ཝཱཎ་མཐོ་སློབ་ཀྱི་ཨ་ཅཱརྱ་བསྟན་འཛིན་དགེ་རྒྱས་ལགས་ཀྱིས་རྩོམ་སྒྲིག་གནང་བའི་(མདོ་ཁམས་རྒྱ་སྟོན་ལྡིང་དགུའི་ལོ་རྒྱུས་རིག་གནས་)དེབ་ཕྲེང་དང་པོའི་སྔོན་གླེང་།

ཆུ་བུར་མིག་གིས་མཐོང་བ་ལས་འགངས་པའི།།
བྱུང་འདས་གཏམ་གྱི་རི་མོ་འཚོལ་དགོས་ན།།
མེས་པོའི་ཤུལ་བཞག་བང་སོ་བསྔོགས་པ་ལས།།
ལྷ་འདྲེའི་ལུང་དང་རིགས་པས་སྒྲུབ་ནུས་མིན།།
ལོ་རྒྱུས་ནི་ལོ་རྒྱུས་རང་སྟེ་ལོ་རབས་བརྒྱ་སྟོང་དུ་མའི་བྱུང་རབས་ཡིན་པས། དེ་དག་གི་ཆ་རྒྱུས་མྱོང་གསུམ་ནི་ལག་འཐིལ་གྱི་རྫས་དང་མེ་ལོང་གི་གཟུགས་བརྙན་བཞིན།

དེ་ལས་མང་བ་། “སྔོན་བརྗོད་མདོར་བསྡུས།” »

འཆམ་ར་དྲི་མེད་།
དེ་ཡང་བོད་སྨན་ནི་སྔོ་སྨན་ལས་སྦྱོར་བཟོ་བྱས་པའི་བཅོས་མེད་རང་བྱུང་གི་སྨན་ཞིག་ཡིན་ལ། དེར་བརྟེན་ཚན་རྩལ་རིག་པའི་ཡང་རྩེར་སོན་ཀྱིན་པའི་དེང་སང། རྫས་སྦྱོར་མང་པོ་བྱས་པའི་ཕྱི་ལུགས་ཀྱི་སྨན་རྣམས་སྤྱོད་རྒྱུར་འཚེར་ཏེ། དེང་རབས་ནད་པ་ཚོས་རྩ་ལྡུམ་བསྡུ་སྦྱོར་བྱས་པའི་སྨན་རྣམས་བསྟེན་བཞིན་ཡོད།

དེ་ལས་མང་བ་། “བོད་སྨན་སྤྲད་ནོར་བྱེད་ཀྱིན་པ།” »

སྒོམ་སྡེ་ལྷ་རམས་པ།

གནའ་དེང་གི་བརྡ་སྤྲོད་ཀྱི་འགྲེལ་བྱེད་གྲགས་ཆེ་བ་མང་པོས། (ར་ལ་ས)སྟེ། ར་མགོ ལ་མགོ ས་མགོ་གསུམ་ལ་མགོ་ཅན་དང་། (ཡ་ར་ལ་ཝ)སྟེ། ཡ་བཏགས། ར་བཏགས། ལ་བཏགས། ཝ་བཏགས་རྣམས་ལ་འདོགས་ཅན་ཞེས་ཐ་སྙད་འདོགས་རྐྱང་གནང་གི་འདུག དེ་ནི་ཤིན་ཏུ་ནོར་བ་སྟེ། མགོ་ཅན་ནི་མགོ་གང་ལ་ལྡན་པ་དེ་ལ་ཟེར་གྱི་མགོ་ལ་མགོ་ཅན་ཞེས་བརྗོད་མི་རིགས་པའི་ཕྱིར། དཔེར་ན་བ་ལང་ལ་རྭ་ཅན་ཞེས་བརྗོད་ཀྱི་རྭ་ལ་རྭ་ཅན་ཞེས་བརྗོད་མི་རིགས་པ་དང་སྒོ་ནས་ཀུན་ནས་མཚུངས་སོ།

དེ་ལས་མང་བ་། “མགོ་ཅན་དང་འདོགས་ཅན་གྱི་དགུ་ཐུག” »

