དགེ་ཆོས་ཀྱི་སྐུ་པར་མཐའ་མ།
བདེ་ཆེན་སྒྲོལ་མ་དང་ངའི་བར་གྱི་དགེ་ཆོས་སྐོར་གྱི་བསམ་ཚུལ་མི་འདྲ་བ།
དགེ་ཆོས་ལགས་དང་སྒྲ་གཅན་འཛིན་གཉིས་རྒྱ་གར་ནས་ཐོག་མར་བོད་དུ་ཕེབས་དུས་སུ་ཆབ་མདོའི་བར་དུ་སོང་སྟེ་དགེ་ཆོས་དེ་དུས་གཡུ་སྒྲོན་ལ་ཐུག་པའི་སྐོར་གཡུ་སྒྲོན་གྱི་བུ་མོས་ཀྲུང་གོའི་བོད་ལྗོངས་དུས་དེབ་ལ་བརྗོད་ཡོད་བསམས།
འདོད་པའི་བསྟན་བཅོས་ཀྱི་མཇུག་བསྔོ་བའི་ལེའུ་ཚན་ནང་དུ།
གཡུ་སྒྲོན་གངྒྰ་དེ་བ་ལི་ལ་སོགས། །
ཞེས་པའི་གཡུ་སྒྲོན་དེ་ནི་དགེ་ཆོས་ལགས་ཀྱི་སྡོམ་པ་ཤོར་སའི་ཆབ་མདོའི་གཡུ་སྒྲོན་ཡིན་པ་ཡོངས་གྲགས་རེད། ལོ་ཤས་སྔོན་གྱི་ལ་རྩེའི་དགེ་ཆོས་རྗེས་དྲན་ཚོགས་འདུར་བཅར་མཁན་དགེ་ཆོས་ཀྱི་སྲས་མོ་དགའ་སྐྱིད་གཡང་འཛོམས་ལགས་ནི་གཡུ་སྒྲོན་འདིའི་བུ་མོ་རེད་བསམས། དེ་མིན་དགེ་ཆོས་ཀྱི་སྐུ་ཟླ་མཐའ་མ་གྲོངས་ཁར་ལྷན་དུ་ཡོད་པ་དེ་ལ་བུ་ཕྲུག་ཅང་ཡོད་པའི་སྐད་ཆ་ཅི་ཡང་མི་འདུག
གཡུ་སྒྲོན་གངྒྰ་ཨ་ས་ལི་ལ་སོགས། །ཞེས་བྲིས་ཡོད་དམ་ཡང་བསམ།
ཨ་ལགས་འཇམ་དཔལ་གྱི་དྲིས་ལན་ལས། སྐྱེས་ཡུལ་ཆབ་མདོ་རེད། ་་་ ་་་ རྗེས་མ་དགོངས་པ་རྫོགས་པའི་སྐབས་ལ་ཡང་སྐྱེ་དམན་དེ་རང་ཡོད་བཞིན་པ་རེད། ཅེས་བྲིས་འདུག
འཚོ་བ་སྐྱིད་པོ་ཡོད། སེམས་པ་སྐྱིད་པོ་མེད།
ཨེ་རླུང་ཚང་གི་ཨ་ཅག་སྒྲོལ་དཀར་ལགས་ནས་བོད་ནང་གི་ཨ་ཅག་སྒྲོལ་མ་ཞུ་བ་ཆབ་སྲིད་ཀྱི་གོ་རྟོགས་ཧ་ཅང་མཐོ་བ་ཞིག་དང་མཉམ་དུ་དེང་དུས་ཀྱི་བོད་ནང་གི་གནས་སྟངས་སྐོར་གཏམ་གླེང་བྱས་པའི་ལེ་ཚན་ཁག་གཉིས་ལ་གསན་རོགས་གནངས། སེམས་ནང་ན་ཟུག་རྒྱག་པ་དང་མིག་ནང་མཆི་མ་འཁོར་བ་ཞིག་འདུག http://www.rfa.org/tibetan/tamlenggiletsen/tamlengzhalpar/a-conversation-with-dolma-on-situation-in-tibet-1-11052009125438.html
རྗེ་ནག་པོ་སྐུ་མཆོག་གི་སྐུ་ཚེ་དང་མཛད་རྗེས་ལ་འཁྱུག་ཙམ་ལྟ་བ།
ཟླ་བ་གཞོན་ནུས་བསྒྱུར།
ཀྲྀཥ྄ཎམཱུརྟི་(ནག་པོ་སྐུ)མཆོག་ནི་སྤྱི་ལོ་༡༨༩༥ལོའི་ཟླ་༥བའི་ཚེས་༡༡ཉིན་རྒྱ་གར་ལྷོ་ཕྱོགས་ཀྱི་ཨཱན་དྷ་ར་མངའ་སྡེའི་(Anthara pradesh)མ་ད་ནཱ་པལ་ལིའི་(Mandanapalle)གྲོང་སྡེར་སྐུ་འཁྲུངས་ཤིང༌། ཁོང་དང་ཁོང་གི་སྐུ་མཆེད་གཉིས་ཆུང་དུས་ནས་སྐབས་དེའི་ལྷ་ལམ་མཐུན་ཚོགས་(Theosophical Society)ཀྱི་ཚོགས་གཙོ་ཌོག་ཊར་ཨན་ནེ་བྷེ་སཱན་ཊི་(Dr Annie Besant)ནས་བུ་ཚབ་ཏུ་ཉར། བྷེ་སཱན་ཊི་དང་རོགས་པ་གཞན་དག་གིས་ཀྲྀཥ྄ཎམཱུརྟི་མཆོག་ནི་ལྷ་ལམ་པ་རྣམས་ཀྱིས་ལུང་བསྟན་ལྟར་གྱི་འཛམ་གླིང་གི་སློབ་དཔོན་ཡིན་ངེས་པའི་བསྒྲགས་གཏམ་སྤེལ་ལ། ཡོངས་འགྱུར་གྱི་འཇིག་རྟེན་འདིའི་ཉེར་བསྡོགས་སུ། ཤར་ཕྱོགས་སྐར་མའི་བཀའ་བཀོད(The Order of the Star in the East)ཅེས་པའི་འཛམ་གླིང་རྒྱ་ཁྱབ་ཀྱི་སྒྲིག་འཛུགས་ཤིག་བཙུགས་ཤིང༌། དགུང་ལོ་ཆུང་བའི་ཀྲྀཥ྄ཎམཱུརྟི་མཆོག་ནས་ཀྱང་དེའི་དབུ་བརྩམས་པ་རེད།
