སྐར་ཁྲི་བཙན།
དེང་རབས་བུ་མོ་ཕལ་ཆེར་ཞིག་ལ་སྐུ་ངོ་རྒྱག་པའི་བཞུགས་ཁྲི་དགོས་པའི།།
རས་གདན་སྟེང་གི་ལྡོམ་པོ་ང་ཡི་འདུག་ས་བུ་མོའི་བློ་ལ་ཨེ་འགྲོ།།
དེང་རབས་བུ་མོ་ཕལ་ཆེར་ཞིག་ལ་ཕྱུག་པོ་རྫིག་པོའི་རླངས་འཁོར་དགོས་པས།།
རྐང་ཐང་འགྲོ་བའི་འཁྱར་བོ་ང་ཡི་འགྲོ་རོགས་བུ་མོས་བྱ་ན་ཨེ་འདོད།།
ཉིན་གྲངས་འདི་ཚོར་བོད་ནང་གི་དྲ་ལམ་ཁག་ན་གླེང་མོལ་ཤུགས་ཆེན་བྱེད་བཞིན་པའི་འདྲ་པར་འདི་ཁ་བརྡ་བ་ཚོར་གཟའ་མཇུག་གི་ཁ་བརྡའི་ཆེད་བཀོད་ཡིན།
ན་ནིང་ཞིག་ནས་བཟུང་རྒྱ་ནག་ལ་དགྱ་ནག་འབྲི་མཁན་འགའ་ཤས་ཤིག་བྱུང་། དེ་ཚོ་ལ་སྣང་མེད་བྱས་ནསད་བར་ཁ་བཙུམ་བསྡད་པ་ཡིན། ད་ལོ་ནས་དེ་ལྟར་འབྲི་མཁན་མང་ནས་མང་དུ་འཕེལ་བཞིན་འདུག ད་གཅིག་བྱས་ན་ཁོ་ཚོར་ཁུངས་ཤིག་ཡོད་པ་མིན་ནམ་སྙམ་ནས་ཡིག་རྙིང་དེ་ཚོ་ཀློག་པ་ཡིན། དེ་འདྲ་ཅང་མཐོང་རྒྱུ་མི་འདུག ཏུན་ཧོང་གཏེར་ཡིག་ནང་ཡང་དེ་འདྲ་མཐོང་རྒྱུ་མི་འདུག ཨ་མདོའི་ཁ་སྐད་དུ་བྲིས་པའི་གླུ་དང་ལ་གཞས། སྟོན་བཤད། གཉེན་བཤད། ཆང་བཤད། ཇ་བཤད། མདའ་བཤད། གནས་བསྟོད། རོགས་མཐུན་། བསང་ཡིག་ཚུན་ཆད་ལ་བལྟས་པ་ཡིན།…
བསིལ་ཆབ།
དགེ་རྒན་ཞིག་ཡིན་ཚེ་རང་གི་སློབ་ཕྲུག་གི་བློ་སྒོ་ཇི་ལྟར་འབྱེད་པའི་སྐོར་ལ་བསམ་བློ་མི་གཏོང་མཁན་ཕལ་ཆེར་ཡོད་མི་སྲིད་ལ། དེ་ཡང་རང་ཉིད་ལ་སྐད་ཡིག་གི་རྨང་གཞི་ཡོད་པ་ཁོ་ནས་མི་འགྲིགས་སྟེ། གཙོ་བོ་སློབ་ཁྲིད་ཀྱི་ཐབས་ལམ་དང་སྐད་ཡིག་གི་མངར་ཆ་སྤྲོད་ཐུབ་མིན་ལ་རག་ལུས་ཡོད་པ་མ་ཟད། དམིགས་བསལ་སློབ་ཕྲུག་རྣམས་རང་གི་སྐད་ཡིག་ལ་དུང་ཞེན་ལྡན་པ་ཞིག་བཟོ་ཐུབ་མིན་ལའང་རག་ལུས་ཡོད། འོན་ཀྱང་དེ་ནི་དགེ་རྒན་གྱི་ཤེས་ཚད་དང་ཐབས་རྩལ་ལ་རག་ལུས་པས་ན་འདི་ནས་ཆེད་དུ་དགེ་རྒན་རྣམ་པ་དང། དགེ་རྒན་ལྟ་བུའི་རྩོམ་པ་པོ་རྣམས་ལ་འབོད་བསྐུལ་དང་འབྲེལ་མ་འོངས་བོད་ཀྱི་སོན་རྩར་གླེང་བའི་སློབ་ཕྲུག་འདི་དག་གི་ཆེད་དུ་རྩོམ་ཡིག་དང། ཁྲིད་ཐབས། སྐད་ཡིག་སྦྱོང་ཐབས། རྩོམ་ཡིག་འབྲི་བའི་མྱུར་ལམ་སོགས་མདོར་ན་དྲ་ཚིགས་འདིའི་དགོས་དམིགས་ཇི་བཞིན་སློབ་ཕྲུག་དང་དགེ་རྒན་ཉིས་ཆར་ཕན་པའི་བརྩམས་ཆོས་རེ་སྤེལ་རོགས་་གནང།
བཅར་འདྲི། ༼ནོར་འོད༽་དུས་དེབ།
དྲིས་ལན་འདེབས་མཁན། དགེ་འདུན་རབ་གསལ།
༼གསལ་བཤད། བཅར་འདྲི་འདི་བཞིན་ཕྱི་ལོ་ ༢༠༠༡ ལོར་ཞུས་པ་ཞིག་ཡིན། འདིར་མ་ཕྱི་སོར་འཇོག་གིས་བཀོད་ཡོད།༽
དྲི་བ། ཁྱེད་རང་ནས་སློབ་གཉེར་གནང་བའི་ལོ་རྒྱུས་ཁ་གསལ་ཞིག་གསུང་གནང་ཡོང་བ་དང༌། ཁྱད་པར་དུ་དམིགས་བསལ་བའི་ཆེད་སྦྱོང་འདྲ་བོ་ག་རེ་གནང་ཡོད་མེད་སྐོར་གསུངས་གནང་ཡོང་བ།
