འབའ་སྲས།
གངས་ཅན་མདོ་སྨད་ཡུལ་གྱི་ཤཀྱའི་ཏོག །
ནང་རིག་བསྟན་པ་འཛིན་པའི་རྒྱལ་བའི་སྲས།།
བློས་གཏོང་ཐུགས་རེ་ཟབ་པའི་སེམས་དཔའ་ཆེ།།
སྐྱབས་རྗེ་ཤིང་བཟའ་ཀུན་ཏུ་རྒྱལ་གྱུར་ཅིག །
གུས་ཕྱག་མགོ་བོས་བཏེགས་པའི་ཁྲི་ཐོག་ནས།།
ཞབས་ཟུང་རྡོ་རྗེ་སྐྱིལ་ཀྲུང་འཁོར་ལོ་ཡིས།།
རིན་ཆེན་ཡོན་གྱི་དབང་ཐང་མ་བཟུང་བར།།
འགྲོ་བ་སྡུག་ལས་སྐྱོབ་མཛད་ཨེ་མ་རྨད།།
ཤར་སྐལ་ལྡན་རྒྱ་མཚོ་ཚང་མི་མང་དཀྱིལ་དུ་ཕེབས་ནས་བཀའ་སློབ་གནང་བཞིན་པ།
དེ་རིང་༢༠༡༢། ༣། ༡༤། རེ་གཟའ་ལྷག་པའི་ཉིན་རང་ལུས་མེར་བསྲེགས་གཏོང་མཁན་དགེ་སློང་འཇམ་དབྱངས་དཔལ་ལྡན་ལགས་ཀྱི་སྐུ་པར།
རེབ་གོང་རོང་བོ་དགོན་ཆེན་གྱི་མདུན་སྒྲོལ་མ་ཐང་ཆེན་དུ་རང་ལུས་མེར་བསྲེགས་བྱུང་རྗེས་སེར་སྐྱ་མི་མང་འདུ་འཛོམས་བྱུང་བ།
དེ་ལས་མང་བ་། “མདོ་སྨད་རེབ་གོང་རོང་བོ་དགོན་ཆེན་དུ་རང་ལུས་མེར་བསྲེགས་བཏང་སྐབས་ཀྱི་སྐུ་པར་ཁག་ཅིག” »
ཀླུ་སྨྱོན།
སྟོན་པ། ངའི་གཟན་སྣེ་མེ་རུ་འབར་སོང་།
ཁྱོད་འཇིག་རྟེན་དུ་བཞུགས་དུས།
གྲྭ་པ་རེ་རེའི་གཟན་སྣེ་རུ་ཞི་བདེའི་རླུང་བུ་རེ་རེ་ལྡང་བཞིན་ཡོད་ལ།
བླ་མ་རེ་རེའི་སྤྱན་ལམ་ན་གྲྭ་ཤག་རེ་རེར་ཆོས་དབྱངས་འཕུར།
ཁྱོད་འཇིག་རྟེན་ན་བཞུགས་དུས།
གྲྭ་པ་ལ་གྲྭ་པའི་ཚོད་ཀྱི་སྡོམ་པ་ཡོད་ཅིང་།
གྲྭ་པ་ལ་སྤྱི་ཚོགས་སྟེང་ན་གུས་ཞབས་ཡོད།
ཨ་རིག་འགྱུར་མེད་།
གཅིག གང་སྒྲ་དྲུག་གི་གསར་འགྱུར་སྙིང་བསྡུས།
ནམ་དུས། ཟླ་འདིའི་ཚེས་ ༡༢ ནས་ ༢༣ བར།
ཡུལ། གངས་སྐྱིད་ལག་རྩེད་སྤོ་ལོ་རྩེད་ཐང་།
བྱ་འགུལ། ལག་རྩེད་སྤོ་ལོའི་རྩེད་འགྲན།
ཅིའི་ཕྱིར། གློ་ནད་མཚམས་ཞོག་ཅེས་པའི་བརྗོད་གཞིའི་འོག་ བྱ་འགུལ་འདི་སྤེལ།
ཇི་ལྟར། ལག་རྩེད་སྤོ་ལོ་རྩེད་འགྲན་བྱས་པ་བརྒྱུད་མང་ཚོགས་ལ་གློ་ནད་མཚམས་འཇོག་གི་ལས་གཞིར་རྟིང་སྐུལ།
