གཡང་སྐྱབས་རྒྱལ་གྱིས།
ད་ནི་མཚན་གྱི་ཆུ་ཚོད་དང་པོ་རེད། ངའི་སྡོད་ས་འདི་འཇམ་ཏིང་ངེར་འདུག ཁ་ཤས་ཀྱིས་གཉིད་ལམ་འཁྲུགས་པོ་རེ་གཏོང་གི་ཡོད་ལས་ཆེ་ལ། ཁ་ཤས་ནི་འདོད་པའི་་་་་ཡོད་ལས་ཆེ། ངས་ཨོ་ལིམ་པིག་གི་ལྟད་མོ་འགའ་ལ་བལྟས་པ་ཡིན། རྒྱ་ནག་གིས་གསེར་གྱི་རྟགས་མ་བཅུ་གྲངས་ཤིག་བླངས་པ་རེད་ཟེར། ད་དུང་ག་ཚོད་ལེན་མིན་སུས་ཤེས་ཟེར། ང་ལྕགས་རྒྱ་འགྲམ་ནག་གིས་ཉིན་ཤས་སྔོན་གླེང་མོལ་བྱས་པའི་དོན་དེར་བསམ་བློ་བཏང་། ཨ་ཁ།
ངས་རང་སྐྱེས་སའི་གྲོང་གསེབ་དེ་ལ་བསམ་བློ་བཏང་། ངའི་མིག་ལམ་དུ་སྲང་ལམ་འདམ་གྱིས་ཁེངས་པ་དེ་ཤར། མི་ཐོག་འདི་ལ་འདམ་གྱིས་ཁེངས་ལ་མི་ཐོག་སྔོན་མ་ལ་ཡང་འདམ་གྱིས་ཁེངས། མི་ཐོག་བདུན་བརྒྱད། དེ་ལས་མང་བའི་མི་ཐོག་མང་པོར་འདམ་གྱིས་ཁེངས། ངའི་གྲོང་གསེབ་ལ་རྡོ་དང་ཆུ་ཡོད། འདམ་གྱིས་ཁེངས་པའི་ལམ་འདི་ལ་བཟོ་བཅོས་བྱེད་པའི་འདུན་པ་ཡེ་ནས་མ་ཤར། དེའི་དོད་དུ་ཁོང་ཚོས་མི་རབས་ནས་མི་རབས་བར་གསེར་རྐོང་དང་དངུལ་རྐོང་ཕུལ་ནས་ལུས། ད་དུང་ཉིན་རེ་བཞིན་མཁོ་བའི་གསང་སྤྱོད་གཅིག་ཀྱང་མེད། ཆོས་དང་དད་པ། སྐྱེ་བ་ཕྱི་མ་དང་བླ་མ། འཛམ་གླིང་གི་མིའི་ཚེ་ཚད། འདི་ཚོ་ནི་ཁོ་ཚོས་གཅེས་པ་དེ་རེད། ལྟོ་རང་གིས་འཚོལ། དཔུང་རང་གིས་སྒྲིག རང་ས་རང་གིས་སྲུང་། འདི་ཚོ་ནི་ཁོ་ཚོ་ལ་མི་དགོས་པ་དེ་རེད།
བོད་ཀྱི་དབུ་འཁྲིད་ཏཱ་ལའི་བླ་མར་ངོས་གཞན་ཞིག་ནས་བལྟ་བ།
གཡུ་ཚང་ལྷ་མོ་དོན་གྲུབ། ཨ་རི།
ཉིན་འདི་དག་ལ་བོད་དོན་གྱི་ཕྱོགས་ལ་བསམ་བློ་གཏོང་ཐེངས་རེར། རྒད་པོ་ང་སེམས་འཚབ་ཀྱིས་མནན་ཅིང་སེམས་སྡུག་གིས་མནར། ང་དགུ་ལོར་བཙན་བྱོལ་ལ་སླེབས་ནས་བཟུང་ད་ལྟ་བར་དུ་བོད་ལ་ལོག་རྒྱུར་རེ་བ་བརྒྱབ་ནས་བསྡད་ཡིན། འོན་ཀྱང་། དེ་རིང་སང་ཉིན། རྒད་པོ་ངའི་ལུས་ཀྱི་གནས་སྟངས་ལ་བལྟས་ན། ང་ཤི་རྒྱུར་ཅང་མི་འདུག མང་ན་ལོ་གཉིས་དང་ཉུང་ན་ཟླ་བ་ཁ་ཤས་ལས་ང་འཇིག་རྟེན་འདིེར་བསྡད་ཐུབ་རྒྱུའི་རེ་བ་མི་འདུག
ཐོག་མར་བཙན་བྱོལ་ལ་སླེབས་དུས། སོ་སོར་མཐོང་རྒྱ་དང་ཐོས་རྒྱ། ཉམས་མྱོང་སོགས་ཅི་ཡང་མེད་ན་ཡང་། མང་གཙོ་ཟེར་དུས་ཡག་པོ་ཞིག་རེད་བསམ་མྱོང་། ཚང་མ་ལ་ཐོབ་ཐང་འདྲ་མཉམ་དང་རང་དབང་འདྲ་མཉམ་ཡོད་པ། ཇི་འདྲའི་སྐྱིད་པ་ལ་བསམ། འོན་ཀྱང་། ངའི་མི་ཚེའི་ནང་ལ་རང་དབང་དང་ཐོབ་ཐང་ཕར་ཞོག སྨྲ་བརྗོད་རང་དབང་གཙང་མ་ཞིག་ཀྱང་བེད་སྤྱོད་གཏོང་ཐུབ་མ་སོང་། ལོ་ན་གཞོན་པའི་སྐབས་སུ། མཚམས་རེར་སེམས་ཤུགས་ཀྱི་དབང་གིས་སོ་སོའི་ཡོད་པའི་རང་དབང་དང་ཐོབ་ཐང་དེ་དག་བེད་སྤྱོད་གཏོང་རྒྱུར་བརྩོན་ལེན་བྱས། ཡིན་ན་ཡང་། བཙན་བྱོལ་བོད་མིའི་བཅའ་ཁྲིམས་ཀྱི་ཁོངས་སུ་གསལ་བའི་རང་དབང་དང་འདྲ་མཉམ་ཟེར་བ་དེ་དང་དོན་དངོས་ཀྱི་རང་དབང་དང་འདྲ་མཉམ་ཟེར་བ་དེ་གཉིས་ཀྱི་བར་ན་ཁྱད་པར་ཆེན་པོ་འདུག དེའི་ཕྱིེར། ད་ལྟ་བར་དུ་རྒད་པོ་ང་ཁ་ཚུམས་ནས་བསྡད། གང་ལྟར། ད་ཤི་ཁ་འགྲོ་ཁར་རྒད་པོ་ངས་ཀྱང་སོ་སོའི་སྨྲ་བརྗོད་རང་དབང་དེ་བེད་སྤྱོད་གཙང་མ་ཐེངས་གཅིག་བྱེད་ན་འདོད། འོན་ཀྱང་། ངའི་སྨྲ་བརྗོད་རང་དབང་འདིས་བོད་མི་མང་པོ་ཞིག་གི་སེམས་ལ་དོ་ཕོག་འགྲོ་རྒྱུ་ཡིན་པའི་ཚོད་དཔག་སྔོན་ཚུན་ནས་ངའི་སེམས་ལ་ཡོད། ད་ནི་སྐད་ཆ་རེ་གཉིས་བློ་ཁོག་ཆེན་པོས་མ་བཤད་རང་བཤད་ཆགས་སོང་།