གང་ལྟར་ཡང༌། སྤྱི་ལོ་༡༩༢༩ལོར། ཀྲྀཥ྄ཎམཱུརྟི་མཆོག་གིས་བཀའ་བཀོད་དེ་དེའི་རྗེས་འཇུག་འབོར་ཆེན་དང་བཅས་ཏེ་རྩ་གྲོལ་བཏང་ཞིང༌། བྱ་བཞག་འདིར་ཞལ་འདེབས་གནང་བའི་མ་དངུལ་དང་རྒྱུ་ནོར་ཡོད་ཚད་ཕྱིར་སློག་གནང་སྟེ། ཁོང་ལ་བསྒྲུབ་རེ་བཅངས་པའི་བྱ་གཞག་དེའང་ཞལ་བཞེས་མ་གནང་བ་རེད།
དེ་ནས་བཟུང༌། ཁོང་གི་སྐུ་གཤེགས་དུས་ཏེ་སྤྱི་ལོ་༡༩༨༦ལོའི་ཟླ་༢པའི་ཚེས་༡༧བར་གྱི་ལོ་ངོ་དྲུག་ཅུ་མ་ཟིན་ཙམ་ལ་འཛམ་གླིང་ཡུལ་ཁམས་གང་མང་དུ་འགྲུལ་བཞུད་གནང་ནས་ཉན་མཁན་འབོར་ཆེན་དང་མི་སྒེར་བ་གང་མང་ལ་མིའི་རིགས་ལ་དགོས་ངེས་ཀྱི་གཞིརྩིའི་འགྱུར་བ་སྐོར་གྱི་བཀའ་མོལ་གནང༌།
ཀྲྀཥ྄ཎམཱུརྟི་མཆོག་ཐོག་མཐའ་བར་གསུམ་དུ་འཛམ་གླིང་སྤྱི་ཡོངས་ཀྱིས་ཆེས་རླབས་ཆེན་གྱི་བསམ་བློ་བ་དང་ཆོས་ཀྱི་སློབ་དཔོན་གྱི་གྲས་སུ་ཆ་འཇོག་བྱེད།
དེ་ལས་མང་བ་། “རྗེ་ནག་པོ་སྐུ་མཆོག་གི་སྐུ་ཚེ་དང་མཛད་རྗེས་ལ་འཁྱུག་ཙམ་ལྟ་བ།” »
ལྷ་སའི་སྦྲགས་ཐམ་རེད་དམ་བོད་ཀྱི་སྦྲགས་རྟགས་རེད?
ལྷ་སའི་སྦྲགས་ཐམ་མ་རེད་བོད་ཀྱི་སྦྲགས་རྟགས་རེད། ལ་རྩེ་ཚང་གིས་དོ་སྣང་བྱས་ན་སྲ། ད་དུང་པདྨ་འབུམ་གྱིས་སྦྲགས་རྟགས་གིས་བོད་རང་བཙན་ཡིན་པ་ཁུངས་སྐྱེལ་བྱེད་མི་ཐུབ་ཟེར། བོད་ཆོས་སྲིད་ཀྱི་མངའ་ཐང་རྒྱས་ནས་ཡོད་སྐབས་སྐད་ཡིག་དང་ཡུལ་གོམས་གཤིས་ལུགས། རིག་གཞུང༌། མི་རིགས་དང་ས་ཁུལ། རྒྱལ་རྟགས་དང་རྒྱལ་དམག ཁྲིམས་སྲོལ་དང་འཛིན་སྐྱོང༌། རྒྱལ་དངུལ་ཆེ་ཆུང་འདྲ་མིན། སྦྲགས་ཐམ་དང་སྦྲགས་རྟགས། སྲིད་སྐྱོང་དང་སྲིད་བློན་སོགས་ཡོངས་སུ་རྒྱ་ནག་དང་ཐ་དད་ལ་ཡོད་པའི་བདེན་དོན་ནི་ནམ་ཡང་བསུབ་ཐབས་མེད།
དེ་ལས་མང་བ་། “ལྷ་སའི་སྦྲགས་ཐམ་རེད་དམ་བོད་ཀྱི་སྦྲགས་རྟགས་རེད?” »
ལ་རྩེ་དཔེ་མཛོད་ཁང་དང་བདེ་ཆེན་དབང་མོ་???
རྡོ་རྗེ་དོན་གྲུབ་ཀྱིས། གྲོགས་པོ་ཚོས་གསན་བྱུང་ངམ། བདེ་ཆེན་དབང་མོ་ཞེས་པའི་གཞས་མ་གྲགས་ཆེན་དེ་ཨ་རི་ལ་སླེབས་འདུག་ཟེར། དངོས་གནས་རེད་དམ། ངའི་གོ་ཐོས་ལ་བདེ་ཆེན་དབང་མོ་ཨ་རི་ན་ཡོད་པ་ཙམ་མ་ཡིན་པར། ལ་རྩེ་དཔེ་མཛོད་ཁང་གིས་ཟླ་བ་འདིའི་ཚེས་པ་ ༡༡ ཉིན་སྤེལ་བཞིན་པའི་ ལྷ་སའི་སྦྲག་ཐམ་ཞེས་པའི་མཛད་སྒོའི་ཡོང་རྒྱུ་རེད་ཟེར། མོས་གཞས་གཏོང་རྒྱུ་ཨེ་རེད། དྲ་གྲོགས་ཚོས་བརྩད་གཅོད་ཅིག་གཏོང་ཐུབ་བམ། དེ་རིང་འདི་ཙམ་ཡིན། བོད་ནང་གི་གཞས་པ་དང་གཞས་མ་གྲགས་ཅན་ཚོ་ལ་མཇལ་འདོད་འདུག་མོད། གནས་ཚུལ་གསལ་པོ་ཞིག་མ་གོ ཨེ་ཤ་ཡ་རང་དབང་རླུང་འཕྲིན་གྱིས་ཏན་ཏན་ཤེས་ཡོད་ཀྱི་རེད།…
གསང་སྔགས་གསར་རྙིང་དབར་གྱི་གྲུབ་མཐའ་འགལ་མེད་སྒྲུབ་པའི་ལུང་རིགས་ཉུང་བསྡུས།
