ཧྥ་ཤཱན་ལམ་ཡིག་ཅེས་པའི་དེབ་འདི་ནི། རྒྱའི་བཙུན་པ་ཧྥ་ཤཱན་ཕྱི་ལོ་ ༣༩༩ ལོར་སྐབས་དེའི་རྒྱ་ནག་གི་རྒྱལ་ས་ཤཱིས་ཨན་ནས་ལམ་ལ་ཆས་ཏེ།
རྒྱ་གར་དུ་འགྲུལ་བཞུད་གནང་སྐབས་ཁོང་གིས་ཟིན་བྲིས་བཏབ་པ་ཁག་ཕྱིས་སུ་དེབ་གཟུགས་སུ་བཏོན་པ་དེའི་བོད་འགྱུར་མི་འདྲ་བ་ཁག་གཉིས་ཡིན།
བོད་འགྱུར་སྔ་མ་དེ་ནི་སོག་པོ་བློ་བཟང་རྟ་དབྱངས་ཀྱིས་བསྒྱུར་གནང་མཛད་པའི་ཧྥ་ཤཱན་ལམ་ཡིག་དེ་དང།
བོད་འགྱུར་ཕྱི་མ་དེ་རཀཿར་སྤྲུལ་སྐུ་ཐུབ་བསྟན་ཆོས་དར་དང།
བཀྲས་མཐོང་ཚེ་དབང་ཆོས་རྒྱལ་རྣམ་གཉིས་ཀྱིས་བསྒྱུར་གནང་མཛད་པའི་ལམ་ཡིག་གཉིས་ལྷན་དུ་དེབ་གཟུགས་སུ་འདོན་སྤེལ་བྱས་པ་ཞིག་ཡིན།
བཀའ་ཤག་ལགས། ད་ག་པར་མགོ་འཁོར་ནས་བཞུགས་ཡོད།
བཀའ་ཤག་ལགས། ད་ག་པར་མགོ་འཁོར་ནས་བཞུགས་ཡོད། འཛམ་གླིང་སྤྱི་དང་ལྷག་པར་རྒྱའི་སྲིད་འཛིན་ཧུའུ་ཅིན་ཐའོ་དང་ཝུན་ཅ་སྦའོ་ས་ཁུལ་དེར་ཕེབས་ནས། མི་དམངས་ལ་སེམས་གསོ་གཏོང་བ་དང་། སེམས་སྐྱོ་བའི་གདོང་པ་ཞིག་བསྟན་གྱི་འདུག ཡིན་ནའང་། རང་རེས་རེ་བ་ཆེན་པོ་བཅོལ་བའི་བཀའ་ཤག་དེས་ཡི་གེ་ཚིག་སྐམ་པོ་འགའ་ལས་དེ་མིན་གྱི་ངེད་ཚོ སེམས་འགུལ་བའི་ལས་འགུལ་དང་གཏམ་བཤད་གོ་ཡས་མིན་འདུག བརྙན་འཕྲིན་ནང་དམར་དམར་གྱོན་པའི་སྐུ་ཞབས་ཚོའི་ཁྲོད་ཟམ་སྟོང་བླ་མ་མཇལ་ཡས་མིན་འདུག རླུང་འཕྲིན་ནང་། དབྱིན་ཇི་དང་། ཧིན་རྡི་དང་བོད་སྐད་མཁྱེན་མཁན་པན་ཊི་ཏའི་ཁྲོད་ཟམ་སྟོང་བླ་མ་གོ་ཡས་མིན་འདུག ཁྱེད་ཚོ་འཁོར་ཡུག་བཟང་པོ་དང་དབུ་མའི་ལྟ་བ་ལ་མགོ་འཁོར་དྲག་ནས་བོད་བརྗེད་ཡོད་ཀྱི་མ་རེད་པ། ཁྱེད་ཚོ་གཞུང་ལུགས་དང་གཏམ་བཤད་ཀྱི་ཡི་གེ་འབྲི་རྒྱུར་འབྲེལ་ནས་གཟུགས་མཐོང་བརྙན་འཕྲིན་ལྟ་ལོང་མེད་པ་མ་རེད་པ། ཁྱེད་ཚོ་རྒྱ་བོད་འབྲེལ་མོལ་གྱི་གྲ་སྒྲིག་ལ་མགོ་བོ་འཁོར་ནས་ཡུལ་ཤུལ་གྱི་མང་ཚོགས་རྣམས་ལ་བསམ་བློ་གཏོང་འཁོམ་མེད་པ་མ་རེད་པ། ད་གཉིད་སད་རོགས།…
རང་བྱུང་གནོད་འཚེ་ལས་མི་རིགས་ཀྱི་བརྩེ་སེམས་འཁྱིིལ་བ།
སྐྱེས་སར་ཀླུ་སྒྲུབ།
ཐེངས་འདིའི་ཁམས་སྐྱེ་དགུ་མདོའ་རང་བྱུང་གནོད་འཚེའི་ཐད་གཞིས་བྱེས་གཉིས་ནས་གདོང་སེམས་མཉམ་བསྐྱེད་ཀྱི་རྣམ་འགྱུར་གང་ལེགས་སྟོན་བཞིན་
པར་གུས་པས་དགའ་གུས་ཡི་རངས་ཞུ་བཞིན་ཡོད་ལ། མུ་མཐུད་བོད་རིགས་ཚང་མས་རང་ནུས་གང་ཡོད་ཀྱིས་རོགས་རམ་གནང་རྒྱུ་ནི་སུས་ཀྱང་རེ་སྐུལ་ཞུ་མ་དགོས་པར་
རང་འཁྲིའི་འོས་འགན་ཞིག་ཏུ་བརྩི་དགོས་པར་མཐོང་། དེང་གི་ཆར་མཚོ་སྔོན་བོད་སྐད་བརྙན་འཕྲིན་ཁང་གིས་གཙོས་གཞིས་ཀྱི་གསར་ལམ་ཁག་ཏུ་ས་ཡོམ་གེགས་སེལ་
ཐད་རོགས་རམ་གནང་མཁན་དང། རོགས་སྐྱོར་རྣམ་གྲངས་སྐོར་གྱི་གནས་ཚུལ་ཤིན་ཏུ་མང་མོད། འོན་ཀྱང་རང་རེ་བཙན་བྱོལ་སྤྱི་ཚོགས་ནས་བསྔོ་བ་སྨོན་ལམ་གྱི་བྱེད་
སྒོ་ཙམ་ལས། དམིགས་བསལ་གྱིས་དཔལ་འབྱོར་རོགས་རམ་ཞུ་མཁན་དེ་ཙམ་བྱུང་མི་འདུག
དེ་ལས་མང་བ་། “རང་བྱུང་གནོད་འཚེ་ལས་མི་རིགས་ཀྱི་བརྩེ་སེམས་འཁྱིིལ་བ།” »
ངས་ཁྱོད་ཀྱི་སྐད་ཆ་མི་གོ་ན་ཡང༌། ཁྱོད་ཀྱི་སྡུག་བསྔལ་གོ་ཐུབ། (འོད་ཟེར་པོད་ཁུག་ལས་བསྒྱུར)
ནགས་ཤོད་སད་མི།
ཡུལ་ཤུལ་ས་འགུལ་རྗེས་ཀྱི་ཚེས ༡༧ ཉིན། འདས་པོ་ཉིས་སྟོང་ལྷག་གི་ཕུང་པོ་ཞུགས་འབུལ་སྐབས། མི་སེམས་ཚལ་པར་གཏུབས་འགྲོ་བའི་སྐྱོ་གླུ་འདི་འདྲ་གོ་སོང༌།
པེ་ཅིང་གསར་འགོད་པ་ཞིག་གི་སྐབས་འཕྲལ་ཟིན་བྲིས་ནང་བཀོད་དོན། “ ངས་ཁྱོད་ཀྱི་སྐད་ཆ་མི་གོ་ན་ཡང༌། ཁྱོད་ཀྱི་སྡུག་བསྔལ་གོ་ཐུབ། འདི་ནི་ངས་ཡུལ་ཤུལ་ས་གནས་སུ་ཕུང་པོ་ཞུགས་འབུལ་སྐབས་རང་གི་ཨ་མ་གྲོངས་པའི་བུ་མོ་ཞིག་གི་སྐྱོ་གདུང་གི་གླུ་དབྱངས་ནང་འཇུག་བྱས་པའི་སྐད་སྒྲ་རེད། དུས་དེར། ང་ངུ་བཞིན་ངའི་གཅེན་གཅུང་ཚོས་འཐེན་གྱིན་པའི་མ་ཎི་འབྲུ་དྲུག་གི་དབྱངས་རྟ་དེ་རྫོགས་རྫོགས་བར་ཉན། མོས་སྤྱན་རས་གཟིགས་བོས་ནས་གསོལ་འདེབས་ནན་མོ་བྱས་པ་མ་ཟད། ཐུགས་རྗེ་ཆེན་མོ་ལ་གསོལ་བ་དྲག་ཏུ་བཏབ། ད་དུང༌། ཡང་ནས་བསྐྱར་དུ་ྋ རྒྱལ་བ་བསྟན་འཛིན་རྒྱ་མཚོ་བོས་ནས་གསོལ་སྨོན་ཕུར་ཚུགས་སུ་བཏབ་སོང༌། ”
ཆོ་ག་གཅིག་ལ་ཕྱག་ལེན་མི་འདྲ་བ་གཉིས།
ཆོས་རྫོང་བསྟན་པ།
ཟླ་འདིའི་ཕྱི་ཚེས་ ༡༤ ཉིན་གྱི་ཞོགས་པའི་ཆུ་ཚོད་ ༧ དང་སྐར་མ་ ༤༩ སྟེང་བོད་ཀྱི་ཡུལ་ཤུལ་ས་གནས་སམ་རྫ་སྐྱེ་རྒུ་མདོར་ས་ཡོམ་རིམ་པ་ ༧.༡ ཅན་ཞིག་བརྒྱབ་སྟེ་གནོད་པ་ཚབས་ཆེན་ཐེབས་པའི་གནས་ཚུལ་གསར་ལམ་ཁག་ཏུ་སྤེལ་བ་ལྟར་ན། རང་བྱུང་གོད་ཆག་འདིའི་ཁྲོད་ས་གནས་འདིའི་ཁང་པའི་བརྒྱ་ཆ་བརྒྱད་ཅུ་གྱ་ལྔ་རྨེག་མེད་དུ་བཏང་ཡོད་པའི་ཁྲོད། ད་ལྟ་བར་མི་དྲུག་བརྒྱ་དང་བཅུ་བདུན་རྐྱེན་ལམ་དུ་སོང་འདུག་ལ། དེའི་ནང་སློབ་ཕྲུག་ལྔ་བཅུ་ང་དྲུག་ཡོད་པར་བཤད། རྨས་སྐྱོན་ཕོག་པའི་མི་དགུ་སྟོང་བརྒྱ་དང་བཅུ་ཡོད་འདུག གར་སོང་མི་ཤེས་པའི་མི་སུམ་བརྒྱ་བཅུ་གསུམ་ཡོད་ཅེས་གསལ་བསྒྲགས་བྱས་འདུག
དེ་བཞིན་ཕྱི་ཚེས་ ༡༤ ཉིན་ྋགོང་ས་མཆོག་དང་བཙན་བྱོལ་བོད་གཞུང་གིས་བོད་ནང་གི་རང་བྱུང་གནོད་འཚེ་ཁྲོད་རྐྱེན་འདས་སུ་སོང་བ་དང་དེ་དག་གི་ནང་མིར་ཐུགས་གསོའི་འཚམ་འདྲི་དང་བསྔོ་སྨོན་སྐྱབས་འཇུག་གནང་ཡོད།
རེབ་གོང་གི་གོ་རེ།
ནགས་ཤོད་རིག་རལ།
སེང་ལྕམ་འབྲུག་མོའི་མཁར་ཤུལ་དུ་གྲགས་པའི་ཡུལ་ཤུལ། ས་ཆེན་འགུལ་ཐེངས་གཅིག་གིས་གྲངས་མེད་སྤུན་ཟླའི་ཚེ་སྲོག་སྐད་ཅིག་ནང་དུ་འཕྲོག་ཕྱིན་འདུག
