རྔ་བ་རྒྱལ་ཁམས་པ།
སྔོན་དུ་འགྲོ་བའི་གཏམ།
ས་གཤིས་རིག་པ་ཞེས་པ་ནི། ས་གཞི་བརྟག་ཐབས་ཀྱི་རིག་པ་ཞིག་སྟེ། སའི་གོ་ལ་དང་དེའི་གྲུབ་རྒྱུ། ཕྱི་ནང་གི་བཟོ་བཀོད། སྐྱེ་འཇིག་སོགས་བརྟག་ཐབས་ཞིག་ལ་གོ་དགོས། ས་ཁམས་རིག་པ་བ་དག་གིས་ས་གཞིའི་ཕྱི་ཤུན་དང་། ནང་ལོགས། དེའི་ཡང་ཐོག་ནས་རྒྱ་མཚོའི་གཏིང་མཐའ་བར་གྱི་གྲུབ་ཚད། གླིང་དང་གླིང་ཕྲན། ས་སྙིང་། རི་བོ་དང་རི་ཕྲན། ཆུ་བོ་དང་ཆུ་ཕྲན། གནམ་གཤིས། རྗེས་ཤུལ་འགྱུར་རྡོའི་གཏེར་རིགས། དཀྱུས་མའི་ས་རྡོ་ཚུན་ཆད་ལའང་བརྟག་དཔྱད་བྱས་ཏེ། ས་ཁམས་རིག་པའི་ལོ་རྒྱུས་དང་། འཕེལ་རིམ། འགྱུར་འགྲོས་སོགས་ལ་གཏིང་ཐུག་པའི་རྒྱུས་ལོན་བརྒྱུད། རང་རང་གི་ཉམས་མྱོང་ལས་བྱུང་བའི་ལྟ་ཚུལ་སྣ་ཚོགས་འདོན་བཞིན་ཡོད།
བརྗོད་མི་འདོད་པའི་སྐད་ཆ།
གཅན་འོད་འབར།
དེ་རིང་རྒྱལ་གཅེས་དཔའ་བོ་ཞིག་གིས་རིན་ཐང་བྲལ་བའི་རང་ལུས་མེ་རུ་སྤར་ནས་འདས་གྲོངས་སུ་ཕྱིན་པར་བཙན་བྱོལ་གཞུང་མང་གཉིས་ནས་འདས་མཆོད་སྒྲུབ་པའི་ཉིན་མོ་རེད། ཞོགས་པ་སྔ་མོ་ཞིག་ནས་ཤ་རུས་གཅིག་པའི་སྤུན་ཟླ་གྲངས་མེད་ཅིག་གིས་སེམས་ལ་མྱ་ངན་གྱི་ཁུར་པོ་འཁུར་ཞིང་མིག་ལ་ན་ཟུག་གི་མཆི་མ་བསྐྱིས་ནས་རྡ་སའི་གཙུག་ལག་ཁང་དུ་འཛོམས་བྱུང་ལ་ད་དུང་ངོ་གདོང་གི་ཁ་དོག་མི་གཅིག་ཅིང་སྐྱེས་སའི་ཡུལ་ལུང་མི་འདྲ་བའི་མི་རིགས་མང་པོ་ཞིག་ཀྱང་ཅི་ཞིག་ལ་རྔམ་པ་བཞིན་འདི་གའི་མི་ཚོགས་ཀྱི་ཚང་ཁའི་ཁྲོད་དུ་རུབ་བྱུང། མི་ཚོགས་ཀྱི་འདུ་འཛོམས་འདི་འདྲ་རྒྱ་ཆེན་ཞིག་ས་གནས་འདིར་ད་བར་དུ་ཕལ་ཆེར་འདུས་མ་མྱོང་ཞེས་བརྗོད་ཀྱང་ཐལ་དྲག་པའི་སྐད་ཆའི་ཚུལ་དུ་མི་འགྲོ་ལ། དེ་རིང་ལྟ་བུའི་མྱ་ངན་གྱི་ཉིན་མོ་ཞིག་དེ་རིང་བར་བྱུང་མ་མྱོང་ཞེས་ལབ་ཀྱང་རྫུན་གྱི་ཚབ་ཏུ་མི་འགྲོ་བ་ངས་མགོ་བོ་མཁའ་རུ་བཏེགས་ཤིང་སྐད་གསེང་མཐོན་པོའི་ངང་ཁ་ཚོན་བཅད་ནས་བཤད་ཐུབ། འདི་ནི་རང་མི་རིགས་ཀྱི་བདེན་དོན་ལ་སེམས་ཁུར་གྱི་ཚོར་འདུ་རྣོ་བའི་རྟགས་མཚན་རེད་ལ་ཤ་ཁྲག་གཅིག་པའི་སྤུན་ཟླ་ཚོའི་བར་ན་ནམ་ཡང་ཡལ་མི་ངེས་པའི་ལར་ཞེན་བརྟན་པོ་ཞིག་ཡོད་པའི་བདེན་དཔང་ཡང་རེད།
མེ་ལྕེ་ཁྲོད་ཀྱི་ཕ་ས་མ་ཡུལ།
གཅན་འོད་འབར།
༡་
མུན་ནག་གི་ལོ་ཟླ་རིང་མོ་དེའི་རྗེས་སུ།
བདག་པོ་མེད་པའི་ཕ་ས་མེ་རུ་འབར་སོང་ལ།
མནར་གཅོད་ཀྱི་ཉིན་མཚན་གྲངས་མེད་དེའི་གཞུགས་ནས།
ཁ་ཐག་རིང་བའི་མ་ཡུལ་ཡང་མེ་རུ་འབར་སོང།
མེ་རུ་འབར་སྟངས་དེ་ནི།
མཐོ་བ་གངས་རིའི་རྩེ་དང།
དམའ་བ་འཇམ་པོའི་སྤང་།
ཟབ་པ་དྭངས་མོའི་མཚོ་ལས་འབར་བྱུང།
སྐྱོན་བརྗོད། འགན་ཁུར། མཇུག་འབྲས།
སེར་ཤུལ་རིན་ཆེན་དོན་གྲུབ།
བསམ་བློ་ནི་རྩོམ་རིག་གི་གཞི་རྩ་ཡིན། རྩོམ་རིག་ནི་སྤྱི་ཚོགས་དང་མིའི་འཚོ་གནས་ལ་བདེ་དྲོད་སྦྱིན་པའི་བྱེད་ཐབས་ཤིག་ཡིན་འོས། སྤྱི་ཚོགས་དང་། མིའི་ཚེ་སྲོག་གི་འཚོ་གནས་རིན་ཐང་ལ་བསམ་བློ་གཏོང་མཁན་ཞིག་ཡིན་ན་རང་ཉིད་ལ་རྩོམ་པ་པོའི་མཚན་སྙན་ཐོབ་པ་ལས་རྩོམ་རིག་གིས་མིའི་འཚོ་གནས་རིན་ཐང་ལ་སྟོར་སྐྱོན་མ་ཐེབས་པ་ཞིག་གལ་ཆེ་བ་ཡིན། རྩོམ་པ་པོ་ཡིན་ན་དགག་སྒྲུབ་འབའ་ཞིག་གི་གར་སྟེགས་སུ་ལང་དགོས་པ་དང་། གཞན་གྱི་སྐྱོན་མཚང་འབྲུ་མི་ཐུབ་པའི་རྩོམ་རིག་ཡོད་ཚད་རིན་ཐང་གི་ཚད་གཞི་ཆེས་དམའ་བའི་གད་སྙིགས་སུ་ལུས་པའི་བསམ་བློ་འདི་སུས་འཇིག་རྟེན་དུ་བསྐྲུན་ཅིང་དར་བ་ཡིན་མི་ཤེས་མོད།
གངས་རིའི་དཔའ་རྒོད།
སོག་ཤོད་དར་རྒྱས།
གནམ་ས་རལ་བའི་འབོད་སྒྲའི་འོག་ན།།
རང་དབང་མེད་པའི་ཚོར་བ་རྣོན་པོས།།
བདེན་རྒྱབ་དཔུང་ལངས་ཁས་སུ་འཆེ་བའི།།
སྐྱེ་བོ་རྣམས་ཀྱི་རྣ་བ་དཀྲོགས་སོང།།
རྩ་ཆེའི་ཤ་ཁྲག་ཕུང་པོའི་ལུས་ལ།།
དམར་པོ་མེ་ཡི་ལྭ་བ་བསྒྲོན་ནས།།
མཁྲེགས་འཛིན་ཅན་གྱི་དམར་པོའི་གཞུང་ལ།།
དྲང་བདེན་སྐྱོང་བའི་གོ་བརྡ་སྤྲད་སོང།།
གངས་རིའི་དཔའ་རྒོད་སུམ་བཅུ།
ནམ་མཁའ།༢༩/༣/༢༠༡༢ལ་ཡོ་རུབ་ནས།
མཚོན་གྱིས་བསྣུན་ཅིང་མི་ཆོད་སེམས་པ་ལ།།
ཐབས་ཤེས་ཟུང་གིས་འཐབ་མོ་བྱས་བའི་འབྲས།།
མཚན་དཔེ་རི་མོ་ཞབས་ཀྱི་འཁོར་ལོ་ཡིས།།
དཔའ་བོ་འཇམ་དཔལ་ལ་སོགས་རྟག་ཏུ་སྐྱོང་།།
སྐྱེ་འཆི་གང་ཡིན་འགྲོ་འོང་གྲོགས་མེད་ཀྱང་།།
གཞན་སྡུག་སྐྱོབ་ལ་རང་ལུས་སྦྱིན་པའི་ཚེ།།
སྡུག་ལྡན་གདོང་དམར་ཚོགས་ཀྱི་མིག་ཆུ་ཡིས།།
མི་མཐོང་ཕྱི་མའི་ཡུལ་དུ་སྐྱེལ་མ་མཛོད།།
རྒྱལ་རོང་ཚོ་བདུན་ཀིརྟི་དགོན་པའི་དགེ་འདུན་པ་གཉིས་ཀྱི་ད་ལྟའི་གནས་སྟངས།
