རྔ་བ་རྒྱལ་ཁམས་པ།
————–
དད་པ་ཅན་ལ་བྱིན་རླབས་གློག་ལྟར་མྱུར།།
ཤེས་རབ་ཅན་ལ་ཤེས་བྱའི་གསང་བ་སྟོན།།
ལྟ་དགོངས་ཅན་ལ་ཉམས་ལེན་གྲོགས་སུ་བྱོན།།
ཨརྱཱཏ་རེར་འཛིན་མེད་སེམས་ཀྱིས་འདུད།།
སྦྱང་བྱ་སྐྱེ་ཤི་བར་དོ་སྦྱོང་བྱེད་ཐབས།། སྣ་ཚོགས་བློས་བཏགས་སྣང་སྟོང་ལྷ་ཡི་སྐུ།།
རྫོགས་རིམ་སྨིན་བྱེད་བསྐྱེད་པའི་རིམ་པ་སྟེ།། དབྱེ་ན་ཕྲ་རགས་རྟོག་དྲན་རྣལ་འབྱོར་གཉིས།།
རགས་པའི་རྟེན་དང་བརྟེན་པའི་དཀྱིལ་འཁོར་ལ།། རིམ་པར་གསལ་བཏབ་གསལ་བར་སྣང་ན་ཡང༌།།
སྐད་ཅིག་ཡུན་ལ་དེ་འཆར་མི་ནུས་པའི།། རྣལ་འབྱོར་ལ་བ་ལ་ལས་དང་བོ་ཞེས་བརྗོད།།
བོད་ཡིག་བེད་སྤྱོད་ནུས་པའི་ཐད་ཀར་ཁ་བརྡ་བྱ་ས་ཞིག
སྨྱུག་རྒོད་གངས་བུ་དཔལ་།
ད་བར་གྲོགས་པོ་མང་པོ་དང་བགྲོ་གླེང་བྱེད་དུས་ཚང་མས་བོད་ཡིག་འབྲི་ས་ཡོད་པའི་ཁ་བརྡ་བྱ་ས་(chat room)ཞིག་དགོས་འདུག་ཞེས་ཡང་ཡང་གསུང་གི་འདུག་ཀྱང་། ཕ་ཡུལ་ཁ་བརྡ་(phayul chat)སོགས་སུ་བོད་ཡིག་བེད་སྤྱད་མི་ནུས་པའི་དབང་ལས་བོད་ཡིག་ཐོག་བདེ་བླག་ཁ་བརྡ་བྱ་ས་ཞིག་རྙེད་མ་སོང་། འོན་ཀྱང་དབྱིན་ཡུལ་ནས་ཁོ་བོའི་གྲོགས་པོ་ཞིག་གིས་དབྱིན་ཡིག་ཐོག་ཁ་བརྡ་བྱ་ས་ཞིག་བཟོས་འདུག་པ་དེའི་ནང་བོད་ཡིག་ཡག་པོ་ཡོང་གི་འདུག་ཀྱང་།
ཡིག་གཟུགས་ཧ་ཅང་ཆུང་བས་ངས་གྲོགས་པོ་དེར་ཡིག་གཟུགས་ཆེ་རུ་གཏོང་རྒྱུའི་རེ་བ་བཏོན་པ་བཞིན་ཡིག་གཟུགས་ཀྱང་ཆེ་རུ་གཏོང་འདུག་པས།
དེ་ལས་མང་བ་། “བོད་ཡིག་བེད་སྤྱོད་ནུས་པའི་ཐད་ཀར་ཁ་བརྡ་བྱ་ས་ཞིག” »
༧གོང་ས་མཆོག་གི་སྐུ་ཚབ་རྣམ་གཉིས་ཀྱིས་གསར་འགོད་གསལ་བསྒྲགས་གནང་འདུག
འདི་རུ་བསྣུན་ནས་ཉན་རོགས།
ཐ་སྙད་བེད་སྤྱོད་ལ་ངེས་པར་དུ་གཟབ་དགོས།