ལན། ངེད་ཀྱིས་སློབ་ཆུང་དང་སློབ་འབྲིང་གི་ནང་ལོ་ངོ་གཉིས་ཙམ་འགྲིམ་མྱོང་ཁར། དགོན་པར་ཞུགས་ཏེ་དབུ་ཕར་རྣམ་འགྲེལ་གྱི་སློབ་གཉེར་དང་འབྲེལ་སྙན་ངག་དང་སུམ་ཅུ་བ། རྟགས་འཇུག་སོགས་ཀྱི་དཔྱད་ཁྲིད་དཔེར་བརྗོད་དང་བཅས་པ་རེ་སོང་ཞིང༌། སློབ་ཞོར་དུ་རྒྱལ་རབས་ལོ་རྒྱུས་དང་རྣམ་ཐར་སོགས་སྐབས་དེར་ལག་པར་གང་ཐོབ་རིགས་ལ་ལྟ་ཀློག་རྒྱ་ཆེ་ཙམ་བྱས་མྱོང༌། དམིགས་བསལ་ཆེད་སྦྱོང་གི་ཐད་ནས་ཀྱང་ནང་ཆོས་ལ་སློབ་གཉེར་བྱས་པ་དེ་ལས་གཞན་གང་ཡང་མེད།
དྲི་བ། ཁྱེད་རང་ལ་མཚོན་ན་བོད་ཀྱི་རིག་གཞུང་ལ་རྒྱུས་མངའ་ཆེ་བ་ཙམ་མ་ཟད། རིག་གཞུང་རྐྱང་བའི་ཕྱག་ལས་ལོ་མང་རིང་གནང་བའི་ཆ་ནས། ང་ཚོའི་བཤད་སྟངས་སམ་ངོས་འཛིན་གྱི་ནང་རིག་གཞུང་དང་གོམ་གཤིས་ཞེས་དེ་གཉིས་ཧ་ལམ་འབྲེལ་བ་མེད་པ་འདྲ་བོ་ཞིག་ཆགས་ཀྱིན་འདུག་ཐད་དགོངས་ཚུལ་ག་རེ་ཡོད་དམ།
ལན། རིག་གཞུང་ཞེས་པའི་ཚིག་འདིར་ད་བར་འགྲེལ་ཚུལ་སྣ་ཚོགས་ཤིག་ཡོང་བཞིན་འདུག་ལ། དམིགས་བསལ་ང་ཚོ་བཙན་བྱོལ་དུ་གྱར་རྗེས་བོད་ཕྱི་ནང་གཉིས་སུ་རང་སྐད་ལས་གཞན་པའི་ཁྱབ་ཆེ་བའི་སྐད་ཡིག་གཞན་གྱི་གནོད་ཤུགས་ཤིག་སླེབས་པ་དང་མཉམ་དུ། སྐད་ཡིག་གཞན་དེའི་མིང་ཚིག་རྒྱུགས་ཆེ་བ་འགའ་ཞིག་གི་སྐད་དོད་རང་སྐད་དུ་མཁས་པས་ཞིབ་འཇུག་སོགས་ཀྱི་དོན་དཔྱད་མིན་པར་ཕལ་བའི་གོ་ཚོད་དང་བསྡུར་ནས་འདི་འདྲ་ཞིག་ཨེ་ཡིན་སྙམ་པའི་མིང་དོན་ཞིག་ལ་སྤྱོད་མགོ་ཚུགས་པ་མ་ཟད་ལང་ཤོར་དུའང་སོང་ཡོད་པ་མང་ཙམ་སྣང་བ་དེའི་གྲས་སུ་རིག་གཞུང་ཞེས་པའི་ཚིག་འདི་ཡང་ཚུད་ཡོད་པར་སྣང༌། དེར་བརྟེན་མཁས་དབང་ཟམ་གདོང་རིན་པོ་ཆེས་འདི་ལ་ལེགས་བྱང་ཞེས་གསུངས་བཞིན་ཡོད། ལེགས་བྱང་ཞེས་པ་འདི་ནི་གོམས་གཤིས་དང་གོ་དོན་ཆེས་ཉེ་བར་གྱུར་ཡོད། བོད་སྐད་རང་ངོས་ནས་བསམ་ཚེ་རིག་གཞུང་ནི་རིག་པའི་གཞུང་ལུགས་ཀྱི་བསྡུས་མིང་རང་ཡིན་པར་སེམས།
དེ་ལས་མང་བ་། “དེང་སང་རྩོམ་པ་པོ་སྐོར་ཞིག་གིས་དོན་མི་འབྲི་བར་ཚིག་འབྲི་བཞིན་འདུག” »
ལྷ་སའི་སྦྲག་ཐམ། བོད་ཀྱི་སྦྲག་རྟགས་དང་ཡིག་འབྲེལ་གྱི་འགྲེམས་སྟོན་ཞིག ལྷ་སའི་སྦྲག་ཐམ་་ཞེས་པའི་ལས་འགུལ་འདི་ཟླ་ ༡༡ པའི་ཚེས་ ༡༡ ། གཟའ་སྤེན་པའི་ཉིན་སྤེལ་བྱེད་རྒྱུ་ཡིན་ལ། དོ་སྣང་ཡོད་མཁན་ཚང་མ་ཡོང་ཆོག དེའི་ནང་ལ་དུས་རབས་ཉི་ཤུའི་སྟོད་ཀྱི་བོད་ཀྱི་སྦྲག་ཐམ་དང་། ཡིག་སྐོགས། འཕྲིན་ཡིག་བཅས་འགྲེམས་སྟོན་བྱེད་རྒྱུ་རེད། འགྲེམས་སྟོན་འདིའི་ཐོག་ཏུ་བོད་ཀྱི་སྦྲག་རྟགས་དང་ཡིག་སྐོགས་སྣ་ཚོགས་ལ་དབྱེ་ཞིབ་བྱེད་པ་དང་མཚུངས་སུ། སྦྲག་རྟགས་དང་ཡིག་སྐོགས་དཀོན་པོ་དང་རྫུན་བཟོ་ལ་ཡང་དབྱེ་ཞིབ་བྱེད་རྒྱུ། ཉིན་དང་པོའི་འགྲེམས་སྟོན་གྱི་སྐབས་ལ།…
