གཡུ་དྲུག་དཀར། རྡ་ས།
ཉིན་ཤས་སྔོན་ནས་ཐག་རིང་ནས་གོ་མི་བདེ་བ་ཞིག་ཡོད་པ་ནི་བོད་ནང་དུ་རྒྱ་དམར་ཀླ་ཀློའི་དཔུང་གིས་ཉེས་མེད་བོད་མིའི་ཚེ་སྲོག་རྡོག་རོལ་དུ་གཏོང་བཞིན་པ་འདི་རེད་ལ། ཐག་ཉེ་ནས་མཐོང་མི་བདེ་བ་ཞིག་ཡོད་པ་ནི་མི་སྐྱ་མགོ་རིལ་ཉིན་རེ་བཞིན་ཇེ་མང་དུ་འགྲོ་བཞིན་པ་འདི་ཚོ་རེད།
ལོས་ཡིན། འགྲོ་བ་མིའི་ཕྱི་ལུས་ཀྱི་སྟེང་དང་ནང་སེམས་ཀྱི་སྦུག་གཉིས་ཀར་མ་བཏེགས་ལྷན་སྐྱེས་ཀྱི་མཛེས་ཆོས་ཇི་སྙེད་ཅིག་ཡོད་པ་བཞིན། ང་ཚོའི་ལུས་ཀྱི་ཡང་རྩེ་རུ་མ་བཙུགས་ལྷན་སྐྱེས་ཀྱི་སྐྲ་ལོའང་དེ་དག་ལས་མཛེས་སྡུག་གི་མ་ལག་རང་ག་བ་ཞིག་མིན་པར། མི་མང་པོར་གདེང་སྤོབས་དང་མཛེས་རྟོག་གི་རྨི་ལམ་རྒྱ་ཆེན་པོ་བཞེངས་ཡོད་ངེས།
འོན་ཏེ། མི་རིགས་སོ་སོའི་སྐྱེ་ཁམས་ཁོར་ཡུག་དང་རིག་གནས་སེམས་ཁམས་ཀྱིས་བསྐྱེད་པའི་འཚོ་བའི་སྤྱོད་སྟངས་ཁྲོད་མགོ་སྐྱེས་སྐྲ་ལོ་མཛེས་བར་མི་སྣང་པར་བཞར་མཁན་ཡོད་ལ། མི་ལ་ལས་དགོས་དབང་གིས་རང་གི་མཛེས་ཆོས་སུ་གྱུར་བའི་སྐྲ་ལོ་བསམ་བཞིན་དུ་བློས་བཏང་ནས་བཞར་མཁན་ཡང་ཡོད། རང་རེའི་གངས་ཅན་པར་མཚོན་ན་ཆོས་ཕྱོགས་ནས་གྲྭ་བ་དང་བཙུན་མའི་སྡེ་གཉིས་ནི་རང་གི་རྩ་ཁྲིམས་ཀྱི་སྟེང་ནས་གཏན་འཇགས་རང་བཞིན་ཅན་གྱི་སྐྲ་བཞར་མཁན་ཞིག་ཡིན་ལ། འཇིག་རྟེན་པའི་ངོས་ཐད་ནས་རྒན་རྒོན་དང་ཕྲུ་གུ་ཚོའི་ལུས་ཀྱི་གཙང་སྦྲ་དོད་དུ་གཏོང་ཆེད་སྐྲ་འབྲེག་པ་དང་། གཞོན་པ་ཚོར་ཕ་མ་དང་མི་རྒན་པ་ཚོས་སྐྲ་རིང་པོ་འཇོག་པ་ནི་མི་རྐུན་མ་དང་ཁྲམ་པ། གང་གི་སྤྱད་ལའང་མི་འགྲོ་མཁན་ཚོའི་རྟགས་མཚན་ཞིག་སྟེ། ཀུན་སྤྱོད་ཀྱི་སྡིག་ཉེས་ཆེན་པོ་ཞིག་མགོ་ལ་ཁུར་བར་བཤད་ནས་སྐྲ་བཞར་སྟངས་ཤིག་ཀྱང་ཡོད་མོད། འདི་ནི་དམངས་ཁྲོད་ཀྱི་མི་ལ་ལ་དང་མཚམས་ལན་རེའི་བྱེད་སྟངས་ཤིག་ལས། མང་མང་གི་སྲོལ་དུ་གྱུར་མེད་པས། ཕ་མ་ལས་ཤས་ཀྱི་བུ་ཕྲུག་གཅུན་སྟངས་ཙམ་དུ་སྣང་ཞིང་། གཞན་རྒྱ་གུང་ཁྲན་ཏང་འདི་བ་ཚང་སླེབས་ནས་བོད་ཡུལ་དུའང་ཉེས་ཅན་བཙོན་པའི་མགོ་ཡི་སྐྲ་བཞར་སྲོལ་ཞིག་ཚུགས་པ་དེ་རེད།
ངེད་བཙན་བྱོལ་བའི་སྐོར།
བསྟན་འཛིན་བརྩོན་འགྲུས།
སྐར་ཆེན་གྱིས་བསྒྱུར།
བསྟན་འཛིན་བརྩོན་འགྲུས་ནི་བཙན་བྱོལ་དུ་སྐད་གྲགས་ཡོད་པའི་དབྱིན་ཡིག་རྩོམ་པ་པོ་དང་བོད་རང་དབང་འཐབ་རྩོད་པ་ཞིག་ཡིན། ངེད་བཙན་བྱོལ་བའི་སྐོར་ཞེས་པའི་རྩོམ་ཡིག་འདི་ཉིད་ལ་ཕྱི་ལོ་༢༠༠༡ལོའི་རྒྱ་གར་གྱི་དུས་དེབ་ (outlook Magazine) ཀྱི་འགྲན་རྩོམ་ཁོངས་སུ་བྱ་དགའ་ཐོབ།