དབུས་ཕྲུག་ཚེ་རིང༌།
དེ་སྔོན་རྒྱ་ནག་གཞུང་གིས་ཏཱ་ལའི་བླ་མ་ཡི་ཐོབ་དབང་དང༌། དེའི་ཆེད་དུ་གྲོས་མོལ་བྱེད་ཀྱི་ཡོད་པའི་སྐོར་ལས། བོད་མི་དམངས་དང་བོད་མི་རིགས་ཀྱི་ཆེད་དུ་ཡིན་པའི་འགྲེལ་བརྗོད་ཅི་ཡང་བྱེད་ཀྱི་མེད། བར་སྐབས་ནས་རྒྱ་ཕྱོགས་ཀྱིས་ཏཱ་ལའི་བླ་མའི་གནས་དོན་ཟེར་བ་མ་གླེང་པར། བོད་ཆེན་པོ་དང་མིང་དོན་མཚུངས་པའི་རང་སྲིད་རང་སྐྱོང༌། རྣམ་པ་འགྱུར་བའི་རང་བཙན་ཞེས་པ་སོགས་ཀྱི་སྐོར་ཤོད་ཀྱིན་ཡོད་ལ། ྋགོང་ས་མཆོག་ནས་ཀྱང་ངོས་སྒེར་གྱི་ཐོབ་དབང་དང༌། གནས་དོན་ཐོག་ལ་གྲོས་མོལ་བྱེད་རྒྱུ་ཅི་ཡང་མེད་སྐོར་སྔ་ཕྱིར་གསུངས་ཡོད།
མནོ་བསམ་གཏོང་དགོས་བ་གསུམ།
(༧གོང་ས་མཆོག་གི་བཀའ་སློབ།) བོད་མི་ཚོ། རང་ཡུལ་འཕྲོག་མཁན་དགྲ་བོ་སྣང་མེད་དུ་བཞག་ནས་བོད་མི་ནང་ཁུལ་ཚིག་སྐམ་སྟོང་བཤད་ཀྱིས་འཐེན་འཁྱེར་བྱེད་པ་དང་གཅིག རང་རིགས་རྒྱ་ཆེའི་མང་ཚོགས་ཀྱི་བདེ་སྡུག་ལ་སེམས་འཁུར་བོར་ཏེ་རང་ཉིད་གཅིག་པུ་རང་མགོ་གང་ཐོན་བྱེད་པ་དང་གཉིས། ད་ལྟ་བོད་མི་རིགས་སྤྱིའི་བདེ་སྡུག་གནས་སྟངས་ཛ་དྲག་གང་འདྲ་ཞིག་ཐོག་གནས་ཡོད་པ་ངོས་མ་ཟིན་པར། འབྱོར་ལྡན་རང་དབང་ཅན་གཞན་དག་ལ་དཔར་བཀབ་རྒྱས་སྤྲོས་སྐྱིད་འདོད་བྱེད་པ་དང་གསུམ་ནི་ཤིན་ཏུ་འཁྲུལ་འཚབ་ཆེ་བས་མནོ་བསམ་ནན་ཏན་གཏོང་དགོས། (ཆབ་སྲིད་ལམ་སྟོན། བཞུགས་སྒར་དུ་གསུམ་བཅུའི་དུས་དྲན་ཐེངས་བཅུ་བདུན་པར་སྕལ་བའི་གསུང་འཕྲིན། བོད་གཞུང་དྲིལ་བསྒྲགས་ལས་ཁུངས་ཀྱི་སྣར་ཐང་པར་ཁང་དུ་བསྐྲུན། ༡༩༨༢ ཤོག་ངོས་ ༢༧༠)
ཀྲུང་གོའི་བདག་དབང་ལ་གྲོས་མོལ་མེད་ཟེར།
(བོད་ཀྱི་དུས་བབ་ནས་བླངས། )