རྒྱལ་ཁབ་གཞན་དུ་ས་ཡོམ་གྱི་ཤུགས་ཚད་དེ་ལས་ཆེ་བའི་ཁྲོད་དུ་མི་གྲངས་ཉི་ཤུ་ལྷག་ལས་འདས་གྲོངས་ཕྱིན་མེད་མོད། ཡ་ང་བའི་ང་ཚོའི་སྤུན་ཟླ་དེ་ཚོ་བཙན་དབང་དང་འཇམ་བསླུ་གཉིས་ཀྱི་ཁྲོད་དུ་རང་གི་ཕ་མེས་ནས་བཞག་པའི་སྦྲ་ནག་ནས་ཐོན་དགོས་བྱུང་བ་དང་། འཚོ་རྟེན་དུ་གྱུར་པའི་སྒོ་ཕྱུགས་བཙོངས་དགོས་ཐུག
རྒྱུས་མེད་པའི་ཕག་གྲུམ་སྔོན་པོའི་ཁང་པའི་ནང་དུ་འཚོ་བ་གསར་པའི་ལམ་བུ་ཞིག་བསུ་འགོ་ཚུགས་མོད་སྤུས་ཀ་མེད་པའི་ཁང་ཁྱིམ་དེ་དག་ད་ལྟ་སྲོག་གི་གཤེད་མར་གྱུར་འདུག ངོ་མ་མི་སེམས་སུ་རྨ་ཁ་བྱུང་དུས་གཉེན་བཤེས་འདས་གྲོངས་སུ་འགྲོ་བའི་རྒྱུ་རྐྱེན་ས་ཡོམ་ཙམ་དུ་རྩ་བ་ནས་འདེད་ཐུབ་ཀྱི་མི་འདུག ཁྲག་དང་མིག་ཆུས་ཚོས་པའི་སྤུན་ཟླ་ཚོའི་སྐུ་ཕུང་མིག་གིས་བལྟ་མི་གཟོད་པའི་སྐབས་སུ་ག་ས་གང་དུ་ཐར་ཐོར་དུ་ལུས་པའི་ཕག་གྲུམ་སྔོན་པོ་དེ་དག་ཅི་འདྲའི་མིག་ལ་གཟན་པ་ཞིག་རེད་ཨང་།
ཡིན་ནའང་རྐྱེན་ངན་གྲང་རེག་གིས་རྒོལ་བའི་ནམ་ཟླ་འདིར་མདོ་དབུས་ཁམས་གསུམ་གྱི་སྤུན་ཟླ་རྣམས་དང་ཡུལ་གྱར་དུ་ཡོད་པའི་སྤུན་ཟླ་ཡོངས་རྫོགས་ཀྱི་དབུགས་ཀྱི་རྒྱུ་བ་ཡུལ་ཤུལ་མི་དམངས་རྣམས་དང་མཉམ་གཏོང་བྱེད་པ་མཐོང་དུས་ངའི་སེམས་ཁོངས་སུ་ཡང་དྲོད་ཀྱི་རླབས་རྒྱུན་ཞིག་ལྡང་གི་འདུག
མུ་གེའི་སྒང་ལ་ཟླ་ལྷག ༼4/14 ས་ཡོམ་གོད་ཆག་བྱུང་རྗེས།༽
________________________________________
བསེ་རུ།
༼ཀློག་པ་པོ་རྣམ་པར་ཞུ་རྒྱུར། ཁམས་སྐྱེ་རྒུ་མདོ་ཡུལ་ཤུལ་མི་མང་འདས་གསོན་རྣམས་ལ་གདུང་སེམས་མཉམ་བསྐྱེད་དང་བསྔོ་སྔོན་གསོལ་འདེབས་ཀྱི་ཚུལ་དུ་རྩོམ་ཡིག་འདི་ཚར་གཅིག་བཀླག་རོགས་གནོངས། ༽
སྤུན་ཟླ་ཚོ། འདི་ལྟར། གསུམ་གཅིག་བཞི། བཞི་གཅིག་བཞི། ང་ཚོའི་མི་རིགས་འདི་འགྱེལ་བའི་སྟེང་རྡོག་བརྫིས་དང་། མུ་གེའི་སྒང་ལ་ཟླ་ལྷག་ཅེས་པ་ལྟ་བུར་གྱུར་ན་ཡང་། ང་ཚོའི་ཤ་ཁྲག་རུས་གསུམ་ནམ་ཡང་གཅིག་ཡིན། ང་ཚོ་སྐྱིད་ཀྱི་རྟ་ཕོ་མཉམ་བཞོན་དང་། སྡུག་གི་ཁུར་པོ་མཉམ་འཁུར་ཡིན། སྤུན་ཟླ་ཚོ། ཐུགས་མ་སྐྱོ།
ཡུལ་ཤུལ་མི་མང་ཚོ། ང་ཚོའི་ལུས་ངག་ཡིད་གསུམ་ཁྱེད་ཚོའི་ལུས་ངག་ཡིད་གསུམ་ལ་ཐིམ་ན་འདོད། སྤུན་ཟླ་ཚོ། ཁྱེད་ཚོའི་ནང་མི་སྤུན་ཉེ་ཡོད་ཚད་ང་ཚོའི་ནང་མི་སྤུན་ཉེ་ཡིན། ང་ཚོ་ཚང་མ་བོད་པ་ཡིན། ང་ཚོ་ཚང་མ་རྩེད་ཐང་གོང་བུ་རི་ནས་འཕག་པའི་སྤྲེལ་ཕྲུག་གི་རིགས་རྒྱུད་ཡིན། ང་ཚོ་ཚང་མ་བྱམས་དང་སྙིང་རྗེའི་བདག་ཉིད་ཡིན། ང་ཚོ་ཚང་མ་ཕྱག་ན་པདྨོས་རྗེས་སུ་བཟུང་བའི་གདུལ་བྱ་ཡིན། བློ་སྤོབས་སྐྱེད་དང་། མིག་ཟུང་མཆི་མས་གང་། གཟུགས་ཕུང་ན་ཟུག་གིས་གཙེས། ཡིད་སེམས་སྡུག་བསྔལ་གྱིས་མནར་ན་ཡང་། དཔའ་མ་ཞུམ། ང་ཚོ་ཚང་མ་ཁྱེད་ཚོའི་གམ་ན་ཡོད། ང་ཚོ་ཚང་མ་ཁྱེད་ཚོ་ལྷན་དུ་ཡོད། ང་ཚོ་ཚང་མ་སེམས་པ་དང་སེམས་པ་སྦྲེལ་ནས་ཡོད།