མི་སྣ། གོ་སྒྲིག་པ། བོད་གཞུང་འཕྲོད་བསྟེན་ལས་ཁུངས་དང་བོད་གཞུང་བདེ་ལེགས་སྨན་ཁང་། ཨ་སི་པོ་རོགས་ཚོགས་བཅས་ཡིན། རྩེད་འགྲན་པ། བོད་གཞུང་ལྷན་ཁང་ཁག་བདུན་དང་སྐུ་སྒེར་ཡིག་ཚང་། བོད་ཀྱི་དཔེ་མཛོད་ཁང་སོགས་གཞུང་འབྲེལ་དང་གཞུང་འབྲེལ་མ་ཡིན་པའི་ལས་བྱེད་མི་སྣའི་བར་གྱི་ནང་ཁུལ་འགྲན་བསྡུར་ཞིག
དེ་རིང་ཕྱི་ཚེས་ ༡༤ ཉིན་གྱི་བོད་ནང་གི་ཞོགས་པའི་ཆུ་ཚོད་བཅུ་པ་ཡས་མས་ཙམ་ལ། རྩེ་ཁོག་རྫོང་མི་རིགས་སློབ་འབྲིང་དང་པོ་དང་། རྩེ་ཁོག་རྫོང་མི་རིགས་སློབ་འབྲིང་གཉིས་པ། ལག་ཤེས་ལས་རིགས་སློབ་གྲྭ་བཅས་ཀྱི་སློབ་མ་ཉིས་སྟོང་ལྔ་བརྒྱ་ཙམ་གྱིས། རྩེ་ཁོག་རྫོང་གི་ཁྲིམ་གཞུང་དུ་ངོ་རྒོལ་སྐད་འབོད་ཀྱི་ལས་འགུལ་སྤེལ་འདུག་ཅིང་། དེ་ཡང་སློབ་མ་ཚོས། ༼སྐད་ཡིག་རང་དབང་། མི་རིགས་འདྲ་མཉམ། འཐབ་ར་གཏོར་དགོས།༽ཞེས་རྫོང་མི་དམངས་སྲིད་གཞུང་དང་། རྫོང་ཉེན་རྟོག་ལས་ཁུངས། རྫོང་དྲག་ཆས་ལས་ཁུངས་བཅས་ཀྱི་སྒོ་ཁར་བསྐྱོད་ནས་སྐད་འབོད་བྱས་ཡོད་པ་དང་། དྲན་ཆས་ལས་ཁུངས་ཀྱི་སྒོ་ཁར་འཐབ་ར་ཞིག་བརྒྱབ་ནས་ཡོད་པ་དེ་གཏོར་བ་སོགས་ཀྱི་གནས་ཚུལ་ཐོན་ཡོད་པར། དམག་མི་དང་ཉེན་རྟོག་པ་ཕོན་ཆེ་སླེབས་ནས་དྲག་ཤུགས་ངོམ་པའི་སྐོར་སྐྱོད་རྔམ་སྟོན་བྱས་ཏེ།…
དེ་རིང་ཕྱི་ཚེས་ ༡༤ ཉིན་གྱི་བོད་ནང་གི་ཆ་ཚོད་བཅུ་དང་ཕྱེད་ཀའི་སྟེང་། རེབ་གོང་རོང་པོ་དགོན་ཆེན་གདན་ས་གསུམ་གྱི་ཁོངས་ཐོས་བསམ་གླིང་གྲྭ་ཚང་གི་དགེ་འདུན་པ་རང་ལོ་ ༣༠ནང་ཡིན་པ་འཇམ་དབྱངས་དཔལ་ལྡན་ལགས་ཀྱིས་རང་ལུས་མེར་བསྲེགས་བཏང་འདུག ཁོང་གི་ཕ་མིང་ལ་དཀོན་མཆོག་སྐྱབས(ཚེ་འདས)། མ་མིང་ལ་ལྕགས་མོ་ཟེར་ཞིང་། ཁོ་རང་རྩིས་པའི་བུ་སྤུན་བཞི་དང་སྲིང་མོ་གཉིས་ཡོད་འདུག ཁོང་ཉིད་རོང་བོ་དགོན་ཆེན་གྱི་གྲྭ་བ་དང་། འཛིན་གྲྭ་འདུལ་རྙིང་། སྐྱེས་ཡུལ་རེབ་གོང་རྒྱལ་བོ་ལྡོང་ངེ་དང་། རྒྱུན་དུ་སློབ་ལ་བརྩོན་པ་དང་ཉམས་ཆུང་ཞི་དུལ་ཆེ་བ། གཟུགས་གཞི་ཧ་ཅང་བདེ་ཐང་བཅས་རེད་འདུག
