ཁ་བརྡ།

དཔལ་དགྱེས་རྡོ་རྗེས

ན་མོ་གུ་རུ་པདྨ་ཏྰ་ར་ཡེ། །

༡ ཨེ་མ་སྟོང་ཉིད་ལྷ་མོ། །
ཝྃ་ཆེན་ཚོགས་ལ་ཕེབས་ནས། །
ཟུང་འཇུག་སྒྱུ་འཕྲུལ་ལོངས་སྤྱོད། །
མཉམ་རོལ་ཕྱག་རྒྱ་ངོམ་ཤོག །

༢ སྐལ་བཟང་པདྨ་གེ་སར། །
ཆོས་དཔལ་ཡིད་ཀྱི་དགའ་སྟོན། །
བཀྲ་ཤིས་བདེ་ལེགས་རོལ་དབྱངས། །
གཡུ་སྦྲང་གཤོག་པར་རང་གྲུབ། །

༣ ཤར་ནུབ་རྒྱ་མཚོ་ཆེན་པོས། །
ཐག་རིང་ཡུལ་གྱིས་བསྐལ་ཡང་། །
བརྩེ་གདུང་དམ་ཚིག་མདུད་པ། །
ནམ་ཡང་འབྲལ་བ་མི་འདུག །

༤ ཐུགས་དམ་ཤེལ་གྱི་མཆོད་རྟེན། །
ཕྱི་གསལ་ནང་གསལ་དག་པ། །
ཡིད་མཐུན་པདྨ་གེ་སར། །
སྙིང་གི་དཀྱིལ་ནས་དྲན་སོང་། །

༥ ལས་ཉོན་བག་ཆགས་རྒྱུ་བ། །
རླུང་ནག་དྲག་ཏུ་གཡོས་ཀྱང་། །
མི་འགྱུར་རྡོ་རྗེའི་སྙིང་གཏམ། །
ནམ་ཡང་འགྱུར་རྒྱུ་མི་འདུག ། རྩོམ་ཡིག་འདིའི་འཕྲོ་ཀློག »

བོད། ལྷ་ཀླུ་གཉན་གསུམ་ནས།

སེམས་ཀྱི་སྐྱིབས་ཁུགས་སུ་འདར་བའི་རང་བྱུང་གི་གཤིས་ལ།།
དུས་གསུམ་གང་དུ་འང་མི་འགྱུར་ཆོས་ཉིད་ཀྱི་རྣམ་ཤེས།།
རྒྱབ་མདུན་གཏད་སོ་ཡི་བྲལ་བ་སེམས་ནང་གི་འཆར་གཞི།།
གཅིག་དུ་སྤུངས་པ་རུ་འབོད་པ་འགྲོ་བ་ཡི་ཚེ་སྲོག།

འདས་ཀྱང་སྲུང་བྱ་ཡི་སྟོང་བའི་འཇའ་གཟུག་ཀྱི་གནམ་འོག།
བྲིས་ཀྱང་འབྲི་སྨྱུག་གི་གཟད་པོའི་རྒྱུ་ཆ་ལས་གྲུབ་པའི།།
བརྩད་ཀྱང་ཚར་ཐབས་ཤིག་མེད་པ་ཞེ་སྡང་གི་འཐབ་ར།།
དེ་ཉིད་སྤྱི་གཙུག་དུ་བཀུར་མཁན་རྒྱལ་གཅེས་སུ་གྲུབ་འདུག། རྩོམ་ཡིག་འདིའི་འཕྲོ་ཀློག »

ཨ་ཚོགས་བློ་བྷེ།

སྲིད་པའི་ཡུལ་ཁམས་མིག་ཆུས་སྦངས་པའི་ང་ཡི་འབྲུག་དཀར་ཆུ་བོ་ཀྱེ།།
མ་མཇལ་རེ་བའི་མཐོང་སྣེ་ཞིག་ནས་སྐྱིད་ཀྱི་རྩ་བ་བཀོག་ནས་ཐལ།།
ཁ་བའི་སྐྱོ་བ་འབྲུག་ཆུར་འདྲེས་ཡོད་གདུང་བས་མ་ངུ་འབྲུག་ཆུ་བ།།
མེས་པོའི་འབྲུག་དཀར་ཆུ་བོའི་བཞུར་རྒྱུན་ད་དུང་ལུས་ཡོད་མ་སྐྱོ་ཨང་།།