ཕྱི་ལོ་ ༢༠༡༢ ཟླ་ ༣ ཚེས་ ༣༠ ཉིན་རང་ལུས་མེར་སྲེག་བཏང་སྟེ་རྒྱ་གཞུང་ལ་ངོ་རྒོལ་གནང་མཁན་རྒྱལ་རོང་ཚོ་བདུན་ཀིརྟི་དགོན་པའི་གྲྭ་བསྟན་པ་དར་རྒྱས་དང་། འཆི་མེད་དཔལ་ལྡན་གཉིས་སྐབས་ཐོག་དེར་རྒྱ་གཞུང་གི་དྲག་ཆས་ཉེན་རྟོག་པ་སོགས་ཀྱིས་ས་གནས་དེ་གར་ཡོད་པའི་རྔ་པ་རང་སྐྱོང་ཁུལ་གྱི་སྨན་ཁང་དུ་ཁྲིད་ནས་དམ་དྲག་ཆེན་པོའི་འོག་བཞག་ཡོད་སྟབས། སྐབས་དེའི་ཁོང་གཉིས་ཀྱི་ཤི་གསོན་གྱི་གནས་ཚུལ་གསལ་པོ་ཤེས་རྟོགས་མ་བྱུང་ཡང་ཉིན་དེའི་བོད་ནང་གི་མཚན་མོའི་དུས་ཚོད་༩ ་ཙམ་ནས་ས་གནས་དེ་གའི་སེར་སྐྱ་མི་མང་བརྒྱ་ལྷག་ཁུལ་སྨན་ཁང་སྒོ་ཁར་འཛོམས་ནས་དགེ་འདུན་པ་གཉིས་ཀྱི་ཤི་གསོན་གང་ཡིན་ཡང་ཚུར་ང་ཚོ་ལ་སྤྲོད་དགོས་པ་དང་།
དེ་ལས་མང་བ་། “རྒྱལ་རོང་ཚོ་བདུན་ཀིརྟི་དགོན་པའི་དགེ་འདུན་པ་གཉིས་ཀྱི་ད་ལྟའི་གནས་སྟངས།” »
ཨ་མདོ་རྔ་པའི་ནང་མི་མང་འཛིན་བཟུང་གནས་ཚུལ།
ཉིན་རྒྱལ་གཅེས་དཔའ་བོ་བློ་བཟང་ཤེས་རབ་ཀྱིས་གཅའ་ཞང་ཐོག་ནས་རང་ལུས་མེ་སྲེག་གནང་སྟེ་སྐུ་གྲོངས་མ་ཐག་བོད་མི་བརྒྱ་སྐོར་ཞིག་གིས་ངོ་རྒོལ་སྐད་འབོད་དང་སྐུ་ཕུང་བདག་པོ་རྒྱག་སྐབས་ས་གནས་ལས་བྱེད་པ་ཚོས་ཁྱོད་ཚོས་དེ་ལྟར་མ་གནང་བར་ཅང་སྒུག་དང་རྔ་པ་རྫོང་ཐོག་ནས་དཔོན་པོ་ཞིག་ཡོང་གི་ཡོད་པས་ཁོ་སླེབས་རྗེས་སུ་ཁྱེད་ཚོའི་འདོད་པ་བཞིན་སྐུ་ཕུང་ནང་ལ་འཁྱེར་ན་ཆོག་ཚུལ་བཤད་ནས་སྐད་འབོད་འཚམ་འཇོགས་བྱེད་བཅུག་ཡོད་ཀྱང་ཅུང་མ་འགོར་བར་དམག་མི་དང་དྲག་ཆས་ཉེན་རྟོག་པ་ཕོན་ཆེན་སླེབས་སྟེ།བློ་བཟང་ཤེས་རབ་ཀྱི་ཕུང་བོ་བཙན་འཕྲོགས་དང་དེར་ཡོད་བོད་མི་ཚོར་གང་བྱུང་གཅར་རྡུང་དང་འཛིན་བཟུང་བྱས་པར་མ་ཟད། མི་མང་ལ་འཇིགས་སྐུལ་ཆེད་མེ་མདའ་གནམ་ལ་སྟོང་འཕེན་ཧ་ཅང་མང་པོ་བྱས་ཡོད་འདུག
རྒྱ་ནག་གི་སྲིད་འཛིན་རྒྱ་གར་ནས་ལོག་གྲབས་ཡོད་སྐབས་བོད་དོན་ལས་འགུལ་བས་ངོ་རྒོལ་བྱས་པ།
གསར་འགོད་པ། ཚེ་རིང་བཀྲ་ཤིས།
ལྡི་ལི། ཞོགས་པའི་ཆུ་ཚོད་༡༠:༠༠ ཕྱི་ཟླ་༣་པའི་ཚེས་༣༠།