ངས་སོ་སོར་རང་ཉིད་གང་ནས་ཡོང་མིན་གྱི་སྐོར་ལ་སྐད་ཆ་འདྲི་དུས། ང་ལ་དྲི་བ་དེར་ལན་མེད་པ་ཆགས་ཀྱི་འདུག ངས་ནམ་རྒྱུན་ནས་རང་ཉིད་ཕྱོགས་གང་ལ་ཡང་མི་གཏོགས་པ་མ་ཟད་རང་ལ་ཁྱིམ་ཡང་མེད་པ་ཚོར་གྱི་ཡོད། ང་སྐྱེས་ས་མཱ་ནཱ་ལཱི་ཡིན་མོད། ངའི་ཕ་མ་གཉིས་ཁཱ་ནཱ་ཀྲ་ཁཱར་སྡོད་ཀྱིཡོད། ང་རང་ཧི་མ་ཅལ་མངའ་སྡེའི་ནང་གི་ས་ཁུལ་མི་འདྲ་བ་གཉིས་ནས་སློབ་ཐོན་བྱས་ཤིང་སོ་སོའི་སློབ་སྦྱོང་རྒྱུན་འཁྱོངས་ཀྱི་སླད་དུ་ལ་དྭགས་དང་མཱ་རྡཱི་རཱ་སཱི། མམ་བྷེབཅས་སུ་མུ་མཐུད་དུ་སློབ་གྲྭ་འགྲིམས་མྱོང། ངའི་གཅེན་མོ་རྣམས་ལྦར་ནཱར་སྡོད་ཀྱི་ཡོད་ལ་ངའི་གཅེན་པོ་རྣམས་རྡ་སར་གནས་སྡོད་བྱེད་ཀྱི་ཡོད།
ངའི་སྐྱབས་བཅོལ་ལག་འཁྱེར་གྱིས་ང་རང་རྒྱ་གར་དུ་སྡོད་མཁན་གྱི་ཕྱི་རྒྱལ་བ་ཞིག་ཡིན་པར་འགྲེལ་བརྗོད་བྱེད་ཀྱི་ཡོད། ང་རང་བོད་ཀྱི་མི་སེར་ཞིག་ཡིན་མོད། འོན་ཀྱང་། བོད་ཞེས་པ་དེ་འཛམ་གླིང་གི་སྲིད་དོན་ས་ཁྲའི་སྟེང་དུ་མེད། ང་རང་བོད་སྐད་བཤད་རྒྱུར་དགའ་ལ་དབྱིན་ཡིག་འབྲི་རྒྱུར་དུངས། ང་ཧིན་རྡིའི་གཞས་གཏོང་རྒྱུར་དགའ་རུང་ངའི་ངག་གདངས་ཚང་མ་ནོར་བ་ཤ་སྟག་ཡིན། མི་ཞིག་གིས་ང་རང་གང་ནས་ཡོང་བ་ཤེས་འདོད་ཀྱི་སྒོ་ནས་སྐད་ཆ་དྲིས་བའི་ཚེ། དེ་ལ་ཁ་གཏད་ཀྱི་ཚབ་ཏུ་གཟེངས་སུ་ཐོན་པའི་ལན་ནི་བོད་པ་ཞེས་པའི་ཚིག་འབྲི་འདི་གཉིས་ཡིན། ནམ་རྒྱུན་ངའི་སེམས་པ་དྲི་བ་དང་དོགས་པ། དྲིལ་བསྒྲགས་དང་གདུང་བ་བཅས་ཀྱིས་བཏུམས་ནས་ཡོད། འོན་ཀྱང་། ཐ་སྙད་འདི་དག་གིས་ང་ལ་ཁྱིམ་ཞེས་འབོད་ས་ཞིག་མེད་པ་དང་ང་རང་འཛམ་གླིང་ཆེན་པོ་འདིའི་ནང་གི་སྐྱབས་བཅོལ་བ་ཞིག་ཡིན་པའི་གནས་སྟངས་འདིར་ནམ་ཡང་འགྲེལ་བརྗོད་ཐུབ་ཁག་པོ་རེད།
འདི་ན་པེ་ཅིན་པར་གསར་ཡོད།
དེ་རིང་བོད་རང་དབང་སློབ་ཕྲུག་ཚོགས་པས་པེ་ཅིན་དུ་བསྒྲེངས་པའི་རས་ཡོལ།
ཁྱེད་ཀྱི་མི་ཚེའི་སྙིང་པོ་གླེང་བ།
སྐར་ཆེན།
ལོ་ན་ཆུང་བའི་དུས་སུ། སོ་སོར་མཐོང་རྒྱ་དང་ཐོས་རྒྱ་ཆུང་བ། ཤེས་བྱ་ཡོན་ཏན་མེད་པ། གཞན་གྱི་ལམ་སྟོན་དཀོན་པ། ལེ་ལོ་དང་སྒྱིད་ལུག་ཆེ་བ་སོགས་ཀྱི་དབང་གིས་མི་ཚེའི་སྙིང་བོའམ་འཚོ་སྡོད་ཀྱི་སྙིང་བོའི་ཕྱོགས་ལ་བསམ་བློ་བཏང་མ་མྱོང་། བསམ་བློ་གཏོང་བའི་སྟ་གོན་ཡང་བྱས་མྱོང་མེད། དེ་དུས། ཕུགས་བསམ་དང་མདུན་ལམ་། མི་ཚེ་ཟེར་བའི་ཐ་སྙད་འདི་དག་ལ་གོ་བ་ལོན་རྒྱུ་ཕར་ཞོག་རྣ་ཐོས་ཙམ་ཡང་མེད། ད་དུང་། དགེ་རྒན་གྱི་བཀའ་སློབ་རྣ་བའི་རྒྱབ་ལ་གཡུགས་པའི་མི་ཚད་ཕ་མའི་གསུངས་ལ་སྣང་ཆུང་བྱས། གཞན་གྱི་སྲོང་བོའི་གཏམ་རྡོག་པའི་སྣེ་མོར་གཡུགས།
འདི་ལྟར། ཕྱིའི་གཟུགས་པོའི་འཚར་སྟོབས་ཀྱང་གཉོམ་པའི་ཐོག་ལ་ནང་བསམ་བློའི་འཚར་ལོངས་ཀྱང་གཉོམ།