དེ་ལས་མང་བ་། “བོད་ཀྱི་དབུ་འཁྲིད་ཏཱ་ལའི་བླ་མར་ངོས་གཞན་ཞིག་ནས་བལྟ་བ།” »
ཤིག་ལ་སྡིགས་པ།
བོང་སྟག་རི་ལུ། བོད།
ཁྱེད་ཀྱིས་ངའི་འབར་འབུར་གྱི་སྒལ་ཚིགས་འདིར་གནས་ཚང་བཅས་ནས་མི་ལོ་ག་ཙམ་འགོར་སོང༌།
ཁྱེད་ཀྱིས་ངའི་ལྷད་མེད་ཀྱི་ཟུང་ཁྲག་འདི་ཧུབ་ཀྱིས་རྔུབས་ནས་མི་ལོ་ག་ཙམ་འགོར་སོང༌།
དང་པོ་དང་པོ་ཙ་ན།
ང་ཡང་ཨ་མའི་མངལ་ནས་ལྷུང་དུས།
ངའི་རང་ལུས་དྲོན་མོ་འདི་རྨ་ཁའི་མ་རེག་པའི་མི་ལུས་གཙང་མ་ཞིག་ཡིན།
ངའི་ཡུམ་སྐད་དྭངས་མོ་དེ་ལྷད་ཀྱིས་མ་གོས་པའི་རྫ་ཆུ་བསིལ་མ་ཞིག་ཡིན།
བོད་ཀྱི་སྐོར་སྦྲང་མའི་སྦྲང་སྐད་ཙམ་ཡང་མི་འདུག
དེ་རིང་ཨ་རིའི་སྲིད་འཛིན་བྷུ་ཞི་དང་རྒྱ་ནག་གི་སྲིད་འཛིན་ཧུ་ཅིན་ཐོ་གཉིས་མཇལ་འཕྲད་བྱས་འདུག དེའི་སྐོར་ངས་དབྱིན་སྐད་ཀྱི་ཞིན་ཧྭ་གསར་འགྱུར་དང་རྒྱ་ནག་གི་ཉིན་རེའི་གསར་འགྱུར་གཉིས་ལ་བལྟས་པ་ཡིན། བོད་ཀྱི་སྐོར་སྦྲང་མའི་སྦྲང་སྐད་ཙམ་ཡང་གོ་རྒྱུ་མི་འདུག ཀོ་རི་ཡའི་རྡུལ་ཕྲན་མཚོན་ཆའི་སྐོར། ཨི་རན་གྱི་རྡུལ་ཕྲན་མཚོན་ཆ། ཌར་ཧྥུར་དང་གཞན་ཐེ་ཝན་གྱི་སྐོར་བཅས་གླེང་མོལ་བྱས་པའི་གནས་ཚུལ་འདུག་པ་ལས་བོད་སྐོར་གང་ཡང་མི་འདུག རྒྱ་བཙོག་དེ་ཚོས་དེའི་སྐོར་མ་བཀོད་པ་ཡིན་ནམ་ཅི་། གཞན་པའི་གསར་འགྱུར་ལ་ལྟ་ཐུབ་མ་སོང་། ཁྱེད་ཚོས་དེའི་སྐོར་ཅང་ཤེས་ཡོད་དམ།
དུས་ཚོད་འཕྲོ་བརླག་ཏུ་གཏོང་ན་འདིར་གཟིགས།
དུས་ཚོད་མི་འཁྱོལ་ན་རེམ་མ་འདིར་རྡེག་གནོན་བྱོས། http://www.youtube.com/watch?v=UJl4jVFxuRI
འདི་ལ་རློམ་རྒྱུ་རེ་ཨེ་ཡོད།
ད་ནངས་ནས་བོད་ནང་དང་རྒྱ་ནག་ཏུ་ཨེ་ཤི་ཡའི་རང་དབང་རླུང་འཕྲིན་ཁང་གི་དྲ་ཚིགས་ལ་ལྟ་ཀློག་བྱེད་ཐུབ་ཀྱི་འདུག་པས། འདི་ནི་རྒྱ་ནག་གི་གཡོ་ཇུས་ཤིག་རེད་དམ་བཟང་ཕྱོགས་ཀྱི་རྣམ་འགྱུར་ཕྲན་བུ་ཞིག་རེད། རེ་བ་ཅན་གྱི་དྲ་གྲོགས་ཚོ།
ཁ་བྲོ་རྒྱུ་ཆའོ།། ཡང་སྐད་བརྒྱབ་འདུག
ཁ་བྲོ་རྒྱུ་ཆའོ། ཚེ་རིང་རྒྱུ་ཆའོ།། ལོ་བརྒྱ་རྒྱུ་ཆའོ།། (གོང་གི་འདི་གློག་བརྙན་ཐུང་ཐུང་ཞིག་རེད། དཀྱིལ་གྱི་ཟུར་གསུམ་རྟགས་ཅན་ལ་བསྣུན་ན་གློག་བརྙན་ཤར་ཡོང་) ———————————————————— ང་འཚབ་འཚུབ་ཀྱིས་གོང་གི་གློག་བརྙན་དེ་ཕུལ་བ་ཡིན། བུ་མོ་དྲུད་ནས་ཕྱིན་པ་དེ་བོད་མི་རེད། མཚན་ལ་པད་མ་སྒྲོལ་མ་ཞུ་ཞིང་ད་ལྟ་འཇར་མི་ནི་ལ་སྡོད་ཀྱི་ཡོད་པ་དང་། ལོ་ ༢༡ རེད། པེ་ཅིན་གྱི་དེ་རིང་གི་ཆུ་ཚོད་ ༣ དང་སྐར་མ་…
གངས་དཀར་ལྷ་མོ་བཙལ་བའི་རྟོགས་བརྗོད།
