སྒོམ་སྡེ་ལྷ་རམས་པ།

ལྟ་བ་རྙེད། ལྟ་བ་རང་རྒྱུད་སྐྱེས་པའི་དོན། དེང་སང་མང་པོས། ལྟ་བ་རྙེད་ཟེར་རྒྱུར་ལྟ་བ་རྟོགས་ཟེར་བ་ནི། མ་དག་རྒྱུན་འབྱམས་སུ་སོང་བར་སེམས་ཏེ། འདིའི་ལྟ་བ་ནི་སྟོང་ཉིད་རྟོགས་པའི་བློའམ་ཤེས་རབ་ལྟ་བུ་ལ་གོ་དགོས་པས། དེ་རྟོགས་ཞེས་བརྗོད་ན་གོ་མི་བདེ་བའི་ཕྱིར། གཞན་ཡང་༼ལྟ་བ་རྙེད༽ཅེས་པའི་ཚིག་འདི་རྗེའི་ལམ་རིམ་ཆེན་མོའི་ནང་ཐེངས་༡༥དང་། རྗེའི་ལམ་རིམ་འབྲིང་པོའི་ནང་ཐེངས་༦དང་། རྗེའི་དགོངས་པ་རབ་གསལ་ནང་༤གསལ་འདུག་ཀྱང་། ༼ལྟ་བ་རྟོགས༽ཞེས་པའི་ཚིག་འདི་ཟུར་ཙམ་ཡང་མི་འབྱུང་བ་དེ་ལ་རྒྱུ་མཚན་ཡོད་པའི་ཕྱིར། གལ་ཏེ་ལྟ་བ་ཞེས་པ་ལྟ་བའི་ཡུལ་ལམ་བལྟ་བྱ་ལ་འཇུག་པའི་དབང་དུ་བཏང་ན། སུམ་རྟགས་ཀྱི་འགྲོས་དང་བསྟུན་ན་འདི་ལ་༼བལྟ་བ༽ཞེས་པ་ལྟ་བུའི་བས་ཕུལ་ངེས་པར་དགོས།

དེ་ལས་མང་བ་། “ལྟ་བ་རྟོགས་ཟེར་རྒྱུ་ཡོད་མ་རེད། ལྟ་བ་རྙེད་ཟེར་དགོས” »

སྒོམ་སྡེ་ལྷ་རམས་པ།

སྟོད་འགག སྟོད་འགག་ནི། ༸གོང་ས་རྒྱལ་དབང་ཐམས་ཅད་མཁྱེན་པ་བསྟན་འཛིན་རྒྱ་མཚོས་ཕྱི་ལོ་༢༠༠༨-༦-ཚེས-༦དང༧ལ་དྷ་སྟེང་བོད་ཁྱིམ་སློབ་གྲྭར་བོད་ཀྱི་གཞོན་སྐྱེས་ཚོར་ནང་ཆོས་ངོ་སྤྲོད་ཀྱི་གསུང་ཆོས་བཀའ་དྲིན་ཆེ་སྐབས། སྟོད་འགག་འདི་བཞིན་མཁན་ཆེན་ཞི་བ་འཚོ་བོད་ལ་ཕེབས་དུས་བྱུང་བ་རེད་ཅེས་བཤད་མཁན་འདུག་ཅེས་གསུངས། དེ་ཡང་མཁན་ཆེན་ཞི་བ་འཚོ་རྒྱ་གར་ཚ་བའི་ཡུལ་ནས་བོད་གནམ་གཤིས་གྲང་ངར་ཆེ་བའི་ནང་ཕེབས་སྐབས་སྐུ་བསིལ་ནས་གདིང་བ་མནབས་པས། འདིང་བའི་ཟུར་དེ་སྟོད་འགག་ཀྱི་ཟུར་དེ་རེད་ཅེས་བཤད་སྲོལ་འདུག་ཅེས་བཀའ་བསྩལ།

དེ་ལས་མང་བ་། “སྟོད་འགག་གི་འགྲེལ་བཤད” »

