རྒྱ་ནག་ཕྱི་འབྲེལ་ལས་ཁུངས་ནས་ཆེད་དུ་འགྲོ་སོང་བཏང་ནས་བལ་ཡུལ་དུ་ཉེ་བའི་སྤྱི་ཚེས་༩བར་གྱི་ཉིན་གྲངས་ལྔའི་རིང་ཀྲུང་གོའི་བོད་གྱི་འདས་བ་དང་ད་ལྟ་བ་ཞེས་བའི་པར་རིས་འགྲེམས་སྟོན་གྱི་བྱ་འགུལ་རྒྱལ་སའི་ཚོགས་ཁང་དུ་སྤེལ་སོང་།
བོད་རྩོམ་འདེམས་ཀློག་གི་འཛིན་གྲྭའི་གསལ་བསྒྲགས།
བོད་རྩོམ་འདེམས་ཀློག་གི་འཛིན་གྲྭ། འདེམས་ཀློག་གནང་མཁན།-ཧོར་གཙང་འཇིགས་མེད། འདེམས་ཀློག་གནང་དུས།-སྤྱི་ཟླ ༨ པའི་ཚེས་ ༡༥ ཡི་སྔ་དྲོ་དུས་ཚོད་ ༡༡ནས་ཉིན་རྒྱབ་དུས་ཚོད་ ༡༢:༣༠ བར། འདེམས་ཀློག་གནང་ས།-ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་། ཟླ་རེར་ཐེངས་གཅིག་ཚོགས་བཞིན་པའི་འཛིན་གྲྭ་འདིས་དུས་སྐབས་མི་འདྲ་བ་སྟེ། ཏུན་ཧོང་གཏེར་ཡིག་གམ་བོད་བཙན་པོའི་དུས་ཀྱི་རྩོམ་ཡིག་ནས་དེང་རབས་རྩོམ་ཡིག་སྣ་ཚོགས་ནས་དྲག་འདེམས་ཀྱིས་ཀློག་པ་དང་ངོ་སྤྲོད་བྱེད་པའི་འཛིན་གྲྭ་ཞིག་ཡིན། དེ་ནི་རྩོམ་ཡིག་གང་ཞིག་ཀློག་པ་ཁོ་ན་མ་ཡིན་པར། དེའི་ལོ་རྒྱུས་ཀྱི་རྒྱབ་ལྗོངས།…
དེ་ལས་མང་བ་། “བོད་རྩོམ་འདེམས་ཀློག་གི་འཛིན་གྲྭའི་གསལ་བསྒྲགས།” »
ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་གསུང་བཤད་གསལ་བསྒྲགས།
གསུང་བཤད་ཀྱི་ནང་དོན།_ དེང་རབས་སྤྱི་ཚོགས་ཀྱི་ནང་དུ་བོད་རྩིས་ཀྱི་གོ་བབ་དང་དཀའ་ངལ། གསུང་བཤད་གནང་མཁན།_ཡུམ་པ། (བོད་ལྗོངས་སྨན་རྩིས་ཁང་། ལྷ་ས།) གསུང་བཤད་གནང་དུས།_༢༠༠༩ ལོའི་ཟླ་༨པའི་ཚེས་༡༥། གཟའ་སྤེན་པའི་ཕྱི་དྲོ་དུས་ཚོད་ ༣:༠༠པར། གསུང་བཤད་གནང་ས།_ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་། སྐུ་ཞབས་ཡུམ་པ་ནི་ལྷ་སའི་བོད་ལྗོངས་སྨན་རྩིས་ཁང་གི་འགན་འཛིན་དང་ཞིབ་འཇུག་པ་ཡིན། ཁོང་གིས་དེང་སང་གི་སྤྱི་ཚོགས་འདིའི་ནང་དུ་བོད་ཀྱི་རྩིས་རིག་པ་དེས་གོ་བབ་ཇི་ལྟ་བུ་ཞིག་བཟུང་ཡོད་པ་དང་། སྲོལ་རྒྱུན་གྱི་རིག་སྒོ་འདིས་གྲངས་རྡུལ་གྱི་དུས་རབས་འདིའི་ནང་ལ་གདོང་ལེན་བྱེད་དགོས་པའི་དཀའ་ངལ་ཅི་ཡོད་ཀྱི་སྐོར་ལ་བཀའ་མོལ་གནང་རྒྱུ་རེད། སྐུ་ཞབས་ཡུམ་པ་ལགས་ནི་ལྷ་སའི་བོད་ལྗོངས་སྨན་རྩིས་ཁང་གི་འགན་འཛིན་དང་ཞིབ་འཇུག་པ་ཡིན་པའི་སྟེང་། བོད་ལྗོངས་རྩིས་རིག་པའི་མཐུན་ཚོགས་ཀྱི་དྲུང་ཡིག་ཀྱང་ཡིན།…
