སངས་དགོང་མོ། སྤེལ་ལྗམ་བོད་རིགས་ཚོགས་པའི་གོ་སྒྲིག་འོག་༧གོང་ས་མཆོག་ལ་འཛམ་གླིང་ནོ་སྤེལ་ཞི་བདེ་གཟེངས་རྟགས་འབུལ་ལམ་ཞུས་ནས་མི་ལོ་ཧྲིལ་བོ་༢༤ འཁོར་བའི་དུས་ཆེན་སྲུང་བརྩིའི་མཛད་སྒོ་ཞིག་གྲོང་ཁྱེར་ཨན་ཀྲོབ་ཏུ་འཚོགས་ཡོད་པ་དང་། མཛད་སྒོའི་ཐོག་མར་༧གོང་ས་མཆོག་གི་སྐུ་པར་མཐོང་གྲོལ་རིན་པོ་ཆེ་ཚོགས་ཁང་གི་བཞུགས་ཁྲིར་གདན་འདྲེན་གནང་རྗེས་
དེ་ལས་མང་བ་། “སྤེལ་ལྗམ་དུ་ཞི་བདེ་གཟེངས་རྟགས་ཕུལ་བའི་དུས་ཆེན་སྲུང་བརྩི།” »
ནག་ཆུ་ཀུན་དགའ།
ཁ་ཅིག་ཁ་དེ་བུ་རམ་ཁ།།
ཁ་ཅིག་ཁ་དེ་ཏིག་ཏ་ཁ།།
ཁ་ཅིག་ཁ་དེ་ལེགས་བཤད་ཁ།།
ཁ་ཅིག་ཁ་དེ་ཉེས་བཤད་ཁ།།
ཁ་ཅིག་ཁ་དེ་བདེན་པའི་ཁ།།
ཁ་ཅིག་ཁ་དེ་བསླུ་བྲིད་ཁ།།
ཨ་འདུས་སྐལ་བཟང་རྒྱ་མཚོ།
་་་་་་་་མཁས་དབང་དགེ་འདུན་ཆོས་འཕེལ་རྗེས་སུ་དྲན་པ།
ལས་རླུང་རྩུབ་མོའི་ལྡང་ཕྱོགས་ཤིག་གིས་ཁྱེད་ཞལ་དངོས་སུ་མ་མཇལ་ཡང༌།།
བསུབ་པར་དཀའ་བའི་གྲགས་སྙན་རིང་མོ་ད་དུང་གླིང་འདིའི་ཟུར་ན་མཆེད།།
སྐུ་དྲག་གཏུམ་པོའི་ཧམ་སྤྱོད་མིན་ན་ཁྱོད་དང་འུ་གཉིས་ཕྲད་ངེས་མོད།།
ཐོལ་བྱུང་གཤེགས་པའི་གཏམ་རྒྱུད་སྐྱུར་མོས་གདུང་བས་སྙིང་ཡང་རལ་བར་བྱེད།།
དེ་རིང་སློབ་གྲྭའི་དཔེ་ཁང་ནང་ནས་ཁྱོད་ཀྱི་གསུང་འབུམ་དེབ་གསུམ་མཇལ།།
ག་ལེར་ཁོ་བོའི་ཡིད་ཀྱི་ཅང་ཤེས་གསེར་གྱི་ཐང་མར་ཉུལ་བའི་ཚེ།།
རྟེན་འབྱུང་།
མི་ཁག་ཅིག་གིས་རང་ཉིད་ལ་མིང་ཚབ་བརྗིད་པོ་རེ་བཏགས་ནས་དྲྭ་ཐོག་གང་ཚར་རྒྱུ་མཚན་ཅུང་ཙམ་ཡང་མེད་པར་རང་རེའི་གཞུང་ལ་གཞི་མེད་སྐྱོན་བརྗོད་བྱེད་མཁན་དེ་དག་ནི་ཡང་ན་ཀུན་སློང་མ་དག་པའམ་ཡང་ན་ཤེས་ཡོན་གྱི་མིག་གཉིས་ལོང་ཡོད་པ་གསལ་བོ་རེད། ཁོང་ཚོ་ཁག་ཅིག་གིས་གཞིས་བྱེས་གཉིས་ཀྱི་ཤེས་ཡོན་སློབ་སྦྱོང་དང་། རྒྱ་གཞུང་ལ་ངོ་རྒོལ་གྱི་སེམས་ཤུགས། རང་བསྲེགས་ངོ་རྒོལ་སོགས་ལ་མཚུངས་བསྡུར་གྱིས་བོད་ནང་ལས་བཙལ་བྱོལ་བ་ཚོས་གང་ཅིའི་ཐད་ནས་འབྱོན་གྱི་མེད་པ་དང་། ལྷག་ཏུ་བཙན་བྱོལ་བའི་དབུ་ཁྲིད་དང་ལས་བྱེད་ཁག་ལའང་སྐྱོན་བརྗོད་ཤུགས་ཆེར་བྱེད་པ་ནི་བུ་གླེན་པས་ཕ་ཡི་ཀླད་པ་བཅོམ་ཟེར་བའི་དཔེ་ལས་མ་འདས།
