གཅན་བཟོད་རྒྱམ།
ས་སྲོད་ཀྱི་སྲང་ལམ་ན
ང་རང་གཅིག་པུ་ཡིན་ནམ
རྒྱང་རིང་ན་སེམས་པ་ཞིག་ཡོད་དམ
སྣ་བ་རློགས་དང
མིག་ཆུ་དེས་བརྗོད་པ་སེམས་གཏམ་ངོ་མ་ཞིག་ཡིན་ངེས
ཡང་བསྐྱར་རྡ་སར་བཞག་ནས་འགྲོ་དགོས་བྱུང་།
བོད ལྷ་ཀླུ་གཉན་གསུམ། རི་གྲོང་འདི་ནས་དངོས་ནས་ཞེ་ཆགས་ས་ཞིག་ཡོད་པ་དེ་ནི་བྱེས་སུ་ཡུན་རིང་ བསྡོད་མཁན་ང་ལྟ་བུ་མི་ཉུང་བ་ཞིག་ལ་གཅིག་མཚུངས་ཀྱིས་དཀའ་ངལ་འདི་ཡོད་ཤས་ཆེ། འོན་ཀྱང་། རང་གི་འཚོ་བའི་ཆེད་དུ་ཟེར་ན་འགྲིག རང་གི་བུ་མོ་ཆུང་ཆུང་སྙིང་རྗེ་བོ་དེ་ཟེར་ན་འགྲིག རང་ལ་བརྩེ་བའི་མཛའ་མོ་དེ་ཡི་ཆེད་དུ་ཟེར་ན་རེད། གང་ལྟར། ཟླ་ངོ་གཉིས་ཀྱི་གུང་གསེང་གི་དུས་ཡུན་རྫོགས་ནས། དྲིན་ཆེན་གྱི་ཕ་མ་གཉིས་དང་བརྩེ་བའི་ནུ་མོ། སྙིང་ཉེ་བའི་གྲོགས་དང་གྲོགས་མོ་མང་བོ་ཞིག་བཞག་ནས་གཞན་ཡུལ་གྱི་ལུང་པ་དེར་ འབུད་འགྲོ ང་རང་སོང་ཤུལ་དུ། འདྲིས་ཤིང་གཤིབ་པའི་ཐག་རིང་ཐུང་གི་སྤུན་ཟླ་དང་མཛའ་བརྩེ་ཟབ་མོ་ཡོད་པའི་…
