སྤོབས་པ་མཐའ་ཡས།
པེ་ཅིང་ཨོ་ལེམ་པིག་གི་རྩེད་འགྲན་གྲ་སྒྲིག་ནི་རྩེད་འགྲན་ཆེན་པོ་ཞིག་གྲ་སྒྲིག་བྱེད་བཞིན་པ་མི་འདྲ་བར་དམག་འཁྲུག་ཆེན་པོ་ཞིག་གྲ་སྒྲིག་བྱེད་བཞིན་པ་དང་མཚུངས། དེ་ལོས་ཡིན། པེ་ཅིང་ཨོ་ལེམ་པིག་ནི་དམག་འཁྲུགས་ལྟ་བུའི་རྙོགས་ཟིང་ཤ་སྟག་བརྒྱུད་ནས་འོངས་པ་ཞིག་ཡིན། པེ་ཅིང་གི་དམག་འཁྲུགས་གྲ་སྒྲིག་བྱེད་བཞིན་པ་དེ་ཡང་ཨོ་ལེམ་པིག་གི་རྩེད་འགྲན་གྱི་ཆ་ཤས་ཤིག་ཡིན་གྱི་རེད། ཁོང་ཚོའི་དྲག་ཤུགས་དེ་ལི་ཡུལ་ལམ་ཤར་ཏི་ཀི་སི་ཐན་པ་ལ་ངོམ་དགོས་ལ། ཨ་རིར་གནས་དབྱུངས་བཏང་ཟིན་པའི་ལི་ཡུལ་གྱི་ཨ་མ་རྒན་མོ་ལྕམ་ར་བྷི་ཡ་ཁ་རྡེར་ལ་ངོམ་དགོས། བོད་པ་ལ་ངོམ་དགོས། རྡ་རམ་ས་ལའི་ནགས་ཁྲོད་ན་བཞུགས་པའི་དགེ་སློང་བསྟན་འཛིན་རྒྱ་མཚོ་ལ་ངོམ་དགོས། ནང་སོག་པ་ལ་ངོམ་དགོས། ད་དུང་གནམ་བདེ་སྒོ་མོའི་ཐང་གི་མཐོ་སློབ་པའི་རྣམ་ཤེས་གཅེར་བུ་ཚོར་ངོམ་དགོས། མིའི་རིགས་ཀྱི་རང་དབང་དོན་གཉེར་མཁན་གྱི་ཚོགས་སྡེ་ཚོར་ངོམ་དགོས། ལྷག་པར་ཡང་པེ་ཅིང་ཨོ་ལེམ་པིག་ལ་རྒྱབ་སྐྱོར་དང་མཉམ་ཞུགས་བྱེད་མཁན་ཚང་མ་ལ་ངོམ་པ་རེད།
དེ་ལས་མང་བ་། “པེ་ཅིང་རྩེད་མོར་ཕེབས་མཁན་གྱི་སྐུ་མགྲོན་ཚོར་ཞུ་བ།” »
