༼བོད་ཉེ་རབས་ཀྱི་ལོ་རྒྱུས་དེབ་ཐེར་ཁག་ཅིག་བཀླགས་པའི་འཆར་སྣང༌།༽
བདེ་ཆེན་སྒྲོལ་མ།
ཁ་བ་ནག་པོ།
མཐོ་སྒང་ལ་བཙན་གྱིས་བབས་པས།
གངས་ཐང་གི་ཡོད་ཚད་ཁ་བས་མནན།
རྩི་ཤིང་དང་འབུ་སྲིན་རིགས་ཀྱང་ལྷག་ལུས་མེད་པར།
ཁ་བ་ནག་པོ།
གངས་ཁྲོད་ན་གདུག་རྩུབ་ཀྱིས་འཕྱོ་བས།
འབྲོང་གཡག་དང་རང་བྱུང་གི་ཚེ་སྲོག་མོད་པོ།
གྲང་ངར་དང་ལྷགས་རླུང་གིས་བརྡབ་གསིག་གིས་གཏོར།
དགེ་འདུན་རབ་གསལ།
———————-
ཁ་སང་ངེད་ཀྱིས་གྲོགས་པོ་ཞིག་ལ་དྲ་རྒྱའི་ཐོག་གི་བོད་སྐད་རླུང་འཕྲིན་ངོ་སྤྲོད་བྱས་སྐབས་སུ། ཨེ་ཤ་ཡ་རང་དབང་རླུང་འཕྲིན་ཐོག་སྐལ་ལྡན་བློ་གྲོས་ཀྱིས་རྒྱལ་བ་ཀརྨ་པ་མཆོག་ལ་བཅར་འདྲི་ཞུས་པ་མཐོང་བྱུང་། དེ་འཕྲལ་ང་ཚོས་ཉན་པ་ཡིན། གསར་འགྱུར་འདིའི་མགོ་འཛུགས་ཀྱི་སྐབས་སུ་སྐལ་ལྡན་བློ་གྲོས་ཀྱིས་ཀྱང་བཅར་འདྲིའི་སྐོར་ལ་བསམ་འཆར་ཡོད་ན་བཤད་རོགས་ཞེས་བཤད་འདུག་ལ། བསམ་ཚུལ་ཐུང་ཙམ་ཞུ་རྒྱུ་དེ་རང་ཉིད་བོད་མི་ཞིག་ཡིན་པའི་འགན་དུ་གྱུར་སོང་། གང་ཟག་སྒེར་ལ་དམིགས་པའི་བརྣབ་སེམས་དང་གནོད་སེམས། ལོག་ལྟ་གང་ཡང་འདིར་འདུས་མེད་པ་དེ་དགོངས་འཇགས་ཞུ།
༧རྒྱལ་བ་ཀརྨ་པ་འདི་པ་དགུང་ན་གཞོན་ཀྱང་མཁྱེན་རྒྱ་རྒྱས་ཤིང་། བཀའ་ལན་གནང་བ་རྣམས་རིགས་པ་དང་གནས་ལུགས་ཀྱིས་ཁེངས་སྟབས། སླར་ཡང་ཡིད་དབང་འཕྲོག་པར་གྱུར། ཁོང་གིས་བཅར་འདྲིའི་སྐབས་གསུངས་པའི་གནད་དོན་གཅིག་ནི། བོད་ཀྱི་གནད་དོན་འདི་ད་བར་དུ་༧རྒྱལ་བ་རིན་པོ་ཆེ་སྐུ་རྐྱང་ལ་བརྟེན་ཡོད་པའི་དགོངས་ཚུལ་ཡོད་པ་དང་། དེ་བཞིན་བོད་ཀྱི་འཐབ་རྩོད་འདི་མི་རིགས་གཅིག་གི་བསྟན་སྲིད་ཀྱི་གནད་དོན་ཡིན་སྟབས་བོད་མི་ཡོད་དོ་ཅོག་གིས་འགན་ལེན་དགོས་པ་རེད་ཅེས་བཀའ་སློབ་གནང་བ་དེ་རེད། བཀའ་སློབ་འདི་འདྲ་ནི་བོད་ཀྱི་ད་ལྟའི་གནས་སྟངས་ལ་ཤིན་ཏུ་མཁོ་བ་ཞིག་ཡིན་པ་ནི་གདོན་མི་ཟའོ།།
གསེར་མདོག་གི་གྲུ་ཆུང་། རྩ་ཕྲན་དང་སྡོང་བོའི་ལོ་འདབ་ཚང་མ་སེར་པོར་གྱུར་སོང་། ངས་སྐྱི་བསེར་རླུང་གིས་རྡོག་པས་བརྫིས་པའི་ལོ་འདབ་ཀྱིས་ཤག་ཤག་གི་སྒྲ་འབྱིན་པ་ཐོས། གསེར་མདོག་གི་ལོ་མ་ནི་ཧ་ཅང་མཛེས་བའི་ཕྱེ་མ་ལེབ་ཅིག་བར་སྣང་དུ་ཕར་འཕུར་ཚུར་འཕུར་བྱེད་པ་དང་འདྲ། ལོ་མ་སེར་པོ་ཆུང་ཆུང་ཞིག་ངའི་ཕྲག་སྟེང་དུ་བབས་ཏེ་ང་ལ་ཁ་རོག་གེར།ང་སླེབས་བྱུང་ཟེར། ངས་ལོ་མ་སེར་པོ་ཆུང་ཆུང་དེ་ལག་མཐིལ་དུ་བཏེགས་ནས་སེམས་ཆུང་ངང་ཆུ་ཕྲན་ཞིག་གི་ནང་དུ་བསྐྱུར་བ་ན། ལོ་མ་སེར་པོ་ཆུང་ཆུང་དེ་གསེར་མདོག་གི་གྲུ་ཆུང་ཞིག་ཏུ་གྱུར། སྟོན་རླུང་བསིལ་བསིལ་དུ་རྒྱུ་བས། གསེར་མདོག་གི་གྲུ་ཆུང་ཡོམ་ཡོམ་དུ་འགུལ་ཞིང་། དལ་གྱིས་རྒྱང་རིང་གི་ཕྱོགས་སུ་བསྐྱོད་སོང་།
པདྨ་ཚེ་དབང་ཤཱསྟྲི།
——————–
