ལས་དབང་ཞེས་ཤུགས་རིང་ཞིག་དང་མཉམ་་་་་་་་་་་་བོད་ནས་དྲ་གྲོགས་ཟིག་གིས་བསྐུར་འབྱོར་བྱུང་བ་དང་དྲ་ཐོག་འདིར་བཀོད་ཡིན།
མདོ་ཁམས་སྐྱེ་དགུ་མདོར་ས་ཡོམ་བརྒྱབ་པ། དེ་རིང་ཞོགས་པའི་ཆུ་ཚོད་ ༧ དང་སྐར་མ་ ༤༩ ཐོག་སྐྱེ་དགུ་མདོར་ས་ཡོམ་རིམ་པ་བདུན་དང་ཚེག་གཅིག་ཅན་བརྒྱབ་འདུག་པ་དང༌། མི་གྲངས་ ༤༠༠ ཤི་བ་དང་རྨས་སྐྱོན་ཕོག་པ་མི་གྲངས་ ༨༠༠༠ ཡིན་པའི་གསལ་བསྒྲགས་བྱས་འདུག གནས་ཚུལ་འདིའི་སྐོར་གཤམ་གསལ་དྲ་ངོས་དག་ཏུ་གསལ་བ་ནས་གཟིགས་རོགས། http://tibet.people.com.cn/140815/11369109.html http://www.youtube.com/watch?v=FCA-jNESZ8M http://www.facebook.com/group.php?gid=114671665218930#!/photo.php?pid=3701392&op=1&o=global&view=global&subj=114671665218930&id=553579136&fbid=398059279136
ཟླ་བ་འདིའི་ཚེས་༡༧།གཟའ་སྤེན་པའི་ཕྱི་དྲོ་དུས་ཚོད་གསུམ་པ་ནས་ལྔ་བའི་བར་སྦྲང་ཆར་དུས་དེབ་ཀྱི་སྤྱི་ཁྱབ་རྩོམ་སྒྲིག་པ་ཟླ་བ་བློ་གྲོས་ལགས་ནས་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་དུ་སྦྲང་ཆར་དུས་དེབ་ཀྱི་ལོ་རྒྱུས་དང་།་་་གདོང་ལེན་བྱས་པར་གྱུར་བ་དང་བྱེད་བཞིན་པའི་དཀའ་ངལ་ཅི་ཡིན་བཅས་ཀྱི་སྐོར་ལ་གསུང་བཤད་གནང་གཏན་འཁེལ་འདུག
གཡུ་དྲུག་དཀར། རྡ་ས།
གོ་ཐོས་སུ་ཁྱེད་ནི་གསར་བུ་ཆུང་ཆུང་ཞིག་རེད་ཟེར་ཡང་།འདྲ་པར་སྟེང་གི་ཕོ་ཉམས་དང་ཤ་ཁ་གང་བའི་བརྗིད་ཉམས་ལ་ལྟོས་ན། ཆེན་པོ་ཆེན་པོ་ཞིག་ཏུ་མཐོང་། གྲགས་ཚུལ་ལ་ཁྱེད་ནི་སློབ་ཆེན་སློབ་མ་ཞིག་ཏུ་མཆིད་མོད།དྲ་ཐོག་དང་ཤོག་ཐོག་གི་ཁྲག་ཡིག་དེ་དག་ྐློག་དུས། མཁས་ཆེན་མཁས་ཆེན་ཞིག་རེད་སྙམ། ལྟོས་ཚོད་ལ་ཁྱེད་ནི་མི་སེར་དཀྱུས་མ་ཞིག་ཏུ་སྣང་ཡང་། ཁྱེད་ཀྱི་དཔའ་ལམ་དེ་མཐོང་དུས། དཔའ་བོ་སྟག་འདྲ་ཞིག་ཡིན་པ་གཞི་ནས་རྟོགས།
བོད ལྷ་ཀླུ་གཉན་གསུམ།
དེང་སང་དྲ་ངོས་གང་སར་བོད་ཀྱི་སྤྲུལ་སྐུ་དང་འབྲེལ་བའི་སྐད་ཆ་ནི་བོད་ཕྱི་ནང་གཉིས་སུ་མི་ཉུང་བ་ཞིག་ཡོང་དང་ཡོང་བཞིན་པ་ཡོད་པ་དེ་ནི་བཟང་ངན་གཉིས་ཀའི་ཆ་ཡོད་ཀྱང་། དོན་དངོས་ཐོག བོད་གངས་ཅན་གྱི་ཞིང་འདི་ལ་སྤྲུལ་སྐུའི་ལམ་ལུགས་འདི་དགོས་མིན་དེ་རེད།