གང་ལྟར། ཕ་མའི་བཀའ་དྲིན་ནམ་ལས་དང་རྐྱེན་གྱི་དབང་གིས་། ཀ་ཁ་སྦྱོང་བའི་གོ་སྐབས་ཐོབ། སློབ་གྲྭར་ཞུགས་པའི་སྐལ་བ་རེག། ཀ་ངོ་ཡིག་ངོ་ཅུང་ཙམ་ཆོད་པ་འདིས་ང་ལ་བསམ་གཞིགས་གཏོང་བའི་སྐུལ་མ་བྱས། གོམ་ཟུང་སྤོ་སའི་ལམ་་ཞིག་རེག བློ་རིག་རྒྱས་སའི་གཞི་ཞིག་བཏིངས། འབྲི་ྐློག་སློབ་སྦྱོང་གི་རྨང་གཞི་ཅུང་ཙམ་ཡོད་པ་་དེའི་ཐོག་ལ་སོ་སོའི་ནང་བསམ་བློ་ཡང་ཡར་རྒྱས་འགྲོ་འགོ་ཚུགས།
ད་ནི་མི་ཚེའི་སྙིང་བོའི་ཕྱོགས་ལ་བསམ་བློ་འཁོར། གཞན་གྱིས་ཉོན་མོངས་ལ་ཁས་འཆེ་བའི་འདོད་ཆགས་དང་ཞེ་སྡང་། གཏི་མུག་བཅས་ཀྱི་ཕྱོགས་ལ་བསམ་བློ་འཁོར། འཚོ་སྡོད་ཀྱི་བརྒྱུད་རིམ་དང་མི་ཚེའི་ཉམས་མྱོང་། སྤྱི་ཚོགས་ཀྱི་འགྱུར་འགྲོས་བཅས་ལས་ཉོན་མོངས་ཀྱི་བྱེད་ལས་དང་དེའི་འབྲས་བའི་སྐོར་ལ་བསམ་བློ་བཏང་། བསམ་བློ་གཏོང་གིན་གཏོང་གིན་བཀག་རྒྱ་མང་པོ་ཞིག་ལ་གདོང་ལེན་བྱེད་དགོས་བའི་ཚོར་སྣང་སླེབས། ཕྱི་དངོས་པོའི་གདོང་ལེན་དང་ནང་བསམ་བློའི་གདོང་ལེན་གཉིས་ཀ་དགོས་བའི་ཚོར་སྣང་བྱུང་། ཚོར་སྣང་འདིའི་དབང་གིས་ང་ལ་སེམས་འཚབ་གཞན་ཞིག་སླེབས།་ དེ་ནི་སྤྱི་ཚོགས་ཀྱི་དྲག་རླབས་ཆེན་པོ་དེས་ངའི་མི་ཚེའི་གཡོར་གྲུལ་གས་ཆག་གཏོང་ཉེན་འདུག
གངས་རི་ཁྲག་ཏུ་བསྣུབས་པའི་ལོ་ཟླ་དམར་བོ།
ཨ.མེ་ཆ།
“ང་ཚོའི་ཚེ་སྲོག་འདི་མ་དོར་བར་ཁྱེད་ཚོའི་ཁ་གཏད་དུ་ལངས་ངེས་ཡིན”བསྲན་དཀའ་བའི་
མནར་གཅོད་མྱངས་ཤིང་མྱོང་བཞིན་པའི་བོད་གཞིས་ལུས་མི་མང་གི་ཆོད་སེམས་དང་ཡིད་
ཆེས་ཀྱིས་བསྒྲགས་པའི་སྐད་ཆའི་ཟུར་སྣེ་ཞིག
ཚེ་སྲོག་འདོར་བའི་མི་དམངས།
ཉི་མ་ལྷ་སའི་སྐད་གཟེངས་གཅིག་གིས་ཆོལ་གསུམ་སེམས་ཀྱི་གསང་མིག་བརྡོལ།།
གསོན་པོའི་གཅེས་སྲོག་གྲི་ཡིས་འཐུལ་སྦྲ་ནཨ.མེ་ཆ།ག་གྲུ་བཞིའི་མཐའ་བཞི་བསྲུངས།།
བཙན་པོ་གདུང་གི་དཔའ་རྟུལ་མིག་རྩ་ཞི་བདེའི་འོ་མའི་རླབས་ཀྱིས་འཁྱུད།།
མགོ་ལུས་དམར་བོ་ཁྲག་ལ་བསྙལ་ཡང་རླབས་ཆེན་སྲོག་གི་རྒོལ་བ་བསླངས།།
སྡུག་སུན་སྣ་དགུ་ལུས་ཀྱིས་མ་བཟོད་གནམ་ས་འགུལ་བའི་ཀི་ཞིག་བཏབ།།
རྣམ་དག་ཡིད་ཀྱི་འགྱུར་མེད་ཁ་དན་རིགས་མཐུན་གདོང་དམར་བོད་ལ་བཞག།
རྒྱང་རིང་སྤུན་ཉེའི་བརྩེ་བའི་དངས་མ་རྒས་མེད་དུས་ཀྱི་མཐའ་ལ་བསྲིངས།།
ཞི་བདེ་འདྲེན་པའི་འོད་ཀྱི་ཞིང་ཁམས་ཤ་དང་ཁྲག་གིས་ཉོ་བར་བརྩམས།།
བོད་རང་བཙན་སློབ་ཕྲུག་ཚོགས་པ་པེ་ཅིན་ན་སླེབས་འདུག
ད་ནངས་བོད་རང་བཙན་སློབ་ཕྲུག་ཚོགས་པའི་སློབ་མ་བཞི་ཡིས་པེ་ཅིན་གྱི་ཨོ་ལིམ་པིག་རྩེད་རྭའི་འགྲམ་དེར་བོད་རང་བཙན་གྱི་འཕྲེད་དར་དང་བོད་ཀྱི་རྒྱལ་དར་འཕྱར་འདུག
སློབ་ལམ་བཅད་ཅིང་ཕོགས་ཐོབ་བཀག་པ།
