ཚེ་རིང་ལྷ་མོ།
དམར་པོ་ཁྲག་གི་དཀྱིལ་ནས།།
གངས་སེང་རྒྱལ་དར་བསྒྲེངས་བྱུང༌།།
མེ་མདའི་ལྡིར་སྒྲའི་འཕྲོད་ནས།།
རྣམ་ཤེས་ལུས་དང་བྲལ་སོང༌།།
སྤུན་ཟླ་ཚོ། བོད་པ་ཚོ། ཡར་ལ་ལོངས་ཤོག
བོད་ཕྱི་ནང༌། གཞས་དང་གཞས་ཚིག
རྡོ་རྗེ།
ད་ལྟའི་ང་ཚོའི་མངོན་འདོད་ལྟེ་བ་ནི། བོད་ཀྱི་ཆོས་དང་རིག་གཞུང་མི་ཉམས་རྒྱུན་གནས་ཀྱི་ཁོར་ཡུག་ཅིག་ཐོབ་རྒྱུ་དེ་ཡིན། དམིགས་དོན་འདིའི་སྟེང་ནས་ང་ཚོས་རང་ཉིད་ཀྱི་རྒྱབ་མདུན་ལ་ཉམས་སད་དང་མདུན་བསྐྱོད་གཉིས་ཀ་བྱེད་ཐུབ་དགོས། དེ་ནི་དུས་སྐབས་འདི་དང་མི་རབས་འདིའི་དབང་དུ་བྱས་པའི་ང་ཚོའི་འོས་འགན་རེད་ལ། མི་རབས་རྗེས་མར་རང་ཉིད་གསོན་གནས་ཀྱི་ཁོར་ཡུག་ཅིག་བཀོད་སྒྲིག་གམ་འགན་ལེན་བྱེད་ཐུབ་དང་མི་ཐུབ་ཀྱང་ང་ཚོའི་ཁ་སྟབས་ལ་ཐུག་བསྡད་ཡོད། གནད་དོན་གྱི་ཐུག་ས་ནི་འདི་རེད།
དཔེ་དེབ། ཀློག་མཁན། བཀླགས་ཐོ།
རྡོ་རྗེ་དབང་ཕྱུག
གཞིས་བཞུགས་པ་ཞིག་གིས་བོད་དུ་ནང་བསྟན་དར་རིམ་དང་ནང་ཆོས་ཀྱི་བསྟན་དོན་ལས་བརྩམས་པའི་དེབ་གཞི་གསར་པ་ཞིག་བསྐུར་འབྱོར་བྱུང་བ་དང༌། བྱེས་འཁོད་པ་ཞིག་ནས་དཔར་ཕུད་དུ་ཡིན་གནས་འཁོད་པའི་སྙན་ངག་གི་དེབ་ཅིག་བསྐུར་འདུག་པ་གཉིས་དུས་ཚོད་གཅིག་མཚུངས་ལྟ་བུར་ལག་སོན་བྱུང་དོན་བཞིན། དེབ་གཞི་དེ་གཉིས་བཀླགས་པའི་མཐའ་དོན་དུ། གཞིས་བྱེས་གཉིས་ཀྱི་ཁ་སྟབས་དང་བསམ་བློའི་སྨིན་ཚད་མི་འདྲ་བའི་ངོས་ཤིག་མཐོང་བར་གྱུར།
གང་ལ་བུད་སོང༌།༼འདས་ཟིན་པའི་ཚ་བོ་ལ་ཕུལ་བ།༽
ལྷ་ལུང་རྒྱལ།
སྒུག་ཀྱང་ཞལ་རས་མིག་གིས་མ་མཐོང༌།།
ཉན་བསམ་སྐད་ངག་རྣ་བས་མ་གོ།
ཚེ་འདིར་ཐུག་རྒྱུའི་གོ་སྐབས་མ་བྱུང༌།།
དངངས་ཤིང་སྐྲག་བཞིན་གང་ལ་བུད་སོང༌།།
འཕྲིན་ཡིག་ཅིག