ཁང་སྨིན་གྲོལ་རྒྱ་མཚོ།
ཐོག་མའི་གཏམ།
ཉེ་ལམ་ཨ་རིར་རྟེན་གཞི་བྱས་པའི་གེ་སར་ཚོགས་པས་བཀོད་སྒྲིག་འོག་༼གངས་རིའི་མགོན་པོ་དང༌། གངས་ཅན་པ་༽ཞེས་པའི་བརྗོད་གཞིའི་སྟེང་རྩོམ་ཡིག་འགྲན་བསྡུར་གྱི་ལྡིང་ཆ་ཞིག་གསར་དུ་བསྐྲུན་པར་ཧ་ཅང་དགའ་བོ་བྱུང༌། ཅིའི་ཕྱིར་ཞེ་ན། ཁོ་བོ་རྒྱ་གར་དུ་སླེབས་ནས་བཟུང་ད་དབར་མི་ལོ་ཧྲིལ་པོ་བཅུ་ཙམ་གྱི་རིང་རྩོམ་ཡིག་འགྲན་བསྡུར་གྱི་ཆ་ཤས་ཤིག་གཏན་ནས་ལེན་ཐུབ་མ་སོང་ལ། དེ་ནི་ཕྱོགས་གཅིག་ནས་བཤད་ན།
ལོ་མ་རྒྱལ།
དབྱར་ལྗོངས་ལ་ཡོད་ཚད་ཆབ་རོམ་འཁྱགས་ཏེ་མཁྲེགས་གཟུགས་ཀྱིས་རེངས་བ་འདི་མཐོང་ན།
ཁྱོད་ཀྱི་ལྗང་མདོག་དང་སྐྱེས་སྟོབས་ལ་ནམ་ཡང་དར་ཆགས་མི་རུང་།
སྐབས་དེར། ཁྱོད་ཀྱིས་ཨ་ཕའི་ཁ་ཆེམས་ཡང་ཡང་སེམས་སུ་དྲན་དགོས།
སྐབས་དེར། ཁྱོད་ཀྱིས་ཨ་མའི་རེ་སྒུག་དེ་ཡང་གཏན་ནས་བརྗེད་མི་ཉན།
མཚམས་མཚམས་སུ། ནམ་མཁའ་ལ་སྤྲིན་ནག་འཐིབས་ཏེ་དྲག་ཆར་འབབ་ན་ཡང་།
མཚམས་མཚམས་སུ། རླུང་དམར་གཡུགས་ནས་ཁྱོད་ཀྱི་སྐྲ་ལོ་བསྣོགས་ན་ཡང་།
ཁང་སྨིན་གྲོལ་རྒྱ་མཚོ།
དང་པོ། དཔའ་པོའི་ཆོད་སེམས།
ང་ཚོས་འདས་ཟིན་པའི་རང་དབང་འཐབ་རྩོད་ཀྱི་བརྒྱུད་རིམ་ལ་ག་ལེར་ཕྱིར་མིག་ཅིག་བལྟས་ཚེ། རྒྱ་གཞུང་གིས་ཇི་ལྟར་ཆབ་སྲིད་ཀྱི་ལྟ་བ་མཁྲེག་འཛིན་བྱས་པ་དེ་བས་ཀྱང་བོད་མི་ཚོའི་རང་གི་ཆོས་དང་རིག་གཞུང་ལ་བཅངས་པའི་རྣམ་པ་ཇེ་ཆེ་དང་ངོ་བོ་ཇེ་བརྟན་དུ་སོང་ཡོད་དེ། རྒྱ་ནག་གི་བོད་དབང་བསྒྱུར་བྱས་པ་ནས་བཟུང་བོད་ཀྱི་གཞི་རིམ་མང་ཚོགས་དཀྱུས་མ་ནས་མཐོ་རིམ་ལས་བྱེད་པ་ཚུན་ཆད་ཀྱིས་རྒྱ་ནག་གིས་བོད་ལ་བཟུང་བའི་སྲིད་བྱུས་ཐད་རང་གི་གཅེས་པའི་ཚེ་སྲོག་ཀྱང་སྣང་མེད་དུ་བཏང་སྟེ་ཡིག་ངག་གཉིས་ཐད་ནས་རྩོད་གླེང་བྱས་ཡོད་ལ།