གངས་སྒྲོན།

༼གང་ཤེས། ཅིག་ཁྲིད་སོང༌། ངས་ཤེས་མ་སོང༌།༽ཞེས་པ་འདི་ནི་མི་ལོ་བདུན་རིང་གི་ང་དང་ངའི་སློབ་གྲོགས་ཀུན་གྱི་ངག་ནས་ཡལ་མ་མྱོང་བའི་སྨྲེ་ངག་ཅིག་ཏུ་ཟད།
སློབ་གཞིའི་སློབ་ཚན་ཁྲིད་ཐུབ་ཀྱང་བསླབ་པ་གང་ཞིག་སློབ་མར་ཤེས་སུ་བཅུག་མི་ཐུབ་པ་ནི་འདི་ག་ངའི་སློབ་གླིང་གི་སློབ་དཔོན་ཚོའི་ཁྲིད་ཐུབ་ཀྱི་ཞེན་ཆ་ཞིག་རེད་བཤད་ཆོག་པར་་གྱིས།
ཅི་ཞིག་སྦྱོང་འདོད་པའི་སྤྲོ་སེམས་དང་སྦྱོང་བ་ཤེས་ཐུབ་པའི་ཐུབ་སེམས་བཅས་དང་ལྡན་ཡང༌། ད་དུང་མེ་མགོར་ཆུ་བཤོས་པ་བཞིན་ངའི་ཤེས་འདོད་ཀྱི་རྔམ་ཁ་དེར་འདོད་ཡིད་འཚིམ་པའི་ཉིན་གྲངས་ནི་ཧ་ཅང་ཉུང། ནང་དོན་རིག་པའི་རྨང་གཞིའི་ཤེས་བྱ་ལྟ་བུ་ས་ལམ་གྲུབ་མཐའི་སྦྱོང་བ་སྔོན་དུ་སོང་བའི་སྒོ་ནས་རང་ཉིད་ཀྱི་བློ་ལ་འགྲོ་བ་དང་དེར་སྤྲོ་བ་འཕེལ་པའི་གྲུབ་མཐའ་བྱེ་བྲག་ཅིག་རིགས་གཅིག་རྐང་འཛིན་ནམ། དེའི་དམིགས་བཀར་གྱི་དོ་སྣང་དང་ཆེད་སྦྱོང་བྱེད་འདོད་པའི་ཐོག་མའི་འཆར་གཞི་དེའང་རིམ་གྱི་རྨེག་མེད་དུ་སོང༌། འཆར་གཞི་དེའི་སླད་དུ་ངས་ཆེད་དུ་དགེ་རྒན་རེས་འགར་དྲུང་ནས་ཕྱི་ནང་གི་ལྟ་གྲུབ་ཟུར་སྦྱོང་ཡང་བྱས་མྱངས་ཀྱང༌། དབུ་མ་འཇུག་པའི་སྐབས་དྲུག་པ། ཚད་མ་རྣམ་འདྲེན། སུམ་ཅུ་བ། ཉི་ཤུ་བ་དང་སྤྱོད་འཇུག་གི་ལེའུ་དགུ་བ་ཤེས་རབ་ཀྱི་ལེའུ་བཅས། རིམ་གྱི་སྦྱོང་གིན་དལ་གྱི་ཚང་མར་ཡོངས་སུ་འཆོལ་བའམ།

དེ་ལས་མང་བ་། “སྨྲེ་ངགས།” »

སྒོམ་སྡེ་ལྷ་རམས་པ།
ཕྱི་ལོ་༢༠༡༠ཟླ་༣ཚེས་༢༤ཉིན།
༸གོང་ས་སྐྱབས་མགོན་ཆེན་པོ་མཆོག་གི་མཛད་རྣམ་ཟུར་གསལ་རང་གིས་མཐོང་ཐོས་སུ་གྱུར་པ་རྣམས་བརྗེད་ཐོར་བཀོད་པ་བླ་མའི་བཀའ་དྲིན་གསལ་བར་མཐོང་བའི་མེ་ལོང་ཞེས་བྱ་བ་བཞུགས་སོ། །

མི་ལོ་སྟོང་ཕྲག་བརྒལ་བའི་ལོ་རྒྱུས་ལྡན་པའི་ཆེས་རྩ་ཆེའི་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་གི་ཁྱད་ནོར་ཟབ་མོ་འདི་ཉིད་ཁ་བ་གངས་ཅན་གྱི་ལྗོངས་སུ་ས་དར་རྡོ་དར་གྱི་ཚུལ་དུ་ཁྱབ་བརྡལ་ཆེས་ཆེ་བར་གྱུར་མོད། འོན་ཀྱང་ཕྱི་ལོ་༡༩༥༩ལོར་ནག་ཕྱོགས་རྒྱ་དམར་ཀླ་ཀློའི་དཔུང་གིས་བོད་ལ་བཙན་འཛུལ་དང་ཧམ་བཟུང་བྱས་ཏེ། བོད་ཀྱི་ཆོས་དང་རིག་གཞུང་། སྐད་ཡིག་དང་སྒྱུ་རྩལ། མི་རིགས་ཀྱི་ངོ་བོ་དང་གོམས་སྲོལ། གནའ་རྫས་དང་ཡིག་རྙིང་། ལྷ་ཁང་དང་དགོན་པ། ཤིང་ནགས་དང་གཏེར་ཁ་སོགས་མདོར་ན་སྣོད་བཅུད་ཡོངས་རྫོགས་ལ་ཉམས་ཉེས་དང་དོ་ཕོག་ཧ་ཅང་ཆེན་པོ་བཏང་སྟེ་ཕལ་ཆེར་རྩ་བརླག་ཏུ་འགྲོ་ལ་ཉེ་བར་གྱུར་ཏེ་མར་མེ་འཆི་ཁའི་ཚུལ་དུ་གྱུར་ནའང་།

