Archive for the ‘སྙན་ངག’


རང་དབང་དང་བདེ་སྐྱིད།

མི་ཉག་སྐལ་བཟང་།

 
དལ་རྟེན་མི་ལུས་རིན་ཆེན་རྙེད་པ་དང་།།
མཛེས་པའི་ལང་ཚོ་མེ་ཏོག་བཞད་ཀྱང་རུང་།།
ཁ་ཕྱོགས་གཏད་སོ་མེད་པའི་ན་གཞོན་ཚོར།།
རང་དབང་བདེ་སྐྱིད་འཇའ་ཚོན་སྣ་ལྔ་བཞིན།།

འདོད་རྒུ་དཔལ་གྱི་རི་བོ་དབང་བ་དང་།།
འཚོ་བའི་ལོངས་སྤྱོད་ཀླུ་དང་མཉམ་ཡང་རུང་།། (more…)

དྲན་གདུང་གི་མིག་ཆུ། (བོད་འབྱོར།)

རྨ་རྒྱལ་སྦོམ་ར།

 
པོ་ཏ་ལ་ཡི་མདུན་ནས་ཕྱིར་མིག་སྤྱན་ཆབ་ཉིལ་ལེ།།
སྤོབས་པའི་རྒྱལ་དར་ཁུར་ནས་གྱེས་ཕྱག་མི་ཞུ་ག་མེད།།
བོད་པ་ཚང་གི་བདེ་སྡུག་བརྩེ་བའི་རུམ་ལ་བཅུག་སོང་།།
ཡར་ལུང་གཙང་པོ་བརྒྱུད་ནས་ཧི་མ་ལ་ཡ་བརྒལ་སོང་།།

ལྷབ་ལྷུབ་བསྐྱོད་པའི་གཟན་ཤམ་རླུང་གིས་ཟད་ནས་སོང་ཡང་།།
རྟ་དྲེལ་རྨིག་རྗེས་གོར་མོ་ཧིན་ངྷི་རྒྱ་མཚོར་དཔར་ཡོད།། (more…)

དུས་དབང་སོ་བཞི་བའི་དབང་བསྟོད།

ཚིག ཨ་རི་འཇིགས་མེད།
གླུ་བ། བསང་མགོན།

 
དུས་མཐའི་འགྲོ་ལ་ཕན་པའི་ལམ་ན་དྲངས།།
སྲིད་བཞིའི་གླིང་ན་སྙན་པའི་གྲགས་པ་འབར།།
གང་གི་མགོན་པོ་འཕགས་པ་སྤྱན་རས་གཟིགས།།
གུས་པས་འདུད་དོ་སྙིང་ནས་གསོལ་བ་འདེབས།།

གསང་སྔགས་རྩ་བརྒྱུད་བླ་མའི་བརྒྱུད་པ་དང་།། (more…)

འཇིགས་མེད་ནི་འཇིགས་མེད། བློ་གྲོས་ནི་བློ་གྲོས། ཨ་མའི་བུ།

unnamed—–གསལ་ལེ་རྒྱལ།
 
མིང་དང་དོན་གྱི་སྦྱོར་བར་མཁས་བ་སུས།།
རྟགས་དང་མཚན་མའི་དཔྱད་པ་མ་ནོར་བར།།
འཇིགས་མེད་བློ་གྲོས་བཏགས་པ་དོན་ལྡན་པའི།།
བློ་དང་སྤོབས་པའི་རྩལ་ལ་ཕྱག་འཚལ་ལོ།།

སུ་དང་གང་གིས་གནའ་དེང་གང་ནས་ཀྱང་།། (more…)

མཛའ་འཕྲིན་དེ་འབྱོར་སོང་ངམ།

འབའ་སྲས།

 
ཁ་འབབ་རླབས་སུ་བྲིས་པའི་སྙིང་གི་གཏམ།།
ཛ་ཧུའི་བུ་མོའི་རྒྱུན་དུ་བསྲིངས་པའི་འཕྲིན།།
འཁྱུག་རྩལ་གཤོག་པ་ལྡན་པའི་ཕོ་ཉ་མོས།།
ཁྱེད་ཀྱི་ཕྱག་ཏུ་བདེ་བར་བཞག་སོང་ངམ།།