དེ་རིང་ཡང་བསྐྱར་རྒྱ་གར་བོད་རང་བཙན་སློབ་ཕྲུག་ཚོགས་པའི་རྒྱལ་ཡོངས་འགན་འཛིན་རྡོ་རྗེ་ཚེ་བརྟན་ཐེ་བའི་བོད་དོན་ལས་འགུལ་བདུན་གྱིས་སོ་སོའི་གཟུགས་པོའི་སྟེང་“རང་བཙན། ངའི་གཞི་རྩའི་ཐོབ་ཐང་།”་དང་“བོད་རང་བཙན་ལ་”སོགས་པའི་ངོ་རྒོལ་གྱི་འབོད་ཚིག་འདྲ་མིན་བྲིས་ནས་རྒྱ་ནག་གི་སྲིད་འཛིན་ཧུའུ་ཅིན་ཐའོ་བཞུགས་སའི་ཨོ་བྷེ་རོ་མགྲོན་ཁང་གི་མདུན་དུ་ངོ་རྒོལ་སྐད་འབོད་ཤུགས་ཆེར་བྱས་པས་རྒྱ་གར་གྱི་ཉེན་རྟོག་མི་སྣས་འཇུ་བཟུང་བྱས་ཡོད། ལས་འགུལ་འདི་ནི་ཕྱི་ཚེས་༢༦ ཉིན་རྒྱལ་གཅེས་དཔའ་བོ་འཇམ་དཔལ་ཡེ་ཤེས་ལགས་ཀྱིས་ལྡི་ལི་ཇན་ཏར་མན་ཏར་ས་གནས་སུ་རང་ལུས་མེར་བསྲེགས་བཏང་ནས་སྐུ་གྲོངས་པའི་རྗེས་ཀྱི་བོད་རང་བཙན་སློབ་ཕྲུག་ཚོགས་པས་བཀོད་སྒྲིག་བྱས་པའི་ལས་འགུལ་རིམ་པ་བཞི་པ་དེ་ཆགས་ཡོད།
དེ་ལས་མང་བ་། “རྒྱ་ནག་གི་སྲིད་འཛིན་རྒྱ་གར་ནས་ལོག་གྲབས་ཡོད་སྐབས་བོད་དོན་ལས་འགུལ་བས་ངོ་རྒོལ་བྱས་པ།” »
མིག་ཆུ་འདི་རླབས་རྩེའི་མེ་ཏོག་ཡིན་འོས།
མགོ་བརྩམས་ས་ནས་མཇུག་བསྡུུ་ཐུབ་པར་སྨོན།
འཇིགས་མེད་ཚེ་རིང་།
དེ་རིང་སྐྱོ་ལ་སྡུག་པའི་བོད་ཀྱི་གནས་བབ་དང་། ཀྲུང་གུང་སྲིད་གཞུང་གི་མི་རིགས་ཐལ་མཐའ་རིང་ལུགས་ཀྱི་སྲིད་ཇུས་ལ་སྡུག་དམོད་བྱེད་རྒྱུ་མིན་པར་མི་སེམས་ལ་སྐྱོ་གདུང་ཡང་ཡང་སྟེར་བའི་བློས་གཏོང་གི་རིགས་ཤིག་མཚམས་འཇོག་ཡོང་བར་རེ་བ་རྒྱག་གི་ཡིན། ཅིའི་ཕྱིར་གུས་པའི་སེམས་ལ་འདི་ལྟ་བུའི་བློ་ཆུང་གི་བསམ་ཚུལ་ཞིག་ཤར་དགོས་པ་རེད་ཅེས་བཤད་སྟོབས་ཆེ་བའི་ལས་འགུལ་བ་རྣམས་ཀྱིས་མ་རངས་པ་བྱེད་ཀྱང་སྲིད། ངས་ཁོ་ཚོར་བརྩི་བཀུར་ལོས་བྱེད། ཁོ་ཚོས་མ་མཐའ་ཡང་གཞིས་བཞུགས་བོད་མི་དམངས་ཀྱི་ཕྱོགས་གཅིག་གི་མགྲིན་ཚབ་པ་གནང་གི་ཡོད་པ་རེད། འོན་ཀྱང་། ངས་བསམ་ན་རང་བསྲེགས་བློས་གཏོང་འདི་ཆེ་དྲག་པ་མ་ཟད་མང་ཡང་དྲག་སོང་། མ་མཐའ་ཡང་ཀྲུང་གུང་སྲིད་གཞུང་ལ་ངོ་རྒོལ་བྱེད་པའི་ལས་འགུལ་འདིར་འགྱུར་བ་འགྲོ་འོས་ལ། ངོ་རྒོལ་འདི་ཀྲུང་གུང་གི་སྲིད་ཇུས་ལ་བྱས་པ་ཡིན་ན་རྦད་དེ་ཆེ་དྲག་འདུག་པས་འགྱུར་བ་འགྲོ་འོས།
ཚེ་སྲོག་གིས་བྲིས་པའི་སྙན་ཞུ།
གངས་དཀར་རྒྱལ་སྲས་ཀྱིས།
༼ཨི༽
རང་དབང་གཙང་མ་ཞིག་གི་ཆེད་དུ། ཞི་བདེ་གསར་བ་ཞིག་གི་ཆེད་དུ། བདེ་སྐྱིད་དོན་མཐུན་ཞིག་གི་ཆེད་དུ། ཁྱེད་ཚོ་དེ་ལྟར་བཞུད་སོང། མེ་དམར་པོའི་དུད་སྤྲིན་གྱི་ཀློང་ནས། ཆེས་མཐའ་མཇུག་གི་དཔའ་སྐད་སྒྲོགས་བཞིན། ནམ་ཡང་ཕྱིར་མི་ལྡོག་པའི་གནས་དེར་བཞུད་སོང། ཁྱེད་ཚོས་ཚེ་སྲོག་གིས་སྦར་བའི་མེ་ལྩེ་ཡིས། ཕས་ཀྱི་རྒོལ་བ་སྤ་བཀོང་ཞིང་རང་དབང་དང་ཞི་བདེ་ཚུར་ལ་བསུས། མི་འཇིགས་ལར་ཞེན་གྱི་རྡོ་རིང་འཇིག་རྟེན་ལ་བཞེངས།