ཉེ་ཆར་རྫི་རྫེལ་ཞེས་པའི་བཟོ་གྲྭ་ཞིག་གིས་ནང་བའི་སྟོན་པ་དང་། འཇམ་པའི་དབྱངས། གོང་ས་རྒྱལ་དབང་མཆོག་གི་སྐུ་བརྙན། དེ་མིན་མ་ཎི་སོགས་གཟུངས་སྔགས། བོད་ཀྱི་རྒྱལ་དར་སོགས་ལྷམ་སྟེང་དུ་དཔར་བ་ལས་འཕྲོས་པའི་གླེང་རྙོག་འབྱུང་གིན་འདུག་ཅིང་། དེ་ལ་དགའ་མོས་མི་བྱེད་མཁན་ཀྱང་མང་ཙམ་འབྱུང་གིན་ཡོད་ཚོད་རེད། ཡིན་ནའང་བཟོ་གྲྭ་དེའི་བྱེད་བབ་ལ་ངོ་རྒོལ་བྱེད་མཁན་བོད་མི་གཅིག་རང་མ་ཡིན་པར་ཉི་ཧོང་དུའང་དགག་བྱ་བྱེད་མཁན་བྱུང་ཡོད་པ་འདྲ།
རང་རེའི་སྤྱི་ཚོགས་སུ་དེ་འབྲེལ་གྱི་བསམ་ཚུལ་འདོན་མཁན་མང་ཙམ་འབྱུང་གིན་ཡོད་པ་ལས་སྤོབས་པ་མཐའ་ཡས་ཀྱི་མཚན་བྱང་བེད་སྤྱོད་གཏོང་མཁན་ཁོང་གི་རྩོམ་ཡིག་ལ་རྣོ་དབལ་དང་གནས་ལུགས། རྒྱུ་མཚན་གཏིང་ཟབ་མོ་ལྡན་པའི་ཁར། ཡིག་སྤུས་དང་ཚིག་སྦྱོར་གྱི་རྩལ་ཀྱང་གཞན་འགྲན་མེད་པ་ལྟ་བུར་མཐོང་བས། རང་ཅག་གི་སྤྱི་ཚོགས་སུ་འདི་འདྲའི་རྩོམ་ཡིག་རིན་ཐང་ཅན་སྤེལ་མཁན་ཡོད་པ་ལ་ཤིན་ཏུ་ནས་ཡི་རང་བྱེད་འོས་པ་ཞིག་རེད།
འོན་ཀྱང་རང་བཞིན་གྱིས་མི་རེ་རེར་བསམ་བློ་གཏོང་སྟངས་མི་འདྲ་བ་རེ་ཡོང་གིན་ཡོད་པ་ཇི་བཞིན། རང་ཉིད་ཀྱང་མི་ཞིག་ཡིན་པའི་ཆ་ནས་བསམ་ཚུལ་རེ་ཡོང་གིན་འདུག་པས། རྒོལ་སེམས་དང་སྡང་སེམས་སོགས་མེད་པའི་ཐོག་ནས་བསམ་ཚུལ་ཙམ་ཞུས་ན་སྐྱོན་དུ་འགྱུར་བར་ཡང་མ་མཐོང་བས་བསམ་ཚུལ་འགའ་རེ་ཞུ་འདོད་བྱུང་། ཕྲན་གྱི་བསམ་པར་ད་རེས་ཀྱི་དོན་རྐྱེན་འདིའི་དགེ་སྐྱོན་ནི་ཐེག་པ་ཆེན་པོའི་ལྟ་གྲུབ་གཅིག་པུས་སྒྲུབ་བྱེད་གཏོང་ཐུབ་པ་ཞིག་མ་ཡིན་པར། འདི་ཐུག་ས་མཐར་ཐུག་ནི་བོད་མི་རིགས་སུ་འབོད་པ་འདིའི་རིག་གནས་དང་བསམ་བློའི་ཁྱེར་སོ་ཐུན་མོང་མ་ཡིན་པ་སྟེ། སྤྱི་ཚོགས་བྱེ་བྲག་པ་ཞིག་གི་རིག་གནས་ཡོད་ཚད་དང་འབྲེལ་བ་ཡོད་པར་མཐོང་། མི་རིགས་སུ་གྲགས་པ་འདི་ལ་རང་རང་གི་ཆོས་ལུགས་དང་། ཆབ་སྲིད། ཡུལ་སྲོལ་གོམས་གཤིས། མཚན་ཉིད། སྒྱུ་རྩལ། རོལ་དབྱངས། མཛེས་དཔྱོད་ཀྱི་ལྟ་བ། རིན་ཐང་གི་འདུ་ཤེས་སོགས་ཀྱིས་བསྐྱེད་པའི་བསམ་བློའི་འཛིན་སྟངས་ཐུན་མོང་མ་ཡིན་པ་རེ་ཡོད་ངེས་པ་ཡིན་ལ། དེ་འདྲ་ལ་བརྟེན་ནས་བོད་ཀྱི་རིག་གནས་དང་། རྒྱ་ནག་གི་རིག་གནས། ཉི་ཧོང་གི་རིག་གནས། རྒྱ་གར་གྱི་རིག་གནས་ཞེས་ཡུལ་ལུང་བྱེ་བྲག་པའི་རིག་གནས་ཐུན་མོང་མ་ཡིན་པར་དགར་གྱིན་ཡོད་པ་མ་ཡིན་ནམ།