ཆེན་པོ་མང་པོ་ནས་གང་ཅིའི་བསླབ་བྱ་དང་ལྷག་པར་བསྟན་པའི་ཞབས་འདེགས་སུ་འགྱུར་བ་ལ་གྲུབ་མཐའ་ཤིན་ཏུ་གཙང་བ་གལ་ཆེ་བ་སོགས་ནན་གྱིས་གསུངས་ཤིང༌། དུས་ཕྱིས་བསྟན་འགྲོའི་བདེ་ཐབས་དང་རང་གཞན་མང་པོའི་ཆེད་དུ། གཏེར་བྱོན་གྱི་གཏོར་བཟློག་གི་རིགས་དང་ཡི་དམ་ཞི་གྲོའི་བཟླས་བསྒོམ་སོགས་བྱེད་དགོས་དང༌། དེ་དག་གི་སྐུ་རྟེན་བཞེངས་དགོས་སོགས་གསང་ལུང་དུ་བབས་པ་སྒྲུབ་དགོས་བྱུང་བར་འགའ་ཞིག་གཏིང་ནས་མི་མོས་པར་དེ་དག་བགྱིས་པ་ཙམ་གྱིས་གྲུབ་མཐའ་འགྱུར་འདུག་ཅེས་པའི་བསྟན་པའི་ཞབས་འདྲེན་ཆེན་པོ་བགྱིས་པའི་ཚོད་དུ་འཛིན་ཅིང༌། རང་རེར་དཀར་བའི་རྣམ་དཔྱོད་ཅན་སེར་སྐྱ་དུ་མས་ཀྱང་གསང་ལུང་ལ་བབས་པ་རྣམས་སྒྲུབ་དགོས་པ་གཞིར་བཅས་ནའང་མངོན་ཆུང་གི་སྒོ་ནས་མ་བགྱིས་ན་ལོག་པར་བལྟ་བ་མང་ཞིང༌། ངེད་རང་གི་འཕྲིན་ལས་སོགས་ལ་གནོད་ཅེས་གཏིང་ནས་བརྩེ་བའི་བསླབ་བྱ་རིམ་ཅན་དུ་མཛད་ནའང༌། རང་གི་བསམ་པར། སྤྱིར་གྱི་གསང་སྔགས་གསར་མ་དང་རྙིང་མའི་ཁྱད་པར་འདི་ཡིན་ཞེས་དཔྱད་བཟོད་པ་ཞིག་ཆེན་པོར་གྱུར་པ་རྣམས་ལ་ཡང་གསུང་རྒྱུ་འོང་བ་ཞིག་དཀའ་བར་སྣང༌། སྔ་རབས་པ་ཕལ་ཆེར་པཎྜི་ཏ་སྨྲི་ཏི་དང་ལོ་ཙཱ་བ་རིན་ཆེན་བཟང་པོ་མན་ཆད་དུ་འགྱུར་བ་རྣམས་ལ་གསང་སྔགས་གསར་མ་དང༌། དེ་ཡན་ཆད་དུ་འགྱུར་བ་རྣམས་ལ་གསང་སྔགས་རྙིང་མའི་ཐ་སྙད་མཛད་ཅིང་འདུག །
དེ་ལས་མང་བ་། “གསང་སྔགས་གསར་རྙིང་དབར་གྱི་གྲུབ་མཐའ་འགལ་མེད་སྒྲུབ་པའི་ལུང་རིགས་ཉུང་བསྡུས།” »
བོད་ཆོལ་ཁ་གསུམ་གྱི་ནང་མ་ཚུད་པའི་བོད་ཀྱི་ས་ཆ་ཡོད་ཟེར།
བོད་པ་ནས་་་་ ངའི་གྲོགས་པོ་ཞིག་གིས་ཁ་པར་བརྒྱུད་ནས་གསུངས་གསལ་ལྟར་ན་བདུན་ཕྲག་གཅིག་གི་སྔོན་ལ་ནེའུ་ཡོག་གྲོང་ཁྱེར་ནང་ཡོད་པའི་ལ་རྩེ་དཔེ་མཛོད་ཁང་གིས་གྲངས་ཉུང་མི་རིགས་ཀྱི་སྐད་ཡིག་སྐོར་ལ་ཚོགས་འདུ་ཞིག་འཚོགས་པ་ལ་བོད་ནང་གི་མཁས་པ་ཁྲོ་བོ་རྒྱལ་མཚན་དང་རྒྱ་ཡེ་བཀྲ་བྷོ།ཐུབ་བསྟན་ཕུན་ཚོགས་གསུམ་ཕེབས་ཡོད་པའི་ཁར་ཨ་རིའི་ཆེད་མཁས་པ་འགའ་ཡང་འདུག་ཟེར། ཀྲུང་དབྱང་མི་རིགས་སློབ་གྲ་ཆེན་མོའི་དགེ་རྒན་ཆེན་མོ་ཐུབ་བསྟན་ཕུན་ཚོགས་མཆོག་གིས་རྒྱ་ཡིག་གི་བོད་ཀྱི་ས་ཁྲ་ཆེན་པོ་ཞིག་བསྟན་ནས་བོད་ཆེན་པོ་ཟེར་བ་འདི་རེད། རྡ་རམ་ས་ལ་ན་བཤད་བཞིན་པའི་ཆོལ་ཁ་གསུམ་ཟེར་བ་འདེའི་ནང་ལ་མ་ཚུད་པའི་བོད་ཀྱི་ས་ཆ་མང་པོ་ཡོད། དཔེར་ན་མངའ་རུས་ལྟ་བུ་རེད་ཟེར། སྐབས་དེར་ངའི་སེམས་ལ་ཟླ་སྔོན་མའི་ནང་ཀརྨ་ཆོས་འཕེལ་གྱིས་ཁོ་མངའ་རུས་སྤྱི་འཐུས་ཡིན་པ་ལས་དབུས་གཙང་སྤྱི་འཐུས་མིན་ཟེར་བ་འདྲ་བོ་ཞིག་བཤད་པ་ཡང་རྒྱུ་མཚན་འདི་འདྲ་ཞིག་མིན་འགྲོ་བསམ་སོང་། མཁས་དབང་ཐུབ་བསྟན་ཕུན་ཚོགས་མཆོག་གིས་མུ་འཐུད་ནས་གསུངས་གསལ། དེང་སྐབས་མི་མང་པོས་ཨ་མདོ་ཟེར་ན་མདོ་སྨད་ཡིན་ཤག་དང་ཁམས་པ་ཟེར་ན་མདོ་སྟོད་ཡིན་ཤག་བརྩིས་པ་ནི་ནོར་བ་རེད། དཔེར་ན་ངའི་ཕ་ཡུལ་སྡེ་དགེ་ཡིན། ང་ཁམས་པ་ཡིན།ང་མདོ་སྨད་ཀྱི་ཡིན་ཟེར། ཆོལ་ཁ་གསུམ་ནི་ས་སྐྱའི་སྐབས་(༡༢༦༤)བྱུང་བའི་ཐ་སྙད་ཅིག་རེད། ཁམས་པ་དང་ཨ་མདོ་ཟེར་བ་ནི་རྒྱལ་དབང་ལྔ་བའི་(༡༦༤༢)རྗེས་སུ་བྱུང་བའི་ཐ་སྙད་ཅིག་རེད། རྒྱལ་དབང་ལྔ་བའི་སྔོན་དེང་སྐབས་ཁམས་དང་ཨ་མདོ་ཟེར་བའི་ས་ཆ་འདི་ལ་མདོ་ཁམས་ཟེར་ནས་ས་ཁུལ་གཅིག་ཡིན་པ་ལས་ཁམས་དང་ཨ་མདོ་ཟེར་བའི་ཐ་སྙད་མེད། དེང་སང་ང་ཚོའི་གཞུང་ས་ཁྲ་འདིའི་རིགས་བཤད་ན་དགའ་གི་མི་འདུག