འདམ་ཟེགས་ཆུ་ལོག་རླབས་ཀྱིས་སྐྱོམ་པའི་འཇིགས་སྐྲག་དེ་ནི་ཨུ་ཧུ་ཨུ་ཧུ།།
ཉམ་ཆུང་མི་ལུས་རྟག་ཏུ་སྡང་བའི་རང་བྱུང་གནོད་པར་སྙིང་ལངས་པ།།
ཟོས་ཀྱི་ཕུད་མཆོད་ས་བདག་གནས་སྐྱོང་ཀླུ་ཡི་ཚོགས་འདིར་ཁྲེལ་མེད་ལ།།
མིག་ཆུར་བྲུག་པའི་འབྲུག་དཀར་ཆུ་བོ་འདི་ལྟར་བཞུར་འགྲོ་སུ་ཡིས་རློམ།། རྩོམ་ཡིག་འདིའི་འཕྲོ་ཀློག »

བོད། ལྷ་ཀླུ་གཉན་གསུམ་ནས།

དད་བསམ་ཆེ་འདོག་སྟོན་མཁན་བོད་མི་འགའི།།
མི་ལ་དམའ་འབེབས་བྱེད་ལུགས་གང་ནས་སྤྱངས།།
མི་གཤིས་གསེར་དུ་རློམ་པའི་སྤུན་ཟླ་འགའི།།
རིགས་ཞེན་བརྩད་སྟངས་དེ་འདྲ་གང་ནས་རྙེད།།

ང་ལ་འཕྱ་དམོད་བྱེད་པ་མི་གནོད་ལ།།
ང་ལ་གདོན་འདྲེ་ཟེར་ཡང་མི་སྐྱོན་མོད།།
དེང་དུས་བོད་མི་འགྱུར་བའི་དུས་རབས་ན།།
རང་ལས་དྲིན་དུ་ཆེ་བ་མེད་པར་རློམ།། རྩོམ་ཡིག་འདིའི་འཕྲོ་ཀློག »

འཇམ་དབྱངས་གྲགས་པ།

ང་ཚོ་མི་ཡིན་པས་རྔ་མ་གཡུག་མི་རུང་།
ང་ཚོ་ཁྱི་མིན་པས་རྔ་མ་གཡུག་མི་རུང་།

ང་ཚོ་ཁྱི་གུ་ཞིག་གི་ཟོལ་གྱིས།
འདར་འདར་ངང་རྒྱུགས་དགོས་དོན་མེད་ལ།
ཁྱི་མོ་ཞིག་གི་ཟོལ་གྱིས།
དགའ་དགའ་ངང་རྩེ་དགོས་དོན་ཡང་མེད། རྩོམ་ཡིག་འདིའི་འཕྲོ་ཀློག »

བསྟན་འཛིན་བདེ་སྐྱིད།
རིག་འབྱུང་དོན་གྲུབ་བཀྲ་ཤིས་ཀྱིས་བསྒྱུར།

འདི་ནི་གནས་ལུགས་གང་ཡིན་དགོས་པ་སྟེ།
ང་ཚོས་རྫ་གཡམ་སྔོན་པོའི་སྟེང་མིན་པར་རྡོ་གཅལ་ཐོག་གོམ་བགྲོད་བྱེད།
ཁྱེད་ཀྱིས་བློ་ཕམ་པའི་རྣམ་འགྱུར་སྟོན་ཁུལ་བྱེད།
འདི་ལ་ཆོ་གའི་རིན་ཐང་དེ་ཡོད་པར་འགྱུར།