དེ་འདྲ་ཡིན་ན་ངེད་ཅག་གིས་སྤྲུལ་སྐུའི་ལམ་ལུགས་འདི་མེད་པ་བཟོས་པ་ཡིན་ན། བོད་མི་དམངས་ཀྱི་མ་འོངས་པའི་ལོངས་ཕྱོགས་དང་། བོད་མི་རིགས་ཀྱི་བདེན་མཐའ་སེལ་བ་བཅས་ལ་ཕན་ཐོག་གི་རེད་དམ། ཕྱོགས་གཅིག་གིས་དེ་ནི་ཕན་ཐོག་ངེད་ཡིན་པར་ས་བསྒྲགས་གནམ་བསྒྲགས་བྱེད་ཀྱི་འདུག དེས་ན་ཕན་ཐོག་པའི་རྒྱུད་རིམ་ཞིབ་མོ་ཞིག་གསུང་ན་ག་འདྲ་འདུག
ཕྱོགས་ཁག་གཞན་དག་གིས་བོད་མི་རིགས་ལ་སྤྲུལ་སྐུའི་ལམ་ལུགས་ནི་གཏན་ནས་མེད་དུ་མི་རིང་བ་ཞིག་ཡིན་པར་འདོད་ཀྱི་ཡོད་ལ། དེ་ནི་བོད་མི་རིགས་ཀྱི་ཐུན་མོང་མ་ཡིན་པའི་སྲོལ་རྒྱུན་ཞིག་དང་མི་རིགས་གཞན་དག་གི་ཆོས་ལུགས་ཁྲོད་དུ་གཏན་ནས་དར་མྱོང་མེད་པ་ཞིག་ཡིན་པ་དེ་ཡིན་ལ། དེ་ནི་མི་རིགས་གཞན་ལ་མེད་པའི་འུ་ཅག་བོད་མི་རིགས་ཀྱི་རིན་ཆེན་ནོར་བུ་ཞིག་ཡིན་པར་བསྒྲགས་བཞིན་ཡོད།
གཡུ་དྲུག་དཀར། ས་རཱ།
དེ་རིང་༼ཕྱི་ཟླ་༤པའི་ཚེས་༧ཉིན།༽ཡང་ནམ་རྒྱུན་ལྟར་སློབ་གྲྭྭའི་དཔེ་མཛོད་ཁང་གི་རྒན་ལགས་ཀྱི་ཁོམ་ལོང་དང་བསྟུན་ནས་ཁོང་གི་གློག་ཀླད་མདུན་ནས་ཁ་བརྡ་དྲ་ཤོག་གི་ཁ་ཕྱེས་པ་ཡིན། དེ་རུ་རྩོམ་པ་པོ་ཐེའུ་རང་དང་ཞོགས་ལྗང་གཉིས་འཛིན་བཟུང་བྱས་པའི་སྐོར་གྱི་གནས་ཚུལ་ཐུང་ངུ་ཞིག་བཀོད་འདུག ཡིག་འབྲུ་རེ་རེ་བཞིན་འགོ་ནས་མཇུག་བར་བཀླགས་པ་ཡིན་ཏེ། གནས་ཚུལ་མང་པོ་མི་འདུག་པས་ངའི་འདོད་པ་ག་ལ་ཚིམ། སྟབས་ཡག་པ་ཞིག་ལ་གནས་ཚུལ་ཐུང་ངུ་དེའི་མཇུག་ཏུ་གསར་འགྱུར་དེ་འོད་དཀར་དྲ་ཚིགས་ལས་དྲངས་ཚུལ་གསལ་བཤད་བྱས་འདུག་པས། ཡིད་ལ་རེ་བ་གསར་བ་ཞིག་བཅངས་ནས་དྲ་འབྲེལ་ཁྲོད་ཀྱི་དྲ་བྱང་རིམ་པའི་ཁྲོད་ནས་འོད་དཀར་དྲ་ཚིགས་ཀྱི་དྲ་བྱང་སྟེང་ལ་རྡེག་སྣོན་བྱས་ཏེ་སྒུག་དགོས་བྱུང༌། བརྡ་རྟགས་ལྷོད་ཙམ་འདུག་པས་ཅུང་ཙམ་ལ་རེ་ལྟོས་ཀྱི་མིག་ཟུང་སྔོ་ཐིང་ཐིང་གི་ཤེལ་ངོས་སུ་ཅེར་ནས་བསྡད། དུས་ཡུན་རིང་ཐུང་ཅི་ཙམ་ལ་བསྡད་པ་ཚོར་མ་སོང་སྟེ། ངའི་བསམ་པར་འགོར་ཡུན་རིང་དྲགས་པའི་ཉམས་སྣང་ཞིག་བྱུང་བ་དང་སེམས་པ་ཟིང་ཟིང་དུ་གྱུར།
དེ་ལས་མང་བ་། “ཁམས་འབྲི་རུའི་སློབ་ཆུང་ནས་ནུབ་བྱང་མི་རིགས་སློབ་ཆེན་བར།” »
ཟླ་བ་གཞོན་ནུ།
अनिरोधमनुत्पादमनुच्छेदमशाश्वतम्।
अनेकार्थमनानार्थमनागममनिर्गमम्।
यः प्रतित्यसमुत्पादं प्रपञ्चोपशमं शिवम्।
देशयामास सम्बुद्धस्तं वन्दे वदतां वरम्।
གང་གིས་རྟེན་ཅིང་འབྲེལ་བར་འབྱུང༌།། འགག་པ་མེད་པ་སྐྱེ་མེད་པ།།
ཆད་པ་མེད་པ་རྟག་མེད་པ།། འོང་བ་མེད་པ་འགྲོ་མེད་པ།།
ཐ་དད་དོན་མིན་དོན་གཅིག་མིན།། སྤྲོས་པ་ཉེར་ཞི་ཞི་བསྟན་པ།།
