བསྡུ་འགོད་པ་ཨ་མྱེས་བྱ་ཁྱུང༌།

དེ་འདྲ་རྩ་བ་ནས་བྱེད་རྒྱུ་མེད།

མདོ་སྟོད་སྨད་ཁུལ་གྱི་རྩྭ་ཐང་དང༌། འབྲོག་ས་ས་ཁུལ་ཁ་ཤས་ལ་རྩྭ་ས་ཆུ་སའི་དོན་དག་ཆུང་ཆུང་ཐོག་ནང་ཚག་རྒྱག་རེས་རྒྱབ་སྟེ་ཁ་ཤས་གསོད་རེས་ཀྱང་ཡོང་གི་ཡོད་ས་རེད། ང་ཚོ་བོད་པ་རྣམས་རྒྱ་མིའི་སྡུག་སྦྱོང་འདི་ལྟ་བུའི་འོག་གནས་བཞིན་དུ་ང་རང་ཚོ་ནང་ཁུངས་སྒེར་གྱི་འཚོ་བའི་གནས་སྟངས་ཕྲན་བུ་དྲག་ཏུ་ཕྱིན་པའི་དོན་རྩ་ཕྲ་མོ་ཞིག་གི་ཆེད་དུ་ནང་ཚག་རྒྱག་རེས་བརྒྱབ། གསོད་རེས་གཏོང་བ་ནི་ཤིན་ཏུ་ངོ་ཚ་པོ་དང༌། ཐབས་སྡུག་པོ་རེད། དེ་འདྲ་རྩ་བ་ནས་བྱེད་རྒྱུ་མེད། ངས་འདི་འདྲ་ཟེར་གྱི་འདུག་ཅེས་ཁྱེད་རང་ཚོ་གཅིག་ལ་གཉིས་བརྒྱུད་ཀྱིས་ཤོད་དགོས། དེ་ཚོ་ཡག་པཽ་ཁྱོན་ནས་མི་འདུག

དེ་ལས་མང་བ་། “རྒྱལ་བ་རིན་པོ་ཆེའི་བཀའ་སློབ། ༼ཚན་འགོད་གསུམ་པ༽” »

བསྡུ་འགོད་པ་ཨ་མྱེས་བྱ་ཁྱུང༌།

“རང་རེ་བོད་ལ་ནི། སངས་རྒྱས་ཀྱི་བསྟན་པ་གནས་ཐབས་དང༌། མི་མང་ལ་བདེ་སྐྱིད་འབྱུང་ཐབས་ཀྱི་རྩ་བ་བོད་གཞུང་སྲ་ཚུགས་ཚགས་ཚུད་ཡོང་ཐབས་ལ་འབད་དགོས་པ་ལས། གཞུང་ཞབས་རྫིག་པོ་དང༌། གྱོན་གོས་འཆོར་པོ། གཞུང་གི་མཛད་སྒོ་གྲ་རྒྱས་པོ་དང་བྲེལ་ཟིང་ཆེ་བས་ཕན་པ་གང་ཡང་མེད།”
“མང་པོ་ཞིག་གིས་ཧ་ལམ་གཞུང་གི་ལྟོ་ཟས་ནས་བསྡད་པའི་རིང་ལ་ཉམས་མྱོང་གསོག་བྱེད་ཙམ་མ་གཏོགས། བྱ་ནང་བཞིན་གཤོག་སྒྲོ་སྐྱེས་ནས་འཕུར་ཐུབ་པའི་མཚམས་སུ་ཕྱོགས་གཞན་ཞིག་ཏུ་འཕུར་འགྲོ་བ་དེ་རིགས་ཧ་ཅང་བློ་ཕམ་པོ་རེད།”
“བོད་དོན་ལ་རྒྱབ་སྐྱོར་བྱེད་པ་ནི་བོད་མིར་རྒྱབ་སྐྱོར་བྱས་པ་ཙམ་མ་ཡིན་པར་བདེན་དོན་ལ་རྒྱབ་སྐྱོར་བྱས་པ་ཞིག་ཡིན། བདེན་དོན་ལ་རྒྱབ་སྐྱོར་བྱ་རྒྱུ་ནི་བདེ་སྡུག་གི་ཚོར་བ་ཡོད་པའི་འགྲོ་བ་མི་ལ་འཁྲི་བའི་དམིགས་བསལ་གྱི་ལས་འགན་ཞིག་ཡིན།”
“བོད་པའི་ཆོས་དང་རིག་གཞུང་རྩ་ཆེ་རེད་ཅེས་བཤད་ནས་དོན་ལ་བོད་ཆས་གྱོན་ཤེས་པ་ཙམ་དང༌། བོད་སྐད་བརྗོད་ཐུབ་ཙམ་ཞིག་བྱས་ནས་བསྡད་ན་མི་འགྲིག་པར། བསམ་བློའི་ནང་བོད་པའི་ཆོས་དང་རིག་གཞུང་གི་བསླབ་བྱ་བཟང་པོའི་ཚོར་སྣང་དེ་དག་འཇགས་ཐུབ་པ་ཞིག་བྱ་རྒྱུ་གལ་ཆེན་པོ་ཡིན།”
“ང་ཚོ་བཙན་བྱོལ་བའི་ཉི་མ་དང་པོ་ནས་བཟུང་ང་ཚོ་འགྱེལ་ས་ནས་ལངས་ཐུབ་པའི་དམིགས་ཡུལ་བཟུང་གི་ཡོད། འགྱེལ་ས་ནས་ལངས་རྒྱུའི་དམིགས་ཡུལ་བཟུང་ཡོང་དུས་ང་རང་ཚོ་བོད་པའི་སྐད་ཡིག་འདི་ཕྱུག་པོ་བཟོ་རྒྱུ་དང༌། བོད་པའི་སྐད་ཡིག་གི་ཐོག་ནས་ལས་རིགས་ཆ་ཚང་བྱེད་ཐུབ་པ་ཞིག་ང་ཚོས་བྱེད་དགོས་ཀྱི་ཡོད་པ་རེད།”