ཞོགས་ཀའི་ཉི་མ་དེ་མཁའ་དབྱིངས་ནས་ཟགས་པར་འགྱུར།
ང་ཚོས་རང་ཉིད་དེའི་མེ་ལྕེ་ལས་སྲུང་བར་བྱེད།
དེ་ནི་བཟོད་དཀའ་བ་ཞིག་མིན་མོད།
ཡིན་ཡང།
ང་ཚོས་ཤར་ཕྱོགས་ནས་འབྱོར་བ་དེར་གཟབ་དགོས་བ་ཤེས་ཡོད། རྩོམ་ཡིག་འདིའི་འཕྲོ་ཀློག »

མེ་ཏོག་དཀར་པོ།

༡ འདོད་བདེ་ལྟེར་བའི་ལྷ་གཅིག་ཨུ་མའི་བདག །
དེ་ཡི་བྱིན་རླབས་ཞུགས་པ་དགེ་ཆོས་རྗེ། །
ཀླུ་སྨྱོན་སོགས་ལ་གུས་པས་བཏུད་བྱས་ཏེ། །
ང་ཡི་མཐོང་ཚུལ་ཁག་ཅིག་འབྲི་ན་འདོད། །

༢ རྒད་པོ་རྒྱལ་ཁམས་འགྲིམ་ལ་ཉུང་སྐྱོན་དང་། །
བཙན་གྱིས་མཇེ་རྒོད་བཅིང་ལ་མང་བའི་སྐྱོན། །
འགའ་ལ་རྣ་བ་བསུན་པའི་རྒྱུར་འགྲོ་ཡང་། །
འདོད་གཏམ་འདི་ཀོ་མ་བཤད་བློ་མ་བདེ། ། རྩོམ་ཡིག་འདིའི་འཕྲོ་ཀློག »

བཞག་ལྡོམ་དར་རྒྱས་།

ཁ་སང་ཁྲི་སྲོང་རྒྱལ་པོས་བཀའ་བཞིན་དུ་།
རི་བོ་གངས་ཅན་མཐའ་མཚམས་སྲུང་དུ་ཕེབས་།
ཁྲག་དང་རྔུལ་ཆུས་བསྐྲུན་པའི་ལོ་ཟླའི་ཁྲོད་།
འབྲུག་ཆུའི་བོད་མའི་དཔའ་མཛངས་ཉི་འོད་བཞིན་། རྩོམ་ཡིག་འདིའི་འཕྲོ་ཀློག »

ལྷ་ཆབ་སྦྱིན་པ།
སྤར་མོའི་ཚིགས་གསུམ་གྱི་སྐས་ནས་ཡར་འབབ་མར་འབབ།།
མ་བུ་དགྲ་གྲོགས་ཀྱི་རྩ་བ་བློ་ལ་སྐྱོར་ན།།
འབྱུང་བོའི་ལོ་ཟླ་འདི་ཡང་ཡང་རྩིས་ལ་བབས་ནས།།
སང་ལོའི་བཀའ་སྤྱི་ཡི་འོས་ལ་བར་ཆད་འདུག་གོ།

དགྱ་ནག་སྐེག་ཟློག་གིས་ཐལ་མོ་ཇི་ལྟར་བརྡབས་ཀྱང་།།
སྲུང་མའི་གཏོར་ཟོར་གྱིས་དགྲ་ཁ་ཇི་ལྟར་བཀག་ཀྱང་།།
གཉན་པོ་གླུད་ཚོགས་ཀྱིས་ཕྱོགས་བཞིའི་སྒོ་ཆེན་བསྡམས་ཀྱང་།།
སང་ལོའི་བར་ཆད་འདི་ཟློག་ལ་དཀའ་སེ་འདུག་གོ། རྩོམ་ཡིག་འདིའི་འཕྲོ་ཀློག »

གཅན་བཟོད་རྒྱམ།

༡
ཆང་གིས་བཟི་རྗེས
ཁེར་རྐྱང་དུ་རོལ་དབྱངས་ལ་ཉན་པ་ཡིན
རོལ་དབྱངས་འདི་གཏིང་རིང་པོ་ཞིག་ནས་སམ་རྒྱང་རིང་པོ་ཞིག་ནས་གྲགས་འོང་གི
རོལ་དབྱངས་འདི་ཇེ་སྙན་ནས་ཇེ་སྙན་དུ་འགྲོ་བ་དང
སེམས་པ་ནི་ཇེ་ལྷོད་ནས་ཇེ་གཉོམ་དུ་གྱུར
ཐ་ན་མིག་ཀྱང་ཕྱེ་འདོད་མེད་པར་རོལ་དབྱངས་ལ་ཉན་ན་འདོད རྩོམ་ཡིག་འདིའི་འཕྲོ་ཀློག »