རིག་འབྱུང་དོན་གྲུབ་བཀྲ་ཤིས། ཨ་རི།
འབྱུང་འགྱུར་གྱི་ལོ་ངོ་ཉི་ཤུ་སུམ་ཅུའི་ནང་རྒྱ་ནག་ལ་འགྱུར་བ་ཞིག་འགྲོ་མིན་ཇི་ལྟར་ཡང་། དུས་ཚོད་ཀྱི་སྔ་ཕྱི་ཞིག་མ་གཏོགས་རྒྱ་ནག་གི་ཆབ་སྲིད་འཛིན་སྐྱོང་བྱེད་སྟངས་ལ་འགྱུར་བ་ཞིག་ཡོང་མིན་ཇི་ལྟར་ཡང་། འབྱུང་འགྱུར་གྱི་རྒྱ་ནག་འདི་མང་གཙོ་ཆགས་མིན་ཇི་ལྟར་ཡང་། ད་ལྟའི་དུས་སུ། རྒྱ་ནག་གི་དཔལ་འབྱོར་གྱི་ཁྲོམ་ར་ཆེ་ནས་ཆེ་རུ་འགྲོ་བཞིན་པ་མ་ཟད་འབྲེལ་བའི་སྒོ་མོ་ཡང་ཆེ་ནས་ཆེ་རུ་ཕྱེས་བཞིན་པ་ནི་དངོས་ཡོད་གནས་སྟངས་ཤིག་ཆགས་བཞིན་འདུག ཡོ་རོབ་ཤར་ནུབ་དང་བྱང་ཨ་རི་གཉིས་ཀྱིས་རྒྱ་ནག་དང་མཉམ་དུ་ཚོང་ལས་ཀྱི་འབྲེལ་བ་ཤུགས་ཆེ་རུ་གཏོང་བཞིན་པའི་གནས་སྟངས་དང་གཅིག ལྷོ་ཨ་མེ་རི་ཀའི་རྒྱལ་ཁབ་ཁག་ཅིག་གིས་ཀྱང་རྒྱ་ནག་དང་མཉམ་དུ་ཚོང་འབྲེལ་འཇོག་བཞིན་པའི་གནས་སྟངས་དང་གཉིས།
ལྷོ་བྱང་ཨ་ཧླེ་རི་ཀའི་རྒྱལ་ཁབ་ཁག་གི་དཔལ་འབྱོར་དང་ནུས་བའི་འབྱུང་ཁུངས་ལ་རྒྱ་ནག་གིས་ཇུས་གཏོགས་བྱེད་འགོ་ཚུགས་བཞིན་པ་དང་གསུམ། དཀྱིལ་ཤར་ཨེ་ཤ་ཡའི་རྒྱལ་ཁབ་ཁག་ལ་ཡང་རྒྱ་ནག་གིས་འདྲེ་ལག་རྐྱོང་བཞིན་པའི་གནས་སྟངས་བཅས་ཕྱོགས་ཡོངས་ལ་བལྟས་ན། བོད་དོན་འདི་ཉག་ཕྲ་བའི་གནས་སྟངས་ཤིག་གི་འོག་ལ་ཚུད་བཞིན་འདུག་པ་མ་ཟད་བོད་ཀྱི་རྩ་དོན་འདི་ཡང་རྒྱ་མཚོའི་རླབས་རིས་ཇི་བཞིན་ཕར་གཡོ་ཚུར་གཡོའི་གནས་སྟངས་ཤིག་ཆགས་བཞིན་འདུག
པདྨ་ནས། བོད་བཙན་པོོའི་དུས་རབས་ཀྱི་སྐབས་སུ་འཛམ་གླིང་སུམ་ཆ་གཉིས་ལ་དབང་བསྒྱུར་བྱས་པའི་ལོ་རྒྱུས་ལ་ཕྱི་མིག་གིས་བལྟས་ཚེ་ངེས་པར་བོད་སྐད་འདི་གཞི་རྒྱ་ཆེན་པོ་ཞིག་དང་གལ་ཆེན་པོ་ཆགས་ཡོད། བོད་ཀྱི་གསུང་རབ་རྣམས་ཀྱི་བརྡ་ཆད་ལ་བསམ་ན་ཀུན་མཁྱེན་ཀློང་ཆེན་པས་བོད་དབུས་གཙང་གི་སྐད་གང་བཟང་་བཟང་དུ་བསྒྱུར་ཞེས་གསང་འགྲེལ་ཕྱོགས་བཅུའི་མུན་སེལ་དུ་གསུངས་འདུག་པས་བོད་དབུས་གཙང་གི་སྐད་ཐོག་ཏུ་ཡོད་པར་གསལ། བོད་ཀྱི་མཐའ་འཁོབ་རྣམས་སུ་སྐད་རིགས་འདྲ་མིན་སྣ་ཚོགས་བེད་སྤྱོད་བྱེད་བཞིན་ཡོད་པའི་ནང་ནས་ཁྱབ་ཆེ་ཤོས་དེ་ཨ་མདོའི་སྐད་དང་འབྲུག་པའི་སྐད་འདི་གཉིས་རེད། ཨམ་སྐད་དང་འབྲུག་སྐད་འདི་གཉིས་ངེད་བོད་པ་དབུས་གཙང་པ་ཞིག་གིས་ཉན་ཚེ་རྣ་བ་གསར་བར་གོ་སླ་ཤོས་ནི་འབྲུག་པའི་སྐད་རེད། ཨམ་སྐད་འདི་ཧ་ཅང་འཁྲེགས་པོ་ཞིག་ཚོར་གྱིན་ཡོད། འོན་ཀྱང་ཡི་གེ་འབྲི་བའི་ཚེ་ཨ་མདོ་པ་དང་བོད་དབུས་གཙང་གཅིག་གྱུར་ཡིན་པ་མཁས་པས་བྲིས་པའི་བསྟན་བཅོས་རྣམས་ཀྱིས་གསལ་ལྟོན་བྱས་ཡོད། དེང་སང་གི་གཞོན་སྐྱེས་མང་པོ་ཞིག་གིས་རང་རང་ལུང་པའི་ཡུལ་སྐད་མང་པོ་ཡིག་ཐོག་ཏུ་འབྲི་བཞིན་པ་དེས་བོད་ཀྱི་སྐད་ཡིག་གཅིག་གྱུར་ལ་གནོད་ཚབ་ཆེན་པོ་གཏོང་གིན་འདུག་པར་བརྟེན་སྨྱུགས་ཐོག་པ་ཚང་མས་བོད་ཀྱི་སྐད་ཡིག་གཅིག་གྱུར་ལ་ནུས་པ་འདོན་པར་བྱེད་ཀྱི་མ་བརྗེད་པར་གྱིས།
