ཨ་ཚོགས་བློ་བྷེ། (ཧྥ་རན་སི)
སུས་ཀྱང་ཚད་མི་ཟིན་པའི་རང་བྱུང་གི་ཆགས་འཇིག
སུས་ཀྱང་ཚོད་མི་ཟིན་པའི་ཚེ་སྲོག་གི་གོད་ཆག
རྨི་འཕྲུལ་ཀྱི་ཀུ་རེ་ཞིག་དང་འདྲ་བའི་མྱིའི་མི་ཚེ་ཟེར་བ།
ལྷུང་ཆོག་ཆོག་མིག་ཆུ་ཞིག་རེད།
སྨྲེང་ཆོག་ཆོག་གི་སྐྱོ་སྣང་ཞིག་རེད།
ཞལ་འདེབས་ཚང་མ་མི་མང་གི་ལག་པར་སླེབས་ཐབས།
ས་ཡོམ་ནི་རྒྱབ་ཚར་རེད། བོད་མི་མང་པོ་ཞིག་གི་ཚེ་སྲོག་ནི་ཤོར་ཚར་རེད། ད་སེམས་སྐྱོ་ནའང་དེ་ལ་བཅོས་ཐབས་ནི་སུ་ལའང་ཡོད་མ་རེད། ང་ཚོའི་ངོས་ནས་སྨོན་ལམ་རེ་འདེབས་རྒྱུ་དང། ཞལ་འདེབས་རེ་ཕུལ་བ་ལས་གང་ཡང་བྱེད་རྒྱུ་མི་འདུག བོད་མི་དང་བོད་མི་མ་ཡིན་པ་མང་པོ་ཞིག་ནས་ཞལ་འདེབས་ཕུལ་མཁན་མང་པོ་ཞིག་ཡོང་གི་རེད་འདོད། ཞལ་འདེབས་རྣམས་ཚོགས་པ་འདྲ་མི་འདྲའི་མིང་ཐོག་ཕུལ་ནས་ཁ་ཐོར་དུ་གཏོང་མི་དགོས་པ་གལ་ཆེ། ལྷག་པར་དུ་རྒྱ་གཞུང་གི་ལས་ཁུངས་རིམ་པ་བརྒྱུད་ནས། ཟས་མི་ལག་བརྒྱུད་ན་ཇེ་ཆུང་གི་དཔེ་རུ་མ་སོང་བར་མི་མང་གི་ལག་པར་ཐད་ཀར་འགྲོ་བ་ཞིག་བྱུང་ན། ཆུ་ཐིགས་བསགས་པའི་རྒྱ་མཚོ་དང་། མེ་ཏོག་ཆུང་རུང་ལྷ་རྫས་ཀྱི་དཔེ་བཞིན་འབྱོར་དགོས་སའི་མི་མང་གི་ལག་པར་རེག་པ་ཞིག་བྱུང་ན་ཕུལ་མཁན་ཞིག་ཡིན་རུང་སེམས་བདེ་བའི་ཁྱད་རེད། སྔོན་མ་ཞིག་ལ་བོད་ནང་གངས་འཁྱག་ལྷུང་བའི་སྐབས་ཤིག་ཀྱང་བཙན་བྱོལ་སྤྱི་ཚོགས་ནས་ཞལ་འདེབས་ཕུལ་རེད། ༧རྒྱལ་བ་རིན་པོ་ཆེ་གཅིག་པོའི་ངོས་ནས་ཀྱང་དངུལ་གང་འཚམས་ཤིག་བཏང་བ་རེད། རྗེས་སུ་མི་མང་གི་ལག་ལ་ཞེ་དྲག་སླེབས་མེད་པའི་སྐད་ཆ་ཞིག་བྱུང་བ་དྲན། ད་ཐེངས་དེ་ལྟར་མ་ཡོང་བའི་ཆེད།…
གདུང་སེམས་མཉམ་བསྐྱེད། རོགས་སྐྱོར་ཨང་དང་པོར་ཞོག
རིག་འབྱུང་དོན་གྲུབ་བཀྲ་ཤིས། ཨ་རི།
དང་པོ།
སྐྱེ་དགུ་མདོར་ས་ཡོམ་གྱི་གནས་ཚུལ་བྱུང་བ་དང་། བོད་ཕྱི་ནང་གི་ཚགས་པར་དང་རླུང་འཕྲིན། བརྙན་འཕྲིན་། དྲ་བ་སོགས་གསར་འགྱུར་བརྒྱུད་ལམ་ཁག་ཏུ་། རྣ་བས་ཐོས་བ་དང་མིག་གིས་མཐོང་བ་ནི་བོད་མི་ཚོའི་ངུ་འབོད་དང་འོ་དོད། སེམས་གསོ། གསོལ་འདེབས། བསྔོ་སྨོན་བཅས་རེད། དཔེར་ན། ཁ་བརྡ་དྲ་ཚིགས་དང་དུས་དེབ་སོགས་སུ་ཡང་ས་ཡོམ་གྱི་གནས་ཚུལ་འདི་གཅིག་པོའི་སྐོར་ལ་མཆན་བུ་ལྔ་བརྒྱ་ལོན་པ་འདུག ད་དུང་། ཁ་བརྡའི་ངོས་སུ་ཉིན་གཉིས་ཀྱི་རིང་ལ་ས་ཡོམ་གྱི་གནས་ཚུལ་དང་འབྲེལ་བའི་རྩོམ་ཡིག་༢༡ཙམ་སྤེལ་འདུག འདི་ལྟར་བསམ་བློ་གཏོང་གིན་གཏོང་གིན། གཞིས་ལུས་རྒྱ་ཆེའི་མི་མང་གིས་རྒྱ་ནག་གི་གཉའ་གནོན་འོག་མི་འདོད་པའི་སྡུག་བསྔལ་མྱོང་བཞིན་པའི་ཐོག་ལ། སྡུག་བསྔལ་ཉིས་བརྩེགས་ལྟ་བུར་རང་བྱུང་གི་གོད་ཆག་འདི་ལྟ་བུ་བྱུང་དུས། བོད་མི་ཚོའི་ཁྲོད་ན། སེམས་མི་སྐྱོ་མཁན་དང་ཞེ་མི་སྡུག་མཁན་སུ་ཞིག་ཡོད་དམ། ཤི་རྨས་བྱུང་བ་ཚོའི་ཆེད་དུ་བསྔོ་སྨོན་མི་བྱེད་མཁན་སུ་ཞིག་ཡོད་དམ། འོན་ཀྱང་། དེ་ལས་ཀྱང་གལ་ཆེ་བ་ནི། ཁ་ཡོད་ལག་ཡོད་ཀྱི་རོགས་སྐྱོར་བྱེད་ཐབས་དེ་ཨང་དང་པོར་འཇོག་རྒྱུ་དེ་རེད།