མེ་ཏོག་ཟུར་མིག་དགོད་པའི་མཛེས་པ་ལ།།
རྡོ་ཡིས་དམ་བཅའ་བརྗོད་པའི་ཕྲ་རྒྱན་ཅན།། (more…)

དཔལ་འབྲི་གུང་༧སྐྱབས་རྗེ་སྒྲུབ་དཔོན་བསོད་ནམས་འབྱོར་འཕེལ་ལ་རྟེན་འབྲེལ་ཞབས་བརྟན་སྨོན་ལམ་བྱང་ཆུབ་སྙིང་པོ་ཞེས་བྱ་བ།

དཔལ་དགྱེས་པ་རྡོ་རྗེ།

 
ཨོཾ་སྭ་སྟི་རཏྣ་ཤྲཱི་བི་ཛ་ཡནྟུ།
གདོད་ནས་འཆི་མེད་རྡོ་རྗེ་འཆང་ཆེན་པོ།།
བདེ་ཆེན་ཀུན་ཁྱབ་གཉུག་མའི་ཡེ་ཤེས་སྐུ།།
ཚེ་མཐའ་ཡས་པའི་རྒྱལ་བ་ཞི་ཁྲོ་ཡིས།།
ཀུན་ཏུ་ཤིས་པའི་བདེན་ཚིག་གྲུབ་པར་མཛོད།།
རབ་འབྱམས་རྒྱལ་བའི་སྤྱི་གཟུགས་སྤྲུལ་པའི་སྐུ།། (more…)

མཁན་ཆེན་ཤེས་རབ་རྗེས་དྲན་ཡོན་ཏན་རིན་པོ་ཆེའི་མེ་ལོང་།

unnamed-3—-རྫ་ཚེ་རིང་བཀྲ་ཤིས།

 
ཕྲ་མོའི་ཤེས་པ་དེ་ཡི་སྦུབས་གནས་ཤིང་།།
རགས་པའི་སྣང་བ་འདི་ཡི་མཐར་སོན་པ།།
ཟང་ཐལ་ཀུན་ཏུ་སྣང་བའི་ལྷ་ཞལ་སྟེ།།
རང་བྱུང་སེམས་ཀྱི་བླ་མར་ཕྱག་འཚལ་ལོ།།
སྲིད་པ་མྱ་ངན་ཐང་གི་བས་མཐའ་ན།།
འཁྲུལ་སྣང་སྨིག་རྒྱུའི་བམ་ཁ་རི་ལས་མཐོ།།
གལ་ཏེ་དམ་པའི་ཞལ་ལུང་མ་ལགས་པ།།
འཇིགས་ལྟའི་དམག་གི་དོ་ཡ་གཞན་ཡོད་མིན། ། (more…)

སྐམ་མི་སྲིད་པའི་ན་ཟུག ངུ་ངག་ཁྲོད་ཀྱི་མིག་ཆུ།

གཤོག་དམར།

 
སྐྱབས་རྗེ་བླ་མའི་དགྱེས་འཛུམ་མ་གཟིམ་གོང་། །
དཔོན་སློབ་མཉམ་འཛོམས་འདུ་བ་མ་གྱེས་གོང་། །
སྒེར་གཅོད་དཔུང་གིས་བཙན་གནོད་མ་བྱུང་གོང་། །
ང་ཚོ་འདི་འདྲའི་ཉམ་ཆུང་ག་ལ་ཡིན། །

དཔོན་སློབ་གྱེས་བྲལ་ལོ་ཟླ་མ་ཚེས་གོང་། །
རང་ཤག་ཆུང་ཆུང་བཙན་འཕྲོག་མ་བྱས་གོང་། ། (more…)

