ཚེ་རིང་སྐྱིད།
(ཚེ་རིང་སྐྱིད་ནི་ཨ་རིའི་ཀོ་ལིམ་རྦེ་ཡ་གཙུག་ལག་སློབ་ཁང( Columbia University )་དུ་ཤེས་ཡོན་ཡར་རྒྱས་ཀྱི་སྐོར་ལ་སློབ་གཉེར་གནང་མཁན་བོད་རིགས་གཞོན་ནུ་མ་ཞིག་ཡིན། )
བརྩེ་དུང་ལ་བཅངས་བའི་རེ་འདུན་དང་། ཤེས་རིག་ལ་སྙེག་པའི་ཆོད་སེམས། མི་རིགས་ལ་དུང་བའི་བརྩེ་སེམས་སྟེ །འདི་ལྟར་རང་ག་ལ་ཡང་དྲག་ཏུ་འབར་ལ་སྟོབས་ཀྱིས་ཕྱུག་པའི་འདོད་སྲེད་འདི་གསུམ་གྱིས་ངའི་་མི་ཚེའི་ཁ་ལོ་བསྒྱུར་ལ་དབང་དུ་བཟུང་། བདེ་སྐྱིད་ཀྱིས་རབ་ཏུ་བཟི་ལ་ལུས་ཀྱི་དབང་རྩ་དྲག་ཏུ་འབར་བའི་ཚོར་བ་རྣལ་མ་དེའི་ཆེད་དུ་ ངས་བརྩེ་དུང་འཚོལ་བཞིན་ཡོད་ལ།འདི་ལྟར་བརྗོད་ཀྱིས་མི་ལང་ལ་བཅུད་ཀྱིས་ཕྱུག་པའི་ཚོར་བ་འདིའི་ཆེད་དུ། ང་ནམ་ཡང་དཔའ་མི་ཞུམ་ལ་མགོ་མི་སྒུར་ཏེ། ཐ་ན་འདི་ལྟ་བུའི་ཚོར་བ་སྐད་ཅིག་གི་ཆེད་དུའང་ངས་ཡོད་ཚད་བློས་གཏོང་ཕོད་ལ་གཏོད་འདོདཀྱང་ཡོད།