དེ་ལས་མང་བ་། “༸གོང་ས་སྐྱབས་མགོན་ཆེན་པོ་མཆོག་གི་མཛད་རྣམ་ཟུར་གསལ” »

།འབྲོང་བུ་ཟླ་བ་ཚེ་རིང་གིས།

རང་ཉིད་ལོ་ངོ་བཅོ་བརྒྱད་ཀྱི་རིང་ལ་སློབ་གྲྭ་འགྲིམས་ན་ཡང་ད་དུང་མཐོ་སློབ་ཅིག་མཐར་ཕྱིན་ཐུབ་མེད་པ་འདི་ནི་རང་ཉིད་སྐྱབས་བཅོལ་བ་ཞིག་ཡིན་པའི་ལས་དབང་ལ་རག་ལས་པ་ཞིག་རེད་ལ། རང་ཉིད་ལ་ངེས་གཏན་གྱི་འཚོ་གནས་ཤིག་མེད་པའི་སྟབས་ཀྱིས་ཀྱང་རེད། ངས་འཚོལ་བཞིན་པ་ནི་རང་ཉིད་ཀྱི་རིན་ཐང་ཡིན་ལ། ངས་འབྲི་བཞིན་པ་ཡང་རང་ཉིད་ཀྱི་རིན་ཐང་ཡིན། ངས་རང་ཉིད་ཀྱི་རིན་ཐང་གླེང་སྟེ་ཁྱེད་ལ་ཁྱེད་ཀྱི་རིན་ཐང་གླེང་བར་བསྐུལ་ན་བསམ། ཁྱེད་ཀྱིས་ངའི་རྩོམ་ཐུང་འདི་ཀློག་དུས་རང་ཉིད་ལ་མཛུབ་མོ་ཞིག་བཙུགས་ནས་ཀློག་དང་། ཁྱེད་ལ་ཁྱེད་ཀྱི་རང་ཉིད་འཚོལ་བར་ཕན་རེ་ཐོགས་ཐུབ་ན་ཐང།

དེ་ལས་མང་བ་། “རང་ཉིད་ཀྱི་རིན་ཐང་གླེང་བ” »

རེབ་གོང་བཀྲ་ཤིས།

 
བོད་གཞིས་བྱེས་གཉིས་སུ་གྱེས་པ་ནས་ད་བར་མི་ལོ་ཧྲིལ་པོ་ལྔ་བཅུ་ང་གཅིག་འཁོར་སོང་། ༧གོང་ས་མཆོག་གིས་གཙོས་པའི་བྱེས་འཁོད་བོད་མི་རྣམས་བཙན་བྱོལ་བ་ཆགས་ནས་མི་ཚེ་ཧྲིལ་པོ་གཅིག་འདས་ཉེར་ཡོད། བཙན་བྱོལ་དུ་མི་ཚེ་གཅིག་གི་དུས་ཡུན་རིང་པོ་ཞིག་འདི་ལྟར་རྫོགས་འགྲོ་བསམ་པ་བོད་མི་སུ་ཞིག་གི་བསམ་བློའི་ནང་དྲན་དཀའ་བ་ལྟ་བུ་ཡིན། འོན་ཀྱང་བཙན་བྱོལ་བོད་གཞུང་མང་གཉིས་ཀྱི་སྣང་བ་ད་དུང་ཡང་དག་ནས་བསྡད་ཡོད། ཁོ་ཚོའི་སྣང་བ་དག་སྟངས་ནི་དེ་སྔོན་རྒྱ་གར་དབྱིན་ཇིའི་དབང་སྒྱུར་འོག་ནས་བསྡད་པའི་དུས་ཡུན་ལས་བོད་རྒྱ་ནག་འོག་ནས་བསྡད་པའི་དུས་ཡུན་དེ་ཧ་ཅང་ཐུང་ཐུང་རེད་ཅེས་དང་། ཡང་ན་མི་རིགས་ཤིག་གི་རང་དབང་འཐབ་རྩོད་དེ་ལས་སླ་བོ་ཞིག་གཏན་ནས་མིན་ཚུལ་བརྗོད་ཀྱིན་ཡོད་པ་འདི་རིགས་ཡིན། དེ་ནི་རང་རེའི་ལས་ཀྱི་སྣེ་མོར་གཏོགས་པ་ཚོའི་སྒྱིད་ངན་དྲན་འཕྲུལ་དང་འབྲེལ་ཐག་ཉེ་བའི་ཟུར་ཞིག་རེད།