རྒྱལ་གཅེས་ལྷག་བསམ་གྱི་མེ་རླབས་མཐོན་པོར་འབར་བ། ཉེ་བའི་ཆར་དབྱིན་ལན་སྐུ་ཚབ་དོན་གཅོད་དུ་བསྐོ་བཞག་བྱུང་བའི་སྤྱི་ཟུར་སྐུ་ཞབས་ཐུབ་བསྟན་བསམ་འགྲུབ་ལགས་ནས་འགན་ཁུར་རྐང་བཞེས་གནང་སྟེ། འབྱུང་འགྱུར་ཕྱི་ལོ་༢༠༡༡ ལོར་འདེམས་སྒྲུག་བྱ་རྒྱུའི་བཀའ་བློན་ཁྲི་པ་དེ་བཞིན་ཤིན་ཏུ་ནས་གལ་འགངས་ཆེན་པོ་ཡིན་པ་གཟིགས་གནང་སྟེ། རྒྱ་ཆེ་མང་ཚོགས་ལ་སྔོན་ཚུད་ནས་འོས་དམིགས་དགོངས་པ་བཞེས་རྒྱུའི་སླད་དུ་དྲ་རྒྱ་ཟུར་འཛུགས་གནང་པར་རྗེས་སུ་ཡི་རངས་ཞུ་བ་དང་ཆབས་ཅིག་བསམ་འཆར་ཐུང་ཙམ་ཞིག་ཞུ་འདོད་བྱུང་།
འབྱུང་འགྱུར་གྱི་བཀའ་ཁྲི་དེར་བཙན་བྱོལ་བོད་གཞུང་དབུས་འདེམས་བསྐོ་ལྷན་ཁང་གིས་གཏན་འབེབས་གནང་པའི་བཀའ་བློན་ཁྲི་པའི་འོས་ཆོས་རིམ་པ་དགུའི་སྟེང་དུ་བྱུང་ན་གཤམ་གསལ་གྱི་ཁྱད་ཆོས་དགུ་ཡང་ཚང་དགོས་པར་སྙམ།
རྫ་ཆུ་ཁ་པ་ཚེ་རིང་བཀྲ་ཤིས།
————
ཀཱ་མ་ལ་ཡི་མེ་ཏོག་ཅི་བཞིན་ཤེས་རིག་ཁ་དོག་སྡུག་གུར་བཀྲ། །
ཁ་བ་ཅན་གྱི་རུས་ལ་བརྩེ་བའི་ལ་རྒྱའི་དྲི་བསུང་ང་ཁྱོད་མེད། །
ག་ནས་བསམས་ཀྱང་ཐོད་དུ་བཀུར་འོས་ན་གཞོན་མཁས་པའི་སྨྲ་བའི་སྟེགས། །
ང་དང་ཁྱོད་ལ་མ་བགོས་ཐུན་མོང་འོན་ཀྱང་བརྩོན་པའི་ལྕག་ལ་རག །
ཅ་ཅོ་ཐ་སྙད་ཚིག་གི་རྣམ་གྲངས་མ་བཅོས་རྒྱུ་ཆ་ལྟ་བུ་ལ། །
ཆ་ལུགས་སྡེབ་སྦྱོར་རིགས་པའི་བཟོ་བོས་སྙན་འཇེབས་ངག་གི་ལས་སྣོན་གྱིས། །
ཇ་ཆང་ཅི་བཞིན་རང་མཆོག་བྲོ་ལྡན་སྙན་ངག་ཅེས་བྱར་བཅོས་པ་ན། །
ཉ་རྒྱས་ཟླ་བ་མཁའ་ལ་འཕགས་བཞིན་མཁས་པའི་མདུན་སར་གསལ་བར་སྣང༌། །
མི་ཞུན་ནས། རྒྱ་གར།
སྙིང་ཉེ་བའི་དྲ་གྲོགས་རྣམས་པ། ཁྱེད་རང་ཚོའི་ནང་ན་ད་བར་དུ་ངའི་བརྗོད་གཞི་འདིའི་སྒང་ལ་བསམ་བློ་བཏང་མྱོང་མཁན་ཨེ་ཡོད། གལ་སྲིད་ཡོད་ན། ཁྱེད་རང་ཚོའི་ངོས་ཐད་ནས་ནང་ཆོས་བོད་ལ་དར་བ་དང་རྒྱ་མི་བོད་ལ་ཡོང་བ་གཉིས་ཀྱི་བར་ན་མཐུན་རྟགས་ཀྱི་ཆོས་ག་ཚོད་ཙམ་ཡོད་པ་མཐོང་ཨེ་སོང་། ནང་ཆོས་བོད་ལ་དར་བ་དེ་རྒྱ་མི་བོད་ལ་ཡོང་བ་དང་གཉིས་སུ་མ་མཆིས་བ་ལྟ་བུ་ཞིག་ཏུ་མཐོང་གི་མི་འདུག་གམ། རེད་ཡ། དྲང་མོ་བཤད་ན་འདི་གཉིས་ཀྱི་བར་ན་ཧ་ཅང་འདྲ་བའི་རྟགས་མང་པོ་ཞིག་ཡོད། ངས་འདི་ལྟར་ཐོལ་གྱིས་བཤད་པའི་སྐད་ཆ་འདིར་ཐད་ཀྱིས་བལྟས་པ་ཡིན་ན་བོད་མི་ཞིག་ཡིན་ནོ་ཅོག་གི་སེམས་ནང་ལ་རང་བཞིན་གྱིས་མི་བདེ་བ་ཞིག་དང་མི་སྐྱིད་པ་ཞིག་ངང་གིས་སྟེར་གྱི་ཡིན་པ་ངས་ཤེས་ཀྱི་ཡོད། འོན་ཀྱང་། དཔྱད་བརྟག་གི་རིག་པ་རྣལ་དུ་ཕབ་ནས་ཞིབ་འདང་གི་བསམ་བློ་ཁད་ཀྱིས་བཏང་སྟེ་བལྟས་པ་ཡིན་ན་དངོས་གནས་ནང་ཆོས་བོད་ལ་དར་བ་དེ་རྒྱ་མིས་བོད་ས་བཙན་གྱིས་བཟུང་བ་དང་ཡོངས་སུ་འདྲ་བ་ཞིག་རེད།
དེ་ཡང་ཧ་ཅང་བསྡུས་བསྡུས་ཤིག་བྱས་ནས་བཤད་པ་ཡིན་ན།
དེ་ལས་མང་བ་། “ནང་ཆོས་བོད་ལ་དར་བ་དེ་རྒྱ་མིས་བོད་ལ་བཙལ་འཛུལ་བྱས་པ་དང་གཅིག་མཚུངས་རེད།” »