དེང་རབས་གསར་བྱུང་དྲྭ་འཕྲིན་གྱི་དགེ་སྐྱོན་ཟུང་སྦྱར་མ་ཞེས་བྱ་བ།

རྩེཿ མུན་སེལ།

 
རང་མཉམ་སྐྱེ་བོ་འགའ་ལ་ཕན་པའི་བློས།།
གོ་བར་དཀའ་བའི་ཚིག་གིས་མ་བསྒྲིབས་ཤིང་།།
རྒྱས་པར་འགྱུར་བའི་སྤྲོས་པ་ཉེར་བསྡུས་ཏེ།།
དེང་རབས་དྲྭ་འཕྲིན་དགེ་སྐྱོན་རིས་སུ་དགོད།

རྟོགས་ན་དོན་ཆེ་རྣམ་མང་ཤེས་བྱའི་ཚུལ།།
གསལ་བོར་འཆར་བས་དེང་རབས་དྲྭ་འཕྲིན་བཟང་།། (more…)

ལོ་སར་གསར་ཚེས་དགའ་སྟོན་མེད།

ཨེ་མ་ཧོ།

 
ཀྱེ་མ་ཧོ།
སྔ་འགྱུར་བརྒྱུད་པའི་ཉི་ཟླ་སྐར་གསུམ་འདས།།
ཚ་ཞིང་རྒྱུད་པའི་འདས་གྲངས་རྒུད་པས་མནར།།
ཆོས་ཀྱི་གྲོང་ཁྱེར་ཐལ་བའི་གྲོང་དུ་བསྒྱུར།།
གང་ལ་བསམ་ཡང་ལོ་སར་ཚེས་འདོད་མེད།།
ཀླུ་དབང་གཉིས་པའི་བདེན་ཁ་རྫུན་ལ་གཡུགས།།
ཀླུ་མཁར་བྱམས་པའི་དྲང་བདེན་དོང་དུ་དོར།། (more…)

དུས་དབང་ལ་འགྲོ

unnamed-5—-རྭ་འཕྲིན།

 
འགྲོ།
ང་ཚོ་དུས་དབང་ཞུ་རུ་འགྲོ།
ཤིན་ཏུ་ལྐོག་གྱུར་གྱི་གནས་ཤིག་ན།
མངོན་ཏུ་མི་འགྱུར་བའི་བྱིན་རླབས་ཆེན་པོ་ཞིག
ཁེ་བཟང་རེད། ཉན་དགོས་དོན་མེད་ལ་གོ་དགོས་དོན་དེ་བས་ཀྱང་མེད།
མང་མོས་ཀྱི་མཐུ་ལ་བརྟེན་ནས་ཁྱེད་ཀྱིས་ཤམ་བྷ་ལ་མཐོང་སྲིད། (more…)

སངས་རྒྱས་རྗེས་དྲན་གྱི་སྙན་ངག

unnamed-4—བྱ་འཕུར་དགེ་བཤེས་ལྷུན་གྲུབ་རྒྱ་མཚོ།

 
གངས་དཀར་ཏི་སེའི་བྱང་གི་ཕྱོགས།
རིན་ཆེན་སྤུངས་པའི་ལྷུན་པོའི་རྩེར།།
གཡུང་དྲུང་འཁྱིལ་བའི་གདན་ཐོག་ཏུ།
ལྟེ་མཚལ་དམར་པོ་འོད་དུ་འཁྱིལ།།

བརྒྱ་བྱིན་གངས་རིའི་རྩེ་ནས་བབས།།
འཇོག་པོ་མ་ཕམ་མཚོ་ནས་བཞེངས།།
བར་གྱི་གཡེན་སྡེ་མགྲོན་དུ་གཤེགས།།
དམུ་ཡི་རྒྱལ་ཁམས་བྲེལ་བས་འདུར།། (more…)

