ཁྲོ་གཏུམ། ལས་དབང་གི་ཐོད་པ རུས་ཀོག་སྐྱི་བཏུམས་ཀྱི་ཐོད་པ ཐོད་པའི་ཁ་ཡིག་ཀློག་འདོད་ཡོད ཐོད་པའི་ཁ་ཡིག་མཐོང་འདོད་ཡོད སེམས་པ་བཅུམ་དྲག་རྐྱེན མིག་ཟུང་ཞ་ར་རུ་གྱུར་དོན་ཅི དྲན་པའི་ཡ་ཆུང་ལ་བལ་རྒྱབ་རྐྱེན བསམ་གཞིག་གི་མདུན་ལམ་ནས་ཐང་ལ་རྒྱབ ལམ་བུ་དེད་དེ་རི་ལམ་ལ་ཞུགས མ་མཐོང་ན་སྒང་ལ་འབུད་དགོས་བསམ སྒང་དེ་ནས་ཅི་ཞིག་མཐོང་ཡོང་བསམ…
གཞུང་པ་ཚེ་དབང་བསོད་ནམས། རྒྱལ་ཁབ་དང་མི་རིགས་ལ་དཀའ་སྡུག་དང་དར་རྒུད་ཀྱིས་ལོ་རྒྱུས་སོགས་ལ་ཞིབ་ཏུ་དཔྱད་སྐབས་བོད་ས་མཐོ་འཛམ་གླིང་ས་ཡིས་ཡང་རྩེ་རུ་ཆགས་པའི་ཧི་མ་ལ་ཡིས་ཁྱག་རོམ་ཁྲོད་བོད་ཡུལ་གངས་རིའི་བསྐོར་བའི་གངས་ལྗོངས་ཆོས་སྲིད་གཉིས་ལྡན་གྱིས་ཞིང་ཁམས་ཕན་དང་བདེ་བ་མ་ལུས་པ་འབྱུང་བའི་གནས་ལྷ་ཡུལ་ས་ལ་འཕོས་འདྲའི་བོད་ཡུལ་དེ་སྤྱི་ལོ་ ༡༩༤༩ ནས་བོད་ཤར་ཕྱོགས་མདོ་ཁམས་སྨད་ནས་འགོ་བཙུགས་ནས་རྒྱ་ནག་ཀླ་ཀློའི་དམར་དཔུང་རྒྱང་བསྐྱོད་ཀྱིས་བསམ་སྦྱོར་ངན་པའི་དྲག་དཔུང་གིས་བོད་ནང་བཙན་འཛུལ་རྒྱ་བསྐྱེད་ཀྱིས་མཐར་སྤྱི་ལོ་ ༡༩༥༩ ལོར་བོད་ས་ཡོངས་རྫོགས་རྒྱ་ཡིས་བཙན་འོག་ཏུ་ཚུད་ཀྱང་བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་༧ སྤྱི་ནོར་༧ གོང་ས་༧ སྐྱབས་མགོན་ཆེན་པོ་མཆོག་བོད་བསྟན་སྲིད་མི་རིགས་དང་བཅས་པའི་མགོན་དང་དཔུང་གཉེན་དམ་པར་རྒྱ་གར་འཕགས་པའི་ཡུལ་དུ་༧ ཞབས་སོར་བཀའ་དྲིན་བསྐྱངས་ནས་བོད་མི་བཙན་བྱོལ་བའི་དཀའ་ངལ་སེལ་སླད་གནས་ཡུལ་རྒྱ་གར་གཞུང་དང་ཕྱི་རྒྱལ་རོགས་ཚོགས་ཁག་ལ་རོགས་རམ་ཐབས་ཚོལ་གྱིས་བོད་ས་མཐོ་ས་ནས་འབྱོར་བའི་བོད་མི་རྣམས་རང་ཡུལ་ནས་ཉིན་མཚན་མེད་པར་གངས་རི་དང་། རྫ་རི། བྲག་རི། གཡའ་རི། ཆུ་རོང་སོགས་མི་མེད་ལུང་སྟོང་བརྒྱུད་ནས་ནང་མི་བུ་ཕྲུག་དང་། ཕ་མ།…
དེ་ལས་མང་བ་། “བཙན་བྱོལ་བོད་མིའི་དཀའ་སྡུག་གི་ནམ་ཟླ་ནས་ཡར་རྒྱས་ཀྱི་ཁ་ཕྱོགས་གླེང་བ།” »
གཞུང་པ་ཚེ་དབང་བསོད་ནམས། དེང་སྐབས་འཛམ་གླིང་ཤར་ནུབ་དང་ལྷོ་བྱང་ནང་ཡོད་པའི་རྒྱལ་ཁབ་མང་ཆེ་བ་མང་གཙོ་ ༼ Democracy ༽ ལམ་ལུགས་ནང་ཁ་ཕྱོགས་ནས་གཞུང་སྲིད་སྐྱོང་བའི་ལམ་ལུགས་མི་འདྲ་བ་དུ་མ་ཡོད་པའི་ནང་ནས་འདིར་དཔེ་མཚོན་ཙམ་དུ་ཞུས་ན་དར་ཁྱབ་ཆེ་བ་དེ་སྲིད་འཛིན་ལམ་ལུགས ༼ Presidential System ༽ དང་གྲོས་ཚོགས་ལམ་ལུགས་ ༼ Parliamentary System ༽…
(༸སྐྱབས་རྗེ་ཟམ་གདོང་རིན་པོ་ཆེ་དགུང་གྲངས་ ༨༤ ཕེབས་པར་ཕུལ།) གཡུ་སྒང་དགེ་འདུན་ ༡༽བློ་བཟང་མཚན་དཔེ་དཀྱིལ་འཁོར་རྫོགས་པའི་སྐུ།། བསྟན་འཛིན་སྐྱེ་འགྲོར་ཚངས་དབྱངས་སྒྲོགས་པའི་གསུང་།། ཇི་སྙེད་ཆོས་ཀྱི་རྒྱལ་མཚན་བསྒྲེངས་པའི་ཐུགས།། ས་སྟེང་མཁས་པའི་གཙུག་རྒྱན་ཁྱེད་ལ་འདུད།། ༢༽ལུགས་གཉིས་ཆུ་ཀླུང་ཆེན་པོའི་དེད་དཔོན་དེ།། གླིང་ཆེན་ཁྲིམས་དོན་མཁས་པའི་སྨྲ་སྒོ་དག ། འགག་པར་རྣམ་དཔྱོད་རིག་པའི་རལ་གྲི་ཅན།། འཛམ་གླིང་ཉི་མའི་ཕྱག་རྟེན་ཁྱེད་ཉིད་ལགས།།…
བེ་རི་རིག་པའི་རྡོ་རྗེ། ཕྱི་ལོ་ ༢༠༢༣ ཟླ་ ༩ ཚེས་ ༢༣ ཉིན། རང་རེའི་སོག་པོའི་གྲྭ་བ་མེ་ར་མགོན་པོ་ Myaraigombo ལགས་ཀྱིས་དུས་ཚོད་བཀོད་སྒྲིག་གནང་བ་བཞིན། སོག་པོའི་ཨ་མ་སྒྲོལ་དཀར་ Dolgor ལགས་ཀྱིས།…
གཞུང་པ་ཚེ་དབང་བསོད་ནམས། འཇིག་རྟེན་གྱི་ས་གཞིི་འདི་ཆགས་པ་ནས་༼ གདོན་མའི་སྤྱི་ཚོགས་ཀྱི་དུས་རབས་རྫོགས་ནས ༽ མི་གི་འགྲོ་བ་འཕེལ་བའི་བརྒྱུད་རིམ་ནང་རིམ་པས་བཟའ་ཚང་ཁྱིམ་འཚོ་ཟིན་ནས་བུ་ཕྲུག་གསོ་སྐྱོང་དང་ཁྱིམ་ཚང་གི་འཚོ་བའི་མདུན་ལམ་གཉེར་རྒྱུ་སོགས་སྐད་དང་ཤ་མདོག་གཅིག་པའི་མི་རིགས་རྣམས་མཉམ་འདུས་ཀྱིས་ལམ་ལུགས་གསར་གཏོད་འོག་ནས་མི་རིགས་སོ་སོར་དབང་བའི་ས་ཆ་དང་། ས་ཆ་དེའི་སྟེང་དུ་མི་རིགས་འཚོ་གནས་ཐུབ་པའི་ཞིང་འབྲོག་གི་འཚོ་བ་ས་ཞིང་འཕྲུ་སློག་གི་ཞིང་ལས་འབྲས་དང་འབྲུ་འདེབས་ལས་བྱེད་མཁན་ལ་ཞིང་པ་ཟེར་བའི་ཐ་སྙད་དེ་ཐོགས་པ་དང་། དུད་འགྲོ་སེམས་ཅན་གསོ་ཉར་བྱ་མཁན་ལ་འབྲོག་པ་ཟེར་བའི་ཐ་སྙད་དེ་རྟགས་ནས་ཞིང་འབྲོག་གཉིས་ཀྱིས་འཚོ་བའི་འོག་མི་རིགས་འཚོ་བཞིན་པ་ནས་མི་རིགས་སོ་སོར་ལྟ་རྟོགས་བྱེད་མཁན་འགོ་ཁྲིད་མི་མང་ནས་མི་རྒན་གྲས་འགོ་དཔོན་ལ་བསྐོས་ནས་