དེ་ལས་མང་བ་། “གོང་ས་མཆོག་གི་བཀའ་སློབ། ༼ཚན་འགོད་དང་པོ༽” »

རྡོ་རྗེ།
ད་ལྟའི་ང་ཚོའི་མངོན་འདོད་ལྟེ་བ་ནི། བོད་ཀྱི་ཆོས་དང་རིག་གཞུང་མི་ཉམས་རྒྱུན་གནས་ཀྱི་ཁོར་ཡུག་ཅིག་ཐོབ་རྒྱུ་དེ་ཡིན། དམིགས་དོན་འདིའི་སྟེང་ནས་ང་ཚོས་རང་ཉིད་ཀྱི་རྒྱབ་མདུན་ལ་ཉམས་སད་དང་མདུན་བསྐྱོད་གཉིས་ཀ་བྱེད་ཐུབ་དགོས། དེ་ནི་དུས་སྐབས་འདི་དང་མི་རབས་འདིའི་དབང་དུ་བྱས་པའི་ང་ཚོའི་འོས་འགན་རེད་ལ། མི་རབས་རྗེས་མར་རང་ཉིད་གསོན་གནས་ཀྱི་ཁོར་ཡུག་ཅིག་བཀོད་སྒྲིག་གམ་འགན་ལེན་བྱེད་ཐུབ་དང་མི་ཐུབ་ཀྱང་ང་ཚོའི་ཁ་སྟབས་ལ་ཐུག་བསྡད་ཡོད། གནད་དོན་གྱི་ཐུག་ས་ནི་འདི་རེད།

དེ་ལས་མང་བ་། “བོད་ཕྱི་ནང༌། གཞས་དང་གཞས་ཚིག” »

རྡོ་རྗེ་དབང་ཕྱུག
གཞིས་བཞུགས་པ་ཞིག་གིས་བོད་དུ་ནང་བསྟན་དར་རིམ་དང་ནང་ཆོས་ཀྱི་བསྟན་དོན་ལས་བརྩམས་པའི་དེབ་གཞི་གསར་པ་ཞིག་བསྐུར་འབྱོར་བྱུང་བ་དང༌། བྱེས་འཁོད་པ་ཞིག་ནས་དཔར་ཕུད་དུ་ཡིན་གནས་འཁོད་པའི་སྙན་ངག་གི་དེབ་ཅིག་བསྐུར་འདུག་པ་གཉིས་དུས་ཚོད་གཅིག་མཚུངས་ལྟ་བུར་ལག་སོན་བྱུང་དོན་བཞིན། དེབ་གཞི་དེ་གཉིས་བཀླགས་པའི་མཐའ་དོན་དུ། གཞིས་བྱེས་གཉིས་ཀྱི་ཁ་སྟབས་དང་བསམ་བློའི་སྨིན་ཚད་མི་འདྲ་བའི་ངོས་ཤིག་མཐོང་བར་གྱུར།

དེ་ལས་མང་བ་། “དཔེ་དེབ། ཀློག་མཁན། བཀླགས་ཐོ།” »

རྡོ་རྗེ་དབང་ཕྱུག་གིས།
མཁས་དབང་དགེ་འདུན་ཆོས་འཕེལ་ནི། ཡབ་རིག་འཛིན་རྣམ་རྒྱལ་དང་ཡུམ་པདྨ་སྐྱིད་གཉིས་ཀྱི་སྲས་སུ། བོད་རབ་བྱུང་བཅོ་ལྔ་པའི་ཆུ་མོ་ཡོས་(ཕྱི་ལོ་ ༡༩༠༣)ལོའི་ཧོར་ཟླ་ ༣ ཚེས་ ༢༣ ཉིན་མདོ་སྨད་རེབ་གོང་ནས་འཁྲུངས་ཤིང༌། དགུང་གྲངས་ཞེ་དགུ་བཞེས་པ་སྟེ། བོད་ལྕགས་ཡོས་(ཕྱི་ལོ་ ༡༩༥༡)ལོའི་ཟླ་ ༨ ཚེས་ ༡༤ ཉིན་བོད་ཀྱི་རྒྱལ་ས་ལྷ་ས་ནས་དགོངས་པ་རྫོགས།