ད་ལོའི་བོད་པ་ཡར་ལངས་ཀྱི་སྐབས་སུ། ཀན་ལྷོ་བོད་རིགས་རང་སྐྱོང་ཁུལ་ཟེར་བའི་ཁོངས་ཀྱི་རྨ་ཆུ་རྫོང་དང་། བསང་ཆུ་རྫོང་། ཐེ་བོ རྫོང་། ཀླུ་ཆུ་རྫོང་བཅས་སུ་རྒྱ་གཞུང་ལ་ངོ་རྒོལ་གྱི་ལས་འགུལ་ཤུགས་ཆེར་ལངས་ཡོད་པ་རེད། རྒྱ་གཞུང་གིས་དེ་ཞེ་ནད་དུ་བཟུང་ནས། ད་ལོ་ཁུལ་དེའི་བོད་རིགས་སློབ་མ་རྣམས་ཞིང་ཆེན་གཞན་པའི་མཐོ་རིམ་སློབ་གྲྭའམ་སློབ་གྲྭ་ཆེན་མོ་ལ་གཏོང་བའི་ས་མིག་ཡོངས་སུ་བཀག་ནས། རྒྱ་གཞུང་ལ་ངོ་རྒོལ་མ་བྱས་པའི་དཔའ་རིས་རྫོང་གི་ཞིང་ཆེན་གཞན་པའི་མཐོ་རིམ་སློབ་གྲྭར་གཏོང་སློབ་མའི་ས་མིག་སྤར་འདུག་ཟེར། དེ་བཞིན་ཀན་ལྷོ་བོད་རིགས་རང་སྐྱོང་ཁུལ་གྱི་ཟླ་ཕོགས་སྤར་འཆར་ཡོད་པ་དེ་ཡང་ཕྱིར་འཐེན་བྱས་ནས་ལོ་ལྔ་ལ་མི་སྤར་རྒྱུ་བྱས་འདུག་ཟེར། གོ་ཐོས་ལ་ན་ནིང་མཚོ་སྔོན་ཞིང་ཆེན་ཁོངས་སུ་ཟླ་ཕོགས་ཧ་ཅང་འཕར་ཚད་མཐོ་བ་དེ་ཀན་ལྷོ་ཁུལ་ལ་ལག་བསྟར་བྱེད་འཆར་ཡིན་སྐད།
མཁའ་སྤྱོད་དྲན་པའི་སྐྱོ་དབྱངས།
གཡུ་ལོའི་བསིལ་གྲིབ་སྙེག་པའི་བྱེའུ་ཆུང་གི་ཁྱུ་དེ། ། ཁོ་བོའི་སེམས་བྱུང་འོད་ཀྱི་ཟེགས་མ་ཡི་འགྲམ་དུ། ། འཁྲུལ་སྣང་སྨིག་རྒྱུའི་ཆུ་ལ་ངོམ་མེད་དུ་རོལ་བ། ། ཕྱིར་དྲན་རླུང་གིས་ཆལ་ཆིལ་རྦ་རླབས་སུ་བསྙིལ་བྱུང་། ། དམར་ཆུང་བྱུ་རུའི་ཞལ་ཁྱིམ་མཁའ་མཐའ་ནས་ཕྱེ་སྟེ། ། སྦྲང་ཆར་ཟོལ་དུ་བབས་པའི་སྙིང་གཏམ་གྱི་ཟླ་འོད། ། ཚོགས་དྲུག་འོ་མའི་མཚོ་ལ་ངལ་མེད་དུ་བསྙིམས་པ། །…
༼བོད་འབྱོར་རྩོམ་ཡིག༽སེམས་ཁུར་གྱི་སྐད་ཆ།
བོང་སྟག་རིལ་ལུའི་སེམས་ཁུག་ཞིག་གླེང་བ།
འབྲོང་ཕྲུག
བོང་སྟག་རི་ལུས་དཔེ་དེབ་ཅིག་པར་བསྐྲུན་བྱ་རྩིས་ཡོད་པའི་ཁ་པར་དེ་ཟླ་བ་བཞི་ལྔ་ཞིག་གི་ཡར་སྔོན་ལ་སླེབས་བྱུང་ལ། ཟླ་བ་བཞི་ལྔ་ཞིག་གི་རིང་ལ་བདག་གིས་ཀྱང་འབོལ་རྩོམ་དང་སྙན་ངག་བསྡུས་པའི་དཔེ་དེབ་ཅིག་གི་མ་ཕྱི་བསྒྲིགས་ཟིན། དུས་ཚོད་འདིའི་ནང་དུ་ང་ལ་སེམས་ཁུར་ཞིག་ཡོང་པ་ནི་ངས་ཀློག་མཁན་དག་གི་འདོད་བློ་བསྐོང་ཐུབ་མིན་དེ་རེད། བར་སྐབས་འདིར་བོང་སྟག་རི་ལུས་རྒྱང་རིང་ནས་ང་ལ་སེམས་ཁུར་ཞིག་བསྐུར་ཡོང༌།
དུས་རྒྱུན་པར་རང་གི་ཀློག་མཁན་དག་གི་འདོད་བློ་བསྐོང་རྒྱུ་དེ་ཆུང་མ་དང་བུ་ཆུང་གི་འདོད་བློ་བསྐོང་རྒྱུ་ལས་ཀྱང་གལ་ཆེ་བར་བསམ་ན་ཡང༌། ཞིབ་འདང་རེ་བརྒྱབ་ན། ངས་ད་དུང་གཞན་སུ་ཞིག་གི་འདོད་བློ་ཡང་བསྐོང་ཐུབ་ཀྱིན་མི་འདུག འོན་ཀྱང་བོང་སྟག་རི་ལུ་ང་དང་མི་འདྲ་སྟེ། ཁོས་རང་ཉིད་ཀྱིས་བཤད་པ་ནང་བཞིན་ཁོའི་ཀློག་མཁན་གྱི་གྲས་སུ་མཐོ་བ་དཔོན་པོ་དང་མཁས་པ་ཡོད་ལ། དམའ་བ་ཡིག་རྨོངས་པ་སེལ་བར་བརྩོན་ཞིང༌། ཁོའི་སྙན་ངག་གིས་སྒྱུ་རྩལ་གྱི་ཕོ་བྲང་བཞེངས་བར་བྲེལ་བ། ཁོའི་འབོལ་རྩོམ་གྱིས་རྟོགས་སད་ཀྱི་དུང་བརྡ་འབུད་པར་རྔམ་པ་བཅས་ཀྱིས་མཚོན་ནུས་པ་དེའོ།།