འགོ་ཁྲིད་ཀྱི་ལམ་སྟོན་འོག་མི་མང་ནས་ལས་དོན་སྒྲུབ་དགོས་པའི་ལམ་ལུགས་གསར་གཏོད་དང་། མི་རིགས་མཉམ་འདུས་ཀྱིས་སྒྲིག་འཛུགས་དེ་ལ་སྡེ་འཚོ་ཟེར་བའི་མིང་དེ་རྟགས་པ་དང་། རིམ་པས་སྤྱི་ཚོགས་ཀྱི་འཕེལ་རིམ་དང་དུས་ཀྱི་འགྱུར་བའི་འོག་ནས་སྡེ་འཚོ་ཟེར་བའི་སྒྲིག་འཛུགས་དེ་ཡང་རྒྱལ་ཁབ་ཟེར་བའི་མིང་གི་ཐ་སྙད་དེ་རྟགས་ནས་འཛུགས་བསྐྲུན་གྱི་ལས་གཞི་བཟོ་ལས་དང་འཕྲུལ་ལས་འཐོན་བསྐྱེད་གསར་གཏོད་འོག་ནས་རྒྱལ་ནང་གི་དཔལ་འབྱོར་ལ་འགན་འཁུར་ནས་མི་མང་གི་སྐད་ཡིག་དང་ཤེས་ཡོན་རིག་གནས་སློབ་གསོ། མང་ཚོགས་ཀྱི་འཕྲོད་བསྟེན། འཁོར་ཡུག་སྲུང་སྐྱོབས་ཆེད་རི་ལུང་རྩ་ཚིག་སོགས་རྒྱལ་ཁབ་ཀྱི་དཔལ་འབྱོར་དང་མི་མང་གི་འཚོ་བ་བཅས་ལ་ཡར་རྒྱས་ཀྱི་རྣམ་པ་གསལ་དུ་ཕྱིན་ནས་རྒྱལ་ཁབ་ཕན་ཚུན་བར་ཚོང་འབྲེལ་ལམ་ལུགས་གསར་གཏོད་འོག་ནས་ཕྱི་དངོས་ནང་འདྲེན་དང་ནང་དངོས་ཕྱི་གཏོང་སོགས་རྒྱལ་ཁབ་ཕན་ཚུན་བར་ཚོང་ལས་རྒྱ་བསྐྱེད་འོག་ནས་གཞུང་དང་མི་མང་བཅས་ཀྱི་དཔལ་འབྱོར་ལ་ཚད་མཐོའི་ཡར་རྒྱས་ཡོད་ན་ཡང་དོན་དངོས་མི་ལ་དགོས་པ་དེ་ཞི་བདེ་ལྷིང་འཇགས་དང་བདེ་སྐྱིད་ཕུན་སུམ་ཚོགས་པ་དེ་ཡིན་ན་ཡང་མི་གི་འདོད་པ་ལ་མཐའ་མེད་པ་ནས་ཆེ་ས་རྒྱལ་ཁབ་ཕན་ཚུན་བར་ས་མཚམས་ཀྱི་རྩོད་རྙོག་དང་། འབྲིང་ས་སྡེ་ཚོ་ཕན་ཚུན་བར་ཙ་ཟ་ཆུ་འཐུང་གི་རྩོད་རྙོག་དང་། ཆུང་ས་གྲོང་པ་ཁྱིམ་མཚེས་བར་ཁབ་སྐུད་སྤྲོད་ལེན་གྱི་རྩོད་རྙོག་སོགས་ཉོན་མོངས་པ་དང་མ་རིག་པའི་དབང་གི་མི་གི་སྤྱི་ཚོགས་འདི་གཅིག་གི་གཅིག་ལ་འཁོན་སེམས་དང་། ཕྲག་དོག ཐུབ་ཚོད་དང་།…
གཞུང་པ་ཚེ་དབང་བསོད་ནམས། སྤྱི་ལོ་ ༡༩༥༩ ལོར་བོད་ས་ཤོར་ནས་བོད་མི་ཁྲི་ཚོ་རྒྱད་ལྷག་ཙམ་ཞིག་༧ གོང་ས་མཆོག་གིས་༧ ཞབས་རྗེས་སུ་འབྲང་ནས་རྒྱ་གར་འཕགས་པའི་ཡུལ་དུ་འབྱོར་ནས་འཚོ་ཐབས་གནས་ཡུལ་ལུང་པའི་འཁོར་ལམ་བཟོ་བཅོས་ཆེད་ཧི་མ་ཅལ་མངའ་སྡེ་དང་། གང་ཏོག་འབྲས་ལྗོངས་ཁུལ་སོགས་རྒྱ་གར་གྱི་མཐའ་མཚམས་མངའ་སྡེ་ཁག་གི་ནང་གནས་སྐབས་འཚོ་རྟེན་ལམ་བཟོ་རྒྱུག་པ་དང་། ༧གོང་ས་མཆོོག་དང་ཁོང་གི་བཀའ་ཤག་ལྷན་རྒྱས་ནས་སྐབས་དེའི་རྒྱ་གར་གྱི་སྲིད་བློན་དམ་པ་པཎྜི་ཏ་ནེ་རུ་མཆོག་ལ་བོད་མི་བཙན་བྱོལ་བ་རྣམས་རང་ཡུལ་དུ་ཕྱིར་ལོག་མ་ཐུབ་བར་རྒྱ་གར་དུ་འཚོ་གནས་ཐུབ་པའི་རོགས་མགོན་སྙན་སེང་ཞུས་པ་བཞིན་བོད་མི་བཙན་བྱོལ་བ་ཚོའི་ཕྲལ་ཕུགས་ཀྱི་འཚོ་བའི་བསྐོར་དང་། ན་གཞོན་ཚོར་ཤེས་ཡོན་སློབ་གསོའི་བསྐོར། བོད་མི་རིགས་གསོན་གནས་ཐུབ་པའི་བོད་མིའི་ཆོས་དང་རིག་གཞུང་སྐད་ཡིག་སོགས་རྒྱུན་གནས་ཐུབ་པའི་བསྐོར་སོགས་ལ་རྒྱ་གར་གཞུང་ནས་མཐུན་སྦྱོར་ཚད་མཐོའི་རོགས་སྐྱོར་འོག་བོད་མིར་རན་པའི་བཟོ་གཞིས་ཁག་དང་། སོ་ནམ་གཞིས་ཆགས་ཁག ནང་བསྟན་མི་ཉམས་གོང་འཕེལ་ཆེད་ཆོས་སྒར་ཁག ཤེས་ཡོན་གྱི་གཏི་གནས་སློབ་གྲ་ཁག་དང་། དྭང་སློབ། རྒན་གསོ་ཁང་སོགས་གནས་ཡུལ་གཞུང་ནས་བོད་མི་ཚོར་འགྲོ་བ་མིའི་འདུ་ཤེས་དང་ལོ་ངོ་སྟོང་ཕྲག་མང་པོའི་ཆོས་དང་ཤེས་རིག་གི་འབྲེལ་ལམ་བཟང་པོ་སོགས་ལ་འགན་འཁུར་ནས་ཚད་མཐོའི་རོགས་རམ་མཐུན་བསྒྱུར་གནང་བ་ལ་བརྟེན་ནས་བཙན་བྱོལ་བོད་མིའི་འཚོ་བའི་གནས་སྟངས་དེ་ལོ་རེ་ནས་ལོ་རེ་བཞིན་ཡར་རྒྱས་ཀྱི་ཕྱོགས་སུ་འགྲོ་གི་ཡོད་ན་ཡང་ང་ཚོའི་དམིགས་ཡུལ་ངོ་མ་རང་ཡུལ་རང་བདག་ཆེད་མི་ཡུལ་དུ་བཙན་བྱོལ་དུ་སླེབས་པ་ནས་དུས་ད་ལྟ་བར་ང་ཚོའི་བོད་དོན་བདེན་མཐའ་སེལ་ཐབས་ལ་འབད་བརྩོན་ཇི་ཙམ་བྱས་ཀྱང་ཕ་རོལ་དགྲ་བོའི་ངོས་ནས་བཟང་ཕྱོགས་ཀྱི་བརྡ་ལན་ཕར་བཞག་བོད་ཡུལ་རྒྱ་ཡུལ་ལ་རྒྱུར་རྒྱུ་དང་བོད་མི་རིགས་འདི་རྒྱ་མི་རིགས་ལ་རྒྱུར་རྒྱུའི་ཆབ་སྲིད་ནག་པོ་དངོས་སུ་འཛམ་གླིང་མི་མང་མདུན་དུ་ངོམས་བཞིན་པའི་སྐབས་འདིར་ང་ཚོ་རང་དབང་ལུང་པའི་ནང་དེ་སྔོན་༧གོང་ས་མཆོག་ནས་སྐུ་ཚེ་ཧྲིལ་པོ་སྐུ་ལས་སྐྱོན་པའི་བཙན་བྱོལ་བོད་མིའི་མང་གཙོའི་སྒྲིག་འཛུགས་ཀ་བ་གསུམ་འགན་དབང་འདྲ་མཉམ་ཐ་དད་དུ་ཡོད་པའི་མང་གཙོ་ཁྲིམས་ཀྱི་དབང་བསྒྱུར་གྱིས་སྒྲིག་འཛུགས་དེ་དག་འཛམ་གླིང་མིི་མང་ལ་ངོམས་སུ་ཆོག་པ་ཡོད་པ་འདི་ཡང་སྤྱི་འཐུས་སྐབས་བཅུ་དྲུག་གི་ཁྲིམས་འགལ་གྱིས་གྲོས་ཆོད་ཡིག་ཆ་ཨང་…
གཞུང་པ་ཚེ་དབང་བསོད་ནམས། སྤྱི་ལོ་ ༡༩༥༩ ལོར་བོད་ས་ཤོར་ནས་༧ གོང་ས་མཆོག་གི་དབུ་ཁྲིད་འོག་ཁོང་གི་བཀའ་ཤག་ལྷན་རྒྱས་དང་ཞི་བའི་མི་མང་ཁྲི་ཚོ་བརྒྱད་ལྷག་ཙམ་བཅས་༧ གོང་ས་མཆོག་གི་ཕེབས་རྗེས་སུ་འབྲང་ནས་རྒྱ་གར་འཕགས་པའི་ཡུལ་དུ་འབྱོར་མ་ཐག་དྲུག་བཅུ་ཐམ་པའི་ལོར་༧ གོང་ས་མཆོག་གི་བཀའ་སློབ་ལམ་སྟོན་འོག་བཙན་བྱོལ་བོད་མིའི་མང་གཙོའི་སྒྲིག་འཛུགས་འདི་བཙུགས་ནས་ཆོལ་གསུམ་ཆོས་ལུགས་དང་བཅས་པའི་བོད་མི་མང་གི་སྐུ་ཚབ་སྤྱི་འཐུས་སྐབས་དང་པོའི་ལས་འཁུར་དམ་བཅའ་དེ་༼མ་ཎི་བཀའ་འབུམ་༽མདུན་དམ་འབུལ་ཞུས་ནས་དངོས་སུ་ལས་འཁུར་བླང་པ་ནས་བཟུང་བཙན་བྱོལ་བོད་མིའི་བཅའ་ཁྲིམས་ཀྱི་ནུས་པ་མ་ཐོན་བར་སྤྱི་འཐུས་སྐབས་བཅུ་པ་བར་སྤྱི་འཐུས་ཀྱི་ལས་འཁུར་དམ་བཅའ་དེ་༼མ་ཎི་བཀའ་འབུམ་༽མདུན་འབུལ་བཞིན་པ་དང་། བཙན་བྱོལ་བོད་མིའི་བཅའ་ཁྲིམས་ཀྱི་ནུས་པ་ཐོན་ནས་སྤྱི་འཐུས་སྐབས་བཅུ་གཅིག་ནས་སྤྱི་འཐུས་ཀྱི་ལས་འཁུར་དམ་འབུལ་དེ་ཆེས་མཐོའི་ཁྲིམས་ཞིན་པ་ཆེ་བའི་མདུན་བཅའ་ཁྲིམས་ནང་གཏན་འབེབས་ཟིན་པའི་ཚིག་བརྗོད་ལྟར་དམ་བཅའ་འབུལ་བཞིན་པ་ནས་ད་ལྟའི་ཆ་ལ་སྤྱི་འཐུས་སྐབས་བཅུ་དྲུག་གི་གྲོས་ཚོགས་ཚོགས་དུས་བཅུ་པའི་ཐོག་ཁྲིམས་འགལ་གྱི་གྲོས་ཆོད་ཡིག་ཆ་ཨང་ ༣༩ ཟེར་བ་དེའི་ཤུགས་རྐྱེན་འོག་ནས་ད་ལྟ་བར་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་གཅིག་ལས་མེད་པ་དང་། བཀའ་བློན་ཆ་ཚང་བསྐོ་མ་ཐུབ་པ་དང་། གལ་སྲིད་བསྐོ་ཐུབ་པའི་དབང་དུ་བཏང་ཡང་དམ་བཅའ་འབུལ་སའི་ཡུལ་མེད་པ་དང་། ཉེ་ལམ་སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་དྲུག་པ་དེ་དག་འཇུག་བསྡུ་མ་ཐུབ་པའི་གནས་སྟངས་ངོ་ཚ་ཁ་སྐྱེངས་སོགས་ལ་བལྟ་སྐབས་ང་ཚོ་མི་མང་ནས་ཡིད་ཆེས་དང་རེ་བ་བཅོལ་སའི་ཨ་ཡོད་ནང་གི་ད་ཡོད་དང་སྒོ་ངའི་ནང་གི་སེར་རིལ། སྟོང་དཀྲུགས་བརྒྱ་འདེམས་བྱས་པའི་སྤྱི་འཐུས་ཚོའི་ཕྱག་ལས་གནང་སྟངས་ལ་ཞིག་ན་བཅའ་ཁྲིམས་བསྐྱར་བཅོས་ཀྱི་བརྒྱུད་ནས་མི་མང་གི་མངོན་འདོད་སྒྲུབ་ཐུབ་པའི་རེ་བ་ཅང་མ་མཐོང་བ་ནས་ད་ལམ་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་གང་ཟག་སྒེར་གྱི་བསམ་ཚུལ་གླེང་གི་ཡོད། མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་།…
དེ་ལས་མང་བ་། “བཙན་བྱོལ་བོད་མིའི་མང་གཙོའི་འཕེལ་རིམ་ལ་དཔྱད་པའི་གཏམ།” »
གཞུང་པ་ཚེ་དབང་བསོད་ནམས། སྤྱི་འཐུས་སྐབས་བཅུ་བདུན་གྱིས་གྲོས་ཚོགས་ཚོགས་དུས་ལྔ་པའི་ཐོག་བཅའ་ཁྲིམས་བསྐྱར་བཅོས་ཚོགས་ཆུང་འཛུགས་རྒྱུའི་གྲོས་ཆོད་ལྟར་ཚོགས་ཆུང་གི་མི་འགྲོ་ཚོགས་གཙོ་སྦྲེལ་པོས་བསྐོ་བཞག་གཏན་འཁེལ་གནང་བའི་ནང་སྤྱི་འཐུས་ཁྲིམས་བཟོ་གྲོས་ཚོགས་ཀྱི་འཐུས་མི་ལས་སྒྲུབ་པའི་ཚོགས་ཆུང་བཙུགས་པ་ནས་བ་མོ་དེ་ཉལ་སྟངས་ལ་བལྟས་ན་བེའུ་རྐེ་ཀྱོག་ཞིག་ཡིན་པ་ཐག་ཆོད་ཟེར་བ་ལྟར་བཅའ་ཁྲིམས་བསྐྱར་བཅོས་ལ་མི་མང་གིས་རེ་བ་བཅོལ་བ་དེ་བར་སྣང་སྟོང་པ་ལ་ལག་མྱུལ་རྒྱབ་པ་ལྟབུ་ལས་རེ་འབྲས་འཐོན་རེ་ཅང་མ་མཐོང་བ་ནས་བཅའ་ཁྲིམས་ལ་བསྐྱར་བཅོས་དགོས་ཀྱི་ཡོད་ན་བཅའ་ཁྲིམས་བསྐྱར་བཅོས་ཚོགས་ཆུང་ནང་མང་གཙོའི་ཀ་བ་གསུམ་གྱི་སྐུ་ཚབ་ལས་སྒྲུབ་པའི་ཚོགས་ཆུང་འཛུགས་དགོས་པ་ནི། ༡ སྤྱི་འཐུས་གྲོས་ཚོགས་འཐུས་མིའི་སྐུ་ཚབ། ༢ འཛིན་སྐྱོང་བཀའ་ཤག་གི་སྐུ་ཚབ། ༣ ཆེས་མཐོའི་ཁྲིམས་ཞིབ་ཁང་གི་སྐུ་ཚབ། ༤ ཁྲིམས་ལུགས་རིག་པའི་ཆེད་ལས་པ་བཅས་ལས་སྒྲུབ་པའི་ཚོགས་ཆུང་འཛུགས་དགོས་པ་དེ་མང་གཙོའི་འགྲོ་ལུགས་དང་མཐུན་པ་ཞིག་ཡིན་པ་དང་། སྤྱི་འཐུས་གྲོས་ཚོགས་འཐུས་མི་ལས་སྒྲུབ་པའི་ཚོགས་ཆུང་གི་ཕྱོགས་གཅིག་གི་གནས་སྟངས་ལས་ཕྱོགས་ཚང་མའི་གནས་སྟངས་རྟོགས་མ་ཐུབ་པ་ནས་ཁྲིམས་མཐུན་ལ་ནམ་ཡང་ཁས་ལེན་ཞུ་མི་ཐུབ་པ་དང་། སྤྱི་འཐུས་གྲོས་ཚོགས་ཀྱི་འཐུས་མིའི་བཅའ་ཁྲིམས་བསྐྱར་བཅོས་གནང་རྒྱུ་ཡིན་ན་ཚོགས་ཆུང་ཟུར་དུ་བཙུགས་ནས་འགྲོ་སོང་གཏོང་མ་དགོས་པ་བཅའ་ཁྲིམས་དོན་ཚན་བརྒྱ་དང་བཅུ་གཅིག་ནང་གསལ་བའི་བཅའ་ཁྲིམས་བསྐྱར་བཅོས་དེ་གྲོས་ཚོགས་ཀྱི་ལས་རིམ་ནང་བསྐྱར་བཅོས་ཁྱེར་ནས་ཚིག་བརྗོད་རྙིང་པ་ལ་སྣོན་འཕྲི་སྤོར་གཅོག་གི་ལམ་ནས་མང་མོས་སམ་སྤྱི་མོས་གང་རུང་འོག་བསྐྱར་བཅོས་བྱེད་ཆོག་པ་དེ་ལ་༼ CHARTER Rectified ༽…