རྒྱུན་དུ་སྐྱིད་ཟུར་ལགས་ལ་ཞོགས་པ་བུ་ལོན་བདའ་མཁན་མང་དྲགས་ནས་གཞཱུང་གི་མཛད་སྒོ་ཁག་གི་རྗེས་ཟིན་གྱི་མེད་སྟབས། ཉིན་ཞིག་མགྲོན་ཆེས་བཀའ་བཀྱོན་གནང་བ་རེད། དེར་སྐྱིད་ཟུར་ལགས་སེམས་ཤིན་ཏུ་སྐྱོ་པོ་བྱུང་སྟེ་མིག་ཆུ་ཐིགས་པ་ཕྲུམ་ཕྲུམ་དུ། ལྷ་དགོངས་དྭངས་པ་ཞུ། ཁོ་བོའི་མིང་ལ་སྐྱིད་པོ་ཟུར་དུ་བསྡད་པ་ལྟར་སྣང་ཡང། དོན་དུ་སྡུག་པོའི་དཀྱིལ་དུ་ཚུད་པ་རང་ཡིན། ཞོགས་ལྟར་སྐྲ་གྲངས་ཆུ་གཉེར་ལྟར་གྱི་བུ་ལོན་བདའ་མཁན་རྣམས་ལ་ཁ་ཡ་བྱེད་དགོས་པས་མཛད་སྒོའི་རྗེས་མ་ཟིན་པ་ལས། གཞུང་ས་དགའ་ལྡན་ཕོ་བྲང་ལ་ཁྱད་གསོད་སྒལ་རལ་ཞུས་པ་རྩ་བ་ནས་མིན་ཞེས་སླར་ཡང་མིག་ཆུ་བཏང། མགྲོན་ཆེས་འོ་ན་ཁྱོད་ཀྱིས་དངོས་པོ་ཇི་ཡོད་ཐོ་ཡིག་རྫུན་སྤངས་བདེན་འཛིན་ཞིག་འཁྱེར་ཤོག་གཞུང་ས་ནས་ཐུགས་ཁུར་གཟིགས་བསྐྱངས་འདྲ་ཡོང་སྲིད་པས་སྐྱབས་མགོན་སྦུག་ལ་སྙན་སེང་ཞུ་ཆོག་གསུངས། དེར་སྐྱིད་ཟུར་ལགས་ནས་བཀའ་དྲིན་བླ་མེད་ཆེ་ཞེས་དངོས་ཐོ་གསལ་བའི་ཀ་ཕྲེང་སྙན་ངག་ཅིག་ཕུལ་བ་གཤམ་གསལ་ལགས་སོ།།
ཀ་བའི་ལོག་ལ་རྟ་མགོ་སྤུས་ལེགས་གཅིག།།
ཁ་ཤའི་པགས་པའི་ཇ་ཁུག་མགོ་འབྲེལ་གཅིག།།
ག་སོང་བློ་སྐྱོག་ཆུང་འདྲིས་སྙིང་སྡུག་གཅིག།།
ང་རའི་དུས་ཀྱི་ཐུག་ཁོག་ལུང་ཆག་གཅིག།།
བོད་། ཤ་ཁྲག་རུས་གསུམ།
ང་ཚོས་འདི་ལྟར་གཏམ་ངན་ཞིག་གོ་ན་ཡང་བོད་པ་ཚོས་ད་དུང་སྣང་མེད་ངང་རང་སོར་བཞག་ནས་རྩ་གཅོད་ཙམ་ཡང་བྱེད་མི་ཐུབ་དོན་ཅི་རེད། ལྷག་པར་དུ་དམིགས་གསལ་གྱིས་གསར་འགོད་པ་དག་གིས་འདིའི་ཐད་དུ་དང་ལེན་བྱས་དེ་གཏམ་ངན་འདི་ཁུངས་ལྡན་ཡིན་མིན་གྱི་རྩར་གཅོད་བྱེད་མི་ཐུབ་པ་ཅི་ལ་ཐུག་ཡོད་པ་ཡིན། གཏམ་ངན་ནི་ཆུང་སྲིད་དགེ་འདུན་ཆོས་ཀྱི་ཉི་མ་ཞིང་གཞན་དུ་གཤེགས་པ་རེད་ཟེར་བ་དེ་རེད། དེ་ནི་དུས་བབ་གཅིག་བུའི་སྟེང་གི་གཏམ་ངན་མ་ཡིན་པར་རྒྱལ་ཁབ་གཞན་དག་གི་ཚགས་ཤོག་མི་ཉུང་བ་ཞིག་གི་སྟེང་དུ་ཡང་བོད་ཀྱི་བླ་མ་ཆུང་སྲིད་དགེ་འདུན་ཆོས་ཀྱི་ཉི་མ་སྐྲན་ནད་ཀྱིས་སྐྱེན་པའི་ལོ་ངོ་ཁ་ཤས་ཀྱི་གོང་དུ་ཞིང་ལ་ཕེབས་པ་རེད་ཟེར་བ་དེ་རེད།
ངེད་ཅག་བོད་པ་ཚང་གིས་རང་གི་རྩ་གསུམ་བླ་མ་དགེ་འདུན་ཆོས་ཀྱི་ཉི་མ་གསོན་ཡོད་མེད་ཀྱི་གནས་ཚུལ་ཙམ་ཡང་མ་ལོན་པར་མི་ལོ་བཅོ་ལྔ་ཙམ་བྱིན་པའི་དེ་རིང་། མི་རིགས་གཞན་གྱིས་གསར་འགོད་པའི་གནས་ཚུལ་འདི་འདྲ་ཞིག་ང་ཚོ་ལ་འཁུར་ནས་འོང་དུས། ངེད་ཅག་གིས་ད་དུང་གཏམ་ངན་དེའི་ཁུངས་བདེན་པ་ཡིན་མིན་ཙམ་ལ་ཡང་དོན་སྣང་ཙམ་ཡང་བྱེད་མི་ཐུབ་པ་གང་ལ་ཐུག་པ་རེད། ཡང་ན་འཛམ་གླིང་གི་ཆེས་ཆུང་བའི་ཆབ་སྲིད་བཙོན་པ་རུ་ངེས་འཛིན་བྱེད་ཆོག་པའི་ཆུང་སྲིད་རིན་པོ་ཆེའི་སྐུ་ཕྱ་ལ་ངེད་ཅག་བོད་པ་ཚང་ལ་འགན་འཁུར་མེད་སོང་བ་ཡིན་ནམ་ཅི། ད་ནི་གཏམ་ངན་འདིའ་ཁུངས་ཡང་དག་ཡིན་མིན་ཐད་དུ་ངེད་ཅག་གིས་རང་རང་ས་ནས་ཚགས་ཤོག་དེ་དག་གི་གསར་འགོད་པ་དག་ལ་ཐད་ཀར་འབྲེལ་བ་བཟུང་དེ་གཏམ་ངན་དེའི་བྱུང་རིམ་ལ་རྒྱུས་ལོན་ཐར་བྱིན་པ་ཞིག་བྱེད་རན་མ་ཡིན་ནམ། དྲ་གྲོགས་བོད་ཕྱི་ནང་གཉིས་ཀྱི་བོད་རིགས་སྤུན་ཟླ་ཚོ།
བུད་མེད་རྩོམ་པ་པོ་གཟུངས་ཕྱུག་སྐྱིད། རྡ་ས།