མྱིག་ཆུ་དང་སྙིང་ནད་གསར་བ།

ཨེ་མ་ཧོ།

 
ན་མོ་གུ་ར་ཝེ།
ཆོས་ཀུན་དེ་ཉིད་རྟོགས་པའི་ངེས་དོན་བླ་མ།།
ཆོས་རྗེ་ཡིད་བཞིན་ནོར་བུ་སྙིང་ནས་དྲན་ཚེ།།
ཆོས་ཀྱི་གྲོང་ཁྱེར་བརྗེད་པའི་གོ་སྐབས་བྲལ་ཞིང་།།
ཆོས་མཆེད་སྙིང་གྲོགས་ཡོངས་ལ་མྱ་ངན་ཞུའོ།།
འདུས་བྱས་མི་རྟག་ཡིན་པ་དངོས་པོ་ཆོས་ཉིད།།
ཟག་བཅས་སྡུག་བསྔལ་ཡིན་པ་འཁོར་བའི་རྣམ་གྲངས།། (more…)

ནང་ཡེའི་ཁྱད་པར་གསལ་བའི་མེ་ལོང་།

ཨེ་མ་ཧོ།

 
ན་མོ་མ་ཧཱ་གུ་རུ་དྷེ་ཝ་ཡེ།
སྣོད་བཅུད་ཀུན་བྱེད་ཀྱི་རྒྱལ་པོ།།
སྙིང་བརྩེ་གཞན་ཕན་སྒྲུབ་པ་པོ།།
སྲུང་སྡོམ་བྱེད་པའི་དགེ་སློང་ཡང་།།
སོར་བྱང་སྔགས་དང་ཁྱད་པར་ཆེ།།
རང་བྱུང་མཚོ་སྐྱེས་རྡོ་རྗེ་དང་།།
ཡབ་མེད་དགའ་རབ་རྡོ་རྗེ་དང་།། (more…)

སྟོན་པ་ཡེ་ཤུ། མི་ཡུལ་དུ་བྱོན་པའི་ལྷ་སྲས། མུན་ཀློང་དུ་འཁྱུགས་པའི་གློག་འོད།

jesus-birth-nativity—–ཀླུ་སྨྱོན།
 
སྟོན་པ་ཡེ་ཤུ
ཁྱིམ་ཚང་དབུལ་བོ་ཞིག་ལ་འཁྲུངས།
ཐ་ན་ཕ་ངོ་མ་ཡང་ངོས་འཛིན་མེད།
ལ་ལས་ཕ་མེད་ཀྱི་བུ་ཞིག་ཡིན་ཟེར།
གང་ལྟར་ལུག་ར་ཞིག་གི་ནང་དུ་བཙས།
དེ་ཡང་བདུད་ཀྱི་བར་ཆད་མང་པོ་ལས་གཡོལ་རྗེས་སུ་ཡིན། (more…)

ཚིག་གི་སྐུད་པ། 
༼ འོས་སྦྱོར།༽

རོང་བོ་དགེ་འདུན་ལྷུན་གྲུབ།

 
སེམས་ཀྱི་འདུ་བྱེད་དེ་འང་གཙང་པོ་ཉིད་གྱུར་ཁྱེད་ལ་ནི།།
རྣམ་ཀུན་གཡོ་བའི་ཉི་ཟེར་ཚོགས་ཀྱང་རྟག་དུ་འཁོར་བ་ན།།
བློ་ཡི་ཡི་གེ་དག་ནི་མ་བཟུང་བ་ཡི་ངང་དུ་ནི།།
སྤྲིན་གྱིས་བཀབ་པའི་མཚོ་ལ་སྨུག་པ་དང་མཚུངས་བབས་པའི་སྐབས།།
ཁྱེད་ནི་བདག་གི་ནགས་ཚལ་རྣམས་སུ་ཤིང་ཤུན་གྱོན་པ་ཡི།།
ཕྲ་ལ་ལྡེམ་པའི་རྣལ་འབྱོར་གང་ཞིག་ཕེབས་སམ་སྙམ་པ་སྐྱེས།། (more…)

