ཤ་ཀླན་འཇམ་དབྱངས་གྲགས་པ།
ང་གྲང་འདར་གྱིས་ཁེངས་སོང༌།
ནམ་དུས་འདི་ལྟར་གྲང་སོང་བ་བདེན་ལ།
སྒལ་རྒྱབ་ཀྱི་སློག་པ་སྲབ་སོང་བའང་བདེན་པ་རེད།
ཡིན་ཡང་ང་འདར་བྱེད་འདི་དག་གཏན་ནས་མ་རེད།
ཨ་ཕས་རང་སྐད་དུ་ཕྱི་ཚིག་བསྲེས་ནས་སྨྲ་དུས།
ང་འཁྱུག་འདར་ཞིག་ཤོར།
བུས་རང་སྐད་དང་ཕྱི་སྐད་བསྡེབས་ཏེ་བཤད་ཚེ།
ང་སྔངས་འདར་ཞིག་ཤོར།
ཚ་བོས་ཕྱི་སྐད་རྐྱང་རྐྱང་གིས་ཁ་བརྡ་བྱེད་དུས།
ང་གྲང་འདར་གྱིས་ཁེངས་སོང༌།
སྒོམ་སྡེ་ལྷ་རམས་པ།
༼འཕྱང་མོ་ཉུག་གི་སྒྲ་བཤད༽
འཕྱང་མོ་ཉུག ཐེ་ཚོམ་གྱི་མིང་སྟེ། འཕྱང་མོ་ཡུག་ཡང་འཐད། སྒྲ་བཤད་ནི། འཕྱང་མོ་ནི་ སྤྱིར་ཐུར་དུ་འཕྱང་བའི་དོན་ཡིན་ཡང་འདིར་གཡོ་བ་ཙམ་གྱི་དོན་དང་། ཉུག་ནི་ནོམ་ཉུག་གི་ དོན་དོན་ཏེ། དཔེར་ན་ལོང་བས་ལག་པ་གནས་ངེས་མེད་དུ་གཡོས་ཏེ་འཚོལ་ཉུག་བྱེད་པ་ ལྟར། མ་ངེས་པའམ་ཐེ་ཚོམ་གྱི་དོན་ནོ། །ཡང་ན། འཕྱང་མོ་ནི་འཕྱང་འཕྲུལ། ཉུག་ནི་ཡུག་ པའམ་གཡུག་པའི་དོན་ཏེ། འཕྱང་འཕྲུལ་དུ་གཡོ་བའི་དོན་ནོ། །གོང་འོག་གི་སྒྲ་བཤད་ གཉིས་ཀ་ལ་མི་བརྟན་པའམ་ཐེ་ཚོམ་གྱི་དོན་ཚང་ཡོད། འཕྱང་མོ་ཡུག་ནི། འཕྱང་མོ་ཉུག་ དང་དོན་འདྲ་བར། བསྟན་དར་ལྷ་རམས་པ་གསུང
སྐབས་བཅུ་བཞི་བའི་མདོ་སྨད་དམིགས་བསལ་ཚོགས་ཆེན་ཐོག་༢༠༡༡ལོའི་བཀའ་བློན་ཁྲི་བའི་འོས་དམིགས་གྲངས་༡༣གྱི་མཚན་བཏོན་འདུག འོས་མི་དེ་དག་ནི། ༡༽བོད་མི་མང་སྤྱི་འཐུས་ཚོགས་གཙོ་སྤན་པ་ཚེ་རིང་། ༢༽སྐུ་སྒེར་དྲུང་ཆེ་རྔ་བ་ཚེ་རྒྱམ། ༣༽བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ། ༤༽དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན། ༥༽སྐྱབས་རྗེ་ཨ་ཀྱཱ་བློ་བཟང་ཐུབ་བསྟན་འཇིགས་མེད་རྒྱ་མཚོ། ༦༽བཀའ་བློན་བསྟན་པ་ཚེ་རིང་། ༧༽མཁས་དབང་བློ་བཟང་སེང་གེ། ༨༽བཀའ་བློན་ཐུབ་བསྟན་ལུང་རིགས། ༩༽བཀའ་བློན་ཁྲི་ཟུར་རྒྱལ་ལོ་དོན་གྲུབ། ༡༠༽བཀའ་ཟུར་ཀིརྟི་རིན་པོ་ཆེ། ༡༡༽བཀའ་ཟུར་རྗེ་བཙུན་པདྨ། ༡༢༽བཀའ་བློན་འབྲོང་ཆུང་དངོས་གྲུབ། ༡༣༽སྤྱི་ཟུར་ཧོར་གཙང་འཇིགས་མེད།…
གནམ་ལྕགས།
དེ་རིང་ཞོགས་པར་ཉིན་འགའི་སྔོན་བཀླགས་པའི་བདེ་ཆེན་སྒྲོལ་མའི་སྙན་ངག་གསེར་མདོག་གི་གངྒ་ཞེས་པའི་ཁྱད་དུ་འཕགས་པའི་སྙན་ངག་དེ་བསྐྱར་དུ་ཀློག་ཏུ་ཡོང་བ་ཡིན། དེ་རིང་ང་ཆེད་དུ་འདིའི་སྐོར་ལ་བསམ་ཚུལ་ཐུང་ངུ་ཞིག་འབུལ་བའི་ཆེད་དུ་ཡོང་བ་ཡིན། ངས་གོང་གི་སྙན་ངག་ཐུང་ངུ་འདི་ལ་ཕྲན་དཔྱད་མ་བྲིས་གོང་སྤོབས་པ་མཐའ་ཡས་དང་རས་པ་ཟུང་གི་བཀླགས་བྱང་ཡང་ཞིབ་ཚགས་ཀྱིས་བཀླགས་པ་ཡིན། ངས་ཁོང་གཉིས་ཀྱི་བཀླགས་བྱང་གི་རོལ་མྱོང་དེ་དང་བདེ་ཆེན་སྒྲོལ་མའི་གསེར་མདོག་གི་གངྒའི་ཁྱད་ཆོས་གཉིས་བསྡུར་ནས་དཔྱད་པ་ཅུང་ཟད་བྱས་ཡོད། འདི་རང་ཉིད་ཀྱིས་ལོ་ངོ་ཉི་ཤུ་མ་ཟིན་ཙམ་ལ་སྙན་ངག་བཀླགས་པ་དང་བྲིས་པའི་ཉམས་མྱོང་ཞིག་ཀྱང་ཡིན་ཟེར་ཆོག