རང་ལུས་མེར་སྲེག་སྐབས་ཁོང་གིས་དང་པོ་ཕྱག་གསུམ་འཚལ་རྗེས། “༧རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས།” “བོད་མི་རིགས་དང་སྐད་ཡིག་ལ་རང་དབང་དགོས། “ཞེས་སྐད་འབོད་པརྒྱབ་རྗེས་། ས་སྣུམ་བྱུགས་པའི་གཟན་ཤམས་ལ་མེ་སྦར་བས་མེ་ལྕེ་ལྷབ་ལྷབ་འབར་བ་དང་། མེར་བསྲེགས་གཏོང་དུས་རོང་བོ་དགོན་ཆེན་ཚོགས་ལ་ཚོགས་འདུག་པས། ཉེ་འཁྲིས་སུ་ཕྱག་བསྐོར་ཕེབས་མཁན་འགའ་རེ་མ་གཏོགས་མི་མང་པོ་མེད་པ་དང་ཉེ་འཁྲིས་ཀྱི་མི་ཞིག་གིས་རང་གི་སྟོད་གོས་ཕུད་དེ་མེ་གསོད་རྩིས་བྱས་ཀྱང་མེ་གསོད་ཐུབ་མི་འདུག དེ་མ་ཐག་ཉེ་འཁོར་གྱི་མི་མང་པོས་མཐོང་སྟེ་སྒྲོལ་མ་ཐང་ཆེན་དུ་ཡོད་པའི་ཕྱག་བསྐོར་བའི་གདན་གྱིས་མེ་གསོད་ཐུབ་འདུག
གསར་འགོད་པ། རྡོ་རྗེ་ཚེ་རིང་གིས།
སྤྱི་ཟླ༣པའི་ཚེས་༡༡ཉིན་ཏེ་གཟའ་ཉི་མའི་ཉིན་ནས་དྷ་ས་ཀིརྟི་དགེ་རྩ་ཚོགས་པའི་གཞན་ཕན་ཞི་བདེའི་ཚོགས་ཁང་དུ་༼གངས་ལྗངས་མདོ་སྨད་སྐབས་བཅུ་བཞི་པའི་ཚོགས་ཆེན་ཐེངས་གཉིས་པ་༽དབུ་འཛུགས་གནང་ཡོད་ཅིང་། ཉིན་དང་པོར་སྐུ་མགྲོན་གཙོ་བོར་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་དང་། དམིགས་བསལ་སྐུ་མགྲོན་དུ་བཀའ་ཟུར་ཀིརྟི་རིན་པོ་ཆེ་མཆོག བཀའ་ཟུར་དང་སྤྱི་འཐུས་ལས་ཐོག་ཐུབ་བསྟན་ལུང་རིག་མཆོག་གིས་གཙོས། མདོ་སྨད་སྤྱི་འཐུས་རྣམས་དང་མདོ་སྨད་དབུས་ས་གཉིས་ཀྱི་རྒྱུན་ལས་རྣམ་པ། དེ་བཞིན། གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་བཅས་ཕེབས་ཏེ་སྤྱི་ཚེས་༡༣སྟེ་ཉིན་གྲངས་གསུམ་གྱི་རིང་གྲོས་བསྡུར་དང་བགྲོ་གླེང་གནས་མཐར་༼ བོད་རྒྱལ་ལོ་ ༢༡༣༩ རབ་བྱུང་༡༧པའི་ཆུ་འབྲུག་སྤྱི་ལོ་༢༠༡༢ལོའི་བོད་ལྗོངས་མདོ་སྨད་ཆོལ་ཁའི་སྐབས་བཅུ་བཞི་པའི་ཚོགས་ཆེན་གྱི་གྲོས་གཞི་གྲོས་ཆོད་༽གཤམ་གསལ་ལྟར་ལ།