དེ་ལས་མང་བ་། “བཅའ་ཁྲིམས་བསྐྱར་བཅོས་དང་མི་མང་གིས་རེ་བ་ལ་དཔྱད་པའི་གཏམ།” »
གཞུང་པ་ཚེ་དབང་བསོད་ནམས། རྒྱ་བལ་འབྲུག་གསུམ་ནང་ཡོད་པའི་བཙན་བྱོལ་བོད་མིའི་གཞིས་ཆགས་ཁག་ནི་བོད་ཀྱི་ཆོས་དང་། སྐད་ཡིག རིག་གཞུང་། མི་རིགས་དང་བཅས་པ་སྲུང་སྐྱོབས་ཐུབ་པའི་བཙན་བྱོལ་བོད་མིའི་བཅའ་ཁྲིམས་དོན་ཚན་བཅོ་ལྔ་ནང་འཁོད་པའི་བོད་དོན་བདེན་མཐའ་གསལ་ཐབས་ལ་ཕྱོགས་ཡོངས་ནས་འགན་འཁུར་ནས་བོད་མིའི་ངོ་བོ་འཛམ་གླིང་ཡོངས་ལ་སྟོན་ཐུབ་པའི་བཙན་བྱོལ་བོད་མིའི་སྒྲིག་འཛུགས་ཀྱི་ནང་ནས་བླ་ན་མེད་པ་དེ་ཡིན་པ་དང་། གཞིས་ཆགས་སོ་སོའི་སྒྲིག་འཛུགས་ནང་ཕ་མེས་ནས་དར་པའི་བོད་མིའི་མཐུན་མོང་མ་ཡིན་པའི་སྐད་ཡིག་དང་། ནང་ཆོས། རིག་གཞུང་། སྒོམ་པའི་བཤིས་ལུགས་སོགས་མི་ཉམས་རྒྱུན་འཛིན་དང་ཉམས་པ་སླར་གསོ་ཞུ་རྒྱུ་སོགས་བོད་མིའི་ངོ་བོ་ཟུར་དུ་འབུར་འཐོན་ཐུབ་པའི་ལས་འགུལ་འཆར་ཅན་སྤེལ་བཞིན་པ་དང་། ལོ་རབས་དགུ་བཅུའི་ནང་དབུས་བོད་མིའི་སྒྲིག་འཛུགས་ནས་བོད་མི་གཅིག་སྟོང་ཨ་རིར་གཞིས་སྤོ་གནང་བ་ནས་གཞིས་ཆགས་ཁག་ནང་གཞིས་མི་གཏན་སྡོད་བྱ་མཁན་ལོ་རེ་ནས་ལོ་རེ་བཞིན་ཉུང་དུ་འགྲོ་བཞིན་པ་དང་། ཉིན་སློབ་ནང་སློབ་ཕྲུག་ཉུང་དུ་འགྲོ་བཞིན་པ་དང་། གཞིས་ཆགས་ནང་ཞིང་ལས་བྱ་མཁན་དང་བ་ཕྱུགས་གསོ་སྐྱོང་བྱ་མཁན་སོགས་ལོ་རེ་ནས་ལོ་རེ་བཞིན་ཉུང་དུ་འགྲོ་བཞིན་པ་དང་། གཞིས་ཆགས་སོ་སོའི་ནང་ནས་ཕྱི་རྒྱལ་ལ་རང་མཚམས་འགྲོ་མཁན་ཚོའི་ས་ཁང་ཕྱིར་བསྡུ་གནང་ནས་གཞིས་ཆགས་ནང་ལྷག་པའི་ནང་མི་ཚོ་ལ་རང་ཐོབ་ས་ཞིང་ལས་མེད་སྟབས་ས་ཞིང་ཉུང་དུ་ཕྱིན་ནས་ས་ཞིང་འདེབས་ལས་ལ་དཀའ་ངལ་མང་བས་ས་ཞིང་གཞན་ལ་བོགས་གཏོང་བྱེད་བཞིན་པ་ནས་དེང་སྐབས་བོགས་མ་ལེན་མཁན་ཡང་མེད་པ་ནས་ཞིང་ས་མང་པོ་ས་སྟོང་ལ་བཞག་པ་ཡང་མཐོང་རྒྱུ་འདུག་ལ་ན་གཞོན་ཚོ་ཕྱི་རྒྱལ་ལ་འགྲོ་རྒྱུའི་བསམ་བློ་ལས་གཞིས་ཆགས་ནང་བསྡད་ནས་ཞིང་ལས་དང་བ་ཕྱུགས་གསོ་སྐྱོང་བྱ་རྒྱུའི་བསམ་བློ་ཞན་པ་དང་། གཞིས་ཆགས་སྲ་བརྟན་དང་རྒྱུན་གནས་ཐུབ་པའི་ཆེད་ཁྱིམ་ཚང་ཆ་ཚང་ཕྱི་རྒྱལ་ལ་ཕྱིན་པའི་ས་ཁང་ཕྱིར་བསྡུ་མ་བྱས་རང་བྱས་ལས་དེ་མིན་ཁྱིམ་ཚང་གཅིག་ནས་ནང་མི་གཉིས་གསུམ་ཕྱི་རྒྱལ་ལ་འགྲོ་མཁན་ཚོའི་ས་ཁང་ཕྱིར་བསྡུ་མ་དགོས་པ་ཁྱིམ་ཚང་དེ་ག་རང་ལ་བཞག་ནས་ས་ཁང་གཉིས་ལ་བོགས་ཁྲལ་སྣེ་སེལ་ཞིག་གཏན་འབེབས་གནང་ནས་དབུས་བོད་མིའི་སྒྲིག་འཛུགས་ལ་འབུལ་དགོས་པའི་ལམ་ལུགས་སམ་སྒྲིག་གཞི་བཟོ་ཐུབ་ན་ནང་མི་ཕྱི་རྒྱལ་ལ་འགྲོ་མཁན་ཚོའི་ས་ཞིང་གཞིས་སྡོད་ཁྱིམ་ཚང་རང་ལ་བདག་ཉར་ཆོག་པ་ནས་དེ་སྔོན་གཞིས་ཆགས་ནང་ཁྱིམ་ཚང་དེའི་འཛུགས་བསྐྲུན་ལས་གཞི་ལ་དོ་ཕོག་མི་འགྲོ་བ་དང་གཞིས་ཆགས་སྲ་བརྟན་དང་བརྒྱུན་གནས་ཐུབ་པའི་དགེ་ཚན་ཆེ་བ་ཡོང་རྒྱུ་དང་།…
དེ་ལས་མང་བ་། “གཞིས་ཆགས་སྲ་བརྟན་དང་རྒྱུན་གནས་སྐོར་ལ་དཔྱད་པའི་གཏམ།” »
གཞུང་པ་ཚེ་དབང་བསོད་ནམས། མང་གཙོའི་རྒྱལ་ཁབ་ཀྱི་གྲོས་ཚོགས་ལས་རིམ་ནང་དུས་ཚོད་ལ་འགན་འཁུར་ནས་འཐུས་མི་ཚོའི་གྲོས་ཚོགས་ནང་རང་ཉིད་ཀྱིས་གཏམ་བཤད་བྱ་རྒྱུའི་སྒོ་སྐབས་རྩ་ཆེར་རྩིས་ནས་སྔོན་ཚུད་ནས་ཡིག་ཐོག་ཏུ་བཀོད་ནས་སྒྲ་སྒྲིག་བྱེད་བཞིན་པ་དང་། རང་གི་བཤོད་རྒྱུའི་གནད་དོན་ཡིག་ཐོག་ལ་ཡོད་པ་དེ་དག་ལ་ངག་ཐོག་ནས་འབྲེལ་བཤད་རིང་ཙམ་རྒྱབ་ནས་གྲོས་ཚོགས་ཀྱི་འཐུས་མི་ཚོའི་གསལ་པོ་མཁྱེན་ཐུབ་པ་དང་འོས་འཕེན་མང་ཚོགས་ཀྱི་མངོན་འདོད་སྒྲུབ་དགོས་པ་ནི་མི་མང་གི་སྐུ་ཚབ་གྲོས་ཚོགས་འཐུས་མིའི་ཐུགས་འགན་ངོ་མ་དེ་ཡིན་པ་དང་། ང་ཚོའི་སྤྱི་འཐུས་གྲོས་ཚོགས་ནང་བགྲོ་གླེང་ག་འདྲ་ཞིག་གནང་གི་ཡོད་ཀྱང་གྲོས་ཚོགས་ཀྱི་ལས་རིམ་དང་མཐུན་པ་བཟང་སྤྱོད་དང་ཁ་མ་བྲལ་བ་ཞིག་དགོས་པ་ནི་བཙན་བྱོལ་བོད་མིའི་བཅའ་ཁྲིམས་དང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞིའི་ལམ་སྟོན་དང་མཐུན་པ་ཞིག་དགོས་པ་དང་། གལ་སྲིད་འཐུས་མི་ཞིག་ནས་གྲོས་ཚོགས་ཀྱི་ལས་རིམ་དང་མ་མཐུན་པ་བཟང་སྤྱོད་དང་ཁ་བྲལ་བའི་གཏམ་གླེང་གནང་གི་ཡོད་ན་ལམ་སེང་ཚོགས་གཙོའི་བཀག་དགོས་པ་དང་། ཚོགས་གཙོའི་མ་གཟིགས་པའམ་མ་གསན་པའི་སྐབས་སུ་གྲོས་ཚོགས་ཀྱི་འཐུས་མི་སུ་རུང་ནས་ལས་རིམ་རྣམ་བཞག་༼ Point of Order ༽ འདོན་ཆོག་པ་དང་། ལས་རིམ་རྣམ་བཞག་གི་ནང་དོན་ཡང་འགྲོ་བཞིན་པའི་ལས་རིམ་དང་འབྲེལ་བ་མེད་ལུགས་གསུང་དགོས་པ་ལས་ལས་རིམ་རྣམ་བཞག་ལ་སྒོ་སྐབས་བླང་ནས་རང་གི་བསམ་ཚུལ་གཏམ་བཤད་ལ་ནམ་ཡང་ཁ་ཕྱོགས་མི་ཉན་པ་དང་། གལ་སྲིད་འཐུས་མི་ཞིག་ནས་ལས་རིམ་རྣམ་བཞག་ལ་སྒོ་སྐབས་བླང་ནས་རང་གི་བསམ་ཚུལ་གླེང་གི་ཡོད་ཚེ་དེ་མ་ཐག་ཚོགས་གཙོའི་བཀག་དགོས་པ་དང་། འཐུས་མི་ཞིག་ནས་ལག་པ་ཡར་ཀྱང་ནས་ལས་རིམ་རྣམ་བཞག་ཟེར་སྐབས་ཚོགས་གཙོའི་གཏམ་བཤད་གནང་མཁན་གྱི་འཐུས་དེ་མར་བཞུགས་དུ་བཅུག་ནས་ལས་རིམ་རྣམ་བཞག་འདོན་མཁན་གྱི་འཐུས་མི་དེ་ལ་ལས་རིམ་ག་རེ་ཡིན་གསུང་དགོས་པ་དང་།…
ཆབ་མདོ་ངག་ཕུན། དེང་སྐབས་སྤྱི་ཚོགས་ཁྲ་ཁྲ་ཟིང་ཟིང་ནང་།། མི་ཡི་སེམས་ཀྱང་ཁྲ་ཁྲ་ཟིང་ཟིང་གྱུར།། ཡིད་བརྟན་མེད་པའི་སྤྱི་ཚོགས་འདི་ཉིད་ནང་།། སྡུག་རུས་བརྒྱབ་ནས་བསྡད་ན་མ་གཏོགས་ཅི།། ད་ལྟའི་སྤྱི་ཚོགས་གནས་སྟངས་གསོན་པོ་འགའ།། སེམས་ཀྱི་གཏིང་ནས་ཕྱིར་རུ་བཏོན་པར་འདོད།། འགའ་ཤས་སེམས་ཀྱི་གཏིང་ལ་འཕོག་ཀྱང་སྲིད།། འགའ་ཤས་བསམ་ཞིག་གནང་དགོས་ཐུག་ཀྱང་སྲིད།། རང་གིས་རང་ལ་ཡིད་ཆེས་མ་བྱས་པར།། གཞན་ལ་ཡིད་ཆེས་བྱེད་པར་ཡ་རེ་མཚར།། གཞན་གྱི་མགོ་སྐོར་འོག་ཏུ་ཚུད་ན་ཡང་།།…
གཞུང་པ་ཚེ་དབང་བསོད་ནམས། དུས་རབས་ཉི་ཤུ་རྩ་གཅིག་འདི་དྲ་རྒྱའི་དུས་རབས་ ༼ Cyber Century ༽ ལ་མི་ཚོའི་ངོས་འཛིན་གྱིས་སྤྱི་ཚོགས་ཀྱི་འཚོ་བ་དང་འབྲེལ་བའི་ཆོས་སྲིད་ཀྱི་ལས་དོན་ཡོངས་རྫོགས་དྲ་རྒྱ་བརྒྱུད་ནས་བྱེད་བཞིན་པ་ནི་ཚན་རྩལ་རིག་པས་ང་ཚོ་འགྲོ་བ་མི་ལ་ལེགས་སྐྱེས་སུ་སྦྱིན་པ་ནས་ང་ཚོ་འགྲོ་བ་མི་ཚང་མ་དགའ་བ་དང་སྤྲོ་བ་ཚད་མེད་པའི་གནས་སུ་རྒྱུར་པ་ནི། ཤེས་བྱ་མཐའ་མེད་ནམ་མཁའ་སྟོང་པ་འདྲ། རིག་པ་མཐའ་མེད་རྒྱ་མཚོའི་གཏིང་མཐའ་འདྲ། ཟེར་བ་ལྟར། དྲ་རྒྱའི་དུས་རབས་ལ་རང་གི་འཚོ་བའི་མདུན་ལམ་བསྟེན་མ་ཐུ་པའི་མི་སྣ་ཁག་ནས་དྲ་རྒྱའི་དུས་རབས་དེ་བེད་སྤྱོད་ལོག་པར་བཏང་ནས་སྤྱི་ཚོགས་དཀྲུགས་ཐབས་ལ་འབད་བརྩོན་དང་འགན་འཁུར་ནས་སྒྲིག་འཛུགས་དང་མི་མང་བར་དཀྲུགས་ཐབས་དང་། ཆོལ་ཁ་དང་ལུང་ཚན་བར་དཀྲུགས་ཐབས་དང་། མཐུན་པ་དང་མ་མཐུན་བར་དཀྲུགས་ཐབས་དང་། རང་གི་འདོད་ཕྱོགས་དང་མ་མཐུན་ན་ཕ་ཕྱོགས་ཀྱི་མི་དེ་སྤྱི་ཚོགས་ནང་ནག་པོ་བཟོ་གང་ཐུབ་བྱས་ནས་དོན་དངོས་ཚན་རྩལ་རིག་པས་ང་ཚོར་ལེགས་སྐྱེས་སུ་སྦྱིན་པའི་དྲ་རྒྱའི་དུས་རབས་རྩ་ཆེན་དེ་བེད་སྤྱོད་ལོག་པར་བཏང་ནས་སྤྱི་ཚོགས་ཀྱི་བདེ་འཇགས་ལའང་ཉེན་ཁ་མི་བཟོ་བའི་ངེས་པ་མེད་པ་ནས་ང་ཚོ་ཚང་མས་ཟབ་ཟབ་གནང་དགོས་པ་ནི་ཤིན་ཏུ་ནས་གལ་ཆེན་དོན་ཆེན་ཞིག་ཡིན་པ་དང་། དེང་སྐབས་སྤྱི་ཚོགས་ཀྱི་དྲ་ལམ་བརྒྱུད་ནས་འཛམ་གླིང་འདི་ཆུང་ཆུང་ཆགས་ནས་སྐར་ཆ་གཅིག་གི་ནང་ཕྱོགས་ཡོངས་ཀྱི་གནས་ཚུལ་ཤེས་ཐུབ་པ་དང་མཐོང་ཐུབ་པའི་ནུས་པ་ཡོད་པ་ནས་ང་ཚོ་བཙན་བྱོལ་བོད་པའི་སྤྱི་ཚོགས་ནང་གནས་ཚུལ་བཟང་ངན་ཚང་མ་དྲ་ལམ་བརྒྱུད་ནས་ཡོང་བཞིན་པ་ནས་གནས་ཚུལ་ག་འདྲ་ཞིག་རང་ཉིད་ལ་འབྱོར་ཡང་ཞིབ་འཇུག་མཐའ་ནན་གནང་ནས་བདེན་རྫུན་གྱི་ངོས་འཛིན་གསལ་པོ་ཐུབ་དགོས་པ་ལས་རི་བོང་ཅལ་འདྲོགས་ནམ་ཡང་བྱེད་མི་ཉན་པ་ནི་དེང་སྐབས་རང་རེ་བཙན་བྱོལ་སྤྱི་ཚོགས་ཆུང་ཆུང་འདིའི་ནང་མང་གཙོ་དང་རང་དབང་ཁ་ལ་ཁྱེར་ནས་ཆོལ་ཁ་དང་ལུང་ཚན་གྱི་མིང་གི་འོག་ནས་ནང་ཁུལ་དཀྲུགས་ཐབས་བྱེད་མཁན་དགྲ་བོའི་སོ་མྱུལ་ཡང་ཡོང་མི་སྲིད་པ་མིན་པ་ནས་བློ་ལྡན་བོད་མི་ཚང་མས་དྲ་ལམ་གྱི་གནས་ཚུལ་ལ་ཞིབ་འཇུག་མ་གནང་བར་ཆ་འཇོག་དང་ཡིད་ཆེས་ནམ་ཡང་གནང་མི་ཉན་པ་དང་།…
ཆབ་མདོ་ངག་ཕུན། དྲིན་ཆེན་ཕ་མ་ལགས། ལོ་ཟླ་དེ་ཙམ་ཞིག་ཕྱིན་ནའང་། དྲིན་ཅན་གྱི་ཨ་ཕ་མཇལ་སྐལ་བྱུང་མ་སོང་། སྐབས་རེ་རང་ཉིད་གཅིག་པུ་བསྡད་དེ། འདས་ཟིན་ལོ་ཟླའི་སྐྱོ་གར་དེ་དག་དྲན་ཐེངས་རེ། དྲིན་ཅན་ཨ་ཕ་ཁྱེད་ཀྱི་རྣམ་འགྱུར། སེམས་ཁོངས་སུ་ཝ་ལེར་ཤར་འོང་། ངའི་བྲང་ཁོག་ཏུ་ན་ཟུག་བཏང་ཐེངས་རེ། ཁུག་ཀྱོག་ཏུ་མིག་ཆུ་གཏོང་བཞིན་སྡོད་རྒྱུ་ལས་ཅི། དྲིན་ཅན་གྱི་ཨ་ཕ་ལགས། དེང་སྐབས་དྲིན་ཅན་གྱི་ཕ་ལོ་ཧ་ཅང་དྲན་གྱིན། ཕ་མ་དང་ཕ་ཡུལ་ཁ་བྲལ་དགོས། དེ་འདྲའི་ལས་དབང་བཙན་པ་ལ་ཨང་།…
