ཁ་བརྡ་དྲ་དེབ་ཏུ་བེད་སྤྱོད་བྱས་པའི་ཐ་སྙད་སྐོར་གཅིག་དབྱིན་བོད་ཤན་སྦྱར་ཏུ་བཀོད་པ།
ང་ཚོས་དྲ་རྒྱའི་ཐོག་བོད་ཡིག་མང་བར་སྤྱོད་པའི་སྐབས་འདིར། ཐ་སྙད་རིགས་གཅིག་གྱུར་ཡོང་བ་གལ་ཆེར་འཛིན་དགོས་སྟབས། ཁ་བརྡ་དྲ་དེབ་ཏུ་སྤྱད་པའི་ཐ་སྙད་སྐོར་གཅིག་འདིར་བཀོད་ཡོད། ཐ་སྙད་རིགས་ལ་ནོར་བ་དང་ཆད་པ། གཅིག་གྱུར་མིན་པ་སོགས་མཆིས་ཚེ། དེ་ལྟར་ཡིན་པའི་བསམ་ཚུལ་ལྷུག་སྩོལ་ཡོང་བ་ཞུ།

དགེ་འདུན་རབ་གསལ་གྱིས།

… ནང་གི་ཡིག་མཛོད། -achieve for ….
གཞུང་ཡིག་-Scripts་
ཇུས་འགོད་བྱེད་པ་-Formatting
ཐོ་བརྒྱབ་-signed up

དེ་ལས་མང་བ་། “ཐ་སྙད་སྐོར་གྱི་ཁ་བརྡ།” »

བདེ་ཆེན་སྒྲོལ་མ།
ང་ཚོ་མི་ཡུལ་དུ་ལྷུང་ནས་མི་ལོ་བཞི་བཅུ་ལྷག་ངང་གིས་བཞུར་སོང༌། ཞིབ་ཏུ་བསམས་ན། ལོ་འདི་དག་ནི་བོད་པ་ཚང་མེ་རུ་འབར་བའི་དུས་ཚོད་ཡིན་ལ་འཁྱག་ལ་འབྱར་བའི་དུས་ཚོད་ཅེས་བརྗོད་ཀྱང་མི་རུང་བ་གཏན་ནས་མེད།
ྋགོང་ས་མཆོག་ས་སྒང་རིལ་པོ་འདིའི་ཤར་ནུབ་གང་དུ་ཕེབས་ན། དེ་རུ་བོད་དོན་གྱི་མེ་ལྕེ་འབར་གྱིན་ཡོད་ལ། ྋགོང་ས་མཆོག་ས་སྒང་རིལ་པཽ་འདིའི་ཤར་ནུབ་གང་དུ་བཞུགས་ན། དེ་རུ་བྱམས་བརྩེ་དང་ཞི་བདེ་ཡི་འོད་སྟོང་འཕྲོ་བཞིན་ཡོད། ཡིན་ནའང༌། རྡ་རམ་ས་ལ་འདི་མི་ལོ་སྟོང་ཕྲག་རིང་གི་སྲིད་པའི་གངས་རྒན་བཞིན་སྔར་ལྟར་འཁྱག་ལ་འབྱར་ནས་ཡོད།

དེ་ལས་མང་བ་། “རྡ་རམ་ས་ལ། སྲིད་པའི་གངས་རྒན་རིན་པོ་ཆེ།” »

འགར་ཚེ་རྒྱལ།

ད་ལོ་ཉིས་སྟོང་བརྒྱད་ལོར་རྒྱ་ནག་ཟི་ཁྲོན་ནང་ས་ཡོམ་གྱི་གནོད་འཚེ་ཚབས་ཆེན་བྱུང་བ་དེ་བོད་ཀྱི་སྲོལ་རྒྱུན་རིག་གནས་གནམ་དཔྱད་སྐར་རྩིས་སུ་གསལ་བར་འཆར་ཏེ། ལོ་ཐོ་སོགས་སུ་སྔ་ས་ནས་བརྡ་ཁྱབ་བཏང་ཟིན་ནའང་རྒྱ་ནག་གཙོས་མི་རིགས་གཞན་རྣམས་ཀྱིས་གནས་ཚུལ་དེ་ཤེས་རྟོགས་བྱུང་མེད་པ་དང་། བོད་མི་རིགས་ནང་ཁུལ་དུའང་དེང་རབས་ཀྱི་ལྟ་བ་དང་བསམ་བློ་ཤུགས་ཆེར་དར་ཡོད་སྟབས་སྲོལ་རྒྱུན་རིག་གནས་སོགས་ལ་གནའ་སྔ་མོ་བཞིན་དེ་འདྲའི་ཡིད་ཆེས་དང་བརྩི་འཇོག་མི་བྱེད་པར་དམའ་འབེབས་སྣང་ཆུང་དུ་གཏོང་གིན་ཡོད་སྟབས་ལོ་འདིར་ས་ཡོམ་གྱི་སྔོན་བརྡ་བཏང་བར་སུ་ལ་དང་དོ་སྣང་དང་ཡིད་ཆེས་བྱུང་མེད།