དེ་ལས་མང་བ་། “གངས་ལྗོངས་མདོ་སྨད་སྐབས་བཅུ་བཞི་པའི་ཚོགས་ཆེན་ཐེངས་གཉིས་པ་ཡོངས་སུ་མཇུག་བསྡུས་པ།” »
སྦེལ་ལྗམ་བོད་རིགས་ཚོགས་པའི་རྒྱུན་ལས་བྱམས་པ་ནས་།
འདི་ག་སྦེལ་ལྗམ་བོད་རིགས་ཚོགས་པས་གོ་སྒྲིག་འོག དེ་རིང་ཕྱི་ཟླ་༣ པའི་ཚེས་༡༢ ཉིན་ཡུ་རོབ་མཉམ་འབྲེལ་གྱི་མདུན་དུ་ངོ་རྒོལ་སྐད་འབོད་ཞིག་གོ་སྒྲིག་བྱས་པ་བཞིན། ས་གནས་མི་མང་དང་ཕྱི་རྒྱལ་བོད་དོན་རྒྱབ་སྐྱོར་པ་བཅས་མི་གྲངས་ལྔ་བཅུ་ལྷག་མཉམ་བཞུགས་བྱུང་པའི་གནས་ཚུལ་དུ།
ཕྱི་ལོ་༢༠༡༢ ཟླ་༣ པའི་ཚེས༡༢ ཉིན།
དེ་ལས་མང་བ་། “ཡུ་རོབ་མཉམ་འབྲེལ་གྱི་མདུན་དུ་ངོ་རྒོལ་སྐད་འབོད་།” »
ད་ལོའི་སྤྱི་ཟླ་གསུམ་པའི་ཚེས་བཅུ་ཉིན་གྱི་བོད་ནང་གི་དགོང་མོའི་ཆུ་ཚོད་དགུ་ཡས་མས་སུ་བོད་མདོ་སྨད་ཨ་མདོ་རེབ་གོང་ཕྲེང་ཡར་ནང་བདེ་ཆེན་དགོན་པའི་ནང་དུ་ཡུལ་དེའི་སེར་སྐྱ་མང་བོ་འདུ་འཛོམས་ཀྱིས་དགོན་པའི་འདུ་ཁང་སྒོ་ཁར་གོང་ས་མཆོག་གི་སྐུ་པར་དང་བོད་ཀྱི་དར་ཆ་ད་དུང་མཆོད་མེ་མང་བོ་བཤམས་ནས་བོད་རྒྱལ་ཁབ་ཆེན་མོའི་སྲིད་དབང་བཙན་ལག་ཏུ་ཤོར་ནས་
དེ་ལས་མང་བ་། “རེབ་གོང་བཙན་མོ་བདེ་ཆེན་དགོན་དུ་གསུམ་དུས་ཐེངས ༥༣ སྲུང་གཙི།” »
༼བོད་ཀྱི་དུས་བབ་དྲ་ཚིགས་ནས་འདིར་འདྲེན་བཀོད་ཞུས་པ་ཡིན༽
དེ་རིང་གནས་ཚུལ་འབྱོར་བ་ལྟར་ན། ཕྱི་ཟླ་ ༣ ཚེས་ ༨ ཉིན་ཏེ་བོད་ལུགས་ཀྱི་ཆོ་འཕྲུལ་དུས་ཆེན་ཉིན། མདོ་སྨད་གཅན་ཚ་རྫོང་ནང་ཁོག་ཞང་ལ་མོ་བདེ་ཆེན་དགོན་པའི་དགེ་འདུན་པ་ཚོས་སྨོན་ལམ་གྱི་མཆོད་གཏོར་སྟེང་མར་རྒྱན་གྱིས་བོད་ཀྱི་རྒྱལ་དར་དང་། ༧གོང་ས་མཆོག་གི་སྐུ་བརྙན་བཞེངས་ཏེ་སྨོན་ལམ་གསུངས་ཡོད་འདུག