ཡིན་ནའང་ངས་བསྟོན་བཞིན་པའི་ས་ཁྲ་འདི་ནི་གཅིག་སྟོང་དགུ་བརྒྱ་ལྔ་བཅུའི་ནང་མའོ་ཙེ་ཏུང་གི་སྐབས་བཟོས་པ་ཞིག་ཡིན་པས་སྐྱོན་ཡོད་ན་མའོ་ཙེ་ཏུང་གི་སྐྱོན་རེད་ཟེར།
༢༠༡༢ལོར་བར་སྣང་གི་མགྲོན་ཁང་སྒོ་འབྱེད།
ཁ་སང་བསྒྲགས་པའི་གསར་འགྱུར་ལྟར་ན། སྤྱི་ལོ་༢༠༡༢ལོར་མི་རྣམས་ཀྱིས་རེ་སྒུག་ཡུན་རིང་བྱས་པའི་དོན་དག་ཅིག་མངོན་འགྱུར་ཡོང་རྒྱུ་ཡིན་པ་སྟེ། སའི་གོ་ལའི་ཕྱི་རོལ་ཏུ་ཡོད་པའི་བར་སྣང་གི་མགྲོན་ཁང་དེས་མི་རིགས་ཀྱི་མགྲོན་པོར་ཕེབས་བསུ་ཞུ་རྒྱུ་ཡིན་འདུག ཡིན་ན་ཡང་མགྲོན་ཁང་གསར་བ་འདིའི་ནང་དུ་ཐེངས་གཅིག་འགྲོ་གླ་དང་ཞག་གསུམ་སྡོད་གླ་ནི་ཨ་རིའི་སྒོར་མོ་ས་ཡ་བཞི་ཡིན་པ་དང་། ཁྱོད་ཀྱིས་མགྲོན་ཁང་འདི་ནས་ཉི་མའི་འཆར་ནུབ་ཐེངས་བཅོ་ལྔར་མཐོང་ཐུབ་ལ། སྐར་མ་བརྒྱད་ཅུའི་རིང་ལ་སའི་གོ་ལར་སྐོར་བ་ཡང་རྒྱག་ཐུབ། དེ་བཞིན་ཁྱོད་ཀྱིས་འཇིག་རྟེན་འཕུར་སྐྱོད་པ་ཚོ་བཞིན་དུ་རང་ཉིད་སྡོད་སའི་མགྲོན་ཁང་དུ་རང་ལུས་ཀྱི་ལྗིད་ཚད་མར་ཆག་པའི་སྒོ་ནས་རང་དབང་གིས་འཕུར་སྐྱོད་ཀྱང་བྱེད་ཐུབ། བར་སྣང་གི་མགྲོན་ཁང་དེ་འདི་ལྟར་རིན་གོང་ཆེ་བར་ཡང་རྒྱུ་མཚན་མེད་པ་ཞིག་མ་ཡིན་ཏེ། མགྲོན་ཁང་དེ་གསར་རྒྱག་གི་ཆེད་དུ་ལོ་མང་རིང་ཚན་རིག་པའི་ཀླད་ཤུགས་ནུས་པ་བེད་སྤྱོད་བཏང་བ་བཤད་མ་དགོས་པའི་སྟེང་དུ། ཨ་རིའི་སྒོར་མོ་དུང་ཕྱུར་གསུམ་གྱི་འགྲོ་སོང་བཏང་ཡོད་པ་རེད། མགྲོན་ཁང་དེར་འགྲོ་བར་ཐོག་མར་ས་སྟེང་གི་གླིང་ཕྲན་ཞིག་ཏུ་གཟའ་འཁོར་བརྒྱད་ཀྱི་རིང་ལ་ཟབ་སྦྱོང་སྤྲོད་རྒྱུ་ཡིན་པ་དང་། ད་ལྟ་མགྲོན་ཁང་དེར་འགྲོ་འདོད་ཀྱིས་ཐོ་འགོད་བྱས་ཡོད་པའི་མི་གྲངས་ཁྲི་བཞིར་ལོངས་ཡོད་འདུག
གཟའ་སྤེན་པ་དང་ཉི་མའི་ཟིན་བྲིས།
རེས་གཟའ་པ་སངས་ཀྱི་ཉི་ནུབ་ཏུ། ངས་གྲོགས་པོ་འགའ་བོས་ནས་ནང་དུ་འཛོམས། ང་ཚོས་བོད་ཟས་གཡོས་ཤིང་ཆང་ལ་རོལ། བོད་ཀྱི་ཀུ་རེའི་སྒོ་མོ་ཕྱེས། ཧ་ཅང་སྐྱིད། སྐྱིད་པའི་དོན་རྩ་ངོ་མ་ནི། བདུན་ཕྲག་འདིའི་ལས་ཀ་ཡོངས་སུ་གྲུབ་པས་ཡིན་ལ། ཉི་མ་གཉིས་ཀྱི་རིང་བདུན་ཕྲག་མཇུག་གི་གུང་གསེང་ཡིན་སྟབས་བློ་བག་བདེ་པོར་ཡོད། དེ་ལྟར་ཧ་ལམ་ཆུ་ཚོད་བཅུ་པ་ཟིན་ལ་ཉེ། ངས་ཆུང་མ་ལ། སང་ཉིན་ཁྱེད་རང་ལས་ཀ་ལ་ག་དུས་འགྲོ་གི་ཡིན་ཞེས་དྲིས། མོས་ང་ལ་ལས་ཀ་མེད་ཟེར། ངས་གང་ཡིན་ནམ་དྲིས། མོས་ཁྱེད་ལ་ཟབ་སྦྱོང་ཡོད་སྟབས་ངས་ལས་ཀ་ནས་དགོངས་པ་ཞུས་པ་མི་དྲན་ནམ་ཟེར། དཀོན་མཆོག་གསུམ། ངས་བརྗེད་འདུག གཏན་ནས་བརྗེད་འདུག གྲོགས་པོ་ཚོ་ལ་ང་ལ་ཟབ་སྦྱོང་འདུག་ཅེས་ཞུས་ནས་རང་སར་བསྐྱལ། ང་ཡང་སྔ་པོར་ཉལ། ཉིན་བཅུ་བཞི་ལ་བསྟུད་ནས་ལས་ཀ་བྱེད་དགོས་ན་འདིས་ང་གསོད་ས་རེད་དྲན། སེམས་ཁོང་དུ་ཆུད། ཡིད་མུག དཀོན་མཆོག་གསུམ།
ཁ་བརྡའི་ཆེད་ཡིན།
བོད་རིགས་བུ་མོ་ཁ་བ་ལྷ་མོ་ལ་བཅར་འདྲི་བྱས་པ།
བོད་རིགས་བུ་མོ་ཁ་བ་ལྷ་མོ་ལ་བཅར་འདྲི་བྱས་པ།
ཁ་བ་ལྷ་མོ།
དངོས་མིང་མེ་ཏོག་སྐྱིད།༢༠༠༢ལོར་མཚོ་སྔོན་མི་རིགས་སློབ་ཆེན་ནས་སློབ་མཐར་ཕྱིན་པ་ནས་ད་ལྟའི་བར་ཕ་ཡུལ་བོང་སྟག་ཐེམ་ཆེན་ན་དགེ་རྒན་གྱི་ལས་གཉེར་གྱིན་ཡོད།
བཅར་འདྲི་མཁན། ན་གཞོན་གསར་བ།
ལན་འདེབས་མཁན། མེ་ཏོག་སྐྱིད།
ཁྱེད་བདེ་མོ། ཐོག་མར་ཁྱེད་ཀྱིས་ངེད་དྲ་བའི་བཅར་འདྲི་དང་ལེན་བྱས་པར་བཀའ་དྲིན་ཆེ་ཞུ་བ་ཡིན།
ཐུགས་རྗེ་ཆེ།
ཁྱེད་རང་སློབ་གསོའི་ལས་ཀ་གཉེར་བའི་བུད་མེད་ཅིག་ཡིན་པའི་ཆ་ནས་ད་ལྟའི་བོད་ཀྱི་བུད་མེད་ཀྱི་གནས་བབ་ལ་ལྟ་ཚུལ་ག་འདྲ་འཛིན་གི་ཡོད།
རིག་གནས་སློབ་གསོ་བརྒྱུད་མ་མྱོང་ཞིང་རང་གི་ལས་དབང་ལ་རང་གིས་ཁ་ལོ་བསྒྱུར་མི་ཐུབ་པའི་བུད་མེད་ཡིག་རྨོངས་བ་དག་གི་ཡ་ང་བའི་འཚོ་གནས་ལ་སྙིང་རྗེ་འཆོར་གྱིན་ཡོད། དེ་མིན་གྲོང་དང་གྲོང་ཁྱེར་ནས་འདྲ་མཉམ་གྱི་སློབ་གསོ་མྱོང་བཞིན་པའི་སྐལ་ལྡན་གྱི་བུ་བུ་མོ་དག་ལ་བར་ཁྱད་ཤོར་ན་ནི་བུད་མེད་རང་སྟེང་ནས་མ་ནུས་པ་ཙམ་ལས་སྲོལ་རྒྱུན་དང་ཁོར་ཡུག་སོགས་ལ་ངན་ཁག་དཀྲི་བ་ནི་རང་གི་སྒྱིད་ལུག་དང་འདྲ་མེད་ཀྱི་རང་གཤིས་ལ་ཁ་གཡོར་ས་འཚོལ་བ་རེད་བསམ་གི
གོལ་ལམ་དུ་འཕྱན་པའི་༼ཐ་སྙད་གསར་པ༽
ཤ་ཀླན་འཇམ་དབྱངས་གྲགས་པ།
བོད་ཀྱི་གནས་སྟངས་ཉག་ཕྲ་བར་གྱུར་བའི་སྐབས་འདིར་རང་རེའི་བོད་ལ་ཤ་ཚ་བ་ཀུན་གྱིས་ཤར་ནུབ་ཀྱི་རྒྱལ་ཁབ་སོ་སོ་ནས་བོད་ཀྱི་དོན་དུ་ཁ་ལག་གཉིས་ཀ་འགུལ་བཞིན་པ་ནི་དགའ་བའི་གནས་སུ་མཆིས།ལྷག་པར་དུ་དཔལ་འབྱོར་འདུ་འགོད་ཆེས་མྱུར་བའི་ནུབ་གླིང་དུ་ཐོན་ཡང་རང་ཉིད་ཚ་རླབས་དེའི་ཁྲོད་མ་འཐིམས་པར་རིགས་ཞེན་གྱིས་ཀུན་ནས་བསླངས་ཏེ་སྐད་ཆ་འཆད་བཞིན་པ་ནི་ང་ཚོས་མིག་དཔ
ེར་བཟུང་ན་ཅིས་མི་ཆོག དེ་ཡང་ཉེ་བའི་ཆར་བོད་ཀྱི་དུས་བབ་སྟེང་དུ་ཅོ་རི་ཉི་མ་ཞུ་བ་ཞིག་གིས་མེས་པོའི་ཚུར་བླངས་སྙིང་སྟོབས་ལ་དཔེ་བྱས་ནས་དེང་གི་ཆར་ང་ཚོའི་མདུན་དུ་ལྷགས་པའི་གནས་ཚུལ་མང་པོ་ཞིག་ཐག་བཅད་དགོས་པའི་བསམ་ཚུལ་སྤེལ་འདུག་པར་རྗེས་སུ་ཡི་རངས་ཞུ་བ་དང་།
ཁོང་གི་‘བཤད་པ་ཐལ་དྲགས་པ་རྣམས་ལ་སྐྱོན་བརྗོད་དང་དགག་པ་མང་ཙམ་ཡོད་པར་མཁྱེན’ཞེས་པའི་དགོངས་པ་གཞིར་བཟུང་ནས་ཁོ་བོས་ཀྱང་བསམ་ཚུལ་འགའ་སྤེལ་བའི་འདུན་པ་བྱུང་།
1
ཅོ་རི་ཉི་མ་ལགས་ཀྱིས་དྲངས་པའི་ལུང་ལྟར་ན་ཀམ་པུར་དྲར་(ཁོང་གིས་བྲིས་པ་ལྟར་བཀོད)ཞེས་པ་དེ་དངོས་མིང་དང་གློག་ཀླད་ཅེས་པ་ནི་བཏགས་མིང་ཡིན་ལ་དེ་དང་དེ་འདྲ་བ་འཇིག་རྟེན་གྱི་དངོས་པོ་ཡོད་དོ་ཅོག་ལ་འདོད་རྒྱལ་མཁན་པོས་ཐོག་མར་བརྡ་སྦྱར་བ་དེ་དངོས་མིང་དང་།དེ་མ་ཡིན་པར་ཕྱིས་སུ་བརྡ་སྦྱར་བ་དེ་བཏགས་མིང་ཡིན་པ་རིགས་པས་གྲུབ།