བློ་གྲོས་བརྟན་པ།
————-
ཉེ་ཆར་སྐུ་འབུམ་ཨ་ཀྱཱ་རིན་པོ་ཆེའི་རང་རྣམ་འབྲུག་སྐད་ཞི་བའི་ཁ་བ་ཟེར་བ་ཞིག་དབྱིན་ཡིག་ཐོག་ཐོན་ཚུལ་གྱི་གླེང་སློང་མང་དུ་བྱུང་ཞིང་། དེའི་ཚིག་དང་དོན་གྱི་ཆ་ལ་དྲ་ཐོག་ནས་བསྟོད་སྨད་སྣ་ཚོགས་དང་བདེན་རྫུན་གྱི་སྐད་ཆ་མང་པོ་བྱས། འོན་ཀྱང་དེབ་དེ་ལག་སོན་མ་བྱུང་བས་ཁོ་བོས་དཔྱད་བརྗོད་གང་ཡང་བྱས་མེད། སྟབས་ལེགས་པ་ཞིག་ལ་དེ་རིང་བོད ་བསྒྱུར་བྱས་པའི་ཤོག་ལྷེ་དུམ་ཅིག་ལག་སོན་བྱུང་བ་ལ་སྐར་མ་ལྔ་ཙམ་གྱི་རིང་ཁྱུག་བལྟ་ཞིག་བྱས་པས་དངོས་གནས་མགོ་རྙོག་པོ་ཞེ་དྲག་བྱུང་། ཤོག་ངོས་༡༩ལས་མེད་ན་ཡང་མགོ་རྙོག་ཧ་ཅང་ཆེ་བ་ནི། དཔེར་ན། ཤོག་ངོས་༡༡པར། སྐུ་གོང་མའི་མཛད་པ་གླེང་སྐབས། སྟབས་མ་ལེགས་པ་ཞིག་ལ་ལོ་རབས་བཞི་བཅུའི་མཇུག་ཙམ་ལ་ཁོང་དགོངས་པ་རྫོགས་ཤིང་། ཞེས་བྲ ིས་པ་དང་། ཤོག་ངོས་༡༩པར། ཕྱི་ལོ་༡༩༥༠ལོར་པན་ཆེན་རིན་པོ་ཆེ་སྐུ་ཕྲེང་དགུ་པ་མཆོག་སྐུ་འབུམ་དགོན་དུ་བཞུགས་ཡོད་པས་སྐབས་དེར་ཁོང་རིན་པོ་ཆེ་གཙོ་བོར་གྱུར་པའི་ཨ་ཀྱཱ་རིན་པོ་ཆེ་སྐུ་ཕྲེང་བདུན་པ་དང་གཞན་རྒྱ་ཡག་རིན་པོ་ཆེ་སོགས་བླ་ཆེན་ཁག་ཅིག་གདན་ཞུས་ཀྱིས་མེ་ཏོག་དཀར་དམར་སེར་གསུམ་རྣམ་པར་བཞད་པའི་ཏོ་ལོན་ནོའུར་འབྲོག་པའི་རྩ་ཐང་དུ་ཆིབས་བས ུ་རྒྱ་ཆེར་ཞུས། ཞེས་པ་གཉིས་ལ་ནང་འགལ་ཆེན་པོ་ཡོད་དེ། ལོ་རབས་བཞི་བཅུའི་མཇུག་ཙམ་ལ་དགོངས་པ་རྫོགས་ཡོད་ན་༡༩༥༠ལོར་གདན་ཞུ་བྱེད་རྒྱུ་ཞིག་མེད་ཅིང་།
རང་བཙན་མཐུན་ཚོགས་ཀྱི་དྲ་རྒྱ་གསར་པ་ཞིག་སྒོ་ཕྱེས་འདུག དེར་བོད་རྒྱ་དབྱིན་གསུམ་གྱི་སྐད་ཡིག་བཀོལ་ནས་བོད་རང་བཙན་གྱི་གླེང་མོལ་གནང་གིན་འདུག རང་བཙན་མཐུན་ཚོགས་ཀྱི་དམིགས་ཡུལ་དུ་ “༡༽བོད་རང་བཙན་སླར་གསོ། ༢༽༧གོང་ས་སྐྱབས་མགོན་རིན་པོ་ཆེ་མཆོག་རང་བཙན་རྒྱལ་ཁབ་ཅིག་གི་སྲིད་འཛིན་ཡིན་པའི་ངོ་བོའི་ཐོག་ནས་བོད་དུ་སླར་ཆིབས་བསྒྱུར་གནང་བ། ༣༾བཙན་བྱོལ་བོད་ཀྱི་སྤྱི་ཚོགས་ཁྲོད་དང་། བོད་རང་དབང་གི་སྐབས་སུ་ ཁྲིམས་ཀྱི་དབང་བསྒྱུར་དང་སྐྱེ་བོ་སྒེར་པའི་རང་དབང་གཞིར་བཟུང་གིས་ ཆ་ཚང་བའི་དམངས་གཙོའི་གཞུང་སྲོལ་ཞིག་འཛུགས་རྒྱུ།” ཞེས་དོན་ཚན་གསུམ་བཀོད་འདུག རང་བཙན་མཐུན་ཚོགས་ཀྱི་དམིགས་ཡུལ་དང་ངོ་སྤྲོད་འདི་ན་ཡོད། དེར་རྒྱ་ཡིག་དང་བོད་ཡིག དེ་བཞིན་དབྱིན་ཡིག་གི་སྟེང་གནས་ཚུལ་སྤེལ་རུང་བ་ཞིག་རེད་འདུག འབྲེལ་ཐག་ནི་ http://www.rangzen.net/…
