སྐྱོ་བྲག་དགའ་དབང་།
༄༅། །ཨོཾ་མ་ཎི་པདྨེ་ཧཱུྃ། གླུ་ཨ་ལ་ཨ་ལ་ཨ་ལ་རེད། །ཐ་ལ་ཐ་ལ་ཐ་ལ་རེད། །ཨ་ལ་གླུ་ཡི་ལེན་ལུགས་རེད། །ཐ་ལ་ངག་གི་བཀུག་ལུགས་རེད། །སྐྱབས་བསླུ་མེད་དཀོན་མཆོག་རྣམ་གསུམ་དང་། །མགོན་གངས་ཅན་ལྷ་གཅིག་སྤྱན་རས་གཟིགས། །མི་བདག་གི་སྤྱི་བོའི་གཙུག་ན་བཞུགས། །འབྲལ་མེད་ཐུགས་རྗེས་གཟིགས་སུ་གསོལ། །ས་འདིའི་ས་ངོ་མ་ཤེས་ན། །གནས་ཉེ་བའི་ཞིང་ཁམས་ཀ་ལི་སྤུངས། །ནོར་རིན་ཆེན་ཟོང་དུ་བཀྲམ་པའི་གླིང་། །རྒྱ་བོད་ཧོར་གསུམ་འདུ་ས་རེད། །མི་ང་འདྲ་ང་ངོ་མ་ཤེས་ན། །གླིང་གེ་སར་རྒྱལ་པོ་འཁྲུངས་པའི་ཡུལ། །སྨད་མདོ་ཁམས་འབྲི་ཟླ་ཟལ་མོ་སྒང་། །བདེ་སྐྱིད་ལྷ་ལ་འགྲིན་པའི་གནས། །ས་ཏྲེ་ཤོད་མཐིལ་དུ་སྐྱེས་པའི་བུ། །ཚེ་སྟོད་སྡིག་པའི་ལས་མང་བསགས། །ཚོང་དང་གཡོ་སྒྱུའི་སྐོར་མགོ་བཙུགས། །འོན་ཀྱང་སྔ་མའི་ལས་འཕྲོ་ཡིས། །ས་རྒྱ་གར་འབར་མའི་ཡུལ་དུ་ཕྱིན། །ཚེ་འདི་ལ་དམ་ཆོས་མ་འགྲུབ་ན། །དལ་འབྱོར་སྟོང་ཟད་འགྲོ་འདུག་བསམ། །འདྲེ་འཆི་བདག་བདུད་པོ་རྔམས་བརྗིད་ཅན། །ཁོས་ནམ་ཞིག་ཛར་གྱིས་བཟུང་ནས་སུ། །དམའ་ན་རག་དམྱལ་བའི་གནས་སུ་ཁྲིད། །སྙིང་རྗེ་མེད་པའི་གཤེད་མ་ཚོས། །བཙོ་བསྲེགས་བཅད་གཏུབ་ཡ་རེ་ང། །དེ་དུས་སྐྱབས་གཅིག་དགོས་འདུག་བསམ། །གནའ་མི་བོད་ཀྱི་གཏམ་དཔེ་ལ། །དཔྱིད་ནམ་ཟླ་ས་ཆུ་དྲོས་པའི་ཚེ། །རྒྱ་ཞིང་སོ་ནམས་མ་གཟབ་ན། །སྟོན་འབྲས་དྲུག་ཟོར་བས་གཅོད་པའི་དུས། །ཞིང་བདག་འགྱོད་པ་སྐྱེ་རབས་ཡོད། །ཚེ་ཡར་སྟོད་དབང་པོ་དར་བའི་དུས། །ལས་དཀར་པོའི་དམ་ཆོས་མ་སྒྲུབས་ན། །ཤི་དམྱལ་བའི་ཟངས་ཁ་འགྲིམ་ཉིན་མོ། །བན་ཆུང་ཆུང་འགྱོད་པ་སྐྱེ་རབས་ཡོད། །ཟེར་ཡང་ཟེར་ལ་བདེན་འདུག་བསམ། །ངས་འཁོར་བའི་བྱ་བ་རྒྱབ་ཏུ་བོར། །སངས་རྒྱས་བསྟན་