༄༅།།བསམ་ཚུལ་ལྟ་བུའི་འཇིག་རྟེན་བཀླགས་པའི་མྱོང་ཚོར།
བསམ་བློ་འདི་ལྟར་གཏོང་འོས། བསམ་ཚུལ་ཡང་འདི་ལྟར་བརྗོད་འོས། རྗེས་སུ་ཡི་རང་ཡོད། ང་ཚོའི་འཇིག་རྟེན་འདིར། ད་བར་ལྟ་གྲུབ་མང་པོ་ཞིག་བྱུང་ལ་ད་བར་གཞུང་ལུགས་ཀྱང་མང་པོ་ཞིག་བྱུང་། དེ་ལ་བརྟེན་ནས་ད་བར་རྙོག་དྲའང་མང་པོ་ཞིག་བྱུང་། དེ་ལ་བརྟེན་ནས་ད་བར་གྲུབ་འབྲས་ཀྱང་མང་པོ་ཞིག་ཐོབ། འདིར་བསམ་བློ་ཞིག་བཏང་ན། ང་ཚོར་ད་རུང་བསམ་བློ་བའི་མ་འདང་བའི་དཀའ་ངལ་འདུག་པ་ལས་བསམ་བློ་བ་གང་ཞིག་ལ་རྗེས་འཇུག་པས་མ་འདང་བའི་དཀའ་ངལ་དང་བསམ་བློ་གང་ཞིག་ལག་ལེན་ལ་འདེབས་མཁན་གྱིས་མ་འདང་བའི་དཀའ་ངལ་རྩ་ནས་བྱུང་མི་འདུག་སྙམ། ང་ཚོའི་ལྟ་གྲུབ་གང་ཞིག་ལ་གདེང་འཇོག་བྱས་ཡོང་དུས་དེ་འཇིག་རྟེན་གྱི་རང་བཞིན་དང་མཐུན་མི་མཐུན་ཐོག་ནས་བཤད་ཡོང་ན་དེ་བདེན་ཤས་ཆེ་བར་མཐོང་། ཡིན་ན་ཡང་། ངས་བལྟས་ན་དེ་ཅུང་ཟད་རྙོག་རྫོབ་ཆེ་བ་ཞིག་རེད། སྟབས་བདེ་ཞིག་བརྗོད་ན། ང་ཟེར་བའི་ཚིག་འདི་དང་མཐུན་མི་མཐུན་གྱི་ཐོག་ནས་བལྟས་ན་དེས་འཐུས། ང་ཚོའི་འཇིག་རྟེན་འདི་ང་མང་པོ་ཞིག་ལས་གྲུབ་པའི་རྒྱུ་མཚན་གྱིས།…
དེ་ལས་མང་བ་། “༄༅།།བསམ་ཚུལ་ལྟ་བུའི་འཇིག་རྟེན་བཀླགས་པའི་མྱོང་ཚོར།” »
ཕ་མ་འཕུར་ཤུལ་གྱི་དྭ་ཕྲུག་དང་དྲན་སྣང་གཞན།
གཡུ་དྲུག་དཀར།
ང་ནི་ས་ཆུང་ཆུང་ཞིག་དང་མི་ཉུང་ཉུང་ཞིག་མ་གཏོགས་མེད་པའི་ར་སྐོར་ཆུང་ཆུང་ཞིག་ཏུ་སྡོད་པ་དང་། ཉིན་བཞིན་ཕར་ཚུར་ལ་འགྲོ་སའི་ལམ་ཕྲན་གཅིག་ལས་མེད་ལ། ལམ་འདིའི་སྟེང་དུའང་ང་ཉིན་གཅིག་ལ་ཕར་སོང་ནས་ཚུར་ལོག་པ་ཙམ་ཡིན་མོད། ཉིན་བཞིན་ཕར་ཚུར་ལ་འགྲོ་ཞོར་དུ་ང་ལ་ཁ་བརྡ་བྱེད་ཆོག་ཆོག་དང་ཀུ་རེ་རྩེ་ཆོག་ཆོག་ཅིག་ཡོད་པ་ནི་བྱིས་པ་སྣབས་ལུག་ཁ་ཤས་ཡིན། ཁོང་ཚོའི་ཁམས་དང་མོས་པའི་དབང་གིས་ང་ལ་ཁོང་ཚོར་སྐད་ཆ་བཤད་སྟངས་དང་རྩེད་མོ་རྩེ་སྟངས་ཅི་རིགས་ཤིག་ཡོད་པ་མ་ཟད། ཁོང་ཚོའི་ཁྲོད་དུ་ང་ལ་མཉམ་འཇོག་ས་དམིགས་བསལ་ཞིག་ཡོད་ནི་ཕ་མ་འཕུར་ཤུལ་ན་ལུས་པའི་བུ་ཕྲུག་རྣམས་ཡིན།
གང་ཡིན་ཟེར་ན་ད་ལྟའི་དུས་སུ་བོད་ནང་དུ་རྒྱ་ནག་གིས་ཕ་མ་བསད་པའམ་བཙོན་དུ་གདགས་པའི་ཤུལ་ན་ལུས་པའི་དྭ་ཕྲུག་ཉིན་རེ་བཞིན་ཇེ་མང་དུ་འགྲོ་བ་དང་བཙན་བྱོལ་ཁྲོད་དུ་ཕ་མ་ནུབ་ལ་འཕུར་ཤུལ་ན་ལུས་པའི་དྭ་ཕྲུག་འདི་ཚོ་ལྟ་བུ་ཇེ་མང་དུ་འགྲོ་བཞིན་ཡོད་པས། སྤྱིར་བོད་པ་དྭ་ཕྲུག་གི་གྲངས་འབོར་ཇེ་མང་དུ་འགྲོ་བཞིན་འདུག་ལ། བོད་ཀྱི་ལོ་རྒྱུས་སྟེང་གི་དྭ་ཕྲུག་མང་ཤོས་ཀྱི་དུས་སྐབས་རེད་ཅེས་ཀྱང་སྨྲ་སྤོབས། དེ་བས་བུ་ཕྲུག་འདི་དག་གི་ཁྲོད་ནས་ཕ་མ་འཕུར་ཤུལ་གྱི་དྭ་ཕྲུག་ཚོ་མཐོང་དུས་གློ་བུར་དུ་སེམས་པ་སྐྱོ་སྣང་གིས་ཁེངས་འགྲོ།
