ཕྱི་ལོ་ ༢༠༡༢ ཟླ་ ༣་ཚེས་ ༡༧ ཉིན་གྱི་བོད་ནང་གི་ཞོགས་པའི་དུས་ཚོད་ ༩ དང་སྐར་མ་ ༤༠ ཡས་མས་ཙམ་ལ། རེབ་གོང་རྫོང་གཉན་ཐོག་ཞང། ཤ་བྲང་སྡེ་བའི་བོན་རྒྱ་ཚོ་བ་ནས་ཡིན་པ་བསོད་ནམས་དར་རྒྱས(གཅེས་མིང་ལ་བསོད་ལོ)༼རང་ལོ་ ༤༤། ཕ་མིང་ལ་ཤ་མོ(ཚེ་འདས)། མ་མིང་ལ་ལྕགས་མོ་རྒྱལ་ལོ་ན་བདུན་ཅུ་དོན་བརྒྱད་རེད་འདུག སྐྱེས་དམན་གྱི་མིང་ལ་སྒྲོལ་དཀར་སྐྱིད། ཁོང་གཉིས་ལ་བུ་གཉིས་དང་བུ་མོ་གཅིག་ཡོད་འདུག༽ ཞུ་བ་ཞིག་གིས་རེབ་གོང་རོང་པོ་རྒྱལ་ཐང་ཞེས་པ་ནས་རོང་པོ་དགོན་ཆེན་ཕྱོགས་སུ་འགྲོ་ལམ་འཁེལ་ཡུལ་གངས་རིའི་མགྲོན་ཁང་དང་ཐོན་མིའི་རིག་གནས་དཔེ་ཁང་གི་ཉེ་འགྲམ་ལམ་གཞུང་ནས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་ལས་འགུལ་སྤེལ་འདུག་པ་དང་། ཁོང་ནི་ནམ་རྒྱུན་བོད་དོན་ཐད་དོ་སྣང་དང་སེམས་ཤུགས་ཆེ་ཞིང་། ནམ་རྒྱུན་རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་རྒྱུ་ལས་གལ་ཆེ་བ་གཞན་མེད་པར་ཤོད་མཁན་ཞིག་དང་། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་ཐུབ་པ་ཡིན་ན། བོད་ཀྱི་གནད་དོན་ཚང་མ་འགྲིག་འགྲོ་གི་རེད་ཅེས་ཤུགས་ཆེར་གླེང་མཁན་ཞིག ད་དུང་སྡེ་བ་ཕན་ཚུན་བར་གྱི་ནང་འཁྲུག་རིགས་ལ་ནམ་ཡང་ངོ་རྒོལ་བྱེད་མཁན་ཞིག་ཡིན་འདུག

དེ་ལས་མང་བ་། “རེབ་གོང་ནས་བསོད་ནམས་དར་རྒྱས་ལགས་ཀྱིས་རང་ལུས་མེར་བསྲེགས་བཏང་བའི་གནས་ཚུལ་ཕྱོགས་བསྡུས།༼༢༠༡༢ ཟླ་ ༣ ་ཚེས་ ༡༧ ཉིན།༽” »