དེ་ལས་མང་བ་། “མཁས་དབང་དགེ་འདུན་ཆོས་འཕེལ།” »

རྡོ་རྗེ་དབང་ཕྱུག
གཅིག གླེང་སློང་བའི་ཆིངས།
ང་ཚོ་སྐོར་ཞིག་གིས་བོད་ཀྱི་ད་ལྟ་ལ་དམིགས་པའི་ལྟ་ཚུལ་ཁག་ཅིག་ཕྱོགས་བསྒྲིགས་བྱ་རྩིས་ཡིན། དེ་ལ་རྩོམ་ཡིག་ཅིག་འབྲི་རོགས་ཟེར། སྐད་ཆ་འདི་གོ་མ་ཐག་རང་ཉིད་ཀྱི་བསམ་བློའི་ཚད་གཞི་ལ་ཉམས་སད་ཅིག་བྱས་པ་ཡིན། དྲང་པོ་དྲང་བཞག་གིས་བཤད་ན། བརྗོད་གཞི་དེ་ངས་གླེང་ཐུབ་པ་ཞིག་ཁྱོན་ནས་མ་རེད། ཡིན་ནའང༌། ངས་འབྲི་མི་ཤེས་ལབ་ན་ཡིད་ཆེས་ཀྱི་མ་རེད། ཡིད་ལ་ཅང་འཁོར་གྱིན་མི་འདུག་ལབ་ན་བློར་འབབ་ཀྱི་མ་རེད། ད་ངས་ལན་ཅི་ཞིག་སྤྲད་ན་འོས་སམ། དོན་དག་ནི་འདི་འདྲ་རེད། དགྲ་ཡོང་ན་མདུང་མོ་མཉམ་འཛིན་དང་མགྲོན་ཡོང་ན་སྡེར་ཁ་མཉམ་བསྒྲིག་གི་བསམ་བློ་ཞིག་གཞི་ལ་བཞག་ནས། དཔའ་ཁས་ལེན་དང་མདུང་རྐེད་པར་གཟེབ་རྒྱུའི་ཁས་ལེན་བྱས་པ་ཡིན་མོད་ཀྱང༌། ང་ལ་མཚོན་ན་བརྗོད་གཞི་འདི་འདྲ་ཞིག་གླེང་རྒྱུའི་ཤེས་དཔྱོད་ཅི་ཡང་མེད།

དེ་ལས་མང་བ་། “བོད་ཀྱི་སྤྱི་ཚོགས་བསམ་བློ་འཚོལ་བ།” »

རྡོ་རྗེ་དབང་ཕྱུག་གིས།

རིག་གཞུང་ངོས་འཛིན་ལས་འཕྲོས་པའི་གླེང་གཞི།

བརྗོད་གཞི་འདི་དང་འབྲེལ་བའི་བསམ་ཚུལ་རྩོམ་བྲིས་ཤིག་འབྲི་རོགས་གསུངས་མཁན་ལ་ཁས་ལེན་ཞུས་ནས་དུས་ཡུན་ཟླ་བ་གཅིག་ཙམ་ཕྱིན་མཚམས་སུ། གཞི་ནས་བརྗོད་གཞི་འདི་ཇི་ལྟར་གླེང་དགོས་པའི་ཐད་ལ་བསམ་བློ་ཞིག་བཏང་བ་ཡིན། ཐོག་མར་སེམས་ནང་འཁོར་བ་ནི། རིག་གཞུང་ཞེས་པར་གོ་བ་ཇི་འདྲ་ཞིག་ལེན་དགོས་པའི་སྐོར་མ་ངེས་པར་ཅི་ཡང་གླེང་རྒྱུ་བསྡད་མེད་པར་མཐོང་ནས་ཕྱོགས་དེར་བསམ་བློ་བཏང་བར། ཤེས་བྱ། ཤེས་རིག ཤེས་ཡོན། རིག་གནས། གཙུག་ལག རིག་པ། ལེགས་བྱང་སོགས་ཐ་སྙད་མང་པོ་ཞིག་གི་གོ་དོན་ལ་དབྱེ་ཞིབ་བྱས་ན་ལས། རིག་གཞུང་ཞེས་པས་ཅི་སྟོན་གྱི་གོ་བ་རྙེད་ཁག་པར་མཐོང༌། གང་ལྟར་རང་གི་ཤེས་སྟོབས་ཙམ་གཞི་ལ་བཞག་ནས་རྙེད་དོན་དུ། རིག་གཞུང་ཞེས་པའི་ཐ་སྙད་ཀྱིས་གོ་བ་གཉིས་ཤིག་སྤྲད།

དེ་ལས་མང་བ་། “བོད་ཀྱི་རིག་གཞུང་དང་ལག་ལེན་བར་གྱི་འགལ་འདུ་གླེང་བ།” »