དོ་ནུབ། ནམ་མཁའ་ནམ་མཁར་མི་མཐོང་བའི་དོ་ནུབ
ས་ཆེན་གྱི་དུངས་པ་གཉིད་བཞིན་པའི་དོ་ནུབ
གྲང་རླུང་ངུ་ངག་གིས་བཞུར་བཞིན་པའི་དོ་ནུབ
ངའི་མཐོང་སྣང་གི་སྐར་ཕྲན་རེ་རེ་སུ་ཞིག་གི་མིག་ཆུའི་ཕྲེང་རྒྱུན་ཡིན་ནམ
ཨ་རིག་འགྱུར་མེད་ཀྱིས།
————
བོད་དང་རྒྱ་ནག་ཧན་མི་རིགས་གཉིས་ཀྱི་འདས་ཟིན་པའི་ལོ་རྒྱུས་ཁྲོད་ཕན་ཚུན་བཙན་འཛུལ་དང་དཔུང་འཇུག་བྱེད་མྱོང་ཡོད་པ་ལོ་རྒྱུས་ཡིག་ཚང་དུ་གསལ་བོར་བཀོད་ཡོད་ནའང༌། འདས་ཟིན་པའི་ཉམས་མྱོང་ཁྱེར་ཏེ་མི་རིགས་ཆེན་པོ་འདི་གཉིས་ཕན་ཚུན་མཉམ་གཤིབ་དང་སྐྱིད་སྡུག་མཉམ་མྱོང་གི་འབྱུང་འགྱུར་ཆེན་པོ་ཞིག་ལ་འབད་པ་ལས། ལོ་རྒྱུས་རྣག་དང་རྒྱལ་ཕམ་ཁྲག་ཏུ་བརྗེ་དགོས་དོན་མི་འདུག དེ་བས་ཀྱང་རྒྱ་ནག་ཧན་མི་རིགས་ཀྱི་དམའ་རིམ་སྤུན་ཟླ་དང་བོད་མི་དཀྱུས་མ་ནི་ནམ་ཡང་རྒྱལ་ཁབ་ཅིག་གི་མང་ཚོགས་ཡིན་པས་ཕན་ཚུན་གྱི་སེམས་ལ་དགོས་མེད་ཀྱི་རྨ་ཁ་དང༌། འབྲས་མེད་ཀྱི་ནག་ཐིག་འཕབ་དགོས་དོན་ཡང་མི་འདུག
གཅིག བོད་རྒྱ་ཐུན་མོང་ལ་དབང་བའི་ཁོར་ཡུག་ཅིག་བསྐྲུན་པར་འབད་དགོས།
ལོ་རྒྱུས་དེད་ཀྱང་རུང༌། བདེན་པ་ཡོད་ཀྱང་ཆོག གང་ལྟར་བརྒྱ་བཤད་སྟོང་བཤད་གང་བྱས་ཀྱང་བོད་དང་རྒྱ་ནག་ཧན་མི་རིགས་གཉིས་ད་ལྟ་འཛམ་གླིང་ནང་རྒྱལ་ཁབ་གཅིག་གི་མངའ་འོག་ཏུ་ཡོད་པ་སུས་ཀྱང་ཁས་ལེན་གི་རེད་ལ། ྋགོང་ས་མཆོག་གིས་ཀྱང་བོད་མུ་མཐུད་རྒྱ་ནག་གི་མངའ་འོག་ནས་སྡོད་རྒྱུ་ལས་ཁ་བྲལ་དུ་གཏོང་བར་ནམ་ཡང་བརྩོན་གྱི་མེད། ཡིན་ནའང༌། བོད་རྒྱ་མི་རིགས་ཀྱི་མི་དམངས་དཀྱུས་མའི་ཁྲོད་དུ་ད་ལྟའི་ཆར་ཕན་ཚུན་ལ་བསམ་ཤེས་དང་བསྟུན་ཤེས། སྤུན་ཟླ་མི་རིགས་ཀྱི་འདུ་ཤེས་འཛིན་པའི་དཀྱེལ་ཡངས་པའི་བསམ་བློ་ཡོད་དམ་མེད་ཅེ་ན། མེད། འདི་ནི་ཚབ་ཆེ་བའི་ནོར་འཁྲུལ་ཡིན་ལ། རྒྱུ་མཚན་འདིར་བརྟེན་ནས་ང་ཚོ་ལས་སླ་བོའི་ངང་རྒྱ་གཞུང་གི་གཡོ་ཇུས་འོག་འཆོར་གྱིན་ཡོད། དཔེར་ན་འདི་ལོའི་གཞིས་ལུས་བོད་མིའི་ཞི་རྒོལ་ཆེན་མོའི་སྐབས་སུ་རྒྱ་གཞུང་གིས་ཞི་རྒོལ་དེ་ཉིད་བོད་རྒྱ་མི་རིགས་གཉིས་ཀྱི་འགལ་འདུའི་ངོ་བོར་བསྒྱུར་བ་དང༌། རྒྱ་ནག་གི་མི་དམངས་དཀྱུས་མ་མང་བོ་ཞིག་མགོ་རྨོངས་པར་བཟོས་ཡོད།
ཞི་རྒལ་སྐབས་བོད་རིགས་སྤུན་ཟླ་འགས་རྒྱ་ནག་ཧན་མི་རིགས་ཀྱི་སྤུན་ཟླ་རེ་ཟུང་གི་ཚོང་ཁང་མེར་སྲེག་དང་རྡུང་གཅོག་འཕྲོག་སྲེག་གི་ལས་འགུལ་སྤེལ་ཚུལ་རབ་དང་རིམ་པ་བསྒྲགས་དང་སྒྲག་མུས་ཡིན་ལ། ཞི་རྒོལ་འདི་ྋགོང་ས་མཆོག་དང་བཙན་བྱོལ་གཞུང་གིས་ལྐོག་གཡོ་ལྡན་པ་དང༌། ཐབས་ཇུས་ལྡན་པའི་ངན་སྐུལ་ཡིན་ཚུལ་བསྒྲགས་ཡོད། འདིས་རྒྱ་ནག་ཧན་མི་རིགས་ཀྱི་མི་སེར་དཀྱུས་མ་རྣམས་མགོ་རྨོངས་པར་བཟོས་ཤིང༌། བོད་མི་རིགས་ཀྱི་སྤུན་ཟླ་ཚོར་ཁོང་ཁྲོའི་མེ་ལྕེ་དྲག་ཏུ་འབར་བཅུགས་པ་མ་ཟད། དམིགས་རྒྱང་རིང་བའི་བསམ་བློའི་ལྟ་ཚུལ་ལ་ཁ་ཕྱོགས་བསྒྱུར་ཡོད།
