Archive for the ‘སྙན་ངག’


མཚམས་རེར་ནམ་ཁའི་སྤྲིན་པར་ལྟ་བའང་བརྗེད་འགྲོ།

ཁྲོ་གཏུམ།
 
སྤྲིན་པའི་བལ་དཀར་ཚོམ་བུ་ཚོམ་བུ་བྱས་ཏེ་མཁའ་དབྱིངས་ཀྱི་གར་སྟེགས་སུ་ཞུགས་པའི་མཛེས་པ
རང་ཉིད་ཀྱི་སེམས་ངོགས་སུ་བསྐྲུན་པའི་དགའ་སྤྲོའི་སྤྲིན་ཚོམ་དེ་དག
ཨོ་གླིང་གི་མཁའ་དབྱིངས་སུ་རང་དབང་གིས་ཤར་ཕྱོགས་སུ་བསྐྱོད་པ་མཐོང་དུས
ངའི་དྲན་འཛིན་གྱི་ཡ་ཁོག་ཏུ་ལྷག་པའི་རང་ས་དྲོན་མོ་དེའི་མཁའ་དབྱིངས་སུ་ཤར་མྱོང་བའི་སྤྲིན་ཚོམ་དེ་དྲན
ཞོར་དུ་དེའི་འོག་ཏུ་རང་དབང་གི་འཚོ་བར་རོལ་བ་དྲན (more…)

སད་ཀྱིས་བཅོམ་པའི་གཡུ་ལོ་མེ་ཏོག

ཨཱཙཱརྱ་ཨག་ལོད་ཀྱིས།
 
༄༅། །མཚན་གྱི་རྒྱལ་མོའི་ལུས་ཟུངས་རྒུད་ཅིང་སྐར་མའི་གྲང་འདར་དགུང་ནས་རྒྱག །
ཟླ་བ་ཁེར་འགྲོ་ནུབ་ཁར་ཆས་ཤིང་མཚམས་སྤྲིན་ཁ་བཏགས་སྐེ་ལ་གཡོགས། །
གྲང་རླུང་ངར་མས་ཕེབས་སྐྱེལ་ཡིན་ཟེར་སྙིང་ཆུང་ལུ་གུ་འཁྱག་གིས་བསྡམས། །
གཡུ་ལོ་མེ་ཏོག་སད་ཀྱིས་བཅོམ་པས་གདུངས་བའི་ལོ་འདབ་ས་ལ་ཉིལ། །

ལྔ་བཅུ་ང་དགུའི་ལོ་ནག་དེ་ལ་མི་རིགས་འདི་ཡི་ལས་དབང་ཤོར། །
སྟོང་ལོ་བཅུ་དགུའི་ལོ་སྨད་འདི་ལ་ཅིཏའི་ཁ་ཕྱོགས་རྨང་ནས་ཤོར། ། (more…)

ཡུམ་ཆེན་ལགས།

འབྲོག་འཆང་།
 
མི་ལུས་གྲུབ་པའི་མངལ་ཁྲག་སྐྲུན་མཁན་མ།།
བཅུད་དང་ནུས་པས་སྲོག་སྙིང་གསོ་མཁན་མ།།
བྱམས་དང་བརྩེ་བའི་བྱིན་གྱིས་རླབས་མཁན་མ།།
སྲིད་འདིར་གཞལ་ཐབས་བྲལ་བའི་དྲིན་ཆེན་མ།།

བྱམས་བྱམས་བརྩེ་བས་འོ་སྤྲི་གནང་མཁན་མ།།
དུང་དུང་ཡིད་ཀྱིས་གཅེས་པའི་བརྩེ་ལྡན་མ།། (more…)

ཕྱི་སྡོད་རང་རིགས།

འབྲོག་འཆང་།
 
བསམ་བློའི་རང་དབང་དེ་འཚོལ་ཕྱིར།།
གཙང་བོའི་ཚུར་རོལ་ན་བཞུགས་པའི།།
རང་རིགས་སྤུན་ཟླ་ཡི་ཚོགས་ལ།།
དོན་དངོས་གནས་ཚུལ་ཞིག་བརྗོད་དོ།།

ལ་རྒྱའི་རིགས་ཞེན་སོགས་དགོངས་པས།།
དད་འདུན་སེམས་གཏིང་ལ་འཁྱིལ་ནས།། (more…)

མཆེད་རྩེ་མོར་ཕུལ་བའི་ཕྲིན་ཡིག་སྙན་ངག་གི་མཛོད་ཅེས་བྱ་བ་བཞུགས་སོ།།

སྐྱོ་བྲག་དགའ་དབང་།
 
ཀྱེ་ཀྱེ།

འཇམ་དབྱངས་གཞོན་ནུའི་མཁྱེན་རབ་ཉིན་མོར་བྱེད།།
སྙིང་གི་གྲོགས་སུ་ཕྱིན་པའི་བཀྲ་ཤིས་གླུས།།
འཕགས་བོད་མཁས་པའི་ཡིད་དབང་འཕྲོག་པའི་དཔྱིད།།
གཙུག་ལག་ཆོས་ཀྱི་སྣང་བས་དགེ་ལེགས་སྩོལ།།

མ་སྐུལ་འགྲོ་བའི་དོན་གཟིགས་གང་དེའི་དྲུང་།། (more…)

འབྲུག་ལ་གནས་སྐོར་དུ་བསྐྱོད་པའི་ཚོར་སྣང་།

ཆོས་གྲགས།
 
སློབ་དཔོན་ཆེན་པོའི་ཞལ་གྱི་བུམ་བཟང་ལས།།
སེངྒེ་རྫོང་དང་སྤ་གྲོ་སྟག་ཚང་ཕུག།
ཞེས་སོགས་ལུང་གིས་བསྔགས་པའི་དབེན་གནས་འདིར།།
ད་རེས་ལས་ཀྱིས་སླེབས་པས་སྤྲོ་བ་སྐྱེས།།

རིང་ནས་ཡིད་ཀྱི་ངོས་ལ་གོམས་པ་ཡི།། (more…)

འདི་ལྟར་སོང་ན་།

འབྲོག་འཆང་།
 
སྤུས་དག་ཚུལ་མཐུན་དམངས་གཙོ་ཡི་རྒྱལ་ཁབ།།
གཞུང་དམངས་ཤེས་ལྡན་སྒྲིག་ཁྲིམས་ཀྱི་བླ་སྲོག །
སྲོག་བཞིན་སྐྱོང་བའི་དམ་ཚིག་གི་མཐུན་འབྲེལ།།
འཆི་ཡང་མི་འདོར་གཞུང་དམངས་ཀྱི་དགོངས་དོན།།

དཔའ་མཛངས་ཤེས་འབྱོན་མཁྱེན་བརྩེ་ཡི་བདག་ཉིད།།
ཡང་ཡང་འཁྲུངས་པའི་བོད་ཁམས་ཀྱི་རིགས་ལ།། (more…)

ཁྱད་པར་མ་བྱུང་།

རྐ་སྲས།
 
ས་མཐའི་འཚོ་བའི་ཁ་སྟབས་ཧ་ཅང་ཞན་དུས།།
མྱི་རྐྱང་ཐུག་པའི་སྦྱིན་བདག་ཐོན་ཁུལ་བྱེད་མཁན།།
ཉིན་ཁའི་རྩམ་སྐྱའི་བྲོ་བ་གླེང་རོཊ་གྲོཊ་ཡིན།།
ཁྱོད་རང་ཆོལ་ཁ་གང་ཡིན་ཁྱད་པར་མ་བྱུང་།།

སློབ་གྲྭ་ཞིག་གི་འཛིན་ཁང་གཅིག་ལ་འཛོམས་ནས།།
མགོ་སེའི་སྐད་འདི་ལོབ་རྒྱུ་དཀའ་རབས་བཤད་ས།། (more…)

