ད་ལྟ་རང་ཁྱེད་ཀྱི་མྱུར་འཕྲིན་དེ་ཀློག་རྒྱུ་བྱུང་སོང་། དེ་རིང་བར་དུ་ཁོམ་པ་ཞིག་ཁྱོན་ནས་མ་བྱུང་། ཁྱེད་ལ་བོད་རིག་པའི་ཞིབ་འདུག་ཚོགས་འདུའི་སྐོར་རོབ་ཙམ་བཤད་ན། འཛམ་གླིང་གི་རྒྱལ་ཁབ་ཁག་བཅུ་གསུམ་ནས་སླེབས་པའི་བོད་རིག་པའི་མཁས་པ་དང་ཞིབ་འཇུག་པ་བཞི་བརྒྱར་ཉེ་བ་ཞིག་འཛོམས་འདུག དེ་དག་གིས། བོད་ཀྱི་ཆོས་ལུགས་རིག་གནས། ཡུལ་སྲོལ་རིག་གནས། ལོ་རྒྱུས་རིག་གནས། སེམས་ཁམས་རིག་གནས། ལྷ་གསོལ་རིག་གནས། གཞི་བདག་གི་སྐོར། གླིང་གེ་སར་གྱི་སྐོར། བོད་ཀྱི་གསོ་བ་རིག་པའི་སྐོར་སོགས་ཕྱོགས་ངོས་མང་པོ་ཞིག་ནས་གླེང་སོང་།
ང་རང་ནས་བོད་ཀྱི་སྲོལ་རྒྱུན་ཞྭ་མོའི་སྐོར་ལ་བཤད་པ་ཡིན
དེའི་སྐོར་གྱི་བཅར་འདྲི་ཞིག་ལ་འདི་ནས་ཉན་རོགས།
ད་རེས་ཀྱི་ཚོགས་འདུར་ཞུགས་མཁན་ནང་དགུང་ལོ་ཆེ་ཤོས་ནི་ལོ་བརྒྱད་བཅུ་གྱ་གཉིས་དང་། ཆུང་ཤོས་ནི་ཀྲུང་དབྱང་མི་རིགས་སློབ་གླིང་དང་ལྷོ་ནུབ་མི་རིགས་སློབ་གླིང་སོགས་ཀྱི་ཞིབ་འཇུག་པ་ལོ་ན་ཉེར་གསུམ་ཉེར་བཞི་ཡིན་པ་བཅས་རྒན་གཞོན་མང་པོ་ཞིག་འཛོམས་འདུག ད་རེས་ཀྱི་ཚོགས་འདུའི་ནང་། བོད་ནང་ནས་མི་གྲངས་བཞི་བཅུ་བརྒལ་ཙམ་ཞིག་འབྱོར་འདུག་པ་དང་།
རྒྱལ་སྤྱིའི་བོད་རིག་པའི་ཞིབ་འཇུག་ཚོགས་ཆེན།
དཔལ་ལྡན་རྒྱལ།
རྒྱལ་སྤྱིའི་བོད་རིག་པའི་ཞིབ་འཇུག་ཚོགས་ཆེན་ཐེངས་བཅུ་གཉིས་པ་དེ། ཁེ་ན་ཌའི་ཝེན་ཁུ་ཝར་གྲོང་ཁྱེར་ནང་ཡོད་པའི་ British Columbiaསྦུ་རེ་ཐའེ་ཞི། ཀོ་ལམ་སྦི་ཡ། སློབ་གྲྭ་ཆེན་མོའི་ཨེ་ཤེ་ཡའི་ཞིབ་འཇུག་སྡེ་ཚན་གྱིས་སྒྲིག་འོག