དེ་ལས་མང་བ་། “བོད་རྒྱ་མི་རིགས་གཉིས་ཇི་ལྟར་མཉམ་གནས་བྱེད་དམ།” »
༼ཁ་བརྡ་དྲ་དེབ་ལ་གཤམ་གསལ་གྱི་རྩོམ་འདི་ཀློག་མཁན་ཞིག་གིས་བསྐུར་འདུག་ཅིང་། མཁྱེན་རྟོགས་ཆེད་འདིར་བཀོད་པ་ཡིན། རྩོམ་ཡིག་འདིའི་ནང་། ༧སྐྱབས་མགོན་ཆེན་པོར་མཚན་སྨད་དང་བོད་ཀྱི་དངོས་དོན་ལ་འཁྱོག་བཤད་བྱས་འདུག་མོད། འདིར་ང་ཚོས་དེ་རིགས་མཁྱེན་རྟོགས་ཡོང་ཆེད་ཁོ་ནར་དམིགས་ཏེ་བཀོད་པ་ཡིན། ཁ་བརྡས།༽
—————————————-
༄༅༎ཆོས་གོས་གྱོན་ནས་གདུག་རྩུབ་ཆེན་པོས་མི་དམངས་ལ་བཤུ་གཞོག་གཏོང་མཁན་གྱི་ཞིང་བྲན་བདག་པོ།
སྤེལ་དུས། 2009-04-24 ཡོང་ཁུངས། བོད་ལྗོངས་ཉིན་རེའི་ཚགས་པར། རྩོམ་པ་པོ། རྩོམ་སྒྲིག་པའི་མཆན།
ཏཱ་ལ་སྐྱེ་ཕྲེང་བཅུ་བཞི་པས་བོད་དུ་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་ལོག་སྤྱོད་དབང་སྒྱུར་རོ་ལངས་རྒྱག་ཆེད་དང་མེས་རྒྱལ་ཁ་ཕྲལ་གཏོང་ཆེད་ཆོས་ལུགས་ལ་ཁ་གཡར་ནས་ཆོས་གོས་གྱོན་ཏེ་མིང་གྲགས་ལ་བརྟེན་ནས་གང་ས་གང་དུ་འཁྱམ་བཤད་བྱས་ཏེ་འཇིག་རྟེན་ཐོག་གི་སྐྱེ་བོར་མགོ་སྐོར་གཏོང་བ་དང་མགོ་བོ་རྨོངས་སུ་འཇུག་གི་ཡོད།ཏཱ་ ལའི་རུ་ཚོགས་ཀྱི་ལོག་སྤྱོད་ངོ་བོ་དང་ཏཱ་ལའི་ཆོས་ལུགས་ཐད་ཀྱི་གཡོ་རྫུས་རང་བཞིན་སྔར་བས་ཐེར་འདོན་བྱེད་ཆེད་འདི་ག་ཚགས་པར་ཐོག་དེ་རིང་ནས་བཟུང“ཏཱ་ལ་སྐྱེ་ཕྲེང་བཅུ་བཞི་པའི་ཆོས་ལུགས་ཐད་ཀྱི་གཡོ་རྫུས་རང་བཞིན་ཐེར་འདོན་བྱེད་པའི་རིམ་སྤེལ་དཔྱད་གཏམ”བཏོན་ནས་ཏཱ་ལས་འདུལ་ཁྲིམས་ལས་འགལ་བ་དང་སྟོན་པར་རྒྱབ་གཏོད་བྱེད་པའི་གདོང་རིས་ངོ་མ་ཐེར་འདོན་བྱས་ཏེ་ཏཱ་ལས་མེས་རྒྱལ་ཁ་ཕྲལ་དུ་གཏོང་བ་དང“བོད་རང་བཙན”གྱི་ལྐོག་གཡོ་བཤམས་པའི་ངན་སེམས་འཛམ་གླིང་ཐོག་ཡོངས་བསྒྲགས་བྱས་ཏེ་མི་རྣམས་ལ་ཏཱ་ལའི་ཆོས་ལུགས་ཐད་ཀྱི་གཡོ་རྫུས་རང་བཞིན་གསལ་པོར་རྟོགས་སུ་འཇུག་རྒྱུ་ཡིན།
༡༩༥༩ལོའི་དམངས་གཙོའི་བཅོས་སྒྱུར་གོང་དུ་བོད་འདི་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་དབང་སྒྱུར་འོག་གནས་པ་དང་སྡེ་པ་གཞུང་དང་།སྐུ་དྲགདགོན་སྡེའི་མཐོ་རིམ་གྲྭ་བཙུན་བཅས་མངའ་བདག་ཆེན་པོ་གསུམ་ལས་གྲུབ་པའི་ཞིང་བྲན་བདག་པོའི་གྲལ་རིམ་གྱིས་རྒྱ་ཆེའི་ཞིང་བྲན་དང་བྲན་གཡོག་ཚོར་གདུག་རྩུབ་ཆེན་པོས་ཆབ་སྲིད་ཐད་གཉའ་གནོན ་དང་།བསམ་པའི་ཐད་བྲན་བཀོལ།དཔལ་འབྱོར་ཐད་བཤུ་གཞོག་གཏོང་གི་ཡོད།འོན་ཏེ་ཆོས་སྲིད་ཀྱི་དབང་ཆེན་མི་གཅིག་ལ་བདག་པའི་ཏཱ་ལ་ནི་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་ཐོན་དངོས་དང་།བོད་རྙིང་པའི་བཀས་བཀོད་རྒྱུད་འཛིན་ཞིང་བྲན་བདག་པོའི་གྲལ་རིམ་གྱི་སྤྱིའི་ཚབ་བྱེད།ཆོས་གོས་གྱོན་ནས་ངལ་རྩོལ་མི་དམངས་ལ་གདུག་རྩུབ་ཆེན་པོས་བཤུ་ གཞོག་གཏོང་མཁན་ཞིང་བྲན་བདག་པོ་ཆེ་ཤོས་བཅས་ཡིན།
ཨ་རིག་འགྱུར་མེད་ཀྱིས།