གཟི་བརྗིད་དང་སྐྱོ་སྣང་ལྡན་པའི་མྱ་ངན་ཞིག་ཡིན་ཞེས་བརྗོད་སོང་།
༼བོད་ཀྱི་བང་ཆེན་དྲ་ཚིགས་ནས་འདྲེན་བཀོད་ཞུས།༽
དེ་རིང་དྷ་སའི་མི་མང་ཧ་ཅང་མང་པོ་འཇམ་དཔལ་ཡེ་ཤེས་ལགས་ཀྱི་སྐུ་ཕུང་གདན་འདྲེན་ཞུ་རུ་བཅར་འདུག་ལ། མྱ་ངན་མཚོན་བྱེད་དུ་དུང་འབུད་པ་ཡིས་སྣེ་བསུས་ཏེ། མི་མང་གི་ངུ་ངག་ཁྲོད་ཕུང་པོ་མེར་བསྲེག་བཏང་སོང་།
དེ་ཡང་ཟླ་འདིའི་ཚེས་༣༠ ཉིན་ཞོགས་པ་སྔ་པོ་ནས་བོད་མི་མང་དང་བོད་དོན་རྒྱབ་སྐྱོར་བ་རྣམས། ལམ་ཁར་བང་བསྒྲིགས་སྟེ་བོད་དོན་ཆེད་རང་ལུས་མེར་བསྲེག་གཏོང་མཁན་འཇམ་དཔལ་ཡེ་ཤེས་ལགས་ཀྱི་ཕུང་པོ་ཕེབས་སུའི་གྲ་སྒྲིག་བྱས་འདུག་ལ། ལམ་བར་གྱི་ས་ཚིགས་ཁག་ཏུ་སྣེ་ལེན་བྱེད་དུ་འགྲོ་མཁན་ཡང་མང་པོ་བྱུང་འདུག སྔ་དྲོའི་ཆུ་ཚོད་༩ པ་ཙམ་ལ་ཕུང་པོ་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་གདན་འདྲེན་ཞུས་པ་དང་། དེར་བོད་གཞུང་མང་གཉིས་ནས་མྱ་ངན་གུས་འདུད་ཀྱི་མཛད་སྒོ་འཚོགས་སོང་།
དེ་ལས་མང་བ་། “གཟི་བརྗིད་དང་སྐྱོ་སྣང་ལྡན་པའི་མྱ་ངན་ཞིག་ཡིན་ཞེས་བརྗོད་སོང་།” »
མདོ་སྨད་རྒྱལ་རོང་ནས་དགེ་འདུན་པ་གཉིས་ཀྱིས་རང་ལུས་མེར་བསྲེགས་བཏང་གནས།
ཕྱི་ལོ་ ༢༠༡༢ ཟླ་ ༣ ཚེས་ ༣༠ ཉིན་གྱི་བོད་ནང་གི་ཉིན་གུང་གི་དུས་ཚོད་ ༡༢།༣༠ ཙམ་ལ་བོད་མདོ་སྨད་རྔ་པ་ཁུལ་འབར་ཁམས་རྫོང་རྒྱལ་རོང་ཚོ་བདུན་ཞང་ཥོ་ལ་ཅང་སྡེ་བའི་ལེ་སྐོ་ཚང་གི་ཚོ་བདུན་ཀིརྟི་དགོན་པའི་གྲྭ་བསྟན་པ་དར་རྒྱས། རང་ལོ་ ༢༢ ། ཕ་མིང་ལ་སྐལ་ལྡན་དང་མ་མིང་ལ་དཔལ་མཚོ་ཡིན་པ་ཁོང་དང་། ཥོ་ལ་ཅང་སྡེ་བའི་ཡེ་ཁྲེས་ཚང་གི་ཚོ་བདུན་ཀིརྟི་དགོན་པའི་གྲྭ་འཆི་མེད་དཔལ་ལྡན། རང་ལོ་ ༢༡ ། ཕ་མིང་ལ་རབ་རྒྱས་དང་མ་མིང་ལ་མ་ཅིག་མཚོ་ཡིན་པ་ཁོང་གཉིས་ཀྱིས་ཚོ་བདུན་ཀིརྟི་དགོན་པ་དང་བར་ཐག་སྤྱི་ལེ་༨༢ གྱི་སར་ཡོད་པའི་རྔ་པ་བོད་རིགས་རང་སྐྱོང་ཁུལ་དང་འབར་ཁམས་རྫོང་སྲིད་གཞུང་གཉིས་ཀྱི་ལྟེ་གནས་ནས་རྒྱ་ནག་གཞུང་གིས་བོད་མི་རིགས་རྩ་མེད་དུ་གཏོང་བཞིན་པའི་དྲག་རྩུབ་ཀྱི་སྲིད་ཇུས་ལ་ངོ་རྒོལ་སྐད་འབོད་གནང་བཞིན་རང་ལུས་མེར་སྲེག་བཏང་ཡོད་འདུག