དེ་ལས་མང་བ་། “བོད་མིའི་ཤེས་རིག་རྩིས་འབྲས་སུ་གསལ་བའི་ས་འགུལ་གནོད་འཚེའི་སྔོན་བརྡ།” »

ཐེ་བོ་ཤེས་རབ་རྒྱ་མཚོ།
དེང་སང་གི་གྲྭ་པ་འདི་ཚོ་གྲྭ་པའི་འདུག་སར་མི་སྡོད་པར་འདི་ཚོ་ལ་ལས་རྒྱུ་བཅའ་རྒྱུ་མང་སྟབས། ཁོ་ཚོས་རང་ཉིད་ཀྱི་མཐོང་རང་ཉིད་ཀྱིས་བརླག་གི་འདུག་ཅེས། ཟ་དང་ཟུར་ནས་སྐད་རྒྱག་མཁན་གྱི་མི་སྐྱ་ཚོ་ལ་ཅི་ཁག
ཐ་ན་གྲྭ་པ་ཚོའི་ནང་ནས་ཀྱང་དེང་སང་གི་གྲྭ་པ་ཁ་ཤས་ཀྱི་ཀུན་སྤྱོད་ལ་བརྟེན་ནས་ང་ཚོ་གྲྭ་པ་སྤྱིའི་མཚན་མཐོང་བརླག་གི་འདུག་ཟེར་ནས་སྐད་རྒྱག་གི་འདུག དེ་ལྟར་སྐད་རྒྱག་མཁན་གྱི་སྐྱ་སེར་དེ་ཚོ་ལ་དེའི་སྐོར་ཕ་འདྲི་ཕུགས་འདྲི་བྱས་ཚེ། ཁོ་ཚོས་དེང་སང་གི་གྲྭ་པ་ཁ་ཤས་ལྐོག་ཏུ་གཞང་ཁང་ནང་སོང་ནས་གཞང་ཚོང་མ་ལ་འཛེག་ཚུལ། ཆང་ཁང་ནང་སོང་ནས་ཆང་འཐུང་ཚུལ། ཤོ་ཁང་ནང་སོང་ནས་ཤོ་རྒྱན་འཇོག་ཚུལ། མི་སྐྱོ་བོ་ཚོ་ལ་མགོ་སྐོར་དང་ཐུབ་ཚོད་གཏོང་ཚུལ། རྒྱ་བལ་འགྲིམས་ནས་ནག་ཚོང་རྒྱག་ཚུལ་སོགས་མང་པོ་མང་པོ་ཞིག་བཤད་རྒྱུ་འདུག

དེ་ལས་མང་བ་། “རྒད་པོ་གྲྭ་ཆས་ཅན།” »

རྐང་རྗེན་པ།

ཉེ་ལམ་གསུམ་པའི་ཚེས་བཅུ་ནས་བཟུང་སྟེ་བོད་ས་ཡོངས་སུ་ཞི་བའི་ཡར་ལངས་བྱས་ཤིང༌། ཉམ་ཆུང་བོད་རིགས་ཞིང་འབྲོག་མི་མང་ཕལ་ཆེ་བའི་ལག་ཏུ་མཚོན་ཆ་ཁབ་རྩེ་ཙམ་མེད་པར་ཁུ་ཚུར་གནམ་ལ་འཕྱར་ཏེ་རྒྱ་འོག་གི་དཀའ་སྡུག་འགྲེལ་བརྗོད་བྱེད་སྐབས། རྒྱ་གཞུང་གིས་དྲག་པོའི་དམག་དཔུང་བེད་སྤྱོད་ཀྱིས་ལྕགས་འཁྲབ་འཁོར་ལོ་དང་མེ་སྒྱོག་སོགས་དེང་རབས་མཚོན་ཆ་འཁྱེར་བའི་མི་དམངས་བཅིངས་འགྲོལ་དམག་དང་དྲག་ཆས་དམག་མི་སོགས་ཁྲི་གཉིས་ལྷག་བཏང་སྟེ་མི་མང་དམར་གསོད་དང༌། ཉེས་རྡུང༌། བཙན་འཕྲོག་དང་གཏོར་བཅོམ། བཙོན་འཇུག་བྱེད་བཞིན་པའི་དངོས་ཡོད་གནས་ཚུལ་མཐོང་དུས། གུང་ཁྲན་ཏང་གི་དམག་དཔུང་ནི་ཕྱིའི་དགྲ་བོ་འདུལ་བའི་ཐོ་བ་དང༌། ནང་མི་སེར་སྐྱོབ་པའི་དཔུང་དམག་ཅིག་མ་ཡིན་པའི་ལོ་རྒྱུས་ཀྱི་ཤོག་ལྷེ་དམར་པོ་དེ་ཡང་བསྐྱར་དྲན་འོང་བ་ཞིག་རེད།