དེ་ལས་མང་བ་། “གཅན་ཚ་ལ་མོ་བདེ་ཆེན་དགོན་དུ་གསུམ་བཅུའི་དུས་དྲན་སྲུང་བརྩི་དང་རྒྱ་གཞུང་ལ་ངོ་རྒོལ།” »
དབུས་བོད་མིའི་སྒྲིག་འཛུགས་ཀྱི་གསར་འགོད་གསལ་བསྒྲགས།
ཕྱི་ལོ་ ༢༠༡༢ ཟླ་ ༣ ཚེས་ ༡༠ ཉིན་བོད་མི་རྣམས་ཀྱིས་རྒྱ་ནག་མི་དམངས་སྤྱི་མཐུན་རྒྱལ་ཁབ་སྲིད་གཞུང་གི་བཙན་དབང་ལ་ཞི་བའི་སྒེར་ལངས་ཐེངས་ ༥༣ འཁོར་བའི་དུས་དྲན་ཉིན་བོད་བྱང་ཤར་རྔ་པའི་ཁུལ་དུ་བོད་མི་ན་གཞོན་ཞིག་གིས་རང་ལུས་མེར་སྲེག་བཏང་རྗེས་འདས་གྲོངས་སུ་གྱུར་བའི་གནས་ཚུལ་ཐོན་པར་བོད་མིའི་སྒྲིག་འཛུགས་ལ་ཧ་ཅང་བློ་ཕམ་བྱུང་། ང་ཚོས་དམ་པ་ཁོང་གི་ནང་མི་སྤུན་མཆེད་ཚོར་གདུང་སེམས་མཉམ་སྐྱེའི་ཐོག་སྨོན་ལམ་ཞུ་རྒྱུ་ཡིན།
དེ་ལས་མང་བ་། “ད་ལྟ་རྔ་བའི་གནས་སྟངས་དོན་དངོས་དམག་ཁྲིམས་(Martial Law) འོག་གནས་ཡོད།” »
འབའ་སྲས།
ཆེས་ཆེར་གུས་པར་འོས་པའི་གླིང་ཚ་མ་བུ་གསུམ།།
སྐྱེས་པ་བླ་ན་མཐོ་བའི་གླིང་ཚ་མ་བུ་གསུམ།།
འཐབ་རྩོད་གཟི་བརྗིད་ཆེ་བའི་གླིང་ཚ་མ་བུ་གསུམ།།
ནང་མི་དཔའ་བོ་གསུམ་པོ་ནམ་ཡང་བདག་གིས་གུས།།
གདོང་དམར་བོད་པ་ཚང་ལ་ཤ་ཁྲག་རུས་གསུམ་བསྟི།།
སྒང་བ་བོད་པ་ཚང་ལ་ལྷ་ཀླུ་གཉན་གསུམ་གནས།།
གངས་ཅན་ཁ་བ་རི་ལ་མི་འགྱུར་གངས་ཕྲུག་མང་།།
ཁ་ཚ་དགོས་གཏུགས་སྐབས་སུ་ཁྱེད་ཅག་མ་བུ་གསུམ།།
བོན་རྒྱ་བསྟན་འཛིན་རབ་རྒྱས།
༡ ༽ ད་ནི་ཛ་དྲག་ཆ་ཚང་ལ་རྒྱུན་ལྡན་ལ་གྱུར་བ་ཨེ་རེད།
ན་ནིང་གི་ལོ་མཇུག་ལ་མི་ཞིག་གིས་མེར་བསྲེགས་བཏང་སོང་ཞེས་པའི་སྐད་ཆ་དེ་ཐོས་ཙམ་ནས། ཡ་ཆུང་གི་སྙིང་ཡང་ལྟིག་ལྟིག་ལྡང་ཞིང་དངོས་གནས་ཅི་བྱ་བརྟོལ་བྲལ་ལྟ་བུ་ཞིག་རེད། ཡིན་ནའང་། ད་ནི་དཔའ་རྒོད་ཅིག་གིས་མེར་བསྲེགས་བཏང་བའི་གནས་ཚུལ་འབྱོར་ནའང་དེ་དུས་ཀྱི་ཚོར་སྣང་སྡོད་མི་བཟོད་པ་དེ་འཇགས་ཚར་འདུག