དེ་ལས་མང་བ་། “ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་གསུང་བཤད་གསལ་བསྒྲགས།” »
སེ་གྲི་ཨོ་སྒ་སི་གྲེན།(St.Augustine)
རྔ་བ་རྒྱལ་ཁམས་པ
———-
སྤྱི་ལོ༣༥༤་༤༣༠
སེ་གྲི་ཨོ་སྒ་སི་གྲེན་མཆོག་ནི། གནའ་བོའི་རོམ་རྒྱལ་ཁམས་ཀྱི་མངའ་ཐང་ཉམས་རྒུད་དུ་འགྲོ་བཞིན་པའི་སྐབས་ཤིག་ཏུ་བྱོན་པའི་མཚན་ཉིད་པ་ཞིག་ཡིན་ལ། ཁོང་གི་ལྟ་སྤྱོད་ལས་རོམ་རྒྱལ་ཁབ་ཀྱི་མངའ་ཁོངས་སུ་རིག་གཞུང་སྣ་ཚོགས་ཤིག་སྐྱེ་འཕེལ་གྱི་སྣེ་འདྲེན་བྱས་ཡོད། དམ་པ་དེ་ཉིད་ཀྱི་ཡབ་ནི་ལྷ་སྐུ་བསྟེན་གསོལ་བྱེད་མཁན་ཞིག་དང་། ཡུམ་ནི་ཡུ་ཤིའི་ཆོས་ལ་དད་པ་བྱེད་མཁན་ཞིག་རེད། ཁོང་རང་ལོ་བཅུ་བདུན་སྐབས་སློབ་སྦྱོང་ལ་ཞུགས་ཤིང་། སློབ་གྲར་བཞུགས་རྒྱུན་རིང་ཡུ་ཤིའི་ཆོས་པ་དང་། ཏ་ཟིག་གི་ལུང་བསྟན་པ་མ་ནེ་སིའི་ཆོས་བརྒྱུད། སྐུ་འདྲ་བསྟེན་གསོལ་བྱེད་མཁན་བཅས་ཀྱི་ཆོས་སྤྱོད་ཐད། དགག་སྒྲུབ་ཚ་ནན་བཏང་སྟེ་ངོས་ལེན་བྱས་མེད་ཁར། བག་མེད་སྨྱོན་པ་ལྟ་བུའི་ཆགས་སྤྱོད་ལ་ཞུགས་པའི་ལོ་རྒྱུས། རང་རྣམ་༼མཐོལ་བཤགས༽ཞེས་པའི་ནང་གསལ་བོར་བཀོད་འདུག
བོད་ཀྱི་ཆོས་རིག་གི་ཕྱག་དཔེ་གང་མང་ཞིག་གི་ཞལ་བཤུས་ལས་ཁུངས་འདི་དང་འབྲེལ་བ་གནང་ན་ཕྱག་སོན་ཡོང་ཐུབ་ཀི་འདུག
ལས་ཁུངས་འདི་ཉིག་ཡོར་གྲོང་ཁྱེར་དུ་ཡོད་ཅིང་། ལ་རྩེ་དཔེ་མཛོད་ཁང་གི་ཐག་ཉེ་ཐག་ཉེ་ཞིག་ཏུ་ཡོད། རུའུ་སྦིན་འགྲེམ་སྟོན་ཁང་གིས་ཀྱང་ཁྱེད་ལ་ལམ་རྒྱུས་གནང་ཐུབ་བསམས། http://www.tbrc.org/kb/tbrc-dl.xq;jsessionid=C30FB640CA6DA6250F5E4D077D6585E3
ལས་འབྲས་ཀྱི་སྐོར་ནས་རང་གི་རྨོངས་འཆར་འགའ་ཡི་གེར་བསྡེབས་པ།
རིག་འབྱུང་དོན་གྲུབ་བཀྲ་ཤིས། ཨ་རི།
དེང་རབས་ཤེས་ཡོན་ཟེར་བ་འདི་སྦྱང་གིན་སྦྱང་གིན་ངེད་ལ་ཚོར་སྣང་འདི་འདྲ་ཞིག་སླེབས་ཡོང་གི་འདུག