གློ་བུར་དུ་འབུ་གཅིག་བསད་པ་དྲན།

ཁྲོ་གཏུམ།
 
འབུ་དེ་ནི་གསེར་སྦྲང་ཞིག
སྦྲང་མའི་ནང་ནས་མཛེས་ཤོས་ཡིན་པའི་དཔེ་འཇོག་རྩོམ་མང་དུ་བཀོད་ཡོད

བྱིས་དུས་རང་བྱུང་ཁམས་སུ་ས་འབྱར་རྡོ་འབྱར་གྱིས་འཚར
རང་བྱུང་གི་རྩེད་མོའི་ཁྲོད་དུ་འབུ་བཟུང་བ་ནི་མཚར་སྣང་གི་པྲ་ཚག་ཅིག་ཡིན
སྐབས་ཤིག་གསེར་སྦྲང་ཞིག་བཟུང (more…)

ང་དང་སྙན་ངག

ཆང་སྐྱེས།
 
སྙན་ངག་མེད་པའི་ཉིན་མོ་འདི་དག་ལ།།
སེམས་ཀྱི་བུ་ཆུང་ལང་ཤོར་ཆང་གིས་བཟི།།
མེ་ཏོག་མགོ་བོ་རླུང་གིས་སྒུལ་ན་ཡང་།།
སུན་སྣང་ཕར་ལ་གཡུག་ཀྱང་འཁོར་ནས་ཡོང་།།

དེ་རིང་ཚ་བའི་རྦ་རླབས་དགུང་ལ་འཕྱུར།། (more…)

ཀརྨ་བསྟན་སྐྱོང་དབང་པོའི་རྟོགས་བརྗོད། ཐོག་མར་དགེ་བ།

སངས་རྒྱས་རྡོ་རྗེ།
 
[གསལ་བཤད།] ཀརྨ་བསྟན་སྐྱོང་དབང་པོའི་རྟོགས་བརྗོད་འདིའི་མ་དཔེ། བོད་རིགས་བལ་ཡུལ་ཆབ་འོག་ཏུ་ཡོད་པ་ཞིག་ནས་ཐོབ་པ་མ་ཚང་བ་དང་། ལྷ་ས་ནོར་བུ་གླིང་ཁར་ཡོད་པ་དང་། ཁམས་ཕྱོགས་ན་ཡོད་པ་གཉི་ག་ཚང་བ་སྟེ། ལག་བྲིས་དབུ་མེད་གསུམ་གྱི་པར་བཤུས་མཐོང་བ་ལས། ཁམས་ཕྱོགས་ན་ཡོད་པའི་དབུ་ཡིག་ལ། སྟོབས་ཀྱི་འཁོར་ལོས་སྒྱུར་བ་ཀརྨ་བསྟན་སྐྱོང་དབང་པོར་ཕུལ་བའི་རྟོགས་བརྗོད་ཕྱོགས་ལས་རྣམ་པར་རྒྱལ་བའི་གཏམ་གཞོམ་མེད་ནཱ་དའི་རྔ་དབྱངས་ཞེས་བྱ་བ་བཞུགས། ཞེས་པ་འདུག་ཅིང་། མགོར་ཡང་། བི་ཛ་ཡནྟུ། ཞེས་རྒྱ་སྐད་ཀྱི་ཤིས་བརྗོད་ཡོད་པ་ལ། མཛད་བྱང་གི་སྐབས་སུའང་། དེ་ལྟར་བཀྲ་ཤིས་གྲངས་ཀྱིས་འཁྱུད་པའི་ཚིགས་སུ་བཅད་པ་འདི་ནི་གྲུབ་པའི་བསྟི་གནས་རྒྱལ་བུ་སྟེང་འགྲོའི་བཀྲ་ཤིས་སྒོ་མང་ཞེས་བྱ་བའི་ཁང་བརྩེགས་སུ་དགེ་སྦྱོང་རྒན་པོ་སངས་རྒྱས་རྡོ་རྗེས་སྦྱར་བའོ། ། (more…)