དེ་ལས་མང་བ་། “༧གོང་ས་མཆོག་བོད་དུ་ཕེབས་ཐབས་གཙོ་འདོན་གནང་རོགས།” »

(བསྟན་འཛིན་བར་་ཞི་ཡི་གཞོན་པའི་སྐབས་ཀྱི་མི་ཚེའི་འགྱུར་བ།)

རིག་འབྱུང་དོན་གྲུབ་བཀྲ་ཤིས། ཨ་རི།

བསྟན་འཛིན་བར་་ཞི་ནི་བོད་རིགས་ན་གཞོན་ཞིག་ཡིན། བཙན་བྱོལ་དུ་སྐྱེས་ཤིང་ནུབ་ཕྱོགས་སུ་འཚར་ལོངས་བྱུང་བའི་བོད་རིགས་ན་གཞོན་ཞིག་ཡིན། ཁོང་ནི་ཨ་རིའི་རྒྱལ་ས་ལྦ་ཤིན་ཀྲོན་ཏུ་གཟའ་ཉི་མའི་བོད་ཡིག་འཛིན་གྲ་ཐོག་མར་འཛུགས་མཁན་གྱི་གྲས་ཡིན་པ་མ་ཟད། བོད་རང་དབང་སློབ་ཕྲུག་ཚོགས་པའི་འགན་འཛིན་ལྷན་ཚོགས་ཀྱི་གྲས་སུ་ཡང་ཡོད། ཁོང་གི་མི་ཚེའི་ནང་དུ་འགྱུར་བའི་རིམ་པ་མང་པོ་བྱུང་། འགྱུར་བ་མང་པོ་ཞིག་ཁོ་རང་ལོ་ན་གཞོན་པའི་སྐབས་སུ་བྱུང་། འགྱུར་བ་དེ་དག་གི་ཁྲོད་ནས། འགྱུར་བ་ཁ་ཤས་ནི་ཉན་སྤྲོ་བ་དང་བསམ་བློ་གཏོང་འོས་བ་དེ་འདྲ་ཡང་ཡོད། ཁོང་ལ་བྱུང་བའི་འགྱུར་བ་མང་པོ་ཞིག བོད་དུ་སྐྱེས་ཤིང་བཙན་བྱོལ་དུ་འབྱོར་མཁན་གྱི་ང་ལྟ་བུའི་རིགས་ལ་མེད། དེ་ནི། ང་ལ་མེད་ཅིང་ཁོང་ ལ་ཡོད་པའི་མྱོང་འགྱུར་དག་ཡིན། ཁོང་གིས་ང་ལ་འདི་ལྟར་གསུངས།

དེ་ལས་མང་བ་། “མྱོང་བ་གསུམ་དང་འགྱུར་བ་གཞན་དག” »

རས་པ།

དམ་བཅའི་བྱུང་བ།
ཉེ་ལམ་བོད་ནང་ནས་<>ཞེས་པའི་གློག་བརྙན་ཞིག་ཐོན་ཡོད་པ་དང་། གློག་བརྙན་འདིས་འཁྲབ་གཞུང་རྩོམ་པ་པོ་ནི་བློ་གྲོས་ཞེས་པའི་རིམ་བརྒྱུད་སློབ་གྲྭའི་སློབ་གསོ་མ་ཐོབ་པའི་བོད་རིགས་ཤིག་ཡིན་པ་འོད་ལྡེར་ཤུན་པགས་སྟེང་དུ་ངོ་སྤྲོད་བྱས་འདུག དེ་མཚུངས་སུ་གློག་བརྙན་འདིར་ལས་ཀྱི་བྱེད་པོ་ཡོངས་ལས་midiཞེས་པའི་དབྱངས་རིས་སྒྲིག་སྦྱོར་བ་ལས་གཞན་ཆ་ཚང་བོད་མི་རྐྱང་བས་བྱས་ཡོད་འདུག

དེ་ལས་མང་བ་། “གློག་བརྙན་ཞེས་པའི་སྐོར་ལ་ལྟ་ཚུལ།” »