ངའི་རྩོམ་ཉོག་དེ་གཤམ་དུ་རྡེག་གནོན་བྱས་ན་ཀློག་ཐུབ། http://www.tibetcm.com/new/News_View.asp?NewsID=500
རིག་གནས་གསར་བརྗེ་ཞིག་ཡོང་གི་ཡོད་དམ།
དེ་རིང་ངས་བོད་ཀྱི་དུས་བབ་གསར་ཤོག་གི་དྲ་རྒྱའི་སྟེང་ནས་བོད་དུ་རིག་གནས་གསར་བརྗེ་ཡང་བསྐྱར་ཡོང་རྒྱུ་ཡིན་པའི་སྐད་ཆ་ཞིག་བཀོད་པ་མཐོང་བྱུང་། ད་ལོའི་ཟླ་བ་གསུམ་པ་ནས་བཟུང་ང་ཚོ་བོད་ནང་ལ་འབྲེལ་བ་ཡོད་མཁན་ཚོས་འཇིགས་དངངས་དང་། འཚབ་འཚུབ། གཟབ་གཟབ། སེམས་འཚབ་སོགས་ཅི་ཙམ་བྱེད་དགོས་པ་འདི་ཤེས་གསལ་ཡིན། ད་ནི་འདི་འདྲའི་སྐད་ཆ་ཞིག་སླེབས་དུས་ང་ཚོས་ཅི་ཞིག་བྱེད་དགོས་པ་རེད། རྒྱ་འདི་ལ་རང་གི་ལྟོ་གོས་གཏམ་གསུམ་ལས་གཞན་མི་དགོས་པ་ནི་ཁ་གསལ་རེད། འདིས་རང་གི་ལྟོ་གོས་གཏམ་གསུམ་གྱི་ཆེད་དུ་ཅི་ཡང་བཤད་ཕོད་ལ་ཅི་ཡང་བྱེད་ཕོད་པ་ཞིག་རེད། འདི་ལ་ངོ་ཚ་མི་འདུག འདི་ལ་སྐྲག་སྣང་མི་འདུག འདི་ལ་འཛེམས་ཟོན་མི་འདུག འདི་ལ་གནས་ལུགས་མི་འདུག ད་ཅི་བྱེད། ཁྱེད་ཚོས་དེའི་སྐོར་གོ་ཐོས་བྱུང་ངམ། དཀའ་ངལ་མྱོང་མཁན་ནི་བོད་མི་དཀྱུས་མ་ཚོ་ཆགས་རྒྱུ་རེད།…
བརྒྱད་པའི་ཚེས་བརྒྱད་དང་ཞར་བྱུང་སེམས་ཁྲལ།
སྐར་ཆེན།
ནམ་རྒྱུན་ནས་ང་ནི་བསམ་ཚུལ་གླེང་རྒྱུར་དགའ། རྨོངས་འཆར་སྤེལ་རྒྱུར་དགའ། གང་ཤེས་བ་དེ་གཞན་ལ་བརྒྱུད་སྤྲོད་བྱེད་རྒྱུར་དེ་བས་དགའ། འོན་ཀྱང༌།
དེ་རིང་སང་ཉིན། ངེད་ཀྱིས་བསམ་ཚུལ་གླེང་མི་ཤེས་བའི་ཚད་ཞིག་ལ་སླེབས།
གྲོགས་པོས་ཁྱེད་ཀྱིས་ཅི་ཞིག་བྱེད་ཀྱི་ཡོད་དམ་ཞེས་དྲིས་ཚེ༌། ལན་ནི་གཞན་གྱིས་སྤེལ་བའི་རྩོམ་ཡིག་རང་གི་སྐད་དུ་བསྒྱུར་ནས་བསྡད་ཡོད་ལབ་རྒྱུ་དེ་ཡིན། འོ་ན། ཅིའི་ཕྱིར་ང་བསམ་ཚུལ་གླེང་མི་ཤེས་བའི་ཚད་ལ་སླེབས་པ་རེད་དམ་ཟེར་ན། ང་ལ་དམིགས་བསལ་གྱི་ལན་མེད་ལ་ལན་གྱི་ངལ་བ་ཁུར་ལ་བླངས་ནས་ཅི་བྱེད།
དེ་རིང་སང་ཉིན་བོད་དོན་ཞེས་ཕར་རྒྱ་ནག་ལ་བརྗོད་མི་དགོས་བར་རྒྱ་ནག་གིས་ང་ཚོ་ལ་བོད་དོན་ཚུར་འགྲེལ་བརྗོད་རྒྱག་གི་ཡོད་པའི་གནས་སྟངས་ཤིག་ལ་སླེབས་འདུག
ནང་གི་མེ་ལྕེ།
བསྟན་འཛིན་བརྩོན་འགྲུས།
སྐར་ཆེན་གྱིས་བསྒྱུར།
དཀའ་ངལ་ཆེ་ཤོས་ཤིག་ནི་ང་ཚོས་སྔོན་ཆད་བྱུང་མ་མྱོང་བའི་འགུལ་བསྐྱོད་ཀྱི་གོམ་སྟབས་ཆེན་པོ་ཞིག་ཕྱིའི་དེང་རབས་སྤྱི་ཚོགས་སུ་སྤོ་མ་ཐུབ་པ་དེ་རེད། ཁེར་རྐྱང་དུ་བསྡད་པའི་དབང་གིས༌། འཛམ་གླིང་དམག་ཆེན་གཉིས་པའི་རྗེས་ཀྱི་ཧི་མ་ལ་ཡའི་རྒྱབ་ལོགས་ཀྱི་འཛམ་གླིང་ཧྲིལ་བོའི་འགྱུར་འགྲོས་ཀྱི་རྗེས་ང་ཚོས་མ་ཟིན་པ་རེད། དེར་བརྟེན། ཧི་མ་ལ་ཡའི་ནང་ལོགས་ཀྱི་བོད་པའི་སྤྱི་ཚོགས་དེ་ཀླད་རྙིང་མཁྲེགས་བཟུང་ཅན་གྱི་ཆོས་ལུགས་མི་སྣ་དང་ཁེ་དབང་གཅིག་པོར་རྔམ་པའི་སྐུ་དྲག་མི་སྣས་བསྒྱུར་བཀོད་བྱེད་སའི་ཞིང་བྲན་ལམ་ལུགས་ཀྱི་སྤྱི་ཚོགས་ཤིག་ཆགས་པ་རེད། ཕྱོགས་གཅིག་ནས་སྔོན་བྱོན་མཁས་པ་དག་གིས་ནང་ཆོས་འདི་བོད་ལ་དར་སྤེལ་བྱས་དེ་ཐོས་བསམ་དང་ཉམས་ལེན་གྱི་གདན་གསར་བ་ཞིག་བཏིངས་ཤིང་ཕྱོགས་གཞན་ཞིག་ནས་དེ་ཡར་རྒྱས་ཀྱི་བརྒྱུད་རིམ་ནང་ཆོ་ག་ཕྱག་ལེན་བྱེད་རྒྱུ་གཅིག་པོ་རྒྱ་ཆེ་རུ་བཏང་ནས་་རྨོངས་དད་ཤུགས་ཆེ་རུ་བཏང་འདུག