དེ་ལས་མང་བ་། “གདུང་སེམས་མཉམ་བསྐྱེད། རོགས་སྐྱོར་ཨང་དང་པོར་ཞོག” »
བོད་ཀྱི་ལོ་ཐོ་ལས་འདི་ལོའི་ས་ཡོམ་གསལ་བོར་བསྟན་འདུག
ཀླུ་སྨྱོན།
ཐོག་མར་ཐེངས་འདིར་ས་ཡོམ་ལས་འདས་གྲོངས་སོང་བ་དང་། རྨས་སྐྱོན་ཕོག་པ། ནང་མི་གཉེན་གྲོགས་བརླགས་པ། སྡོད་ཁྱིམ་རྩ་བརླགས་སུ་གྱུར་པ་རྣམས་ལ་དམིགས་ནས་གསོལ་བ་སྨོན་ལམ་རེ་འདེབས་པ་ལགས།
དེ་ནས་འདི་ལོའི་ས་ཡོམ་དེ་བོད་གཞུང་སྨན་རྩིས་ཁང་གིས་བཏོན་པའི་ལོ་ཐོ་ལས་གསལ་བར་བསྟན་འདུག་པ་འདིར་བཀོད་ན།
དྲང་སྲོང་ཉི་བུ་ལོ་ཧྲིལ་ཁྱིམ་གཅིག་ཏུ། །གནས་པས་དགུང་འདིར་ལྷོ་ཡི་ཕྱོགས་དག་ཏུ། །རླུང་འཚུབ་ས་གཞི་གཡོ་བའི་ཉེན་ཁ་མངོན། །ལྷག་པར་ནག་ཟླའི་༣ཚེས་ཤར་ནས་བཟུང་སྟེ། །ས་ཟླའི་༤ཉེར་གཉིས་བར་དུ་ཕྱིར་ལྡོག་པས། །ཆར་སྤྲིན་འདུ་ཞིང་ས་གཡོའི་ཉེན་ཡང་ཆེ། །
ང་ཚོས་ལོ་རེར་ལོ་ཐོ་ལ་བལྟས་ནས་བོད་ཕྱི་ནང་གང་སར་ཉེན་བརྡ་གཏོང་དགོས་ཀྱི་རིགས་འཐུས་ཤོར་དུ་མི་འགྲོ་བ་ཞིག་བྱེད་རྒྱུ་ངེས་པར་དུ་གལ་ཆེ། དེ་ལྟར་བྱས་ཚེ་གྲངས་ཉུང་མི་རིགས་འདིའི་གྲངས་ཀ་ཇེ་ཉུང་ནས་ཇེ་ཉུང་དུ་འགྲོ་བ་འགོག་ཐབས་རེ་རྙེད་ཀྱང་སྲིད།
བོད་པའི་ལོ་རྒྱུས་ཁྲོད་དུ་སྐར་རྩིས་མཁན་པོ་དག་གིས་ལོ་རེ་རེའི་ཉི་འཛིན་ཟླ་འཛིན་ གྱིས་མཚོན་པའི་རྩིས་འབྲས་མདོར་བསྡུས་རེ་ལྷ་སའི་རྡོ་རིང་དང་རྩིགས་ལྡེབས་གང་ སར་སྦྱོར་སྲོལ་ཞིག་ཡོད་པ་དང་། ཁ་ཆེ་པཎ་ཆེན་གྱིས་ཉི་འཛིན་ཡོད་ལུགས་ཀྱི་རྩིས་ཐོ་བཏོན་པར་ས་པཎ་གྱི་ཁུ་བོ་ རྗེ་བཙུན་གྲགས་པ་རྒྱལ་མཚན་གྱིས་ནང་གི་རྣལ་འབྱོར་གྱི་སྟོབས་ཀྱིས་ཉི་འཛིན་ མེད་པར་བྱས་པས། པཎ་ཆེན་གྱིས་བདེན་ནི་ང་རང་བདེན་ཀྱང་། ཡ་གིའི་རི་ཁྲོད་དུ་རྣལ་འབྱོར་བ་རྒན་པོ་ཞིག་ང་རྒྱལ་གྱིས་སྦོས་བསྡད་ཡོད་དོ་ ཞེས་གསུངས་པ་དང་། ཡང་གོང་ས་བདུན་པའི་སྐབས་སུ་རྡོ་རིང་བསྟན་འཛིན་དཔལ་འབྱོར་གྱིས་རྩིས་ཐོ་བྲིས་ ཏེ་ཉི་འཛིན་ཡོད་ལུགས་བསྒྲགས་པས། ལྷ་སའི་མི་མང་གིས་དུས་ཚོད་དེའི་སྔ་ཕྱིར་མིག་གིས་ནམ་མཁར་བལྟས་ནས་བསྡད་ཀྱང་ ཉི་འཛིན་མ་བྱུང་བ་ལྟ་བུ་སྐབས་རེར་རྩིས་མཁན་གྱི་བཟང་ངན་དང་ནང་གི་ཉི་ཟླའི་ རྣལ་འབྱོར་ལ་དབང་ཐོབ་པའི་སྐྱེས་ཆེན་རེ་ཟུང་གི་མཛད་སྤྱོད་ཀྱིས་རྩིས་འབྲས་ཇི་ བཞིན་མི་སྨིན་པ་ཡོད་ཀྱང་། བརྒྱ་ཆའི་ཚད་ངེས་ཅན་ཞིག་གི་སྟེང་ནས་བོད་ཀྱི་དཀར་རྩིས་འདི་ཧ་ལས་པའི་ཐིགས་པོ་ཡོད་པ་ཀུན་གྱིས་མཁྱེན་གསལ་བཞིན་དང་། བོད་པའི་སྤྱི་ཚོགས་སུ་ལོ་ཐོར་བལྟ་མཁན་མི་ཉུང་བ་ཞིག་ཡོད་ཀྱང་གཞི་རྒྱ་ཆེ་ས་ནས་བལྟས་ཏེ་རྒྱལ་ཁམས་སྤྱི་དང་ཁྱད་པར་དུ་བོད་པའི་སྣོད་བཅུད་ལ་དགེ་མཚན་དང་ཉེན་ཁ་ཅི་ཡོད་བརྟག་དཔྱད་ཞིབ་འཇུག་བྱེད་མཁན་ཧ་ཅང་ཉུང་བས། ཐེངས་འདིར་ཡང་བོད་ཁམས་ཡོངས་སུ་བརྡ་སྦྱོར་སྤེལ་ཏེ་བོད་ཟླ་གསུམ་པ་དང་བཞི་པའི་ནང་དུ་ས་ཡོམ་ལ་གཟབ་དགོས་པའི་ཉེན་བརྡ་བཏང་ཡོད་ཚེ་འདི་འདྲའི་ཆག་འཇིག་ཆེན་པོ་དེ་འདྲ་མྱོང་མི་དགོས་པའི་ཚད་དུ་མཐོང་ངོ་།།རྒྱ་ནག་ཟི་ཁྲོན་གྱི་ས་ཡོམ་ཆེན་པོ་དེ་ཡང་བོད་པའི་ལོ་ཐོ་ལས་སྔ་ས་ནས་བསྟན་ཡོད་ཀྱང་མི་སུ་ལ་ཡང་དོ་སྣང་བྱུང་མེད་པ་དེས་ང་ཚོར་བསླབ་བྱ་ཅི་ཡང་སྤྲོད་མ་ཐུབ་པ་ནི་ཇི་འདྲའི་སེམས་སྐྱོ་ཞིང་དབུགས་རིང་འཐེན་དགོས་པ་ཞིག་རེད་ཨང་། བོད་པའི་ལོ་ཐོ་ཡ་ལོ་ཐོ། ཇི་འདྲའི་འཕྱིས་དྲགས་པའི་མ་འོངས་ལུང་བསྟན་མཁན་ཞིག་རེད་ཨང་།
དེ་ལས་མང་བ་། “བོད་ཀྱི་ལོ་ཐོ་ལས་འདི་ལོའི་ས་ཡོམ་གསལ་བོར་བསྟན་འདུག” »
ས་ཡོམ་གྱིས་རྨས་པ་ཚོའི་ཆེད་སྐད་སྒྱུར་བཀོད་སྒྲིག
ད་ལྟ་རང་གནས་ཚུལ་མཁོ་འདོན་གནང་སོན་ལྟར་ན། ཟླ་འདིའི་ཚེས་༡༥ཉིན་ནམ་སྐྱེ་རྒུ་མདོའི་ས་འགུལ་གྱི་ཉིན་གཉིས་པ། ཕྱི་དྲོའི་དུས་ཚོད་ལྔ་དང་ཕྱེད་ཀ་ཙམ་གྱི་སྟེང་། ཐེངས་འདིར་ས་འགུལ་སྐབས་རྨས་སྐྱོན་ཚབས་ཆེན་བྱུང་བའི་རྨས་མ་ཁ་ཤས་མཚོ་སྔོན་ཞིང་ཆེན་གྱི་ཟི་ལིང་གྲོང་ཁྱེར་དང་། སི་ཁྲོན་ཞིང་ཆེན་གྱི་ཁྲིན་ཏུའུ་གྲོང་ཁྱེར་རུ་གནམ་གྲུས་སྐྱེལ་ཡོད་ཅིང་། མིག་སྔར་རྨས་མ་དེ་དག་ལ་འབྱུང་བཞིན་པའི་བཀའ་ངལ་ཆེ་ཤོས་ནི། སྐད་རིགས་མ་གཅིག་པའི་དབང་གིས་སྨན་པ་དང་ནད་པའི་བར་ལ་གོ་བརྡ་མ་འཕྲོད་པར་གྱུར་འདུག་པ་དེ་རེད། དཀའ་ངལ་གྱི་གནས་ཚུལ་དེ་དག་ཤེས་རྟོགས་བྱུང་མ་ཐག སྡེ་དགེ་རྫོགས་ཆེན་དགོན་ཁྲིན་ཏུའུ་གཞུང་སྒྲུབ་ཁང་གིས་སྐད་གཉིས་སྨྲ་ཤེས་ཀྱི་བཙུན་པ་དང་བཙུན་མ་རྣམས་གཙོ་བོར་བྱས་པའི་མི་གྲངས་བཅུ་ཕྲག་ལྷག་ཁག་གཉིས་སུ་བགོས་ནས། ཁྲིན་ཏུའུ་ཧྭ་ཤས་སྨན་ཁང་དང་། ཁྲིན་ཏུའུ་ཞིང་ཆེན་སྨན་ཁང་དུ་སྐད་སྒྱུར་བར་ཆེད་གཏོང་བྱས་ཡོད་འདུག གཞན་ཡང་ལྷོ་ནུབ་མི་རིགས་སློབ་གྲྭའི་བོད་རིགས་སློབ་མ་བཅུ་ཕྲག་ཁ་ཤས་ལྷག་ཀྱང་སྐད་བསྒྱུར་དུ་འབྱོར་འདུག
གདུང་སེམས་མཉམ་བསྐྱེད་ཀྱི་བརྙན་བར་ཐུང་བུ་ཞིག
ལོ་ལོན།
༸གོང་ས་མཆོག་གོད་ཆག་བྱུང་ཡུལ་དུ་གདན་འདྲེན་ཞུ་རེ།
ཟླ་བ་གཞོན་ནུས་བསྒྱུར།
༸གོང་ས་མཆོག་གོད་ཆག་བྱུང་ཡུལ་དུ་གདན་འདྲེན་ཞུ་བ།