སྐུ་ཚབ་རྣམ་པ་ལྡི་ལིར་འབྱོར་མ་ཐག རྒྱ་ནག་འཐབ་ཕྱོགས་གཅིག་གྱུར་ཁང་གིས་གྲོས་མོལ་གྱི་སྒོ་མུ་མཐུད་ཕྱེ་ཡོད། ཡིན་ཡང་། བོད་ཐོག་གི་ཀྲུང་གོའི་བདག་དབང་ལ་གྲོས་མོལ་མེད་ཟེར།
འཐབ་ཕྱོགས་གཅིག་གྱུར་ཁང་གི་འགན་འཛིན་ཏུའུ་ཆེན་ལིན་གྱིས་གཟའ་ཟླ་བའི་ཉིན་ཞིན་ཧྭ་གསར་ཁང་ལ་བཤད་དོན། ཀྲུང་གོའི་མངའ་ཁོངས་དང་བདག་དབང་གི་སྐོར་ལ་གྲོས་མོལ་གཏན་ནས་མེད་ལ། འདིའི་ཐད་ནས་ཕྱིར་བཤོལ་ཅི་ཡང་མེད་ཟེར། (ཞིན་ཧྭ་གསར་ཁང་གི་གསར་འགྱུར་དེ་འདི་རུ་འདུག )
སྐུ་ཚབ་རྣམ་པ། ཁྱེད་ཚོའི་སྤྲོ་འཆམ་དེ་གྲུབ་ཚར་སོང་ངམ།
མདོ་འདུམ་ཚང་།
ད་ནངས་ཁ་པར་སླེབས་ནས། ཁྱེད་ཚོ་ཚེས་༢༥ཉིན་རྒྱ་ནག་ལ་ཕེབས་འདུག་ཟེར། དང་པོ་འགྲོ་ས་དེ་ཧུའུ་ནན་ཞིང་ཆེན་རེད་ཟེར། དེ་ནི་མའོ་ཙེ་ཏུང་གི་སྐྱེ་ཡུལ་ཡང་རེད་ཟེར། ཐོག་མའི་ཉིན་ཁ་ཤས་ལ་འཆམ་འཆམ་དང་དེ་ནས་གྲོས་མོལ་དངོས་གཞི་རེད་ཟེར། གྲོས་མོལ་དངོས་གཞི་དེ་ཡང་རྒྱ་ནག་གི་རྒྱལ་ས་པེ་ཅིང་ལ་རེད་ཟེར། ད་ཐེངས་དམིགས་བསལ་ཞིག་ལ། གྲོས་མོལ་དེའི་ཆེད་དུ། རྒྱ་གར་ལྷོ་ཕྱོགས་འབྲས་སྤུངས་དགོན་དུ་རིམ་གྲོ་སྒྲུབ་བཞིན་འདུག་ཟེར། སྐུ་ཚབ་རྣམ་པ། ཁྱེད་ཚོའི་འཆམ་འཆམ་དེ་གྲུབ་ཚར་སོང་སམ།-ཧུའུ་ནན་ཞིང་ཆེན་གྱི་ཡུལ་ལྗོངས་ག་འདྲ་འདུག ཧུའུ་ནན་ཞིང་ཆེན་གྱི་ཡུལ་མི་རྣམས་ག་འདྲ་འདུག ཧུའུ་ནན་ཞིང་ཆེན་ནས་མའོ་ཙེ་ཏུང་གི་འདྲ་སྐུ་མང་པོར་མཇལ་སོང་ངམ།
དེ་ལས་མང་བ་། “སྐུ་ཚབ་རྣམ་པ། ཁྱེད་ཚོའི་སྤྲོ་འཆམ་དེ་གྲུབ་ཚར་སོང་ངམ།” »
སློབ་གྲྭའི་བུ་མོའི་བདག་པོ་གྲྭ་བ་རེད་དམ།
ཨ་རིག་དགེ་མཐོང་།