པའི་སྒོར་ཞུགས་ནས། །སོ་སོར་ཐར་བའི་སྡོམ་པ་བླང། །དམ་ཆོས་འདུལ་བའི་བཅས་ཁྲིམས་རྣམས། །མ་ཉམས་མིག་འབྲས་ལྟ་བུར་སྲུང། །ལྷ་བསྒོམ་རྒྱུ་ཐུགས་རྗེ་ཆེན་པོ་ཡིན། །སྔགས་འདོན་རྒྱུ་ཡི་གེ་དྲུག་མ་ཡིན། །ཆོས་ཐེག་ཆེན་ཐེག་དམན་མདོ་དང་སྔགས། །ཀུན་ལ་ཕྱོགས་མེད་དག་སྣང་སྦྱངས། །དུས་ད་ལྟ་ཤི་ཡང་འགྱོད་མེད་ཡིན། །འཛིང་ཁ་འཚེར་ན་དཔའ་བོ་མིན། །ཤི་ཁ་འཚེར་ན་ཆོས་པ་མིན། །དེ་ཕན་ཆོད་ཡིན་ལུགས་འདྲ་མ་རེད། །ད་ཡང་དག་དོན་ལ་འབེབས་ཙ་ན། །གསོན་དང་ཞུ་རྒྱུ་འདི་འདྲ་འདུག །མགོ་གསེར་ཞྭ་ཅན་གྱི་བླ་མ་ཚོ། །རིག་དྲུག་ཆོས་ལ་བཀོད་རྩ་ན། །བརྟགས་ཤིང་དཔྱད་ཡག་མ་བྱས་ན། །དཀོར་ནག་པོ་བཙན་དུག་ཧ་ལ་རེད། །དུག་འགམ་ན་རང་སྲོག་ཕུང་ཉེན་ཡོད། །ཐོབ་ཐང་ཅན་གྱི་དཔོན་པོ་ཚོས། །ཁྲིམས་དྲང་པོའི་ཐིག་ཤིང་འདེབས་རྩ་ན། །བརྟག་ཤིང་དཔྱད་ཡག་མ་བྱས་ན། །ལྐོག་ཟས་ཟོས་པའི་ལང་ཤོར་དེས། །རྒྱལ་ཁྲིམས་རྩ་བ་ཞིག་དོག་ཡོད། །རྒྱབ་ཆོས་གོས་གྱོན་པའི་བན་ཆུང་ཚོས། །བཀའ་སྡོམ་པ་ཉམས་སུ་ལེན་རྩ་ན། །དུས་རྒྱུན་དུ་རང་སེམས་མ་བསྲུང་ན། །དགྲ་ཉོན་མོངས་གཡོ་རྒྱུའི་རང་བཞིན་དེས། །འཁོར་བའི་འདམ་དུ་འཕེན་དོག་ཡོད། །ད་རུང་འདྲ་མ་འདི་འདྲ་ཡོད། །དུས་དེང་སང་སྙིགས་མའི་ཡང་མཐའ་རེད། །མི་ཐམས་ཅད་དམར་པོའི་ཁ་རླངས་ཐེབས། །ལས་བྱ་སྤྱོད་བསམ་བློ་ཕྱིན་ཅི་ལོག །བཟང་དྲུག་སྨན་ལ་དུག་ཏུ་མཐོང། །དུག་ཧ་ལ་སྨན་དུ་རློམས་ནས་འགོམ། 
།མགོན་བཀའ་དྲིན་ཅན་གྱི་སངས་རྒྱས་ཁོང་། །མི་མངོན་དབྱིངས་སུ་བཞུགས་གྱུར་ཀྱང་། །དེའི་ཞལ་ནས་གསུངས་པའི་མདོ་དང་སྔགས། །ཐལ་རྡུལ་གྱི་ཁྲོད་དུ་དོར་ནས་སུ། །རྟག་ཆད་གཉིས་ཀྱི་མཐའ་འཛིན་པའི། །ཕྱི་རོལ་གྱི་གྲུབ་མཐའ་སྣ་ཚོགས་ལ། །བདེན་ཞེན་དང་དངོས་འཛིན་བྱེད་པའི་དུས། །ཁྱེད་བསྟན་འཛིན་སྐྱེས་རྣམས་ཅི་ཞིག་སྙམས། །ངས་བསམ་ན་འདྲ་མ་འདི་འདྲ་ཡོད། །གངས་སྟོད་འཛིན་པའི་སངྒེ་དེ། །རྒྱན་གཡུ་རལ་ལེགས་པ་ཆ་མཆིས་ཀྱང་། །བཙན་པོའི་གངས་སྟོད་མི་འཛིན་ནས། །དམའ་གྲོང་ལ་འགྲིམ་ན་ཁྱི་དང་ནོར། །སངས་རྒྱས་བསྟན་པའི་རྗེས་འཇུག་དེ། །ལུང་སྡེ་སྣོད་ཐུགས་ལ་མངའ་མོད་ཀྱང་། །ལམ་བསླབ་གསུམ་ཉམས་སུ་མི་ལེན་ན། །ལུས་རྒྱ་ཆས་གྱོན་པས་རྒྱ་དང་ནོར། །སྟོན་པ་དྲང་སྲོང་ཆེན་པོའི་དེས། །རང་ཅག་རྗེས་འཇུག་འཇུག་སྒོ་རུ། །ཞི་བསིལ་བདུད་རྩི་ལྟ་བུའི་ཆོས། །བསམ་ཡས་ཐེག་པའི་རྣམ་གྲངས་གསུང། །མདོར་བསྡུ་ན་རང་སེམས་འདུལ་བའི་ཐབས། །དོན་དུག་གསུམ་དུག་ལྔ་སྤོང་བྱེད་དང། །མཐར་མངོན་སངས་རྒྱས་པའི་རྒྱུ་རུ་ངེས། །དོན་དེས་ན་མདོ་སྔགས་གཞུང་ལུགས་ལས། །རང་རང་ཉམས་སུ་བླང་བྱའི་ཆོས། །ཕྱོགས་རིས་ཆགས་སྡང་མ་ཡིན་པའི། །འབད་པ་དྲག་པོས་ཉམས་སུ་ལེན། །ལྟ་སྤྱོད་སངས་རྒྱས་བཀའ་དང་བསྟུན། །ལས་རྒྱུ་འབྲས་རྣམ་བཞག་ཞིབ་པར་བྱ། །ཕ་མ་འགྲོ་དྲུག་སེམས་ཅན་ལ། །བྱམས་སྙིང་རྗེ་བྱང་ཆུབ་སེམས་མཆོག་བསྐྱེད། ཕྱི་རོལ་མཐའ་མིའི་ཆ་ལུགས་དང་། །ལྟ་སྤྱོད་ངན་པའི་ལད་མོ་ཙམ། །བྱས་ན་སྐྱབས་འགྲོའི་དམ་ཚིག་གི། །རྩ་བ་རུལ་བས་ཤིན་ཏུ་འཛེམས། །ཁྱད་པར་སོ་ཐར་རིས་བདུན་ལས། །རང་རང་སྡོམ་པ་གང་འབོགས་པའི། །བཅས་པའི་ཁྲིམས་དང་མི་འགལ་བར། །ཚུལ་ཁྲིམས་རྣམ་པར་དག་པ་བྱ། །དེ་བྱུང་ན་དལ་འབྱོར་མི་ལུས་འདིས། །ཚེ་གཅིག་ལ་མངོན་སངས་མ་རྒྱས་རུང། །མངོན་མཐོའི་རྟེན་བཟང་བརྒྱུད་ནས་སུ། །གཏན་བདེའི་ས་ལ་འགྲོ་བ་ཡིན། །དེ་ཨེ་གོ་འདིར་ཚོགས་གྲོགས་པོ་ཚོ། །དུས་དེང་སང་ཉམས་མཚར་ལྟད་མོ་འགའ། །མི་ངེད་ཚོས་མཐོང་ན་རྒོད་རེ་བྲོ། །ད་ཧ་ཅང་མི་ཞུ་རྩེ་མོ་ཡིན། །ཁྱེད་བོད་ཀྱི་བསྟན་འཛིན་སྐྱེས་བུ་རྣམས། །ལུས་ཆོས་གོས་གསུམ་དང་མི་འབྲལ་ཤོག །ངག་སྡེ་སྣོད་གསུམ་དང་མི་འབྲལ་ཤོག །ཐུགས་བསླབ་པ་གསུམ་དང་མི་འབྲལ་ཤོག །རྗེ་སངས་རྒྱས་ཉི་མ་དགུང་དུ་ཚེས། །དམ་ཆོས་ཟླ་བས་མུན་པ་སེལ། །དགེ་འདུན་རྒྱུ་སྐར་བཞིན་དུ་བཀྲ། །སྐྱིད་ཉི་ཟླ་སྐར་གསུམ་འཛོམ་པར་ཤོག །གླུ་གོ་ན་ཡིད་ཀྱི་དཀྱིལ་དུ་ཞོག །མ་གོ་གླུ་ལ་བསྡབས་སྐྱོར་མེད། །ཨོཾམཎི་པདྨེ་ཧཱུྃ་ཧྲཱིཿ ཞེས་གསུང་ནས་རང་གི་བསྟི་གནས་དྷརྨཱ་དི་ཡར་ཕེབས་སོང་ངོ་། །སྐྱེ་ཡུལ་ཁམས་པ། འབར་མའི་ཡུལ་དུ་ཕྱིན་ནས་དགེ་སློང་གི་མཚན་མ་ཧཱ་བཱ་ལི་ཞེས་སྐུ་བགྲེགས་སོང་ཞིག་གིས་མི་མང་པོ་འཚོགས་པའི་དཀྱིལ་དུ་ཞལ་གདམས་འདི་ནི་དེང་སང་རྒྱ་གར་ཡུལ་སྐད་ཟུར་ཆག་གི་སྒྲ་ལ་དྲང་ནས་གསུངས་པ། དོན་མ་འཛོར་བ་བོད་ཀྱི་བརྡ་དང་ཚིག་གི་སྦྱོར་བ་ཕྲན་བུ་བཅས་འཇིག་མེད་ནས་བརྡ་བསྒྱུར་བགྱིས་པའོ།། །།དགེའོ།།
འདི་རྟོག་བཟོ་རེད་དང་དངོས་བྱུང་རེད། དེང་དུས་རེད་དམ་སྔར་བྱུང་རེད། མ་གསང་དྲང་པོའི་གཏམ་ལན་དགོས། གོ་ན་རྣ་བའི་བུ་རམ་གྱིས། མ་གོ་གླུ་ལ་སྐྱར་འདབ་མེད། དགའ་དབང་ཡིད་ལ་དེ་ལྟར་ཞོག །
མ་ཧཱ་བཱ་ལི་ རེད།
please can you tell me alan dawadolma is khamba? or amdo?
She is Tibetan.
xxxxxx
ཨ་ལན་ཟླ་བ་སྒྲོལ་མ་རྒྱ་མའི་དམག་མི་རེད་།
འདི་རྟོག་བཟོ་དང་དངོས་བྱུང་གང་ཡིན་ནི་མི་ཤེས། དེང་དུས་དང་སྔར་བྱུང་གང་ཡིན་ནི་མ་དཔེ་ལ་བལྟས་ན་ཤེས་རེ་འདུག །
སྐལ་བཟང་རྡོ་རྗེ་ལགས། ཨ་ལན་ཟླ་བ་སྒྲོན་མ། དར་རྩེ་མདོ་ཡིན་པར་བྲིས་འདུག་པས། ཁམས་པ་ཡིན་ས་རེད།
དགའ་དབང་ཁྱོད་ཀྱིས་དེ་ལས་ཀརྨ་པ་རིག་པའི་རྡོ་རྗེའི་གླུ་སྙན་མོ་ཞིག་ཡོད་པ་དེ་ཅིག་བཀོད་ཐུབ་ན་ཡག་པོ་འདུག