ས་འགུལ་གནོད་འཚེ་ཐེབས་ཡུལ་གྱི་ཡུལ་ཤུལ་མི་དམངས་ནས་ཧུའུ་ཀྲུའུ་ཞི་དང་ཝུན་ཙུང་ལི་ལ་སྤྲིངས་པའི་ཡི་གེ་ཞིག ཧུའུ་ཀྲུའུ་ཞི་དང་ཝུན་ཙུང་ལི། ཁྱེད་གཉིས་སྐུ་ཁམས་བཟང་། ང་ཚོར་ས་འགུལ་གྱི་རང་བྱུང་གོད་ཆག་ཆེན་པོ་བྱུང་དུས། ཁྱེད་ཅག་ཏང་ཀྲུང་དབྱང་གིས་མྱུར་མོར་དམག་མི་མངགས་གཏོང་དང་ཕྱོགས་གང་སའི་མི་སྡེའི་སྟོབས་ཤུགས་སྤྱད་ནས་ང་ཚོ་བསྐྱབས་པ་ལ་ང་ཚོ་གོད་ཆག་བྱུང་སའི་ཡུལ་མི་རྣམས་ནས་གཞུང་ལ་དགའ་ཚོར་ཆེན་པོ་དང་གཞུང་གི་རོགས་སྐྱོར་ལ་བཀའ་དྲིན་ཞུ་བཞིན་ཡོད། འོན་ཀྱང་ང་ཚོ་ནི་ཆོས་ལུགས་དད་མོས་ཡོད་པའི་ཚོགས་སྤྱི་ཞིག་ཡིན་ལ། ང་ཚོས་ནི་སྟོན་པ་སངས་རྒྱས་ལ་དད་མོས་དང་། ཨ་མྱེས་ཡང་མྱེས་བརྒྱུད་༸རྒྱལ་བ་རིན་པོ་ཆེ་༸གོང་ས་ཏ་ལའི་བླ་མ་མཆོག་ལ་དད་གུས་བྱེད་པ་ཡིན། ད་ཐེངས་ང་ཚོའི་ལུས་སེམས་གཉིས་ཆར་བརྡབ་གསིག་ཚབས་ཆེན་ཐེབས་ཡོད་པ་ལ།
དེ་ལས་མང་བ་། “༸གོང་ས་མཆོག་གོད་ཆག་བྱུང་ཡུལ་དུ་གདན་འདྲེན་ཞུ་རེ།” »
ཞིང་འབྲོག་གྲོང་ཁྱེར་ཅན་དུ་བསྒྱུར་བར་ཁོང་ཁྲོ་གཏིང་ནས་ལངས་གི
གཞོན་ནུ་ཟླ་མེད་ནས། ལོ་ཤས་ནས་བཟུང་ཞིང་འབྲོག་མང་ཚོགས་རྣམས་གྲོང་ཁྱེར་ཅན་དུ་བསྒྱུར་བའི་འགོ་བཙུགས། རྒྱ་ཚང་གིས་ཚད་གཞི་མ་ལོངས་པའི་ཁང་པ་འོག་གི་འདྲ་དཔར་ཐོག་གསལ་བ་ལྟར་བརྒྱབ་ནས། ཞིང་འབྲོག་མང་ཚོགས་རྣམས་དེའི་ནང་དུ་བསྡུ་ཐབས་བྱས། ད་ནི་ས་ཁུལ་ཆུང་ཆུང་ཡུ་ཤུལ་རྫོང་གཅིག་བུ་ནས་མི་འདི་འདྲ་མང་པོ་ཤི་རྨས་ཐེབས་པ་རེད། རྒྱ་རྒན་དེ་ཚང་ནམ་རྒྱུན་ཡིན་ན་བོད་ཀྱི་བདག་དབང་ཆ་ཚང་ཁོང་ཚོ་ལ་ཡོད་ཟེར། དགོས་དུས་ཁང་བ་བརྡིབ་ནས་རྒྱུན་རིང་ས་གནས་སུ་འབྱོར་མི་ཐུབ་པ་དེ་ཅི་རེད། རྒྱ་རྒན་ཚང་གིས་དཔར་རྒྨགས་རྒྱུ་དང་ཕྱི་ལོག་ལ་གསལ་བསྒྲྲགས་བྱེད་རྒྱུ་མ་གཏོགས་མི་མང་སྐྱོབས་རྒྱུ་ཁོང་ཚོའི་ལས་ཀ་མིན་པ་ལྟར་སྣང་། འོག་གི་རི་མོ་ལ་གཟིགས་དང་། མིག་ཆུ་རང་དབང་མེད་པར་ཤོར། དྲ་གྲོགས་དག ཞིང་འབྲོག་མང་ཚོགས་གྲོང་ཁྱེར་ཅན་དུ་བསྒྱུར་བ་དང་། སྤྱི་ཚོགས་རིང་ལུགས་ཀྱི་ཁྱིམ་གཞི་གསར་བར་བསྒྱུར་བའི་ཐད་ལ་བསམ་ཚུལ་བཤད་དགོས། ང་ཚོ་ཞིང་འབྲོག་མང་ཚོགས་ལ་ཚད་གཞི་མ་ལོངས་པའི་ཁང་པ་འདི་འདྲ་བརྒྱབ་ནས་འགོ་སྐོར་བཏང་པ་རེད་ཡ། http://blog.163.com/qhhlzx_007/blog/static/443803201031513017215/
ངས་བཟོད་ཀྱིན་མི་འདུག
ཚེ་རིང་སྐྱིད།
གསར་འགོད་པ་ཞིག་གི་ངོས་ནས་སྐད་ཆ་འདི་ལྟར་བཤད་མི་འོས་ཀྱང་།
ངས་ག་རེ་བརྗོད་བཞིན་པ་དེ་ང་རང་ཉིད་ཀྱི་བསམ་ཚུལ་ཡིན་པ་ལས་གསར་འགོད་པ་ཞིག་དང་འབྲེལ་ཡོད་ཀྱི་ཚོགས་སྡེ་ལས་ཁུངས་སུ་ལ་ཡང་འབྲེལ་བ་མེད། ཉིན་ཤས་སྔོན་ལ་བོད་ཁུལ་གྱི་སློབ་གྲྭའི་སློབ་མ་དང་དགེ་རྒན་རྣམས་ཀྱིས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་གསར་བ་ཞིག་བྱུང་བ་དང་མཉམ་དུ་མེ་ཏོག་ལྟར་བཞད་ཀྱིན་པའི་བོད་ཀྱི་མི་རབས་གསར་བ་གང་མང་ཞིག་གི་མདུན་ལམ་བརླག་བཞིན་པ་དང་། ཡང་འཛིན་བཟུང་བྱས་ཟིན་པའི་གནས་ཚུལ་མང་པོ་ཞིག་གིས་རང་ཉིད་ཡིན་ཡང་ལྷོད་ལྷོད་དང་བདེ་སྣང་ཞིག་གཏན་ནས་མ་ཤར་བའི་སྐབས་འདི་འདྲ་ཞིག་ལ། སླར་ཡང་རང་བྱུང་གི་གནོད་འཚེ་ཡིས་ཀྱང་ང་ཚོར་ཀུ་རེ་རྩེད་པ་ལྟ་བུ་བྱུང་བས།
ང་ནི་རྡོ་ལེབ་ཚ་བོའི་སྟེང་གི་གྲོག་མ་བཞིན་འདུག་བཟོད་མེད་པར་གྱུར་གྱིན་གདའ།
༄༅། །གདུགས་དཀར་མཆོག་གྲུབ་མ་བཞུགས་སོ། །
རྒྱ་གར་སྐད་དུ།།ཨཱརྱ་ཏ་ཐཱ་ག་ཏོ་ཥྞཱི་ཥ་སི་ཏཱ་པ་ཏྲེ་ཨ་པ་རཱ་ཛི་ཏ་མ་ཧཱ་པྲ་ཏྱངྒིར་བ་ར་མ་སིདྡྷ་ནཱ་མ་དྷཱ་ར་ཎི།།
བོད་སྐད་དུ།།འཕགས་པ་དེ་བཞིན་གཤེགས་པའི་གཙུག་ཏོག་ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་པ་ཕྱིར་ཟློག་པ་ཆེན་མོ་མཆོག་ཏུ་གྲུབ་པ་ཞེས་བྱ་བའི་གཟུངས།།སངས་རྒྱས་དང་བྱང་ཆུབ་སེམས་དཔའ་དང་།།འཕགས་པ་ཉན་ཐོས་དང་།།རང་སངས་རྒྱས་ཐམས་ཅད་ལ་ཕྱག་འཚལ་ལོ།།བཅོམ་ལྡན་འདས་གཞན་གྱིས་མི་ཐུབ་པ་གཙུག་ཏོག་རྒྱལ་མོ་ལ་ཕྱག་འཚལ་ལོ།
འདི་སྐད་བདག་གིས་ཐོས་པ་དུས་གཅིག་ན།།བཅོམ་ལྡན་འདས་སུམ་ཅུ་རྩ་གསུམ་པའི་ལྷའི་གནས་ཆོས་བཟང་ལྷའི་མདུན་ས་ན་དགེ་སློང་གི་དགེ་འདུན་ཆེན་པོ་དང་།།བྱང་ཆུབ་སེམས་དཔའི་དགེ་འདུན་ཆེན་པོ་དང་།།ལྷའི་དབང་བོ་བརྒྱ་བྱིན་དང་ཐབས་གཅིག་ཏུ་བཞུགས་སོ།།དེའི་ཚེ་བཅོམ་ལྡན་འདས་གདན་གཤམས་པ་ཉིད་ལ་བཞུགས་ནས་གཙུག་ཏོར་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོངས་པར་ཞུགས་སོ།
རེ་བའི་ངུ་སྐད། མི་རབས་རྗེས་མ།
གྲང་ངར་ལྡན་པའི་སྨག་ནག་ཁྲོད། སྡུག་བསྔལ་ཁོན་ནའི་ཟས་དང་མིག་ཆུ་ཁོ་ནའི་བཏུང་བ་ལས་མེད་པར་ཟས་བརྗེད་གཉིད་བྲལ་ངང་སྡོད་པའི་མི་ཚོགས་ལ། བྱིས་པ་གསར་སྐྱེས་ཤིག་གི་ངུ་ངག་གིས་དགའ་བ་དང་རེ་བ་འཁྱུག་ཙམ་ཞིག་སྦྱིན། ཚང་མས་དར་ལུང་རྣ་བ་གཉིས་གཏད་དེ་དེ་ཕྱོགས་སུ་ཉན། ངུ་ངག་དེ་ནི་གྲང་རླུང་གིས་གཙེས་ཤིང་ཆ་རྐྱེན་ཞན་པའི་རས་གུར་ཞིག་ལས་གྲག་ཡོང་། ་་་ བུ་ཞིག་རེད་་ ཟེར་བ་གོ་བ་དང་། ཨ་མ་སྦོར་རའི་ཐང་ཆད་པའི་གདོང་བ་ལས་རེ་བའི་འཛུམ་མདངས་ཆུང་ཆུང་ཞིག་མངོན་ཙམ་བྱས། དེ་མུར་སྨན་པས་ནང་དུ་བོས་པ་བཞིན། གདོང་པ་ས་རྡུལ་གྱིས་ཁེངས་ཡོད་ནའང་། གཟུགས་སྟོབས་ཉམས་མེད་པའི་ཁམས་པའི་ཕོ་གསར་ཞིག་གུར་ནང་འཛུལ་ཡོང་བ་དེ། མདང་སྐྱེས་བུ་ཕྲུག་དེའི་ཕ་སྐྱ་ཏོ་རེད། འཛུམ་ཞིག་ལངས་ནས། སྨན་པ་ལ་ཐུགས་རྗེ་ཆེ་ཞུས་པ་དང་མཉམ།…
"བོད་མིའི་སྐྱིད་སྡུག་མཉམ་མྱོང་"ཡིན་པས་རང་གིས་རང་ལ་བདག་པོ་རྒྱོབས།
ལོ་ལོན།
ཡ་ང་བའི་གནས་ཚུལ་འདི་འདྲ་བྱུང་དུས། ལུས་སེམས་གཉིས་ཀྱིས་དེ་དང་ལེན་བྱེད་མ་ཐུབ་པར། ལུས་ཡོངས་སུ་སྦུད་ནས་དབང་ཤེས་དང་དྲན་ཤེས་ལུས་ཀྱི་ཕུང་བོ་འདི་ལས་ལོགས་སུ་ཐོན་ཡོད་པ་འདྲ། དེ་འདྲ་ཡིན་ཚེ་། ཁག་མི་འདུག་སྙམ། སྐབས་རེར་དེ་ལྟར་ཡོང་གི་རེད། འོན་ཀྱང་།