འོད་ཟེར་གྱི་དྲ་ཐོག་སུ་ཞིག་ནས་ལན་བཞག་པ་འདི་ལྟར། འོད་ཟེར་ལགས། བཀྲ་ཤིས་བདེ་ལེགས། སི་ཁྲོན་རྔ་བ་ཁུལ་དང་དཀར་མཛེས་ཁུལ་གཉིས་ཀྱི་རྒྱལ་སྤྱིའི་ཁ་པར་སྐུད་ལམ་དང་ཡིག་འཕྲིན་ཚང་མར་བཀག་རྒྱ་བསྡམས་འདུག ང་ཚོས་ཕྱི་ལོགས་སུ་ཁ་པར་གཏོང་དཀའ། མི་མང་པོ་ཞིག་ནས་རང་གི་ནང་མིར་འབྲེལ་བ་འཛིན་ཐུབ་པ་མི་འདུག ཨ་ལྕག་ལགས་ལ་རེ་བ་ཞུ་རྒྱུར། གནས་ཚུལ་འདི་རྒྱལ་ཕྱིའི་འགྲོ་བ་མིའི་ཐོབ་ཐང་གི་ཚོགས་པ་ཁག་ལ་བཤད་ནས་ཁོ་ཚོས་འདིར་དོ་སྣང་གནང་འཇུག་རོགས། ཤ་རུས་སོ་སོར་བྲལ་བ་སྙིང་རྗེའི་ཡུལ་ལས་འདས། ཐ་ན་སྤྱིར་བཏང་གི་གནས་འབྲེལ་རིགས་ཀྱང་མཚམས་བཅད། ཁོ་ཚོ་ཡང་སྙིང་མི་གཞན་པས་ཅི་ཞིག་མཐོང་བར་སྐྲག་སྣང་སྐྱེ་གི་ཡོད་པ་རེད？ཁོ་ཚོས་ལག་ལེན་འདེབས་བཞིན་པ་དང་དྲིལ་བསྒྲགས་གཉིས་རྦད་དེ་རྒྱབ་འགལ་ཡིན་པ་འཛམ་གླིང་མི་མང་གིས་མཐོང་བར་ཞེད་སྣང་སྐྱེ་གི་ཡོད་པ་རེད་དམ？བོད་མི་རྣམས་ངོ་མ་སྙིང་རྗེ། རེ་བ་ནི་རྒྱལ་ཕྱིའི་འགྲོ་བ་མིའི་ཐོབ་ཐང་གི་སྒྲིག་འཛུགས་དང་ཚོགས་པ་ཁག་ནས་བོད་དོན་མ་གློད་རོགས། དོན་ངོ་མའི་ཞི་བདེ་དེ་མཐའ་མཇུག་ཡོང་གི་རེད།
གཤམ་གསལ་ནི། གྲགས་པ་ལགས་ཀྱིས་ཁ་བརྡ་ལ་བཏང་བའི་གསར་འགྱུར་རེད་ལ། དེ་ནི་ཉེ་ཆར་མཛོ་དགེར་རྒྱ་གཞུང་ལ་ངོ་རྒོལ་གྱི་སྦྱར་ཡིག་བཀྲམས་པའི་སྐོར་རེད།
མཁྱེན་ལྡན་སྐྱ་རེངས་བརྙན་དེབ་ཀློག་པ་པོ་རྣམས་དང་། རྩོམ་ཡིག་ཞལ་འདེབས་གནང་མཁན། འགན་འཁྲིའི་དགེ་སློབ་རྣམ་པ་ཡོངས་ལ། ད་ལན་འདི་ནས་རྒྱུ་འགྲོན་བུན་གཡར་བྱས་ནས་སྐྱ་རེངས་བོད་ཀྱི་ན་གཞོན་བརྙན་དེབ་འདོན་ཐེངས་གསུམ་པ་འདོན་སྤེལ་ལེགས་གྲུབ་བྱུང་ཡོད་ཅིང་། འབྱུང་འགྱུར་༢༠༡༠ལོར་ཡང་སྐྱ་རེངས་བོད་ཀྱི་ན་གཞོན་བརྙན་དེབ་བཞི་པ་མུ་འཐུད་འདོན་སྤེལ་ཞུ་རྒྱུ་ཡིན་ན། ཁྱེད་རྣམས་ཀྱིས་གཞིས་བྱེས་ཡོང་གི་བོད་ཕྲུག་གཙོ་གྱུར་གྱིས་བོད་རིགས་ཡོང་གི་ཤེས་ཚད་གོང་མཐོར་འཕེལ་སླད། ནང་ཆོས་ངོ་སྤྲོད། ཚན་རིག་དང་། སྒྲུང་རྩོམ། དཔྱད་རྩོམ། ལོ་རྒྱུས། བསྒྱུར་རྩོམ། མི་སྣ་ངོ་སྤྲོད། རྒྱུན་ཤེས་སམ་ཤེས་བྱ། བསླབ་བྱ།…
ངག་དབང་རྡོ་རྗེ་
———————-
ངོ་སྤྲོད།
ཨ་རིའི་གྲོས་ཚོགས་ཀྱིས་༸གོང་ས་མཆོག་ལ་གསེར་གྱི་གཟེངས་རྟགས་འབུལ་བཞེས་གནང་བའི་ལོ་འཁོར་དུས་དྲན་སླེབས་ཉེར་ཡོད་པའི་ཉིན་གཉིས་ཀྱི་སྔ་རོལ་ཏུ། ང་ལ་སྟེས་དབང་ཞིག་གི་དབང་གིས་སྒྲུང་དེབ་འདི་འདྲ་ཞིག་ཐོབ་བྱུང་། (༸གོང་ས་མཆོག་གི་སྙིང་རྗེ་དང་ངོ་མཚར་ཆེ་བའི་ལྡུམ་ར། )