ཡིན་ཡང་དངོས་མིང་དེ་མཆོག་དང་བཏགས་མིང་དེ་དམན་པའམ་མིང་ལྷག་ལྟ་བུར་སེམས་པ་མི་བྱ་སྟེ།
རང་རེའི་མེས་པོ་བཀའ་དྲིན་ཅན་རྣམས་ཀྱིས་གནའ་བོའི་རྒྱ་གར་གྱི་རིག་གཞུང་རྒྱ་མཚོ་ལྟ་བུ་ལས་གཙུག་དང་ཕུལ་དུ་བྱུང་བ་སངས་རྒྱས་ཀྱི་གསུང་རབས་རྣམས་བོད་དུ་བསྒྱུར་སྐབས་རྔ་མོང་ཆེ་ན་ལྕི་བ་མཐོ་དགོས་པའི་བསམ་ཚུལ་ཡན་ག་བ་རྣམས་སྤངས་ནས་བྷུ་དྷ་ཞེས་པ་རྒྱ་སྐད་དུ་ཡོད་བཞིན་དུ་དེའི་སྐད་དོད་སངས་རྒྱས་ཞེས་པའི་བོད་མིང་གསར་བ་ཞིག་བཏགས་པ་ལྟ་བུ་རེད།
དེ་དང་དེ་ལ་སོགས་པ་གཞན་རྣམས་ལའང་རིག་བསྒྲེའོ།
སྒྱུ་རྩལ་རྩོམ་ཡིག་འབྲི་མཚམས་བཞག་པའི་རྩོམ་པ་པོ་སྐོར་ཞིག
བོད་ནང་། འཇམ་དཔལ་རྒྱ་མཚོ། རེབ་ཀོང་རྡོ་རྗེ་མཁར། ཆབ་འགག་རྡོ་རྗེ་ཚེ་རིང་། ཆབ་འགག་གཅོད་པ་དོན་གྲུབ། ཆབ་བྲག་རྡོ་རྗེ་ཚེ་རིང་། ལྗང་བུ། ཉི་ཟླ། སྨན་བླ་སྐྱབས། མཁས་གྲུབ་ཆོས་འཕེལ། ཆབ་བྲག་དཀོན་མཆོག་སྐྱབས། ་་་ ་་་ ད་དུང་མང་། བོད་ཕྱི།…
དེ་ལས་མང་བ་། “སྒྱུ་རྩལ་རྩོམ་ཡིག་འབྲི་མཚམས་བཞག་པའི་རྩོམ་པ་པོ་སྐོར་ཞིག” »
མི་ཁོམ་པ་ཧི་ཟིན་ནས་ཕྱིར་ཕུད།
གནས་ཚུལ་ལྟར་ན། བོད་ནང་གི་བོད་ཡིག་ཟིན་བྲིས་སྤྱི་དང་ལྷག་པར་ཧི་གཟུགས་ཟིན་བྲིས་ལ་མིག་སྔར་ཟིན་བྲིས་བརྒྱ་དང་རེ་བརྒྱད་ལ་ཀློག་གྲངས་ཆིག་ཁྲི་དྲུག་སྟོང་ལྷག་དང་དཔྱད་གཏམ་དྲུག་བརྒྱ་ལྷག་ཡོད་པའི་ཟིན་བྲིས་པ་མི་ཁོམ་པའི་རྒྱལ་སྲས་ལགས་ཀྱི་ཟིན་བྲིས་ཧི་ཟིན་དོ་དམ་པས་ཡོངས་སུ་མེད་བརླག་ཏུ་བཏང་བ་དང་མཉམ་ཕྱིར་ཕུད་བྱས་བའི་གནས་ཚུལ་ཞིག་བྱུང་འདུག་ལ་གནད་དོན་དེའི་འབྱུང་རྐྱེན་ནི་གཙོ་བོ་ཁོ་བོའི་ཟིན་བྲིས་་༼གནས་ལུགས་རློན་བཤད་རྒྱབ་ན་འདི་འདྲ་རེད༽ཅེས་པ་དེར་འབྲེལ་བ་ཡོད་ཚུལ་གླེང་འདུག
གཤམ་དུ་བཀོད་པ་གནས་ལུགས་རློན་བཤད་བརྒྱབ་ན་འདི་འདྲ་རེད་ཀློག་རོགས
མི་ཁོམ་པའི་རྒྱལ་སྲས།
–ང་དང་ཟིན་བྲིས་པ་སྐོར་ཞིག་ལ།
ཟིན་བྲིས་ཀྱི་འགྲེད་བརྡབ།
རང་ཉིད་ལ་མི་ཁོམ་པའི་རྒྱལ་སྲས་སུ་བོས་པ་ནས་རང་ཉིད་ཀྱིས་རང་ཉིད་ལ་དམ་བཅའི་སྡོམ་ཚིག་གཅིག་བཀོད་ཡོད་པ་ནི། ངས་སྙན་ངག་མི་ཤེས་ལ། ནམ་ཡང་ལྷ་སྒྲུང་རང་བཞིན་ཅན་གྱི་ལོ་རྒྱུས་མི་ཀློག ང་ལ་མིག་ཡོད་ཅིང་། རྣ་བའང་རབ་ཏུ་གསལ། ལྕེ་དེ་བས་ཀྱང་བཅད་མེད། དེའི་ཕྱིར་ནམ་ཡང་བདེན་དྲང་གི་སྐད་ཆ་ཏག་ཏག་བོད་མང་ཚོགས་ཀྱི་འཚོ་བ་དང་ཐག་ཉེ་སར་བཅར་ཏེ་བཤད་འདོད་ཡོད་ཅེས་བྲིས་ཡོད།
རྟ་བཤད་རྨིག་བཞི་རླུང་འགྲོས།
སྤྱི་བཏང་རྟ་བཤད་ལ་རིགས་མང་པོ་ཞིག་ཡོད་པ་ལས་ ་་རྟ་བཤད་རྨིག་བཞི་རླུང་འགྲོས་་ ཟེར་བ་འདི། ཨ་མདོའི་དམངས་ཁྲོད་རྩོམ་རིག་དཔེ་ཚོགས། སྟོན་བཤད་སྐྱིད་གཡང་དགའ་འཁྱིལ་ཟེར་བ་ལས་རྟ་བཤད་ཐུང་ཤོས་ཤིག་བཤུས་ཏེ་བཀོད་པ་ཡིན། རྟ་རབ་ཅིག་གི་མགོ་བོ་ལ།། སྲོག་ཆགས་བདུན་གྱི་མགོ་བོ་ཚང་།། ཡ་མགལ་པོ་ཏི་བརྩིགས་འདྲ་ལ།། མ་མགལ་ལོགས་ནས་བཏེགས་འདྲ་དགོས།། སྦལ་བ་རྒྱ་བོའི་མིག་སྒམ་ལ།། ཨ་བྲ་སྐྱ་མོའི་མིག་འབྲས་དགོས།། རྣ་རྩེ་བདུད་ཀྱི་སོ་བ་ལ།། སྣ་ཁུང་ཇག་པ་སྐུང་ས་དགོས།། སོག་པ་མཛོ་རྒན་ཤ་ཤོར་ལ།། དཔུང་བ་ལུག་ཐོང་བཀྱིག་འདྲ་དགོས།།…