དེ་ལས་མང་བ་། “མུ་གེའི་སྒང་ལ་ཟླ་ལྷག ༼4/14 ས་ཡོམ་གོད་ཆག་བྱུང་རྗེས།༽” »
ས་ཡོམ་གྱི་ཁྲོད་གནས་པའི་འདས་གསོན་གཉིས་ལ་ཕུལ།
བོད ལྷ་ཀླུ་གཉན་གསུམ།
ཉེས་མེད་ཀྱི་སྐྱེ་བོ་ཁྲི་སྟོང་མང་བོ
སེམས་མེད་ཀྱི་འབྱུང་བའི་གནོད་པའི་ཁྲོད་དུ
རིན་ཆེན་གྱི་ཚེ་སྲོག་དབང་མེད་དུ་ཤོར་དུས
རྒྱང་རིང་གི་ཡུལ་ཕྱོགས་གང་ས་ནས
ཤ་ཁྲག་གི་འདྲིས་པ་ཟབ་པའི་རིགས་གཅིག་གི་སྤུན་ཟླ་མང་བོས
ཤ་གསེང་ལ་འདར་ཟུག་རྒྱག་ཞོར
དེ་ལས་མང་བ་། “ས་ཡོམ་གྱི་ཁྲོད་གནས་པའི་འདས་གསོན་གཉིས་ལ་ཕུལ།” »
རེ་ཐག་ཆད་སྟངས་དེ་འདི་རང་རེད།
མི་རྐང་གླིང་བུ།
(1)དེ་རིང་མདོ་ཁམས་སྐྱེ་དགུ་མདོ་མི་རྒྱུ་གཉིས་ས་འོག་ཏུ་མནན་ནས་ཉིན་གྲངས་བཞི་པ་དེ་རེད། ད་དུང་ཡང་ངུ་ངག་དང་འོ་དོད་ཀྱི་ཀློང་ནས་ཕ་མས་རང་གི་ཤ་ལས་ཆད་པའི་བུ་ཕྲུག་དང་། ཕྲུ་གུས་རང་གི་མགོ་བོ་སྔས་ས་ཕ་མའི་མིང་ནས་འབོད་བཞིན་འབོད་བཞིན། ལག་པས་མིག་ཆུ་འཕྱིད་བཞིན་འཕྱིད་བཞིན་སྡོད་གནས་རྡིབ་ཤུལ་དག་གིས་མཐའ་ནས་སྐོར་སྐོར་བྱས་ནས་ཤི་གསོན་གཉིས་ཁ་བྲལ་ཟིན་ཀྱང་ད་དུང་ཨུ་ཚུགས་ཀྱིས་རྨི་ལམ་དུ་བསྒྱུར་བའི་དུས་ཚོད་ཅིག་ཏུ་ཁེལ་འདུག འོན་ཀྱང་རྒྱ་ནག་ནང་གི་གསར་ལམ་ཁག་ཏུ་གོད་ཆགས་བྱུང་བ་ནས་ཆུ་ཚོད་༢༢ཚུན་ཆད་དུ་གློག་དང་། གཞུང་ལམ་གེགས་མེད་དུ་གཏོང་རྒྱུ་དང་། དེ་ནས་ཆུ་ཚོད་༤༨ཙམ་ནས་ཟས་གོས་གནས་མལ་སོགས་གྲ་སྒྲིགས་ཐུབ་པ་བྱ་རྒྱུ། ནད་པ་རྣམས་མྱུར་སྐྱོབས་ཐུབ་པ་བྱ་རྒྱུ། སོགས་འཁོད་ཡོད་ཀྱང་དེ་དག་གི་ཡིག་ཐོག་གི་རི་མོ་ཙམ་ཞིག་ལས་དོན་ངོ་མ་ནི་འདི་ལྟར་སྟེ། ད་དུང་ཡང་གློག་བཟོ་ཐུབ་མེད་པ་དང་།
ས་ཡོམ་རོགས་སྐྱོར་ཐད་ལ་ཞུ་སྐུལ་ལྔ།
ས་ཡོམ་གྱི་གནོད་འཚེ་ཚབས་ཆེན་ཕོག་བཞིན་པའི་རང་རིགས་སྤུན་ཟླ་ཚོར་གདུང་སེམས་མཉམ་སྐྱེད་ཐོག་མྱུར་སྐྱོབ་ཀྱི་རོགས་ཕན་གང་ནུས་བྱེད་རྒྱུར་ཕྱོགས་གང་སར་འབོད་བསྐུལ་བརྒྱུད་སྒྲོག་ཡོང་སླད་ཞུ་སྐུལ་འདི་འབུལ་གྱིན་ཡོད།
ཀ༽ རྨས་སྐྱོན་ཕོག་པ་རྣམས་ལ་དུས་ལྟར་སྨན་བཅོས་དོན་སྨིན་ཐུབ་རྒྱུ་འདི་ཁ་ཚ་དགོས་གཏུགས་ཀྱི་ལས་དོན་དང་པོ་ཡིན་པས། ཕྱི་རྒྱལ་ཁག་ནས་ཀྱང་སྨན་བཅོས་ལག་རྩལ་མི་སྣ་ཆེད་གཏོང་ཐུབ་རྒྱུ།
ཁ༽ ཁུལ་འདི་དང་འདིའི་འདབས་འབྲེལ་དག་ལ་ས་ཡོམ་སླར་འབྱུང་གི་ཉེན་ཁ་ཡོད་མེད་བརྟག་ཞིབ་གཟབ་ནན་གྱིས་དུས་ལྟར་ཉེན་སྐྱོབ་ཀྱི་གྲ་སྒྲིག་ཨང་གསར་ཐུབ་རྒྱུ།
ག༽ ཚོགས་སྡེ་ཁག་དང་སྒེར་བ་བཅས་པའི་རོགས་དངུལ་གཤམ་གསལ་ཡུལ་ཤུལ་ས་ཡོམ་མྱུར་སྐྱོབ་ཚོགས་སྡེར་ཐད་གཏོང་བྱ་རྒྱུ།
ང༽ ཐེངས་འདིར་མི་ཤི་ཁྱིམ་ཐོར་གྱི་དངོས་ཡོད་དཀའ་ངལ་ཁག་དང་དེ་འབྲེལ་གྱི་གནས་ཚུལ་ཚང་མར་རྟོག་ཞིབ་ཀྱིས་རྒྱ་གཞུང་གི་རྫུན་གཏམ་ལ་ཐེར་འདོན་བྱ་རྒྱུ།