དེ་རིང་གྲོགས་པོ་ཞིག་བརྒྱུད་ཁ་བརྡ་ཞེས་པའི་བོད་ཡིག་ཆ་འཕྲིན་ཞིག་གི་ཁ་བྱང་ལག་སོན་བྱུང་ཏེ། འཕྲལ་དུ་འཛུལ་ཞུགས་ཀྱིས་ནམ་རྒྱུན་གོམས་ལོབས་ལྟར་དྲ་ངོས་ཀྱི་རྩོམ་ཡིག་ཁག་ཀློག་པར་འཇུག་པ་ན། ཆེད་བཀོད་རྩོམ་ཡིག་འབྲི་མཁན་རྣམས་ནི་ནམ་རྒྱུན་བཙན་བྱོལ་སྤྱི་ཚོགས་ནང་ཚགས་པར་སོགས་ཀྱི་སྟེང་སྨྱུག་ཁ་གཡུགས་མཁན་གྱི་རྩོམ་པ་པོའི་མིང་འཛིན་སྐོར་ཞིག་རེད། དེ་རིང་ཡང་ཁོ་ཚོའི་རྩོམ་ཡིག་གི་ནང་དོན་དང་ཚིག་གི་སྦྱོར་བ། སྒྱུ་རྩལ་ཁྱད་ཆོས་སོགས་ཀྱི་ཆ་ནས་དུས་རྒྱུན་ལྟར་གྱི་རབ་རིབ་སབ་སིབ་དུ་སྣང་བས་སྤྲོ་བ་འཕྲོག་པའི་རྩོམ་ཡིག་ཅིག་མེད་སྟབས། ཕྲན་གྱི་བསམ་ངོར་གླེང་སྟེགས་འདིར་རིན་ཐང་དེ་ཙམ་མེད་པ་ལྟ་བུར་མཐོང་པས། ཀློག་པ་པོ་གཞན་རྣམས་ལའང་ཚོར་སྣང་འདི་ལྟར་འབྱུང་སྲིད།
མཁས་དབང་དགེ་འདུན་ཆོས་འཕེལ།
རྡོ་རྗེ་དབང་ཕྱུག་གིས།
མཁས་དབང་དགེ་འདུན་ཆོས་འཕེལ་ནི། ཡབ་རིག་འཛིན་རྣམ་རྒྱལ་དང་ཡུམ་པདྨ་སྐྱིད་གཉིས་ཀྱི་སྲས་སུ། བོད་རབ་བྱུང་བཅོ་ལྔ་པའི་ཆུ་མོ་ཡོས་(ཕྱི་ལོ་ ༡༩༠༣)ལོའི་ཧོར་ཟླ་ ༣ ཚེས་ ༢༣ ཉིན་མདོ་སྨད་རེབ་གོང་ནས་འཁྲུངས་ཤིང༌། དགུང་གྲངས་ཞེ་དགུ་བཞེས་པ་སྟེ། བོད་ལྕགས་ཡོས་(ཕྱི་ལོ་ ༡༩༥༡)ལོའི་ཟླ་ ༨ ཚེས་ ༡༤ ཉིན་བོད་ཀྱི་རྒྱལ་ས་ལྷ་ས་ནས་དགོངས་པ་རྫོགས།
བོད་ཀྱི་སྤྱི་ཚོགས་བསམ་བློ་འཚོལ་བ།
རྡོ་རྗེ་དབང་ཕྱུག
གཅིག གླེང་སློང་བའི་ཆིངས།
ང་ཚོ་སྐོར་ཞིག་གིས་བོད་ཀྱི་ད་ལྟ་ལ་དམིགས་པའི་ལྟ་ཚུལ་ཁག་ཅིག་ཕྱོགས་བསྒྲིགས་བྱ་རྩིས་ཡིན། དེ་ལ་རྩོམ་ཡིག་ཅིག་འབྲི་རོགས་ཟེར། སྐད་ཆ་འདི་གོ་མ་ཐག་རང་ཉིད་ཀྱི་བསམ་བློའི་ཚད་གཞི་ལ་ཉམས་སད་ཅིག་བྱས་པ་ཡིན། དྲང་པོ་དྲང་བཞག་གིས་བཤད་ན། བརྗོད་གཞི་དེ་ངས་གླེང་ཐུབ་པ་ཞིག་ཁྱོན་ནས་མ་རེད། ཡིན་ནའང༌། ངས་འབྲི་མི་ཤེས་ལབ་ན་ཡིད་ཆེས་ཀྱི་མ་རེད། ཡིད་ལ་ཅང་འཁོར་གྱིན་མི་འདུག་ལབ་ན་བློར་འབབ་ཀྱི་མ་རེད། ད་ངས་ལན་ཅི་ཞིག་སྤྲད་ན་འོས་སམ། དོན་དག་ནི་འདི་འདྲ་རེད། དགྲ་ཡོང་ན་མདུང་མོ་མཉམ་འཛིན་དང་མགྲོན་ཡོང་ན་སྡེར་ཁ་མཉམ་བསྒྲིག་གི་བསམ་བློ་ཞིག་གཞི་ལ་བཞག་ནས། དཔའ་ཁས་ལེན་དང་མདུང་རྐེད་པར་གཟེབ་རྒྱུའི་ཁས་ལེན་བྱས་པ་ཡིན་མོད་ཀྱང༌། ང་ལ་མཚོན་ན་བརྗོད་གཞི་འདི་འདྲ་ཞིག་གླེང་རྒྱུའི་ཤེས་དཔྱོད་ཅི་ཡང་མེད།