འགར་ཚེ་རྒྱལ།

དམ་བཅའ་བརྟན་དུ་མ་བཟུང་སྟོང་པ་ཡིན།།
ལྷག་བསམ་རྣལ་དུ་མེད་ན་དོན་མེད་ཡིན།།
རང་སེམས་དབྱིངས་ལ་བཏེགས་ན་ལྟས་ངན་ཡིན།།
ཁ་བཤད་རང་ཚུགས་མི་བརྟན་ལབ་རྐྱལ་ཚོ།
མཐོ་པོའི་བཀའ་ཁྲིར་བཞག་ན་འཐུས་ཤོར་མང༌།

ཁ་ནས་བདེ་བདེ་བཤད་པ་ནེ་ཙེས་ཤེས།།
དོན་ཐོག་ལག་ཏུ་བསྟར་བ་སྲིད་མཐའ་ཙམ།།
ཕྱི་ཚུལ་གུས་གུས་ཞུམ་ཞུམ་ཁྱི་གུས་ཤེས།།
ཁྲ་ཁྲའི་སྲིན་འབུ་འགུལ་བའི་མགོ་བདེ་ཚོ།།
མཐོན་པོའི་བཀའ་ཁྲིར་བཞག་ན་བསླུ་བྲིད་མང༌།

ཆེན་པོའི་རྫིག་ཉམས་མཐོང་ན་འཛུམ་ཤིག་ཤིག།།
དམའ་མོའི་མི་སེར་རིག་ན་གདོང་ནག་ནག།།
སྲིད་ཀྱི་གོ་ས་བསམ་ནས་བྲེལ་འདུར་འདུར།།
བོད་པའི་ལས་སྐལ་མི་བསམ་གཡོ་ཅན་ཚོ།།
མཐོན་པོའི་བཀའ་ཁྲིར་བཞག་ན་བདེ་འཇགས་མེད།། རྩོམ་ཡིག་འདིའི་འཕྲོ་ཀློག »

(བསེ་རུ།)

( དྲ་གྲོགས་ཤིག་གིས་རྒྱུགས་མ་གཏོགས་ཞེས་པའི་རྩོམ་ཡིག་ཅིག་སྤེལ་རྗེས། )
(ཡི་ཐང་མ་ཆད་པར་རྒྱུགས།
ཡི་ཐང་ཆད་ཀྱང་འགྲོ་དགོས།)

དཀའ་སྡུག་གི་རི་མོ་ཐོད་པར་བརྩེགས་ཀྱང་།
བརྙས་སྨོད་ཀྱི་ཟུར་མདའ་ཡང་ཡང་འཕངས་ཀྱང་།
ལུས་སེམས་ལ་མནར་གཅོད་ཇི་ལྟར་རྩུབ་ཀྱང་།
འགྲོ་མ་གཏོགས།
ད་དུང་རྗེས་ལུས་ཀྱི་ཞྭ་མོ་ལྗིད་ཏིག་ཏིག་འདི་ཇི་ལྟར་ཕུད་ཐུབ་བམ།

དུས་རབས་ཀྱི་ཚོན་མདོག་འགྱུར་ཡང་།
མི་རིགས་ཀྱི་ངོ་བོ་འགྱུར་ཡང་།
རང་ཡུལ་གྱི་གནམ་ས་འགྱུར་ཡང་།
འགྲོ་མ་གཏོགས།
ད་དུང་བཙན་དབང་གི་ཞགས་པ་ནག་པོ་འདི་ཇི་ལྟར་འགྲོལ་ཐུབ་བམ།
རྩོམ་ཡིག་འདིའི་འཕྲོ་ཀློག »