ལོ་འདི་གར་ང་ཚོའི་མིག་གི་ཡུལ་དང་རྣ་བའི་བཅུད་དུ་གྱུར་དང་འགྱུར་བཞིན་པའི་མདོ་སྨད་ཡུལ་གྱི་གླུ་མ་རིག་འཛིན་སྒྲོལ་མར་མཚོན་ན། མཚོ་སྔོན་བོད་སྐད་རླུང་འཕྲིན་ཁང་དང་བརྙན་འཕྲིན་ཁང་གི་གླུ་གར་སྤྲོ་ཚོགས་མང་དག་ཅིག་དང་ལྷན་དུ་ང་ཚོའི་སེམས་ངོགས་སུ་སླེབས་ཤིང་། ཁོ་མོའི་སྙན་འཇེབས་ཀྱི་ངག་གི་འགྱུར་ཁུགས་རེ་རེ་ང་ཚོའི་སེམས་ཀྱི་གཏིང་རིམ་དང་དུང་བ་ཟབ་སར་འཛུལ་འོང་།
དེ་ལྟར་ང་ཡང་གླུ་མ་རིག་འཛིན་སྒྲོལ་མའི་སྙན་མོ་ངག་གི་འགྱུར་ཁུགས་ལ་སེམས་འཁྲེང་ཞིང་དུང་བ་ཟབ་པའི་ལྟ་མཁན་དང་ཉན་མཁན་ཁྲོད་ཀྱི་གཅིག་ཡིན་ལ། རི་བོ་ཧི་མ་ལ་ཡི་ཕར་རྒྱབ་ཀྱི་ཁོ་མོའི་སྙན་ལྷང་ལྷང་གི་གླུ་གཞས་རེ་རེ་མཐོན་པོ་གངས་རི་དང་དམའ་བ་ས་གཞི། ཡངས་པའི་རྩྭ་ཐང་དང་ཕ་མཐའ་མི་མངོན་པའི་མཁའ་དབྱིངས་བརྒྱུད་དེ། ངའི་རྣ་ལམ་དུ་ལྷུང་ཐེངས་རེར། ཁོ་མོ་ནི་ངས་ད་བར་བོད་ཕྱི་ནང་གི་གླུ་མ་མང་དག་ཅིག་གི་གླུ་གཞས་ལ་རོལ་མྱོང་བྱེད་མྱོང་བའི་ཁྲོད་ཀྱི་གཞས་མ་དགའ་ཤོས་དེ་ཡིན་ལ། ཁོ་མོའི་གླུ་གཞས་རེ་རེ་ནི་ང་རང་ཆེས་དགའ་བའི་གླུ་གཞས་རེ་རེ་ཡིན།
རྣམ་ཤེས་གསར་བའི་གླེང་མོལ་ལས་སྐོར་དང་པོ།
བདེ་ཆེན་སྒྲོལ་མ།
དྲི་བ། ཐོག་མ་དེར་ན་ནིང་དོ་ཚིགས་ལ་ཞོགས་དུང་སོགས་ཀྱིས་བོད་ཀྱི་ཤེས་ཡོན་ཅན་གྱི་སྡེ་ཙམ་མ་ཡིན་པར་བོད་སྤྱི་ཚོགས་ཡོངས་ལ་གྲགས་འགུལ་མི་ཆུང་བ་ཞིག་བཟོས་སོང་། ཁྱོད་ཀྱིས་བསམ་ན་དེ་ཡག་རྟགས་རེད་དམ། ཡང་ན། ངན་རྟགས་རེད་དམ།
ལན། རེད། རེད། སྐུ་ཞབས་ཞོགས་དུང་སོགས་ཀྱིས་དངོས་གནས་བོད་སྤྱི་ཚོགས་ཡོངས་ལ་གྲགས་འགུལ་མི་ཆུང་བ་སྔ་ན་མེད་པ་བཟོས་སོང་། བོད་ཡུལ་གཉིད་རྨོངས་ཀྱི་ཞིང་ཁམས་ནས་དུས་དང་མཐུན་པའི་ཤེས་རབ་ཀྱི་ཞོགས་པའི་དུང་བརྡ་ཐེངས་གཅིག་བརྒྱབ་པ་རེད། དུས་རབས་ཀྱི་མི་བུ་མང་པོ་ཞིག་མི་ལོ་མང་པོའི་རིང་གི་གཉིད་ལས་སད་ཡོད་ནི་རེད་ལ། མི་ལོ་རིང་མོ་ཞིག་གི་རྨོངས་བ་ནས་དྭངས་ཡོད་ནི་རེད། མི་རིགས་ཤིག་དང་རྒྱལ་ཁབ་ཅིག་ཀྱང་ངོས་ཟིན་ཡོད་ནི་རེད། འདི་ལྟར་བསམ་བློ་བཏང་ན། འདི་ཡག་རྟགས་ཤིག་མིན་ས་མི་འགྲོ་ག། ཕྱོགས་གཞན་ནས་བཤད་ན་ཡང་། འདི་ཞོགས་དུང་ཁོང་ཚོ་སྒེར་གྱི་དོན་དག་མ་རེད། རང་སྲོག་འབེན་ལ་བཙུགས་ནས་ལྷ་འདྲེ་འཚང་ཁ་འཚུབ་པའི་བར་གསེང་ནས་མི་ཆོས་ཀྱི་བསམ་བློ་དཔྱོད་ཤེས་ཀྱིས་རྒྱང་འབོད་བྱས་ནི་རེད། རང་དོན་རྒྱབ་ལ་བསྐྱུར་ནས་མི་རིགས་ཤིག་དང་རིག་གནས་ཤིག་གི་གནད་དོན་གླེང་ནི་རེད། དེ་བས། ངས་མགྲིན་པ་གཟེངས་སུ་བཏེགས་ནས་འདི་ནི་བོད་མི་རིགས་ཀྱི་ལོ་རྒྱུས་རང་བཞིན་གྱི་སད་རྟོགས་ཐེངས་གཅིག་རེད་ཟེར་གྱིན་ཡོད་ལ། ཞོགས་དུང་ལ་སོགས་པ་ནི་བོད་མི་རིགས་ཀྱིས་ནམ་ཡང་བརྗེད་མི་རུང་བའི་དུས་རབས་ཀྱི་རིག་པའི་དཔའ་བོ་ཁྱུ་གཅིག་རེད་བསམ་གི་ཡོད།
དེ་ལས་མང་བ་། “ཞོགས་དུང་དང་བོད་ཀྱི་མི་ཆོས་རིག་གནས་ལས་འཕྲོས་པ།” »
ཤར་ཕྱོགས་ཁུག་རྟ།
————
གཏད་མེད་སེམས་ཀྱི་གཤིས་ཀ་འགྱེལ་ལང་གིས་ཁུར་ཏེ།།
དམིགས་མེད་རླབས་ཀྱི་མཚོ་མོར་དལ་བྲེལ་གྱིས་བབས་ཚེ།།
ཡུན་རིང་མི་རུ་སྐྱེས་པའི་མངར་སྐྱུར་གྱི་ཆུ་ཐིག།
ཕྲ་མོ་རྡུལ་གྱིས་འབྱུང་བའི་སོ་ཁ་ལ་ཐིམས་འགྲོ།
ལྟོས་ན་སླ་བར་གོ་བའི་ཕར་བཏགས་ཀྱི་ཡོད་པ།།
བསམ་ན་རེག་པས་བོར་བའི་རྨི་ལམ་གྱི་མཛའ་མོ།།
དུངས་དུངས་རུས་པས་ཞེན་པ་བྲང་ཁ་ལ་སྦྱོར་ན།།
ཟག་བཅས་གར་གྱི་ལྡོམ་པོར་ཟུར་མིག་ཅིག་གནོང་དང་།།
རྡོ་རྗེ་དབང་ཕྱུག་ལགས་ཀྱི་ཟིན་བྲིས་ནས་བླངས།
ཅི་ཡང་དྲན་ཆོག་པ་ནས་གང་ཡང་སྒྲུབ་ཆོག་པ་ནི་འགྲོ་བ་མིའི་རིགས་ཀྱི་གཞི་རྩའི་ཐོབ་ཐང་ཁོངས་ཡིན་ཀྱང་སྒྲུབ་ཆོག་མིན་གྱི་དབང་དུ་བྱས་པའི་ས་མཚམས་ཤིག་ནི་ངེས་པར་ཡོད་པ་ཡིན། རྒྱུ་མཚན་དེ་འདྲའི་རྐྱེན་པས་ཡིན་མིན་གང་ལྟར། དྲན་ཚད་ཤོད་ཐུབ་མཁན་གྱི་རིགས་དང༌།
བོད་ཀྱི་དུས་བབ་ནས་བརྐུས།
༡སྤྱི་ཟླ་ ༤ ཚེས་མགོ་ནས་བོད་ཕྱི་ནང་གཉིས་ཀྱི་གསར་ལམ་ཁག་ཏུ་གླེང་སློང་ཤུགས་ཆེ་ཤོས་ནི། དངོས་མིང་ལ་ཁོ་ཚེ་ཚུལ་ཁྲིམས་དང་སྒྲ་མིང་ལ་འཇམ་དཔལ་དགྱེས་པའི་བློ་གྲོས། སྨྱུག་མིང་ལ་འཛམ་གླིང་ཞི་བདེའི་རིག་གནས་ཕོ་ཉ་ཞེས་པ་ཁོང་རྒྱ་གར་བྱང་ཕྱོགས་ངྷ་རམ་ས་ལར་འབྱོར་བའི་སྐོར་རེད། འོན་ཀྱང། གནས་ཚུལ་དེ་ཐོག་མར་གསར་ལམ་ཁག་གི་གསར་འགྱུར་དངོས་མིན་པར། ཟླ་ ༤ ཚེས་ ༩ ཉིན་རྩོམ་པ་པོ་ལྷ་ཆབ་སྦྱིན་པ་ལགས་ཀྱིས་བོད་ཀྱི་དུས་བབ་དྲ་རྒྱའི་ཟིན་བྲིས་སུ། གངས་ཅན་བླ་མའི་ཨབ་ཕྲུག་ཁོ་ཚེ་ཚུལ་ཁྲིམས་ངྷ་སར་སླེབས་པ།
དེ་རིང་གི་གསར་འགྱུར་གྱི་ནང་དུ། བོད་ཀྱི་བུ་མོ་ན་ཆུང་གསུམ་ལ་ཁྲིམས་ཐག་བཅད་པའི་གནས་ཚུལ་ཐོན་འདུག གནས་ཚུལ་ཞིབ་གསལ་ཕ་ཡུལ་དང་དུས་བབ་གཉིས་ན་གསལ། དུས་བབ། http://www.tibettimes.net/news.php?showfooter=1&id=1027 ཕ་ཡུལ། http://phayul.com/news/article.aspx?id=24500&article=Chinese+court+issues+suspended+death+sentence+to+another+Tibetan+-+updated
འབྲུག རྡ་ས།
རྩོམ་པ་པོ་ཁ་སྒང་བསམ་གཏན་རྒྱ་མཚོ་མཆོག་ནི་བོད་ནས་སྐྱེས་ཤིང་བྱེས་ལ་གྱར་བའི་བོད་མི་ཤེས་ཡོན་ཅན་དང་ལྷག་པར་དུ་སྙན་ངག་རིག་པར་ནང་བྱིན་ཆུབ་པའི་སྙན་ངག་རིག་པའི་དགེ་རྒན་དང་། སྙན་ངག་གི་གྲགས་ཅན་རྩོམ་པ་པོ། སྙན་ངག་དཔྱད་བརྗོད་པ་བཅས་ཡིན། ཁོང་གིས་མི་ཚེ་ཕྱེད་ཀའི་རིང་ལ་བོད་ཕྱི་ནང་གཉིས་དང་། སློབ་གྲ་དང་གྲ་བའི་སྤྱི་ཚོགས་གཉིས།
དེ་ལས་མང་བ་། “ཁ་སྒང་བསམ་གཏན་རྒྱ་མཚོ་དང་། བོད་ཀྱི་སྙན་ངག་གི་བསྟན་བཅོས་གསར་བ།” »
བདེ་ཆེན་སྒྲོལ་མ།
དྲ་གྲོགས་སྤོབས་པ་ལགས་དང་བོན་གྱི་གནས་ཆེན་སྐོར་གླེང་མོལ་བྱེད་པ།
ཉིན་འགའི་སྔོན་ཞིག་ལ་ངས་ཚགས་པར་ཞིག་ལས་དྲ་གྲོགས་སྤོབས་པས་བོན་གྱི་སྐོར་ལ་གང་དྲན་དྲན་ཞིག་བཤད་ཡོད་པ་མཐོང་། དེ་རིང་ཡང་ཁོང་གིས་བོན་གྱི་སྐོར་ལ་རང་གི་བསམ་ཚུལ་ལྷུག་པོར་བརྗོད་པའི་མཆན་བུ་འགའ་དང་རྩོམ་ཡིག་ཅིག་མཐོང་སོང་། ཁོང་གིས་བོན་གྱི་སྐོར་ལ་ཅི་ཡང་ཤེས་གི་མི་འདུག་ཟེར་བའི་སྤོབས་པ་ང་ལ་སྤུ་ཙམ་མེད་ན་ཡང་། ཁོང་གིས་བོན་གླེང་ཡོང་དུས་གཟབ་ནན་དང་ཞིབ་ཚགས་དེ་ཙམ་མེད་པར་ཧམ་པ་ཆེན་པོ་བཤད་ཀྱི་འདུག