གནས་ཚུལ་སྡུག་པོ་ཞིག་གོ་མ་ཐག་ངུ་བ་ལས་དགོད་བཞག་མཁན་གཅིག་ཀྱང་ཡོད་མ་རེད། གཅིག་བྱས་ན་ཁོང་ཚོའི་སེམས་དེ་རྡོ་ལས་གྲུབ་པ་འདྲ། བོད་མི་ཁ་ཤས་ལ་ཚོར་བ་མི་འདུག མདང་དགོང་འདི་རུ་ང་ཚོ་བོད་རིགས་སྐོར་ཞིག་གིས་ཐེངས་འདིའི་སྐྱེ་དགུ་མདོའི་ས་འགུལ་ཁྲོད་ཚེ་སྲོག་ཤོར་བ་དང་རྨས་སྐྱོན་ཕོག་པ་ཚོའི་ཆེད་དུ་ཞལ་འདོན་འཚོགས་ན་ཡང་།
དེ་ལས་མང་བ་། “"བོད་མིའི་སྐྱིད་སྡུག་མཉམ་མྱོང་"ཡིན་པས་རང་གིས་རང་ལ་བདག་པོ་རྒྱོབས།” »
“བོད་མིའི་སྐྱིད་སྡུག་མཉམ་མྱོང་”ཡིན་པས་རང་གིས་རང་ལ་བདག་པོ་རྒྱོབས།
ལོ་ལོན།
ཡ་ང་བའི་གནས་ཚུལ་འདི་འདྲ་བྱུང་དུས། ལུས་སེམས་གཉིས་ཀྱིས་དེ་དང་ལེན་བྱེད་མ་ཐུབ་པར། ལུས་ཡོངས་སུ་སྦུད་ནས་དབང་ཤེས་དང་དྲན་ཤེས་ལུས་ཀྱི་ཕུང་བོ་འདི་ལས་ལོགས་སུ་ཐོན་ཡོད་པ་འདྲ། དེ་འདྲ་ཡིན་ཚེ་། ཁག་མི་འདུག་སྙམ། སྐབས་རེར་དེ་ལྟར་ཡོང་གི་རེད། འོན་ཀྱང་།
གནས་ཚུལ་སྡུག་པོ་ཞིག་གོ་མ་ཐག་ངུ་བ་ལས་དགོད་བཞག་མཁན་གཅིག་ཀྱང་ཡོད་མ་རེད། གཅིག་བྱས་ན་ཁོང་ཚོའི་སེམས་དེ་རྡོ་ལས་གྲུབ་པ་འདྲ། བོད་མི་ཁ་ཤས་ལ་ཚོར་བ་མི་འདུག མདང་དགོང་འདི་རུ་ང་ཚོ་བོད་རིགས་སྐོར་ཞིག་གིས་ཐེངས་འདིའི་སྐྱེ་དགུ་མདོའི་ས་འགུལ་ཁྲོད་ཚེ་སྲོག་ཤོར་བ་དང་རྨས་སྐྱོན་ཕོག་པ་ཚོའི་ཆེད་དུ་ཞལ་འདོན་འཚོགས་ན་ཡང་།
དེ་ལས་མང་བ་། ““བོད་མིའི་སྐྱིད་སྡུག་མཉམ་མྱོང་”ཡིན་པས་རང་གིས་རང་ལ་བདག་པོ་རྒྱོབས།” »
མྱ་ངན་དང་སེམས་གསོ།
རང་བྱུང་གནོད་འཚེའི་འོག་ནས་འདས་གྲོངས་སུ་གྱུར་པ་རྣམས་ལ་མྱ་ངན་དང་། རྨས་སྐྱོན་ཕོག་པའི་སྤུན་ཟླ་ཕོ་མོ་ཡོངས་ལ་མཛའ་བརྩེའི་སེམས་གསོ་བྱེད་པ་ནི། གདུང་སེམས་མཉམ་སྐྱེད་ཀྱི་རྣམ་པ་མཚོན་སྟངས་ཤིག་ཡིན་སྟབས། ད་རེས་འདིར། ངེད་ཁ་བརྡ་དྲ་དེབ་རྩོམ་སྒྲིག་ཚོགས་ཆུང་ནས་དྲ་དེབ་འདི་སྟེང་མྱ་ངན་ཞུ་ཚིག་དང་སེམས་གསོ་ཞུ་ཚིག་ཆེད་བསྒྲིགས་ཀྱི་ས་ཁོད་ཅིག་གཉེར་ནས། སེམས་པ་མང་པོ་ལྷན་སྦྲེལ་འདུ་ར་ཞིག་གཉེར་འབྲེལ། ཐུན་མོང་གི་སེམས་ཚོར་གཞི་གཅིག་ཏུ་བསྐྱིལ་བ་ཞིག་ཞུ་འདུན་ལགས་ན། རྒྱ་ཆེའི་སྨྱུག་འཛིན་པ་ལྷན་རྒྱས་ནས་འདིའི་གཤམ་ལ་རང་རང་གི་སེམས་ཚོར་སྤེལ་གནང་ཡོང་བ་ཞུ། ཁ་བརྡ་དྲ་དེབ་རྩོམ་སྒྲིག་ཚོགས་ཆུང་གིས།
ས་འགུལ་རྗེས་ཀྱི་སྐྱེ་དགུ་མདོའི་རྣམ་པ།
རྒྱ་ནག་གི་སྲིད་བློན་ཝུན་ཅ་པོ་སྐྱེ་དགུ་མདོར་འབྱོར་ཡོད་པ།