ཅ༽ འདི་འདྲའི་ཕྱི་ནང་གི་འགལ་རྐྱེན་བྱུང་དང་འབྱུང་བཞིན་པ་དག་ཀྱང་བོད་དོན་འཐབ་རྩོད་ཀྱི་གྲོགས་སུ་འགྱུར་རྒྱུར་བོད་རིགས་ཡོངས་ཀྱི་སྐྱིད་སྡུག་མཉམ་མྱོང་གི་འདུ་ཤེས་ཆེ་རུ་སྐྱེད་རྒྱུ།
པེན བོད་ཀྱི་རྩོམ་པ་པོའི་མཐུན་ཚོགས་ནས།༢༠༡༠།༤།༡༦།
ཆབ་བྲག་ལྷ་མོ་སྐྱབས།
ང་ཚོ་བོད་པས་ལས་ངན་ཅི་འདྲ་ཞིག་བསགས་པ་ཡིན་ནམ།
རིག་པའི་རལ་གྲི
བདག་ཅག་གི་སྟོན་པས་སྐྱེ་རྒ་ན་འཆི་སོགས་སྡུག་བསྔལ་སྤྱི་འགྲོས་ནས་སོ་སོའི་སྒེར་གྱི་སྡུག་བསྔལ་བར་གསལ་བཤད་མཛད་ཅིང་། སེམས་ཅན་སྤྱི་ཡོང་ནས་སྒོས་ཀྱི་ཕ་མའི་བར་དུ་ཐུགས་ཁུར་བསྐྱེད་ཚུལ་བསླབས་ཀྱང་། ངའི་བྱིའི་བློ་གཞོན་ནུ་ནི་དེ་ལས་ཟློགས་ཕྱོགས་ཁོ་ནར་གྱུར་། ངས་བོད་ཀྱི་སྔ་ཕྱི་བར་གསུམ་གྱི་བྱུང་རབས་དང་མྱོང་རབས་ལ་ཕྱི་མིག་ཞིག་བལྟས་ན། ངས་ང་ཚོ་བོད་པས་ལས་ངན་ཅི་འདྲ་ཞིག་བསགས་པ་ཡིན་པ་དེ་ཤེས་པར་འདོད། ང་ཚོ་བོད་པ་འདི་མཐོ་ཞིང་གཙང་ལ་ཡངས་ཤིང་རྒྱ་ཆེ་བའི་མི་ཡུལ་གྱི་ཞིང་ཁམས་ཞིག་ཏུ་སྐྱེས་ཀྱང་། གཏུམ་ཞིང་རྔམ་ལ། དམར་ཞིང་ནག་པའི་ཞི་མི་ཁྱུ་གཅིག་གིས་ལུག་ཁྱུ་སྤྱང་ཀིས་གཏོར་བ་བཞིན་ཕྱོགས་བཅུར་གཏོར།
གཞིས་སུ་ལུས་པའི་བོད་མི་རྣམས་ནི།
དེ་ལས་མང་བ་། “ང་ཚོ་བོད་པས་ལས་ངན་ཅི་འདྲ་ཞིག་བསགས་པ་ཡིན་ནམ།” »
རང་བྱུང་ཁམས། ང་ཚོར་གོད་ཆགས་འདི་ཡོང་མ་འོས།
རྔ་བ་རྒྱལ་ཁམས་པ། ཨ་རི།
དེ་རིང་། ངའི་མིག་ཀོང་མཆུ་མས་གང་བས། ལམ་ཁའང་གསལ་བོར་མ་མཐོང་།
དེ་རིང་། ངའི་མགྲིན་པ་སྐྱོ་ངག་གིས་བརྣངས་བས། སྨྲ་བརྗོད་ཀྱང་གསལ་བོར་མ་ཐོན།
དེ་རིང་། ངའི་ཡ་ཁོག་སྐྱོ་སྣང་གིས་གཟིར་བས། ཡོད་ཚད་ལ་ཡི་ག་མི་འདུག
རང་བྱུང་ཁམས་འདིས་ང་ཚོར་སྡུག་ཐོག་སྡུག་བཞག་གི་གོད་ཀ་འདི་འདྲ་ཞིག་མི་འབབ།
ང་ཚོས་ལས་རྒྱུ་འབྲས་སྲུང་། བྱམས་སྙིང་རྗེ་བསྐྱེད།
དྭ་ཕྲུག་དེ་ཚོའི་ཁ་རྒྱ་ནང་ལ་བསྐོར་རྒྱུ་ཡིན་པ་འདྲ།
ད་ཐེངས་ཀྱི་ས་ཡོམ་གྱི་གོད་ཆགས་ནང་ཕ་མ་བརླག་པའི་དྭ་ཕྲུག་མང་པོ་ཞིག་བྱུང་དང་འབྱུང་བཞིན་པའི་ནང་། ཁ་སང་གནས་ཚུལ་ཤེས་པ་ལྟར་ན། ད་ལྟ་གཞུང་གིས་བདག་པོ་རྒྱག་བཞིན་པའི་དྭ་ཕྲུག་ ༢༠༨ ཡོད་ཚུལ་འདུག རྒྱ་ནག་ནང་ཁུལ་གྱི་དྭ་ཕྲུག་གཉོར་སྐྱོང་ཚོགས་པ་ཞིག་ནས་བརྗོད་པ་ལྟར་ན། ཁོ་ཚོས་དྭ་ཕྲུག་དེ་ཚོར་བདག་པོ་རྒྱག་རྒྱུའི་གྲ་སྒྲིག་ཨང་བསར་ཡོད་ཟེར། དེར་བལྟས་ན། ད་ལྟའི་ས་ཡོམ་སྐབས་བྱུང་བའི་དྭ་ཕྲུག་དེ་ཚོ། རང་གི་ཕ་ཡུལ་གྱི་རི་ཆུ་དང་། རང་མི་རིགས་ཀྱི་ཆོས་གོམས་སྐད་ཡིག་སོགས་ལས་ཁ་ཕྲལ་ཏེ། སྐད་ཡིག་དང་ཆོས་གོམས་གཤིས་ལུགས་མི་གཅིག་པའི་ཁོར་ཡུག་གསར་པ་ཞིག་གི་ནང་འཁྱེར་འགྲོ་རྒྱུ་ཡིན་པ་འདྲ་བས་འདི་དང་འདི་འདྲ་ལ་ཡང་སེམས་ཚེགས་ཐལ་བ་ཞིག་ཡོང་གི་འདུག དེ་རིང་ཁ་སང་གི་གནས་ཚུལ་དེ་ཅིག་བཙལ་བ་ཡིན་ཡང་རྙེད་མ་སོང་།