གནས་ཚུལ་མཁོ་གཏོང་བ། རྫ་ཚེ་རིང་བཀྲ་ཤིས།

སྤྱི་ལོ་ ༢༠༡༢ ཟླ་ ༣ ཚེས་ ༡༦ རེས་གཟའ་པ་སངས་ཀྱི་ཉིན། ཐའེ་ཝན་གྱི་རྒྱལ་ས་ཐའེ་པེ་རུ། ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་གོ་སྒྲིག་འོག་བོད་བརྒྱུད་ནང་བསྟན་ཇི་ལྟར་དར་སྤེལ་བྱེད་པའི་སྐོར་གྱི་བགྲོ་གླེང་ཚོགས་འདུ་ཐེངས་གཉིས་པ་དེ་དངོས་སུ་འཚོགས་ཡོད། རང་གཞུང་ཐའེ་ཝན་དོན་གཅོད་ཀྱི་དགེ་བཤེས་འཇམ་དཔལ་ཆོས་འཛིན་དང་དགེ་བཤེས་ཆོས་ཀྱི་དབང་པོ། ཨ་ཀ་སྤྲུལ་སྐུ་སོགས་དགེ་ལུགས་ཀྱི་དགེ་བཤེས་དང་སྤྲུལ་སྐུ། ཤེས་རབ་གླིང་གི་མཁན་པོ་ཀར་བསྟན་དང་མཁན་པོ་འཕགས་སྐྱབས་སོགས་སོགས་བཀའ་བརྒྱུད་ཀྱི་མཁན་སྤྲུལ་དང་སློབ་དཔོན། གསེར་རྟ་མཁན་པོ་ཆོས་དབྱིངས་དང་མཁན་པོ་ཀརྨ་དོན་གྲུབ་སོགས་རྙིང་མ་ཕྱོགས་ཀྱི་མཁན་པོ་དང་སྤྲུལ་སྐུ། རྫོང་སར་བཤད་གྲྭའི་མཁན་པོ་བསམ་འགྲུབ་དང་སློབ་དཔོན་བསོད་ནམས་ཕུན་ཚོགས་སོགས་ས་སྐྱའི་ཕྱོགས་ཀྱི་མཁན་པོ་དང་སློབ་དཔོན། སྤྲུལ་སྐུ་བཀྲ་ཤིས་རྒྱ་མཚོ་སོགས་ཇོ་ནང་ཕྱོགས་ཀྱི་མཁན་སྤྲུལ་བཅས་ཆོས་བརྒྱུད་ཁག་ལྔ་ལས་གྲུབ་པའི་གདན་ཞུས་མཁན་སྤྲུལ་དགེ་བཤེས་སློབ་དཔོན་སོགས་སུམ་ཅུར་ཉེ་བའི་ཁར།

དེ་ལས་མང་བ་། “བོད་བརྒྱུད་ནང་བསྟན་དར་སྤེལ་སྐོར་གྱི་བགྲོ་གླེང་ཚོགས་འདུ་ཐའེ་ཝན་དུ་འཚོགས་པ།” »

བཀྲ་ཤིས་ཀྱིས།
——–
ཉིན་ཤས་གོང་ཨ་རིའི་གསར་འགྱུར་ཞིག་ཏུ་༧གོང་ས་མཆོག་ལ་བཅར་འདྲི་ཞུས་པ་ཞིག་མཇལ་རྒྱུ་བྱུང་། ངས་བཅར་འདྲི་དེ་ལ་འདི་འདྲའི་དོ་སྣང་སྤྲོད་དོན་ནི། ༧གོང་ས་མཆོག་གིས། “ངོས་ཀྱིས་ཡོངས་གྲགས་ཀྱི་ཐོག་ནས་ང་ཚོའི་བྱེད་ཕྱོགས་དེ་ལམ་ལྷོང་མ་བྱུང་བ་ཞིག་ཡིན་པར་ངོས་ལེན་བྱེད་ཀྱི་ཡོད། I publicly accept failure of our approach.”ཅེས་གསུངས་འདུག་ལ།
༼བཅར་འདྲིའི་སྐར་མ་གཉིས་ཀྱི་མཚམས་ཙམ་ལ་གསུངས་འདུག༽

དེ་ལས་མང་བ་། “ངོས་ཀྱིས་དབུ་མའི་ལམ་འདིས་གོ་མ་ཆོད་པ་ཞིག་ཡིན་པར་ངོས་ལེན་བྱེད་ཀྱི་ཡོད།” »