ཟླ་བརྒྱད་པའི་ཚེས་༡༥ནས་༢༡བར་སློབ་གྲྭ་ཆེན་མོ་དེའི་ནང་འཚོགས་ཡོད་པ་རེད། ང་རང་ས་གནས་དེ་ལ་ཆེད་དུ་བཅར་ནས་ཉིན་གཉིས་རིང་གནས་ཚུལ་མཁོ་སྒྲུག་བྱས་པ་ཡིན། ཚོགས་ཆེན་དུ་བོད་དང་། རྒྱ་ནག་ནས་ཕེབས་པའི་མི་བཞི་བཅུ་ལྷག་ཐེ་བའི་འཛམ་གླིང་གི་རྒྱལ་ཁབ་༢༡་ནས་བོད་རིག་པར་ཞིབ་འཇུག་གནང་མཁན་མི་གྲངས་བཞི་བརྒྱ་ལྷག་འཛོམས་བྱུང་། ཞིབ་འཇུག་པ་ཚོ་ཚོགས་ཆུང་ཁག་བགོས་ཀྱིས་བརྗོད་གཞི་འདྲ་མིན་ཐོག་རང་ཉིད་ཀྱིས་ཞིབ་འཇུག་བྱས་པའི་ཆེད་རྩོམ་སྒྲོག་སྦྱངས་དང་། བགྲོ་གླེང་གནང་ཡོད་པ་རེད། ད་ཐེངས་ཀྱི་ཚོགས་འདུ་འདི་ལ་བོད་ནས་ཕེབས་མཁན་མི་ཁག་ཅིག་ལ་རྒྱ་ནག་གཞུང་གིས་ཕྱི་སྐྱོད་ལག་འཁྱེར་མ་སྤྲད་པའི་དབང་གིས་ཚོགས་འདུར་བཅར་ཐུབ་མི་འདུག
ད་ཐེངས་ཀྱི་ཚོགས་འདུའི་སྐོར་ལ་ Oxford སློབ་གྲྭ་ཆེན་མོའི་དགེ་རྒན་ཆེན་མོ་དང་། རྒྱལ་སྤྱིའི་བོད་རིག་པའི་ཞིབ་འཇུག་ལྷན་ཚོགས་ཀྱི་ལས་ཐོག་ཚོགས་གཙོ Charles Ramble བཅར་འདྲི་ཞུས་བར་ཉན་རོགས།
ཤ་དང་རུས་པའི་གསེང་ནས་ཀི་ཞིག་འདེབས།
བོད། ལྷ་ཀླུ་གཉན་གསུམ་ནས།
མིའི་ཡུལ་ཁམས་ཤིག་ག་དུས་ནས་ཆགས་པ་རེད། སྐབས་དེར་མི་སྐད་གང་འདྲ་ཞིག་བཤད་ཀྱི་ཡོད་པ་རེད། མི་སྐད་བཤད་ཤེས་པའི་མི་སྡེ་དང་བོ་དེ་ནི་གང་ནས་བྱུང་བ་རེད་དམ། མི་སྡེ་དེ་ཡི་ཡི་གེ་གང་ཡིན་ནམ། གང་ལྟར། དེ་ལྟར་མི་ཡུལ་ནས་མི་སྐད་བཤད་འགོ་བཙུགས་པ་རེད།
༄།། ནང་ཆོས་དང་ཚན་རིག་བར་གྱི་ཚོད་སྒམ།། སྔ་མའི་འཕྲོ
རྔ་བ་རྒྱལ་ཁམས་པ།
གཅིག སངས་རྒྱས་ཆོས་ལུགས་ཀྱི་སེམས་ཁམས་ཤེས་རིག་དང་། ནོས་ཁྲོས་ཀྱི(Newton’s gravity)འཐེན་ཤུགས།
ནོས་ཁྲོན་གྱིས་དངོས་བོ་ཚང་མར་ཕྱི་ནང་གི་འཐེན་ཤུགས་གཉིས་རེ་ཡོད་པར་བཤད་ཅིང་། ཉི་ཟླ་གཟའ་སྐར་སོགས་ཀྱི་གོང་བུ་མ་འཐོར་བར་འཛིན་བྱེད་དེ་ནི་༼འཐེན་ཤུགས༽ཞེས་པ་འདི་ཡིན་ཞིང་། འཛམ་གླིང་འདིའི་ངོས་ཀྱི་རི་ར་བ་