རྒྱ་ནག་གི་སྲིད་བློན་ཝུན་ཅ་པོ་ཚེས་༡༥ཉིན་གྱི་ཕྱི་དྲོའི་དུས་ཚོད་༦སྟེང་ཡུལ་ཤུལ་རྫོང་དུ་འབྱོར་ཡོད་པ་དང་། ས་ཡོམ་གྱི་གནོད་འཚེ་ཐེབས་པའི་ས་ཁུལ་ལ་ཕེབས་ནས་གནས་ཚུལ་རྒྱུས་ལོན་དང་གནོད་འཚེ་ཐེབས་པའི་མང་ཚོགས་ལ་འཚམས་འདྲི། གནོད་སེལ་རྒུད་སྐྱོབ་བྱ་བར་མཛུབ་སྟོན་གྱི་ལས་དོན་དངོས་ལ་ཞུགས་ཡོད་འདུག སི་ཁྲོན་ཝུན་ཁྲོན་གྱི་ས་ཡོམ་སྐབས་ཀྱི་ཚོར་སེམས་དེ་དང་། འགན་ཁུར་དེར་གསར་ལམ་ཁག་ནས་བསྟོད་བསྔགས་མང་པོ་ཐོབ་པ་ལྟ་བུ་ཞིག་འདིར་ཡང་ བྱུང་བ་ཡིན་ན། གནོད་སེལ་གྱི་བྱ་བར་རེ་བ་ཅུང་ཡོད་པ་རེད་ཅེས་གསར་འགྱུར་འདི་སྐོར་ཀློག་མཁན་མང་པོས་དྲ་ངོས་ཀྱི་གླེང་མོལ་མང་པོ་བྱས་དང་བྱེད་ཀྱིན་འདུག་པའི་གསར་གནས་སུ།
བོད་ཡིག་ལ་བར་སྟོང་འཇོག་དགོས་སམ།
ནགས་ཤོད་སད་མི།
ཉེ་ཆར་རེས་གཟའ་ལྷག་པའི་ཨ་རིའི་རླུང་འཕྲིན་ལས་བསྟན་འཛིན་བདེ་སྐྱིད་འབོད་པའི་བུ་མོ་ཞིག་གིས་བོད་ཡིག་གཅོད་མཚམས་བཞིན་བར་སྟོང་འཇོག་དགོས་པའི་རྒྱུ་མཚན་འགའ་ངར་ངར་ཤུགས་ཤུགས་ཀྱིས་བསྐྱར་བརྗོད་ཡང་བརྗོད་བྱས་ཏེ་བཤད་སོང་ལ་རྒན་བསོད་ནམས་རྒྱལ་མཚན་གྱིས་མི་དགོས་པའི་རྒྱུ་མཚན་འགའ་ལྡོག་ཏེ་དྲངས་སོང་། ཕྲན་གྱིས་གླེང་གཞི་འདི་གོ་ཐོས་བྱུང་བ་དང་པོ་མིན་ན་ཡང་། བརྗོད་གཞི་འདི་རིགས་ལ་ཐུན་མིན་གྱི་སྤྲོ་སྣང་ལྡན་ཡོད་པས་དེ་ནས་བཟུང་ཉིན་འདི་སྐོར་ལ་བསམ་གཞིགས་ནར་མར་བྱ་དགོས་བྱུང་། དེའི་ཕྱིར། ད་རེས་ངས་བརྗོད་གཞི་འདི་ཐད་གང་བསམ་དེ་དྲན་གྱི་བསམ་འཆར་འགའ་ཐད་བརྗོད་བྱ་འདོད་ཡོད།
རེད། ཏག་ཏག་རེད། བརྗོད་གཞི་འདི་རིགས་ཁྱེར་ཏེ་གླེང་སློང་བཟོ་མཁན་ཞིག་ཡོད་ན་ཏན་ཏན་ཁོང་ཚོ་ལྟ་བུའི་ཕྱི་གླིང་བའི་སྤྱི་ཚོགས་ན་འཚོ་བཞིན་པའི་ཕྱིར་སྡོད་བོད་པ་ཞིག་དང་བོད་རྒྱའི་ས་མཚམས་ན་སླས་སྡོད་བྱ་མཁན་ཞིག་ཏན་ཏན་ཡིན་དགོས་སྙམ། དེ་གང་ཞེ་ན། དཀའ་ངལ་འདི་རིགས་ཀྱི་ཡོང་གཞི་གཙོ་བོ་ནི་བོད་རང་གི་ཕ་སྐད་ཤོད་པར་ཕུ་ཆུ་ཐུར་དུ་རྒྱུག་པ་ལྟ་བུའི་བྱང་ཆ་མེད་པའི་ཉེར་ལེན་ལས་ད་གཟོད་སྡུག་སྐད་འདི་ཤོར་འོངས་བ་རེད་སྙམ། གལ་ཏེ་བོད་རང་གི་སྐད་ཆ་ཤོད་པར་བྱང་གོམས་ཚད་དང་ལྡན་པ་ཞིག་ཡོད་ཚེ། བསམ་ཚུལ་དང་དྲི་གཞི་འདི་གླེང་སྟེགས་རྭ་བར་དུས་ནམ་ཡང་སླེབས་ཐུབ་ཀྱི་མ་རེད་འདོད། འདི་ནི་ངས་བཤད་བསམ་པའི་སྐད་ཆའི་སྡོམ་ལྟ་བུ་ཞིག་ཡིན་ནའང། འདིར་ཁྱབ་མཐའ་ཡོད་པའི་སྐད་ཆ་མིན་ལ་ཡོད་དགོས་དོན་ཡང་མེད།
ཤུལ་ལུས་ཀྱི་སྐྱེ་བོ་ཚོ།
བོད ཤ་ཁྲག་རུས་གསུམ།
་་་་་་ས་ཡོམ་ཁྲོད་འདས་ཤུལ་དུ་ལུས་པའི་སྤུན་ཟླ་ཚོར།
མིག་ཀོང་མཆི་མ་ཆུ་བོ་བཞུར་བཞུར་རེད།།
རང་གི་གཉེན་ཚད་གྲོངས་པའི་ཤུལ་ལས་པ།།
རྗེས་སུ་ལུས་པའི་ཉམ་ཐག་སྐྱེ་བོ་ཚོ།།
ཡུལ་གྱར་སྤུན་ཟླའི་གདུང་སེམས་མཉམ་བསྐྱེད་ཡོད།།
སེམས་དང་བསམ་པ་ང་ཚོ་འདྲིས་ནས་ཡོད།།
རིགས་དང་རུས་པ་ང་ཚོ་གཅིག་པ་ཡིན།།
ཕྱི་ནང་གང་སར་གནས་པའི་སྤུན་ཟླ་ཚོས།།