སློབ་གྲྭའི་དུས་ནས་བཟུང༌། ང་རང་བོད་ཀྱི་ཤེས་ལྡན་པའམ་བློ་གྲོས་ཅན་གྱི་མི་སྣ་དགེ་འདུན་ཆོས་འཕེལ་དང་དོན་གྲུབ་རྒྱལ༌། ཟླ་བ་ནོར་བུ། འཇམ་དབྱངས་ནོར་བུ། ལྷ་བཟང་ཚེ་རིང་བཅས་ལ་ཡིད་སྨོན་བྱེད་བཞིན་འཚར་ལོངས་བྱུང་བ་ཡིན། ད་དུང༌། མི་ལ་རས་པ་དང་གླིང་གེ་སེར་ནི་ང་རང་ཆེས་དགའ་སའི་བོད་ཀྱི་མི་སྣ་གཉིས་ཡིན།
ཐོབ་ཐང་རྩོད་ལེན་བྱེད་ན་འགྲིག
སྤྲིན་བྲལ། བོད།
འཇིག་རྟེན་ཁམས་ན་སེམས་ཅན་མང་པོ་ཡོད་ལ། བཟང་ངན་མཐོ་དམན་གྱི་དབྱེ་བ་ཡོད་པར་འདོད་པ་དང་མེད་པར་འདོད་པ་རིགས་གཉིས་ཡོད། ནང་པ་སངས་རྒྱས་པ་ལྟར་ན། རིགས་དྲུག་སེམས་ཅན་ལ་མ་ཡི་འདུ་ཤེས་འཛིན་དགོས་བར་གསུངས་ཡོད་ནའང༌། ད་ཡོད་ཀྱི་འཚོ་བའི་ཁྲོད་དུ་རིགས་རུས་སྐྱེ་ཁུངས་ལ་བཟང་ངན་མཐོ་དམན་གྱི་ཁྱད་པར་ཆེ།
འདུ་ཤེས་འཛིན་སྟངས་དེས་མི་རྣམས་ཀྱི་འཚོ་བ་དང་བསམ་བློ་ལ་བར་ཆད་བཟོ་བཞིན་འདུག འོན་ཀྱང༌། བར་ཆད་དེ་སེལ་ཐུབ་མིན་ནི། ཐད་ཀར་རང་སྟེང་ནས་བཟང་ངན་མཐོ་དམན་གྱི་ཁྱད་པར་ཡོད་མེད་ཁས་ལེན་མིན་དང༌། གཞན་ལ་འདྲ་མཉམ་གྱི་གནས་ལུགས་དེ་ངོ་སྤྲོད་པར་བརྩོན་པ་བྱེད་མིན་ལ་ཐུག་ཡོད། རང་ལ་ངོ་འཕྲོད་པ་དེ་གཞན་ལ་ངོ་སྤྲོད་ཐུབ་པ་བྱུང་ན། ཡོད་ཚད་འདྲ་མཉམ་གྱི་གནས་ལུགས་དེ། ཚང་མས་གཞི་ནས་རྟོགས་ཐུབ་རྒྱུ་རེད། སེམས་རྣལ་ལ་ཕབ་ནས་བསམ་བློ་རེ་བཏང་ན། ཡོད་ཚད་འདྲ་མཉམ་གྱི་གསན་ལུགས་དེ་རྟོགས་ཐུབ་པར་དཀའ་ངལ་ཅི་ཡང་མེད། དཔེར་ན། ཕན་ཚུན་ལ་འཕྲིན་ཡིག་བསྐུར་སྐབས། ཡིག་ཤུབ་སྟེང་དུ་སྡོད་གནས་དང་བསྐུར་ཡུལ་གྱི་མིང་དེ་བོད་ཡིག་གིས་བྲིས་པས་ཀྱང་གསལ་ཁ་གཏོད་ཡོང༌། མི་རིགས་འདྲ་མཉམ་དང་ཡིག་རིགས་འདྲ་མཉམ་གྱི་སྲིད་ཇུས་ལག་ལེན་དུ་བསྟར་ནས་མི་ལོ་དྲུག་ཅུར་ཉེ་ན་ཡང༌། ང་ཚོ་བོད་པ་ཚོས་ཡིག་ཤུབ་སྟེང་དུ་བོད་ཡིག་མ་བྲིས་བར་རྒྱ་ཡིག་ཁོ་ན་བྲིས་ཏེ་ད་ལྟའི་བར་ལུས། བཅིངས་གྲོལ་བྱས་མ་ཐག་བོད་ཡིག་བྲིས་བའི་ཡིག་ཤུབ་འགའ་རེ་མཐོང་མྱོང༌།
བོད་དོནངོ་རྒོལ།
༢༠༠༨།༠༨།༠༩ ཉིན་ཐེན་ཨན་མིན་ཐང་ཆེན་དུ་ཕྱི་རྒྱལ་བ་ལྔས་མར་ས་ལ་ཉལ་ནས་ཤི་རྫུ་བཏབ་སྟེ་བོད་དོན་ཆེད་ངོ་རྒོལ་བྱས་འདུག དེའི་ནང་གི་གཅིག་ངའི་ངོ་ཤེས་པ་ཞིག་ཡིན། ཁོང་གི་མིང་ལ་ ཁིར་སི་ཁྲོ་ཧྥུ་ཟེར་ཞིང་། ད་ལྟ་དགུང་ལོ་ཉི་ཤུ་རྕ་བཞི་ཡིནཔ་དང་སློབ་གྲུ་ཆེན་མོར་འགྲིམས་བཞིན་པའི་སློབ་ཕྲུག་ཅིག་ཡིན། ཁོང་བོད་རང་དབང་སློབ་ཕྲུག་ཚོགས་པའི་ནང་ཡང་ཡོད་པ་རེད། ཁོང་གི་སྐྱེས་ས་དང་འཚར་ས་ཀེ་ན་ཊའི་མོན་ཁྲེ་རེལ་གྲོང་ཁྱེར་ལ་རེད། གཞན་ཡང་ཧོང་ཀོང་དུའང་བོད་དོན་ལ་ངོ་རྒོལ་ཞིག་བྱུང་འདུག