ད་ལྟ་སློབ་གྲྭ་ཁག་གུང་གསེང་རེད་འདུག་ལ། དགོན་པ་གྲྭ་ཚང་ཁག་གིས་ཀྱང་ཚོགས་འཚོགས་རྒྱུ་ཧ་ཅང་ཉུང་བའི་དུས་ཤིག་རེད། ཡིན་ནའང་། གུང་གསེང་སྐབས་དེར་ཕྲན་གྱི་རྣ་བར་མི་སྙན་པའི་གཏམ་དང་མིག་ལ་མི་མཛེས་པའི་སྤྱོད་ཚུལ་འགའ་མཐོང་སོང་། རྣ་བར་མི་སྙན་པའི་གཏམ་དེ་ནི་ད་ལྟ་རིང་གོ་བ་ཞིག་མིན་པར་ལོ་སྔོན་མ་དག་ནས་ཀྱང་གོ་མྱོང་། ད་དུང་ད་ལོ་འབྲེལ་འདྲེས་ཅན་གྱི་གྲོགས་དག་གི་ཁ་ནས་ཐོས་མྱོང་། གཏམ་དེ་ལ་བདེན་ཤས་ཆེ་ཡང་མཐའ་གཅིག་ཏུ་བདེན་པའི་ངེས་པ་ག་ལ་ཡོད། མེད་ཁོ་ཐག་ཡིན། འོན་ཀྱང་དེ་རིང་ཁ་སང་འདིའི་སྐོར་གླེང་ན་འགའ་རེས་ཡག་པོ་རེད་ཟེར་ལ། འགའ་རེས་དགོན་སྡེ་ལ་ཁ་བཏང་སོང་ཟེར་མཁན་ཡང་ཡོད་པ་རེད། སློབ་གྲྭ་ཁག་གུང་གསེང་ལ་ཁེལ་དུས་བུ་མོ་ཚོ་སྤུན་དང་ཨ་ཞང་ཡིན་ཟེར་བའི་གྲྭ་བ་རེ་ཡོང་ནས་ཁྲིད་འགྲོ་ལ། ཤུལ་དུ་ལྷག་པ་ནི་དུས་རྒྱུན་མང་ཤོས་བུ་རེད་ཅེས་ཟེར།
ཁ་ཆེམས་འཇོག་པའི་དུས་ཚོད་ཡག་ཤོས།
ཀླུ་སྨྱོན།
ཁོ་བོ་ཤི་རྗེས་རང་གི་ལུས་སེམས་གཉིས་ཀ་འཐིམ་ན་འདོད་སའི་ཕ་ཡུལ་གྱི་རི་སྒང་དང་ནམ་མཁའི་འདྲ་པར།
མི་ཚེ་ཐུང་ཐུང་ཞིག
འདི་ལྟར་དགའ་སྐྱོ་ཆགས་སྡང་གི་སེམས་ཚོར་གྱི་ཀློང་ནས་ཟད་སོང་།
མི་ཚེ་རིང་མོ་ཞིག
འདི་ལྟར་ཐོབ་ཤོར་རེ་དོགས་ཀྱི་བསླུ་བྲིད་འབའ་ཞིག་གི་ཁྲོད་ནས་རྫོགས་སོང་།
རིང་ཞིང་ཐུང་བའི་མི་ཚེ་འདིར།
དགེ་སྡིག་གང་ཞིག་བསགས་ཡོད་མེད་དེ་ཀུན་གཞིའི་བག་ཆགས་ཀྱི་གཏིང་རུམ་དུ་རྒྱས་བཏབ་སྟེ།
ད་ནི་འཆི་བྲོད་ཐིགས་ཚགས་མ་*རེ་བྱེད་རེ་རན།
ད་ནི་འགྱོད་པ་མེད་པའི་ཁ་ཆེམས་སྐྱིད་པོ་རེ་ཡང་འཇོག་རེ་རན།
གལ་སྲིད་ང་རང་སྨན་ཁང་ཞིག་ནས་ཤི་བ་ཡིན་ན།
ངའི་གཟུགས་ཕུང་འདིར་སྒུལ་སྐྱོད་མ་གཏོང་བར་ཉི་མ་གསུམ་ལ་ཞོག
གལ་སྲིད་ང་རང་ཁྱིམ་ཚང་ཞིག་ཏུ་གཉིད་པ་ཡིན་ན།