དཔལ་འབྱོར་གྱི་འཁྲུག་ཆ་དོད་ཅིང་ཆབ་སྲིད་ཀྱི་རྣོ་ངར་ཆེ་བའི་དེ་རིང་སང་ཉིན་གྱི་སྤྱི་ཚོགས་འདིར། དཔལ་འབྱོར་ཉོ་ཚོང་དང་ཁེ་ལས་ཀྱི་འཁོར་རྒྱུག་ཆེ་དྲགས་པ་རེད་ལབ་ནའང་འདྲ། ཆབ་སྲིད་དབང་འཛིན་གྱི་ལམ་ལུགས་སྤུས་དག་ཞིག་མེད་པ་རེད་ལབ་ནའང་འདྲ། ཡང་ན་། འགྲོ་བ་མི་རྣམས་ཀྱིས་སོ་སོའི་འཚོ་སྡོད་ཀྱི་མངོན་འདོད་སྒྲུབ་སྟངས་དང་འཚོ་སྡོད་ལ་བློ་ཁ་ཕྱོགས་སྟངས་ནོར་བ་རེད་ལབ་ནའང་འདྲ། གང་ལྟར་། སྤྱི་ཚོགས་ཞི་བདེ་མེད་པ་དང་མི་ཚེ་ལྷིང་འཇགས་མེད་པ། བཟང་སྤྱོད་ཀྱི་རིན་ཐང་དམའ་བ། ད་དུང་། དྲང་བདེན་དང་ལྷག་བསམ། གཞན་ཕན་ཟེར་བ་སོགས་ཀྱང་བྱ་བའི་གལ་དང་གནད་ལ་ཐུག་ཡོང་དུས་། དེ་དག་གི་ནུས་བ་ནི་ཆུང་ནས་ཆུང་དུ་དང་། དམའ་ནས་དམའ་རུ། ཉམ་ཆུང་བ་ནས་ནུས་བ་མེད་པ་ཆགས་ཀྱི་འདུག དེས་ག་ལ་ཚད། དཔལ་འབྱོར་གྱི་རླབས་རྒྱུན་དྲག་པོ་འདིས། མི་སྒེར་བ་ཕན་ཚུན་གྱི་ཡིད་ཆེས་བརླགས། ནང་མི་ཕན་ཚུན་གྱི་མཛའ་བརྩེ་བཤིག
རྒྱལ་ཁབ་ཉམ་ཆུང་རྣམས་ཀྱི་གཉའ་ནས་མནན། ཡུལ་མི་དབུལ་བོ་རྣམས་གཡོག་ལ་བསྒྱུར། འདི་ལྟར་བསམ་ཡོང་དུས།
དེ་ལས་མང་བ་། “ལས་འབྲས་ཀྱི་སྐོར་ནས་རང་གི་རྨོངས་འཆར་འགའ་ཡི་གེར་བསྡེབས་པ།” »
བོད་པ་ཚང་མར་འགན་དེ་ཡོད།
་་་་་་༢༠༡༡ལོའི་བཀའ་བློན་ཁྲི་པ་ག་འདྲ་ཞིག་གདམ་པའི་འགན་དེའི་ཆ་ཤས་བོད་པ་ཚང་མར་ཡོད།
འབྲོག་རུ་ཆོས་གྲགས་ཀྱིས།
༢༠༡༡ ལོའི་བཀའ་ཁྲི་དེ་མི་ག་འདྲ་ཞིག་གདམ་མིན་གྱི་འགན་དེའི་ཆ་ཤས་བོད་པ་ཚར་མར་ཡོད་སྟབས། ཚང་མས་འདི་ལ་འགན་འཁུར་དགོས་པ་མ་ཟད། འཚོལ་ཞིབ་དང་དཔྱད་བསྡུར་ཡང་གང་མང་མང་བྱ་དགོས་པར་འདོད།
ང་རང་བོད་པ་ཞིག་ཡིན་པའི་ཆ་ནས ༢༠༡༡ ལོའི་བཀའ་བློན་ཁྲི་པ་ག་འདྲ་ཞིག་གདམ་མིན་གྱི་སྐོར་ནས་སྐད་ཆ་ཞིག་མི་བཤད་རང་བཤད་དང༌། བསམ་བློ་ཞིག་མི་གཏོང་རང་གཏོང་ཆགས་སོང༌། ངས་དེའི་སྐོར་ལ་བསམ་བློ་བཏང་བཏང་བའི་མཐའ་མར་དྲི་བ་ཞིག་གིས་ང་ལ་ཡང་བསྐོར་བསྐྱར་བསྐོར་རྒྱག་གི་འདུག ༢༠༡༡ ལོའི་བཀའ་བློན་ཁྲི་པ་སུ་ཞིག་ཡིན་ཡང་དེས་བོད་ཕྱི་ནང་གཉིས་ཐབས་བརྒྱ་ཇུས་སྟོང་གིས་ལྷན་འཛོམས་ཀྱི་ཉིན་མོ་ཞིག་བསྐྲུན་མི་ཐུབ་ཀྱང༌། ཕྱི་ལོགས་ན་ཡོད་པའི་བོད་ཀྱི་སྤྱི་ཚོགས་འདི་བོད་སྐད་ཡིག་གི་ཕ་ཡུལ་ལྟ་བུ་ཞིག་ཏུ་བསྒྱུར་རྒྱུ་དང་བཙན་བྱོལ་གྱི་གནས་བབ་སྲ་བརྟན། དུས་དང་བསྟུན་ནས་ཡར་རྒྱས་དང་གསར་བཏོད་ཀྱི་ལས་ལ་འབད་བརྩོན་བྱ་ཐུབ་མཁན་ཞིག་ངེས་པར་དུ་ཡིན་དགོས་ཞེས་པའི་དྲི་བ་འདི་རེད། ད་དུང་དྲི་བ་འདིས་ང་ལ་བོད་མིའི་སྐྱིད་སྡུག་གི་གཏམ་རྒྱུད་བཤད་བྱུང༌། གཞིས་བྱེས་ལྷན་འཛོམས་ཀྱི་རེ་སྨོན་སོགས་མང་བོ་མང་བོ་ཞིག་བཤད་བྱུང༌།