དངོས་གནས་ད་ནི་ཛ་དྲག་ཆ་ཚང་རྒྱུན་ལྡན་དུ་འགྱུར་བའི་དུས་ཚོད་ཅིག་ལ་གྱུར་འདུག འདི་མུར་སོང་ན་ནམ་ཞིག་རང་སྲོག་གཏོང་བ་དེའང་རྒྱུན་ལྡན་ལ་འགྱུར་རྒྱུ་རེད།
འཚེ་བ་སྤངས་པའི་འཐབ་རྩོད་ཀྱི་ནུས་ཤུགས་དང་ཉམས་ལེན་༼The Power and Practice of Nonviolent Struggle༽ཞེས་པ་འདི་ནི་ཨེལ་བྷཊ། ཨེནས྄ྭཊིན། ལྟེ་གནས་ཁང་གི་མཁས་དབང་ཇཱིན། ཤརྤ་ཡིས་བརྩམས་ཤིང་། པདྨ་ཚེ་དབང་ཤཱསྣྟིས་གངས་ལྗོངས་བོད་ཀྱི་སྐད་དུ་བསྒྱུར་ཡོད། དེབ་འདི་ནི་བསྒྱུར་མཁན་སྐུ་ཞབས་མཆོག་གིས་ཁ་བརྡ་དྲ་བར་བརྒྱུད་འགོད་བྱེད་འཐུས་ཀྱི་བཀའ་འཁྲོལ་དང་འབྲེལ་འདིར་བཀོད་ཡོད། ད་དུང་རྩོམ་པ་པོའི་དྲ་རྒྱ་ནས་ཀྱང་ཕབ་བཤུ་བྱེད་ཐུབ་པ་འདུག དྲ་རྒྱའི་ཁ་བྱང་དག་འདི་ན་ཡོད། གཤམ་གསལ་གྱི་འབྲེལ་ཐག་ལ་བསྣུན་ནས་དེབ་འདི་ཡོངས་རྫོགས་PDF…
དེ་ལས་མང་བ་། “འཚེ་བ་སྤངས་པའི་འཐབ་རྩོད་ཀྱི་ནུས་ཤུགས་དང་ཉམས་ལེན།” »
སྲིད་དབང་སྒེར་འཛིན་ལམ་ལུགས་ནས་མང་གཙོའི་ལམ་ལུགས་བར། བཅིངས་གྲོལ་གྱི་ཆེད་རྟོག་འཆར་གྱི་སྒྲོམ་གཞི་ཞིག་༼From Dictatorship to Democracy༽ཞེས་པ་འདི་ནི་ཨེལ་བྷཊ། ཨེནས྄ྭཊིན། ལྟེ་གནས་ཁང་གི་མཁས་དབང་ཇཱིན། ཤརྤ་ཡིས་བརྩམས་ཤིང་། པདྨ་ཚེ་དབང་ཤཱསྣྟིས་གངས་ལྗོངས་བོད་ཀྱི་སྐད་དུ་བསྒྱུར་ཡོད། དེབ་འདི་ནི་བསྒྱུར་མཁན་སྐུ་ཞབས་མཆོག་གིས་ཁ་བརྡ་དྲ་བར་བརྒྱུད་འགོད་བྱེད་འཐུས་ཀྱི་བཀའ་འཁྲོལ་དང་འབྲེལ་འདིར་བཀོད་ཡོད། ད་དུང་རྩོམ་པ་པོའི་དྲ་རྒྱ་ནས་ཀྱང་ཕབ་བཤུ་བྱེད་ཐུབ་པ་འདུག དྲ་རྒྱའི་ཁ་བྱང་དག་འདི་ན་ཡོད། དེ་ནས་གཤམ་གྱི་འབྲེལ་ཐག་ལ་བསྣུན་ན་དེབ་ཆ་ཚང་གཟིགས་ཐུབ་ཅིང་། FDTD-Tibetan དེབ་ཀྱི་དཀར་ཆག་དེ་གཟིགས་བདེའི་ཕྱིར་གཤམ་དུ་དྲངས་ཡོད།