ཐེ་བོ་སངས་རྒྱས།
སྤྱིར་ཀུ་ཤུ་རྟགས་ཅན་གྱི་ཁ་པར་ཟེར་དུས་མི་མང་ཆེ་བའི་སེམས་སུ་གོང་ཆེན་ཞིག་ཡིན་སྣང་ཤར་མོད། དེར་རྒྱུ་མཚན་ཡོད། ལ་ལས་དེ་ཉོ་སྤྱད་ལ་རང་ཉིད་ཀྱི་ཁྲག་དང་མཁལ་མ་བཙོང་བའང་གོ་རྒྱུ་འདུག ཁྱེད་ཚོས་སྒྱུ་རྩལ་བ་མིང་དུ་གྲགས་པ་སྐུ་ཞབས་སི་ཐྲར་ཐྲི་ཧུ་གྷེ་སིས་ Stuart Hughes, དབྱིན་ཡུལ་གྱི་ལི་ཝེར་ཕོལ་ Liverpool, UK, ནས། སོ་སོའི་ལག་རྩལ་གྱིས་འདོད་པ་ལྟར་གསེར་ནག་གི་ཕྲ་ཀོང་ལ་སྣ་ཚོགས་ནོར་བུ་བཀོད་པ་ཅན་ཀུ་ཤུ་
ཨེ་མ་ཧོ།
༼རྫོགས་ཆེན་ཡིད་བཞིན་ནོར་བུ་རིན་པོ་ཆེའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ་བ་ཆོས་དུང་དཀར་པོའི་སྒྲ་དབྱངས།༽
ན་མོ་གུ་རུ་པདྨ་བིརྱ་དྷྰ་ར་ཡེ།
སངས་རྒྱས་རྒྱལ་བ་རིན་ཆེན་གཙུག་ཏོར་ཅན་དང་།།
ས་ར་ཧ་དང་མངའ་བདག་ཁྲི་རལ་ཆེན་པོ།།
ཙོང་ཁ་པ་སོགས་སྐྱེས་རབས་ཕྲེང་བར་བལྟམས་པའི།།
གྲུབ་པའི་དབང་ཕྱུག་པདྨ་རིག་འཛིན་རྒྱལ་ལོ།།
ཨེ་མ་ཧོ།
འཕགས་པའི་ཡུལ་དང་གངས་ཅན་བོད་དུ་བསྟན་པའི་ཕྱི་མོ་སྔ་འགྱུར་པའི།།
ཁྱད་ཆོས་དྲུག་ལྡན་མངོན་པར་འཕགས་པའི་གསང་ཆེན་རྒྱུད་སྡེ་སྤེལ་མཛད་པ།།
སྟོད་སྨད་བར་གྱི་རྡོར་སྨིན་ཞེ་རྫོགས་ཀཿ་དཔལ་རྙིང་མའི་སྡེ་དགོན་ལས།།
མཚན་ཉིད་ཀུན་ལྡན་བླ་མ་དམ་པར་མི་ཕྱེད་གུས་པས་ཕྱག་འཚལ་ལོ།།
གནམ་ས་གཉིས་ཀར་དཔུང་ཚད་བཙུགས་ནས་བདེན་པའི་གངས་སེང་དཀར་པོ་ངས།།
མངོན་རྗེས་ལུང་གི་རྒྱབ་བརྟེན་དང་བཅས་རྨི་ལམ་འོད་གསལ་སྣང་བ་ལས།།
དེ་ལས་མང་བ་། “རྫོགས་ཆེན་རིན་པོ་ཆེའི་གསང་གསུམ་མི་འཇིགས་སེངྒེའི་སྒྲ་དབྱངས།” »
སྐལ་བཟང་རྒྱ་མཚོ།