འདན་ཤུགས་ར་སྐྱིད་ཀྱི་ཡར་ནང་ནས།། ཤུགས་ར་སྐྱིད་ཀྱི་མར་ནང་ནས།། འདན་ཤུགས་གཉིས་ཀྱི་ས་མཚམས་ནས།། ་་་་་་་་་་་་་་་་་་་་་་ངས་ཕ་ཡུལ་ནས་མང་པོ་ཞིག་གོ་མྱོང་ཡང་ཚིག་རིས་དེ་དག་ད་བརྗེད་སོང་། ང་དང་འདྲ་བ་མང་པོ་ཞིག་ལ་ཕན་རེ་འདུག
བཟང་གི། སུས་སུངས་མ་ཤེས་ནའང་ཆོག དོན་དག་གོ་བས་འགྲིག་འདུག
འདི་རྟོག་བཟོ་ཡིན་ན་དེར་ཟད། དངོས་བྱུང་ཡིན་ན་བོད་མི་དང་འབར་མའི་བར་གྱི་འབྲེལ་བ་འདི་ཆེས་ཉུང་ཉུང་རེད། ལྷག་པར་དེང་དུས་འབར་མ་དམག་མིས་བཟུང་ཡོད་སྟབས་རྒྱ་མི་དང་འབྲེལ་བ་ཆེན་པོ་རེད། ངས་གོ་ཐོས་ལ་ལོ་ལྔ་ཙམ་སྔོན་བོད་མི་ཞིག་བོད་ནས་བྲོས་ཏེ་འབར་མར་འབྱོར་བར་འབར་གཞུང་གིས་རྒྱ་གཞུང་ལ་རྩིས་སྤྲོད་བྱས་པ་རེད་ཟེར།
དེ་ཡིན་དུས་དངོས་བྱུང་ཡིན་ན་ལོ་རྒྱུས་དམིགས་བསལ་བ་ཞིག་རེད།
འདིའི་མ་དཔེའི་ཤིང་པར་དང་། བརྗོད་དོན་ལ་བལྟས་ན། ཕལ་ཆེར་རྒྱ་གར་དབྱིན་ཞབས་སུ་ཡོད་སྐབས་ལ་ཡིན་ལས་ཆེ་སྙམ་པ་ཞིག་འདུག །
ཁ་བརྡ་རྩོམ་སྒྲིག་པ་རབ་གསལ་ལགས་དང་ཁ་བརྡ་ཀློག་མཁན་རྣམས་ལ་སྤྲིངས་པ།
ཤེས་རབ་དར་རྒྱས།
ཉེ་ལམ་ནས་ཁོ་བོ་སྟེ་ཤེས་རབ་དར་རྒྱས་ཀྱི་མིང་འབྲེལ་རྩོམ་ཡིག་འགའ་ཞིག་སྤེལ་བཞིན་ཡོད་པ་གོ་ཐོས་བྱུང་ཡང་། དེ་ཙམ་དོ་སྣང་མ་བྱས། རྒྱུ་མཚན་ནི་གནས་ཚུལ་འདི་འདྲ་བཙན་བྱོལ་སྤྱི་ཚོགས་ནང་དགའ་མ་དགའི་ཐོག་ནས་མང་པོ་ཡོང་དང་འབྱུང་བཞིན་པ་དེ་རེད། གནས་ཚུལ་གང་ལ་བསམས་ཀྱང་ཁོ་བོ་བོན་གྱི་བསྟན་པ་ལ་སྡང་དགོས་པའི་རྒྱུ་མཚན་གང་ཡང་མེད་པ་ཁོ་བོའི་ཁ་ཞེ་མཐུན་པའི་གྲོགས་པོ་རྣམས་ལ་དྲིས་དང་གསལ་བོར་ཤེས་ངེས་ཡིན། སྤྱིར་ན་གནས་ཚུལ་འདི་ལྟ་བུ་བྱུང་བ་ན་རྩོམ་སྒྲིག་པ་རབ་གསལ་ལགས་ལ་འདྲི་རྒྱུ་གལ་ཆེ་ལ། དྲིས་དང་ཁོས་རྩོམ་ཡིག་དེ་དག་གི་ཡོང་ཁུངས་གསལ་བོར་ཤེས་ངེས་ཡིན་པར་མ་ཟད