དེ་ལས་མང་བ་། “སྤོབས་པ་མཐའ་ཡས་ལགས་དང་བསམ་ཚུལ་བརྗེས་རེས་སུ་ཕུལ་བ།” »

ཉེ་ཆར་དུས་བབ་དང་ཁ་བརྡའི་དྲ་རྒྱ་ན་སྐད་ཡིག་གི་སྐོར་ལ་གླེང་སློང་ལངས། དེ་དག་གི་ཁྲོད་དུ་ཧོར་གཙང་འཇིགས་མེད་ཀྱི་སྩ་ཡིག་གི་གསང་བ་དང་། མདའ་ཚན་པའི་སྦྲ་ཡིག་གི་དཔྱོད་པ་དང་བྱེད་འབྲེལ་བྱེད་མེད་ཀྱི་ཁྱད་པར། སྒོམ་སྡེ་བའི་པ་ཝའི་སྒྲ་གདངས་དྭོགས་གཅོད་སོགས་རེད། ད་བར་གྱི་གནས་ཚུལ་ལ་བརྟགས་ན། སྐད་ཡིག་གི་སྐོར་ལ་དཔྱོད་པ་ནི་ང་ཚོ་ཧ་ཅང་དགའ་སའི་བརྗོད་གཞི་ཞིག་ཡིན་པ་གསལ། ང་ཚོས་སྐད་ཡིག་གི་སྐོར་ལ་ཚོགས་འདུ་ཡང་མང་པོ་འཚོགས་མྱོང་། ང་ཚོས་དག་ཆ་ཚུན་ནས་ཚུར་བླངས་ཏེ་རྩོད་པ་ཚ་ཚ་འུར་འུར་བྱས་མྱོང་། ང་ཚོ་ལ་སྐད་ཡིག་གི་རྩོམ་དང་དེབ་ཀྱང་མང་པོ་སྟོན་རྒྱུ་ཡོད། རང་ཉིད་ལ་མཚོན་ན་ཡང་སྐད་ཡིག་གི་སྐོར་ལ་བསམ་བློ་གཏོང་རྒྱུར་ཧ་ཅང་དགའ། སྐད་ཡིག་གི་སྐོར་ལ་དགའ་བའམ་དོ་སྣང་བྱེད་པ་འདིའི་རྒྱུ་མཚན་ཅི་ཡིན་ནམ། ཡང་ན། ང་ཚོ་སྐད་ཡིག་ལ་ཐུག་སྐབས་འདི་ལྟ་བུའི་འཚབ་ཤ་ཞིག་ལངས་དོན་ཅི་ཡིན་ནམ།