བོད་མིའི་ལས་དབང་།

ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།

 
ཀ་ཡེ་གསོན་དང་བཙན་པོའི་གདུང་རྒྱུད་སྤྲེལ་བྲག་རིགས།།
ཁ་བས་བསྐོར་བའི་བོད་ཀྱི་ཡུལ་ལྗོངས་ང་ཚོའི་རེད།།
དགའ་སྡུག་ཕྲག་དོག་མེད་པའི་མི་རིགས་ཆོས་ཀྱིས་སྦྱིན།།
ང་ཚོ་བོད་མིའི་སྔོན་བསགས་ལས་དབང་དར་བའི་དུས།།
ཅ་ཅོ་ཆོས་མེད་གུང་ཁྲན་ཀླ་ཀློའི་གཡོ་ཇུས་འོག །
ཆོས་སྲིད་ཟུང་སྦྲེལ་མེས་པོའི་སྲོལ་རྒྱུན་རྩ་མེད་བཏང་།། (more…)

སྙིང་གཏམ་ཐོལ་བྱུང་མ་ཞེས་བྱ་བ།

རྩེཿ མུན་སེལ།

 
ཆེན་པོའི་བསྒྲུབ་བྱ་ཆུང་ངུའི་ལས།།
ཚུལ་བཞིན་འགྲུབ་བམ་དེ་ལས་ལྡོག།
ཚུཊ་ཐུབ་རྣལ་མའི་རིག་པ་དང་།།
བློ་སེམས་མཐུན་མིན་ཉིད་ལ་རག།

མཐུན་སྦྲེལ་རྩ་བ་བློ་རྒྱ་ཡངས།།
བློ་རྒྱ་དམ་པའི་མན་ངག་དང་།། (more…)

ཨ་ཅེ་དང་མོའི་སྐྲ་ལོ། ད་དུང་རེ་སྒུག་གི་ཉིན་མོ་བསུ།

unnamed~~~ རྔ་བ་ཚེ་རིང་སྐྱིད།
 
༡ ༽
དགུན་གཞུང་གི་ལྷགས་གྲང་བར་ནས་ཁྱོད་ཀྱི་རྒྱུ་འབྲས་ཀྱི་བློ་མིག་ཚེས།
ང་ཚོའི་སེམས་ཁོང་གི་ཉི་མ་དེ་ཡང་རྟག་ཏུ་འཚེར་བྱུང་།
འོན་ཀྱང་། ཨ་ཅེ་ལགས།
ཁྱེད་ཀྱི་མགོ་ཐོག་ཏུ་སྨག་རུབ་པ་དེས།
འུ་ཚང་དང་འདྲ་བའི་ཁྱིམ་ཚང་མང་པོ་ཞིག་གི་གོ་ཁ་དྲོ་མྱོང་ངམ།
ང་ཚོའི་གནས་ལུགས་ཀྱི་རྟ་ཕོ་བསྐྱར་ཏུ་ཅིབས་ཤིང་། (more…)

ངས་ཕ་ཡུལ་གྱི་དགུན་ཁ་རྔུབ་ཀྱིན་ཡོད།

ཁྲོ་གཏུམ།

 

ཕ་ཡུལ་ལ་དབྱར་ཁ་བྱུང་མ་མྱོང་བའི་དུས་དེ་ནས
ཕ་ཡུལ་ནི་རླུང་ནག་འཚུབ་མ་འཁོར་སའི་ཡུལ་གྲུ་ཞིག་ཏུ་གྱུར

ཁ་བ་དང་བུ་ཡུག་གིས་མི་སེམས་དམར་གསོད་བྱས་ཤིང
ཙག་ལྡོམ་འགའི་ཧེབ་རྒན་གཡུག་ཕྱོགས་ལས
སྔོན་གྱི་ཕ་ཡུལ་ནི་གཏམ་རྒྱུད་ཁྲོད་ན་ལྷག (more…)