H. H.The Dalai Lamas Compassion
Wonder Garden
ཁྱི་རྒད་མོ་དང་རི་བོང་གི་ཕྲུ་གུའི་སྒྲུང་ཞེས་པའི་དེ་ངས་ཚར་གསུམ་བཀླགས་རྗེས། བསམ་གཞིགས་ཕྱི་སྐོར་ནང་སྐོར་བྱས་རྗེས་དུས་དྲན་ཁྱད་པར་ཅན་གྱི་ཉིན་མོ་འདིར་དྲ་ཐོག་ཏུ་སྤེལ་ནས་དྲ་གྲོགས་ཚོའི་སྤྱན་སྔར་བཤམ་རྒྱུ་སེམས་ཐག་བཅད་པ་ཡིན། འདི་ནི་༸གོང་ས་མཆོག་ལ་འཕགས་མཆོག་སྙིང་རྗེ་ཆེན་པོ་ཞེས་པའི་མཚན་བཟང་གསོལ་བའི་མཚན་དོན་དང་འབྲེལ་བ་ཆེ་ལ། ཁོང་གི་འཛམ་གླིང་སྐྱེ་འགྲོའི་བདེ་སྐྱིད་ལ་ཇི་མི་སྙམ་པའི་ཐུགས་ཁུར་བཞེས་བཞིན་ཡོད་པའི་དན་རྟགས་ངོ་མ་ཞིག་ཀྱང་ཡིན་སྟབས། འདི་ལྟར་དོན་ལྡན་གྱི་བྱིས་སྒྲུང་འདི་དྲ་ངོས་སུ་འདོན་རྒྱུར་ཐབས་ཤེས་བྱས་པ་ཡིན།
གཅན་བཟོད་རྒྱམ། (ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ་མ་ཡིག་ཨང་P.T.900.ལས་དེ་བཞིན་གཤེགས་པས་རྒྱལ་པོ་གོ་འཕངས་བཏུལ་བ་ཞེས་པ་ལས་གོ་བདེར་ཕབས་པ།) གནའ་སྔ་མོ་རྒྱལ་པོ་ཞིག་གིས་རང་གི་སྲས་ཡི་གེ་སློབ་ཏུ་གཏོང་བ་ལ། རོལ་མོར་མཁས་པའི་སྤྲེའུ་གཅིག་ཕྱི་བཞིན་དུ་བཏང་། ལམ་དུ་རྒྱལ་སྲས་ཤིང་ཀུན་ཙ་ལའི་གྲིབ་འོག་ལ་ཉལ་ཞིང་ངལ་གསོ་བ་དང་སྦྲང་མ་མི་འོང་བར་སྤྲེའུ་ལ་སྲུང་དུ་བཅུག སྤྲེའུས་ཤིང་སྟེང་ལ་བལྟས་ནས་ཀུ་ཤུ་གཅིག་འདུག་པ་མཐོང་ནས། ཀུ་ཤུ་ལེན་དུ་ཤིང་སྡོང་ལ་འཛེགས། རྐེད་ཙམ་དུ་བསླེབས་པ་དང་ཕྱིར་བལྟས་བར་རྒྱལ་སྲས་ཀྱི་ཞལ་ལ་སྦྲང་བུ་གཅིག་བབས་ཤིང་ཟ་བཞིན་འདུག་པ་མཐོང་ནས། སྤྲེའུ་སྐྲགས་ཏེ་ཤིང་སྡོང་ལས་བབས་ནས་ལག་པ་གཉིས་ཀྱིས་རྡོ་ཞིག་བླངས་ཏེ་སྦྲང་མ་ལ་བསྣུན་པ། སྦྲང་མ་མ་སོད་པར་འཕུར། རྒྱལ་སྲས་དེར་བསད། སྤྲེའུ་འཇིགས་ཏེ་རིའི་ཕ་རོལ་ཏུ་འབྲོས་སྙམ་ནས་སོང་སོང་བ་དང་། བར་གྱི་ཆུ་ཆེན་པོ་ཞིག་ལ་མ་ཐར་ཏེ་རྡུགས་པ་ལས། མི་གླང་དེད་ཅིག་འོངས་ཏེ་མི་དེས་གླང་གི་མཇུག་མར་འཇུས་ཏེ་ཆུར་བརྒལ་ནས་སོང་བ་དང་། སྤྲེའུས་དེ་མཐོང་ནས་སྙིང་ལ་ངས་ཀྱང་བདག་གི་མཇུག་མར་འཇུས་ཏེ་ཆུར་རྒལ་ན་ཐར་སྙམ་ནས་ཁོ་བོ་རང་ཉིས་ཀྱི་མཇུག་མར་འཇུས་ཏེ་ཆུར་ཞུགས་པས་ཆུས་འཁྱེར་ཏེ་ཤིའོ།།…
གཅན་བཟོད་རྒྱམ།
ཞོགས་པའི་ཉི་མ་རི་རྩེར་བབས་མ་ཐག་གཞིས་གྲོང་གསུམ་པའི་མི་དམངས་རྒན་དར་གཞོན་གསུམ་ཚང་མ་མ་སྐུལ་དང་བླང་དང་མ་བསྡུས་རང་འདུས་ཀྱིས་གཞིས་གྲོང་འདབས་ཀྱི་མཆོད་རྟེན་དེའི་རྩར་ནག་ཀྱུག་གེར་ཚོགས་འདུག