ཕྱི་ལོ་ ༢༠༡༢ ཟླ་ ༣ ཚེས་ ༡༦ ཉིན་བོད་ནང་གི་དགོང་མོའི་དུས་ཚོད་ ༥ ཙམ་ལ་མདོ་སྨད་རྔ་པ་ཀིརྟི་དགོན་པའི་རྒྱུད་པ་གྲྭ་ཚང་གི་གྲྭ་བློ་བཟང་ཚུལ་ཁྲིམས། རང་ལོ་ ༢༠ ། ཕ་མིང་ལ་ཡེ་ཤེས། མ་མིང་ལ་ཚེ་སྒྲོན་ཡིན་པ་ཁོང་གིས་རྔ་པ་རྫོང་མཁར་གྱི་སྟོད་ཕྱོགས་ཀྱི་གཞུང་ལམ་ནས་ངོ་རྒོལ་སྐད་འབོད་བྱེད་བཞིན་རང་ལུས་མེར་སྲེག་བཏང་འདུག་པ་དང་། ཁོང་གིས་རང་ལུས་མེར་སྲེག་གཏོང་ས་ནས་ཡར་གོམ་བགྲོད་བྱེད་བཞིན་པའི་སྐབས་དེར་ཁོང་གི་མདུན་ཕྱོགས་ནས་དྲག་ཆས་ཉེན་རྟོག་པ་སོགས་རྒྱུགས་ཡོང་སྐབས་ཁོང་མར་འཁོར་ནས་སྐད་འབོད་བྱེད་བཞིན་རྒྱུགས་ཡོད་འདུག་ཀྱང་། སྐབས་དེར་དེའི་ཕྱོགས་ཀྱི་ཉེན་རྟོག་པ་ཞིག་གིས་གཞུས་ནས་ཐང་ལ་འགྱེལ་བཅུག་ཡོད་པ་དང་།

དེ་ལས་མང་བ་། “ཨ་མདོ་རྔ་པ་ནས་རང་ལུས་མེར་བསྲེགས་ལས་འགུལ་སྤེལ་གནས། ༼ཕྱི་ལོ་ ༢༠༡༢ ཟླ་ ༣ ཚེས་ ༡༦༽” »

བོད་ལྕགས་ཡོས་ལོའི་ནང་། རྒྱལ་གཅེས་དཔའ་བོ་དང་དཔའ་མོ་ཚོས་རང་ལུས་མེར་བསྲེགས་ཀྱི་ལམ་ནས་རྒྱ་ནག་གཞུང་ལ་ངོ་རྒོལ་ལས་འགུལ་རིམ་བསྟུད་དུ་སྤེལ་བའི་བྱུང་བ་འདི་ནི། བོད་ཀྱི་ལོ་རྒྱུས་ལེའུ་གསར་པ་ཞིག་ཆགས་ཡོད་ཅིང་། མདོ་སྨད་བཙན་རྒོལ་བདེན་རྒྱབ་མནའ་འབྲེལ་རྩོམ་སྒྲིག་ཚོགས་ཆུང་གི་ངོས་ནས། དམིགས་བསལ་བྱུང་རབས་འདི་ལོ་རྒྱུས་ཡིག་ཚགས་ནང་འགོད་རྒྱུ་གཙོ་འདོན་ཞུས་པའི་ཡིག་ཚགས་ལོ་རྒྱུས་ཀྱི་དེབ་༼ལྕགས་ཡོས་བཙན་རྒོལ་མེ་ལྕེ༽ཞེས་པ་ཡོངས་ཁྱབ་དཔར་འགྲེམས་ཀྱི་མཛད་སྒོ་དེ་བཞིན། དེ་རིང་ཕྱི་ཚེས་ ༡༦ ཉིན། བཙན་བྱོལ་བོད་གཞུང་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་ཚོགས་ཁང་དུ། དཔལ་ལྡན་བཀའ་བློན་ཁྲི་པ་བློ་བཟང་སེང་གེ་མཆོག་གིས་དབུ་འབྱེད་གནང་ཡོད།

དེ་ལས་མང་བ་། “ཡིག་ཚགས་ལོ་རྒྱུས་ཀྱི་དེབ ༼ལྕགས་ཡོས་བཙན་རྒོལ་མེ་ལྕེ༽འགྲེམས་སྤེལ་དབུ་འབྱེད་གནང་བ།” »

པར་འདི་ནི་༢༠༡༢། ༣། ༨ ཉིན་རེབ་གོང་གི་སློབ་མ་ཚོས་སློབ་དེབ་རྒྱ་ཡིག་ཏུ་བརྗེ་བསྒྱུར་ལ་རེབ་གོང་སྒྲོལ་མ་ཐང་ཆེན་དུ་ངོ་རྒོལ་སྐད་འབོད་གནང་བཞིན་པ་རེད།