ཐུབ་བསྟན་བསམ་འགྲུབ། ཐུབ་བསྟན་བསམ་འགྲུབ་ལགས་ནི་བོད་མིའི་སྤྱི་ཚོགས་ནང་མིང་གྲགས་གང་འཚམས་ཡོད་པའི་མི་ཞིག་ཡིན་པ་དང་།ཁོང་ནས་ད་བར་བོད་སྤྱི་ཚོགས་ཀྱི་གྲུ་ཁ་འདྲ་མིན་དུ་བོད་དོན་ཕྱག་ལས་གང་འཚམས་གནང་ཡོད་པ་དང་ཤེས་འཇོན་ཉམས་མྱོང་གང་ས་ནས་གཞན་ལ་ངོ་གནོང་མི་དགོས་པའིབོད་མི་གྲགས་ཆེན་ཞིག་ཡིན་ཞེས་བཤད་རིན་ཡོད་པ་ཞིག་རེད། ལྷག་པར་དུ་ཁོང་ཉེ་སྔོན་དབྱིན་ཡུལ་དོན་གཅོད་ལ་བསྐོ་བཞག་གནང་བ་དང་དེའི་སྔོན་ཙམ་བཀའ་བློན་ཁྲི་བའི་འོས་དམིགས་འཚོལ་བའི་ལས་རིམ་ཞིག་མགོ་བཙུགས་པ་ནས་བོད་མིའི་ཤེས་ལྡན་ཁྲོད་དོ་སྣང་དང་གླེང་སློང་ཤུགས་ཆེ་རུ་ཕྱིན།ང་ཚོའི་དྲ་གནས་འདིའི་ཐོག་ཀྱང་ཁོང་གི་སྐོར་གླེང་སློང་རིམ་པར་བྱུང་བ་ལྟར་རེད།ཡིན་ན་ཡང་།ཁོང་གི་སྐོར་གླེང་སློང་བྱེད་སྐབས་དོན་དངོས་དང་འཚམས་མི་འཚམས་གཉིས་ཀ་བྱུང་ཡོད་པ་རེད། དེ་རིང་མོན་ཁྲི་རེལ་གྱི་བོད་མི་ཚོས་ཁོང་ལ་ཕེབས་སྐྱེལ་གྱི་མཛད་སྒོ་སྟབས་བདེ་ཞིག་བསྡུས་པ་དང་མཉམ་དུ་ཡང་སྐྱར་ཁོང་དང་མཇལ་བའི་གོ་སྐབས་ཤིག་རེག ཁོང་གིས་གསུངས་ན། ཉེ་སྔོན་བཀའ་ཤག་གིས་ད་ལྟ་བོད་ཀྱི་གནས་སྟངས་དེ་ཛ་དྲག་ཅན་དུ་འགྱུར་ཡོད་པ་དང་ལྷག་པར་དབྱིན་ཡུལ་དོན་གཅོད་དེ་གནད་འགག་ཆེན་པོ་ཡིན་པ།་ཁོང་གི་ཉམས་མྱོང་སོགས་ལ་གཞིགས་ནས་དེར་བསྐོ་བཞག་བྱས་པའི་གནས་ཚུལ་འབྱོར་བ་དང་ལམ་སང་་དེར་ངོས་ལེན་བྱེད་མ་ཤེས་པ་ཞིག་བྱུང་གསུངས།ག་རེ་རེད་ཟེར་ན།ཁོང་ནས་ལོ་ཤས་ནས་རྒྱ་ནག་སྤྱི་ཚོགས་ནང་འབྲེལ་བ་འཛིན་པའི་ལས་ཁུངས་ཤིག་དྷ་སར་སྒོ་ཕྱེས་ཡོད་པ་དང་།རྒྱ་གར་ལྷོ་ཕྱོགས་ཀྱི་གཞོན་སྐྱེས་རྣམས་ཀྱི་འཚོ་འདུན་དང་གཞིས་ཆགས་ཁ་ཐོར་དུ་མི་འགྲོ་བའི་ལས་གཞི་ཞིག་ཀྱང་མགོ་བཙུགས་ཡོད་པ་རྣམས་མཇུག་སྐྱོང་བའི་ཆེད་དུ་ཡིན་འདུགཁོང་གི་ཕྱག་ལས་དེ་བོད་གཞུང་གི་ཕྱག་ལས་ཡིན་པ་དང་་གོང་གསལ་གྱི་ཕྱག་ལས་དེ་བོད་གཞུང་ལ་འབྲེལ་བ་ཡོད་པས་བར་ཆད་དུ་མི་འགྲོ་བར་མུ་མཐུད་མཇུག་སྐྱོང་བྱེད་ཆོག་པའི་བཀའི་གནང་བ་ཐོབ་པ་ལ་བརྟེན་ནས་ཁོང་ནས་དེ་ལ་མོས་མཐུན་གནང་་འདུག ཁོང་ནི་ལྷ་སར་སྐྱེས་པ་དང་ཕ་མ་གཉིས་ཁམས་ནས་རེད། ལོ་ ༨ ལ་ཕ་མ་སྤུན་མཆེད་དང་མཉམ་་རྒྱ་གར་ལ་བཙན་བྱོལ་དུ་འབྱོར་བ་དང་ ༡༩༨༠ལོར་ཀེ་ན་ཏའི་བཟའ་ཟླ་དང་བུ་ཕྲུག་གཉིས་མཉམ་ཀེ་ན་ཊར་གནས་སྤོ་བྱས་འདུག ཁོང་དགུང་ལོ་༡༡ཐོག་གཞན་བྱིས་པ་༡༦དང་མཉམ་བོད་ཀྱི་ཟློས་གར་ཁང་ནང་ཕྱིན་པ་དང་དེ་ནས་རིམ་པས་དགེ་རྒན་དང་མཐར་༡༩༧༨ནས་༡༩༨༠བར་ཟློས་གར་ཁང་གི་འགན་འཛིན་བྱས་་ཏེ་ཡོ་རོབ། སིང་གྷ་པོར། ཨོ་སི་ཊོ་རི་ལི་ཡ། ཨ་རི།…
དེ་ལས་མང་བ་། “ཐུབ་བསྟན་བསམ་འགྲུབ་ཀྱི་ངོ་སྤྲོད་མདོར་བསྡུས།” »