རྫོགས་པའི་སངས་རྒྱས་སྨྲ་རྣམས་ཀྱི།། དམ་པ་དེ་ལ་ཕྱག་འཚལ་ལོ།།
ཤ་ཀླན་འཇམ་དབྱངས་གྲགས་པ།
ཁྱེད་བཞུད་དགོས།
འཇིག་རྟེན་ན་ཁྱེད་ལ་བདེན་ཁ་སྟེར་མཁན་མེད་པས།
ང་ལ་བརྩེ་དུང་མི་འདུག་ཅེས་ལེ་བདའ་མ་བྱེད་ཅིག
ཁྱེད་སྦྲུམ་པའི་གོ་རིམ་དེ་དང་། ཁྱེད་བཙས་པའི་ན་ཟུག་དེ།
ངས་རང་གི་ལས་དབང་ཞིག་ཏུ་སེམས་ཆོག་ལ།
ཁྱེད་སྔོ་ལྷོག་ལྷོག་གི་དུ་བར་ཐིམས་ནས་བར་སྣང་དུ་
བཞུད་པའི་ ངང་ཚུལ་དེ།
ངས་གཏན་དུ་དྲན་ཆོག
ནགས་ཤོད་རིག་རལ།
ཧན་ཧན་ནི་ད་ལྟ་རྒྱ་ནག་ཏུ་གྲགས་པ་ཆེ་བའི་གཞོན་སྐྱེས་རྩོམ་པ་པོ་ཞིག་རེད། ཁོང་གི་ཕྱིང་བལ་ནང་རྡོ་བཏུམ་པ་འདྲ་བའི་རྩོམ་ཡིག་དེ་ཚོས་སྒེར་གཅོད་སྲིད་གཞུང་གི་དཔོན་རིགས་ཚོ་མགོ་ན་བར་བྱེད་མོད། ཤ་དར་ཁྲག་དར་གྱི་གཞོན་སྐྱེས་ཚོའི་ངོས་ནས་བཤད་ན་གང་ཞིག་སེམས་སྦུག་ནས་བརྗོད་འདོད་པ་དེ་དཔའ་བོ་ཞིག་གིས་རང་ལ་བརྗོད་རོགས་བྱས་པ་ལྟར་གྱི་ནུས་པ་ཐོན་གྱི་ཡོད། རྒྱུ་མཚན་དེས་ཧན་ཧན་གྱི་དྲ་རྩོམ་རྗེས་སྙེག་པ་གྲངས་ལས་འདས་པ་ཞིག་ཉིན་བཞིན་འཕེལ་བཞིན་ཡོད་པ་རེད་ལ།
ཁོང་གི་རྩོམ་ཡིག་དེ་དག་མི་གྲངས་ས་ཡ་མང་པོའི་གླེང་བྱར་འགྱུར་བཞིན་འདུག རང་ལོ་༢༧ལས་སླེབས་མེད་ཀྱང་ཁོང་རང་གི་ཟིན་བྲིས་ལྟ་ཀློག་བྱེད་གྲངས་དུང་ཕྱུར་༣ལས་བརྒལ་ལ། ད་ཐེངས་ཁོང་རང་ཨ་རིའི་གཟའ་འཁོར་དུས་དེབ་དུས་རབས་ཟེར་བའི་༢༠༡༠ལོའི་འཛམ་གླིང་དུ་ཤུགས་རྐྱེན་ཆེ་ཤོས་ཀྱི་མི་སྣ་བདམས་པའི་འོས་མིར་ཚུད་པ་དང་། གཤམ་གྱི་རྩོམ་འདི་ནི་ཁོང་རང་འོས་མིར་ཚུད་པའི་རྗེས་སུ་བྲིས་པ་ཞིག་རེད། རྩོམ་ཡིག་འདི་གཅིག་པུ་ཡང་ད་ལྟ་ཀློག་གྲངས་༧འབུམ་དང་། མཆན་འདེབས་གྲངས་༢ཁྲི། བརྒྱུད་འགོད་བྱེད་ཐེངས་༢སྟོང་ལས་བརྒལ་ཡོད།
བསྟན་འཛིན་ལོ་ཉི་ཤུ་ཡིན་སྐབས་སློབ་གྲྭ་ཆེན་མོ་ཐོན། དེ་ནི་ཁོང་རང་གི་དམིགས་ཡུལ་ལ་གོམ་པ་སྤོས་པའི་ཉིན་དང་པོ་དེ་རེད། ཁོང་དགའ། ཁོའི་དམིགས་ཡུལ་ནི་འཇིག་རྟེན་ལ་མིག་དཔེ་ཞིག་འཇོག་རྒྱུ་དེ་རེད། དེ་ཡང་། ཁོའི་འཇིག་རྟེན་ན་སྐྱིད་ལབ་དང་སྐྱིད་བཤད་རྒྱག་མཁན་གྱིས་ཁེངས་ཡོད་པ་དེ་སྟོར་འདོད་པ་རེད། རྒྱུ་མཚན་ནི། ཁ་སང་དེ་རིང་། སྐྱིད་ལབ་དང་སྐྱིད་བཤད་བྱེད་མཁན་དེ་ཚོ་སྔར་གྱི་སྡོད་ས་ཟ་ཁང་དང་ཇ་ཁང་བཞག་ནས་ཡིག་ཐོག་ལ་ཐོན་ཡོད་པ་དང་། དེ་ཚོས་ཡིག་ཐོག་གི་དྲ་རྒྱ་དང་ཟིན་བྲིས་དག་ན་སྐྱིད་འབྲི་དང་སྐྱིད་རྩོམ་སྤེལ་བཞིན་ཡོད། སྐྱིད་རྩོམ་དང་སྐྱིད་འབྲི་དེ་ཚོ་མཚམས་རེར་སྙན་ངག་དང་། མཚམས་རེར་འབེལ་གཏམ། མཚམས་རེར་དམོད་རྩོམ་དང་མཚམས་རེར་སྣང་བ་གང་དྲན་དག་གི་ངོ་བོར་གནས་ཡོད། སྐྱིད་རྩོམ་དེ་དག་ལ་དངོས་ཡོད་ཀྱི་སྐད་ཆ་མི་དགོས། ཚོར་བའི་སྐད་ཆ་དགོས། གནས་ཚུལ་རློན་པ་མི་དགོས། ལྟ་བ་སྐམ་པོ་དགོས། བདེན་པ་ཞིབ་ཏུ་བཙལ་བ་མི་དགོས། རྫུན་མ་ཐར་ར་ཐོ་རེ་དགོས།
བོད ལྷ་ཀླུ་གཉན་གསུམ།
ཉེ་སྔོན་ང་རང་གི་གྲོགས་པོ་ཞིག་གིས་ང་རང་ལ་ཡང་ཡང་རེ་བ་བྱས་པ་ལྟར། ངས་ཀྱང་ཁས་ལེན་བྱས་པ་དང་ང་ཚོ་ཚང་མ་བོད་ཀྱི་གྲོགས་པོའི་རོགས་ཚོགས་ཤིག་གི་མགྲོན་འབོད་ལྟར། ལོ་ལྟར་ས་ཁུལ་འདི་རུ་རྒྱ་གར་བོད་ཀྱི་གཞིས་ཆགས་ཁག་ནས་རེས་མོས་ཀྱི་ལོ་ལྟར། སོ་ནམ་སློབ་སྤྱོང་བྱེད་དུ་ཡོང་གི་ཡོད་ལ། ང་དང་བོད་རིགས་སྤུན་ཟླ་འདིར་བསྡོད་མི་ཉུང་བ་ཞིག་ལོ་ལྟར་ཐེངས་མ་རེ་ཟུང་ལ་ཐུགས་འཕྲད་བྱེད་དུ་འགྲོ་བཞིན་ཡོད།
ཉིན་འགའི་སྔོན་ལ་ཡང་ང་དང་ངའི་གྲོགས་པོ་ཁོ་རང་དང་བལ་ཡུལ་ནས་སླེབས་པའི་བོད་ཀྱི་བུ་མོ་གསུམ་བཅས་ང་ཚོ་ཚང་མ་སློབ་ཕྲུག་གི་མིང་ཐོག་ནས་ཡོང་བའི་ཁོང་ཚོས་སར་གཟའ་མཇུག་གི་གུང་གསེང་ལ་ཕྱིན་པ་ཡིན་ལ། ཁོང་ཚོས་ཀྱང་ང་ཚོ་ལ་དངོས་ནས་སྣེ་ལེན་གང་ཐུབ་ཅི་ཐུབ་བྱས་སོང་། དེ་ནས་ང་ཚོས་ཁ་བརྡ་བྱེད་པའི་འགོ་བཙུགས་པ་ཡིན།
ང་ཚོ་ཚང་མ་བོད་རིགས་ཤ་སྟག་ཡིན་ན་ཡང་། ཁ་བརྡ་བྱེད་དུས་སུ་དཀའ་ངལ་ཞིག་འཕྲད་ཀྱི་ཡོད་པ་དེ་ནི་བོད་མིས་བོད་སྐད་ཀྱི་སྟེང་ནས་ཕན་ཚུན་ལ་གོ་བརྡ་ལེགས་པོ་ཞིག་སྤྲོད་མི་ཐུབ་པ་མ་ཟད། རྒྱ་གར་དར་རྒྱས་གླིང་ནས་ཕེབས་པའི་བུ་མོ་དེ་གཉིས་ཀྱིས་བོད་སྐད་ཐར་ཐོར་ཞིག་ལས་ཤེས་ཀྱི་མི་འདུག དེ་ནས་ང་ཚོའི་ཐུན་མོང་གི་ཕན་ཚུན་ལ་གོ་བརྡ་སྤྲོད་བྱེད་ཀྱི་སྐད་ཆ་དེ་ནི་བོད་སྐད་ལས་ཟློག་ནས་ཧིན་རྡུའི་སྐད་དང་དབྱིན་སྐད་རེད། དེ་དུས་སུ་ང་རང་གི་སེམས་ནང་དུ་གློ་བར་དུ་ན་ཟུག་ཡང་ཡང་བརྒྱབ་ཀྱང་། ང་རང་གིས་ཟུར་ནས་ཐ་མག་རྔམ་འཐེན་བྱས་ནས་བསྡོད་པ་ལས། ངོ་ཤེས་ནས་རྒྱུན་རིང་མ་སོང་བའི་བོད་ཀྱི་བུ་མོ་དེ་གསུམ་ལ་སྐད་ཆ་ལྷོད་ལྷོད་ཅིག་བཤད་ཡ་ལ་ང་རང་ལ་འཚེར་སྣང་ལྟ་བུ་ཞིག་འདུག
དེ་ལས་མང་བ་། “བོད་མིའི་སྤྱི་ཚོགས་ཁྲོད་དུ་བོད་སྐད་བརླག་བཞིན་པ།” »
ཀློག་མཁན་ཞིག་གིས།