གཞུང་པ་ཚེ་དབང་བསོད་ནམས། སྤྱི་ལོ་ ༡༩༥༤ ལོར་༧ སྤྱི་ནོར་༧ གོང་ས་སྐྱབས་མགོན་ཆེན་པོ་མཆོག་ནས་བོད་ཀྱི་ཆབ་སྲིད་ལམ་ལུགས་ལ་བསྒྱུར་བཅོས་གཏོང་རྒྱུར་རླབས་ཆེན་གྱི་དགོངས་པ་བཞེས་ནས་སྤྱི་ཚོགས་ལེགས་བཅོས་ལས་ཁུངས་ཆེད་འཛུགས་གནང་ནས་ལས་དོན་འགོ་འཛུགས་གནང་སྐབས་ཕྱི་ནང་གི་འགོག་རྐྱེན་འོག་ནས་རང་ཡུལ་དུ་དངོས་སུ་ལག་བསྟར་མ་ཐུབ་པ་ནས་སྤྱི་ལོ་༡༩༥༩ ལོར་རྒྱ་གར་དུ་བཙན་བྱོལ་དུ་ཕེབས་མ་ཐག་སྤྱི་ལོ་ ༡༩༦༠ ཐམ་པའི་ལོར་བོད་མི་མང་གི་སྐུ་ཚབ་ཆོལ་གསུམ་ཆོས་ལུགས་དང་བཅས་པའི་འཐུས་མི་སྤྱི་འཐུས་མི་མང་ནས་གསར་བསྐོ་གནང་ནས་མ་འོངས་བོད་ཀྱི་ཆབ་སྲིད་ལམ་ལུགས་དེ་མང་གཙོ་ལ་ཁ་ཕྱོགས་ནས་བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་བྱས་ནས་བཙན་བྱོལ་བོད་མིའི་མང་གཙོ་དབུ་རྙེས་ནས་སྐབས་དེ་དུས་བཙན་བྱོལ་དུ་འབྱོར་མ་ཐག་ལ་སོང་མི་མང་གི་འཐུས་མི་སྤྱི་འཐུས་རྣམས་ད་ལྟ་ནང་བཞིན་སྤྱི་འཐུས་ཀྱི་ལས་ཁུངས་ཟུར་དུ་མེད་པ་ནས་སྤྱི་འཐུས་རྣམས་ལྷན་ཁང་ཁག་ནང་ཆ་བགོས་བྱས་ནས་ལས་དོན་གནང་བཞིན་པ་དང་། རིམ་པས་སྤྱི་ཚོགས་ཀྱི་འཕེལ་རིམ་དང་དུས་ཀྱི་དགོས་མཁོ་ལ་འགན་འཁུར་ནས་ཡར་རྒྱས་དང་ཚགས་ཚུད་དུ་ཕྱིན་ནས་སྤྱི་ལོ་ ༡༩༩༠ ལོར་སྤྱི་འཐུས་ཀྱི་གྲངས་ཚད་སྤར་ནས་བཙན་བྱོལ་བོད་མིའི་བཅའ་ཁྲིམས་ཀྱི་ཟིན་བྲིས་ཚོགས་ཆུང་བཙུགས་ནས་སྤྱི་ལོ་ ༡༩༩༡ ལོར་སྤྱི་འཐུས་སྐབས་བཅུ་གཅིག་གི་བར་འགལ་གྱི་ཁྲིམས་བཟོའི་འགན་འཁུར་བླང་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་བརྒྱ་དང་བཅོ་ལྔ་ཡོད་པ་དེ་དག་གཏན་འབེབས་གནང་ནས་༧ གོང་ས་མཆོག་གི་ཆོག་མཆན་ལོ་དེའི་ཟླ་བ་…
དེ་ལས་མང་བ་། “བཙན་བྱོལ་བོད་མིའི་བཅའ་ཁྲིམས་དང་ཁྲིམས་བཟོ་སྤྱི་འཐུས་གྲོས་ཚོགས།” »
གཞུང་པ་ཚེ་དབང་བསོད་ནམས། ཀ་ར་ཀོ་རེ་བཤད་ནས་གྲོས་ཚོགས་འཇུག་སྐྱོང་མ་ཐུབ། ཁ་དམག་འགན་འཁུར་འོག་ཏུ་ནང་ཁུལ་རྩོད་གླེང་མང་བ། ག་ནས་བསམ་བློ་བཏང་ཀྱང་ཕྱོགས་གཏོགས་འགན་འཁུར་ཙམ་ལས། ང་ཚོའི་རེ་བ་ཇི་བཞིན་ཁྲིམས་བཟོའི་འགན་འཁུར་མ་ཐུབ། ཅ་ཅོ་འར་འུར་མང་བའི་གྲོས་ཚོགས་ལས་རིམ་མཐོང་དུས། ཆ་ལུགས་འདི་འདྲའི་སྤྱོད་ངན་གྲོས་ཚོགས་ག་འདྲ་ཡིན་ནམ། ཇ་ནག་ཚ་མེད་འདྲ་བའི་སྤྱི་འཐུས་གྲོས་ཚོགས་ལས་རིམ། ཉི་མ་གང་ཁྱོལ་བྱས་ནས་གཞུང་གྲོན་འཕྲོ་ལྷག་འདྲ་སོང་། ཏ་ལའི་བླ་མས་མཛད་རྗེས་བོད་ཀྱི་མང་གཙོ་བཙུགས་ཀྱང་། ཐ་དད་ཆོས་ལུགས་ཆོལ་ཁའི་སྐུ་ཚབ་འཐུས་མི་རྣམ་པས། ད་ལྟའི་གྲོས་ཚོགས་ལས་རིམ་དགྲ་དགའ་གཉེན་སྡུག་བཟོས་སོང་།…
དེ་ལས་མང་བ་། “སྤྱི་འཐུས་སྐབས་བཅུ་བདུན་གྱིས་གྲོས་ཚོགས་ཚོགས་དུས་དྲུག་པའི་ལས་རིམ་ལ་དཔྱད་པའི་ཀ་བཤད།” »
དེ་རིང་ངས་གླེང་སློང་བྱེད་འདོད་པ་ནི། དེང་སྐབས་བཅུ་བདུན་པའི་བོད་མི་མང་སྤྱི་འཐུས་གྲོས་ཚོགས་ཚོགས་དུས་དྲུག་པ་ཚོགས་བཞིན་པའི་སྐབས་ཀྱི་གནས་ཚུལ་སྐོར་ཡིན་པ་དང་། སྤྱིར་བཏང་གི་བཙན་བྱོལ་ནང་གི་ལབ་གླེང་སྐོར་ལ་ང་ལ་གླེང་འདོད་གཏན་ནས་མི་འདུག །འོན་ཀྱང་ད་རེས་ཁྱི་མི་རྨུགས་དཀའ་མེད་རྐུ་མས་སྒོ་རྡུང་། ཝ་མི་རྒྱལ་དཀའ་མེད་ལྷ་འདྲེས་འགྲམ་ལྕག་ཅེས་པའི་དཔེ་ལྟར། ད་རེས་མ་བཤད་ཀ་མེད་དུ་གྱུར་སོང་བའི་རྒྱ་ཆེ་ཀློག་པ་པོ་ཚོའི་བློ་ལ་འཐད་མིན་ཡོང་སྲིད་ན་དགོངས་པ་མ་ཚོགས་རོགས་ཞུ་རྒྱུ་ལས་མ་འདས། ད་རེས་ཚང་མའི་མཁྱེན་གསལ་བཞིན་ང་ཚོའི་གྲོས་ཚོགས་ཚོགས་ག་དུས་དབུ་འཛུགས་གནང་བ་ཡིན་ན་དང་ཐོག་བོད་ནང་ཛ་དྲག་གི་གནས་སྟངས་སྐོར་ལ་གལ་ཆེའི་དོན་ཆེ་ཞིག་ཏུ་འཛིན་ནས་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་བསྣམས་ཕེབས་ཀྱི་ཡོད་པ་དང་། དེར་བཀུར་འོས་སྤྱི་འཐུས་རྣམ་པས་བོད་ནང་གི་ཛ་དྲག་གི་གནས་སྟངས་སྐོར་ལ་དགོངས་ཚུལ་གསུང་སའི་གལ་ཆེའི་སྡིངས་ཆ་ཞིག་ཡིན་པས་བཀུར་འོས་རྣམ་པས་བགྲོ་གླེང་གི་ཆ་ཤས་བཞེས་གནང་གི་ཡོད། ད་རེས་བོད་ནང་གི་གཞིས་ལུས་མི་དམངས་ལ་གདུང་སེམས་མཉམ་སྐྱེད་བྱ་རྒྱུ་ལས་ལྡོག་སྟེ་ནང་ཁུལ་ལབ་གླེང་བྱུང་ནས་གྲོས་ཚོགས་ཚོགས་མ་ཐུབ་པ་དེ་རེད། ས་གནས་ཁག་ནས་གཞུང་མགྲོན་ཕོན་ཆེན་བཏང་ནས་གནས་འདིར་ཕེབས་ཚར་དུས་གྲོས་ཚོགས་ཚོགས་མ་ཐུབ་པ་ནི་ཧ་ཅང་བློ་ཕམ་གྱི་རང་བཞིན་གནས་ཚུལ་ཞིག་ལ་ངོས་འཛིན་མི་ཞུ་ཀ་མེད་རེད་སྙམ། གཞིས་ལུས་བོད་མི་རྣམས་ཁྲག་དང་མིག་ཆུ་འོག་ཏུ་འཚོ་བ་རོལ་དགོས་ཐུག་གི་ཡོད། ཉིན་འཁྱོལ་རུང་མཚན་མི་འཁྱོལ་བའི་དཀའ་སྡུག་འོག་ཏུ་གནས་དགོས་ཐུག་གི་ཡོད། དེའདྲའི་དཀའ་སྡུག་འོག་ཏུ་ཡོད་རུང་བློ་བརྟན་འགྱུར་མེད་ཀྱིས་ཚེ་སྲོག་ཉེན་ཁ་ཡོད་རུང་རང་གཞུང་ལ་ཡིད་ཆེས་བློ་གཏད་ཀྱི་རེ་བ་བཟུང་ནས་ལས་དོན་གནང་བཞིན་ཡོད། དེ་འདྲའི་རེ་བ་དང་། ཡིད་ཆེས་ཐོག་ནས་ད་བར་གཅེས་པའི་ལུས་སྲོག་དམར་པོ་མཆོད་མེར་སྒྲོན་ཡོད།…
གཞུང་པ་ཚེ་དབང་བསོད་ནམས། སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་དྲུག་པ་དེ་འདི་ཚེས་བཅུ་དགུ་ཉིན་དབུ་འཛུགས་གནང་ནས་ཚོགས་དུས་འདིར་འཛིན་སྐྱོང་གིས་ལས་བསྡོམས་ཐོག་བགྲོ་གླེང་གནང་རྒྱུ་དང་གཞན་ཡང་ལས་རིམ་ཁག་བཅས་ཉིན་དང་པོར་གདུང་སེམས་མཉམ་སྐྱེད་ཐོག་བགྲོ་གླེང་འགྲོ་བའི་སྐབས་སྤྱི་འཐུས་གཅིག་ནས་གྲོས་ཚོགས་ཀྱིས་ལས་རིམ་དང་འབྲེལ་བ་མེད་པའི་སྐྱབས་རྗེ་ཟམ་གདོང་རིན་པོ་ཆེ་ལ་གཞི་མེད་སྐྱོན་འཛུགས་གཏམ་བཤད་སྤེལ་སྐབས་ཚོགས་གཙོའི་བཏང་འཛིན་མ་གནང་བ་ནས་སྤྱི་འཐུས་གཞན་ཞིག་ནས་ལས་རིམ་རྣམ་བཞག་ལ་འགན་འཁུར་ནས་སྤྱི་འཐུས་དེ་ལ་རྒྱ་མིའི་སོ་པ་འཁྲིད་ནས་ཀ་རྡོར་གང་གསུམ་ལ་འགྲོ་མཁན་དེ་ཁྱོད་མིན་ན་སུ་རེད་ཟེར་བ་ནས་སྤྱི་འཐུས་གཉིས་བར་གཅིག་གི་གཅིག་ལ་ཚིིག་ངན་བེད་སྤྱོད་འོག་ནས་གྲོས་ཚོགས་ལས་རིམ་དེ་སྤྱི་འཐུས་སྒེར་གྱི་ཆབ་སྲིད་འཐབ་རྩོད་ལ་ཁ་ཕྱོགས་ནས་སྤྱི་འཐུས་ནང་ཁུལ་ཕྱོགས་གཏོགས་ལ་འགན་འཁུར་ནས་བདེ་སྲུང་ལས་ཁུང་མར་དྲུད་ནས་འདི་ཚེས་༢༣ ནས་གྲོས་ཚོགས་ཚོགས་མ་ཐུབ་པ་ནི་འདས་པའི་མི་ལོ་དྲུག་བཅུ་ལྷག་ཙམ་རིང་བཙན་བྱོལ་བོད་མིའི་གྲོས་ཚོགས་ཀྱི་ལོ་རྒྱུས་ནང་ཐེངས་དང་པོ་ཡིན་པ་མ་ཟད་མཐའ་མ་གྲོས་ཚོགས་འཇུག་བསྡུ་མ་ཐུབ་ནས་ཚོགས་དྲུང་ཡིག་ཚང་ནས་བཅའ་ཁྲིམས་དོན་ཚན་བཞི་དགུ་པའི་ནང་གསེས་གཉིས་པའི་འོག་ཉུང་མཐའི་གྲངས་ཚད་མ་ལོངས་པར་ངོས་འཛིན་གནང་ནས་དུས་ཚོད་ངེས་མེད་བར་གྲོས་ཚོགས་གྲོལ་བརྡ་བཏང་འདུག་པ་དེ་ཡང་ཁྲིམས་མཐུན་ཡིན་དང་ཁྲིམས་འགལ་ཡིན་ཐེ་ཚོམས་ནང་ལྷག་པ་ནི་གྲོས་ཚོགས་ཚོགས་བཞིན་པའི་སྐབས་ཆོས་ལུགས་དང་མདོ་སྟོད་སྤྱི་འཐུས་བཅས་གྲོས་ཚོགས་ལས་རིམ་ལ་མཉམ་ཞུགས་མ་གནང་བ་ནས་གྲོས་ཚོགས་ཀྱི་ལས་རིམ་མུ་མཐུད་ནས་འགྲོ་མ་ཐུབ་པ་ནི་གཉེན་བྱམས་པས་མཐོང་ན་ངུ་བྲོ། དྭངས་དགྲ་བོའི་གོ་ན་ཡིད་འཚིམ་ཟེར་བ་ལྟར་མ་རེད་དམ། བཅའ་ཁྲིམས་དོན་ཚན་བཞི་དགུ་པའི་ནང་གསེས་གཉིས་པ་ནང་གསལ་བའི་ཉུང་མཐའི་གྲངས་ཚད་མ་ལོངས་པར་ངོས་འཛིན་ག་འདྲ་བྱས་ནས་གནང་བ་རེད་དེ་ཡང་བཅའ་ཁྲིམས་དང་མཐུན་པ་ཞིག་ལ་ནམ་ཡང་ངོས་འཛིན་ཞུ་ཐུབ་མ་སོང་། གང་ལགས་ཞུས་ན་གྲོས་ཚོགས་ལས་རིམ་འགྲོ་བཞིན་པའི་སྐབས་འཐུས་མི་ཉི་ཤུ་ལྷག་ཙམ་ནས་གྲོས་ཚོགས་ལས་རིམ་ལ་མཉམ་ཞུགས་མ་གནང་བ་དེ་བཅའ་སྒྲིག་གཉིས་དང་འབྲེལ་མེད་གནད་དོན་ཞིག་གྲོས་ཚོགས་ལས་རིམ་ནང་བློ་བུར་དུ་སླེབས་པ་ནས་བཅའ་ཁྲིམས་དོན་ཚན་བཞི་དགུའི་ནང་གསེས་གཉིས་པ་དང་རྩ་བ་ནས་འབྲེལ་བ་མེད་པ་ནས་ཐབས་ལམ་གཞན་པ་བརྒྱུད་ནས་གྲོས་ཚོགས་འཇུག་བསྡུ་དགོས་པའི་ཐབས་ལམ་མ་རྩལ་ནས་བཅའ་ཁྲིམས་དོན་ཚན་བཞི་དགུའི་ནང་གསེས་གཉིས་པ་ལ་འགན་བཀུར་ནས་གྲོས་ཚོགས་འཇུག་བསྡུ་རྒྱུ་དེ་ཁྲིམས་མཐུན་ལ་ནམ་ཡང་ངོས་འཛིན་ཞུ་ཐུབ་མ་སོང་། ཚོགས་གཙོ་གཉིས་ནས་གྲོས་ཚོགས་མུ་མཐུད་ནས་ཚོགས་ཐབས་དང་མི་མང་གི་ཞུ་འབོད་ལས་འགུལ་བསྐོར་སོགས་གོ་བསྡུར་ཆེད་ཞུགས་མོལ་ཚོགས་འདུ་བསྐོང་ཀྱང་དབུས་གཙང་དང་མདོ་སྨད་ཡུ་རོབ་སྤྱི་འཐུས་སོགས་མཉམ་ཞུགས་མ་གནང་བ་ནས་ཞུགས་མོལ་ཚོགས་འདུ་ཡང་ཚོགས་མ་ཐུབ་པའི་གནས་སྟངས་ལ་བལྟ་སྐབས་ད་ལྟའི་སྤྱི་འཐུས་སྐབས་བཅུ་བདུན་པ་འདི་ཕྱོགས་གཏོགས་ལ་འགན་འཁུར་ནས་ནང་འཁྲུགས་ལ་དུས་ཚོད་བཏང་ནས་ཤོག་ཁག་ཅིག་ཡོང་ན་ཤོག་ཁག་གཞན་མ་ཡོང་བའི་བྱེད་བབས་འདིའི་འོས་འཕེན་རྒྱ་ཆེ་མི་མང་གི་མངོན་འདོད་ནམ་ཡང་འགྲུབ་མི་ཐུབ་པ་གསལ་པོ་ཆགས་པ་ནས་སྐབས་བཅུ་བདུན་གྱི་སྤྱི་འཐུས་བཞི་བཅུ་ཞེ་ལྔ་ཆ་ཚང་བཟང་སྤྱོད་ལ་འགན་འཁུར་ནས་རྩ་དགོང་ཞུ་དགོས་པ་ནི་ཁྱེད་རྣམ་པས་གྲོས་ཚོགས་ཀྱི་ལས་རིམ་ནང་མཉམ་ལས་དང་མཐུན་འབྲེལ་ནམ་ཡང་གནང་མི་ཐུབ་པ་ལོང་བས་བལྟས་ཀྱང་ཁམས་གསུམ་གྱི་དཔེ་ལྟར་ལས་མ་འདས་ན་དགྲ་དགའ་གཉེན་སྡུག་ལ་འགན་འཁུར་མཁན་གྱི་མི་མང་གི་སྐུ་ཚབ་སྤྱི་འཐུས་དུས་ནམ་ཡང་བཙན་བྱོལ་བོད་མིའི་གྲོས་ཚོགས་འཐུས་མིའི་ནང་དགོས་གལ་མ་མཐོང་ངོ་། གཞུང་པས། ༢༠༢༣/༠༩/༣༠