ཡུལ་སྐད་དང་ཡིག་སྐད་གླེང་བ།
གཅིག ཐོག་མའི་གླེང་སློང་ཙམ་དུ་ཐ་སྙད་ཁག་ཅིག་གི་ངོ་རིས་འཚོལ་བ།
གནས་བརྒྱད་ཆེན་མོའི་ནང༌། བྱེད་པའི་གནས། བསྡུ་བའི་གནས། བསྒྱུར་བའི་གནས། དྲང་བའི་གནས། འཇུག་པའི་གནས། རྣམ་པར་བྱེད་པའི་གནས། ཕྱོགས་ཀྱི་གནས། དངོས་པོའི་གནས་བཅས་རིགས་བརྒྱད་གསུངས་ཡོད་པ་དེ་གྲས་ཀྱི་འཇུག་པའི་གནས་བཤད་སྐབས། འཇུག་པའི་གནས་དེར་ནང་གསེས་ཀྱི་དབྱེ་བ་བརྒྱད་བཤད་ཡོད་ཅིང༌། དེ་དག་རེ་རེ་ནི། སྒྲ། སྐད། མིང༌། མཚན་མ། བརྡ། ཐ་སྙད། ཚིག དོན་བཅས་རེད། ཡང༌། དག་ཡིག་འཁྲིད་པའི་དགེ་རྒན་ཚོས། མིང་ཚིག་གི་ངེས་ཚིག་གཙོ་འདོན་བྱེད་སྲོལ་ཡོད་པ་འདི་དག་ནི་བོད་ཀྱི་སྐད་ཡིག་གི་བརྗོད་གཞི་གླེང་མཁན་ཚོར་མཚོན་ན། སྔོན་འགྲོའི་ཤེས་བྱ་ལྟ་བུ་རེད།
བོད་ཀྱི་རིག་གཞུང་དང་ལག་ལེན་བར་གྱི་འགལ་འདུ་གླེང་བ།
རྡོ་རྗེ་དབང་ཕྱུག་གིས།
རིག་གཞུང་ངོས་འཛིན་ལས་འཕྲོས་པའི་གླེང་གཞི།
བརྗོད་གཞི་འདི་དང་འབྲེལ་བའི་བསམ་ཚུལ་རྩོམ་བྲིས་ཤིག་འབྲི་རོགས་གསུངས་མཁན་ལ་ཁས་ལེན་ཞུས་ནས་དུས་ཡུན་ཟླ་བ་གཅིག་ཙམ་ཕྱིན་མཚམས་སུ། གཞི་ནས་བརྗོད་གཞི་འདི་ཇི་ལྟར་གླེང་དགོས་པའི་ཐད་ལ་བསམ་བློ་ཞིག་བཏང་བ་ཡིན། ཐོག་མར་སེམས་ནང་འཁོར་བ་ནི། རིག་གཞུང་ཞེས་པར་གོ་བ་ཇི་འདྲ་ཞིག་ལེན་དགོས་པའི་སྐོར་མ་ངེས་པར་ཅི་ཡང་གླེང་རྒྱུ་བསྡད་མེད་པར་མཐོང་ནས་ཕྱོགས་དེར་བསམ་བློ་བཏང་བར། ཤེས་བྱ། ཤེས་རིག ཤེས་ཡོན། རིག་གནས། གཙུག་ལག རིག་པ། ལེགས་བྱང་སོགས་ཐ་སྙད་མང་པོ་ཞིག་གི་གོ་དོན་ལ་དབྱེ་ཞིབ་བྱས་ན་ལས། རིག་གཞུང་ཞེས་པས་ཅི་སྟོན་གྱི་གོ་བ་རྙེད་ཁག་པར་མཐོང༌། གང་ལྟར་རང་གི་ཤེས་སྟོབས་ཙམ་གཞི་ལ་བཞག་ནས་རྙེད་དོན་དུ། རིག་གཞུང་ཞེས་པའི་ཐ་སྙད་ཀྱིས་གོ་བ་གཉིས་ཤིག་སྤྲད།