ངའི་རྣ་ལམ་དུ་ཉི་མ་ལྷ་ས་ཞེས་པའི་གླུ་གཞས་དེ་ཉི་མ་གསུམ་ལ་ཞི་འཇགས་ངང་ཐེངས་རེ་གཏོང་རོགས།
ཁྱེད་ཀྱིས་ཤེས་ན་ང་ལ་འདྲི་དོན་ཅི་ཡིན།
བོད ལྷ་ཀླུ་གཉན་གསུམ།
ང་རང་གིས་ལོ་ངོ་གཅིག་གི་རིང་དུ་མགྲོན་ཁང་ཆེན་པོ་འདི་རུ་ལས་ཀ་བྱས་པ་ཡིན་ལ། རང་གི་ལས་ཀ་ནི་ཐེ་ལན་གྲའི་མ་བྱན་ཆེན་མོ་ཞིག་་གི་འགན་འཁུར་བ་དེ་ཡིན། གླ་ཆ་ནི་ཧིན་སྒོར་བརྒྱད་ཁྲི་ལྷག་རང་ལག་དུ་འབབ་ཀྱི་ཡོད་པ་རེད། ས་ཁུལ་འདི་ནས་ཧིན་སྒོར་བརྒྱབ་ཁྲི་ལྷག་གིས་ཁང་གླ་དང་ཟས་སོང་། རླངས་འཁོར་གྱི་སྣུམ་སོགས་ཀྱི་འགྲོ་སོང་མི་འགྲོ་སྟབས། ཟླ་ངོ་གཅིག་གི་སྔོར་དེར། ངས་མགྲོན་ཁང་འདིའི་སྤྱིའི་འགན་འཛིན་ལ་ཁོ་རང་གིས་ལོ་ངོ་གཅིག་གི་གོང་དུ་ང་ལ་ཁས་ལེན་བྱས་པ་དེར་ལག་ལེན་མ་བྱས་པ་ཡིན་ན། ང་རང་ཟླ་ངོ་གཅིག་གི་རྗེས་ཏག་ཏག་ལ་ལས་ཀ་ནས་དགོངས་པ་ཞུ་རྒྱུ་ཡིན་ཟེར་ནས་བཤད་ཀྱང་། ཁོས་ང་རང་ལ་ཉིན་འགའི་རྗེས་སུ་གླ་ཆ་ག་ཚོད་ཅིག་སྤར་ཐུབ་མིན་ཐད་ནས་ལན་གསལ་བོ་ཞིག་སྤྲོད་ཆོག་ཟེར་བས་ངས་ཀྱང་ཁོ་རང་གི་ལན་ཞིག་སྟེར་བར་བདུན་ཕྲག་གཉིས་རིང་དུ་སྒུག་པ་ཡིན།
རི་སྤྱང་དམར་བོ།
ཁྱོད་སུ་ཡིན།
ལང་ལོང་འཕྱུར་བའི་སྨིག་སྤྲིན་ཕྱི་རོལ་ཏུ། །
ང་ཡིས་རི་སྤྱང་དམར་བོ་ལན་གསུམ་མཐོང་། །
རི་སྤྱང་དམར་བོའི་རྒྱབ་གཟུགས་མཚར་བོ་ཡིས། །
ང་ཡི་ཚོར་བའི་རྒྱ་མཚོར་རླབས་ཤིག་བསླངས། །
བོད་རྒྱ་འབྲེལ་མོལ་ཐེངས་དགུ་བའི་ཐད་དཔལ་ལྡན་རྒྱལ་གྱིས་རྩོམ་པ་པོ་ྐླུ་སྨྱོན་ལགས་དང་མཉམ་དུ་གླེང་མོལ་ཞུས་པ།
འདི་ལ་བསྣན་ནས་ཉན་རོགས།
མེག་གྷན་གྱི་རྨི་ལམ།
གཡུ་དྲུག་དཀར། རྡ་ས།