དེ་ལས་མང་བ་། “རེབ་གོང་གི་སློབ་གྲྭའི་དགེ་རྒན་ཚོས་གུང་གསེང་བཏང་མི་ཆོག་ཟེར།” »

གློག་བརྙན་འདི་དག་གི་ཡོང་ཁུངས་ནི་ http://www.freetibet.org/ ཡིན་འདུག

གོང་གསལ་གྱི་གློག་བརྙན་འདིའི་ནང་དགེ་འདུན་པ་ཚོས་སྐུ་ཞབས་འཇམ་དབྱངས་དཔལ་ལྡན་གྱི་འཁྲིས་སུ་སྨོན་ལམ་འདོན་པའི་ཚུལ་ཡིན་པ་རེད།

དེ་ལས་མང་བ་། “རེབ་གོང་ནས་ཡོང་པའི་པར་དང་གློག་བརྙན།” »

ཨ་རིག་འགྱུར་མེད་ཀྱིས།
(༢༠༡༢ ལོའི་ཟླ་ ༠༣ ཚེས་ ༡༥ ། རེས་གཟའ་ཕུར་བའི་ཉིན།)

ཞོགས་པའི་ཆུ་ཚོད་ ༡༠ དང་ཕྱེད་ཀ་ཡས་མས་སྟེང་། ང་རང་མདོ་སྨད་དབུས་རྒྱུན་གསར་རྙིང་གི་རྒྱུན་ལས་མི་སྣ་བརྒྱད་ཀྱིས་གྲུབ་པའི་ཚོགས་ཆུང་ཞིག་དང་ལྷན་དུ་བཞུགས་སྒར་གངས་ཅན་སྐྱིད་གཤོངས་ནས་རྡོག་ཐོན་བྱས། ཚོགས་ཆུང་འདི་ནི་ཉེ་ཆར་གྲུབ་མ་ཐག་པའི་མདོ་སྨད་དབུས་རྒྱུན་སྐབས་བཅུ་བཞི་བའི་ཚོགས་ཆེན་གཉིས་པའི་སྟེང་བདམས་ཐོན་བྱུང་བའི་སྐབས་བཅོ་ལྔ་བའི་རྒྱུན་ལས་གསར་བ་ཁག་ཅིག་དང་། སྐབས་བཅུ་བཞི་བའི་རྒྱུན་ལས་རྙིང་པ་ཁག་ཅིག་རེད། ཐེངས་འདིར་ཁོང་ཚོ་ཆད་དུ་ཟླ་འདིའི་གསུམ་བཅུའི་དུས་དྲན་ཉིན་ངྷ་ས་ཐེག་ཆེན་ཆོས་གླིང་གཙུག་ལག་ཁང་ནས་འགོ་འཛུགས་གནང་བའི་ “ངྷ་ས་ནས་ལྷ་ས་བར་” གྱི་གོམ་བགྲོད་གནང་མཁན་གླིང་ཚ་རྡོ་རྗེ་ཚེ་བརྟན་མ་བུ་གསུམ་ལ་གཟིགས་སྐོར་དུ་ཕེབས་པ་རེད།

དེ་ལས་མང་བ་། “མདོ་སྨད་དབུས་རྒྱུན་གསར་རྙིང་གིས་གླིང་ཚ་མ་བུ་གསུམ་ལ་གཟིགས་སྐོར།” »