ང་རང༌། ༼བོད་འབྱོར་རྩོམ་ཡིག༽
བོང་སྟག་རི་ལུ། རི་བོ་མཐོན་པོའི་རྩེ་མོ་དེ་ལ་དར་ལྕོག་འཛུགས་མཁན་ང་ཚོ་ཡིན། གཙང་བོ་དམའ་མོའི་ཆུ་གཞུང་དེ་ལ་རྡེའུ་འབུམ་སྤུངས་མཁན་ང་ཚོ་ཡིན། གཡུ་ལོ་སྔོན་མོའི་སྤང་ཐང་དེ་ལ་ཁྱིམ་གཞི་བཅའ་མཁན་ང་ཚོ་ཡིན། དང་པོ་མཐོ་སྒང་ཨ་མ་དེ་ཡང་བདག་གིར་འཛིན་མཁན་ང་ཚོ་ཡིན། སྐྲ་སེར་སྤྲེའུས་རྔ་མ་བཅད་ནས་རིགས་རྒྱུད་སྤེལ་མཁན་ང་ཚོ་ཡིན། མདའ་དང་མདུང་གི་རྩེ་མོར་བསྐྱོད་ནས་རང་ས་འཛིན་མཁན་ང་ཚོ་ཡིན། ཀི་དང་རླུང་རྟ་ལན་གསུམ་བསྐྱོད་ནས་དགྲ་ངོ་ལེན་མཁན་ང་ཚོ་ཡིན། མི་རིགས་གཞན་པའི་བཙན་གནོན་ཁྲོད་ན་དཔུང་རྡང་སྦྲེལ་མཁན་ང་ཚོ་ཡིན། མཛུབ་གུ་ལྔ་བཅངས་ཁུ་ཚུར་བྱས་ནས་ཁོག་དཔུང་འཛིན་མཁན་ང་ཚོ་ཡིན། སེམས་པ་དམར་པོ་སྐྱེས་སུ་ཕུལ་ནས་ཕྱི་རབས་སྐྱོང་མཁན་ང་ཚོ་ཡིན། གསེར་ཏོག་སེར་པོ་ཐང་ལ་འཕངས་ཀྱང་ཤུགས་རིང་མེད་པ་ང་ཚོ་ཡིན། འབྲེལ་སྒྲ་ལྔ་བོ་མེད་པར་བཏང་རྗེས་མ་སྣུབས་ཡོད་པ་གི་ཡིག་ཡིན། སྔོན་ཆད་སུམ་གཉིས་ས་ཡི་དཀྱིལ་འཁོར་དབང་དུ་སྡུད་མཁན་ང་ཚོ་ཡིན།བར་དུ་གསལ་བྱེད་གསེར་ཡིག་སུམ་ཅུ་མཛོད་ལ་ཉར་མཁན་ང་ཚོ་ཡིན། ལོ་ཟླ་དམར་པོའི་ཆག་འཇིག་ཁྲོད་ནས་སེམས་ལ་འཛིན་མཁན་ང་ཚོ་ཡིན།…
ང་དང་ངའི་རོ་སྒམ། ༼བོད་འབྱོར་རྩོམ་ཡིག༽
བོང་སྟག་རི་ལུ། རྒྱལ་ཁབ་ཀྱིས་ང་ལ་རོ་སྒམ་ལྟ་བུའི་ཁང་མིག་ཅིག་བྱིན་རྗེས། དེའི་ལྡེ་མིག་ཡོད་ཚད་ང་ལ་སྤྲད་པར་མ་ཟད། ད་དུང་ལས་བྱེད་ཅེས་པའི་རྣ་ཚར་ཞིག་ཀྱང་བཏགས། དེ་ནས་བཟུང༌། ངས་རོ་སྒམ་ལྟ་བུའི་ཁང་མིག་དེའི་ལྷིང་འཇགས་སྲུང་བ་ཡིན། རོ་སྒམ་ལྟ་བུའི་ཁང་མིག་དེའི་ནང༌། བདེ་སྐྱིད་དང་དགོད་སྒྲ་ཡོད་ལ། དྲོལ་ཁོལ་དང་རྨི་ལམ་ཡོད། ད་དུང་ཟས་རང་འབབ་ཡིན་ལ་གོས་རང་གྲུབ་ཡིན། དེ་བས། ངས་ཕྱི་རོལ་གྱི་ནམ་ཟླ་ཏག་ཏག་བརྗེད་སོང༌། ཁ་བ་བརྗེད་སོང༌། རླུང་བུ་བརྗེད་སོང༌། ལུག་ཁྱི་བརྗེད་སོང༌།…
ཕ་ཡུལ་གྱི་གཏམ་རྒྱུད།
སྐར་ཆེན།
ལོ་ན་ཆུང་བའི་དུས་སུ།
ངའི་བསམ་པར།
ཕ་ཡུལ་འདི་རང་ལ་དབང་བའི་རྩེད་རྭ་ཆུང་ཆུང་ཞིག་རེད་སྙམ
ངའི་བསམ་པར།
ཕ་ཡུལ་འདི་ལྷ་སྒྲུང་གི་ཞིང་ཁམས་ཤིག་རེད་སྙམ།
ད་དུང༌།
ངའི་ཡིད་ལ།
ཕ་ཡུལ་འདི་ཨ་མའི་འཇམ་གཉེན་གྱི་ཕྱག་ཟུང་བཞིན།
ཧ་ཅང་དྲོད་ཁོལ་ལྡན་པ་ཞིག
ཧ་ཅང་བརྩེ་སེམས་གྱིས་ཁོལ་བ་ཞིག