“འེ་་་་་གྲོགས་པོ། ག་བ་འགྲོ་གེ།’’མུན་ནག་ནང་ནས་མི་ཞིག་གིས་བོད་སྐད་དག་ལ་མ་དག་ཅིག་གིས་དེ་ལྟར་བརྗོད་བཞིན་ངའི་ཕྱོགས་སུ་རྒྱུག་ཡོང་པས། སེམས་ལ་དེ་རིང་ངན་པ་དགུ་འཛོམས་ཀྱི་ཉིན་མོར་ཏག་ཏག་བཀྲ་མི་ཤིས་པ་ཅི་ཞིག་འབྱུང་རྒྱུ་ཡིན་ནམ་སྙམ་མོད། ཡིན་རྒྱུ་ནི་ཁང་བདག་རེད། གློག་འོད་ཀྱི་ངོགས་ནས་ངས་ཁོང་གསལ་གྱི་ལེར་མཐོང་པས་སེམས་ལྷོད་ལ་བབས་ནས་བསྡད། ཁོང་ཚུར་ཡོང་བཞིན་དུ་སླར་ཡང་ཁྲོས་སྐད་དང་བཅས་ཏེ་“ཁྱེད་རང་ག་བ་འགྲོ་གེ་’’ཅེས་ནན་ནན་བཅག་བཅག་གིས་དྲིས་བྱུང་པས། ང་ལ་བསམ་དབང་དྲན་དབང་ཅི་ཡང་མེད་པར་ཁ་ནས་“གྲོགས་པོའི་ནང་ལ་འགྲོ་གི་ཡོད།’’ཅེས་ཐལ།
མྱི་ཁ་འདི་ལྟར་འཚུབ་སོང༌།
ཚེ་རིང་སྐྱིད།
རི་རྒྱལ་ལྷུན་པོ་ལྟ་བུའི་བརྩེ་དུང་གི་གཏན་ཚིགས།།
མི་ཁ་གནམ་ལྕགས་ཐོག་གིས་ལྷག་མེད་དུ་གཏོར་སོང༌།།
གཙང་བོའི་བཞུར་རྒྱུན་ལྟ་བུའི་མཛའ་སེམས་ཀྱི་དར་སྐུད།།
ལས་དབང་རྡོ་རྗེའི་བྲག་རིས་དུམ་བུ་རུ་བཅད་སོང༌།།
ཕྱི་གླིང་ནས་བསྐུར་བའི་སེམས་འཕྲིན།
ཚེ་རིང་སྐྱིད།
རྒྱ་གར་རྒྱལ་ས་ལྡི་ལིའི་ནུབ་ཕྱོགས་ཀྱི་མཐའ་རུ།།
ཆུ་བོ་ཡ་མ་ར་ནའི་འགྲམ་རྒྱུད་དུ་ཆགས་པའི།།
རིགས་མཐུན་སྤུན་ཟླས་གྲུབ་པའི་རི་གྲོང་དེའི་གཞུང་གི།
ང་ཡི་སྙིང་ཐུབ་དེ་ཚོ་ཡང་ཡང་དེ་དྲན་བྱུང༌།།
དུ་སྨུག་རླངས་སྤྲིན་འཐིབས་པའི་ཁང་ཆུང་དེའི་ནང་ནས།།
བུ་མོར་གཞན་ཡུལ་འགྲིམས་པར་གསོལ་སྟོན་དེ་བཤམས་དུས།།
ས་མཐའི་འཁྱམས་པོ་ང་ཚོའི་ལས་དབང་འདི་བསམ་ན།།
མིག་ཆུའི་ཕྲེང་ཐག་སྐྱེལ་མའི་གླུ་ཚིག་ཁྲོད་ཐིམ་སོང༌།།
ཕེ་སེ་བྷུཀ་facebookགདོང་དེབ་དྲ་རྒྱ། ངོ་སྤྲོད།
སྨྱུག་རྒོད་གངས་བུ་དཔལ།
ཕེ་སེ་བྷུཀ་facebookགདོང་དེབ་དྲ་རྒྱ་ནི་ས་གནས་གང་སར་ཡོད་པའི་རང་གི་གྲོགས་པོ་སོགས་འབྲེལ་འཐུད་ཀྱི་སྤྱི་ཚོགས་དྲ་རྒྱ་ཡིན།