དེ་ལས་མང་བ་། “བོད་ཀྱི་རིག་གཞུང་དང་ལག་ལེན་བར་གྱི་འགལ་འདུ་གླེང་བ།” »
ཁ་སང༌། དེ་རིང༌། སང་ཉིན།
རྡོ་རྗེ།
གཅིག བོད་དོན་ཐག་གཅོད་ཀྱི་གཞི་རྩའི་སྒྲོམ་གཞི།
བོད་དོན་ཉམས་ཞིབ་པའི་ཁོར་ཡུག་ནི། ལོ་རྒྱུས་ཀྱི་བདེན་པའི་ངོས་ནས་བོད་དོན་ལ་ལྟ་མཁན་དང༌། སྲིད་དོན་དགོས་མཁཽའི་ངོས་ནས་བོད་དོན་ལ་ལྟ་མཁན་རིགས་གཉིས་ཀྱིས་གྲུབ་ཡོད་ཅིང༌། སྡེ་ཚན་འདི་གཉིས་ཀྱིས་བོད་དོན་གླེང་རིམ་ནང་སྡེ་ཚན་ཆེ་བ་གཉིས་ཡོད་པ་ནི། བོད་ཀྱི་འདས་པ་གླེང་ནས་མ་འོངས་པར་ལྟ་སྟངས་དང༌། བོད་ཀྱི་ད་ལྟ་གླེང་ནས་མ་འོངས་པར་ལྟ་སྟངས་གཉིས་རེད། ལྟ་སྟངས་དེ་གཉིས་ཀྱི་མཚུངས་ཆོས་ནི་མཐའ་སྣེ་ཞིག་ལ་སྙེགས་བཞིན་ཡོད་པ་དེ་ཡིན་ནའང༌། གང་བཙལ་བའི་མཐའ་སྣེའི་དམིགས་ཕྱོགས་ནི་རྣམ་པ་ཐ་དད་ཆགས་ཡོད། ལྟ་སྟངས་གཉིས་དབར་གདོང་ཐུག་གི་གནས་སྐབས་མང་དུ་འབྱུང་གིན་ཡོད་ལ། ཕན་ཚུན་འགལ་ཟླ་ཆགས་གཞི་གཙོ་བོ་དེ་ཡང་གཞི་རྩའི་ལྟ་སྟངས་མ་གཅིག་པས་རེད།
ཆོལ་གསུམ་ཆིག་བསྒྲིལ། བདེན་པའི་འབོད་སྒྲ།
རྡོ་རྗེ།
གཅིག རྒྱ་དར་དང་བོད་དར།
ཕྱི་ལོ་ ༢༠༠༨ ལོའི་ཟླ་ ༣ ཚེས་ ༡༠ ནས་དེ་རིང་བར་གྱི་དུས་ཡུན་འདིའི་ནང༌། བོད་ས་སྟོད་སྨད་ཀྱི་ས་གནས་ཆེ་ཆུང་ལྔ་བཅུ་ང་གསུམ་ནང་རྒྱ་ནག་གཞུང་ལ་ཞི་བའི་ངོ་རྒོལ་གྱི་ལས་འགུལ་སྤེལ་ཡོད་པ་དང༌། ཕྱོགས་མཚུངས་རྒྱ་ནག་གི་རྒྱལ་དར་མར་ཕབ་ནས་བོད་ཀྱི་རྒྱལ་དར་ཡར་བསྒྲེངས་ཡོད་ཅིང༌། ད་དུང་ཡང་མུ་མཐུད་ནས་བསྒྲེང་བཞིན་ཡོད། འདི་ནི་ཕྱི་ལོ་ ༡༩༤༩ ལོ་ནས་རྒྱ་ནག་དམར་གཞུང་གིས་བོད་ཤར་ཕྱོགས་ནས་རིམ་པས་བསྒྲེངས་པའི་རྒྱལ་དར་དེ་ཚོ་སྡེབས་གཅིག་ལ་མར་ཕབ་པའི་ལས་འགུལ་ཐོག་མ་དེ་ཆགས་ཡོད། ཞི་བའི་ཡོ་ལངས་འདི། དྲང་བདེན་ལ་ཕྱོགས་པའི་གསར་འགོད་བརྒྱུད་ལམ་ཡོད་ཚད་ཀྱི་དཔར་ཆས་འཛུགས་ས་ཆགས་སོང་ལ། དྲང་བདེན་བརྗོད་པའི་སྨྱུ་གུ་མང་པོ་ཞིག་གི་བདེན་གཏམ་ལུད་ཡུལ་ཆགས་སོང༌། བདེན་པའི་འོས་ལངས་འདིས་འཛམ་གླིང་ཧྲིལ་པོ་ཡོམ་ཡོམ་དུ་བསྒུལ་སོང༌།