སེམས་ཀྱི་ཆུ་མའི་ཞལ་འདེབས་ཤག་ཤག་རེད།།
གོང་ས་༸རྒྱལ་བ་རིན་པོ་ཆེའི་མཚམས་འཕྲིན།
མི་རྐང་གླིང་བུས་ཕབ་ཞུ་་བྱས།
ཁ་སང་བོད་ཟླ་གཉིས་པའི་ཚེས་སུམ་ཅུ་དང་། ཕྱི་ལོ་༢༠༡༠།ཟླ་༤པའི་ཚེས་༡༤རེས་གཟའ་ལྷག་པ་ཉིན། བོད་ཡུལ་ཁམས་སྒ་སྐྱེ་དགུ་མདོར་རང་བྱུང་གི་གོད་ཆགས་འདི་བྱུང་མ་ཐག་ཏུ་རང་ཅག་བོད་འབངས་རྣམས་ཀྱི་ཁོག་པའི་སྙིང་དང་། དཔྲལ་བའི་མིག་ཏུ་གྱུར་པའི་༸གོང་ས༸རྒྱལ་བ་ཡིད་བཞིན་ནོར་བུ་མཆོག་ནས་ཐུགས་ཕམ་ཙད་མེད་དང་བཅས་གཞིས་བྱེས་གཉིས་ལ་དཀའ་ངལ་འདི་དག་གདོང་ལེན་གྱི་ཆེད་དུ་བཀའ་བསྩལ་པ།
སྐྱེ་དགུ་མདོའི་ཆགས་འཇིག
མི་རྐང་གླིང་བུ།
༡༽
ཡུལ་ཤུལ་བོད་རིགས་རང་སྐྱོང་ཁུལ་ནི། བོད་ཆོལ་ཁ་གསུམ་དུ་ཕྱེ་བའི་ཚེ་ཁམས་པ་དང་། བོད་བཙན་པོའི་སྟོང་སྡེའི་དབང་དུ་བྱས་ན་སུམ་པའི་སྟོང་སྡེའི་ཁོངས་སུ་གཏོགས། གནའ་དུས་རྒྱ་དང་། འ་ཞ། འཇང་། ས་ལ། མི་ཉག་སོགས་མི་རིགས་དུ་མའི་ཚོང་འདུས་ཀྱི་ལྟེ་བ་དང་། ཇ་རྟ་བར་གྱི་ཚོང་ལམ་གྱི་ཕྱོགས་གཅིག་དང་། རྒྱ་དཀར་ནག་བར་གྱི་འགྲུལ་ལམ་ཀྱང་འདི་ནས་བྱེད་སྲོལ་ཡོད། གནའ་དུས་རྒྱ་ཡི་བཙུན་པ་ཐང་སན་ཀྱང་དབུས་འགྱུར་འཕགས་པའི་ཞིང་དུ་ཕེབས་པའི་ལམ་སོ་དང་རབ་སོ་བྱས་པའི་བཤད་རྒྱུན་དང་། དཔང་རྟགས་ཀྱང་བསྟན་དུ་ཡོད། དེ་རྗེས་རྒྱ་བོད་བར་གྱི་གཉེན་འབྲེལ་གྱི་སྐབས་སུ་བཙན་པོ་སྲོང་བཙན་སྒོམ་པོའི་གནའ་མ་འོན་ཤིང་ཀོང་ཅོ་གནས་འདི་ནས་ཡོངས་བ་དང་། ལམ་བར་གྱི་ཚུགས་སོ་བྱས་པའི་སྐོར་བོད་ཀྱི་རྒྱལ་རབས་དག་ན་འཁོད་ཡོད། དེ་ནས་བཙན་པོ་ཁྲི་ལྡེ་སྲོང་བཙན་གྱི་དུས་སུ་རྣམ་པ་སྣང་མཛད་འཁོར་དགུ་ཅན་གྱི་བྲག་བརྐོས་ཀྱི་ཡིག་རིགས་དང་། བཟང་པོ་སྤྱོད་པའི་སྨོན་ལམ་འགྱུར་རྙིང་དཔྱད་གཞི་རིན་ཐང་ཅན་སོགས་རྟེན་འགངས་ཆེན་ཡུལ་མིས་འབིས་རྣམ་པར་སྣང་མཛད་ཟེར་བ་མཇལ་རྒྱུ་ཡོད། རྒྱ་ཡིག་ཁག་ན་འོན་ཤིིང་ཀོང་ཅོའི་ལྷ་ཁང་ཞེས་བཏགས། གཞན་ཡང་བོད་བཙན་པོའི་དུས་སུ་བརྐོས་པའི་བྲག་རྐོས་ཡིག་རིས་ཀྱང་ད་ལྟ་ཁྲ་ལམ་མེར་མཇལ་དུ་ཡོད། དཔལ་ལྡན་ས་སྐྱ་པའི་དུས་འགྲོ་མགོན་ཆོས་རྒྱལ་འཕགས་པ་ཧོར་གོང་མའི་གཙུག་གཏོར་དུ་འདི་ནས་དད་ལྡན་མི་སེར་གྱི་རེ་བ་སྐོང་བཞིན་དུ་ཕེབས་པ་རེད། དེ་ནས་༸གོང་ས་ལྔ་པ་ཆེན་པོ་རྒྱ་ནག་གོང་མའི་ཕོ་བྲང་དུ་ཆིབས་ཞལ་བསྒྱུར་བའི་སྐབས་ཀྱང་འབྲི་ཆུའི་རབ་སོ་ཆུ་དམར་རབ་བདུན་ཟེར་བའི་གནས་འདི་ནས་ཕེབས་པ་དང་། པཎ་ཆེན་དཔལ་ལྡན་ཡེ་ཤེེས། རྒྱལ་བ་སྐལ་བཟང་རྒྱ་མཚོ། པཎ་ཆེན་ཐུབ་བསྟན་ཆོས་ཀྱི་ཉི་མ་སོགས་ཉི་མ་དང་ཟླ་བ་ལྟར་བུ་བོད་ཀྱི་སྐྱེས་ཆེན་དམ་པ་དེ་དག་གིས་རྒྱ་བོད་བར་དུ་ཆོས་སྲིད་ཀྱི་མཛད་འཕྲིན་ཉི་མའི་རྒྱུ་ལམ་ཡིན་པ་རེད།