མཚམས་སུ་ཆས་པའི་ལམ་ཀ་ནས་བྱེའུ་ཞིག་དང་གླེང་མོལ་བདེན་པ་རིན་ཆེན།

ཨེ་མ་ཧོ།
 
ཀྭ་ཀྭ། ཨེ་མ་ཧོ།།
བྱེའུ་ཆུང་སེར་པོས་ཆོས་ཤིག་གསུངས་དང་གསུང་།།
ཆོས་ནི་ཅི་བཤད་འབ་འབུ་མ་བསད་དང་།།
འཚེ་བ་མེད་པར་ཆོས་ཀྱི་རྩ་བ་ཡིན།།
སྐྱབས་སུ་འགྲོ་བ་ནང་པའི་འཇུག་སྒོ་ལགས།།
དེ་སྐད་བཤད་པས་བྱེའུ་ཆུང་གད་མོ་བཅས།། (more…)

སྙིང་གཏམ་ཡིད་བཞིན་ནོར་བུ།

ཨེ་མ་ཧོ།
 
ན་མོ་གུ་རུ་བུདྡྷ་ཛྙཱ་ན་ཡེ།།
དཀོན་མཆོག་རིན་ཆེན་རྣམ་གསུམ་ལ།།
སྒོ་གསུམ་མི་ཕྱེད་དད་པ་ཡིས།།
ཕྱག་འཚལ་སྐྱབས་མཆི་གསོལ་བ་འདེབས།།
ཚེ་འདིར་སངས་རྒྱས་ཐོབ་པར་བྱོས།།
བདག་སོགས་སེམས་ཅན་ཐམས་ཅད་ལ།།
ཡིད་བཞིན་ནོར་བུ་ལས་ལྷག་པའི།། (more…)

མཛའ་ན་མོ།

ཆང་སྐྱེས།
 
སྣ་ཚོགས་གཡུ་ལོ་རྒྱས་པའི་དུས་ཚིགས་ཤིག་སྟེ།།
ཁུ་བྱུག་གསུང་སྐད་སྒྲོག་པའི་ནགས་འདབས་དེ་རུ།།
ཁྱེད་ཀྱི་ཁྲ་ཆུང་མིག་གིས་ཟུར་མིག་འཇམ་པོས།།
ཁོ་བོའི་གངས་དཀར་སེམས་ཀྱི་ལྷིང་འཇགས་དཀྲོགས་སོང་།། (more…)

ལམ་འགྲོ་ཡོང་བའི་གདམས་ཚིག་ཀུན་བཟང་མེ་ལོང་།

ཨེ་མ་ཧོ།
 
ན་མོ་གུ་རུ་དྷརྨཱ་ཡ་ན་ཡེ།།

ཀ་དག་པའི་ལམ་ལ་འཁྲུལ་བ་མེད།།
འོད་གསལ་བའི་ལམ་ལ་མུན་པ་མེད།།
དོན་ངེས་ཤེས་ལམ་མཆོག་རིན་པོ་ཆེ།།
ལམ་ཀུན་ཏུ་བཟང་ལ་ཕྱག་འཚལ་ལོ།། (more…)

རེབ་ཐོག་མདའི་སྙན་ངག་གསུམ།

རེབ་ཐོག་མདའ།
 
ང་དང་གནའ་མཁར་ཟི་ལིང་།

དེ་རིང་། ང་རང་གནའ་མཁར་ཟི་ལིང་ན་ཡོད།
གནའ་མཁར་ཟི་ལིང་ནི།
དེང་རབས་ཀྱི་ཁྱད་ཆས་ལྡན་པའི་གྲོང་ཁྱེར་ཞིག་རེད།
འཕྲུལ་འཁོར་གྱི་ལྡིར་སྒྲ་དང་མི་ཚོགས་ཀྱི་འདུ་འཛུ་ཡིས
གནའ་མཁར་ཟི་ལིང་གི་ཡོད་ཚད་སྔོན་ཐོན་གྱི་གྲལ་ཏུ་འཚང་བཞིན་པ་རྟོགས
ཟི་ལིང་གི་ནམ་ཟླ་ནི་རེབ་གོང་དང་མི་འདྲ་བར (more…)