དེ་ལས་མང་བ་། “མདོ་སྨད་རྒྱལ་རོང་ནས་དགེ་འདུན་པ་གཉིས་ཀྱིས་རང་ལུས་མེར་བསྲེགས་བཏང་གནས།” »
རྒྱལ་གཅེས་པ་ཡུམ་སྲས་གསུམ་ལ་རྒྱབ་སྐྱོར།
བསམ་གླིང་ཚེ་རིང་ལྷ་མོ།
བོད་མི་སྤྱི་བོ་གནམ་བསྟན་སུ་ཡིན་ནའང་། ད་ལྟའི་དུས་སྐབས་འདིར། སྙིང་ཁོང་ལ་ན་ཟུག་ཚད་ལས་བརྒལ་ཞིང་། ལྷག་པར་དུ་ཉིན་རེའི་བྱ་བཞག་ལས་གལ་ཆེ་ཤོས་དྲ་རྒྱའི་གསར་འགྱུར་ཁག་ཀློག་གོམས་སུ་གྱུར་པའི་སྐྱེ་བོ་དག་ལ་མཚོན་ན། འདྲ་མཉམ་མེད་པའི་འཇིག་རྟེན་གྱི་གྲུ་ཟུར་ཞིག་ཏུ་ང་ཚོ་བོད་གངས་ཅན་པའི་དཔའ་བོ་དང་དཔའ་མོ་གྲངས་མེད་ཅིག་གིས། ཚེ་སྲོག་གི་ལེགས་སྐྱེས་ཕུལ་ཞིང་ལེགས་སྐྱེས་ཕུལ་སྟངས་དེ་ཡང་། གཅིག་ལས་གཅིག་ཛ་དྲག་ཅིང་། གཅིག་ལས་གཅིག་བློས་གཏོང་ཆེ་བར་བསམ་ན། ང་དང་ང་འདྲ་བས་བོད་མི་བོད་གངས་ཅན་གྱི་གཞུང་འདིའི་ཞབས་འདེགས་ཅུང་ཟད་སྒྲུབ་ཁུལ་དུ་མཆིས་ཀྱང་། བསྡད་ན་སྡོད་མི་ཚུགས་པ་དང་། འགྲོ་ན་འགྲོ་མི་ཤེས་པ། བསམ་ན་སེམས་འཚིག་པ། ད་དུང་་༌༌༌ངོ་མ་བཤད་དཀའ།
འཇོན་གྲེམ་ཕུལ་ཀྲོན་གཟེངས་རྟགས་༧གོང་ས་མཆོག་འབུལ་གཏན་འཁེལ་བ།
ས་སྟེང་༧རྒྱལ་བསྟན་ཡོངས་རྫོགས་ཀྱི་མངའ་བདག་༧སྤྱི་ནོར་༧གོང་ས་༧སྐྱབས་མགོན་རྒྱལ་བའི་དབང་བོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་འཚེ་མེད་ཞི་བ་དང་། ཆོས་ལུགས་རིས་མེད་འཆམ་མཐུན་གོང་འཕེལ་གཏོང་ཐབས་གནང་བའི་མཛད་རྗེས་ལ་ཆེ་བསྟོད་ཀྱི་གཟེངས་རྟག་འབུལ་བཞེས་གནང་རྒྱུ་ཐུགས་གཏན་འཁེལ་གནང་འདུག དེ་ཡང་ཨིན་ཇིའི་རྒྱལ་ས་ལོན་ཌོན་དུ་རྟེན་གཞི་བྱས་པའི་ (Sir John Templeton) ཞེས་པའི་ཚོགས་པ་ནས་ལོ་འདིའི་ (Templeton) ཞེས་པའི་གཟེངས་རྟགས་འདི་བཞིན་སྤྱི་ནོར་༧གོང་ས་༧སྐྱབས་མགོན་ཆེན་མཆོག་ལ་འབུལ་བཞེས་གནང་རྒྱུ
དེ་ལས་མང་བ་། “འཇོན་གྲེམ་ཕུལ་ཀྲོན་གཟེངས་རྟགས་༧གོང་ས་མཆོག་འབུལ་གཏན་འཁེལ་བ།” »
བོད་དོན་ལས་འགུལ་བ་ཚོས་རྒྱ་ནག་གི་སྲིད་འཛིན་ལ་ངོ་རྒོལ་གྱི་འཕྲེད་དར་དཔྱངས་པ།
གསར་འགོད་པ། ལྡི་ལི་བོད་རང་བཙན་སློབ་ཕྲུག་ཚོགས་པའི་ཚོགས་གཙོ་ཚེ་རིང་བཀྲ་ཤིས།
ལྡི་ལི། ཕྱི་་ཟླ་༣་པའི་ཚེས་༢༩ཉིན།