སྒོམ་སྡེ་ལྷ་རམས་པ།
གཅན་གཟན། མཆེ་བ་དང་སྡེར་མོ་ཡོད་པའི་དུད་འགྲོའི་རིགས། སྒྲ་བཤད་ནི། གཅན་ནི་གཅན་པ་སྟེ་མིག་ཧུར་རེར་བལྟས་ཏེ་སྲུང་བའི་དོན་ཡིན་ལ། གཟན་ནི་གཟན་པ་སྟེ་དུད་འགྲོའི་ཟས་སོ། །མདོར་ན་རང་གི་གསད་བྱ་(དབྱིན་སྐད་དུ་preyཟེར)རྣམས་གསོད་པའི་ཚེ་འཇབ་ཅིང་གསོད་ལ། བསད་པའི་ཤ་དེ་ཉིད་ཟས་སུ་བྱེད་པས་ན་གཟན་ནོ། །གཅན་པ་དང་ལག་གཅན་ཞེས་པ་རྣམས་དོན་འདྲ་བར་སེམས་ཏེ། འདུལ་བ་གཞི་རྒྱ་ཆེར་འགྲེལ་པ་ལས། དགྲ་བོས་འོང་བར་དོགས་པ་ཉམ་ང་བའི་གནས་ལ་སྐྱེས་བུ་ངེས་པར་སྦྱར་བ་(འདིའི་སྦྱར་བ་ཞེས་པ་ནི་བཞག་པའི་དོན་ཡིན་པར་སྙམ)ནི་གཅན་པའོ། །ཞེས་གསུངས། ཡང་།
སྒོམ་སྡེ་ལྷ་རམས་པ།
མདོ་མྱ་ངན་འདས་ཆེན་ལས། ཞིང་རྨོ་བ་ཐམས་ཅད་ཀྱི་ནང་ན་སྟོན་གྱི་ལོག་མཆོག་གོ །རྗེས་ཐམས་ཅད་ཀྱི་ནང་ན་བ་ལང་གི་རྗེས་མཆོག་གོ །འདུ་ཤེས་ཐམས་ཅད་ཀྱི་ནང་ན་མི་རྟག་པ་དང་འཆི་བའི་འདུ་ཤེས་མཆོག་ཡིན་ཏེ། འདི་དག་གིས་ནི་ཁམས་གསུམ་གྱི་འདོད་པ་དང་མ་ རིག་པ་དང་ང་རྒྱལ་ཐམས་ཅད་སེལ་ཏོ། །ཞེས་སོགས་གསུངས་པའི་”རྗེས་ཐམས་ཅད་ཀྱི་ནང་ནས་བ་ལང་གི་རྗེས་མཆོག་གོ”ཞེས་པའི་དོན་གང་ཡིན་ཞེ་ན། དེ་ནི་བརྟན་པ་དང་ཡིད་ཆེས་འོས་པ་དང་མི་བསླུ་བ་བཅས་ཀྱི་དོན། དཔེར་ན་ཁྱུ་མཆོག་གི་རྗེས་སུ་ཞུགས་ཏེ་སོང་ན་གཡང་སར་ཟག་པ་སོགས་ཀྱི་གནོད་པ་མི་འབྱུང་ཞིང༌
དེ་ལས་མང་བ་། “༼རྗེས་ཐམས་ཅད་ཀྱི་ནང་ནས་བ་ལང་གི་རྗེས་མཆོག་གོ༽” »
མི་རྐང་གླིང་བུ།
༡༽སྟོད་འགག་གི་བྱུང་རབས་ནི། ཆ་ལུགས་དང་། ཡོ་བྱད་འགའ་ཞིག་གི་རྒྱུ་མཚན་ཉུང་ངུར་གླེང་བ། ཞེས་པ་ལས། སྔོན་དུས་རྒྱ་ནག་གི་ཡུལ་གྲུ་ཞན་ཟིན་བྱ་བའི་ཡུལ་དེའི་རྒྱལ་པོ་བུད་མེད་ཀྱིས་བྱེད་པས་རྒྱལ་མོ་དེས་ནང་པ་ལ་དད་ཅིང་། ཡུལ་དེར་རབ་ཏུ་བྱུང་བ་མང་དུ་ཡོད་པ་ཡིན་འདུག་པས། ཟླ་རེ་བཞིན་རབ་བྱུང་རྒྱལ་མོའི་ཕོ་བྲང་དུ་གསོད་སྙོམས་ལ་གདན་འདྲེན་བྱེད་ཅིང་སྙེན་བཀུར་བཟང་པོ་ཕུལ། སངས་རྒྱས་ཀྱི་རབ་བྱུང་ཡོད་ཚད་ལ་གཟེངས་བསྟོད་མཛད་པར་གྲགས་ལ། སྐབས་ཤིག་རྒྱལ་མོས་ཁྱོད་བནྡེ་རྣམས་ཀྱི་གོས་ཅི་ཡང་མེད་པར་ཤ་རྗེན་པར་མཐོང་བས། ངེད་འདོད་ཆགས་སྐྱེ་བར་འདུག་པས། ཤམ་ཐབ་དང་ཆོས་གོས་གཉིས་སྦྲེལ་ལ་ཚེམ་པའམ་ཤ་མི་མཐོང་བར་གྱིས་ཤིག་གསུངས་པའི་ལུང་བྱུང་བས། དེ་ནས་བཟུང་རབ་བྱུང་རྣམས་ཀྱིས་སྟོད་གཡོག་བྱེད་ཅིང་སྣ་ཚོགས་གྱོན་པའི་རྒྱུ་མཚན་བོད་དུ་དར་བས། འདུལ་འཛིན་ཆེན་པོ་དེ་དག་རྣམས་ཀྱིས་ད་ལྟའི་སྟོད་འགག་འདི་བཞིན་མཛད་ནས་བཞེས་པ་ཡིན་ཞེས་ཐོས་སོ།