ང་བོད་དུ་ཡོད་དུས། མི་འདི་འདྲ་ཞིག་ངོ་ཤེས་བཞིན་ཡོད། ཁོ་ནི་དགོན་པ་ཆེན་པོ་ཞིག་གི་ལྷ་ཁང་གི་དཀོར་གཉེར་ཅིག་རེད།་ ཡོན་ཏན་ཡང་ཆེན་པོ་མི་འདུག འབྲི་ཀློག་ཤེས་བ་ཙམ་ཞིག་རེད། ཕ་མ་གཉིས་འདས་རྗེས་ཆུང་དུས་ནས་དྭ་ཕྲུག་ཅིག་དུ་ཆགས་འདུག ཕྱི་ལོ་༡༩༨༠་ཙམ་ལ་རབ་ཏུ་བྱུང་ཞིང་། སྦྱོར་ཀློག་གི་མགོ་བརྩམས་ཤིང་།སྐྱབས་འགྲོ་དང་ལམ་རིམ་ལ་བསྡུས་དོན་སོགས་ལས་།གཞན་ཅི་ཡང་ཤེས་མཁན་ཤིག་གིས་བཟོ་མི་འདུག་།ང་ནམ་རྒྱུན་ཁོ་དང་ཐུག་དུས་།དལ་བའི་རྟེན་འདི་ཡིད་བཞིན་ནོར་ལས་ལྷག་།འདི་འདྲ་རྙེད་པ་ད་རེབ་ཙམ་ཞིག་ཡིན་།ཞེས་ལམ་རིམ་བསྡུས་དོན་ནང་གི་ཚིག་དེ་འདྲ་དབྱངས་སུ་གྱེར་ནས་འདོན་གིན་འདུག་།ཕྱི་ཕྱོགས་ཀྱི་གནས་ཚུལ་སོགས་ཤེས་འདོད་ཆེན་པོ་འདུག་པས་།་སྐད་ཆ་མི་འདྲི་བ་ཞིག་གཏན་ནས་མེད་།ལོ་རབས་བརྒྱད་ཅུའི་ནང་ལྷ་སའི་ཞི་བའི་ངོ་རྒོལ་ནང་ཞུགས་ཞིང་།དེ་ནས་བཙོན་དུའང་ལོ་ཁ་ཤས་བཞུགས་འདུག་།བཙོན་དུ་བཞུགས་དུས་འཇིག་རྟེན་ན་མཐོང་མི་སྲིད་པ་དང་།་མི་ཟད་པའི་སྡུག་བསྔལ་མང་པོ་མཐོང་མྱོང་ཟེར་།ཡིན་ནའང་ཉིན་ཞིག་བཙོན་དུ་བཞུགས་དུས་།སེམས་སུ་གློ་བུར་མི་ཟད་པའི་སྙིང་རྗེ་ཆེན་པོ་ཤིག་རྒྱུད་ལ་སྐྱེས་ཏེ་།འགྲོ་བ་ཀུན་གྱི་སྡུག་བསྔལ་གཞན་གྱི་ཐོག་ཏུ་མ་ཡོང་བར་ཁོའི་ཐོག་ཏུ་ཡོང་ན་སྙམ་པའི་སེམས་ཤིག་གི་སྡོད་མི་ཐུབ་པ་ཞིག་བྱུང་སོང་ཟེར་།དེའི་སྐོར་གླེང་ཡོང་འདུག་།མིག་མཐའི་མཆི་མ་འཁོར་ཏེ་།སྐད་ཆ་ཡང་ཤོད་མི་ཐུབ་པ་ཤིག་ཆགས་བཞིན་འདུག་།
བོད ལྷ་ཀླུ་གཉན་གསུམ།
རྒྱབ་ནས་བལྟས་དུས་མྱི་གཟུགས་གསོན་པོ་ཞིག།
ཁོག་དུ་འཛུལ་དུས་གསོན་འདྲེ་ཡར་བླངས་ཞིག།
ཉིན་མོའི་དུས་སུ་ཞི་ཞིང་དུལ་བར་འགྲོ།
མཚན་མོའི་དུས་སུ་ཆགས་པའི་འཚུག་བཞིན་འཚོ།།
ལུས་ཀྱི་ཕྱི་ནང་ཁ་ཁར་སོང་བ་ཡིས།།
མི་ཡུ་ཡུལ་དུ་གཟུགས་རིས་སྐམ་པོ་ཞིག།
སྲུང་དེ་ཡིན་འདོག་བྱས་ནས་བགྲོད་པ་འདི།།
བསམ་ཞིང་བསམ་དུས་སྙིང་བོ་མཐོང་མ་སོང་།།
ཆབ་བྲག་ལྷ་མོ་སྐྱབས།
སྔོན་གླེང་དག་དང་འབྲེལ་བའི་གསལ་འདེབས་འགའ།
ལས་རིགས་འདྲ་མིན་ཁྱིམ་ཚང་ཀུན་ལ་མཁོ།
འགལ་བ་ལྟག་སྤྲོད་ཁྱིམ་གཞི་འཐོར་བའི་གཞི།
རང་སྐྱོང་དགོས་ན་རང་བཙན་འདོར་དགོས་ལ།
ཕ་མ་ངན་ན་དེ་ཡང་འདོར་བར་རིགས།
མིའི་རིགས་ལ་སྲོག་ཆགས་གཞན་ལས་འགལ་བ་མང། འགལ་བ་ཆེ། འགལ་བ་དེ་ནི་བསམ་ཚུལ་དང་ལྟ་བ་མི་མཐུན་པའི་དབང་གིས་ཡོང་གིན་ཡོད། ལྟ་ཚུལ་དེ་རིགས་ལ་ནང་གསེས་ཧ་ཅང་མང་ཡང། བསམ་བློའི་ཆ་ནས་བཤད་ན། མ་འདོད་པའི་ལྟ་སྟངས། མ་ཤེས་པའི་ལྟ་སྟངས། ལོག་ཤེས་ཀྱི་ལྟ་སྟངས། འཁོན་སེམས་ཀྱི་ལྟ་སྟངས་རིགས་ནི་ལྟ་ཚུལ་ནོར་འཁྲུལ་ཅན་གྱི་རིགས་ཡིན་ལ། ཉེན་ཁ་ཅན་གྱི་རིགས་ཀྱང་ཡིན་ངེས།