ཁང་ཁྱིམ་སོགས་ཕྱི་ལ་མ་ལྷུང་བར་འཛིན་སྤྱད་དེའང་འཐེན་ཤུགས་ཞེས་པ་དེ་རེད། ཆུང་ས་རྡུལ་ཕྲན་ནས་ཆེ་ས་མཐའ་ཡས་པའི་འཇིག་རྟེན་བར་འཐེན་ཤུགས་དེས་མ་བཟུང་བ་ཞིག་མེད་པར་བཤད་ཡོད། འོན་ཏེ་དོན་དངོས་ཐོག་འཐེན་ཤུགས་(gravity)ཞེས་པ་ཅི་ཞིག་ཡིན་མིན་ད་དུང་ཡང་གསལ་བོ་ཞིག་ཤེས་རྟོགས་ཐུབ་མེད།
དེ་ལས་མང་བ་། “༄།། ནང་ཆོས་དང་ཚན་རིག་བར་གྱི་ཚོད་སྒམ།། སྔ་མའི་འཕྲོ” »
དབྱངས་ལ་ཐིམ་པའི་བོད། ཐོན་ལ་ཉེ་བའི་གློག་བརྙན་ཞིག
བཅར་འདྲི་ཞུ་ཡུལ། ཆབ་སྲིད་བཙོན་ཟུར་ངག་དབང་ཆོས་འཕེལ།
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།
དང་པོ། ཐོག་མར་ཁྱེད་རང་ངོ་སྤྲོད་ཞིག་གནང་ན་འགྲིག་གམ།
ལན། ངའི་མིང་ལ་ངག་དབང་ཆོས་འཕེལ་ཟེར། སྐྱེས་ས་རྒྱ་གར་ལྷོ་ཕྱོགས་ཡིན། འཚར་ལོངས་ཡང་དེ་རུ་བྱུང་བ་རེད།
བོད་གཞུང་ཟློས་གར་ནས་བོད་པའི་གཞས་སྣ་ཞབས་བྲོའི་ཐོག་ལ་སློབ་ཐོན་བྱས་རྗེས། ཕྱི་ལོ་༡༩༩༣ལོར་བོད་གཞུང་གི་སློབ་ཡོན་བརྒྱུད་ཨ་རིའི་གཙུག་ལག་སློབ་ཁང་(Middlebury)ལ་སློབ་སྦྱོང་བྱེད་དུ་ཕྱིན་པ་ཡིན།
ང་རང་ཆུང་ཆུང་ཡིན་དུས་ནས། རང་གི་ཕ་ཡུལ་བོད་ལ་ཐེངས་གཅིག་འགྲོ་དགོས་བསམ་པའི་འདུན་པ་འགོག་ཐབས་མེད་པ་ཞིག་ཡོད། ང་རང་འཚར་ལོངས་བྱུང་ས་བཙན་བྱོལ་ཡིན་རུང།
བོད་ལ་འགྲོ་ཐུབ་ན་བསམ་པའི་རྨི་ལམ་འདྲ་ཞིག་དུས་རྒྱུན་ཏུ་སོ་སོའི་སེམས་ལ་ཡོད། དེར་བརྟེན། ༡༩༩༥ལོའི་ཕྱི་ཟླ་༧པར་། གྲོགས་པོ་ཨ་རི་བ་ཞིག་དང་མཉམ་དུ་བོད་ལ་ཕྱིན་པ་ཡིན།
བོད་ཀྱི་དམངས་ཁྲོད་གླུ་གཞས་ཁག་བསྡུ་རུབ་ཐུབ་ན་བསམ་ནས་བོད་ལ་ཕྱིན་པ་ཡིན། དམངས་ཁྲོད་གླུ་གཞས་ཀྱི་སྐོར་ལ་གློག་བརྙན་ཞིག་བཟོ་འདོད་ཀྱི་བསམ་བློ་ཡང་དེ་དུས་ནས་ཡོད་།