དེ་ལས་མང་བ་། “སྟོད་འགག་དང་། སྟོད་འགག་གི་ཁུང་ལུང་གཉིས་ཀ་འདི་ན་འདུག” »
བོད ལྷ་ཀླུ་གཉན་གསུམ།
ཕོ་རྒོད་དར་མའི་རང་གཟུགས་ཡུན་གྱིས་ཉམས།།
སྐྲ་ལོ་དུང་གི་ཁ་དོག་རིམ་གྱིས་སྐྱེ།།
སྐྱེ་རྒ་ན་འཆི་འཁོར་བའི་ངང་ཚུལ་འདིས།།
ཚེ་འདི་ཡུན་ཐུང་ཡིན་པ་ངོ་སྤྲོད་བྱུང་།།
དྲན་གཤིས་རྟ་རྒོད་འདྲ་བོ་བརྗེད་ཀྱིས་འཁྱེར།།
བརྩེ་བ་དངས་མའི་སྙིང་ཁམས་སད་ཀྱིས་བཅོམ།།
སྐྱེ་གཟུགས་མདའ་མོ་འདྲ་བོ་གཞི་ལྟར་འཁྱོག།
ཕར་བཤད་ཚིག་གི་རིན་ཐང་བྲག་ཆའི་སྤུན།།
དེ་ལས་མང་བ་། “རྒས་པའི་ཉམས་འགྱུར།(ལོ་ན་གྱ་གཅིག་ལ་སླེབས་པའི་ཨ་མྱེ་དང་ཁ་བརྡ་བྱས་རྗེས།)” »
བོད ལྷ་ཀླུ་གཉན་གསུམ།
མི་མང་བོ་ཞིག་ནས་རང་ཉིད་ཀྱིས་རང་ལ་རེ་བ་མེད་པར་འདོད་ཀྱི་ཡོད་ལ། དེ་ནི་རང་ཉིད་ནས་འགོ་བརྩམས་པའི་བྱས་ཉེས་དེ་ཉིད་རང་ཉིད་ཆགས་ཀྱི་ཡོད་པར་གཏན་ནས་ངེས་འཛིན་བྱེད་ཐུབ་ཀྱི་མེད་པར་རང་ཉིད་ཀྱི་འདོད་བློ་ཞིག་གི་བཙན་འོག་ནས་རང་ཉིད་སུས་ཀྱང་མི་ཤེས་པའི་བཙོན་དུ་བཅུགས་དེ། མི་ཡུལ་དུ་རང་ཉིད་ཁེར་རྐྱང་དུ་འཚོ་ཡོད་པར་འདོད་ནས། སྨྱོས་རྫས་ཀྱི་རིགས་ལ་བརྟེན་པ་དང་། ལས་ཀ་སོགས་བྱེད་འདོད་ཀྱི་འདུན་པ་མེད་པར་གཏོང་བ། མི་རིགས་ཚད་ཀྱི་བྱེད་སྟངས་ལ་ཚུགས་པ་ཟ་བ་དང་། རང་ཉིད་ནི་མི་དེ་དག་ལས་ཀྱང་མ་འདྲ་བ་ཞིག་དུ་བསམ་ནས་ཟུར་དུ་འཇོག་པའི་སྣང་ཚུལ་འདིས། རང་ཉིད་ཁེར་རྐྱང་གི་སྣང་བ་ཞིག་དུ་ཁྲིད་ཀྱི་ཡོད་པ་མ་ཟད། འཇིག་རྟེན་ནི་བདེ་བ་མེད་པ་ཞིག་དུ་འདོད་ཀྱི་ཡོད་ལ། གང་བྱས་ཐབས་ཅད་ནི་སྙིང་བོ་མེད་པ་ལྟ་བུ་ཞིག་དུ་ཚོར་ནས་མི་སུ་ཡིས་སྐད་ཆ་ལ་ཉན་འདོད་ཀྱི་འདུན་པ་མེད་པར་གྱུར་བ་རེད།
ལྷག་པར་དུ་ཁེར་རྐྱང་གི་སྣང་བ་འདི་བྱུང་ཡུལ་གཙོ་བོ་དེ་ནི་ནུབ་ཕྱོགས་ཀྱི་དབལ་འབྱོར་འགྲན་རྩོད་ཀྱི་མི་སེམས་བོར་བའི་འགྲན་རྩོད་ཀྱི་དུས་རབས་ནས་བྱུང་བ་ཡིན་ལ། དེང་སང་ནད་ཚ་དེ་རིགས་འཛམ་གླིང་གི་ཡུལ་གྲུ་གང་སར་བཙན་འཛུལ་ཐེབས་ནས་བོད་མི་བྱེས་གཞིས་གཉིས་ཀྱི་ཁྲོད་དུ་ནད་ཚ་འདི་བྱུང་ཟིན་པ་རེ་ཟུང་དང་། བྱུང་ལ་ཉེ་བའི་མི་ཡང་མི་ཉུང་བ་ཞིག་ཡོང་གི་ཡོད་སྟབས། ངས་དེ་རིང་རེ་བ་མེད་པའི་ཁོར་ཡུག་གི་མི་ཟེར་ནས་གླེང་གཞི་འདིས་སྟེང་ནས་མི་གླེང་ཀ་མེད་བྱུང་།