དགེ་འདུན་ལ་སྐྱབས་སུ་མཆི།
ལོ་ལོན་གྱིས། རང་གིས་རང་ལ་བདག་པོ་རྒྱོབས། ང་ཚོས་རང་གིས་རང་ལ་བདག་པོ་རྒྱག་དགོས། ང་ཚོ་འགྱེལ་ས་ནས་ཡར་ལངས་དགོས། རང་གི་མིག་ཆུ་རང་གིས་འཕྱི་བཞིན་ཡར་ལངས་དགོས། ངའི་བུ་རྒོད་ཚོ། ངའི་གཅེས་ཕྲུག་གི་ཕ་ཚབ་ལ་བཞུགས་པའི་བུ་རྒོད་ཚོ། ངའི་མ་རྒན་གྱི་ལག་རྟེན་དུ་ལངས་བའི་བུ་རྒོད་ཚོ། ངའི་འདས་པོ་དུར་ས་ལ་འཁུར་བའི་བུ་རྒོད་ཚོ། ངའི་ཤི་བོས་ཕྱིར་མིག་བལྟ་སའི་བུ་རྒོད་ཚོ། ངའི་ཤི་གསོན་གྱི་རེ་འདོད་འབོད་སའི་བུ་རྒོད་ཚོ། ཁྱེད་ཚོ་ནི། ཤམ་བྷ་ལའི་ལྷ་དམག་ཡིན་པར་འདོད། དུས་དེ་རིང་ནས་བཟུང་། དགེ་འདུན་ལ་སྐྱབས་སུ་འཆི་ཟེར་བའི་གསོལ་འདེབས་དེ་སེམས་ཀྱི་གཏིང་ནས་ཚོར་ཡོད།…
གསར་འགྱུར་ཁ་ཟིན་སྣ་ཟིན། དྲི་བ་ཐ་རེ་ཐོ་རེ།
༡ ཁ་ཆེན་དབང་ཆེན་ཞིག་ཡིན་ན་རས་གུར་གཉིས་གསུམ་རེ་འདུག་ཟེར། མི་མང་ཕལ་བ་ཚོར་རས་གུར་མི་རེག་པའི་ཐོག་ཁ་ལག་ཀྱང་རེག་གི་མི་འདུག་ཟེར། སྐྱོབས་གསོ་འབྱོར་བཞིན་པ་དེ་ཚོ་གང་དུ་ཕྱིན་པ་རེད། ༢ སྐྱོབས་གསོའི་སྒོར་མོའི་སྐོར་ད་ལྟ་ནས་རྙོག་དྲ་བྱུང་ཚར་འདུག སྐུར་མཁན་ཚོས་སྐུར་བའི་སྒོར་མོ་དེ་ཚོ་གཞུང་དང་ཚོགས་པ། མི་སྒེར་བཅས་ཀྱི་བར་ནས་གར་སོང་རྗེས་མགོ་མི་ཐོན་པར་ཆགས་འགྲོ་གི་འདུག་ཟེར། མི་རྣམས་ཤི་གསོན་མ་ངེས་པའི་དཀའ་ངལ་གྱི་སྐབས་སུའང་ལྐོག་ཟ་བྱེད་མཁན་འདི་ཚོ་སུ་ཞིག་ཡིན་ནམ། ༣ སྐྱེ་དགུ་རང་ལ་རིམ་པས་སྐྱོབས་གསོ་འབྱོར་དང་འབྱོར་བཞིན་ཡོད་ནའང་མཐའ་ཁུལ་གྲོང་གསེབ་ཁག་ལ་མིག་གིས་ལྟ་མཁན་མི་འདུག་ཟེར། དེ་ཚོར་སུ་ཡིས་མགོན་སྐྱབས་གནང་དགོས་རེད། ༤ མདོ་སྨད་ནས་ཡར་དངུལ་དངོས་གཉིས་ཀྱི་རོགས་རམ་བྱེད་མཁན་རླངས་འཁོར་གྱི་རྗེས་ལ་རླངས་འཁོར་མཐུད་ནས་མང་པོ་ཞིག་གཤར་འགྲོ་གི་ཡོད་པ་དེ་ཚོ་ལམ་བར་ནས་འགོག་གི་འདུག་ཟེར། རྒྱ་གཞུང་ཅི་ཞིག་ལ་ཞེད་གི་ཡོད་པ་རེད།…
ངོས་རང་ངོ་བསྐྱོད་ཀྱིས་སེམས་གསོ་བྱ་རྒྱུའི་འདུན་པ་ཤིན་ཏུ་ཆེ།
(དུས་བབ་ནས་བླངས།)
དེ་རིང་༧གོང་ས་མཆོག་གིས་ཐེག་ཆེན་ཆོས་གླིང་གཙུག་ལག་ཁང་དུ་གསར་འགོད་གསལ་བསྒྲགས་ཤིག་བསྐྱངས་ཏེ། ཁོང་ཐེངས་འདིའི་ས་ཡོམ་བྱུང་སར་ངོ་བསྐྱོད་གནང་སྟེ། མང་ཚོགས་ཀྱི་རེ་འདོད་བསྐངས་ཏེ་སེམས་གསོ་བྱ་རྒྱུའི་འདུན་པ་ཤིན་ཏུ་ཆེ་ཞེས་གསུངས་ཡོད།ཟླ་འདིའི་ཕྱི་ཚེས་ ༡༤ ཉིན་ཁམས་སྐྱེ་རྒུ་མདོ་རུ་ས་ཡོམ་གྱི་གོད་ཆགས་བྱུང་བའི་ཉིན་དེར་༧གོང་ས་མཆོག་གིས་འཚམས་འཕྲིན་ཕུལ་ཡོད་པར་མ་ཟད། དེ་རིང་ཉིན་གུང་༸གོང་ས་མཆོག་གིས་ཡང་བསྐྱར་ས་ཡོམ་གྱི་གོད་ཆགས་དང་འབྲེལ་བའི་སྐོར་ལ་གསར་འགོད་གསལ་བསྒྲགས་ཤིག་བསྐྱངས་ཏེ། ཁོང་གིས། ཉིན་ཤས་སྔོན་རོབ་ཙམ་བཤད་ཟིན་པ་ལྟར་ད་རེས་མཚོ་སྔོན་ཞིང་ཆེན་ཁོངས་བོད་རིགས་རང་སྐྱོང་ཁུལ་གྱི་སྐྱེ་རྒུ་མདོ་ཉེ་འཁོར་དང་བཅས་པར་ས་འགུལ་གྱི་འཇིགས་པ་ཚབས་ཆེ་བྱུང་སྟེ་མི་གྲངས་ཧ་ཅང་མང་པོ་རྐྱེན་འདས་དང༌རྨས་སྐྱོན། དེ་བཞིན་སྡོད་ཁང་དང་ཟ་ཆས་སོགས་གང་ཅིའི་ཆ་ནས་དཀའ་ངལ་བསམ་ཡུལ་ལས་འདས་པ་འཕྲད་པར་བློ་ཕམ་ཚད་མེད་བྱུང་ཡང༌། མཆོག་གསུམ་རྒྱལ་བ་རྒྱ་མཚོར་གསོལ་འདེབས་སྨོན་ལམ་བྱ་རྒྱུ་ཙམ་ལས། ས་ཁད་ཀྱིས་འགྱངས་པས་དངོས་སུ་རོགས་ཕན་བྱ་ཐབས་དབེན།
དེ་ལས་མང་བ་། “ངོས་རང་ངོ་བསྐྱོད་ཀྱིས་སེམས་གསོ་བྱ་རྒྱུའི་འདུན་པ་ཤིན་ཏུ་ཆེ།” »
ཤི་བོའི་གཞུག་གི་གསོན་པོ་ཚོ་དཀྲེས་ལྟོགས་ཀྱིས་འཆི་བཞིན་འདུག་ཟེར།
ལྷ་རྒྱལ་ལོ་མཚན་ཅན་གྱིས་འདི་གར་བསྐུར་བ། དེ་རིང་ཞོགས་པར་བོད་ལ་ཁ་པར་བཏང་ནས་གོ་ཚོད་ཡིན་ན། ཡུལ་ཤུལ་ས་ཁུལ་ལ་སྨན་བཅོས་ཀྱིས་འདང་གི་མེད་པ་དང་། ལྷག་པར་གྲོང་གསེབ་ལ་སྐྱོབ་གསོ་འབྱོར་མ་ཐུབ་པར་ལྷག་བསྡད་འདུག་པས། མང་ཚོགས་མང་བོ་ལྟོགས་སྐོམ་གྱིས་འཆི་བཞིན་པ་གྲངས་མེད་རེད། ཕ་ཡུལ་ཞིན་ཧེ་ནས་ཡིན་པའི་སྡེ་མི་ཞིག་ས་གནས་དེར་འབྱོར་ནས་བཤད་པ་ལྟར་ན། ཕྱོགས་སོ་སོའི་རོགས་སྐྱོར་མང་བོ་རྫོང་དཀྱིལ་ལ་འབྱོར་བ་ལས་གྲོང་འདབས་ཀྱི་མང་ཚོགས་དཀྱུས་མའི་ལག་ཏུ་རག་གི་ཐུབ་ཀྱི་མེད་པའི་དཀའ་ངལ་འདུག ཁོ་རང་ས་གནས་དེར་འབྱོར་སྟེ་གྲང་ངར་དང་ལྟོགས་སྐོམ་གྱིས་འཆི་བཞིན་པ་མཐོང་བས་བློས་མི་བཟོད་པ་ཞིག་རེད། ངས་རང་གི་གྱོན་པ་དག་ཕུད་དེ་ཁོང་ཚོའི་ཐོག་བསྐོན་པ་དང་། ད་ལྟ་གྲོང་འདབས་འདིའི་རྨས་མ་སྐོར་ཞིག་ལ་ཆུ་བསྐྱེལ་ནས་གནས་སྐབས་རིང་ཁོང་ཚོའི་དཀྲེས་སྐོམ་སེལ་ཐུབ་པ་བྱས་བསྡད་ཡོད་ཟེར། ཞིན་ཧེ་རྫོང་ཨ་ཚོགས་དགོན་བདེ་ཆེན་ཆོས་འཁོར་གླིང་གྲྭ་ཚང་གི་གྲྭ་བ་རེ་རེས་རྒྱ་སྒོར་བརྒྱ་རེ་ཞལ་འདེབས་ཕུལ་བ་དང་། ཡུལ་ཤུལ་གནོད་ཐེབས་ས་ཁུལ་དུ་རོགས་རམ་ཆེད་གང་མགྱོགས་རླང་འཁོར་གསུམ་ནས་བཞི་ལམ་ལ་འབུད་བཞིན་སྒང་རེད། དེ་བཞིན་ཧོལ་ཁ་བདེ་སྐྱིད་སྡེ་བ་དང་སྡེ་མི་ལྷག་བསམ་ཅན་སྐོར་ཞིག་གིས་ཀྱང་། སྐོམ་ཆུ་དང་སྟབས་བདེ་ཐུགས་པ། ཀོ་རེ་སོགས་མངག་ཉོ་བྱས་ཏེ།…
དེ་ལས་མང་བ་། “ཤི་བོའི་གཞུག་གི་གསོན་པོ་ཚོ་དཀྲེས་ལྟོགས་ཀྱིས་འཆི་བཞིན་འདུག་ཟེར།” »
ཆགས་འཇིག་ནག་པོ།
ཨ་ཚོགས་བློ་བྷེ། (ཧྥ་རན་སི)
སུས་ཀྱང་ཚད་མི་ཟིན་པའི་རང་བྱུང་གི་ཆགས་འཇིག
སུས་ཀྱང་ཚོད་མི་ཟིན་པའི་ཚེ་སྲོག་གི་གོད་ཆག
རྨི་འཕྲུལ་ཀྱི་ཀུ་རེ་ཞིག་དང་འདྲ་བའི་མྱིའི་མི་ཚེ་ཟེར་བ།
ལྷུང་ཆོག་ཆོག་མིག་ཆུ་ཞིག་རེད།
སྨྲེང་ཆོག་ཆོག་གི་སྐྱོ་སྣང་ཞིག་རེད།