འོན་ཀྱང་། ལོ་དེའི་ཕྱི་ཟླ་༩བར། གཞིས་ཀ་རྩེ་ནས་ང་རྒྱ་ནག་གིས་འཛིན་བཟུང་བྱས་བ་རེད།
དེ་ལས་མང་བ་། “དབྱངས་ལ་ཐིམ་པའི་བོད། ཐོན་ལ་ཉེ་བའི་གློག་བརྙན་ཞིག” »
བཀའ་བློན་ཁྲི་པ་ཉམས་མྱོང་དང་རྟུལ་ཕོད་ཅན་ཞིག་དགོས།
འགར་ཚེ་རྒྱལ།
ཅི་སྟེ་ཁ་ཤས་ཀྱིས་ཡག་རབ་རྒྱན་རབ་ཀྱིས་རྒྱན་བསྟོད་མང་པོ་ཞིག་བརྒྱན་ནས་ཡོད་མཁན་དེ་ཚོ་དང་། ཡང་ཁ་ཤས་ཤིག་ནས་བཀའ་བློན་ཁྲི་པར་ཁོ་རང་གིས་འཇོན་རབ་ཀྱི་རྨི་ལམ་གཏོང་མཁན་དེ་ཚོའི་སུ་གཅིག་ཀྱང་ཁོ་བོས་ནི་བཀའ་ཁྲིར་འོས་འདེམས་བྱས་མེད། ཡིན་ཡང་ཁོ་ཚོར་སྐྱོན་ཉེས་ཀྱི་ཕྱོགས་ཆ་ལྡན་པའི་སྐད་ཆ་ཁོ་བོར་གང་ཡང་བཤད་རྒྱུ་མེད་མོད། འོན་ཏང་ཁོ་བོ་ཡང་ད་ལྟའི་བར་ཁོར་ཡུག་འདི་ལ་རྣ་བ་གཏད་ནས་ཡོང་མཁན་ཞིག་ཡིན་ལ། ལྷག་པར་ཆེ་ཆེ་གྲགས་གྲགས་ཚོའི་མི་གཤིས་ཀུན་སྤྱོད་སོགས་ལ་དུས་རྒྱུན་ཟུར་ཉན་དང་གཟབ་བལྟ་རྟོག་ཚོར་བྱེད་རྒྱུར་དགའ་མཁན་ཞིག་ཡིན་སྟབས། ཁོ་བོར་ཡང་ཁོ་བའི་ཚོད་ཀྱིས་ལྟ་སྟངས་ཤིག་ཡོད།
དེ་ལས་མང་བ་། “བཀའ་བློན་ཁྲི་པ་ཉམས་མྱོང་དང་རྟུལ་ཕོད་ཅན་ཞིག་དགོས།” »
བོད་མི་མང་དང་བོད་གཞུང་གི་ངོས་ནས་འབྲུག་ཆུའི་གནོད་ཐེབས་ས་ཁུལ་ལ་བཟུང་བའི་རྣམ་འགྱུར་ཐད་བསམ་ཚུལ་བཤད་རྒྱུ་ཨེ་ཡོད།
རྡུལ་ཕྲན།
བཙན་བྱོལ་བས་ནི་ཁོ་ཚོར་རྒྱ་མིར་བརྩིས་ཏེ་དོ་སྣང་དེ་ཙམ་བྱེད་ཀྱི་མི་འདུག་་་རྒྱ་ནག་གིས་ནི་ཁོ་ཚོར་བོད་པ་ཡིན་པར་ཁག་བཞག་སྟེ་ལྟ་སྟངས་གཞན་ཞིག་འཛིན་ངེས།ད་ནི་ཁོ་ཚོར་ཅི་ཞིག་མཁོ་ཞིང་གང་ཞིག་དགོས་པའི་རེ་བ་དག་རྩ་མེད་དུ་འགྲོ་ཉེན་ཧ་ཅང་ཆེ་ཨང་་་
ཡང་སྤུན་ཟླ་ཞིག་བཟུང་སོང༌།