གནམ་འོག་གི་བོད་པ་དང་ཆིག་སྒྲིལ་གྱི་ལག་གདང༌།
བོད་མིའི་ཞི་བའི་སྒེར་ལངས་ཆེན་མོ་དང་རྒྱ་གཞུང་གིས་དྲག་གནོན་གནས་སྟངས་ཀྱི་ཕྱོགས་ངོས་ནས་བོད་དོན་ལ་བལྟ་བ།
རྡོ་རྗེ།
གཅིག བོད་མིའི་ཞི་བའི་ངོ་རྒོལ་དང་རྒྱ་ནག་གཞུང་གི་དྲག་གནོན། འདི་ལོ་ནི། རྒྱ་ནག་གཞུང་གིས་བོད་ནང་བཙན་འཛུལ་དང་གདུག་རྩུབ་ཀྱི་དབང་བསྒྱུར་སྲིད་བྱུས་སྤེལ་བར་བོད་མི་ཚོས་ངོ་རྒོལ་ལས་འགུལ་རབ་དང་རིམ་པ་སྤེལ་ནས་ལོ་ངོ་དྲུག་ཅུ་དང༌། བོད་རྒྱལ་ཁབ་བཙན་འོག་ཏུ་ཤོར་བ་ནས་རྩིས་ལོ་ངོ་ལྔ་བཅུ་འཁོར་ཉེའི་མཐའ་མའི་ལོ་དང༌། རྒྱ་ནག་གཞུང་ཕྱོགས་ནས་ཕྱི་ལོ་ ༡༩༧༩ ལོའི་ལོ་མཇུག་ནས་སྤེལ་བའི་བཅོས་བསྒྱུར་སྒོ་འབྱེད་ཀྱི་སྲིད་བྱུས་ལག་བསྟར་གྱི་ལོ་ངོ་སུམ་ཅུའི་མཐའ་མའི་ལོ། རྒྱལ་སྤྱིའི་ཨོ་ལིམ་ཕིག་ལུས་རྩལ་འགྲན་ཚོགས་ཐེངས་ཉེར་དགུ་པ་དེ་བཞིན། འགྲོ་བ་མིའི་ཐོབ་ཐང་ཡར་སྐུལ་གྱི་དམིགས་འདུན་འོག་ནས་དམར་པོའི་རྒྱལ་ཁབ་ཆེ་ཤོས་རྒྱ་ནག་ཏུ་འཚོག་རྒྱུའི་ལོ་བཅས་ཡིན་སྟབས། བོད་དང་རྒྱ་ནག་གི་གནས་བབ་ཐད་ཞིབ་འཇུག་གནང་མཁན་མང་པོ་ཞིག་གིས། འདི་ལོ་ནི་རྒྱ་ནག་ལ་གཞི་རྩའི་འགྱུར་བ་འགྲོ་མིན་དང༌། བོད་དོན་འཐབ་རྩོད་ཀྱི་གནས་སྟངས་ལ་རྒྱལ་ཕམ་གྱི་དབྱེ་ཐག་གཅོད་པའི་ལོ་ཞིག་བཅས་ཡིན་པའི་ངོས་འཛིན་བྱེད་ཀྱི་ཡོད་པ་རེད། འདི་ནི་ཉེ་བའི་ལོ་ཤས་རིང་དང་དེ་བས་ཀྱང་ཁ་སང་དེ་རིང་གི་བརྗོད་གཞིའི་ལྟེ་བ་རེད།
རྩོམ་སྒྲིག་པ་དང་ཁོའི་བརྒྱུད་ལམ།
ལུང་རིགས་རྒྱལ།
་་་་་་དུས་རབས་འདིའི་ནང་མི་ཚང་མ་ཀློག་པ་པོ་ཡིན་ལ། ཀློག་པ་པོ་ཚང་མ་གང་འཚམ་གྱིས་རྩོམ་པ་པོའང་ཡིན། འདི་ལྟར་རྩོམ་པ་པོ་དང་ཀློག་པ་པོ་མང་པོ་ཞིག་ཀློང་བརྡོལ་ནས་སླེབས་ཤིང་། སྤྱི་ཚོགས་སྟེང་གི་གནས་ཚུལ་དང་བསམ་ཚུལ་རྒྱ་མཚོ་ལྟ་བུའི་ཁ་ཤོར་ནས་ཡོང་དུས་ རྩོམ་སྒྲིག་པའི་དགོས་མཁོ་ཇེ་ཆེ་དང་ཁོའི་འགན་འཁྲི་ཇེ་ལྕི་རེད་་་་་་