་བྱ་སྨྱོན་པས།
ཁོར་ཡུག་གི་དབང་གིས། སེམས་ཁམས་ལ་ལྷིང་འཇགས་ཀྱི་རྣམ་པ་མི་ཤར་ལ།
ཡིད་སེམས་ལ་འཇམ་ཤ་ལྷོད་པའི་ཚིག་འབྲུ་གཅིག་ཀྱང་ཡོང་དཀའ། ཁོར་ཡུག་གི་དབང་གིས།
མི་ཚང་མ་བྲེལ་འཚུབ་ཀྱིས་ཕར་འགྲོ་ཞིང༌། བྲེལ་འཚུབ་ཀྱིས་ཚུར་ལ་འོང༌།
དེ་ནི་དཔལ་འབྱོར་གྱི་ཐལ་འཚུབ་ལངས་བའི་འཐབ་ར་ཞིག་ཏུ་འགྲེངས་ཡོད་པས་རེད།
སྨྱུག་རྒོད་གངས་བུ་དཔལ་ནས།
དེང་སང་མང་པོས་བྱ་མ་བྱི་ནི་འཕུར་རྩལ་ཅན་གྱི་ཐང་རྒྱུགས་རེད་ཟེར་བ་དང་། ཡང་ཁ་ཤས་ཀྱི་མ་རེད་ཙི་ཙི་སྒམ་པོ་རེད་ཟེར་ནས་རྩོད་བཞིན་ཡོད་མོད་ཀྱང་། ཁོ་བོས་ལྟར་ན་དེ་ལྟར་རྩོད་མི་དགོས་པར་བྱ་མ་བྱི་དང་བྱ་མ་བྱིའུ་ལ་ཁྱད་པར་ཞིག་འཆད་ན་མིང་ཚིག་ཕྱུག་ཏུ་འགྲོ་བས་མ་ཚད་རྩོད་པ་ཅང་མི་འདུག་སྙམ། དེ་ཡང་ཁོ་བོར་མཐའ་གཅིག་ཏུ་འདི་ཡིན་ཞེས་རྒྱུ་མཚན་ཁུངས་དང་བཅས་པའི་ངེས་བཟུང་གི་ཐ་སྙད་གང་མེད་ཀྱང་བོད་མི་སྤྱི་བྱིངས་ཀྱི་ངག་འགྲོས་ཀྱི་སྒྲ་གདངས་འདོན་སྟངས་དང་། ཐ་སྙད་ཀྱི་གོ་སྟངས་ལ་རིགས་པས་བརྟགས་ནས་བརྗོད་ན། དེ་ཡང་།
བོད་ཨ་མདོ་རྔ་བ་ཁུལ་འབར་ཁམས་དགེ་ཐོན་སློབ་གྲའི་སློབ་མ་ཚོས་ད་ལོ་ཡང་སུམ་ཅུའི་དུས་དྲན་དང་གསུམ་པའི་བཅུ་བཞིར་དྲན་གསོ་བྱེད་པའི་ལས་འགུལསྤེལ་ཡོད་ལ་སྐབས་དེར་སློབ་མ་ཚོས་སློབ་གྲའི་རྩེད་ཐང་དུ་ཞའ་འདོན་འདོན་པ་དང་། མཆོད་མེ་སྤར་བ། སློབ་གྲའི་ར་སྐོར་ལ་གོམ་འགྲོད་སོགས་བྱས་ཐོག་སྔ་ས་ནས་གྲ་སྒྲིག་གིས་འབྲེལ་ཡོད་གྱི་རྩོམ་ཡིག་འདྲ་མིན་སློབ་གྲའི་གནམ་ལྕགས་ཚགས་པར་ལ་སྤེལ་བ་སོགས་བྱས་པར་སློབ་མ་ཕོ་མོ་གྲངས་༡༦་ཙམ་ས་གནས་རྒྱ་ནག་གི་ཉེན་རྟོག་པས་འཛིན་བཟུང་བྱས་བའི་གནས་ཚུལ་ཐོན་པ་བོད་ནས་བཏང་འབྱོར་བྱུང་།
འབར་དགེ་ལོ་རེ་ནས་ཇེ་འབར་རེད།
གཞོན་ནུ་ཟླ་མེད
སྟོད་འགག་ལ་རྟོགས་བཏགས་ཀྱིས་འགྲེལ་བཤད་མང་པོ་ཡོད་པ་རེད། རྟ་མཆོག་རྣ་རྒྱན། ཕོ་རོག་མིག་རྒྱན། གླང་ཆེན་མཆེ་རྒྱན། སོགས་རྒྱན་དྲུག་དང་། དེ་རེ་རེའི་མཚོན་དོན་སོགས། ད་རུང་ཁ་དོགས་འདྲ་མིན་ཆོས་བརྒྱུད་རེ་རེའི་ཕྱག་ལེན་སོགས་འདྲ་མིན་རེད། འོན་ཀྱང་འདི་དམ་པའི་ཆོས་འདུལ་བ་ནས་བཤད་པའི་ནང་པའི་རབ་བྱུང་ཕ་མའི་གོས་ནི་མིན་ཐག་ཆོད་རེད། འོན་ཀྱང་འདི་བོད་ཀྱི་ནང་པ་ལ་ད་ལྟ་དར་ཁྱབ་ཆེན་པོ་ཡིན་པ་ནི་མིག་མཐོང་ལག་ཟིན་རེད། དེ་ན་འདི་གང་ནས་ཇི་ལྟར་དར་བ་རེད་དམ་ཟེར་ན། འདི་ནི་བོད་ཀྱི་དམག་ཁྲབ་ལས་དར་བ་རེད། དམག་ཁྲབ་ལ་སྟོད་གོས་དང་། སྨན་གོས་གཉིས་ཡོད་པའི་ནང་ནས་སྟོད་གོས་རེད། མིང་གི་ཆ་ནས་བརྟག་ན་སྟོད་འགག་ཟེར་གི་ཡོད་པ་རེད། དེའི་དོན་ནི་སྟོད་ལ་མདའ་དང་མདུང་སོགས་མཚོན་ཆའི་རིགས་འགོག་བྱེད་ལ་སྟོད་འགག་ཅེས་ཟེར་བ་རེད། དེ་ནས་དེ་ལ་ཕུ་ཐུང་ཡོད་པ་མ་རེད། དེའི་རྒྱུ་མཚན་ནི་སྟོད་ཁྲབ་ལ་ཕུ་ཐུང་ཡོད་ན་དམག་མི་དེས་རང་གིས་ཕར་རྒོལ་བྱེད་པར་འགོག་རྐྱེན་བཟོ་རྒྱུ་རེད། དེ་བས་ན་ཕུ་ཐུང་མེད་པ་རེད། ད་འོ་ན་སྟོད་འགག་འདི་བོད་ཀྱི་རབ་བྱུང་བའི་ནང་དུ་ཇི་ལྟར་དར་བ་རེད་དམ་ཟེར་ན། འདུལ་བ་ལ་སྟོད་འདུལ་སྨད་འདུལ་གཉིས་ཡོད་པ་ནས་སྨད་འདུལ་དར་བའི་སྐབས་ནས་དར་བ་འེ་ཡིན་སྙམ
དེ་ལས་མང་བ་། “སྟོད་འགག་ནི་དམག་གོ་སྟེ། གོ་ཁྲབ་ལས་བྱུང་པ་རེད།” »
སྨྱུག་རྒོད་གངས་བུ་དཔལ་།
དེང་སང་བོད་པའི་སྤྱི་ཚོགས་ནང་དབྱིན་སྐད་ཀྱི་མིང་མང་པོ་ཞེ་པོ་གཅིག་བོད་ཡིག་ནང་འབྲི་དུས་དག་ཆ་སོགས་ལ་དཀའ་ངལ་འཕྲད་དེ་སྒྲ་གདངས་མི་མཐུན་མང་པོ་ཡོང་བའི་དཀའ་ངལ་བསལ་ཐབས་སུ། ཤེས་ལྡན་པ་མང་པོའི་དབྱིན་སྐད་མིང་མང་པོ་བོད་ཡིག་དུ་དོན་བསྒྱུར་བྱེད་པ་དང་། ཡང་བོད་སྐད་དུ་སྒྲ་མཐུན་མཐུན་འདྲ་བའི་བོད་མིང་བཏགས་པ་སོགས་བྱས་པ་མི་ལེགས་པར་མཐོང་ནས། ང་ཚོས་དབྱིན་མིང་དེ་ཚོར་སྒྲ་གདངས་གསལ་པོར་འཐོན་པའི་བོད་ཡིག་གི་དག་ཆ་ཞིག་གཏན་འབེབས་བྱུང་ན་ཅི་མ་རུང་བསམས་ནས། ད་ལན་འདིར་ཉིན་རེའི་ཚོར་བའི་ནང་དགོས་མཁོ་དང་བེད་སྤྱོད་ཆེ་བའི་དབྱིན་མིང་མང་དག་ཅིག་བོད་ཡིག་ཏུ་བྲིས་ཡོད།
གཤམ་དུ་བྲིས་པ་དེ་ཚོ་ནི་གཏན་འབེབས་མིན་པར་ཁོ་བོས་དཔྱད་གཞིར་ཕུལ་བ་ཡིན་པས བློ་གཟུ་བོར་གནས་པའི་དཔྱོད་ལྡན་པ་ཚོས་དབྱིན་མིང་དེ་དག་བོད་ཡིག་ཏུ་བྲིས་སྟངས་ཐད་བསམ་འཆར་གང་ལེགས་གནང་རོགས། ཁོ་བོས་ཁྱེད་རྣམ་པའི་བསམ་འཆར་ལ་ཉན་ཞིབ་ཀྱིས་རིམ་པས་གོམ་པ་མདུན་དུ་སྤོས་རྒྱུ་ཡིན།
གསལ་བཤད། དཔེར་ན་yahoo messengerལྟ་བུ་དབྱིན་མིང་ཚིག་གཉིས་ཅན་དེ་ཚོ་འབྲི་དུས་སྔ་ཕྱིའི་མཚམས་གཅོད་བདེ་ཆེད་༼ཡ་ཧཽ་་མེ་སེན་ཇར་ལྟ་བུ་༽བར་དུ་ཚེག་བར་ཉིས་རྩེག་བྲིས་ཡོད།
ཟླ་བ་གཞོན་ནུ།