གཞུང་པ་ཚེ་དབང་བསོད་ནམས། སྤྱི་འཐུས་སྐབས་བཅུ་དྲུག་གི་ཁྲིམས་འགལ་དང་སྒྲིག་འགལ་འོག་བཞག་པའི་གྲོས་ཆོད་ཡིག་ཆ་ཨང་ ༣༩ ཟེར་བ་དེའི་འཇུག་འབྲས་བཙན་བྱོལ་བོད་མིའི་མང་གཙོའི་ཀ་བ་གསུམ་གྱི་ཡ་རྒྱལ་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་ཆེ་བ་དང་ཁྲིམས་ཞིབ་པ་གཞན་གཅིག་བཅས་བསྐོ་མ་ཐུབ་པ་ནས་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་གཅིག་ལས་མེད་པ་ནས་མང་གཙོའི་ཀ་བ་གསུམ་གྱིས་འགན་འཁུར་ལས་དོན་གནང་རྒྱུར་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་ཆ་ཚང་མེད་པ་ནས་བཙན་བྱོལ་སྤྱི་ཚོགས་ནང་ལས་དོན་མང་པོ་ཞིག་ལ་དོ་ཕོག་དང་མཐུད་ཤོར་འགྲོ་བཞིན་པ་ནས་འདིའི་འགན་ཆ་ཚང་སྤྱི་འཐུས་གྲོས་ཚོགས་ལ་ཡོད་པ་བཅའ་ཁྲིམས་དོན་ཚན་སོ་དྲུག་ནས་ངོ་སྤྲད་པ་འདི་ལྟར། ༼ བཅའ་ཁྲིམས་དོན་ཚན་སོ་དྲུག་པ། ཁྲིམས་བཟོའི་དབང་ཆ། ཁྲིམས་ལུགས་བཟོ་འགོད་དང་། གཏན་འབེབས་བྱ་རྒྱུའི་དབང་ཆ་ཡོངས་རྫོགས་བོད་མི་མང་སྤྱི་འཐུས་ལྷན་ཚོགས་ལ་ཡོད་པ་དང་། ཁྲིམས་ལུགས་དེ་དག་ཁྲིམས་སུ་བཅའ་བ་ལ་སྲིད་སྐྱོང་གིས་ཆོག་མཆན་མིང་རྟགས་འགོད་དགོས། ༽ ཅེས་གསལ་བ་ནས་མཁྱེན་ཐུབ་པ་དང་། གཞི་རིམ་མི་མང་གི་ཞུ་འབོད་ལས་འགུལ་གྱི་དགོས་འདུན་ཆེས་མཐོའི་ཁྲིམས་ཞིམ་ཁང་སླར་གསོ་གནང་རོགས་ཞུ་གི་འདུག་ན་སྤྱི་འཐུས་ཀྱི་ཚོགས་གཙོ་ཚོགས་གཞོན་སར་འཐུས་མི་བཅར་སྐབས་གཡས་ཟུར་གཡོན་ཟུར་བྱས་ནས་ཐུག་རྒྱུའི་གོ་སྐབས་མ་གནང་བ་དེ་ནི་དམངས་གཙོ་གཅིག་བསྡུད་ཀྱི་ལམ་ལུགས་ཙམ་ལས་མི་མང་མང་གཙོའི་ལམ་ལུགས་ཀྱི་རྣམ་འགྱུར་ཞིག་ག་ནས་ཡིན། མི་མང་ནས་སོ་སོའི་འཐུས་མི་ལ་བདེ་སྡུག་ཞུ་བར་ས་ཐག་འགྱངས་པོ་ནས་ཡོང་བ་ལ་ཁ་ལན་ངོས་ལེན་ཕར་བཞག་ཐུག་རྒྱུའི་གོ་སྐབས་མ་གནང་ནི་མི་མང་གིས་འཐུས་མིའི་ལྟ་སྤྱོད་ཀྱི་སྤུས་ཚད་ག་འདྲ་ཡོད་དེ་ནས་གསལ་པོ་བསྟན་པ་དང་། སྤྱི་འཐུས་ཁག་ཅིག་མི་མང་གི་ཞུ་འབོད་ལས་འགུལ་བ་ཚོ་ཐུག་ཏུ་ཕེབས་པ་ནི་མི་མང་གི་འཐུས་མིའི་མི་མང་ཚོར་གདུང་སེམས་མཉམ་སྐྱེད་ཀྱི་རྣམ་འགྱུར་བསྟན་པ་ཙམ་གྱི་མི་མང་གི་འཐུས་མིའི་བཟང་སྤྱོད་ལ་འགན་འཁུར་བར་ངོས་འཛིན་ཞུ་གི་ཡོད།…
རིག་འབྱུང་དོན་གྲུབ་བཀྲ་ཤིས་ཀྱིས་བརྩམས། གཡག་ཕྱུག་ཕུན་ཚོགས་ཆོས་འཕེལ་གྱིས་བསྒྱུར། པད་མ་ཚེ་བརྟན་ལགས་ནི། སྤྱི་ལོ་ ༡༩༦༩ ལོའི་ཟླ་བཅུ་གཉིས་པར་མདོ་སྨད་མཚོ་ལྷོ་བོད་རིགས་རང་སྐྱོང་ཁུལ་གྱི་ཁྲི་ཀ་ལྷ་ཁང་ཐང་ཞེས་པའི་གྲོང་གསེབ་ཅིག་ཏུ་སྐུ་འཁྲུངས། ཆུང་ངུའི་དུས་ནས་(རང་ལོ་དགུའི་སྐབས་ལ།) ཕ་མ་གཉིས་ཁ་གྱེས་ཤིང་། ཨ་མས་ཡང་བསྐྱར་གཉེན་སྒྲིག་བྱས་པའི་རྒྱུ་རྐྱེན་ལ་བརྟེན་ནས། ཁོང་དང་སྤུན་ཉེ་རྣམས་ཀྱི་འཚར་ལོངས་ཀྱི་འགན་ཁུར་ཡོངས་རྗོགས་ཨ་མྱེས་དམ་པས་འཁྱེར་དགོས་བྱུང་། ཁོང་གིས་ཕ་ཡུལ་རང་ལ་གཞི་རིམ་དང་འབྲིང་རིམ་གྱི་སློབ་གྲྭ་འགྲིམས་ཚར་རྗེས། མདོ་སྨད་ཆབ་ཆར་ཡོད་པའི་མི་རིགས་དགེ་ཐོན་སློབ་གྲྭར་དགེ་རྒན་འོས་སྦྱོང་གི་སློབ་གཉེར་གནང་། དགེ་རྒན་འོས་སྦྱོང་གི་མཐོ་སློབ་དེ་ནི་མཁས་དབང་གསུང་རབ་རྒྱ་མཚོ་ལགས་ཀྱི་སློབ་སྟོན་འོག་བཙུགས་པའི་མཐོ་སློབ་མང་པོའི་གྲས་ཀྱི་གཅིག་ཡིན་པ་དང་། པད་མ་ཚེ་བརྟན་མཐོ་སློབ་དེ་ནས་དགེ་རྒན་འོས་སྦྱོང་གི་སློབ་གཉེར་མཇུག་སྒྲིལ་མ་ཐག་རང་གི་ཕ་ཡུལ་དུ་ལོག་སྟེ་ཁྱོན་བསྡོམས་ལོ་ངོ་བཞི་ཡི་རིང་གཞི་རིམ་སློབ་གྲྭའི་བོད་ཡིག་དགེ་རྒན་གྱི་ཕྱག་ལས་གནང་། ཕ་ཡུལ་དུ་བོད་ཡིག་དགེ་རྒན་བྱས་པའི་ལོ་ངོ་དེ་དག་གི་རིང་།…
དེ་ལས་མང་བ་། “བོད་ཀྱི་གློག་བརྙན་འཁྲབ་ཁྲིད་པ་གྲགས་ཅན་པད་མ་ཚེ་བརྟན་གྱི་མི་ཚེའི་ལོ་རྒྱུས།” »