དང་པོ། དུས་རབས་འདིའི་སྤྱི་ཚོགས།
དུས་རབས་ཉེར་གཅིག་པ་འདི་མགོ་བཙུགས་མ་ཐག་དོན་དག་གལ་ཆེན་ཞིག་བྱུང་བ་ནི་མིའི་ རིགས་ཀྱི་གསང་བ་ཡོད་ཚད་ཀྱི་མཐིལ་རྡོལ་ཞིང་གནས་ཚུལ་མཐའ་དག་གི་ཁ་ཤོར་བ་དེ་ རེད། ཁྱོད་སའི་གོ་ལའི་ལྷོ་སྣེ་དང་བྱང་སྣེ་གང་དུ་ཡོད་ཀྱང་རུང་། ཁྱོད་ཤར་ཕྱོགས་དང་ནུབ་ཕྱོགས་ཀྱི་སྤྱི་ཚོགས་གང་དུ་གཏོགས་ཀྱང་ཆོག ཁྱོའི་སོར་འོག་ཏུ་མི་ཟིན་པའི་མི་དང་། ཁྱོའི་གློག་ཀླད་ཀྱི་སྒེའུ་ཁུང་ནས་མི་མཐོང་བའི་ཡུལ་ཞིག་མེད། ཁྱོད་དང་ས་སྒང་འདིའི་སྟེང་གི་མི་རེ་རེ་བཞིན་དྲ་བར་ནས་དམ་དུ་འབྲེལ་ཞིང་།
སྦས་ཡུལ་བོད་དང་ཅི་བྱ་གཏོལ་བྲལ།
དགེ་འདུན་རབ་གསལ་གྱིས།
བོད་དུ་འདི་ལོའི་གྱེན་ལོག་ཆེན་མོ་བྱུང་བ་ནས་བརྩིས་ན་ཧ་ལམ་ཟླ་བ་གཉིས་ལྷག་ཕྱིན་ཡོད། དུས་ཚོད་འདིའི་ནང་བོད་མི་ཁྲི་ཕྲག་ནས་འབུམ་ཕྲག་སྐོར་གྱེན་ལོག་ནང་ཞུགས་ཏེ་དགོས་འདུན་དོན་ཚན་གསུམ་བཏོན་པ་རེད། དོན་ཚན་དེ་གསུམ་ནི། ༧རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་པ་དང་། བོད་རང་བཙན་ཡིན་པ། པཎ་ཆེན་རིན་པོ་ཆེ་གློད་བཀྲོལ་གཏོང་དགོས་པ་བཅས་རེད། ང་ཚོ་ཕྱི་ལོགས་ན་སྡོད་མཁན་ཚོས་བོད་མིའི་ངོ་རྒོལ་དང་རེ་འདུན་འདི་ཚོ་གསལ་ལེར་མཐོང་ཐུབ་ཡོད།
སྙན་ངག་གིས་སྤྱི་ཚོགས་ལ་འགན་ཅི་ཞིག་ཁུར་ཐུབ།
རབ་འབྱོར་གྱིས།
སྙན་ངག་གིས་སྤྱི་ཚོགས་ལ་འགན་འཁུར་དགོས་མིན་གྱི་དྲི་བའི་སྔོན་ལ། དེས་སྤྱི་ཚོགས་ལ་འགན་གང་ཞིག་འཁུར་ཐུབ་རྒྱུ་ཡིན་པ་འདི་འདྲི་འོས། སྤྱི་ཚོགས་ལ་འཁུར་རྒྱུའི་འགན་ཁོངས་ནི་ཧ་ཅང་རྒྱ་ཆེན་པོ་རེད། དང་པོ་སྤྱི་ཚོགས་ཀྱི་ཕོ་བ་རྒྱག་དགོས་པ་དང་རྒྱབ་དྲོ་དགོས་པ་དེ་རེད། དེ་ནི་མི་སྒེར་དང་རིམ་པ་སོ་སོའི་སྲིད་གཞུང་གི་འགན་འཁུར་རེད། དེ་ནས་སྤྱི་ཚོགས་ལ་རྐུན་ཇག་སོགས་ཀྱི་འཇིགས་པ་མེད་པའི་བདེ་འཇགས་རེད། དེ་ནི་སྤྱི་བདེ་དང་བདེ་འཇགས་ལས་ཁུངས་ཀྱི་ལས་འགན་རེད། དེ་ནས་སྤྱི་ཚོགས་ལ་ན་