ད་དུང༌།
ངའི་དྲན་སྣང་ལ།
ཕ་ཡུལ་གྱི་རི་ཆུ་ནགས་གསུམ་འདི།
ང་ལ་དབང་བའི་ཁྱིམ་གཞིས་ངོ་མ་དེ་ཡིན་བསམ་མྱོང༌།
ངས་ལོངས་སྤྱོད་བྱས་ཆོག་པའི་མ་འོངས་བའི་རྒྱུ་ནོར་ཡིན་བསམ་མྱོང༌།
སེམས་ཁུར་གྱི་སྐད་ཆ།༼བོད་འབྱོར་རྩོམ་ཡིག༽
བོང་སྟག་རིལ་ལུའི་སེམས་ཁུག་ཞིག་གླེང་བ།
འབྲོང་ཕྲུག
བོང་སྟག་རི་ལུས་དཔེ་དེབ་ཅིག་པར་བསྐྲུན་བྱ་རྩིས་ཡོད་པའི་ཁ་པར་དེ་ཟླ་བ་བཞི་ལྔ་ཞིག་གི་ཡར་སྔོན་ལ་སླེབས་བྱུང་ལ། ཟླ་བ་བཞི་ལྔ་ཞིག་གི་རིང་ལ་བདག་གིས་ཀྱང་འབོལ་རྩོམ་དང་སྙན་ངག་བསྡུས་པའི་དཔེ་དེབ་ཅིག་གི་མ་ཕྱི་བསྒྲིགས་ཟིན། དུས་ཚོད་འདིའི་ནང་དུ་ང་ལ་སེམས་ཁུར་ཞིག་ཡོང་པ་ནི་ངས་ཀློག་མཁན་དག་གི་འདོད་བློ་བསྐོང་ཐུབ་མིན་དེ་རེད། བར་སྐབས་འདིར་བོང་སྟག་རི་ལུས་རྒྱང་རིང་ནས་ང་ལ་སེམས་ཁུར་ཞིག་བསྐུར་ཡོང༌།
དུས་རྒྱུན་པར་རང་གི་ཀློག་མཁན་དག་གི་འདོད་བློ་བསྐོང་རྒྱུ་དེ་ཆུང་མ་དང་བུ་ཆུང་གི་འདོད་བློ་བསྐོང་རྒྱུ་ལས་ཀྱང་གལ་ཆེ་བར་བསམ་ན་ཡང༌། ཞིབ་འདང་རེ་བརྒྱབ་ན། ངས་ད་དུང་གཞན་སུ་ཞིག་གི་འདོད་བློ་ཡང་བསྐོང་ཐུབ་ཀྱིན་མི་འདུག འོན་ཀྱང་བོང་སྟག་རི་ལུ་ང་དང་མི་འདྲ་སྟེ། ཁོས་རང་ཉིད་ཀྱིས་བཤད་པ་ནང་བཞིན་ཁོའི་ཀློག་མཁན་གྱི་གྲས་སུ་མཐོ་བ་དཔོན་པོ་དང་མཁས་པ་ཡོད་ལ། དམའ་བ་ཡིག་རྨོངས་པ་སེལ་བར་བརྩོན་ཞིང༌། ཁོའི་སྙན་ངག་གིས་སྒྱུ་རྩལ་གྱི་ཕོ་བྲང་བཞེངས་བར་བྲེལ་བ། ཁོའི་འབོལ་རྩོམ་གྱིས་རྟོགས་སད་ཀྱི་དུང་བརྡ་འབུད་པར་རྔམ་པ་བཅས་ཀྱིས་མཚོན་ནུས་པ་དེའོ།།
མི་རྐྱང་གླུ་བའི་མིང་ལ་རི་ལུ་ཟེར།༼བོད་འབྱོར་རྩོམ་ཡིག༽
བོང་སྟག་རི་ལུ།
མི་རྐྱང་གླུ་བའི་མིང་ལ་རི་ལུ་ཟེར།།
སྨྱུ་གུའི་རྩེད་མོར་རོལ་ནས་ལོ་མང་འགོར།།
ཕྲག་དོག་མདའ་ཡི་རྨ་ཁ་ལན་ཤས་ཕོག།
མིག་ཟུང་རྒྱང་ལ་གཏད་ནས་ཉིན་ཤས་སོང༌།།
ལུས་པོ་རླུང་ཁར་གཟེད་ནས་སྲང་ལ་བསྐྱོད།།
གོམ་པ་འཁྱར་འཁྱོར་ངང་ནས་མདུན་ལ་སྤོས།།
ས་ནག་སུམ་མདོ་དེ་ནས་ངལ་ཞིག་གསོས།།
སང་གི་ཉིན་མའི་ཕྱོགས་ལ་རྒྱང་བལྟ་བྱས།།
རི་བོའི་རྩེ་ལ་བུད་ནས་ཀི་ཞིག་བཏབ།།
རང་གི་རིགས་རྒྱུད་མཐོང་ནས་སྙིང་ཞིག་འཕར།།
བོད་མི་ཀུན་ལ་ཕན་པའི་གཏམ་ཞིག་སྨྲས།།
ཡིད་མཐུན་གྲོགས་ཤིག་མེད་པས་སེམས་པ་སྡུག།
དེ་ལས་མང་བ་། “མི་རྐྱང་གླུ་བའི་མིང་ལ་རི་ལུ་ཟེར།༼བོད་འབྱོར་རྩོམ་ཡིག༽” »
བོད་ཀྱི་ཕྱུག་པོ་དང་ཨ་རིའི་ཕྱུག་པོ།