མིའི་རིགས་ཀྱི་སྤྱི་ཚོགས་ནང་འདིར་འགལ་འདུ་མངས་དྲགས་མེད་ན་ཉུང་མེད། ང་ཚོ་རང་ལ་མཚོན་ན་ཡང། རྒྱལ་ཁབ་ཇི་ལྟར་ཐོར་ཚུལ་དང་སིལ་བུར་གནས་སྟངས། ས་སྐྱ་བ་ནས་དགའ་ལྡན་ཕོ་བྲང་བའི་བར་ལ་སྤྱིར་བོད་ཀྱི་བདག་དབང་སླར་གསོ་བྱས་ཀྱང་སོར་ཆུད་མ་ཐུབ་པའི་བྱུང་རབས་ཉོག་འཛིང་ཅན། རྒྱ་དམར་གྱི་དམག་དཔུང་གིས་བཙན་འཛུལ་བྱེད་དུས་ཀྱང་གཅིག་རྒྱབ་གཅིག་གནོན་གྱི་འགོག་སྲུང་མ་ཐུབ་པའི་བློ་ཕམ་འགྱོད་པའི་ངང་ཚུལ་མང་པོ། བཙན་བྱོལ་ལ་འབྱོར་ནས་ཀྱང་སྡུག་གི་ཁུར་བོ་མཉམ་འཁུར་བྱེད་མ་ཐུབ་པའི་སྐྱོན་དང་ནོར་འཁྲུལ་ཕྱོགས་གང་ས་ནས་བྱི་ལོང་ས་འབུར་བཞིན་བྱུང་དང་འབྱུང་བཞིན་པའི་འགལ་འདུ་རྣོ་ངར་ཅན་རྣམས་གསར་སྐྱེས་མང་པོ་ཞིག་གིས་ཚོར་ཐུབ་ཀྱིན་མེད། དེའི་དཔེ་མཚོན་གསལ་ཤོས་ཤིག་ནི་ལོ་སྔོན་མར་གྲོས་ཚོགས་ཀྱི་མཇུག་སྡོམ་རྒྱག་མ་ཐུབ་པའི་གནད་དོན་ཐད་ལ། དེ་ནི་མི་ཚང་གཉིས་ཀྱི་གནད་དོན་ཞིག་ལས་འགལ་འདུ་ཆེན་པོ་ཞིག་མིན་ཚུལ་བཤད་པ་ལྟ་བུ་རེད། དེ་ཡང་གཞོན་སྐྱེས་དྲག་གྲས་ཤིག་གིས་བཤད་པ་རེད། གལ་ཏེ་མི་ཚང་གཉིས་ཀྱི་གནད་དོན་ཁོ་ན་ཞིག་ཡིན་ན་དེ་ནི་ཐག་གཅོད་དཀའ་མོ་ཞིག་ཅི་ལ་ཡིན། དེ་ནི་མེ་ཆུ་ལྟ་བུའི་འགལ་འདུའི་རྒྱབ་ལྗོངས་དག་མ་མཐོང་བའི་རྟགས་གསལ་བོ་རེད།
སྤྱིར་བོད་ས་ཁུལ་ཡོངས་རྫོགས་ལ་༢༠༠༨་ལོ་ཞི་བའི་ངོ་རྒོལ་སྐད་འབོད་བྱེད་པ་ལྟར་ཁམས་ཉག་རོང་ས་ཁུལ་མང་པོ་ལ་སྐད་འབོད་བྱེད་པ་དང་སྦྱར་ཡིག་སོགས་ས་གནས་མང་པོ་ལ་གནས་ཚུལ་ཡོད་པ་དེ་ཚོ་དུས་ཐོགས་ལ་གསལ་སྦྲག་བྱེད་ཐུབས་མེད་ནའང་རིམ་པསའབྲེལ་ཡོད་ཁག་ནས་གསལ་བྱེད་དང་གསར་སྦྲག་བྱེད་ཐུབ་སོང་། ད་སྐབས་འབྲེལ་ཡོད་ཁག་ནས་འདི་གར་ཁུངས་ལྡན་གནས་ཚུལ་འཁོ་སྤྲོད་བྱས་པ་ལྟར་ན། ཟླ་འདིའི་ཚེས་༨ཉིན་ཁམས་ཉག་རོང་གུ་རུ་དགོན་པའི་གྲྭ་རང་ལོ་༢༢ལོན་པ་ཨ་པོ་བཀྲ་ཤིས་དང་། རང་ལོ་༡༩ལོན་པའི་གྲྭ་ཚེ་རིང་རྒྱལ་མཚན།རང་ལོ་༢༢ལོན་པའི་གྲྭ་ཚེ་རིང་དབང་ཕྱུག་གསུམ་དང་། གཞན་ཡང་ལོ་ང་སྡེ་ཤང་ནས་ཡིན་པ་བྱམས་འབྱོར་དགོན་པའི་གྲྭ་རིག་འཛིན་རྡོ་རྗེ་བཅས་དགེ་འདུན་པ་བཞིས་གོང་ཚེས་ཉིན་ཉག་རོང་རྫོང་ཐོག་ཏུ་འཕྲུལ་རྟ་ཞོན་ནས་བོད་ཀྱི་རྒྱལ་དར་འཕྱར་ཏེ་རྒྱལ་བ་རིན་པོ་སྐུ་ཚེ་ཁྲི་ལོ་བརྟན་པར་ཤོག