དེ་རིང་ཡང་བསྐྱར་བོད་རང་བཙན་སློབ་ཕྲུག་ཚོགས་པ་དང་རྡ་ས་ས་གནས་གཞོན་ནུ་ལྷན་ཚོགས་གཉིས་ཀྱི་ཚོགས་མི་༡༡་ལྷག་གིས་རྒྱ་ནག་གི་སྲིད་འཛིན་ཧུའུ་ཅིན་ཐའོ་ལ་ངོ་རྒོལ་སྐད་འབོད་བྱས་པར་རྒྱ་གར་གྱི་ཉེན་རྟོག་མི་སྣས་འཇུ་བཟུང་བཀག་ཉར་བྱས་ཡོད།
དེ་ལས་མང་བ་། “བོད་དོན་ལས་འགུལ་བ་ཚོས་རྒྱ་ནག་གི་སྲིད་འཛིན་ལ་ངོ་རྒོལ་གྱི་འཕྲེད་དར་དཔྱངས་པ།” »
ལྡི་ལིར་འཚོགས་པའི་(BRICS SUMMIT)་དང་བོད་མི་ངོ་རྒོལ་བའི་གནས་སྟངས།
གསར་འགོད་པ-སྦྲ་རིགས་ཐོགས་མེད།
ཕྱི་ལོ་༢༠༡༢་ཟླ ༠༣་ཚེས ༢༩།
དེ་རིང་ལྡི་ལིའི་གསར་བའི་Taj Palace ཞེས་པའི་ས་གནས་སུ་ཐེངས་བཞི་བའི་བྷི་རིག(BRICS SUMMIT)མཐུན་ཕྱོགས་རྒྱལ་ཁབ་ཁག་ལྔའི་སྲིད་འཛིན་དང་སྲིད་བློན། ཕྱི་སྲིད་བློན་ཆེན་དང་ནང་སྲིད་བློན་ཆེན་ཁག་གཙོས་འབྲེལ་ཡོད་དཔོན་རིགས་མང་བོ་ཞིག་མཉམ་དུ་འཛོམས་ནས། འཛམ་གླིང་རྡུལ་ཕྲན་ནུས་ཤུགས་བེད་སྤྱོད་གཏོང་ཕྱོགས་དང་། འཛམ་གླིང་ཁྲོམ་རའི་དཔལ་འབྱོར་མ་རྐང་སྟངས་འཛིན་བྱེད་ཕྱོགས་སོགས་གནད་དོན་སྣེ་མང་གི་ཐད་དུ་གྲོས་བསྡུར་དང་ཐག་གཅོད་གང་མང་བྱས་འདུག དེ་བཞིན་དུ་རྒྱལ་ཁབ་ཁག་གི་སྲིད་འཛིན་དང་སྲིད་བློན་ཁག་ཕན་ཚུན་ཟུར་དུ་མཇལ་འཕྲད་བྱས་ནས་ལུང་པ་སོ་སོའི་འབྲེལ་ལམ་སྐོར་གྱི་གནད་དོན་འདྲ་མིན་ཐད་དུའང་བཀའ་བསྡུར་བྱས་འདུག
དེ་ལས་མང་བ་། “ལྡི་ལིར་འཚོགས་པའི་(BRICS SUMMIT)་དང་བོད་མི་ངོ་རྒོལ་བའི་གནས་སྟངས།” »
རྒྱ་ནག་གི་སྲིད་འཛིན་ཧུའུ་ཅིན་ཐའོ་ལ་ངོ་རྒོལ་བྱས་པར་བོད་མི་༡༡་འཇུ་བཟུང་བཀག་ཉར།
གནས་ཚུལ་གཏོང་མཁན། ཚེ་རིང་བཀྲ་ཤིས། (ལྡི་ལི་བོད་རང་བཙན་སློབ་ཕྲུག་ཚོགས་པའི་ཚོགས་གཙོ)
ལྡི་ལི། ཕྱི་ཟླ་༣་པའི་ཚེས་༢༨་ཉིན། ཕྱི་དྲོ་ཆུ་ཚོད་༣:00
རྒྱ་ནག་གི་སྲིད་འཛིན་རྒྱ་གར་དུ་འབྱོར་བར་བོད་དོན་ལས་འགུལ་བ་བུ་གཅིག་དང་བུ་མོ་གཉིས་ཀྱིས་ཁོ་རང་བཞུགས་སའི་ཨོ་བྷེ་རོ་མགྲོན་ཁང་གི་མདུན་དུ་ངོ་རྒོལ་སྐད་འབོད་ཤུགས་ཆེར་བྱས་པས་རྒྱ་གར་གྱི་ཉེན་རྟོག་མི་སྣས་འཇུ་བཟུང་བྱས་ཡོད་ལ། དེ་ཙམ་མ་ཟད། མགྲོན་ཁང་དང་རྨིད་་༡༠༠་བརྒྱ་ཙམ་ཡོད་སར་བོད་པའི་བུ་མོ་བརྒྱད་ཀྱིས་ངོ་རྒོལ་གྱི་སྐད་འབོད་ཤུགས་ཆེར་བསྒྲགས་པས་ཚང་མ་འཇུ་བཟུང་བྱས་ཡོད་པ་རེད