ང་ཚོ་བོད་མི་རྣམས་ཕར་ངོ་རྒོལ་ལ་འགྲོ་བར་ཐོངས་མཆན་རག་དཀའ་བའི་སྐབས་འདིར་ཁོང་ཚོ་ལྟ་བུ་དྲང་བདེན་ལ་དགའ་བའི་ཕྱི་རྒྱལ་བ་ཉུང་ཤས་ཤིག་མ་སྐུལ་དང་བླངས་ཀྱིས་ཕར་ཕྱིན་ནས་བོད་དོན་ལ་ངོ་རྒོལ་སྤེལ་བར་རྗེས་སུ་ཡི་རང་དང་བསྔགས་བརྗོད་ཞུ་གི་ཡོད། ད་རུང་མུ་མཐུད་དུ་ངོ་རྒོལ་རིགས་འདྲ་མིན་ཡོང་གི་རེད་བསམ། བོད་རྒྱལ་གྱུར་ཅིག http://freetibet2008.org/globalactions/tsquare/
ཨོ་ལིམ་པིག་གི་མཛད་སྒོ་དེ་ད་ལྟ་རང་བལྟས་པ་ཡིན།
གྲོགས་པོ་མདའ་ཚན་པས་ཉིན་གཅིག་གི་སྔོན་ནས་མཐོང་ཟིན་པའི་མཛད་སྒོ་ངས་ད་སོ་མ་བལྟས་པ་ཡིན། ང་ལ་མཐོང་ཚུལ་འགའ་ཞིག་བྱུང་། མདའ་ཚན་པས་གསུངས་པ་བཞིན་ངོ་མཚར་དེ་ཚོ་ནི་ངོ་མཚར་རང་རེད། ཡིན་ན་ཡང་ངས་མི་སྟོང་ཕྲག་མང་པོ་མཉམ་རུབ་ཀྱིས་རྔ་བརྡུང་ནས་སྒུར་དགྱེས་བྱེད་སྐབས་དེར། ཆོས་ལུགས་ཞིག་ལ་རྨོངས་དད་ཀྱིས་དམར་མཆོད་བྱེད་བཞིན་པའི་ཚོར་སྣང་ཞིག་བྱུང་། དེ་ནས་རྒྱ་མི་དང་རྒྱ་མི་རེད། ཐེ་ཝན་ལ་སླེབས་དུས་ཁྱད་མཚར། རྒྱ་ནག་གི་ཐེ་ཝན་ཞེས་བྲིས་འདུག དྲིལ་བསྒྲགས་མཁན་གྱིས་ཐེ་ཝན་ལ་རང་གི་རྒྱལ་དར་ཡང་འཁྱེར་མ་བཅུག་པ་རེད་ཟེར། ཐེ་ཝན་གྱིས་རས་ལེབ་ཞིག་གི་སྟེང་ལ་ཨོ་ལིམ་པིག་གི་རི་མོ་ཡོད་པ་ཞིག་འཁྱེར་འདུག ཧོང་ཀོང་ལ་ནི་ཧོང་ཀོང་ཞེས་པ་གཞན་བྲིས་མི་འདུག ལྟད་མོ་བ་ཚོས་བྱང་ཀོ་རི་ཡ་དང་ཁུའུ་བྷ་རྒྱལ་ཁབ་སླེབས་དུས་སྐད་གཟེངས་བརྒྱབ་སོང་། དམར་པོའི་རྒྱལ་ཁབ་ཀྱི་ཕྱོགས་ཞེན་ཡིན་པ་འདྲ། དེ་ནས་རྒྱ་ནག་གི་ལུས་རྩེད་པ་ཚོ་སླེབས་སོང་། བརྙན་འཕྲིན་འགྲེལ་བརྗོད་པས།…
དེ་ལས་མང་བ་། “ཨོ་ལིམ་པིག་གི་མཛད་སྒོ་དེ་ད་ལྟ་རང་བལྟས་པ་ཡིན།” »
ཕ་ཡུལ་དུ་ཨོ་རྩལ་མཛད་སྒོར་བཅར་མཁན།
ངས་ཕ་ཡུལ་ལ་ཁ་པར་པཏང་ནས་གནས་ཚུལ་ཤེས་པ་ལྟར་ན། ཕ་ཡུལ་དུ་ཨོ་ལིམ་ཕིག་གི་མཛད་སྒོར་མི་བཞི་བཅར་གྱི་འདུག ད་རེས་འདས་པའི་དུས་དང་ཅུང་མ་འདྲ་བ་ཞིག་ནི། འཐུས་མི་འདི་ཚོ་ཚང་མ་སྤྱི་ཚོགས་ནང་མིང་ཡག་པོ་ཡོད་པའི་མི་རྐྱང་རྐྱང་ཡིན་པ་ལས་སྔོན་ཐོན་པ་དེ་འདྲ་སུ་གང་ཡང་མི་འདུག དེའི་ནང་འབྲོག་མི་རྣམས་དགའ་བོ་ཡོད་པའི་བོད་སྨན་པ་གསུམ། གཞན་འབྲོག་མི་སེམས་བཟང་རྟག་པར་དབུལ་ཕོངས་རྣམས་ལ་དངུལ་སྒོར་དང་སྒོ་ཕྱུགས་སོགས་ཀྱིས་རོགས་རམ་བྱེད་མཁན་གཅིག་བཅས་རེད། འདི་དག་ལས་ངས་ཁྱེད་ཚོར་ཨ་ཁུ་འབྲོག་པ་འདིའི་སྐོར་ངོ་སྤྲོད་ཅུང་ཟད་བྱེད་གི་ཡིན། ཁོང་ངའི་ངོ་ཤེས་ཡིན་པ་མ་ཟད་ངའི་སྟོད་ཉི་མ་ལྷ་ས་མཇལ་བའི་དབུས་རོགས་ཀྱང་ཡིན། ང་ཕ་ཡུལ་ཕྱིན་སྐབས་ཁོ་ལ་ངོ་ཐུག་བྱུང་བ་མ་ཟད། རྗེས་ནས་ཁོང་གི་སྐོར་ལ་སྒྲུང་ཡང་མང་པོ་ཞིག་གོ་བྱུང་། ཐེངས་གཅིག་ཁོང་ཟི་ལིང་གི་སྨན་ཁང་ཞིག་ལ་ཕྱིན་སྐབས། རྒྱ་མིའི་མི་ཚང་སྐྱོ་བོ་ཞིག་གི་ནང་མི་རྣམས་གཅིག་གིས་གཅིག་ལ་འཐམ་སྟེ་ངུ་འབོད་བྱེད་བཞིན་པའི་གནས་ཚུལ་མཐོང་བ་དང་། ཁོང་གིས་སྐད་ཀྱི་དཀའ་ངལ་ལ་མ་བལྟས་པར་གནས་ཚུལ་ཅི་ཡིན་གྱི་སྐོར་སྐད་ཆ་དྲིས་ཤིང་རྒྱུས་ལོན་ཡང་ཡང་བྱས་ཏེ་ཤེས་པ་ལྟར་ན། རྒྱ་མིའི་མི་ཚང་དེའི་ནང་མི་ཞིག་ན་སྟེ་གཤགས་བཅོས་མ་བྱས་ན་ཤི་རྒྱུར་ངེས་འདུག་པ་དང་། གཤགས་བཅོས་བྱེད་པ་ལ་སྒོར་མོ་མ་འདང་བར་སྨན་ཁང་ནས་ཕྱིར་འབུད་རྩིས་བྱས་འདུག…