གནས་ཚུལ་གཏོང་མཁན་ཚེ་རིང་སྐྱིད། བོད་ལ་རང་དབང་མེད་པའི་སྙན་ཞུ་ཞེས་པའི་འོད་སྡེར་ནང་དུ་རྒྱ་ནག་གིས་བོད་མི་ཚོར་སྲིད་ཇུས་ག་རེ་འཛིན་གྱིན་ཡོད་མེད་འགྲེལ་བཤད་བྱེད་མཁན་གྱི་རྒྱུས་ཚང་སྐལ་བཟང་ཚུལ་ཁྲིམས་ལོ་གཅིག་ལ་བྲོལ་བྱོལ་གྱིས་འཚོ་བ་སྐྱེལ་ཡང༌། ཉེ་ཆར་རང་འཛིན་བཟུང་བྱས་ཡོད་འདུག
འཛམ་གླིང་གི་བྱང་སྣེ་མྱུལ་བའི་ཟིན་ཐོ་མ་དྲན་དགུ་དྲན།
ཁང་གསར་རྡོ་རྗེ།
དུམ་བུ་གཉིས་པ།
ད་དུམ་བུ་དང་པོའི་འཕྲོ་ནས་བཤད་ཀྱི་ཡིན། དྲྭ་རོགས་ཚོའི་དགོངས་འཆར་ལྟར། ཀི་སྒྲ་རྣམས་ཀྱི་སྒྲ་ལ་བཅོས་ཡོད་པའི་ཁུལ་ཡིན།
༥༽ ཡུལ་འདི་ལ་ནི་མི་འབོར་འཕར་ཚད་ཧ་ཅང་ཆེན་པོ་རེད་འདུག ༡༩༣༩ ལོའི་མི་འབོར་དང་བསྡུར་ན། ད་ལྟ་མི་གྲངས་གསུམ་ཁྲི་ལྷག་ཡོད་པ་འདི། ལྡབ་གཅིག་ལྷག་ཙམ་འཕར་ནས་བྱུང་བ་རེད་ཟེར། ད་དུང་ཡང་མི་འབོར་འཕར་བཞིན་ཡོད་པ་དེ། ཁེ་ཎ་ཌའི་ནང་གི་མི་འབོར་འཕར་ཚད་མགྱོགས་ཤོས་རེད་འདུག དེ་ལ་དཔྱད་ཞིབ་པ་ཚོས་རྒྱུ་མཚན་མང་པོ་བཤད་ཀྱི་འདུག དཔེར་ན། འཕྲོད་བསྟེན་དང་འཚོ་བ་ཡག་ཏུ་སོང་ནས་འཆི་ཚད་ཉུང་དུ་སོང་བ་དང་ཚེ་ཚད་རིང་དུ་སོང་བ་རེད་སོགས་ཟེར། ངས་བལྟས་ན་ནི་གཙོ་བོའི་རྒྱུ་མཚན་གཅིག་ལས་མ་མཐོང་། དེ་ནི་གནམ་གཤིས་གྲང་བས་ཕོ་མོ་མཉམ་དུ་ཉལ་མང་ཞིང་། འགྲིམས་འགྲུལ་ཡར་རྒྱས་ལ་སོང་ནས་ཉལ་རོགས་འཚོལ་བདེ་བ། ཕྲུ་གུ་ཇི་ཙམ་མང་ན་དེ་ཙམ་གྱི་རོགས་དངུལ་མང་པོ་ཐོབ་པ་བཅས་ལ་བརྟེན་ནས་རེད་འདུག
ཡུལ་འདིའི་ཕོ་མོ་གཉིས་ཀ་འདོད་ཆགས་ཆེ། ཕལ་ཆེར་ཉ་ཤ་དང་མཚོ་ཟས་ལ་ལོངས་སུ་སྤྱོད་ཆེ་བ་དང་། ལྷག་པར་ཁོ་རང་ཚོའི་ཟས་རིགས་བཟོ་སྟངས་དེ་ལའང་འབྲེལ་བ་མེད་དམ་སྙམ། ང་རང་དེར་སྡོད་རིང་དུའང་ལུས་ཀྱི་ཟུངས་དང་ཁུ་བ་མངོན་གསལ་གྱིས་འཕེལ་གྱིན་ཡོད་པར་དོ་སྣང་བྱུང་། གཅིག་བྱས་ན། ཆུ་ལའང་འབྲེལ་བ་ཡོད་སྲིད། བོད་ཀྱི་གངས་རི་དང་ཉེ་བའི་མི་དེ་ཚོ་ཆགས་པ་ཆེ་བ་འདྲ་ཞིག་འདུག གངས་སྦལ་གྱི་གཅིན་ཆུ་བོ་དང་འདྲེས་པ་བཏུང་པས་རེད་ཟེར་ཡོང་། དེ་ལ་བརྟག་རྒྱུ་ཞིག་འདུག