ཅེས་དང་། བོད་རང་བཙན་ཡིན། རྒྱལ་བ་རིན་པོ་མྱུར་དུ་བོད་ལ་གདན་འདྲེན་ཞུ་དགོས། དེ་བཞིན་བོད་དུ་གཏེར་ཁ་སྔོག་འདོན་མཚམས་འཇོག་བྱེད་དགོས་པ་སོགས་འབོད་ཚིག་བསྒྲགས་ཏེ་ཞི་བའི་ངོ་རྒོལ་གྱི་ལས་འགུལ་སྤེལ་ཡོད་ན་ཡང་།ཅང་མ་འགོར་བར་ཉེན་རྟོག་པས་འཛིན་གྲབས་བྱས་པའི་ཚེ་དེར་ཡོད་ཀྱི་མི་མང་ལྔ་བརྒྱ་ཙམ་༥༠༠གྱིས་སྐད་འབོད་དང་ངོ་རྒོལ་བྱས་པར་བརྟེན་གྲྭ་གཞན་པ་གསུམ་འཛིན་བཟུང་བྱེད་ཤོར་མེད་ན་ཡང་། གྲྭ་ཨ་པོ་བཀྲ་ཤིས་པར་ལེན་མཁན་ཡིན་འདུག་པ་དང་། འཕྲུལ་རྟ་ལ་སྐྱོན་ཤོར་ནས་གྲྭ་ཨ་པོ་བཀྲ་ཤིས་ལགས་རྒྱ་གཞུང་གི་ཉེན་རྟོག་པས་འཛིན་བཟུང་བྱས་ཡོད་འདུག ད་སྐབས་གྲྭ་ཨ་པོ་བཀྲ་ཤིས་ས་གནས་གང་དུ་ཡོད་མིན་གསལ་བོ་ཤེས་ཀྱི་མེད་པ་རེད།
བསེ་རུ།
ཉེ་དུས་ཀྱི་གསར་འགྱུར་ཁག་ཏུ་ཐོན་པ་ལྟར་ན། རྒྱ་གཞུང་གིས་བོད་ནང་ཆུང་བྱིས་པ་ཡན་གྱི་སློབ་ཕྲུག་དང་། སློབ་གཉེར་བའི་སྡེ་ཁག་ལ་སུན་གཙེར་དང་། འཛིན་བཟུང་། བཙོན་འཇུག བཀག་ཉར། དྲི་བརྩད་སོགས་སྣ་ཚོགས་བྱས་ཏེ། འགྲོ་བ་མིའི་འགྲོ་བསྐྱོད་རང་དབང་དང་། བསམ་བློའི་རང་དབང་། སྨྲ་བརྗོད་རང་དབང་སོགས་འགྲོ་བ་མིའི་གཞི་རྩའི་ཐོབ་ཐང་འཕྲོག་དང་འཕྲོག་མུས་ཡིན་པ་མ་ཟད། བོད་མི་ཡོད་དོ་ཅོག་གི་སྙིང་ལ་རྨ་ཁ་རིམ་པར་བཟོ་སྟངས་ལ་བལྟས་ན། རྒྱ་གཞུང་གིས་བོད་མི་ཚོར་སེམས་ཅན་དུད་འགྲོའི་བརྩི་མཐོང་ཙམ་ཡང་འཇོག་གི་མི་འདུག་སྙམ། གནས་སྟངས་འདི་དག་ཇེ་སྡུག་ཏུ་སོང་ན། བོད་ས་ཁྱོན་ཡོངས་སུ་སློབ་གཉེར་བའི་ཞི་བའི་ལས་འགུལ་ཆེན་པོ་ཞིག་མི་ཡོང་བའི་ངེས་པ་མི་འདུག་པས། སྐབས་དེ་དང་དེའི་དུས་ང་ཚོའི་མི་རིགས་འདིའི་འབྱུང་འགྱུར་གྱི་བདག་པོ་གཞོན་སྐྱེས་ཤེས་ཡོན་ཅན་མི་ཉུང་བ་ཞིག་གི་ཚེ་སྲོག་དགྲ་བོའི་མཚོན་ཁར་ཤོར་བར་སོམ་ཉི་མེད། ཅིའི་ཕྱིར་ཞེ་ན། དེང་སྐབས་བོད་ནང་གི་སློབ་གཉེར་བའི་སྡེ་ཁག་ནང་འཆི་རྒྱུར་མི་སྐྲག་ཅེས་པའི་ཚིག་དེ་གཅིག་ནས་གཉིས་བརྒྱུད་ཀྱི་རྣ་བར་སིམ་སྟེ་སེམས་པ་ཇེ་མང་ནས་ཇེ་མང་གི་དབུས་སུ་ཐིམ་བཞིན་ཡོད་འདུག
གནམ་ས་གོ་འབྱེད་བྱེད་ཅེས་པའི་དེབ་དེ་འདི་ན་ཡོད། འབྲེལ་ཐག་ལ་བསྣུན་རོགས། gnam-sa-go-byed
བསྟན་འཛིན་ཉིན་བྱེད།