བརྩེ་བའི་ཚ་བ་རྒྱས་ས།

ཁྲོ་གཏུམ།

—— གྲོགས་མགལ་དུམ་གྱི་གཉེན་སྒྲིག་གི་ཉིན་མོར་ཞུགས་ཏེ་སྙན་ངག་ཅིག་ཕུལ།

ཉིན་མོ་དེའི་ཉི་འོད་ཀྱི་མཛའ་བརྩེ་སིད་ཎེ་མཚོ་ངོགས་བརྒྱུད་དེ་འཕྲོས།
བརྩེ་དུང་གིས་ལས་དབང་དེད།
ལས་དབང་གིས་བརྩེ་དུང་འཇུས།
རྟེན་འབྲེལ་གྱི་ཆོ་ག་རིམ་བཞིན་གཉེན་སྟོན་གྱི་སྟེགས་བུར་ཕེབས།

སྐུ་མགྲོན་གྱི་ཕྱག་རྡེབ་རོལ་མོས་མཛེས་སྡུག་གི་ཉིན་མོ་བསུས་ཏེ། (more…)

བུ་མོ་རེ་བའི་མིག་ཆུ།

ཆང་སྐྱེས།
 
__དྲ་གྲོགས་བུ་མོ་ཞིག་ལ།

བཅུ་དྲུག་ལང་ཚོ་དར་བའི་ཡིད་འོང་མ།།
ཡིད་ཀྱི་ལྷིང་འཇགས་དཀྲོགས་པའི་ན་ཆུང་མ།།
ཁྱོད་ཞལ་པད་མོ་མིག་གིས་མ་མཐོང་ཡང་།།
ངག་གི་འགྱུར་ཁུགས་རྣ་བའི་དཔྱིད་དུ་སྨིན།།

ཟླ་བའི་འོད་དཀར་ངོགས་ཀྱི་བཞིན་བཟང་མ།། (more…)

རྒྱ་གར་གློག་བརྙན་(Kabhi Kabhi) སྐབས་རེ་སྐབས་རེ་ཞེས་པའི་གླུ་ཞིག །

Kabhi kabhi mere dil mein khayaal aata hai
Ki jaise tujhko banaya gaya hai mere liye
Tu abse pehle sitaaron mein bas rahi thi kahin
Tujhe zameen pe bulaya gaya hai mere liye
སྐབས་རེ་སྐབས་རེར་བདག་གི་སེམས་ལ་འདི་ལྟར་ཤར།།
བདག་གི་ཆེད་དུ་ཁྱོད་ནི་བསྐྲུན་པར་གྱུར་སྙམ་དྲན།།
ད་ལྟའི་སྔོན་ལ་ཁྱོད་ནི་སྐར་ཚོགས་ཁྲོད་དུ་གནས།།
བདག་གི་ཆེད་དུ་ཁྱོད་ནི་ས་ལ་་བོས་པ་འདྲ།། (more…)

ངའི་བོད་ཡིག་ཁྱེར་ཤོགས།

རྭ་རྒྱ་དཔལ་ལྡན།
 
ངའི་བོད་ཡིག་གང་དུ་ཡོད།
ཐོན་མིས་སྲོག་ལ་བརྗེས་ཡོང་བ་དེ།
ཞང་ཞུང་བས་སྨྲར་ཡིག་དུ་བྲིས་པ་དེ།
བཙན་པོས་བཀའ་ཤོག་དུ་ཕབས་པ་དེ།
སྲོག་ལ་བརྗེས་པ་དེ།
ལྡེབས་ལ་བྲིས་པ་དེ། གང་དུ་ཡོད། (more…)