ཨོ་ལིམ་ཕིག་མཛད་སྒོའི་སྔ་ཕྱི།
ཅི་འདྲ་འདུག གྲོགས་པོ་ཚོ། ཨོ་ལིམ་ཕིག་གི་མཛད་སྒོ ད་དུང་མ་ཚར་བར་སྟོན་གྱི་འདུག ད་ལྟ་རྒྱ་ནག་གི་ལུས་རྩལ་པ་རྣམས་ཕྱིར་ཐོན་ཡོང་གི འདིར་ཨོ་ལིམ་ཕིག་གི་མཛད་སྒོ་མ་གླེང་སྔོན་མཛད་སྒོ་མ་ཚུགས་སྔོན་གྱི་གནས་ཚུལ་དེ་ཞུ་འདོད། བོད་དོན་ཆེད་ངོ་རྒོལ། ཨོ་ལིམ་ཕིག་གི་མཛད་སྒོ་མ་ཚུགས་པའི་ཆུ་ཚོད་གཅིག་གི་སྔོན་ཙམ་ལ། ཨོ་རྩལ་རྩེ་ཡུལ་བྱེའུ་ཚང་ནང་འཛུལ་སའི་ཕར་ཕྱོགས་སུ། ཕྱི་རྒྱལ་བ་གསུམ་གྱིས་བོད་ཀྱི་རྒྱལ་དར་ཕྱར་ནས་བོད་ནང་གི་ཛ་དྲག་གནས་སྟངས་ཆེད་ངོ་རྒོལ་བྱས་འདུག ཡིན་ན་ཡང་སྐར་ཆ་བཞི་བཅུ་རྗེས་ཁོང་ཚོ་ཚང་མ་རྒྱ་ནག་གི་སྤྱི་བདེ་མི་སྣས་འཇུས་འདུག དེ་ཕ་ཡུལ་དྲ་ཚིགས་སུ་ལམ་སང་བཀོད་འདུག་པ་མ་ཟད་ངོ་རྒོལ་བྱེད་བཞིན་པའི་པར་ཞིག་ཀྱང་བཀོད་འདུག པར་ནང་མི་གཅིག་སྤྱི་བདེ་མི་སྣ་གཉིས་ཀྱིས་མར་སལ་མནན་འདུག ཡང་སྤྱི་བདེ་མི་སྣ་གཅིག་གིས་ཕོ་གསར་སྟོད་ལྭ་ནག་པོ་གོན་པ་ཞིག་གི་རྒྱབ་ལོགས་ནས་འཇུས་ཏེ་ཁོང་གི་ལག་པ་གཡས་པ་ནས་དམ་པོར་བཟུང་འདུག་ཀྱང་ཁོང་གིས་ལག་པ་གཡོན་པས་བོད་ཀྱི་རྒྱལ་དར་ཡར་བསྒྲེངས་འདུག ཁོང་གི་མདུན་དུ་ཡང་སྤྱི་བདེ་མི་སྣ་ཞིག་ཡོད་པ་དེའི་ལག་པ་འཇོག་སྟངས་ཀྱི་རྣམ་པར་བལྟས་ན།…
དབྱིངས་ཀྱི་རྣམ་ཤེས།
དབྱིངས་ཀྱི་རྣམ་ཤེས། ཚེ་རིང་སྐྱིད། རི་རྒྱུད་སྨུག་པས་གཡོག་པའི་གྲོང་གསེབ་ཞིག་ཏུ།། རྣམ་ཤེས་སྟོང་ཕྲག་དུ་མ་དྲན་པས་གདུང་ཡོད།། རེ་སྒུག་ལོ་ཟླས་བསླུས་པའི་རྒན་ཁོག་མང་སོང༌། རྨི་ལམ་རུམ་ན་ཡོད་པའི་གཞོན་པ་མང་སོང༌། ། རི་བོ་་ཧི་མ་ལ་ཡའི་ཕ་རོལ་དེ་ན།། དཔྲལ་བ་ས་ལ་བཏུག་པའི་མི་རིགས་ཞིག་གིས།། རང་ཁྱིམ་དྲོན་མོའི་མཁར་ཁ་སྲུང་བའི་ཞོར་ཏུ།། དགུང་གི་ཟླ་བར་སེམས་ཀྱི་མཆི་མ་སྐུར་ཡོད།། ནམ་མཁའི་སྐར་མདས་སེམས་ལ་ཚ་ཤེར་སློང་དུས།། གནམ་འོག་གཅིག་ན་ངུ་བའི་རྣམ་ཤེས་མང་སོང༌།། ཆུ་མོའི་གཞུང་གི་རང་དབང་ཉྭ་མོར་ལྟ་ཞོར།། ལྕགས་དྲར་ཡོད་པའི་བྱེའུ་ཆུང་སྙིང་རེ་རྗེ་སོང༌།།…
འཇིགས་བྲལ།
གསང་བའི་ལམ་ནས་བཟོ་སྐྲུན་བྱས་པའི་བོད་མིའི་སེམས་ཀྱི་ཚོར་བ་ངོ་མ་མཚོན་པའི་གློག་བརྙན་ཞིག
བོད་མི་ཚོས་བོད་དང་རྒྱ་ནག་ཨོལིམཔིཀ་བཅས་ཀྱི་སྐོར་ལ་འགྲེལ་བརྗོད་བྱེད་པ།
ཕྱི་ལོ་༢༠༠༨ ཟླ་༨ ཚེས་༦ ཉིན་གྱི་ཉིན་གུང་ཚོུད་༡༢ ཐོག་པེ་ཅིན་དུ་གསར་འགོད་གསལ་བསྒྲགས་དང་གློག་བརྙན་སྤྱན་བསྟར་ཞུ་རྒྱུ།
ཕྱི་ལོ་༢༠༠༨ ཟླ་༨ ཚེས་༦ ཉིན་གྱི་གསར་འགོད་གསལ་བསྒྲགས།