རྒྱུ་མཚན་དང་པོ་ནི་འཇིགས་སྣང་ཞིག་ཡིན་པ་འདྲ། དེ་ཡང་རྒྱ་ནག་གིས་བོད་དུ་དབང་བསྒྱུར་བྱས་སྟབས་མི་རིགས་སྐད་ཡིག་དང་བཅས་པ་རྩ་མེད་བཟོ་བཞིན་ཡོད་ཅེས་པའི་གཏམ་འདིས་ང་ཚོའི་སེམས་རྩ་འཕར་བཅུག སེམས་པ་འཚུབ་བཅུག སེམས་པ་འཚུབ་པའི་ཞོར་ལ་ང་ཚོས་སྐད་ཡིག་སྤྱོད་ཉེས་ཕྲན་བུ་ཙམ་ལའང་སེམས་འཚབ་རི་འདྲ་བ་རེ་འཁྱེར་ནས་ཡོང་གི་ཡོད། སྐད་ཡིག་ཐོག་རྩོམ་ཡིག་རེ་རེ་འབྲི་སྐབས་ཀྱང་སྐད་ཡིག་རྒྱུན་འཛིན་ལ་དམིགས་པའི་ཀུན་སློང་གང་འཚམས་རེ་ཡོང་གི་ཡོད། སྤྱོད་ཚུལ་དེ་འདྲའི་ཐོག་ནས་ང་ཚོས་དུས་རབས་ཉེར་གཅིག་པ་འདིའི་ནང་བོད་ཀྱི་སྐད་ཡིག་སྐྱོབ་ཐབས་ལ་བརྩོན་བཞིན་ཡོད་ལ། ཐབས་དེ་འདྲ་ལ་འབྲེལ་བའི་ཡི་མུག་དང་སྤྲོ་སྣང་སོགས་འབྱིན་བཞིན་ཡོད།

དེ་ལས་མང་བ་། “སྐད་དང་སྐད་ཡིག” »

ཚེ་ཏན་ཞབས་དྲུང་འཇིགས་མེད་རིགས་པའི་བློ་གྲོས།
———————————-
༼དག་ཡིག་ཐོན་མིའི་དགོངས་རྒྱན་གྱི་ལྷན་ཐབས་མཛེས་པའི་རྒྱན། ཤོག་གྲངས་ ༣༨༡-༣༨༣ གསུང་འབུམ། གླེགས་བམ་ལྔ་བ། མི་རིགས་དཔེ་སྐྲུན་ཁང་། ༢༠༠༧ པེ་ཅིན། ༽

འདིར་དཔེར་ན། ཆུ་ལ་རྐྱལ་བྱ་རྐྱལ་བྱེད་རྐྱལ་ཟིན་རྐྱོལ་ཅིག་ཅེས་པ་ལྟ་བུའི་བྱེད་པ་པོ་དངོས་སུ་ཡོད་པར་སྟོན་པ་འདི་འདྲའི་ཡིག་གཟུགས་བསྡུས་ཚེ། ད་དྲག་མི་མཐོང་བ་ལྟར་ན་རྐྱལ་རྐྱོལ་གཉིས་ཙམ་ལས་མེད་པས་བྱ་བྱེད་བྱས་སྐུལ་སོ་སོར་མ་བྲིས་ལ། ཡང་། མྱུ་གུ་སྐྱེ་བྱ་སྐྱེ་བྱེད་སྐྱེས་ཟིན་ཅེས་བྱེད་པ་པོ་དངོས་སུ་མེད་པར་རང་ཤུགས་ཀྱིས་སྐྱེ་བར་སྟོན་པ་འདི་འདྲ་ལ་སྐུལ་ཚིག་བྱ་སའི་གཞི་མེད་པས་སྐྱེ་སྐྱེས་གཉིས་སུ་བསྡུས་པ་ཡིན་ལ། གལ་ཏེ་འདི་ལ་སྐུལ་ཚིག་བྱེད་ཚེ་ས་བོན་འདེབས་མཁན་གྱི་སྐྱེས་བུ་སེམས་ལྡན་ཞིག་ལ་སྐུལ་མ་གཏོང་བའི་ཚུལ་གྱིས་མྱུ་གུ་སྐྱེད་ཅིག་ཅེས་སམ་མྱུ་གུ་སྐྱེ་བར་གྱིས་ཤིག་ཅེས་བརྗོད་དགོས་ལ། དེ་ལས་གཞན་མྱུ་གུ་སྐྱེ་བ་ལ་ཕན་འདོགས་པའི་སེམས་མེད་ཆུའི་རླན་དང་། ཉི་མའི་ཚ་དྲོད་ལྟ་བུ་ལ་མྱུ་གུ་སྐྱེད་ཅིག་ཅེས་སྐུལ་ཚིག་གཏོང་འོས་མེད་པའང་ཤེས་དགོས་སོ༎