ཉིན་ཤས་སྔོན་རྒྱ་གར་གྱི་གློག་བརྙན་འཁྲབ་སྟོན་པ་གྲགས་ཅན་ཨ་མེར་ཁན་ལགས་ཀྱིས་གཙོ་གཉེར་བྱས་པའི་བདེན་པ་ཉིད་རྒྱལ་གྱུར་ཅིག་ satyam era jayate ཅེས་པའི་རྒྱ་གར་སྤྱི་ཚོགས་ཁྲོད་ཀྱི་གཟའ་འཁོན་དང་། བུད་མེད་ཀྱི་ཐོབ་ཐང་། ཕྲུག་གུ་མོ་དམར་གསོད་བྱེད་པ་སོགས་ཀྱི་ཐད་དཀའ་ངལ་དངོས་སུ་བརྒྱུད་མྱོང་བའི་མི་རྣམས་དང་བགྲོ་གླེང་རང་བཞིན་གྱི་འདུ་ཚོགས་ཆེན་པོ་ཞིག་བསྐངས་ཡོད་པ་དྲ་ལམ་བརྒྱུད་མཐོང་བ་ན།
དེ་ལས་མང་བ་། “ཡ་མུ་ནའི་གཙང་འགྲམ་ནས་རྙེད་པའི་བླ་མེད་ཀྱི་ཞབས་རྗེས།” »
ཨ་ནུ་ཐང་བསོད་ནམས།
ཚན་པ་དང་པོ།
ནཱར་སིན་མན་དྲལ་ལ་ནི་སྤྱི་ལོ ༡༩༡༨ ལོར་ལྷོ་ཨ་ཧྥུ་རི་ཁའི་རྒྱལ་པོའི་ཁྱིམ་རྒྱུད་ཅིག་ཏུ་སྐྱེས་ཤིང་ཁྲིམས་ལུགས་སློབ་ཅིབ་ཁྲིམས་རྩོད་པའི་ཕྱག་ལས་གནང་། ཁོང་ནི་རྒྱལ་ཁབ་དེར་མི་རིགས་ནག་པོས་སྒེར་གྱི་ཁྲིམས་ལས་ཁང་བཙུགས་མཁན་ཐོག་མ་ཡིན། རིམ་བཞིན་ཆབ་སྲིད་ཀྱི་ནང་དུ་ལྷུང་ཞིང་མི་སེར་སྤེལ་བའི་རིང་ལུགས་ལ་ངོ་རྒོལ་འདྲ་མིན་བྱས་མཐར་ཨ་ཧྥུ་རི་ཁིའི་གཞོན་ནུ་ཚོགས་པར་འཛུལ་ཞུགས་བྱས།
དེ་ལས་མང་བ་། “མན་དྲལ་ལ་ནི་འཚེ་མེད་ཞི་སྤྱོད་པ་ལས་ཞི་བའི་དྲག་སྤྱོད་པ་ཞིག་ཡིན།” »
གོང་དཀར་ངག་རྣམ།
ཚོགས་ཆོས་ཆེན་མོའམ་ཐུབ་པ་དགོངས་གསལ་ཆེས་སྙན་པར་གྲགས་པའི་བསྟན་བཅོས་དེ་ཉིད་ཀྱི་མཇུག་བསྡུ་བའི་ཚིགས་བཅད་ནང་། སྤྱོད་པ་རྒྱ་ཆེན་ཤིན་ཏུ་རྒྱས་པའི་མདོ།། ལྟ་བའི་དེ་ཉིད་ཤེས་རབ་ཕ་རོལ་ཕྱིན།། མི་འགལ་གསལ་བར་སྟོན་པ་ཁོ་བོའི་གཞུང་།། རིགས་པ་བསྒྲུབས་པ་བླ་མའི་གསུང་བཞིན་བཤད།། བསྟན་བཅོས་འདི་ནི་བྱམས་ཆོས་སྡེ་ལྔའི་ནང་ཚན་མདོ་སྡེ་རྒྱན་གྱིས་བསྟན་པའི་ལམ་གྱི་རིམ་པ་རྩལ་འདོན་གནང་བ་ཞིག་ཡིན།
བོད་ཀྱི་བཀའ་གདམས་པའི་རིང་ལུགས་ནང་དུ་འདི་ལྟར་དད་པའི་གཞུང་དང་།
དེ་ལས་མང་བ་། “ཆོས་རྗེ་ས་པཎ་གྱིས་མཛད་པའི་ཐུབ་པ་དགོངས་གསལ་རགས་ཙམ་གླེང་བ།” »