སང་ཕྱིན་ཆད་ངས་རྩམ་པ་མི་ཟ།
རྩམ་པ་ནི་བོད་པའི་ཁ་ཟས་ཡིན་ཞེས་བརྗོད་ན་དེ་ནི་སྤྱིར་བཏང་ཞིག་ལས་དམིགས་བསལ་གྱི་གོ་དོན་ཅི་ཡང་མེད་། བསམ་གཞིགས་ཀྱ་ཟུར་ངོས་གཞན་ཞིག་ནས་བལྟས་ཚེ་། རྩམ་པ་དང་མི་རིགས་འདི་བར་གྱི་འབྲེལ་བ་དེ་ཧ་ཅང་གི་དམིགས་བསལ་བ་ཞིག་ཡིན་། ཡིན་ན་ཡང་དེ་ལྟར་བརྗོད་མཁན་མེད་ལ་། བརྗོད་དགོས་ཚེ་། བརྗོད་བྱ་དེ་ལ། རྗོད་བྱེད་ཚིག་གི་ཡང་མི་འདང་བ་ལྟ་བུར་སྣང་། དཔེར་ན་འགྲན་བསྡུར་ཞིག་གི་ཆེད་དུ་། དམ་འཇོག་པ། ་་་་ང་ཁོ་ལས་རྒྱལ་མ་ཐུབ་ཚེ་སང་ཕྱིན་ཆད་ངས་རྩམ་པ་མི་ཟ། ཞེས་པ་དེས་མི་རིགས་འདི་དང་རྩམ་པའི་བར་གྱི་འབྲེལ་བ་དེ་ཚད་ངེས་ཅན་ཞིག་དུ་སླེབས་ཡོད་པར་དོག་མི་ཟ། གཞན་ཡང་། ་་་་ང་བརྒྱད་ལོར་ཟ་མ་གཞན་པ་ཕར་ཞོག་རྩམ་པ་ཡང་ཡོད་པ་མ་རེད་། ཟེར་བ་དེས་ཅི་ཞིག་མཚོན་ཐུབ། གང་ཟག་དེས་སེམས་ངོར་རྩམ་པ་ནི་ཟས་ཀྱ་མཐའ་མའི་མཐར་བཞག་ཞིག་རེད་དམ་།…
ཏུན་ཧོང་སྨོན་ལམ་ཡིག་རྙིང་མཆན་འགྲེལ་གྱི་དེབ་ཐེར་ཞིག
བདེ་ཆེན་སྒྲོལ་མ།
དེ་རིང་ངེད་ཀྱིས་དྲ་གྲོགས་ཚོར་ཏུན་ཧོང་སྨོན་ལམ་ཡིག་རྙིང་མཆན་འགྲེལ་སྐོར་གྱི་དེབ་ཐེར་རྩ་ཆེན་ཞིག་ངོ་སྤྲོད་བྱེད།
དེབ་ཐེར་འདི་བརྒྱུད་ནས་ང་ཚོས་བོད་བཙན་པོའི་སྐབས་ཀྱི་བོད་ཀྱི་ནང་པ་སངས་རྒྱས་པའི་ཆོས་ལུགས་ཀྱི་གནས་ཚུལ་དངོས་དང༌། སྐབས་དེའི་བོད་དང་རྒྱ། བོད་དང་དྲུ་གུ བོད་དང་འཇང་བཅས་ཀྱི་ཆབ་སྲིད་ཀྱི་འབྲེལ་བའི་སྐོར་ལ་ཡང་ངེས་ཤེས་གསར་བ་རེ་འདྲོངས་ཐུབ་པར་བདག་འདོད་དོ།།
དེབ་ཐེར་འདི་ཉིད་ཀྱི་རྩོམ་པ་པོ་ནི་ན་གཞོན་བོད་རིག་པ་ཞིབ་འཇུག་མཁས་པ་དགེ་འདུན་རབ་གསལ་ལགས་རེད་ལ། དེབ་ཐེར་འདི་ཉིད་ཀྱི་མིང་ཆ་ཚང་ལ་ཏུན་ཧོང་ཡིག་རྙིང་ལས་བྱུང་བའི་བོད་ཀྱི་གནའ་རབས་སྨོན་ལམ་དང་དེའི་མཆན་འགྲེལ་ཟེར། དེབ་ཐེར་འདི་ནི་རྩོམ་པ་པོས་ཕྱི་ལོ༡༩༩༥ལོར་ཝཱཎ་བོད་ཀྱི་གཙུག་ལག་སློབ་གཉེར་ཁང་གི་ཞིབ་འཇུག་སྡེ་ཚན་ཁོངས་བོད་ཀྱི་རྩོམ་རིག་ལོ་རྒྱུས་ལ་ཉམས་ཞིབ་བྱེད་སྐབས་ལས་ཞོར་དུ་བརྩམས་གྲུབ་པ་ཞིག་དང༌། ལོ་དེའི་ཟླ་༧པའི་ནང་ལྡི་ལི་བོད་ཁང་ནས་དཔར་སྐྲུན་གྱིས་འགྲེམས་སྤེལ་གནང་འདུག
ད་ཡོད་བོད་ཀྱི་ཏུན་ཧོང་ཡིག་རྙིང་ཞིབ་འཇུག་གི་གྲུབ་འབྲས་ལ་ཕྱི་མིག་ཐེངས་གཅིག་བལྟས་ན། ཞིབ་འཇུག་གི་རྣམ་གྲངས་མང་ཤོས་ནི་བོད་ཀྱི་རྒྱལ་རབས་ལོ་རྒྱུས་ཀྱི་སྐོར་ཡིན་པ་ལས། ཏུན་ཧོང་ཡིག་རྙིང་ནང་གི་ཆོས་ལུགས་ཀྱི་གནས་བབ་སྐོར་ལ་དམིགས་སུ་བཀར་ནས་ཞིབ་འཇུག་གནང་འདུག་པ་ནི་མཁས་དབང་རབ་གསལ་ལགས་ཐོག་མར་སྣང༌། འདི་ནི་བོད་ཀྱི་གནའ་རབས་ལོ་རྒྱུས་ལ་ཁ་སྐོང་གི་ནུས་པ་ཐོན་པའི་དེབ་ཐེར་རྩ་ཆེན་ཞིག་ཀྱང་རེད། ངེད་ཀྱིས་དེབ་ཐེར་འདི་ཉིད་དྲ་གྲོགས་ཚོར་ངོ་སྤྲོད་བྱེད་འདོད་པའི་རྒྱུ་མཚན་ཡང་འདི་རང་ཡིན།