རྒྱལ་ཁབ་ཕྱི་ནང་ཀུན་ཏུ་ལོ་ཙཱའི་ཚད་གཞིའི་ལྟ་བ་མང་དུ་སྣང་ལ་དེ་ལས་ཀྱང་རྒྱ་ནག་ཏུ་ཆེས་གྲགས་ཆེ་ཞིང་ཚད་མར་འཛིན་པ་ཞིག་ཡོད་པ་ནི་(信达雅)༼བསྟུན་མཚོན་སྙན༽་སྟེ། མ་ཡིག་ལ་བསྟུན་པ་དང་བསྒྱུར་མར་འབྲེལ་ཆགས་པ། ཚིག་སྦྱོར་སྙན་ཞིང་འཇེབས་པ་བཅས་ཡིན་ལ། དེར་བསྟན་པའི་མ་ཡིག་ལ་བསྟུན་དགོས་ཞེས་པ་དེས་གཙོ་བོ་མ་ཡིག་གི་བརྗོད་དོན་དང་བསྒྱུར་ཡིག་གཉིས་འགལ་མི་རུང་བ་མཚོན་ཞིང༌། དེ་ནི་རྒྱ་ནག་ལོ་ཙཱ་བ་རྣམས་ཀྱིས་ཚད་འཛིན་སའི་གཞི་དང་ཁུངས་གཏུགས་སའི་ཚད་གཞི་ཞིག་ཡིན་པར་མ་ཟད་ལོ་ཙཱའི་བྱ་བར་མཛུབ་སྟོན་བྱེད་སའི་བཀའ་ཁྲིམས་གསེར་གྱི་གཉའ་ཤིང་ལྟ་བུར་བརྩིས་ཡོད་པས། ཀོ་མའོ་རོ་ཡིས་”མ་བསྟུན(信)ན་འཆད་བསྒྱུར་དང་འཁྲུལ་བསྒྱུར་ཡིན་ལ། མཚོན་(达)མ་ནུས་ན་རྫོབ་བསྒྱུར་དང་བཙན་བསྒྱུར་ཡིན། དེ་མིན་སྙན་(雅)པའམ་བརྗོད་མ་བདེ་ན་ཉོག་གཏམ་དུ་འགྲོ་སྲིད།”ཅེས་གསུངས་ཡོད་པ་བཞིན་ནོ།། ད་དུང་ཁྲིན་ཀྲེན་ཆིས་ཀྱང་”ཡིག་སྒྱུར་སྐབས་གོ་བ་ལེན་པ་དང་ཕྱིར་མཚོན་བར་གྱི་འགལ་བ་ཐག་གཅོད་བྱེད་དགོས་ན་ངེས་པར་དུ་རྩོམ་གྱི་ཉམས་འགྱུར་དང་ནང་དོན་སོགས་བསྒྱུར་ཡིག་ཁྲོད་མ་ཡིག་ལ་བསྟུན་དགོས་སོ།། དེ་ནི་ལོ་ཙཱའི་རེ་འདུན་ཡིན་པར་མ་ཟད་ལོ་ཙཱའི་ཚད་གཞི་འང་ཡིན”ཞེས་གསུངས་ཡོད།
བོད ལྷ་ཀླུ་གཉན་གསུམ།
བོད་མི་དག་ད་ལྟ་ནི། འཛམ་གླིང་གི་མི་དམངས་སྤྱི་འབུངས་ལྟར་དཔལ་འབྱོར་གྱི་འགྲན་རྩོད་ཀྱི་ལམ་དུ་དང་དོད་ཆེ་རུ་འགྲོ་བཞིན་པའི་སྐབས་འདི་ལ། བོད་མི་དག་གིས་དཔལ་འབྱོར་འཚོལ་སྒྲུབ་ཀྱིས་ཚ་ཚ་འུར་འུར་སྐར་ཆ་རེ་དང་སྐར་མ་རེ། ཟླ་རེ་ནས་ལོ་རེ་བཞིན་འགྱུར་བ་འགྲོ་འགོ་ཞིག་བོད་ཕྱི་ནང་གཉིས་སུ་འགྲོ་བཞིན་པ་དེ་ཡི་ཁྲོད་ནས་བོད་མིས་བོད་ཡིག་ལ་བཅིངས་པའི་བརྩེ་བ་ཆུང་དུ་འགྲོ་བཞིན་པའི་གནད་དོན་གཙོ་བོ་དེ་ནི། བོད་ཡིག་སྤྱང་ནས་རང་ཁ་གསོ་མི་ཐུབ་པའི་སྣང་ཚུལ་ཞིག་མཐོ་དམན་ཀུན་ལ་གཅིག་གྱུར་གྱི་ལྟ་ཚུལ་ཞིག་བྱུང་གི་ཡོད་པ་དེ་ནི་སྤས་སྐོང་བྱེད་མི་ཐུབ་པའི་གནད་དོན་ཞིག་ཆགས་ཀྱི་ཡོད་པ་དེར་དཔྱད་ཞིབ་ལོ་མང་རིང་བྱས་པ་ལས་རང་གི་ཉམ་མྱོང་སྟེང་ནས་སྐད་ཆ་ཕྲན་པུ་ཞིག་ཞུས་འདོད་བྱུང་།
དང་བོ་བྱེས་སུ་འཚར་ལོངས་བྱུང་བཞིན་པའི་བོད་མི་དག་གི་བོད་ཡིག་བཅིངས་པའི་བརྩེ་བ་ཆུང་དུ་འགྲོ་བཞིན་པའི་གནད་དོན་ནི། བྱེས་སུ་སྐྱེ་བའི་བོད་མི་དག་གིས་རང་ཉིད་ཀྱི་ལྟོ་གོས་དེ་སྲ་བརྟན་ཞིག་ཆགས་པར་འབད་བརྩོན་ཤུགས་ཆེར་བྱས་པ་ལས་བྱུང་གི་ཡོད། དེ་ནི་བོད་མི་རྒན་རབས་པ་དག་གིས་རང་རང་གི་མི་ཚེ་ནང་དུ་གཞན་ཡུལ་ནས་ལོ་ཟླ་བསྐྱལ་ནས་གཞན་ཡུལ་ནས་རང་ཁ་གསོ་དགོས་དུས། གཞན་མི་ལ་མི་བསྟུན་ཁ་མེད་ཀྱི་གནད་དོན་ཞིག་དང་འཕྲད་དུས། གཞན་མིའི་སྐད་ཡིག་ཤེས་རྒྱུ་དེ་ནི་གལ་ཆེན་པོ་ཆགས་པ་དང་། གཞན་མིའི་སྐད་ཡིག་ཤེས་པ་ཡིན་ན། གཞན་ཡུལ་ནས་འཚོ་བ་བསྐྱེལ་བར་སྟབས་བདེ་བ་དང་རང་གི་འཚོ་གོས་སོགས་ལ་དཀའ་ངལ་ཆུང་དུ་འགྲོ་བཞིན་པའི་གནད་དོན་དེ་ཡི་རྐྱེན་གྱིས་རང་གི་བུ་ཕྲུག་དག་ལ་ལྟོ་གོས་ཀྱི་དཀའ་ངལ་མེད་པར་བཟོ་བ་ལ་གཞན་གྱི་སྐད་ཡིག་སྤྱང་བ་དེ་ནི་ཐབས་ལམ་ཆེས་ཡག་ཤོས་ཡིན་པའི་བསླབ་བྱ་རྒྱག་ཚུལ་ནི། དབྱིན་ཡིག་ཡག་པོ་སྤྱོང་། འཚར་ལོངས་བྱུང་བ་ཡིན་ན་ཕྱི་རྒྱལ་དུ་འགྲོ་ཐུབ་པ་དང་རང་གི་འཚོ་གནས་སུ་དཀའ་ངལ་མི་ཡོང་བ་སོགས་འཚོ་གོས་ཀྱི་དཀའ་ངལ་སེལ་ཕྱོགས་ཀྱི་ཐབས་ལམ་དེ་ཉིད་གཅིག་བུ་ཡིན་པས་ལམ་སྟོན་བྱེད་ཀྱི་ཡོད་པ་དེ་ཡིན་ལ། ཕྱི་ལོག་གང་རུང་དུ་འགྲོ་ཐུབ་སོང་བ་ཡིན་ན། དེ་ནི་རང་གི་འཚོ་གོས་ཀྱི་དཀའ་ངལ་ནི་མེད་པར་ཆགས་ཀྱི་ཡོད་པར་འདོད་པ་དེ་ནས་བྱུང་གི་ཡོད།
དེ་ལས་མང་བ་། “བོད་མིས་བོད་ཡིག་ལ་བཅངས་པའི་བརྩེ་བ་ཆུང་དུ་འགྲོ་བཞིན་པའི་གནད་དོན།” »
སྒོམ་སྡེ་ལྷ་རམས་པ།
ལྟ་བ་རྙེད། ལྟ་བ་རང་རྒྱུད་སྐྱེས་པའི་དོན། དེང་སང་མང་པོས། ལྟ་བ་རྙེད་ཟེར་རྒྱུར་ལྟ་བ་རྟོགས་ཟེར་བ་ནི། མ་དག་རྒྱུན་འབྱམས་སུ་སོང་བར་སེམས་ཏེ། འདིའི་ལྟ་བ་ནི་སྟོང་ཉིད་རྟོགས་པའི་བློའམ་ཤེས་རབ་ལྟ་བུ་ལ་གོ་དགོས་པས། དེ་རྟོགས་ཞེས་བརྗོད་ན་གོ་མི་བདེ་བའི་ཕྱིར། གཞན་ཡང་༼ལྟ་བ་རྙེད༽ཅེས་པའི་ཚིག་འདི་རྗེའི་ལམ་རིམ་ཆེན་མོའི་ནང་ཐེངས་༡༥དང་། རྗེའི་ལམ་རིམ་འབྲིང་པོའི་ནང་ཐེངས་༦དང་། རྗེའི་དགོངས་པ་རབ་གསལ་ནང་༤གསལ་འདུག་ཀྱང་། ༼ལྟ་བ་རྟོགས༽ཞེས་པའི་ཚིག་འདི་ཟུར་ཙམ་ཡང་མི་འབྱུང་བ་དེ་ལ་རྒྱུ་མཚན་ཡོད་པའི་ཕྱིར། གལ་ཏེ་ལྟ་བ་ཞེས་པ་ལྟ་བའི་ཡུལ་ལམ་བལྟ་བྱ་ལ་འཇུག་པའི་དབང་དུ་བཏང་ན། སུམ་རྟགས་ཀྱི་འགྲོས་དང་བསྟུན་ན་འདི་ལ་༼བལྟ་བ༽ཞེས་པ་ལྟ་བུའི་བས་ཕུལ་ངེས་པར་དགོས།
དེ་ལས་མང་བ་། “ལྟ་བ་རྟོགས་ཟེར་རྒྱུ་ཡོད་མ་རེད། ལྟ་བ་རྙེད་ཟེར་དགོས” »
སྒོམ་སྡེ་ལྷ་རམས་པ།
སྟོད་འགག སྟོད་འགག་ནི། ༸གོང་ས་རྒྱལ་དབང་ཐམས་ཅད་མཁྱེན་པ་བསྟན་འཛིན་རྒྱ་མཚོས་ཕྱི་ལོ་༢༠༠༨-༦-ཚེས-༦དང༧ལ་དྷ་སྟེང་བོད་ཁྱིམ་སློབ་གྲྭར་བོད་ཀྱི་གཞོན་སྐྱེས་ཚོར་ནང་ཆོས་ངོ་སྤྲོད་ཀྱི་གསུང་ཆོས་བཀའ་དྲིན་ཆེ་སྐབས། སྟོད་འགག་འདི་བཞིན་མཁན་ཆེན་ཞི་བ་འཚོ་བོད་ལ་ཕེབས་དུས་བྱུང་བ་རེད་ཅེས་བཤད་མཁན་འདུག་ཅེས་གསུངས། དེ་ཡང་མཁན་ཆེན་ཞི་བ་འཚོ་རྒྱ་གར་ཚ་བའི་ཡུལ་ནས་བོད་གནམ་གཤིས་གྲང་ངར་ཆེ་བའི་ནང་ཕེབས་སྐབས་སྐུ་བསིལ་ནས་གདིང་བ་མནབས་པས། འདིང་བའི་ཟུར་དེ་སྟོད་འགག་ཀྱི་ཟུར་དེ་རེད་ཅེས་བཤད་སྲོལ་འདུག་ཅེས་བཀའ་བསྩལ།