གཅན་བཟོད་རྒྱམ།
༡

འདྲ་པར་འདི་ང་ལ་དྲིན་ཆེན་ཞིག་ཡིན་ནམ
གང་ལྟར་འདྲ་པར་ལས་རང་ཉིན་གསལ་བར་མཐོང་ཐུབ
དེ་རིང་མཐོང་བའི་འདྲ་པར་ཐོག་གི་ང
ཨ་ཁ ཡོངས་སུ་རྒས་ཚར་འདུག་གམ
མགོ་སྐྲ་ཆངས་ཤིང་ཁ་སྤུ་རྣམས་ཀྱང་ཇེ་སྦོམ་དང་ཇེ་རིང་དུ་སོང་ནས་འདུག
ད་དུང་གདོང་གི་གཉེར་མ་དག་ཀྱང་ཧ་ཅང་གཏིང་ལ་ཟུགས་འདུག་ཡ རྩོམ་ཡིག་འདིའི་འཕྲོ་ཀློག »

ཟ་ལེ་རྒྱལ། ཡོ་རོབ།

(གོང་མས་འཕྲོ་མུ་འཐུད་ནས་འགོད་པ།)

འཕོངས་དང་ནུ་མ་ཆེ་བར་འདོད་པ་འདི་།

ཐད་བྱུང་ཚོར་པའི་སྒྲོ་བཏག་ཙམ་ཞིག་ལས།

དོན་དངོས་བདེ་བའི་གཞུང་ལ་འཇུག་པ་ན།

ན་ཆུང་བུ་མོའི་གཟུགས་གཞི་བདེ་ན་བཟང་།

འདོད་པའི་མདོ་དང་བསྟན་བཅོས་དུ་མ་ན། རྩོམ་ཡིག་འདིའི་འཕྲོ་ཀློག »

ཟླ་ཀླུང་།

ང་ཅག་འབྲས་ལྗོངས་ཡུལ་དུ། །སྐྱེས་པའི་བུ་མོ་རྣམས་ཀྱི། །སྐྱིད་སྡུག་གང་བྱུང་སྐོར་ལ། །དཀོག་མཆོག་ཐུགས་རྗེས་གཟིགས་རོགས། །ང་དང་མིང་པོ་གཉིས་ཀ། །ཨ་མའི་རུམ་ནས་སྐྱེས་ཀྱང་། །ང་ལ་ཐོབ་ཐང་མི་འདུག །འབྲས་ལྗོངས་བུ་མོའི་སྐྱོ་བ། །དྲིན་ཅན་ཕ་མ་གཉིས་པོའི། །ཁར་ཉན་ངག་འཁྲི་བྱས་ཀྱང་། །དབང་ཆ་གང་ཡང་མེད་པའི། །འབྲས་ལྗོངས་བུ་མོའི་སྐྱོ་བ། །ཕ་མར་རྒྱུ་ཟས་ས་ཞིང་། །ཅི་འདྲའི་ཆེན་པོ་ཡོད་ཀྱང་། །སྐལ་བ་གཏན་ནས་མེད་པའི། །འབྲས་ལྗོངས་བུ་མོའི་སྐྱོ་བ། །ཕ་མས་རིན་པ་ལེན་པས། །བྱད་གཟུགས་ཡག་པོ་མེད་ན། །ཁྱོ་ག་རྙེད་རྒྱུའི་དཀའ་ལས། །འབྲས་ལྗོངས་བུ་མོའི་སྐྱོ་བ། །རིགས་འབྱོར་མཐུན་པའི་ཁྱོ་ག། རྩོམ་ཡིག་འདིའི་འཕྲོ་ཀློག »

གཅན་བཟོད་རྒྱམ།

ས་སྲོད་ཀྱི་སྲང་ལམ་ན
ང་རང་གཅིག་པུ་ཡིན་ནམ
རྒྱང་རིང་ན་སེམས་པ་ཞིག་ཡོད་དམ
སྣ་བ་རློགས་དང
མིག་ཆུ་དེས་བརྗོད་པ་སེམས་གཏམ་ངོ་མ་ཞིག་ཡིན་ངེས
རྩོམ་ཡིག་འདིའི་འཕྲོ་ཀློག »