བ་ཚ་བ་ཉུང་ཞིང་བདེ་ཐང་ཡིན་དགོས་པ་དེ་རེད། དེ་ནི་འཕྲོད་བསྟེན་ལས་ཁུངས་དང་སྨན་ཁང་སོ་སོའི་ལས་འགན་རེད། དེ་ནས་སྤྱི་ཚོགས་ཀྱི་ཤེས་འཇོན་ཡར་རྒྱས་གཏོང་རྒྱུ་དེ་རེད། དེ་ནི་སློབ་གསོའི་ལས་ཁུངས་དང་སློབ་གྲྭ་རྣམས་ཀྱི་འགན་འཁུར་རེད། ད་དུང་སྤྱི་ཚོགས་ལ་དགོས་པ་ནི་དྲང་བདེན་དང་འདྲ་མཉམ་རེད། དེ་ནི་ཁྲིམས་ཁང་དང་ཁྲིམས་བཟོ་ལས་ཁུངས་སོགས་ཀྱི་འགན་འཁུར་རེད། འདི་དང་འདི་ལྟ་བུའི་སྤྱི་ཚོགས་ཀྱི་རྩ་བའི་དགོས་མཁོ་སྐོར་ཞིག་ཡོད་པ་ལས་སྙན་ངག་གི་འགན་དུ་འབབ་པ་དང་འགན་ལེན་ཐུབ་པ་གང་ཡོད་དམ།
དར་དམར་འོག་གི་བོད།
པདྨ་ཚེ་དབང་ཤཱསྟྲིས།
༡། དར་དམར་འོག་གི་བོད།
དུས་ངན་ས་ཁྱིའི་ལོ་ལ།།
གངས་ཕྲུག་རྩེད་མོར་གཡེངས་སྐབས།།
འབྲུག་གིས་དུག་མདའ་འཕངས་པས།།
སྙིང་ལ་གཅོང་ནད་བཟོས་སོང༌།།
གལ་སྲིད་ང་ལ་རྨི་ལམ་ཞིག་ཡོད་ན།
དགེ་འདུན་རབ་གསལ་གྱིས།
དེ་རིང་གཟའ་ཟླ་བ་རེད། ང་ལ་ལས་ཀ་མེད། གང་ཡིན་ཟེར་ན། དེ་རིང་ནི་ཨ་རིའི་འགྲོ་བ་མིའི་ཐོབ་ཐང་རྩོད་ལེན་པ་མྰར་ཋིན་ལུ་ཐར་ཀིང་གི་ཉིན་མོ་རེད་ལ། དེའི་རྐྱེན་གྱིས་གཞུང་འབྲེལ་ལས་ཁུངས་མང་པོ་གུང་གསེང་རེད། ང་ལ་ཡང་གུང་གསེང་དེ་ཐོབ་པ་རེད། མི་ཚོས་ཌོཀ་ཊར་ཀིང་གི་སྐུ་ཚེའི་མཛད་རྗེས་ལ་དྲན་གསོ་བྱེད། ངས་ཀྱང་རང་གི་མི་ཚེ་ལ་དྲན་གསོ་བྱས། ཁོང་གི་མཛད་རྗེས་དེ་ནི་ཨ་རིའི་ནང་གི་མི་རིགས་ནག་པོ་ཚོར་མི་རིགས་དཀར་པོ་དང་འདྲ་མཉམ་གྱི་ཐོབ་ཐང་ཡོང་བར་མཛད་པ་དེ་རེད། ཁོང་གིས་དེའི་ཐད་ཀྱི་གསུང་བཤད་གྲགས་ཅན་ཞིག་ནི། ང་ལ་རྨི་ལམ་ཞིག་ཡོད། ཅེས་པ་དེ་རེད
དོན་གྲུབ་རྒྱལ་གྱི་ང་རྒྱལ་དང་ང་རྒྱལ་གྱི་ལྟ་བ།
རབ་འབྱོར་གྱིས།