དེ་ལས་མང་བ་། “བྱ་ཚིག་སྐོར་གྱི་གསལ་བཤད་ཅིག” »

སྤོབས་པ་མཐའ་ཡས།

ཉེ་ཆར་དྲ་རྒྱའི་སྟེང་ནས་ཤེས་པ་ལྟར་ན་ཕྱི་རྒྱལ་གྱི་ཚོང་ལས་ཚོགས་པ་ཞིག་གིས་སྟོན་པ་སངས་རྒྱས་ཀྱི་སྐུ་ཐང་དང་ཏཱ་ལའི་བླ་མའི་སྐུ་པར་སོགས་ཀྱིས་བརྒྱན་པའི་ལྷམ་བཟོས་ཡོད་པ་མཐོང་རྗེས་ཁྱི་རྒན་ཀུ་ཅོ་འདོན་པའི་དཔེ་བཞིན་རང་རེའི་ཁྲོད་ཀྱི་མང་པོ་ཞིག་ཁྲོས་ཏེ་ཟས་མིད་པར་མི་འགྲོ་བའི་ཚད་ཙམ་དུ་སླེབས་ཤིང་ཚོང་ལས་ཁང་དེ་ལ་དགོངས་དག་ཞུ་བཅུག་པ་ཐོས།

དེ་ལས་མང་བ་། “སངས་རྒྱས་ལ་བརྙས་བཅོས་སུས་བྱས།” »

དེ་རིང་ཡང་མི་ངན་པའི་ཁ་བདག་མ་ཐུབ་པར་རྣམ་རྟོག་གི་ཡིག་ཕྲེང་ཁ་ཤས་འབྲི་དགོས་བྱུང་སོང་། དེ་ནི་སྦྲ་གུར་གྱི་སྦྲ་ཡི་ཁུངས་ར་ཡིན་སྲིད་པའི་སྐོར་ཡིན་། བོད་ཡིག་ནང་སྦྲ་གུར་ཟེར་བའི་ཡི་གེ་འདི་ལ། བོད་ཡུལ་ཀུན་ཏུ་སྦ་ཟེར་ནས་ར་བཏགས་མི་ཀློག་མཁན་བོད་ཡུལ་སྟོད་སྨད་བར་གསུམ་གང་ནའང་འདུག ཨ་མདོའི་འབྲོག་ཕྱོགས་མང་པོ་ཞིག་ནས་སྦ་མི་ཟེར་བར་ ར ཟེར། སྟབས་བདེ་བོ་ཞིག་བཤད་ན། ར་བཏགས་ཀྱི་སྒྲ་ཤུགས་ཆེན་པོར་་ཀློག་པ་ལས་ཡོང་བ་ཡིན། དེ་འདྲ་བ་བོད་སྐད་ནང་མང་། ཡ་བཏགས་ཀྱི་སྒྲ་མ་གཏོགས་མི་ཐོན་པ་ཡང་ཡོད། གཞན་གང་ཡང་མ་ཡིན་ནོ་ཟེར་ན་བདེན་མདོག་ཁ་བོ། བློ་ལའང་འཇུག་བདེ་བོ་འདྲ་ཞིག་འདུག་སྟེ། མིང་འདི་མིའི་རིགས་འཕེལ་རིམ་གྱི་ལོ་རྒྱུས་ལ་སྦྱར་ནས་དཔྱད་པ་ཞིག་བཏང་བ་ཡིན་ན་དཔྱད་པ་ཁྱོན་ནས་གཏོང་རིན་མེད་པ་ཞིག་ཀྱང་མིན་པ་འདྲ་སྟེ།

དེ་ལས་མང་བ་། “སྦྲ་ཡི་ཁུངས་ར་ཡིན་སྲིད།” »