མི་ཚོགས་ཀྱི་དཀྱིལ་དུ་རས་ལྭ་ཐག་བབ་གྱོན་པའི་རྒན་པོ་ཞིག་གིས་སྐེ་བསྲིངས་ཏེ་མཐའ་སྐོར་ལ་ལན་འགར་བལྟས་རྗེས་གཡས་ལག་གི་ཁུ་ཚུར་དགུང་ལ་ཕྱར་ཞིང་སྐད་ཤུགས་ཆེན་པོས་”བོད་་་་རང་་་་བཙན་་་།”ཞེས་སྐད་འབོད་མགོ་བཙུགས་པ་དང་། དེར་འདུས་ཀྱི་མི་དམངས་ཚང་མས་ཀྱང་སྐད་ཤུགས་གང་ཡོད་ཀྱིས་”གཙང་་་་མ་་་་ཡིན་་་་་”ཞེས་རྒན་པོ་དེའི་སྐད་གདངས་ལ་འགྲན་ཟླ་བྱེད།
“བོད་་་་རང་་་་་བཙན་་་་།”
སྒང་ནེ་ཡེ་ཤེས་འཇིགས་མེད། ཨ་མའི་བུ་མོ་ཡིད་འོང་མ་ཁྱེད་ཐོག་མར་གནས་འདིར་མཇལ་བ་ནས།། ཧ་ཅང་ཉེ་བོའི་ཕན་ཚུན་འཚམས་འདྲིའི་སྐད་ཆ་གང་ཡང་མ་བྱུང་ཡང༌།། ས་ལ་སྐྱེས་པའི་ཚིགས་གསུམ་སྙུག་མ་ཇི་བཞིན་ཕྲ་རིང་སྐུ་གཟུགས་དང༌།། ཤ་ཡི་མདོག་ནི་དཀར་ཞིང་གཙང་བས་མོ་བརྒྱའི་ཁྲོད་ནས་མངོན་པར་མཛེས།། ལ་རྒྱའི་གེ་སར་སྨིན་ལ་རྫོགས་པའི་གངས་ཅན་བུ་མོའི་ཁྱུ་མཆོག་ཏེ།། ར་བ་གྲུ་བཞི་སློབ་གྲའི་ཚལ་ན་དུས་འདིར་ཁྱེད་འདྲ་གཞན་མ་མཆིས།། ཡ་རབས་སྤྱོད་པས་ཕྱི་ནང་མེད་པར་ཚུལ་མཐུན་བག་ཡོད་ལས་ལ་བརྩོན།། འ་འུར་བྲེལ་བའི་གོམས་གཤིས་མེད་པར་རྟག་ཏུ་དལ་བུའི་འགྲོས་ལ་བརྟེན།། ཟ་ཟོར་མ་མཛེས་སྐུ་ལ་མི་བཞེས་བབ་ཆགས་གྱོན་པ་ལེན་པ་ལ།། ཞ་མོ་གང་ལས་ལྡབ་བརྒྱའི་མཛེས་པ་གནག་སྣུམ་དབུ་སྐྲ་སྐུ་སྐད་འཁྲི།། ཝ་ལེར་ཁྱེད་ཉིད་ཡང་ཡང་བལྟས་ན་ཡིད་དབང་མི་འཕྲོག་སུ་ཞིག་ཡོད།། ཛ་དྲག་ཆེ་བའི་སྤྱི་སྒེར་ལས་ལ་ལེ་ལོ་མེད་པར་དང་དུ་ལེན།། ཚ་གྲང་འབྱུང་བའི་འགྱུར་ལྡོག་དག་ལས་ཇི་མི་སྙམ་པའི་བཟོད་སྤོབས་ཆེ།། ཙ་ཀྲ་སྐོར་བའི་གནས་མཆོག་འདི་ནས་དལ་འབྱོར་དོན་ཡོད་བརྩོན་པ་སྟེ།།…
སྒང་ནེ་ཡེ་ཤེས་འཇིགས་མེད།
གཅིག ཐོག་མའི་གླེང་སློང༌།
དེ་ཡང་ཡངས་ཤིང་རྒྱ་ཆེ་ལ་མུ་མཐའ་མེད་པའི་ཤར་གླིང་ཨེ་ཤཡའི་གཙུག་རྒྱན། སྙན་གྲགས་ཀྱི་མེ་ལྕེ་སུམ་རྩེན་གྱི་ཡུལ་དུའང་མཆེད་ཅིང༌། ངོ་མཚར་བའི་གངས་རིའི་མུ་མཁྱུད་ཀྱིས་ཡོངས་སུ་སྐོར་བའི་བསིལ་ལྡན་གངས་ཅན་གྱི་བོད་ཅེས་བྱ་བ་འདི་ནི་མི་ལོ་ཆིག་སྟོང་ལྷག་གི་ཡ་སྔོན་ནས་དགྲ་འདུལ་ཞིང་གཉེན་སྐྱོང་བའི་ཆབ་སྲིད་ཀྱི་བྱ་གཞག་དང༌། ཁྱིམ་མཚེས་མི་རིགས་གཞན་གྱི་རིག་གཞུང་གི་ལེགས་ཆ་གང་ཡོད་འཛེམས་ཟོན་མེད་པར་དགོས་མཁོ་ལ་གཞིགས་ནས། ནང་འདྲེན་བྱ་རྒྱུའི་གཞི་རིམ་གྱི་གཤིས་ཀ་ཡོད་པའི་མི་རིགས་ཤིག་ཡིན་སྟབས། ད་ཆ་འཛམ་གླིང་ཁྱོན་ཡོངས་ཀྱི་ཆ་ནས་བཤད་ན་བོད་མིའི་མི་འབོར་གྱི་གྲངས་ཚད་དང༌། བཀའ་བསྟན་གྱི་འགྱུར་གྲངས་སོགས་གང་གི་ཐད་ནས་ཀྱང༌། འདི་ལྟར་ལེགས་བྱང་ཕྱུག་པོ་ཡོད་པ་ནི་ཕལ་ཆེར་དཀོན་པོ་ཡིན། སྤྱིར་བཏང་འགྲོ་བ་མིའི་གཞི་རིམ་གྱི་དགོས་མཁོར་འགྱུར་པའི་རིག་པའི་གཞུང་ལུགས་ཐམས་ཅད་འཇིག་རྟེན་མི་སྡེ་སྤྱི་ཡོངས་ཀྱིས་ལོངས་སུ་སྤྱོད་པའི་ཐུན་མོང་གི་རིག་གནས་ཤིག་ཡིན་ཀྱང༌། དེ་དག་ཡུལ་ལུང་