ཉེ་ཆར་ངས་བོད་ཀྱི་སྐད་ཡིག་གི་དྲ་རྒྱའི་ཡིག་གཟུགས་ཀྱི་ལེ་ཚན་ལ་ལྟད་སྐོར་ཞིག་བྱས་པར། དཔེ་སྐྲུན་གྱི་ཡིག་གཟུགས་ཀྱི་བྲི་གཞི་ཞིག་ངག་གི་དབང་པོ་འདས་པོ་དོན་གྲུབ་རྒྱལ་མཆོག་གི་གསུང་ཚིག་ཅིག་ཡིན་པ་འདི་ལྟར། ” ལ་རྒྱ་ནི་རང་རེའི་བླ་སྲོག་ཡིན། ང་རྒྱལ་ནི་རང་གི་གཟི་བརྗིད་ཡིན། ཕ་མས་སྤྲད་པའི་མགོ་བོ་མཐོན་པོ་དེ། གཞན་གྱི་རྐང་འོག་ཏུ་མི་འཇོག་པ་དང་། ཁ་བ་ཅན་གྱི་ལ་རྒྱའི་དཔུང་བ་དེ། གཞན་གྱི་མགོ་ཐོག་ཏུ་འགྲེང་ནུས་ན། རང་རིགས་ཀྱི་གཟི་བརྗིད་དང་། མེས་རྒྱལ་གྱི་ལ་རྒྱ་ཡང་རེད། “
དེ་ལས་མང་བ་། “དོན་གྲུབ་རྒྱལ་གྱི་ང་རྒྱལ་དང་ང་རྒྱལ་གྱི་ལྟ་བ།” »
བྱང་ཨ་རིར་བོད་ཡིག་བསླབ་གཞིའི་སྒྲོམ་གཞི་གཏན་འབེབས།
པདྨ་ཚེ་དབང་ཤཱསྟྲིས།
༄༅།། །སྤྱིར་ནུབ་ཕྱོགས་རྒྱལ་ཁབ་ཁག་དང༌། ལྷག་པར་བྱང་ཨ་རིའི་ནང་དུ་སྐྱེ་འཚར་བྱུང་བའི་རང་རིགས་ན་གཞོན་རྣམས་ལ་བོད་ཀྱི་སྐད་ཡིག་གིས་གཙོས་པའི་ཆོས་དང་རིག་གཞུང་མི་ཉམས་རྒྱུན་འཇགས་ཡོང་ཐབས་ཀྱི་མཐུན་རྐྱེན་གཅིག་ནི། བོད་རིགས་གནས་སྡོད་ཀྱི་ས་གནས་གང་སར་ན་གཞོན་ཚོར་བདུན་མཐའི་བོད་ཡིག་འཛིན་གྲའི་མཐུན་འགྱུར་བསྐྲུན་རྒྱུ་དེ་ཡིན། དེས་ན་འདི་ཟླའི་ཚེས་༡༩ ནས་༢༠ བར་ཉིན་གཉིས་ཀྱི་རིང་ལ། ནིའུ་ཡོརྐ་རང་གཞུང་སྐུ་ཚབ་དོན་གཅོད་ཁང་ནས་ཨེན་ཨར་བྷོར་དུ་༧གོང་ས་མཆོག་གི་ཆིབས་སྒྱུར་དང་སྟབས་བསྟུན་ཏེ་བོད་དགེའི་ཚོགས་འདུ་ཞིག་གོ་སྒྲིག་གནང་ཡོད། ཚོགས་འདུའི་བགྲོས་གཞི་ཁག་ནི། ད་ཡོད་ཀྱི་སློབ་ཁྲིད་གནང་སྟངས་དེ་ཕན་ནུས་ལྡན་པ་ཞིག་ཡོད་མིན་སྐྱར་ཞིབ་དང༌། དུས་བསྟུན་སློབ་ཁྲིད་གནང་ཕྱོགས་ཀྱི་གདམ་ཁའམ། ཐབས་ལམ་གཞན་འཚོལ་བ། དེ་བཞིན་ས་གནས་ཡོངས་སུ་བསླབ་གཞིའི་སྒྲོམ་གཞི་གཅིག་མཚུངས་གཏན་འབེབས་གནང་རྒྱུ་བཅས་རེད།
དེ་ལས་མང་བ་། “བྱང་ཨ་རིར་བོད་ཡིག་བསླབ་གཞིའི་སྒྲོམ་གཞི་གཏན་འབེབས།” »
ངའི་༧རྒྱལ་བ་རིན་པོ་ཆེ་དགུང་ལོ་ ༧༢ ལ་ཕེབས།
དགེ་འདུན་རབ་གསལ་གྱིས།
དེ་རིང་ནི་འཁྲུངས་སྐར་རེད། ངའི་༧རྒྱལ་བ་རིན་པོ་ཆེ་དགུང་ལོ་ ༧༢ ལ་ཕེབས། ངས་དེ་རིང་ཅི་ཞིག་བྱེད། དར་ལྕོག་ཅིག་ཡོད་པ་ཕྱི་ལོགས་སུ་འཐེན། རླུང་རྟ་ཡར་ལ་བསྐྱོད། ༧སྐུ་མདུན་སྐུ་ཚེ་བསྲིངས།