༄༅།། །ད་རིང་ཐེངས་ཉེར་དགུའི་ཨོ་ལིམ་པིཀ་རྩེད་འགྲན་ཚོགས་སའི་གྲོང་ཁྱེར་པེ་ཅིན་གྱི་ནང་དུ་བོད་ནང་གསང་བའི་སྒོ་ནས་བཟོ་སྐྲུན་དང་སྦྲགས་ཕྱི་ཟླ་གསུམ་པའི་གྱེན་ལངས་མ་བྱུང་བའི་ཉིན་ཤས་སྔོན་དུ་སྦས་གསང་གིས་ཕྱིར་གཏོང་ཐུབ་པ་བྱུང་བའི་དེ་སྔ་བྱུང་མ་མྱོང་བའི་གློག་བརྙན་ཞིག་རྒྱལ་སྤྱིའི་བརྒྱུད་ལམ་ཁག་ལ་འགྲེམས་སྤེལ་སྤྱན་བསྟར་ཞུ་རྒྱུ་རེད། དུས་ཡུན་སྐར་མ་༢༥ ཅན་གྱི་དངོས་བྱུང་གློག་བརྙན་༼འཇིགས་བྲལ་༽ ཞེས་པ་འདི་སྙིང་སྟོབས་ཅན་གྱི་བོད་རིགས་གློག་བརྙན་བཟོ་མཁན་རུ་ཁག་ཅིག་གིས་བཟོ་སྐྲུན་གནང་ཡོད། གློག་བརྙན་འདིས་ཨོ་ལིམ་པིཀ་རྩེད་མོའི་མཚོན་རྟགས་དང་། སྐབས་དོན་གྱི་འབྲེལ་བ། ༸གོང་ས་༸སྐྱབས་མགོན་ཏཱ་ལའི་བླ་མ་རིན་པོ་ཆེ་རང་ཡུལ་དུ་ཕྱིར་ཕེབས། བོད་ནང་རྒྱ་ནག་གི་དབང་སྒྱུར་བཅས་ཀྱི་སྐོར་ལ་བོད་ནང་གི་བོད་མིའི་སེམས་ཚོར་ངོ་མ་ཇི་བཞིན་མཚོན་ཐུབ་པ་བྱས་ཡོད།་
བོད་ཤར་ཕྱོགས་ནས་ཡིན་པ། རང་ཉིད་ཀྱིས་རང་ལ་བསླབ་པའི་གློག་བརྙན་བཟོ་སྐྲུན་པ། ཞིང་པ་དོན་གྲུབ་དབང་ཆེན་དང་། ཁོ་པའི་གྲོགས་པོ་བཙུན་པ་འགོ་ལོག་འཇིགས་མེད་གཉིས་ལས་གྲུབ་པའི་རུ་ཁག་ཅིག་ནས་བོད་ནང་དུ་རྒྱ་ནག་གི་དབང་སྒྱུར་དང་། པེ་ཅིན་ཨོ་ལིམ་པིཀ་རྩེད་འགྲན། ༸གོང་ས་ཏཱ་ལའི་བླ་མ་རིན་པོ་ཆེ་བཅས་དོན་ཚན་གསུམ་གྱི་སྐོར་ལ་བོད་མི་དཀྱུས་མ་ཚོར་གསང་བའི་སྒོ་ནས་བཅར་འདྲི་ཞུས་ཏེ་དུས་ཡུན་ཚོུད་༣༥ ལས་མང་བའི་བརྙན་པར་བླངས་ཡོད།
སྐྲ་བཞར་ལས་འགུལ།
གཡུ་དྲུག་དཀར། རྡ་ས།
ཉིན་ཤས་སྔོན་ནས་ཐག་རིང་ནས་གོ་མི་བདེ་བ་ཞིག་ཡོད་པ་ནི་བོད་ནང་དུ་རྒྱ་དམར་ཀླ་ཀློའི་དཔུང་གིས་ཉེས་མེད་བོད་མིའི་ཚེ་སྲོག་རྡོག་རོལ་དུ་གཏོང་བཞིན་པ་འདི་རེད་ལ། ཐག་ཉེ་ནས་མཐོང་མི་བདེ་བ་ཞིག་ཡོད་པ་ནི་མི་སྐྱ་མགོ་རིལ་ཉིན་རེ་བཞིན་ཇེ་མང་དུ་འགྲོ་བཞིན་པ་འདི་ཚོ་རེད།
ལོས་ཡིན། འགྲོ་བ་མིའི་ཕྱི་ལུས་ཀྱི་སྟེང་དང་ནང་སེམས་ཀྱི་སྦུག་གཉིས་ཀར་མ་བཏེགས་ལྷན་སྐྱེས་ཀྱི་མཛེས་ཆོས་ཇི་སྙེད་ཅིག་ཡོད་པ་བཞིན། ང་ཚོའི་ལུས་ཀྱི་ཡང་རྩེ་རུ་མ་བཙུགས་ལྷན་སྐྱེས་ཀྱི་སྐྲ་ལོའང་དེ་དག་ལས་མཛེས་སྡུག་གི་མ་ལག་རང་ག་བ་ཞིག་མིན་པར། མི་མང་པོར་གདེང་སྤོབས་དང་མཛེས་རྟོག་གི་རྨི་ལམ་རྒྱ་ཆེན་པོ་བཞེངས་ཡོད་ངེས།
འོན་ཏེ། མི་རིགས་སོ་སོའི་སྐྱེ་ཁམས་ཁོར་ཡུག་དང་རིག་གནས་སེམས་ཁམས་ཀྱིས་བསྐྱེད་པའི་འཚོ་བའི་སྤྱོད་སྟངས་ཁྲོད་མགོ་སྐྱེས་སྐྲ་ལོ་མཛེས་བར་མི་སྣང་པར་བཞར་མཁན་ཡོད་ལ། མི་ལ་ལས་དགོས་དབང་གིས་རང་གི་མཛེས་ཆོས་སུ་གྱུར་བའི་སྐྲ་ལོ་བསམ་བཞིན་དུ་བློས་བཏང་ནས་བཞར་མཁན་ཡང་ཡོད། རང་རེའི་གངས་ཅན་པར་མཚོན་ན་ཆོས་ཕྱོགས་ནས་གྲྭ་བ་དང་བཙུན་མའི་སྡེ་གཉིས་ནི་རང་གི་རྩ་ཁྲིམས་ཀྱི་སྟེང་ནས་གཏན་འཇགས་རང་བཞིན་ཅན་གྱི་སྐྲ་བཞར་མཁན་ཞིག་ཡིན་ལ། འཇིག་རྟེན་པའི་ངོས་ཐད་ནས་རྒན་རྒོན་དང་ཕྲུ་གུ་ཚོའི་ལུས་ཀྱི་གཙང་སྦྲ་དོད་དུ་གཏོང་ཆེད་སྐྲ་འབྲེག་པ་དང་། གཞོན་པ་ཚོར་ཕ་མ་དང་མི་རྒན་པ་ཚོས་སྐྲ་རིང་པོ་འཇོག་པ་ནི་མི་རྐུན་མ་དང་ཁྲམ་པ། གང་གི་སྤྱད་ལའང་མི་འགྲོ་མཁན་ཚོའི་རྟགས་མཚན་ཞིག་སྟེ། ཀུན་སྤྱོད་ཀྱི་སྡིག་ཉེས་ཆེན་པོ་ཞིག་མགོ་ལ་ཁུར་བར་བཤད་ནས་སྐྲ་བཞར་སྟངས་ཤིག་ཀྱང་ཡོད་མོད། འདི་ནི་དམངས་ཁྲོད་ཀྱི་མི་ལ་ལ་དང་མཚམས་ལན་རེའི་བྱེད་སྟངས་ཤིག་ལས། མང་མང་གི་སྲོལ་དུ་གྱུར་མེད་པས། ཕ་མ་ལས་ཤས་ཀྱི་བུ་ཕྲུག་གཅུན་སྟངས་ཙམ་དུ་སྣང་ཞིང་། གཞན་རྒྱ་གུང་ཁྲན་ཏང་འདི་བ་ཚང་སླེབས་ནས་བོད་ཡུལ་དུའང་ཉེས་ཅན་བཙོན་པའི་མགོ་ཡི་སྐྲ་བཞར་སྲོལ་ཞིག་ཚུགས་པ་དེ་རེད།
ངེད་བཙན་བྱོལ་བའི་སྐོར།
བསྟན་འཛིན་བརྩོན་འགྲུས།
སྐར་ཆེན་གྱིས་བསྒྱུར།
བསྟན་འཛིན་བརྩོན་འགྲུས་ནི་བཙན་བྱོལ་དུ་སྐད་གྲགས་ཡོད་པའི་དབྱིན་ཡིག་རྩོམ་པ་པོ་དང་བོད་རང་དབང་འཐབ་རྩོད་པ་ཞིག་ཡིན། ངེད་བཙན་བྱོལ་བའི་སྐོར་ཞེས་པའི་རྩོམ་ཡིག་འདི་ཉིད་ལ་ཕྱི་ལོ་༢༠༠༡ལོའི་རྒྱ་གར་གྱི་དུས་དེབ་ (outlook Magazine) ཀྱི་འགྲན་རྩོམ་ཁོངས་སུ་བྱ་དགའ་ཐོབ།
ངས་སོ་སོར་རང་ཉིད་གང་ནས་ཡོང་མིན་གྱི་སྐོར་ལ་སྐད་ཆ་འདྲི་དུས། ང་ལ་དྲི་བ་དེར་ལན་མེད་པ་ཆགས་ཀྱི་འདུག ངས་ནམ་རྒྱུན་ནས་རང་ཉིད་ཕྱོགས་གང་ལ་ཡང་མི་གཏོགས་པ་མ་ཟད་རང་ལ་ཁྱིམ་ཡང་མེད་པ་ཚོར་གྱི་ཡོད། ང་སྐྱེས་ས་མཱ་ནཱ་ལཱི་ཡིན་མོད། ངའི་ཕ་མ་གཉིས་ཁཱ་ནཱ་ཀྲ་ཁཱར་སྡོད་ཀྱིཡོད། ང་རང་ཧི་མ་ཅལ་མངའ་སྡེའི་ནང་གི་ས་ཁུལ་མི་འདྲ་བ་གཉིས་ནས་སློབ་ཐོན་བྱས་ཤིང་སོ་སོའི་སློབ་སྦྱོང་རྒྱུན་འཁྱོངས་ཀྱི་སླད་དུ་ལ་དྭགས་དང་མཱ་རྡཱི་རཱ་སཱི། མམ་བྷེབཅས་སུ་མུ་མཐུད་དུ་སློབ་གྲྭ་འགྲིམས་མྱོང། ངའི་གཅེན་མོ་རྣམས་ལྦར་ནཱར་སྡོད་ཀྱི་ཡོད་ལ་ངའི་གཅེན་པོ་རྣམས་རྡ་སར་གནས་སྡོད་བྱེད་ཀྱི་ཡོད།
ངའི་སྐྱབས་བཅོལ་ལག་འཁྱེར་གྱིས་ང་རང་རྒྱ་གར་དུ་སྡོད་མཁན་གྱི་ཕྱི་རྒྱལ་བ་ཞིག་ཡིན་པར་འགྲེལ་བརྗོད་བྱེད་ཀྱི་ཡོད། ང་རང་བོད་ཀྱི་མི་སེར་ཞིག་ཡིན་མོད། འོན་ཀྱང་། བོད་ཞེས་པ་དེ་འཛམ་གླིང་གི་སྲིད་དོན་ས་ཁྲའི་སྟེང་དུ་མེད། ང་རང་བོད་སྐད་བཤད་རྒྱུར་དགའ་ལ་དབྱིན་ཡིག་འབྲི་རྒྱུར་དུངས། ང་ཧིན་རྡིའི་གཞས་གཏོང་རྒྱུར་དགའ་རུང་ངའི་ངག་གདངས་ཚང་མ་ནོར་བ་ཤ་སྟག་ཡིན། མི་ཞིག་གིས་ང་རང་གང་ནས་ཡོང་བ་ཤེས་འདོད་ཀྱི་སྒོ་ནས་སྐད་ཆ་དྲིས་བའི་ཚེ། དེ་ལ་ཁ་གཏད་ཀྱི་ཚབ་ཏུ་གཟེངས་སུ་ཐོན་པའི་ལན་ནི་བོད་པ་ཞེས་པའི་ཚིག་འབྲི་འདི་གཉིས་ཡིན། ནམ་རྒྱུན་ངའི་སེམས་པ་དྲི་བ་དང་དོགས་པ། དྲིལ་བསྒྲགས་དང་གདུང་བ་བཅས་ཀྱིས་བཏུམས་ནས་ཡོད། འོན་ཀྱང་། ཐ་སྙད་འདི་དག་གིས་ང་ལ་ཁྱིམ་ཞེས་འབོད་ས་ཞིག་མེད་པ་དང་ང་རང་འཛམ་གླིང་ཆེན་པོ་འདིའི་ནང་གི་སྐྱབས་བཅོལ་བ་ཞིག་ཡིན་པའི་གནས་སྟངས་འདིར་ནམ་ཡང་འགྲེལ་བརྗོད་ཐུབ་ཁག་པོ་རེད།