ཞལ་འདེབས་ཚང་མ་མི་མང་གི་ལག་པར་སླེབས་ཐབས།
ས་ཡོམ་ནི་རྒྱབ་ཚར་རེད། བོད་མི་མང་པོ་ཞིག་གི་ཚེ་སྲོག་ནི་ཤོར་ཚར་རེད། ད་སེམས་སྐྱོ་ནའང་དེ་ལ་བཅོས་ཐབས་ནི་སུ་ལའང་ཡོད་མ་རེད། ང་ཚོའི་ངོས་ནས་སྨོན་ལམ་རེ་འདེབས་རྒྱུ་དང། ཞལ་འདེབས་རེ་ཕུལ་བ་ལས་གང་ཡང་བྱེད་རྒྱུ་མི་འདུག བོད་མི་དང་བོད་མི་མ་ཡིན་པ་མང་པོ་ཞིག་ནས་ཞལ་འདེབས་ཕུལ་མཁན་མང་པོ་ཞིག་ཡོང་གི་རེད་འདོད། ཞལ་འདེབས་རྣམས་ཚོགས་པ་འདྲ་མི་འདྲའི་མིང་ཐོག་ཕུལ་ནས་ཁ་ཐོར་དུ་གཏོང་མི་དགོས་པ་གལ་ཆེ། ལྷག་པར་དུ་རྒྱ་གཞུང་གི་ལས་ཁུངས་རིམ་པ་བརྒྱུད་ནས། ཟས་མི་ལག་བརྒྱུད་ན་ཇེ་ཆུང་གི་དཔེ་རུ་མ་སོང་བར་མི་མང་གི་ལག་པར་ཐད་ཀར་འགྲོ་བ་ཞིག་བྱུང་ན། ཆུ་ཐིགས་བསགས་པའི་རྒྱ་མཚོ་དང་། མེ་ཏོག་ཆུང་རུང་ལྷ་རྫས་ཀྱི་དཔེ་བཞིན་འབྱོར་དགོས་སའི་མི་མང་གི་ལག་པར་རེག་པ་ཞིག་བྱུང་ན་ཕུལ་མཁན་ཞིག་ཡིན་རུང་སེམས་བདེ་བའི་ཁྱད་རེད། སྔོན་མ་ཞིག་ལ་བོད་ནང་གངས་འཁྱག་ལྷུང་བའི་སྐབས་ཤིག་ཀྱང་བཙན་བྱོལ་སྤྱི་ཚོགས་ནས་ཞལ་འདེབས་ཕུལ་རེད། ༧རྒྱལ་བ་རིན་པོ་ཆེ་གཅིག་པོའི་ངོས་ནས་ཀྱང་དངུལ་གང་འཚམས་ཤིག་བཏང་བ་རེད། རྗེས་སུ་མི་མང་གི་ལག་ལ་ཞེ་དྲག་སླེབས་མེད་པའི་སྐད་ཆ་ཞིག་བྱུང་བ་དྲན། ད་ཐེངས་དེ་ལྟར་མ་ཡོང་བའི་ཆེད།…
གདུང་སེམས་མཉམ་བསྐྱེད། རོགས་སྐྱོར་ཨང་དང་པོར་ཞོག
རིག་འབྱུང་དོན་གྲུབ་བཀྲ་ཤིས། ཨ་རི།
དང་པོ།
སྐྱེ་དགུ་མདོར་ས་ཡོམ་གྱི་གནས་ཚུལ་བྱུང་བ་དང་། བོད་ཕྱི་ནང་གི་ཚགས་པར་དང་རླུང་འཕྲིན། བརྙན་འཕྲིན་། དྲ་བ་སོགས་གསར་འགྱུར་བརྒྱུད་ལམ་ཁག་ཏུ་། རྣ་བས་ཐོས་བ་དང་མིག་གིས་མཐོང་བ་ནི་བོད་མི་ཚོའི་ངུ་འབོད་དང་འོ་དོད། སེམས་གསོ། གསོལ་འདེབས། བསྔོ་སྨོན་བཅས་རེད། དཔེར་ན། ཁ་བརྡ་དྲ་ཚིགས་དང་དུས་དེབ་སོགས་སུ་ཡང་ས་ཡོམ་གྱི་གནས་ཚུལ་འདི་གཅིག་པོའི་སྐོར་ལ་མཆན་བུ་ལྔ་བརྒྱ་ལོན་པ་འདུག ད་དུང་། ཁ་བརྡའི་ངོས་སུ་ཉིན་གཉིས་ཀྱི་རིང་ལ་ས་ཡོམ་གྱི་གནས་ཚུལ་དང་འབྲེལ་བའི་རྩོམ་ཡིག་༢༡ཙམ་སྤེལ་འདུག འདི་ལྟར་བསམ་བློ་གཏོང་གིན་གཏོང་གིན། གཞིས་ལུས་རྒྱ་ཆེའི་མི་མང་གིས་རྒྱ་ནག་གི་གཉའ་གནོན་འོག་མི་འདོད་པའི་སྡུག་བསྔལ་མྱོང་བཞིན་པའི་ཐོག་ལ། སྡུག་བསྔལ་ཉིས་བརྩེགས་ལྟ་བུར་རང་བྱུང་གི་གོད་ཆག་འདི་ལྟ་བུ་བྱུང་དུས། བོད་མི་ཚོའི་ཁྲོད་ན། སེམས་མི་སྐྱོ་མཁན་དང་ཞེ་མི་སྡུག་མཁན་སུ་ཞིག་ཡོད་དམ། ཤི་རྨས་བྱུང་བ་ཚོའི་ཆེད་དུ་བསྔོ་སྨོན་མི་བྱེད་མཁན་སུ་ཞིག་ཡོད་དམ། འོན་ཀྱང་། དེ་ལས་ཀྱང་གལ་ཆེ་བ་ནི། ཁ་ཡོད་ལག་ཡོད་ཀྱི་རོགས་སྐྱོར་བྱེད་ཐབས་དེ་ཨང་དང་པོར་འཇོག་རྒྱུ་དེ་རེད།
དེ་ལས་མང་བ་། “གདུང་སེམས་མཉམ་བསྐྱེད། རོགས་སྐྱོར་ཨང་དང་པོར་ཞོག” »