སོ་སོའི་གནས་བབ་ལ་གཞིགས་ནས་བཀོལ་སྤྱོད་བྱེད་ཚུལ་ཅུང་ཟད་མི་འདྲ་བ་སྣང་བ་ཙམ་ལས། གཞི་རྩའི་ཆ་ནས་འཚོ་བའི་དགོས་མཁོར་གྱུར་པ་གཅིག་པ་ཡིན། བོད་སྐད་དུ་བཞུགས་པའི་ནང་པ་སངས་རྒྱས་པའི་བཀའ་དང༌། བསྟན་བཅོས་ཀྱིས་མཚོན་རིག་པའི་གཞུང་ལུགས་མང་ཆེ་བ་ལེགས་སྦྱར་གྱི་སྐད་ལས་བསྒྱུར་བ་ཡིན་ཅིང༌། དེ་ཡང་བོད་རྗེ་སྲོང་བཙན་སྒམ་པོའི་ཆོས་བློན་སློབ་དཔོན་ཐུ་མི་སམ་བྷོ་ཊ་རྒྱ་གར་དུ་ཡི་གེ་སློབ་པར་གཏོང་སྐབས། རྒྱ་གར་ནི་ཆོས་ལུགས་དང༌། སྐད་ཡིག རིག་པའི་རྣམ་གཞག་བཅས་མི་འདྲ་དུ་མ་ཡོད་པའི་རིག་གཞུང་གི་རྒྱ་མཚོ་ཆེན་པོ་ཞིག་ཡིན་ཀྱང༌། ཐོན་མིས་རྒྱ་མཚོ་ལས་ནོར་བུ་བླངས་པ་བཞིན་བོད་ཀྱི་ཡི་གེའི་མ་ཕྱི་གཙོ་བོ་ནཱགརའི་ཡི་གེ་འབའ་ཞིག་ལ་ཁུངས་གཏུགས་གཞི་བཅོལ་གནང་བ་མ་ཟད། དགོས་དབང་གིས་འཕྲི་སྣོན་སོགས་མཛད་དེ། སྒྲའི་རྣམ་གཞག་སྟོན་པའི་གཞུང་ལུགས་དང་བཅས་པ་གསར་དུ་མཛད་ནས་གཏན་ལ་ཕབ་པ་དེ་ནི། བོད་ཀྱི་ཆོས་ཆབ་རིག་ནོར་དང་བཅས་པའི་རིག་གནས་ཀྱི་སྒོ་མོ་ཡོངས་སུ་ཕྱེ་བའི་གསེར་གྱི་ལྡེའུ་མིག་ལྷད་མེད་པ་ཞིག་རེད། ད་ཆ་འཛམ་གླིང་ཐོག་གི་བློ་དང་ལྡན་པའི་སྐྱེ་བོ་རྣམས་ཀྱིས་སྐོམ་པས་ཆུ་དང༌། ལྟོགས་པས་ཟས་བཞིན་དོན་གཉེར་བྱེད་བཞིན་པའི་ནང་པ་སངས་རྒྱས་པའི་ཆོས་ལུགས་འདིའི་ཐེག་པ་གསུམ་དང༌། རྒྱུད་སྡེ་བཞིས་བསྡུས་པའི་གཞི་ལམ་འབྲས་བུའི་རྣམ་གཞག་ཆ་ཚང་ལ་ཕྱིན་ཅི་མ་ལོག་པར་སྟོན་ཐུབ་པའི་རང་རེའི་བོད་ཀྱི་དབྱངས་གསལ་སོ་བཞིའི་བདག་ཉིད་དུ་གྱུར་པའི་སྐད་ཡིག་འདི་ཉིད་ལ་གནས་པ་དེ་ནི། སྔོན་གྱི་ཆོས་རྒྱལ་ལོ་པཎ་དག་གི་བཀའ་དྲིན་ཉག་གཅིག་ལ་བརྟེན་ནས། སྟོན་པ་ཐུབ་པའི་དབང་པོའི་ཆོས་ཀྱི་ཕུང་པོ་བརྒྱ་ཁྲི་བཞི་སྟོང་གི་ཚིག་དོན་ཟུར་ཙམ་ཡང་མ་ཉམས་པར། རང་རེའི་སྐད་ཡིག་འདིའི་ནང་དུ་འཚོ་སྐྱོང་བྱེད་ཐུབ་པ་བྱུང་བ་ནི། བོད་མིས་ཁམས་གསུམ་འགྲོ་བ་ཡོངས་ལ་ཕུལ་བའི་རྣམ་དཀར་གྱི་ལེགས་སྐྱེས་རྨད་དུ་བྱུང་བ་ཞིག་ཡིན།
དེ་ལས་མང་བ་། “བོད་ཀྱི་སྔོན་མའི་འགྱུར་ལ་དབྱེ་ཞིབ་བྱས་ཏེ་མ་འོངས་པའི་འགྱུར་གྱི་ཁ་ཕྱོགས་འཚོལ་སྒྲུབ།” »
དེང་སང་བཙན་བྱོལ་གྱི་སྤྱི་ཚོགས་ཁྲོད་ཚོགས་སྡེ་དང་འབྱོར་ལྡན་གང་སར་སྐྱབས་བཅོལ་གྱིས་དཔེ་དེབ་གསར་པ་མང་བོ་ཞིག་འཐོན་བཞིན་ཡོད་པ་ཚང་མས་ཧ་གོ་གསལ་ལྟར་ཡིན།