དེ་ལས་མང་བ་། “སྲིད་དབང་སྒེར་འཛིན་ལམ་ལུགས་ནས་མང་གཙོའི་ལམ་ལུགས་བར།” »
ཕྱི་ལོ་ ༢༠༡༢ ཟླ་ ༣ ཚེས་ ༡༠ ཉིན་གྱི་ཉིན་བོད་ནང་གི་ཕྱི་དྲོའི་དུས་ཚོད ༥ ཙམ་ལ་རྔ་པ་རྫོང་ཚོས་རྗེ་མ་ཞང་སོ་རུ་སྡེ་བ་ནས་ཡིན་པ་རྔ་པ་ཀིརྟི་དགོན་གྱི་གྲྭ་དགེ་པེ།རང་ལོ ༡༨ །ཕ་མིང་ལ་ཕྱག་རྡོར།མ་མིང་ལ་ཆཱ་ཁོ་ཡིན་པ་ཁོང་གིས་རང་ལུས་མེར་སྲེག་བྱས་ཏེ་རྒྱ་ནག་གཞུང་ལ་ངོ་རྒོལ་བྱས་ཤིང་ས་གནས་དེ་ཀ་རང་ལ་སྐུ་སྲོག་ཤོར་ཡོད་འདུག
དེ་ལས་མང་བ་། “གསུམ་བཅུ་དུས་དྲན་ཉིན་རང་ལུས་མེར་སྲེག་བཏང་བ།” »
ང་བུ་ཆུང་ཞིག་གིས་མིག་མཐོང་བ་རྒྱ་མིས་༧གོང་ས་མཆོག་གི་དབྱར་ཀའི་ཕོ་བྲང་ནོར་བུ་གླིང་ཁར་འབར་རྫས་གཏོར་བ།
ཨ་མྱེས་ཚང་ཐུབ་བསྟན།
—————-
༡༩༥༩ ལོའི་ནང་དུ་ལྷ་ལྡན་སྨོན་ལམ་ཆེན་མོ་ཡོངས་སུ་གྲུབ་པའི་རྗེས་སུ་རྒྱ་མིས་བོད་ཀྱི་ལྷ་སར་བཙན་འཛུལ་བྱས་སོང༌། ང་ཚོས་གོ་ཐོས་ལ་རྒྱ་མིའི་དམག་མི་ཚོས་༧གོང་ས་སྐྱབས་མགོན་ཆེན་པོ་མཆོག་བཙན་ཁྲིད་བྱ་རྒྱུའི་འཆར་གཞི་འདིང་བཞིན་ཡོད་པའི་གནས་ཚུལ་གོ་ཐོས་བྱུང༌། རྒྱ་མིའི་དམག་སྤྱི་ལས་ཁུངས་ནས་༧གོང་ས་སྐྱབས་མགོན་ཆེན་པོ་སྐྱིད་ཆུའི་ཕ་རོལ་དུ་འཁྲབ་སྟོན་ཞིག་ཏུ་གདན་འདྲེན་ཞུས་ཏེ།
ཨ་རིག་འགྱུར་མེད།
ཚེས་བཅུ་ཉིན་གྱི་ཞོགས་པ་ནི་ཆེས་འདུ་འཛི་ཆེ་བའི་ཞོགས་པ་ཞིག་སྟེ། བོད་མིའི་རང་དབང་སྒེར་ལངས་ཀྱི་གསུམ་བཅུའི་དུས་དྲན་ཐེངས་ ༥༣ དང་ས་བྱི་ཞི་རྒོལ་ཆེན་མོ་བྱུང་ནས་ལོ་ངོ་ཧྲིལ་བོ་བཞི་འཁོར་བའི་དུས་དྲན་སྲུང་བརྩིའི་ཉིན་མོ་ཞིག་ཡིན་ལ། འདི་ནི་གཞུང་ས་དགའ་ལྡན་ཕོ་བྲང་མཇུག་བསྡུས་པ་དང་། ༸གོང་ས་མཆོག་གིས་ཆབ་སྲིད་ཀྱི་ཐུགས་འགན་ཡོངས་རྫོགས་བཀའ་བློན་ཁྲི་པར་གནང་རྗེས་ཀྱི་གསུམ་བཅུའི་དུས་དྲན་ཐེངས་དང་པོ་དེ་ཡང་ཡིན།