དེ་ལས་མང་བ་། “གུང་ཁྲན་ཏང་གི་དམག་དཔུང་ལ་ལྟ་བ།” »

ཐེ་བོ་ཤེས་རབ་རྒྱ་མཚོ།

ད་ཆ་ངའི་ཕ་ཡུལ་གྱི་མི་ཚོས་བཤད་ཀྱིན་པའི་སྐད་ཆའི་དབྱངས་འགྲོས་འགྱུར་ནས་ཡུན་རིང་སོང་ཡོད་པ་འདྲ།
ང་རང་ཕ་ཡུལ་དང་གྱེས་ནས་མི་ལོ་ཧྲིལ་པོ་བཅུ་གཅིག་འགོར་སོང༌། མི་ལོ་བཅུ་གཅིག་གི་ཡར་སྔོན་ངའི་ཕ་ཡུལ་དུ་ནང་ཁུལ་ཕན་ཚུན་གླེང་མོལ་བྱེད་སྐབས། བོད་སྐད་ཀྱི་ཐ་སྙད་གང་མང་ཞིག་གི་ཚབ་ཏུ་རྒྱ་སྐད་ཀྱི་ཐ་སྙད་སྤྱད་ནས་གོ་བརྡ་སྤྲོད་ཀྱི་ཡོད་པ་དང༌། སྐབས་དེར་ངས་ཀྱང་ངའི་ཕ་ཡུལ་གྱི་མི་ཚོ་ནང་བཞིན། ཕན་ཚུན་ནང་ཁུལ་ལ་སྐད་ཆ་བཤད་དུས། སྒྲ་གདངས་དེ་ཙམ་དག་རྒྱུ་མེད་པའི་རྒྱ་སྐད་ཀྱི་ཐ་སྙད་གང་མང་ཞིག་བོད་སྐད་ལ་བསྲེས་ནས་བཤད་ཡོད་པ་སྨྲོས་ཅི་དགོས།

དེ་ལས་མང་བ་། “ཕ་ཡུལ་གྱི་སྐད་ཆའི་དབྱངས་འགྲོས།” »

ལྷ་ལུང་རྒྱལ།

མི་ཤེས་པ་བསླབས་ཏེ་ཤེས་པར་བྱས་པའི་མཐུས། སེམས་ཀྱི་རྨོངས་པ་གང་ཞིག་སྦྱོང་བའམ་རྨེག་མེད་གཙང་སེལ་གྱི་བྱ་བའི་རིམ་པར་སློབ་སྦྱོང་ཟེར་ཞིང༌། སློབ་སྦྱོང་ནི་གཙོ་བོ་སེམས་ཀྱི་བསམ་གཞིགས་བྱ་སྟངས་རིགས་ཤིག་ཡིན། སློབ་སྦྱོང་བྱ་བཞིན་པའི་མི་གང་རུང་བ་ཞིག་ལ་ཅི་ཞིག་ནི་སློབ་སྦྱོང་ཡིན་ཅེས་དྲི་བ་བཏང་བའི་དབང་དུ་བཏང་ན། འབྲི་ཀློག་དྲི་གསུམ་གྱི་སྦྱོར་བར་སློབ་སྦྱོང་ངོ་ཞེས་ཐོགས་ཐུག་མེད་པར་ལན་འདེབས་བྱ་ངེས་ལས། སློབ་སྦྱོང་ནི་བསམ་གཞིགས་རིགས་ཤིག་ཡིན་པའི་དོན་དངོས་ལན་དུ་ཐོབ་མཁན་ཞིག་ཧ་ཅང་ཉུང་ཉུང་ཡིན་རྒྱུ་རེད།

དེ་ལས་མང་བ་། “ཅི་ཞིག་ལ་སློབ་སྦྱོང་ཟེར།” »