། ལས་འགུལ་འདི་ནི་རྒྱ་ནག་གི་སྲིད་འཛིན་གྱིས་བོད་ནང་དུ་བསྟར་བའི་གདུག་རྩུབ་ཀྱི་སྲིད་ཇུས་ལ་བརྟེན་ནས་བོད་མི་གང་མང་གིས་གཅིག་རྗེས་གཉིས་མཐུད་དུ་རང་ལུས་མེར་བསྲེགས་བཏང་ནས་སོ་སོའི་མི་རིགས་ཀྱི་དགོས་འདུན་ཕྱི་རུ་བཏོན་པར་གདུང་སེམས་མཉམ་བསྐྱེད་མཚོན་ཆེད་དང་རྒྱ་ནག་གི་སྲིད་འཛིན་ལ་བོད་མི་ཚོར་རང་དབང་རང་བཙན་མ་ཐོབ་པར་བོད་མི་ཚོས་རྒྱ་ནག་གཞུང་ལ་སུན་གཙེར་བཟོ་རྒྱུ་ནམ་ཡང་མཚམས་འཇོག་མི་བྱེད་པའི་བརྡ་ལན་གསལ་བོ་སྟོན་ཆེད་རེད།
དེ་ལས་མང་བ་། “རྒྱ་ནག་གི་སྲིད་འཛིན་ཧུའུ་ཅིན་ཐའོ་ལ་ངོ་རྒོལ་བྱས་པར་བོད་མི་༡༡་འཇུ་བཟུང་བཀག་ཉར།” »
རིན་ཐང་མ་ལོན་པའི་རྒྱལ་གཅེས་དཔའ་བོའི་གཅེས་སྲོག
མི་ཕམ་ཚངས་ཐིག་གིས་བྲིས།
རྒྱལ་གཅེས་སེམས་དཔའ་༣༢ ཀྱི་གཅེས་སྲོག་དང་ལང་ཚོའི་མཛེས་སྡུག གསུང་དབྱངས་དྲོན་མོ་དང་གསལ་ཞིང་དང་བའི་བློ་རིག་སོགས་ཡལ་བར་དོར་བ་ནི། ང་ཚོ་གངས་ཅན་པའི་བདེ་སྐྱིད་ཁོ་ནའི་ཆེད་དུ་རེད། དེ་དག་ནི་གངས་ཅན་པ་མི་རེ་ངོ་རེ་ལ་བཟོད་ཐབས་བྲལ་བའི་སྙིང་ནང་གི་བྲག་རྡོ་དང་ཚེར་མ་ལྟ་བུ་ཞིག་རེད། དེ་དག་ནི་བློ་ཕམ་ཞིང་སྐྱིན་ཚབ་ཐབས་མེད་པའི་གྱོང་གུད་ཆེན་མོ་ཞིག་ཡིན་ལ། འདིའི་འབྱུང་རྐྱེན་ནི། ཇག་ཁྲམ་པ་རྒྱལ་དམར་གཞུང་། རྒྱུ་འབྲས་དྲང་བདེན་མེད་པའི་གླ་བརྔན་རྒྱབ་རྟེན་གྱི་ཤོམས་ངོམ་པ། ལྐོག་ཟ་རུལ་སུངས་མཁན། མི་བསད་ལག་དམར་པ་ཚོའི་བླུན་རྨོངས་དང་ཀླ་ཀློའི་ནོར་འཁྲུལ་གྱི་སྲིད་ཇུས་ངན་ པའི་འབྲས་བུ་དུག་ཅན་པ་དེ་ལས་བྱུང་བ་རེད།
དེ་ལས་མང་བ་། “རིན་ཐང་མ་ལོན་པའི་རྒྱལ་གཅེས་དཔའ་བོའི་གཅེས་སྲོག” »
སྐུ་གཤེགས་འཇམ་དཔལ་ཡེ་ཤེས་ལགས་ལ་འདས་མཆོད་གཟབ་རྒྱས་ཤིག་ཞུ་དགོས།
ཤར་ཕྱོགས་ཁུག་རྟ།
དཔའ་བོ་འཇམ་དཔལ་ཡེ་ཤེས་ལགས་ཀྱིས་ཕྱི་ཚེས ༢༦ ་ཉིན་རྒྱལ་ས་ལྡི་ལིར་ཞལ་ཆེམས་དོན་ཚན་ལྔ་བཞག་སྟེ་རང་ལུས་མེར་བསྲེགས་བཏང་བ་ཀུན་ལ་མངའ་ཆུབ་བཞིན། ད་ལྟ་ལྡི་ལི་ནས་བཞུགས་སྒར་དུ་སྐུ་ཕུང་གདན་འདྲེན་ཞུ་བཞིན་པ་དང་ཉིན་རྒྱབ་ཆུ་ཚོད ༥ ཙམ་ལ་བཞུགས་སྒར་དུ་སླེབས་ཐུབ་པའི་ཚོད་དཔག་གནང་གི་ཡོད་པ་རེད།
དེ་ལས་མང་བ་། “སྐུ་གཤེགས་འཇམ་དཔལ་ཡེ་ཤེས་ལགས་ལ་འདས་མཆོད་གཟབ་རྒྱས་ཤིག་ཞུ་དགོས།” »