ཟླ་ངོགས་ཀྱི་འཇིག་རྟེན།
ཟླ་བ་གཞོན་ནུ།
བརྩེ་བ་འོད་ཀྱིས་འཕྲོ་བའི་ཟླ་ངོགས་ཀྱི་ལྡུམ་རྭ།།
སེམས་པ་ཕྱག་གིས་འགྱོགས་པའི་ན་གཞོན་གྱི་བརྩེ་འདང༌།།
བྱད་བཞིན་འཛུམ་དུ་འཁྱིལ་བའི་ཕྱུགས་ཆུང་གི་འཇོ་སྒེག།
འདོད་ལྡན་མིག་དབང་འཕྲོག་པའི་གཞི་མ་རུ་བསྟབས་འདུག།
མུ་ཏིག་ཚོམ་བུར་འཐོར་བའི་ཨ་སྔོན་གྱི་དབྱིངས་རིམ།།
བརྩེ་བ་སྤྱན་ནས་འཛུམ་པའི་དགའ་མ་ཡི་ལང་ཚོ།།
ཆེ་ཆེར་བཞད་ཅིང་འཚེར་བའི་སྐར་ཆེན་གྱི་མིག་ཞགས།།
དུང་བ་སྙིང་ལ་འཇོ་བའི་སེམས་སོང་གི་རེ་སྨོན།།
༠༨༠༨༠༨བརྗེད་མི་སྲིད་ཟེར།
བལ་ཡུལ་དུ་སྤྱི་ཚེས་བརྒྱད་ཉིན་བོད་མི་དངས་བླངས་ལས་འགུལ་ཚོས་རྒྱལ་ས་ཀཱ་ཐ་མན་གྲུ་བོད་མི་འདུས་སྡོད་བྱེད་ཡུལ་ས་གནས་ཁག་གསུམ་དུ་དུས་གཅིག་ལ་ལོ་སྔོན་མའི་སྤྱི་ཟླ་༨ཚེས་༨ནམ་ཡང་བརྗེད་ཐབས་མེད་པའི་དྲན་གསོའི་ལས་འགུལ་སྤེལ་ཡོད་ལ་སྐབས་དེར་མར་མེ་ཁྲོམ་སྐོར་དང་། མྱ་ངན་གུས་འདུད། རྔམ་སྟོན་སྐད་འབོད། བོད་གྱི་རྒྱལ་དར་གནམ་ལ་གཏོང་རྒྱུ་སོགས་གྱི་ལས་འགུལ་སྤེལ་ཡོད། ༠༨༠༨༠༨མི་རྒྱ་ནག་གིས་འཛམ་གླིང་མི་མང་ལ་སྐྱག་རྫུན་བཤད་པའི་ཉིན་མོ་རེད་ཟེར།
མཚོ་ལྷོ་ཁུལ་རྩི་གོར་ཐང་དུ་བྱུང་བའི་གློ་ཚད་གཉན་རིམས་སམ་བྱི་ནད།
སྨན་པ་གཡང་འབུམ་རྒྱལ།
རྩི་གོར་ཐང་དུ་བྱུང་བའི་གློ་ཚད་གཉན་རིམས་སམ་བྱི་ནད་ཀྱི་འཇིགས་ཉེན་དེ་ད་ལྟ་ཡལ་ཞིང་། ཕྱི་ཟླ་ ༨ ཚེས་༨ ཉིན་ས་གནས་གཞུང་གིས་སླར་ཡང་ས་དེ་གའི་མི་དམངས་ཡར་མར་འགྲོ་བསྐྱོད་ཆོག་པ་བཟོས་ཡོད།སྤྱིར་ནད་རིམས་འདི་འབྱུང་རྒྱུ་དཀོན་ནའང་སྲོག་ཉེན་ཧ་ཅང་ཆེ་བའི་ནད་རིམས་ཤིག་ཡིན་པར་བརྟེན། ས་དེ་གའི་ཡུལ་མི་དང་རྒྱ་ནག་གཞུང་། རྒྱལ་སྤྱིའི་སྟེང་ནད་ཡམས་ཆེན་པོ་ཞིག་འབྱུང་ཉེན་གྱི་འཇིགས་སྐྲག་ཅིག་བསླངས་ཡོད།