ད་ག་རེ་བྱེད་དགོས་རེད། བོད་ཀྱི་རང་དབང་འཐབ་རྩོད་ཐོག་བསམ་བློ་གཏོང་སྐབས་འདི་དྲན་ཡོང་གི་འདུག སྐད་འབོད་ནི་རྒྱག་གི་ཡོད་པ་རེད། དམག་ནི་བརྒྱབས་ཡོད་པ་རེད། སློབ་སྦྱོང་ནི་བྱེད་ཀྱི་ཡོད་པ་རེད། ཞི་མོལ་ནི་བྱས་ཡོད། ཕྱི་རྒྱལ་རང་དབང་ཡུལ་གྲུ་ཁག་ཏུ་བོད་དོན་དྲིལ་བསྒྲགས་ནི་བྱས་ཡོད། ལུས་སྲོག་ནི་མང་པོ་ཤོར་ཡོད།
ད་བྱེད་རྒྱུ་མེད་ན་མ་གཏོགས་ཚང་མ་བྱས་ཚར་འདུག ཡིན་ནའི་བོད་ཀྱི་གནས་བབ་འདི་ཛ་དྲག་ཏུ་དྲག་ཏུ་འགྲོ་གི་འདུག བོད་ནང་རྒྱ་མི་མང་དུ་མང་དུ་འགྲོ་གི་འདུག བཙན་བྱོལ་ནང་བོད་རིགས་མང་དུ་མང་དུ་འགྲོ་གི་འདུག གཞིས་ལུས་དང་བཙན་བྱོལ་གཉིས་ཀའི་ནང་ར་མ་ལུག་མང་དུ་མང་དུ་འགྲོ་གི་འདུག
རིག་འབྱུང་དོན་གྲུབ་བཀྲ་ཤིས། ཨ་རི།
བོད་ཡིག་ྐློག་མི་ཐུབ་པའི་དཀའ་ངལ་དེ། ཁྱེད་ལ་འཕྲད་པའི་དཀའ་ངལ་རེད། ངས་བྐླགས་པ་ཡིན། དཀའ་ངལ་དེ་འཕྲད་མཁན།
བོད་མི་གཅིག་གཉིས་མ་རེད། བོད་མི་འགའ་ཤས་རེད། འོན་ཀྱང་། སྤྱི་ཡོངས་ནས་བལྟས་ན། བོད་ནང་ན། དཀའ་ངལ་དེ་མི་འདུག བོད་ཕྱི་ན། དཀའ་ངལ་དེ་འདུག དཀའ་ངལ་དེ་ཡོད་མཁན། བོད་མི་ཉུང་ཤས་ཤིག་རེད། བོད་ཕྲུག་ཉུང་ཉུང་ཞིག་ལ། དཀའ་ངལ་དེ་འཕྲད་བཞིན་འདུག བོད་མི་ཚོའི་ཁྲོད་ན། ཁྱེད་ཀྱི་བསམ་ཚུལ་ལ། རྒྱབ་སྐྱོར་བྱེད་མཁན་འདུག་ལ། དགག་པ་རྒྱག་མཁན་ཡང་འདུག ཚོད་དཔག་བྱས་ན། ཕྱི་མ་དེ་མང་བ་འདུག སྔ་མ་དེ་ཉུང་བ་འདུག གང་ལྟར། མང་ཉུང་ལ་མ་བལྟས་བར། དཀའ་ངལ་ནི་འཕྲད་བཞིན་འདུག དཀའ་ངལ་ནི་དངོས་ཡོད་རེད།
དེ་ལས་མང་བ་། “བསྟན་འཛིན་བདེ་སྐྱིད་ལ་ལེགས་སྐྱེས་ཆུང་ཆུང་ཞིག” »
ནགས་ཤོད་རིག་རལ།
སྐྱིད་ཆུའི་འགྲམ་གྱི་ཁང་ཆེན་དེའི་གྱང་ཟུར་ཞིག་ཏུ་རྡོ་རྗེ་གཉིད་ལ་ཤོར་འདུག ལག་གཡས་པའི་ཟུར་གྱི་ས་ཐོག་ན་ཁོ་ཁི་ཁོ་ལེ་འགྱིག་དམ་རྙིང་པ་ཞིག་གི་མཐིལ་དུ་ཆང་སྙིགས་ཅུང་ཟད་ཞིག་ལྷག་ཡོད་པ་མ་ཟད། རྩབ་ཧྲལ་དུ་གྱུར་པའི་ནུབ་ལྭ་སྐྱ་བོ་དེའི་ཁུག་མའི་ཟུར་ནས་དངུལ་སིལ་མ་མང་པོ་ཞིག་ཕྱི་ལ་ཐོན་པར་བལྟས་ན་ཁ་ས་བར་སྐོར་ནང་ནས་སློང་ཡག་པོ་བྱུང་བ་འདྲ། གདོང་ནི་མ་བཀྲུས་པར་དྲེག་པ་ནག་ཆིལ་ལེར་ཡོད་མོད། དཔྲལ་བ་དང་སྣ་མགོ་དག་ནས་སྣུམ་ཚིལ་ཚིལ་བྱེད་པ་དེ་ཉི་གཞོན་ཤར་རིའི་རྩེ་ནས་འཕྲོས་མ་ཐག་པ་དེའི་དྲིན་ཡང་ཡིན་སྲིད། ཁོའི་ལུས་པོའི་འོག་ཏུ་སྟན་ཤོག་བུའི་སྲབ་མཐུག་ཙམ་ཞིག་ཀྱང་མི་འདུག གྲོག་མ་འགའ་ཞིག་བྲེལ་བྲེལ་འཚུབ་འཚུབ་ངང་ཁོའི་ལུས་པོའི་ཐོག་དང་གཡས་གཡོན་གང་སར་རྒྱུགས་བཞིན་འདུག