གསར་འགོད་པ། རྡོ་རྗེ་ཚེ་རིང་གིས།

སྤྱི་ཟླ་༠༣པའི་ཚེས་༡༥་ཉིན་ཏེ་རེས་གཟའ་ཕུར་བུའི་ཉིན་༼ཚོགས་སྐྱིད་མཉམ་སྦྲེལ་མཐུན་ཚོགས་༽ཀྱི་ཚོགས་གཙོ་སྤྱི་ཟུར་ཡོན་ཏན་རྒྱ་མཚོ་ལགས་ཀྱིས་གསུང་དོན། ང་ཚོའི་ཚོགས་པ་འདི་ནི་སྤྱི་ལོ་༢༠༠༨ལོ་ནས་མཐུན་ཚོགས་གསར་བ་ཚུགས་པ་ཡིན་ལ་དེ་ཚུགས་དགོས་པའི་རྒྱུ་མཚན་ནི། ༢༠༠༨ལོའི་བོད་ཀྱི་ཞི་རྒོལ་ཆེན་མོའི་སྐབས་ནས་བོད་ལ་ཧང་སང་བའི་དཀའ་ངལ་འཕྲད་པའི་རྒྱུ་མཚན་དེ་ལ་བརྟེན་ནས་༼ཆོལ་ཁ་གསུམ་གཙོ་བོར་གྱུར་བའི་རྡ་ས་མདོ་སྟོད་ཚོགས་པ་དང་དབུ་མའི་ལམ་མི་མང་ལས་འགུལ་ཁང་། ཆོལ་གསུམ་ཆིག་སྒྲིལ་ཚོགས་པ། མངའ་རིས་སྤྱི་མཐུན་ཚོགས་པ། བོད་རྒྱལ་ཡོངས་བཙོན་གྲོལ་ཚོགས་པ། རྡ་ས་ཆོལ་གསུམ་དྭང་བླང་མི་མང། ཚོང་ཁང་སྐྱིད་སྡུག ཟ་ཁང་སྐྱིད་སྡུག ༽བཅས་བཅུ་གཅིག་གིས་གྲུབ་པ་ཞིག་ཡིན་ལ། གང་ལྟར། བོད་དུ་བོད་མི་དེ་འདྲའི་མང་པོ་ཞིག་འདས་གྲོངས་སུ་འགྲོ་བཞིན་ཡོད་རེད་ལ། རྒྱ་མིས་བཙན་གནོན་དེ་འདྲ་ཞིག་བྱེད་ཀྱིན་ཡོད་པ་རེད། དེ་བས་ང་ཚོས་དེ་ལ་མཚོན་པའི་ལས་ཀ་ཞིག་བྱེད་རྒྱུ་བྱས།

དེ་ལས་མང་བ་། “མ་ཎི་དུང་སྒྲུབ་དང་གོམ་བགྲོད་པར་རྒྱབ་སྐྱོར།” »

བོད་རང་བཙན་འཐབ་རྩོད་ཀྱི་སྒྲོམ་གཞི་དང་ཐབས་བྱུས། ཡོང་སྲིད་པའི་གནས་བབ་བཅས་ལ་བགྲོ་གླེང་།
ནིའུ་ཡོག་གྲོང་ཁྱེར་དུ། ༢༠༡༢ ལོའི་ ཟླ་གསུམ་པའི་ཚེས་ ༡༡ དང་ ༡༢

ཕྱི་ཟླ་ ༣ ཚེས་ ༡༡ དང་ ༡༢ བཅས་ཉིན་གཉིས་ཀྱི་རིང་ལ་ནིའུ་ཡོག་གྲོང་ཁྱེར་དུ་ རང་བཙན་མཐུན་ཚོགས་ཀྱིས་རང་བཙན་བགྲོ་གླེང་ཞིག་གོ་སྒྲིག་ཞུས་ཤིང་། དེར་ཉེ་བའི་འབྱུང་འགྱུར་གྱི་ཁྲོད་བོད་དོན་ལ་འཕྲད་སྲིད་པའི་གནས་བབ་ཀྱི་སྐོར་དང་། ད་དུང་བོད་རང་བཙན་གྱི་དམིགས་ཡུལ་གོང་འཕེལ་དང་མཐར་མངོན་འགྲུབ་བྱེད་རྒྱུ་ལ་ཐབས་བྱུས་ངེས་པར་འདིང་དགོས་པ་དང་སྒྲོམ་གཞི་ངེས་པར་འཛུགས་དགོས་པའི་སྐོར་ལ་བགྲོ་གླེང་བྱས་ཡོད།

དེ་ལས་མང་བ་། “རང་བཙན་བགྲོ་གླེང་།” »