གཡང་སྐྱབས་རྒྱལ། ༢༠༠༠ ལོར་ང་རྒྱ་གར་ལྷོ་ཕྱོགས་ལ་ཕྱིན་པ་ཡིན། མོན་གྷོ་བོད་མིའི་གཞིས་ཆགས་ལ་ཕྱིན་པ་ཡིན། ང་དེ་ལ་སླེབས་སྐབས་རྒྱལ་ས་ལྷ་ས་ལ་སླེབས་པ་ལྟ་བུའི་གྲོང་ཁྱེར་ཞིག་མཐོང་བྱུང་། དེ་ནི་གཞི་རྒྱ་ཆེ་བའི་ཁང་བརྩེགས་དག་རེད་ལ། བོད་ཀྱི་རི་མོ་དོད་པའི་སྒོ་ཆེན་དང་། བུམ་གཟུགས་སུ་བཀོད་པའི་བསངས་ཁུང་། སྒེའུ་ཁུང་གི་མཐའ་ལྕགས་ལ་ཚོན་རིས་ནག་པོ་བྱུགས་པ། སྟེང་དུ་གསེར་གྱི་རྒྱ་ཕིབས་དང་རྡོ་ཀ་མ་རུའི་རྡོ་གཅལ་འདི་ཚོས་གྲུབ་ཡོད་ལ། དེ་ཚོ་ནི་གདན་ས་ཆེན་པོ་དགའ་ལྡན་དང་འབྲས་སྤུངས་བཅས་རེད། ང་སྡོད་ས་ནི་གཞིས་ཆགས་ཀྱི་གྲོང་ཁྱིམ་ཞིག་རེད། ཤིང་དུམ་གྱིས་བསྒྲིགས་པའི་སྒོ་ཆུང་དེ་འཛུལ་ནས་ཁྱམས་རྭ་དེ་ལ་སླེབས་ཤིང་། དེ་ནས་ཐོག་ཏུ་ས་ཕག་ལེབ་མོས་བཀབ་པའི་ཁང་རིང་ཞིག་ཁྱིམ་ཁ་ཤས་ལ་བགོ་བཤའ་བརྒྱབ་པའི་ཁང་མིག་ཅིག་འདུག ཐབ་དང་ཐང་གཞི་ནི་འདམ་གྱིས་བཟོས་པ་རེད།…
ལོངས་ཤིག རང་བཙན་གཞས།
གོང་གསལ་ནི་ ང་དགུ་རྗེས་དྲན་ཞེས་པའི་གཞས་ཚོགས་པ་ཞིག་གིས་བཏང་བ་དེ་ ཡུ་ཊུབ་ནས་ཕྱོགས་བསྡུས་བྱས་པ་ཡིན། ཁོང་ཚོའི་དྲ་ཤོག་གི་ཁ་བྱང་ནི་གཤམ་གསལ་ལྟར་རེད། http://www.r59band.altpro.net/bandsite
ཁ་བརྡ་གྲུ་ཁང་གི་རྩོད་རྙོག
བླུན་པོ་གཡག་གི་སྙིང་རྩ་ཅན་རྣམས་གཡག་བཞིན་ངུར།། གླེན་པ་ལུག་གི་མགོ་བོ་ཅན་རྣམས་ལུག་བཞིན་འབའ།། མ་བརྟག་ཧོལ་རྒྱུག་བྱེད་ལ་གོམས་རྣམས་ཁྱི་བཞིནཟུག། ཚིག་གཅིག་ཡང་ཡང་སྐྱར་ཟློས་བྱེད་རྣམས་ནེ་ཙོ་བཞིན།། གྲྭ་བའི་སྙན་ངག་ཡིན་ཟེར་ཁ་ཕོ་འབྲུག་གྲགས་གྲགས།། ཚིག་གི་སྦྱོར་བར་བལྟས་ན་བྱིས་པས་རྡོ་བསྒྲིགས་བསྒྲིགས།། དཔྱད་ན་སྒྱུ་རྩལ་གྱིས་ཕོངས་མྱ་ངམ་ཐང་སླེབས་སླེབས།། མྱངས་ན་ཕྱུར་ཁུ་བཞིན་དུ་བྲོ་བ་སྐྱུར་སིལ་སིལ།། སྟག་སྨྱོན་སྟག་གིས་སོ་གཅིག་བརྒྱབས་པས།། ཀླུ་སྨྱོན་ད་བར་སྨྱོན་པ་ཆགས་འདུག། སྨྱོན་པའི་ཆིག་ལབ་རྫོགས་རྒྱུ་མེད་གི། སྨྱོན་པའི་སྐྱར་ཟློས་ཚར་རྒྱུ་མེད་གི།། མགོན་པོ་ཕྱག་གཉིས་ཕྱག་གཅིག་གཡུགས་ཏེ།། སྨྱོན་པའི་སྨྱོ་དེ་ཇེ་ཐུར་ཕྱིན་འདུག། མདའ་ཚན་དེ་རིང་སྙིང་རྗེ་སྐྱེས་ཏེ།།…
མི་ལུས་ཐོབ་པའི་སྡུག་བསྔལ།༼བོད་འབྱོར་རྩོམ་ཡིག༽
བོང་སྟག་རི་ལུ།
ཐོག་མར་མི་ལུས་ཐོབ་པར་དགའ་སྣང་ཞིག་སྐྱེས་ཀྱང༌།།
བར་དུ་མི་ཡུལ་འགྲིམས་པའི་ངལ་དུབ་ཀྱིས་གཟིར་བ།།
ཐ་མར་མི་སེམས་དཀྲུགས་པའི་སྡུག་བསྔལ་ཞིག་སྐྱེས་པས།།
མི་ཡུལ་མི་ཡུལ་ཞེས་པར་ཞེན་ཆགས་ཤིག་མ་སྐྱེས།།
མི་རྣམས་མཐོང་ན་བྱ་ཚོགས་ཀྱུག་ཀྱུག་གིས་འཕུར་ཞིང༌།།
མི་སྐད་ཐོས་ནས་རི་དྭགས་ཕྱོགས་བཞི་རུ་འབྲོ་ལ།།
མི་ལུས་མཐོང་ན་ཨ་བྲ་ཙག་ཙག་གིས་གྲག་པས།།
མི་འདི་འཇིགས་སུ་རུང་བའི་གཅན་གཟན་དང་འདྲ་འདུག།
དེ་ལས་མང་བ་། “མི་ལུས་ཐོབ་པའི་སྡུག་བསྔལ།༼བོད་འབྱོར་རྩོམ་ཡིག༽” »