གལ་ཁྱེད་ཀྱིས་ཕེ་སེ་བྷུཀ་ནང་ཐོ་འགོད་བྱས་པའི་རྗེས་ཁྱེད་ཀྱི་གྲོགས་པོ་མང་པོ་འདེམས་ཆོག་ལ། རང་གིས་དཔར་དང་རྩོམ་ཡིག སྐད་ཆ་སོགས་དྲ་ཚིགས་སུ་སྤེལ་ཆོག
དེ་ལས་མང་བ་། “ཕེ་སེ་བྷུཀ་facebookགདོང་དེབ་དྲ་རྒྱ། ངོ་སྤྲོད།” »
བོད་པ་ཚང་ལ། ༧རྒྱལ་བ་རིན་པ་ཆེ་དགོས་ཀྱི་ཡོད་དམ་མེད།
བོད ལྷ་ཀླུ་གཉན་གསུམ།
དེ་རིང་ངས་སླར་ཡང་བརྗོད་གཞི་འདི་ལ་སླར་ཡང་ལག་པ་མི་འཆིང་ཐབས་མེད་ཅིག་ཆགས་སོང་། ཉེ་སྔོན་ཞིག་ལ་ངས་༧གོང་ས་མཆོག་སྐུ་ཕྲེང་བཅོ་ལྔ་བ་བུད་མེད་ཅིག་བྱོན་སྲིད་པ་རེད་ཅེས་པའི་བསམ་ཚུལ་ཞིག་སྤེལ་ན་ཡང་། དྲ་ཐོག་གི་སྤུན་ཟླ་དག་གིས་སྣང་མེད་དུ་གཡུགས་པ་མིན་ན་ཡང་། དེ་ལ་བསམ་ཚུལ་ཐད་ཀར་ཤུགས་ཆེན་པོ་གླེང་མཁན་མེད་པར་གྱུར་སོང་།
དེ་ལས་མང་བ་། “བོད་པ་ཚང་ལ། ༧རྒྱལ་བ་རིན་པ་ཆེ་དགོས་ཀྱི་ཡོད་དམ་མེད།” »
མི་མ་ཤི་གོང་དུ་ལས་ཀ་གང་ཡོད་པ་རེད།
བོད ལྷ་ཀླུ་གཉན་གསུམ།
ངས་རྒྱུན་དུ་རང་གིས་ལ་འདི་ལྟར་དྲིས་པ་ཡིན། མི་མ་ཤི་གོང་དུ་ལས་ཀ་གང་ཡོད་པ་རེད་ཅེས་འདྲི་བཞིན་ཡོད་ཀྱང་། ད་ལྟའི་བར་དུ་རང་ཉིད་མ་ཤི་གོང་དུ་གང་ཞིག་བྱེད་དགོས་མིན་དང་། གང་ཞིག་བྱས་པ་ཡིན་ན་དོན་སྙིང་ལྡན་མིན་སོགས་ཀྱི་ཐད་དུ་ལན་དོན་མཐུན་ཞིག་གཏན་ནས་རྙེད་ཀྱི་མི་འདུག་ལ། ངོ་ཤེས་ཚད་ཀུན་ལ་མི་ཟེར་བ་འདི་མ་ཤི་གོང་དུ་ག་རེ་བྱེད་དགོས་མིན་སྐོར་ལ་སྐད་ཆ་མང་བོ་ཞིག་དྲིས་ན་ཡང་། ཁོང་ཚོས་ཀྱང་བསམ་ཕྱོགས་ནི་དངོས་ནས་མི་གཅིག་པ་དེ་ནི་མི་སུམ་བཅུ་བསམ་པ་སུམ་བཅུ་དང་། མཛོ་སུམ་བཅུ་ར་ཁ་དྲུག་བཅུའི་དཔེ་ལས་མ་འདས་ཀྱང་། མང་ཤོས་ཤིག་གིས་མི་མ་ཤི་གོང་དུ་ག་རེ་བྱེད་དགོས་མིན་སྐོར་ལ་བསམ་བློ་ཞིབ་མོ་ཞིག་གཏན་ནས་གཏོང་མྱོང་མེད་ཟེར་མཁན་ཡང་འདུག