ཡོངས་གྲགས་ལྟར་ནད་རིམས་འདིས་མི་གསུམ་གྱི་སྲོག་འཕྲོག་ཅིང་མི་དགུ་ནད་འདིས་མནར་ཏེ་ནད་པ་བཟོས་ཡོད་ལ། ས་དེ་གའི་འབྲོག་མི་ཆིག་ཁྲི་ལྷག་ལྟ་རྟོག་བཀག་ཉར་འོག་གནས་ཡོད། ཡིན་ནའང་རྒྱལ་སྤྱིའི་འཕྲོད་བསྟེན་ཆེད་ལས་པས་བརྗོད་ན། ནད་རིམས་འདི་ནད་ཡམས་ཉེན་ཚབས་ཅན་ཞིག་ཡིན་ནའང་། ད་ཐེངས་རྒྱལ་སྤྱིའི་གསར་ལམ་ཁག་གིས་དེ་འདྲའི་དོ་སྣང་བྱེད་པའི་གསར་འགྱུར་ཚ་བོ་ཞིག་ཏུ་གྱུར་མེད། རྒྱུ་རྐྱེན་ནི་ལོ་རེར་མི་གྲངས་ ༢༠༠༠ ནས་ ༣༠༠༠ བར་ལ་ནད་རིམས་འདིའི་ནད་འབུ་འགོ་ཕོག་བྱུངགི་ཡོད་པའི་སྙན་ཐོ་འཛམ་གླིང་འཕྲོད་བསྟེན་ལྷན་ཚོགས་ལ་འབྱོར་བཞིན་ཡོད་པ་དང་། གཙོ་བོ་ཨ་ཕི་རི་ཀའི་རྒྱལ་ཁབ་ཁག་ཅིག་ལ་འབྱུང་གི་ཡོད།
དེ་ལས་མང་བ་། “མཚོ་ལྷོ་ཁུལ་རྩི་གོར་ཐང་དུ་བྱུང་བའི་གློ་ཚད་གཉན་རིམས་སམ་བྱི་ནད།” »
སྒོམ་སྡེ་ལྷ་རམས་པའི་ཚིག་མཛོད་ངོ་སྤྲོད་དང་ཁོང་གིས་གནང་བའི་དྲི་ལན་རྣམས་ཕྱོགས་སུ་བསྡུས་བ།
ངེད་ཀྱི་ཚིག་མཛོད་དམ་སྒོམ་སྡེ་ཚིག་མཛོད་༼མདོ་སྔགས་གཞུང་ཆེན་མོའི་ཚིག་མཛོད་རིས་མེད་མཁས་པའི་ཞལ་ལུང༽ཞེས་བྱ་བ་འདིའི་ངོ་སྤྲོད་མདོར་བསྡུས་ཤིག་འབུལ་བ་ལ།
ཚིག་མཛོད་འདི་སྤར་ཐེངས་དང་པོར་ཤོག་ངོས་༧༨༣ཙམ་ཡོད་ཅིང་། སྤར་འདེབས་བོད་གཞུང་རིག་གཞུང་སྤར་ཁང་ནས་༢༠༠༥ལོར་བྱས། འདིའི་སྤར་སྐྲུན་གྱི་མཐུན་འགྱུར་ཕལ་ཆེར་༸གོང་ས་སྐྱབས་མགོན་ཆེན་པོའི་སྐུ་སྒེར་ཡིག་ཚང་ནས་གནང་། སྤར་འདེབས་ཐེངས་གཉིས་པ་འདིར་ཤོག་ངོས་༡༢༠༠ལ་ཉེ་བ་ཞིག་ཡོད་ཅིང་། ༢༠༡༠ལོར་རིང་མིན་སྤར་སྐྲུན་བྱ་རྒྱུའི་འདུན་པ་ཤས་ཆེར་ཡོད་ལགས།
དོན་གྲུབ་དབང་ཆེན་གྱི་ནང་མིས་གོང་ས་མཆོག་ལ་མཇལ་བཅར།
ཉེ་བའི་ཆར་འཇིགས་བྲལ་གློག་བརྙན་བཟོ་མཁན་རྒྱལ་གཅེས་བ་དོན་གྲུབ་དབང་ཆེན་ལགས་ཀྱི་ནང་མིས་གོང་ས་མཆོག་ལ་མཇལ་བཅར་ཞུས་བའི་སྐབས་གྱི་པར། གནས་ཚུལ་ལྟར་ན་ད་བར་འཇིགས་བྲལ་གློག་བརྙན་དེ་བོད་ནང་གི་བོད་མི་ཚོའི་རེ་འདོད་ལྟར་༸གོང་ས་མཆོག་ལ་ཐད་ཀར་འབུལ་ཐུབ་མེད་ཀྱང་ཉེ་སྔོན་མཇལ་བཅར་སྐབས་བཟའ་ཟླ་ནང་མིས་མཉམ་དུ་ཐད་ཀར་གོང་ས་མཆོག་ལ་འབུལ་ཡོད་པ་རེད་འདུག།
བོད་ཀྱི་ལོ་རྒྱུས་ཐོག་ནུབ་གླིང་བ་དང་ཆང་ས་རྒྱག་མཁན་དང་པོ་དེ་བདེ་ཆེན་ཡིན་ན་ཁྲིག་ཁྲིག་མེད་གི
རྒྱ་གར་ཤར་ཕྱོགས་ཚོང་སྡེའི་གཞུང་ཞབས་མི་སྣ་ ཇོར་ཇི་བྷེ་གལ་ཟེར་བ་དེ་བྷེང་ལོར་དང་བོད་བར་ཚོང་འབྲེལ་གྱི་ཆེད་དུ་ ༡༧༧༤ ལོར་གཙང་ལ་སླེབས་ནས་པན་ཆེན་རིན་པོ་ཆེ་སྐུ་ཕྲེང་དྲུག་པ་དཔལ་ལྡན་ཡེ་ཤེས་ལ་མཇལ་ཞིང་། བཀྲ་ཤིས་ལྷན་པོར་བོད་ཡིག་སྦྱངས་ནས་བསྡད་འདུག ཕ་ཁྲི་རིག་ཧྥི་རེན་ཆི་ནས་བྲིས་པའི་བོད། བོད་ཟེར་བའི་དབྱིན་དེབ་དེའི་ནང་བྲིས་པ་ལྟར་ན། བྷེ་གལ་གྱིས་བོད་མོ་བདེ་ཆེན་ལ་ཆང་ས་རྒྱབ་འདུག་པ་དང་། ཁོང་གཉིས་ལ་ བུ་མོ་གཉིས་ཡོད་པ་དང་། བུ་མོ་དེ་གཉིས་སློབ་སྦྱོང་གི་ཆེད་དུ་ཕྱིར་སི་ཁོ་ཊི་ལན་ཊིར་བཏང་ཚུལ་བྲིས་འདུག ཡང་ཝེ་ཀི་ཧྥེ་ཌེས་ཡ་ནང་ཡིག་ཆ་ཞིག་མཐོང་བའི་ནང་། བྷོ་གལ་གྱིས་ཆང་ས་རྩ་ནས་བཀྱོན་ཡོད་པ་མ་རེད། ཡིན་ནའང་། ཁོ་ལ་བུ་ཇོར་ཇི་དང་བུ་མོ་མར་ཐ་དང་མེ་རི་གཉིས་ཡོད་པ་རེད།…
བོད་ཀྱི་ལོ་རྒྱུས་ཐོག་ཡོ་རོབ་ཀྱི་མི་དང་ཐེངས་དང་པོར་གཉེན་སྒྲིག་བྱེད་མཁན་བུད་མེད་རྩོམ་པ་པོ་རིན་ཆེན་ལྷ་མོ།
རིན་ཆེན་ལྷ་མོ་ལགས་ནི་དུས་རབས་བཅུ་དགུ་བའི་་དུས་མཇུག་ཏུ་བོད་ཡུལ་ཁམས་སུ་སྐྱེས་ཤིང་དེ་རུ་འཚར་ལོངས་བྱུང་། ལོ་ན་གཞོན་པའི་སྐབས་སུ་བོད་དུ་བཅའ་སྡོད་དབྱིན་ཇིའི་སྐུ་ཚབ་( LOUS KING )ཟེར་བ་དང་མཉམ་དུ་གཉེན་སྒྲིག་བྱས་ཤིང་དབྱིན་ལན་དུ་ཕྱིན་དེ་མི་ཚེའི་ལྷག་འཕྲོ་དེ་རུ་བསྐྱལ། ཁོ་མོས་བརྩམས་པའི་” We Tibetans”ང་ཚོ་བོད་མི་རྣམས་ཞེས་པ་དེ་ཕྱི་ལོ་༡༩༢༦ལོར་དབྱིན་ལན་དུ་ཐེངས་དང་པོར་དཔར་བསྐྲུན་བྱས། དེ་རྗེས་ཕྱི་ལོ་༡༩༨༥ལོར་ཨ་རིའི་ནེའུ་ཡོག་ཏུ་བསྐྱར་དུ་དཔར་བསྐྲུན་ཐེངས་གཉིས་པ་དེ་བྱས་འདུག དཔལ་འབྱོར་དཔར་བསྐྲུན་ཁང་གིས་དཔར་ཐེངས་གསུམ་པ་དེ་བཏབས་འདུག
ཧེ་ཕ་ཁྲིའི་ཡ།(Hypatia)
རྔ་བ་རྒྱལ་ཁམས་པ།
———–
སྤྱི་ལོ༣༧༠་༤༡༥
བོད་ཀྱི་རྩོམ་རིག་གི་འཕེལ་རིམ་རགས་ཙམ་གླེང་པ།
བེ་རི་འཇིགས་མེད།།
སྔོན་གླེང༌།ལི་འཁྲིའི་ཐིག་ལེ་འཛུམ་པའི་དཀྱིལ་འཁོར་ལ།།
ཆོས་ཀུན་གཅིག་ཏུ་འཆིངས་བའི་འོད་ཞགས་གསལ།།
འགྲོ་བློའི་རྨོངས་པ་གཏུབས་པའི་མཚོན་རྣོན་གྱིས།།
མུན་པའི་གཡུལ་ས་འཇོམས་པའི་མགོན་དེས་སྐྱོངས།།
མཁས་པའི་བྱ་བ་ནམ་མཁའི་མཐའ་ལྟར་ཡངས།།
ཤེས་བྱའི་རྣམ་གྲངས་སྐར་མའི་གྲངས་ལས་མང༌།།
དེ་ཀོ་གཅིག་ཏུ་གསལ་བའི་མེ་ལོང་ནི།།
རྩོམ་རིག་ཟླ་བའི་དཀྱིལ་འཁོར་འདི་ཁོ་ན།།