ལྷ་ལུང་རྒྱལ།
སློབ་གཉེར་བའི་ལོ་འཁོར་བཤད་རྒྱུགས་ཆེན་མོར་ཉན་པ།

ཨི་ནེས་ཞེས་པ་ནི་བོད་ཡུལ་དབུས་ཁུལ་གྱི་སྐད་ཆའི་སྦྱོར་མཚམས་གང་སར་ཐོན་པའི་ཚིག་གྲུབ་མཐུད་སྦྱོར་བྱེད་པའི་རང་དབང་ཅན་གྱི་ཚིག་ཕྲད་ལྟ་བུ་ཞིག་གམ་ཡང་ན་ངག་གི་དབུགས་རྩོལ་དང་སྨྲ་ལྕེའི་འདུ་བྱེད་ཀྱི་ངལ་གསོའི་མཚམས་ཀྱི་ནུས་པ་ཐོན་ལ། སྐབས་བབ་བརྗོད་དོན་དང་མ་འབྲེལ་བའི་ངག་སྦྱོར་གྱི་གྲུབ་ཆ་ལྷག་མ་ཅིག་ཡིན་ཞིང༌། ཚོགས་སུ་གཏམ་གླེང་དང༌། ཕན་ཚུན་ཤགས་འགྱེད་ཀྱི་སྐབས་སོགས་སྨྲ་ལྕེ་གཡོ་འགུལ་གྱི་དུས་ནམ་དུའང་རུང༌། རྒྱུན་ལྡན་གྱི་སྤྱི་ཚོགས་འཚོ་བའི་ཁྲོད་ཨི་ནེས་ངག་འདྲིས་སུ་སོང་བའི་མི་ཞིག་ཡིན་ཕྱིན། དེས་རང་ཉིད་ཀྱི་སྐད་ཆའི་དམ་ལྷོད་དང༌། དབྱངས་ཀྱི་མཐོ་དམན། བསྟན་དོན་ཉིང་བསྡུས་སོགས་མདོར་ན་སྐད་ཆའི་སྟེང་གི་ཕ་རོལ་འགུགས་ཤུགས་ཀྱི་ནུས་པར་ཚབས་ཆེའི་གཏོར་བརླག་ཐེངས་ཀྱིན་པ། སྨྲ་བ་པོའི་ངག་གི་སྤང་བྱར་གྱུར་ཡོད་སྟབས། འཕོང་འཕྱིས་ཀྱི་རྡོ་ལྟར་བོད་སྐད་ཡིག་གི་བེད་སྤྱོད་འཁོར་སྐྱོད་ཀྱི་བྱེད་ལས་ཁྱབ་ཁོངས་དང་རིང་དུ་དབྲལ་པར་མཐོང་མོད་ཀྱང༌། འོན་ཏེ། དབུས་ཀྱི་སྐད་ལ་བྱང་འདྲིས་སུ་སོང་ཡོད་རིགས་དང༌། མདོ་ཁམས་ཀྱི་སྐད་དང་འདྲེས་སྦྱོར་བེད་སྤྱོད་བྱེད་མཁན་གྱི་མི་སུ་ཞིག་ཡིན་རུང༌། བརྗོད་ངག་རྒྱས་བསྡུས་དང༌། གསལ་དག་སྙན་པོ་ཡིན་མིན་ལ་མ་ལྟོས་པར། ངག་ལ་སྤྱད་པའི་གྲངས་ཀྱི་མང་ཉུང་ཙམ་ལས། བྱུ་རུའི་ཕྲེང་བའི་མཚམས་ལ་རྡོ་རིལ་བཏགས་པ་ལྟར་འོས་འགབ་གཏན་ནས་མེད་བཞིན། ངག་ལས་འགོག་མེད་དུ་བྱུང་བ་ནི་འདྲ་མཉམ་ཡིན།

དེ་ལས་མང་བ་། “༼ཨི་ནེས༽གླེང་བ།” »

ཆབ་བྲག་ཕོ་ཉ།
བོད་ལ་མཚོན་ན། སྔོན་ཆད་ཆོས་བརྒྱུད་ཁག་ལ་བླ་ཆེན་མང་པོ་བྱུང་ནའང་ཆོས་བརྒྱུད་ཡོངས་ཀྱིས་མང་མོས་ཀྱི་དབུ་འཛིན་ཞིག་བདམས་མྱོང་མེད་ལ། ལྷག་པར་འཛམ་གླིང་ནང་པའི་གཙོ་འཛིན་ཞིག་བྱུང་མྱོང་མེད་ཀྱང༌། ཏཱ་ལའི་བླ་མ་རྒྱ་དམར་གྱིས་མཐར་སྤྲོད་བཏང་བའི་རྐྱེན་ངན་གྲོགས་ཤར་དུ་ཆོས་བརྒྱུད་རྣམས་ཙམ་མ་ཟད་འཛམ་གླིང་ནང་པའི་ཆོས་ཀྱི་རྒྱལ་པོ་ཆེན་པོར་གྱུར་པ་འདི་སྟོན་པ་འཇིག་རྟེན་ལ་སླར་ཡང་བྱོན་པ་དང་ཅི་ཁྱད།

དེ་ལས་མང་བ་། “འབྱུང་འགྱུར་ནང་པའི་ཆོས་ལུགས་ཀྱི་གཙོ་འཛིན་ལམ་ལུགས།” »