དབྱངས་ཅན་མ་ལྟ་བུའི་གཞས་མ་ཞིག་ལ།
ཀླུ་སྨྱོན།
གལ་སྲིད་རང་སེམས་ཟེར་བའི་སྨུག་པ་འདྲ་བོ་འདི་རང་ལ་དབང་བ་ཡིན་ན།
གལ་སྲིད་སྐྱེ་འཆི་ཟེར་བའི་རྨི་ལམ་ལྟ་བུ་འདི་རང་ལག་ན་ཡོད་པ་བདེན་ན།
ངས་རང་གི་བྲང་ཁོག་དྲོན་མོ་ཚལ་བུར་གཤགས་ནས།
དྲག་ཏུ་ལྡང་བཞིན་པའི་སྙིང་དམར་པོ་དེ་ཕྱི་རུ་ཕྱུངས་ནས།
ཁྱེད་ལ་ང་རང་གི་བརྩེ་དུང་གཉོམ་པོ་དེའི་ལྗིད་ཚད་ངོ་མ་དེ་ཤེས་སུ་འཇུག་ན་འདོད།
གལ་སྲིད་དམྱལ་ཁམས་བཅོ་བརྒྱད་ཟེར་བ་ཞིག་མེད་པ་ཡིན་ན།
གལ་སྲིད་གཏམ་དང་མྱི་ཁ་ཟེར་བ་ཞིག་ལ་འཇིགས་མི་དགོས་པ་ཡིན་ན།
ངས་རང་གི་བཅོས་འཛུམ་ཡོད་ཚད་རྒྱབ་ཏུ་གཡུགས་ནས།
ལྷོག་ལྷོག་ཏུ་འཕྱུར་བཞིན་པའི་སེམས་ཁམས་དེ་ཞི་འཇགས་ཡོང་བའི་ཆེད་དུ།
ཁྱེད་ཀྱི་མགུལ་བར་འཁྱུད་ནས་བསྐལ་བ་མེ་ལྟར་འབར་བའི་བར་དུ་འདུག་ན་འདོད།
བོད་རྒྱ་འབྲེལ་མོལ་བསྐྱར་གསོ་བྱེད་རྐྱེན་གང་ལ་ཐུག་གམ།
ནགས་ཤོད་རིག་རལ།
ཉེ་ཆར་ཀོ་པེན་ཧ་ཀེན་གྱི་འཛམ་གླིང་གནམ་གཤིས་ཚོགས་འདུའི་ཐོག་རྒྱ་ནག་གཞུང་གི་སྲིད་བློན་དབུན་ཅ་པོ་ཡིས་ཨ་རིའི་སྲིད་འཛིན་ཨོ་སྦ་མ་ལ་བརྙས་བཅོས་བྱས་པ་མ་ཚད་ཨ་རིས་སྣེ་འཁྲིད་བཞིན་པའི་རྒྱལ་སྤྱིའི་འགྲོ་ལུགས་དེ་ལ་མི་འདོད་པའི་རྣམ་འགྱུར་སྟོན་གང་ཐུབ་བྱས། དེ་རྗེས་གུ་གུལ་དོན་རྐྱེན་བྱུང་ལ་ཨ་རིའི་ཕྱི་འབྲེལ་བློན་ཆེན་ཧི་ལ་ལི་ནས་སྲིད་འཛིན་ཨོ་སྦ་མ་བར་གྱིས་དྲ་ཡིག་ལྐོག་འཛུལ་སོགས་པའི་དོན་ལ་རྒྱ་ནག་གཞུང་གིས་འགྲེལ་བཤད་གསལ་པོ་རྒྱག་དགོས་ཞེས་བཀའ་མོལ་དྲག་པོའི་ངང་ནས་ནན་བཙིར་གནང་བ་རེད།
དེ་ལས་མང་བ་། “བོད་རྒྱ་འབྲེལ་མོལ་བསྐྱར་གསོ་བྱེད་རྐྱེན་གང་ལ་ཐུག་གམ།” »