ཞེས་གང་ཞིག་སྔོན་དུ་གླེང་བའི་གཏམ་གྱིས་མཚམས་སྦྱར་ནས་འདི་བོད་ཀྱི་རྩོམ་རིག་ གི་འཕེལ་རིམ་རགས་ཙམ་གླེང་པ་ལ། དེ་ཡང༌། མཁས་པའི་བྱ་བ་ལ་མུ་མཐའ་མེད་ཅིང༌། ཤེས་བྱའི་རྣམ་གྲངས་རྫོགས་མཐའ་མེད། ནམ་མཁའི་སྐར་ཚོགས་དང་ཆཱུ་ཁའི་བྱེ་མ་ལྟ་བུའི་ཤེས་བྱའི་བྱེ་བྲག་ཤིན་ཏུ་མང་ པོའི་ནང་ནས། རྩོམ་རིག་ནི། འཕགས་ཡུལ་གྱི་སྙན་ངག་པ་ཙན་དྲ་གོ་མས། གང་ཕྱིར་མཁས་པའི་ལས་གསུམ་ལས།།
འཆད་རྩོད་ངག་ལ་མ་ངེས་པ།།
སྲིད་ཕྱིར་མི་འཁྲུལ་རྩོམ་པ་སྟེ།།
ཞེས་དང༌། རྗེ་ཙོང་ཁ་པ་ཆེན་པས།
རིག་ལམ་རྣམ་པར་འབྱེད་པའི་རྣམ་དཔྱོད་དང༌།།
གཞུང་ལུགས་གདམས་པར་ཤར་བའི་ཉམས་ལེན་དང༌།།
ཚིག་སྦྱོར་ཚུལ་ལ་མཁས་པའི་ངག་གི་དཔལ།།
ས་སྟེང་འདི་ན་རིན་ཆེན་རྣམ་གསུམ་སྣང༌།།
ཞེས་དང༌། རྒྱ་ནག་གི་ཀོང་ཙེ་འཕྲུལ་གྱི་རྒྱལ་པོས། སྙན་ངག་མེད་ན་གཏམ་དུ་བྱ་བ་མེད།།
དེ་ལས་མང་བ་། “བོད་ཀྱི་རྩོམ་རིག་གི་འཕེལ་རིམ་རགས་ཙམ་གླེང་པ།” »
དེང་དུས་བོད་ཀྱི་རྩོམ་རིག་གི་ཞན་ཆ་རགས་ཙམ་གླེང་པ།
བེ་རི་འཇིགས་མེད་དབང་རྒྱལ།
སྔོན་གླེང༌།
གང་ཞིག་མཐོང་ཐོས་དྲན་པའི་མོད་ལ་ཡང༌།།
འཇིགས་པ་བརྒྱད་སྐྱོབ་འཕྲིན་ལས་ལྷུན་གྲུབ་མ།།
གང་ཁྱོད་བདག་གི་ཚེ་རབས་སྔོན་མ་ནས།།
ལྷག་པའི་ལྷ་མཆོག་མཛད་པའི་བག་ཆགས་མཐུག།
སྔོན་ནས་ད་ལྟ་ད་ནས་མ་འོངས་པ།།
ཇི་སྲིད་མཆོག་གི་གོ་འཕང་མ་ཐོབ་པ།།
དེ་སྲིད་ལྷག་པའི་ལྷ་མོ་ཁྱོད་ཉིད་ཀྱིས།།
བརྩེ་བའི་སྤྱན་ཞགས་མ་གློད་ཏཱ་རེ་མ།།
ཆོས་རིག་བསམ་འཕེལ་ནོར་བུས་གཏམས་པ་ཡི།།
གངས་ཅན་རྩོམ་རིག་རྒྱ་མཚོའི་རླབས་ལྡན་མར།།
ཉེས་བྱས་བ་ཚྭའི་དྲི་མ་བསལ་བའི་སླད།།
རྩོམ་རིག་ཞན་ཆའི་ངོ་སྤྲོད་ཅུང་ཟད་གླེང༌།།
རྩོམ་རིག་ནི། བསྐལ་པ་ཡར་ཐོག་ནས་བྱུང་བའི་རིག་པའི་རྣམ་གཞག་གི་ཁྲོད་ནས་སྐབས་དེ་དང་དེ་དག་གི་སྤྱི་ཚོགས་ཁྲོད་ནས་བློ་ཁ་མཐོ་བ་དང་དྲན་ཚད་མྱུར་བ་ཚོའི་བསམ་བློའི་འཆར་སྒོ་དང་བསྟུན་ནས་བྱུང་བའི་རིག་པ་ཞིག་ཡིན་ལ། རིག་པ་དེ་ཉིད་སྤྱི་ཚོགས་ཀྱི་འཕེལ་རིམ་དང་བསྟུན་ནས་རྒྱལ་ཁབ་འདྲ་མིན་དང་མི་རིགས་འདྲ་མིན་གྱིས་རང་རང་གི་རིག་པའི་གཞུང་ལུགས་ཀྱི་སྒྲོམ་གཞི་མི་འདྲ་བ་དུ་མའི་ནང་དུ་བསྡུས་ཏེ། རྩོམ་རིག་གི་རྣམ་གཞག་རིམ་པར་བརྒྱུད་པའི་ལོ་རྒྱུས་ཀྱི་རྒྱུད་རིམ་མི་འདྲ་བ་དུ་མ་སྣང་བའི་ཁྲོད་ནས། རང་རེ་བོད་ཀྱི་རྩོམ་རིག་ཀྱང་མེད་པ་ནས་ཡོད་པ་དང༌། ཡོད་པ་ནས་གྲ་རྒྱས་སུ་སོང་བའི་རྒྱུད་རིམ་ཧ་ཅང་རིང་བ་ཡང་བཤད་ག་ལ་དགོས།