དེ་ལས་མང་བ་། “ཏུན་ཧོང་སྨོན་ལམ་ཡིག་རྙིང་མཆན་འགྲེལ་གྱི་དེབ་ཐེར་ཞིག” »
ཀླུ་སྨྱོན་སྤུན་གསུམ་གྱི་མནོ་བསམ་ཕྱོགས་བསྒྲིགས་པར་སྐྲུན་བྱས་ཡོད།
ཉེ་ཆར་ངེད་ཅག་བཙན་སྲས་དང་གཟི་མིག་གསུམ་པ། ཀླུ་སྨྱོན་བཅས་ཕ་མ་གཅིག་ལས་མཆེད་པའི་བུ་སྤུན་གསུམ་གྱིས་རྒྱུན་རིང་རྨིས་པའི་རྨི་ལམ་ཞིག་མངོན་དུ་གྱུར་པ་སྟེ། ངེད་སྤུན་གསུམ་གྱི་མནོ་བསམ་ཕྱོགས་བསྒྲིགས་ཀྱི་དེབ་ཅིག་རྒྱལ་ཁབ་རིམ་པའི་འགྲོ་ལུགས་བཞིན་ཆོག་མཆན་བརྒྱུད་དེ་ཀན་སུའུ་མི་རིགས་དཔེ་སྐྲུན་ཁང་ནས་དཔར་སྐྲུན་ལེགས་འགྲུབ་བྱུང་སོང་ལ། དེ་ལུགས་མཁྱེན་པར་འདོད་ཚེ་རྡོ་འབུམ་དྲ་ཚིགས་སུ་ཕེབས་རོགས། http://www.dobum.org/index.php?option=com_content&task=view&id=111&Itemid=9
དྲ་གྲོགས་ཚོས་གཤམ་འོག་དབྱིན་ཚིག་གི་བོད་འགྱུར་རྣམས་ལ་དགོངས་ཚུལ་གསུང་རོགས་ཞུ།
Mind, body, spirit – སེམས། ལུས། སྲོག་གམ་བླ། Anxiety – སྐྱོ་སྡུག སྐྱོ་སྣང་། སེམས་སྡུག Stress – མནར་གདུང་།…
དེ་ལས་མང་བ་། “དྲ་གྲོགས་ཚོས་གཤམ་འོག་དབྱིན་ཚིག་གི་བོད་འགྱུར་རྣམས་ལ་དགོངས་ཚུལ་གསུང་རོགས་ཞུ།” »
དགའ་ལྡན་ཁྲི་ཐོག་བརྒྱ་དང་གཉིས་པ་ཁྲི་འདོན་མཛད་སྒོ།
བེ་རི་འཇིགས་མེད། དགའ་ལྡན་ཁྲི་ཐོག་བརྒྱ་དང་གཉིས་པ་རི་རྫོང་སྲས་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་བུ་མཆོག སྤྱི་ལོ་ 2009་ ཟླ་ 10 ཚེས་ 26་ཉིན་ནོར་གླིང་༸གོང་ས་མཆོག་གི་མཛད་རྣམ་སྒོ་དབྱེ་དང་ལྷན་དུ་༸གོང་ས་མཆོག་གིས་གཙོས་རྒྱལ་དབང་ཀརྨ་པ་རིན་པོ་ཆེ་སོགས་ཆོས་རྒྱུད་ཁག་གི་བླ་མ་རྣམ་པ་སོགས་དགེ་འདུན་གྱི་སྡེ་དང་མང་ཚོག་སྟོང་ཕྲག་དུ་མའི་དབུས་སུ་དགའ་ལྡན་ཁྲི་ཐོག་བརྒྱ་དང་དང་པོ་ཁྲི་ཆེན་ལུང་རིགས་རྣམ་རྒྱལ་ཁྲི་ལས་ཟུར་པའི་ཚབ་ཏུ་དགའ་ལྡན་གསེར་ཁྲི་ལ་མངའ་གསོལ་བའི་མཛད་སྒོ་གནང་། དགའ་ལྡན་ཁྲི་ཐོག་བརྒྱ་དང་གཉིས་པ་རི་རྫོང་སྲས་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་བུ་མཆོག (འབྲས་སྤུངས་བློ་གསལ་གླིང་མཁན་རབས་དོན་དྲུག་པ་དང༌། ལ་དྭགས་རི་རྫོང་དགོན་གྱི་སྲས་གྲུབ་པའི་དབང་ཕྱུག་གི་སྐུ་ཕྲེང་གསུམ་པ་ཡིན) ནི། ༡༩༢༧ལོར་མང་སྤྲོ་ཞེས་པའི་མཁར་དུ་མེས་དབོན་བཙན་པོའི་གདུང་རྒྱུད་སྐྱབས་རྗེ་རྒྱལ་སྲས་བ་ཀུ་ལ་རིན་པོ་ཆེའི་སྐུ་མཆེད་དུ་ཡབ་རྒྱལ་པོ་ཕུན་ཚོགས་རྣམ་རྒྱལ་དང༌། ཡུམ་ཚེ་རིང་ལྷ་སྒྲོན་གཉིས་ཀྱི་སྲས་སུ་སྐུ་འཁྲུངས། ྋགོང་ས་བཅུ་གསུམ་པ་ཆེན་པོས་ཡང་སྲིད་འཁྲུལ་བརལ་ངོས་འཛིན་གནང་སྟེ་དགུང་ལོ་བཞི་ཙམ་ནས་རི་རྫོང་དགོན་དུ་བཞུགས།…
དེ་ལས་མང་བ་། “དགའ་ལྡན་ཁྲི་ཐོག་བརྒྱ་དང་གཉིས་པ་ཁྲི་འདོན་མཛད་སྒོ།” »