འོན་ཀྱང་དཔེ་དེབ་འདོན་པ་པོ་དེ་དག་གི་ནང་ནས་མང་པོ་ཞིག་གི་རེ་བ་ལ་དཔེ་དེབ་དེ་མི་མང་པོ་ཞིག་ལ་ཕན་ཐོགས་ཡོང་བ་དང་། མི་མང་པོ་ཞིག་གིས་ལྟ་ཀློག་བྱས་ནས་རང་ཉིད་ཀྱི་ཤེས་ཚད་རྟོགས་ཐབས་བྱེད་བཞིན་ཡོད་པ་སྤྱི་འགྲོས་ལྟར་ཡིན་ནའང་། ཁ་ཤས་ཞིག་གིས་བློ་ཁ་ཧ་ཅང་མཐོ་དྲག་ནས་རེ་བ་སྟོང་པ་ཞིག་རྒྱག་གི་ཡོད། ཁོང་ཚོ་རྒྱག་རྒྱུའི་རེ་བ་དེ་ནི་ཁྱད་མཚར་པོ་ཞིག་ཡོད་ཀྱང་། གཅིག་བྱས་ན་ཐབས་ཤེས་བཟང་པོ་དང་རྙོག་ཁྱོན་ནས་མེད་པ་ཞིག་ཏུ་ཡང་འགྱུར་སྲིད་པ་ཞིག དོན་གྱི་ཁོང་ཚོའི་རེ་བ་ནི་དཔེ་དེབ་སྟོན་པ་ལས་མིང་གྲགས་ཆེན་པོ་ཐོབ་རྒྱུུ་དང་རྙོག་སྒྲ་མང་པོ་མི་ཡོང་བ་དེ་རེད།
རིག་པའི་རལ་གྲིས
གངས་ཅན་བོད་མིའི་ལྷ་སྐལ།།
འཕགས་མཆོག་ཕྱག་ན་པདྨོ།།
མི་མངོན་དབྱིངས་ནས་གཟིགས་ཤིག།
སྐྱོ་གདུང་གླུ་ལ་གསན་རོག།
ང་ཡིས་ཐོས་པ་བདེན་ན།།
ཁྱེད་ཀྱིས་རྒྱལ་བའི་སྤྱན་སྔར།།
ཁ་བ་ཅན་གྱིས་མགོན་དུ།།
གཡར་དམ་བཅས་པ་ཟེར་གྱི།།
་་་་་་་་་་་་་ལ་དྭགས་ནས་བོད་སྐད་ཡིག་སྐོར་ལ་གླེང་མོལ་བྱས་པ།
འབྲོག་རུ་ཆོས་གྲགས་ཀྱིས།
ང་རང་བོད་གཞུང་བདེ་སྲུང་ལས་ཁུངས་ཀྱི་ལས་དོན་དེའི་ཕྱིར་དུ་བཞུགས་སྒར་དྷ་རམ་ས་ལ་ནས་ཉིན་ཞག་གསུམ་རིང་མོ་ཌའི་ནང་བསྐྱོད་དེ་ལ་དྭགས་གླེ་རུ་སླེབས་ཐུབ་པ་བྱུང༌། ལ་དྭགས་གླེ་ནི་ལ་དྭགས་ཀྱི་རྒྱལ་སར་གྲགས་པས་ངས་ཀྱང་དོན་སྣང་གང་འཚམ་བྱས་པ་ཡིན། ས་གནས་འདིར་སླེབས་ནས་དང་པོ་ང་རང་དགའ་བོ་བྱུང༌། རྒྱུ་མཚན་ནི་སྲང་ལམ་གྱི་གཡས་གཡོན་དང་ཚོང་ཁང་དང་མགྲོན་ཁང་སོགས་ཀྱི་སྒོ་བྱང་སྟེང་བོད་ཡིག་བྲིས་ཡོད་པ་མ་ཟད། ས་གནས་འདིའི་གནས་ཆེན་ཁག་གི་སྒོ་ཆེན་དང་ཁང་བརྕེགས་སོགས་བོད་ཀྱི་བཟོ་དབྱིབས་བྱས་ནས་བསྐྲུན་ཡོད་པས་ང་རང་དགའ་བོ་བྱུང༌། ཡིན་ནའང༌། སྒོ་བྱང་རྫིག་པོ་དག་གི་སྟེང་བྲིས་ཡོད་པའི་བོད་ཡིག་ཉམ་ཐག་དེ་ཚོ་ཞིབ་ཀློག་ཅིག་བྱས་ཚེ་རེ་འགའ་ཀློག་མི་ཐུབ་པ་དང༌། ཡང་ན་ཀློག་ཐུབ་ཀྱང་དོན་མི་གོ་བའི་བོད་ཡིག་གི་དབྱིབས་གཟུགས་ཏག་ཏག་ཡིན་པ་དེ་རེད། རྒྱུ་མཚན་དེ་ལ་བརྟེན་ནས་ཉིན་ཞིག་ངས་ལ་དྭགས་དཔེ་གསར་མཐོ་རིམ་སློབ་གྲྭའི་དགེ་རྒན་ཟླ་བ་དང་མཉམ་དུ་གནད་དོན་དེའི་སྐོེར་ལ་གླེང་མོལ་བྱས་པ་ཡིན། ཉིན་དེར་ངེད་གཉིས་ལྷིང་འཇགས་ཀྱི་ཇ་ཁང་ཞིག་ཏུ་ནས་མཉམ་འཛོམས་བྱས་པ་ཡིན། ངེད་གཉིས་ཀྱིས་ཇ་ཁང་བདག་པོར་བསིལ་ཁུ་གཅིག་རེ་མངགས་རྗེས་སྤྱིར་བཏང་གི་སྐད་ཆ་ཞིག་ནས་མགོ་སློང་སྟེ། གླེང་མོལ་འདིའི་དངོས་གཞི་རུ་ཞུགས་པ་ཡིན།
༄༅།།ཁྱེད་ཀྱི་ལུས་ཁམས་བདེ་ཐང་ཡིན་ནམ། 
གཤམ་གྱི་དྲི་ཚིག་སོ་གསུམ་ལས་དུས་རྒྱུན་དེ་ལྟ་བུ་ཡིན་འདོད་པ་རྣམས་ལ་རྟགས√འདི་དང༌། ལན་རེར་དེ་ལྟ་བུ་ཡིན་འདོད་པ་རྣམས་ལ་རྟགས△འདི། རྩ་བ་ནས་དེ་ལྟ་བུ་མིན་འདོད་པ་རྣམས་ལ་རྟགས×འདི་རྒྱོབ།
༡༽དུས་རྒྱུན་དུ་རྒྱུ་མཚན་མེད་པར་སེམས་འཚུབ་པ་དང་གར་འགྲོ་འདིར་འདུག་མེད་པ།﹙﹚
༢༽ཉལ་ན་གཉིད་མི་ཁུགས་པ་དང་གཉིད་ལང་སྟེག་པ།﹙﹚