དེ་ལས་མང་བ་། “དེང་དུས་བོད་ཀྱི་རྩོམ་རིག་གི་ཞན་ཆ་རགས་ཙམ་གླེང་པ།” »
བཀའ་ཁྲི་འདེམས་ན་འདིར་རྒྱུགས།
kalontripa.org འདིའི་ནང་ཕྱིན་ན་ཁྱེད་རང་གིས་བཀའ་ཁྲིའི་འོས་གཞི་ཐད་ཀར་འདེམས་ཐུབ། ད་བཀའ་ཟུར་རྙིང་པ་སྤོར་ཏོ། ཀླད་རྡིབ་ཆགས་པ་དེ་ཚོ་འདེམས་མ་འདེམས་ཨེ་ཡོད། སེམས་ཤུགས་དང་ཡིད་ཆེས་ཀྱིས་ཁེངས་པའི་གཞོན་ནུ་ཞིག་འདེམས་ན་མ་རེད་པས། བཀའ་ཁྲིའི་ལོ་ཚོད་དེ་མ་མཐའ་ལོ་ ༣༥ རེད། ཡ་མཚན་པ་ཞིག་ལ་ཡ་མཐའ་མི་འདུག ཕལ་ཆེར་ཕྱིའི་རྒྱལ་ཁབ་ཁག་གི་རྗེས་སུ་ཧོལ་རྒྱུགས་བྱས་པ་འདྲ། ཨ་རི་ལའང་མ་མཐའ་ལོ་ ༣༥ དང་ཡ་མཐའ་མི་འདུག དེའི་སྐོར་དྲ་ཐོག་ནས་དྲི་བ་ཞིག་དྲིས་པའི་ལན་དུ། ཁྲིམས་ཀྱིས་ལོ་ཚོད་ལ་དབྱེ་འབྱེད་བྱེད་རྒྱུར་དགག་ཆ་བྱེད་གི་རེད་ལྟ་བུའི་ལན་ཞིག་མཐོང་།…
ལྷ་འདྲེ་ཡི་གཏོར་བརླག་གི་ཁྲོད་ན་ཡོད་པའི་བདག་གི་བོད།
མི་ཞུན། ལྦར་ནཱ།
དྲ་གྲོགས་རྣམ་པ། ངས་ཁྱེད་ཚོ་ལ་དྲི་བ་ཞིག་འདྲི། དོལ་ཚོགས་ལ་འབྲེལ་ཐག་གཅོད་པའི་མནའ་སྐྱེལ་དམ་འབུལ་གྱི་ཚ་རླབས་འཕྱུར་དུས་ཤིག་ལ། ཁྱེད་ཀྱི་ཆེས་དགའ་བའི་སྙིང་ལོ་མ་དེ་དོལ་རྒྱལ་བསྟེན་མཁན་གྱི་མི་ཞིག་གི་བུ་མོ་ཡིན་དང་ན། ཁྱེད་ཀྱིས་ཅི་ཞིག་བྱེད་རྒྱུ་ཡིན་ནམ།
དེ་ལས་མང་བ་། “ལྷ་འདྲེ་ཡི་གཏོར་བརླག་གི་ཁྲོད་ན་ཡོད་པའི་བདག་གི་བོད།” »
ཧི་གཟུགས་ཟིན་བྲིས་ལ་ནད་ཅིག་བྱུང་ཡོད་དམ།
ཧི་གཟུགས་ཟིན་བྲིས༼http://www.tibettl.com/blog/index.html༽འདི་ལ་ལྟ་མི་ཐུབ་པར་ཧ་ལམ་ཉི་མ་འགའ་ཕྱིན་སོང་། དེའི་རྒྱུ་རྐྱེན་གང་ཡིན་ནམ། གཤམ་གསལ་གྱི་དྲི་བ་འདི་དག་ནི་ངེད་ཀྱི་སེམས་ལ་འཁོར་བྱུང་། 1 འདི་ལ་ཕྱི་ལོགས་ནས་ལྟ་མཁན་བཀག་པ་ཡིན་ནམ། 2 ནང་ལོགས་ནས་ཀྱང་ལྟ་མི་ཐུབ་པ་ཡིན་ནམ། 3 ཕྱི་ལོགས་ནས་འཛུལ་མཁན་ཤུགས་ཆེར་ཡོད་པ་དེ་ཚོ་དམིགས་བསལ་གྱིས་བཀག་པ་ཡིན་ནམ། 4 ནང་ལོགས་ནས་ལྟ་ཐུབ་ཚེ་ཕྱི་ལོགས་ནས་ཀྱང་ལྟ་ཀློག་ཐུབ་པའི་འཕྲུལ་ལམ་དེ་འདྲ་ཡོད་དམ།