གངས་རི་སྐྱབས།

བཀའ་སྤྱིའི་འོས་འདེམས་ཀྱི་དུས་བཅད་ཐོན་ལ་ཉེ།།
ཚོགས་པ་སྐྱིད་སྡུག་ཚོ་ལ་འདུར་ལུང་འདུར་བྱེད།།
ལག་ལ་གང་ཡོང་པོ་འོས་མིར་འདོན་སྟངས་འདིས།།
ད་ནི་མང་ཚོགས་ཚོའི་མགོ་བོ་རྨོངས་ཚོད་རེད།།

སྐུ་ངོ་བཀྲིས་མཐོང་གིས་རྒྱུས་མྱོང་ཆེ་ཚུགས་འཛིན།།
བློ་བཟང་སང་གེ་ཡིས་གཞིས་གྲོང་གཏམ་གྱིས་འུར།།
འགྲན་རྩོད་ཆུང་ཆུང་གི་བྱེད་སྒོ་སྙིང་རྗེ་བོ།།
མང་གཙོའི་འགྲོ་སྲོལ་གྱི་ལད་མོའི་བཟོ་ལྟ་རེད།།

རྩོམ་ཡིག་འདིའི་འཕྲོ་ཀློག »

ཨ་ནུ་བསོད་ནམས་ཀྱིས།

འཇིག་རྟེན་མི་ཡི་རིན་ནོར་ཐམས་ཅད་ལ།།
སྤྱོད་མཐའ་དྲག་ན་སྡུག་སྣང་མི་འདྲེན་པའི།།
བྱ་བཞག་གང་ཞིག་མི་ཡུལ་འདི་ན་མེད།།
དེ་ནི་ཆང་རག་གཅིག་བུ་ཉེས་བ་མིན།།

ཀུན་གྱིས་མཆོག་ཏུ་བཀུར་པའི་ནང་བསྟན་ཆོས།།
བོད་སོག་མི་ཡིས་བེད་སྤྱོད་མཐའ་དྲག་ནས།།
མཐར་མ་རང་ཡུལ་བརླགས་ཤིང་མི་འབོར་བྲི།།
དེ་ནི་ཆང་རག་གཅིག་བུ་ཉེས་བ་མིན།།
རྩོམ་ཡིག་འདིའི་འཕྲོ་ཀློག »

བོད ལྷ་ཀླུ་གཉན་གསུམ།

འདི་ལྟར་ཆས་ཤུལ་དུ མིག་ཆུ་མེད་པའི་རི་གྲོང་དེ་ནས
ངས་ཅི་ཡང་ཐོས་འདོད་མི་འདུག་ལ ཁྱེད་ཀྱིས་ཀྱང་
གཅིག་བྱས་ན རི་རབ་ལྟ་བའི་གཟི་བཞིན་ཡོད་ཚད
རྨི་ལམ་ནང་དུ་སྤས་མ་མྱོང་བའི་མཛའ་མོ་ཞིག་གི་ཞལ་རས་ལྟར རྩོམ་ཡིག་འདིའི་འཕྲོ་ཀློག »

བསེ་རུ།

(བཀའ་སྤྱི་འོས་བསྡུའི་སྟ་གོན་ཚ་ཚ་འུར་འུར་ངང་སྤེལ་བཞིན་པའི་རི་འདབས་ནས་ཐོལ་བྱུང་དུ། )

བཀའ་སྤྱི་གཉིས་ཀྱི་འོས་བསྡུའི་གྲ་སྒྲིག་ཁྲོད།།

དྲང་བདེན་བློ་མིག་ཐོགས་པ་ཇི་ཙམ་ཡོད།།

ཕྱོགས་རིས་ལིང་ཏོག་བྲལ་བ་ཇི་ཙམ་ཡོད།།

བཀའ་སྤྱིའི་འོས་མི་དོན་དམ་ཇི་འདྲ་ཞིག། རྩོམ་ཡིག་འདིའི་འཕྲོ་ཀློག »