། ལན་དྲང་པོར་རྒྱག་དགོས་པ་ཡང་ཁོའི་ལས་འགན་ཡིན། དེར་མ་ཟད། སྤོབས་པ་མཐའ་ཡས་ཞེས་པ་དེས་ཀྱང་རང་ཉིད་ཀྱི་མིང་དངོས་སྨོས་ཏེ་སུ་ཡིན་མིན་གསལ་འདོན་བྱེད་མི་ཐུབ་ཀྱང་མི་ལ་ཁག་ངན་དཀྲིས་དུས། ཤེས་རབ་དར་རྒྱས་དང་སྤོབས་པ་མཐའ་ཡས་གཉིས་མི་གཅིག་ཡིན་མིན་ཙམ་ཞིག་མ་མཐར་ཡང་གསལ་བཤད་བྱེད་དགོས་པ་རེད། བོན་བསྟན་ལ་ཞེན་པ་དཀར་བའི་གྲོགས་པོ་རྣམས་ལ་སླར་ཡང་ཞུ་རྒྱུར། ཁོ་བོ་ཤེས་རབ་དར་རྒྱས་རྡ་སར་འཛིན་གྲྭ་ལྟ་བུ་ཞིག་ལ་སློབ་ཁྲིད་བྱས་ཏེ་བསྡད་ཡོད་ལ། སློབ་ཚན་གྲ་སྒྲིག་དང་དཔེ་ཀློག་ཕྲན་བུ་རེ་ལ་མགོ་འཁོར་ཏེ་དྲ་རྒྱ་སོགས་ཀློག་ཙམ་ཡང་མ་བྱས་པར་དུས་རིང་འགོར་སོང་། མཐའ་བསྡོམས། སྤོབས་པ་མཐའ་ཡས་ཟེར་བ་དེ་ཁོ་བོ་ཤེས་རབ་དར་རྒྱས་མིན་ལ། ཁོ་བོ་ཤེས་རབ་དར་རྒྱས་གཞན་གྱིས་རྩོམ་སྐུལ་མ་བྱས་ན་རྩོམ་ཡིག་རང་འགུལ་གྱིས་སྤེལ་བའི་འདུན་པ་ཡང་མེད་པར་གྱུར་ཡོད། མ་གཞི་ནས་ཁོ་བོས་ཡག་པོ་ཞིག་འབྲི་ཡང་མི་ཤེས། གལ་ཏེ་བྲིས་པའི་དབང་དུ་བཏང་ན། བོད་ཡིག་ཀློག་མཁན་ལ་སྤྲོ་སྣང་ཕྲན་བུ་ཡིན་ཡང་སྤྲོད་ཨེ་ཐུབ་ཀྱི་རེ་བ་བྱེད་མཁན་ཞིག་དང་ཤུགས་རྒྱག་མཁན་ཞིག་ཡིན་སྙམ་ཡོད། འདི་ནི་དགོས་དབང་གིས་འབྲི་དགོས་བྱུང་སོང་ལ། རྩོམ་སྒྲིག་པས་ཀྱང་དྲ་ཐོག་ཏུ་འགོད་པའི་རེ་བ་ཡོད་པར་མ་ཟད། སྤོབས་པ་མཐའ་ཡས་ཟེར་བའི་རྩོམ་ཡིག་གི་ཡོང་ཁུངས་ཀྱང་གསལ་བཤད་བྱ་དགོས་ངེས་རེད། ནན་ཏན་གྱིས་ཞུ་རྒྱུ་ཞིག་ལ། གསལ་བཤད་འདིས་བོན་བསྟན་ལ་ཞེན་པ་དཀར་བ་དག་གི་ཐུགས་དོགས་གཙང་བསལ་ཐུབ་པའི་རེ་བ་ཡོད་ཅིང་། ཁོ་བོ་རྩོད་པ་རྩོད་ལན་ལ་མགོ་འཁོར་མེད་པའང་མཁྱེན་འཚལ།
རྩོམ་ཡིག་འདི་མཐོང་དུས་ ང་རང་ཆུང་དུས་ཕྱུགས་རྫིའི་ཞོར་དུ་ གླིང་གེ་སར་རྒྱལ་པོའི་སྒྲུང་གཏམ་བཀླགས་པ་དྲན་གྱི་འདུག།