དེ་ལས་མང་བ་། “འཛམ་གླིང་གི་བྱང་སྣེ་མྱུལ་བའི་ཟིན་ཐོ་མ་དྲན་དགུ་དྲན།” »
རྒྱལ་སྤྱིའི་བོད་རིག་པའི་ཚོགས་འདུ་ཐེངས་བཅུ་གཉིས་པའི་སྐོར་གྱི་གནས་ཚུལ་ཞིག
འབྲུག་ཆུ་ལོ་རྒྱུས་ཀྱི་དཔང་པོ་།
བཞག་ལྡོམ་དར་རྒྱས་།
ཁ་སང་ཁྲི་སྲོང་རྒྱལ་པོས་བཀའ་བཞིན་དུ་།
རི་བོ་གངས་ཅན་མཐའ་མཚམས་སྲུང་དུ་ཕེབས་།
ཁྲག་དང་རྔུལ་ཆུས་བསྐྲུན་པའི་ལོ་ཟླའི་ཁྲོད་།
འབྲུག་ཆུའི་བོད་མའི་དཔའ་མཛངས་ཉི་འོད་བཞིན་།
མ་བུ་དགྲ་གྲོགས།
ལྷ་ཆབ་སྦྱིན་པ།
སྤར་མོའི་ཚིགས་གསུམ་གྱི་སྐས་ནས་ཡར་འབབ་མར་འབབ།།
མ་བུ་དགྲ་གྲོགས་ཀྱི་རྩ་བ་བློ་ལ་སྐྱོར་ན།།
འབྱུང་བོའི་ལོ་ཟླ་འདི་ཡང་ཡང་རྩིས་ལ་བབས་ནས།།
སང་ལོའི་བཀའ་སྤྱི་ཡི་འོས་ལ་བར་ཆད་འདུག་གོ།
དགྱ་ནག་སྐེག་ཟློག་གིས་ཐལ་མོ་ཇི་ལྟར་བརྡབས་ཀྱང་།།
སྲུང་མའི་གཏོར་ཟོར་གྱིས་དགྲ་ཁ་ཇི་ལྟར་བཀག་ཀྱང་།།
གཉན་པོ་གླུད་ཚོགས་ཀྱིས་ཕྱོགས་བཞིའི་སྒོ་ཆེན་བསྡམས་ཀྱང་།།
སང་ལོའི་བར་ཆད་འདི་ཟློག་ལ་དཀའ་སེ་འདུག་གོ།
དུས་རབས་ཉེར་གཅིག་པའི་བོད་མི།
བོད། ཤ་ཁྲག་རུས་གསུམ།
ངས་དེ་རིང་འདི་ནས་དུས་རབས་ཉེར་གཅིག་པའི་བོད་མི་ཟེར་ནས་གླེང་གཞི་འཛིན་དོན་ནི། དེང་སང་དྲ་ཐོག་དང་ཡིག་ཐོག ངག་ཐོག་སོགས་ནས། བོད་མི་འདུས་བསྡོད་ཀྱི་ས་གནས་བོད་ཕྱི་ནང་གཉིས་ཀྱི་གཙོ་བའི་བོད་རིགས་འདུས་བསྡོད་ཀྱི་ཡུལ་གྲུ་གང་ས་ནས་ང་བོད་ཡིན་ཟེར་བ་ཞིག་གླེང་འགོ་བཙུགས་དེ་ལོ་ངོ་འགའ་སོང་ཡོད་ལ། དེ་ཡང་ངག་ཐོག་ནས་བརྙན་འཕྲིན་ཐུང་ཐུང་བཟོས་པ། ཡིག་ཐོག་ནས་བསམ་ཚུལ་སྤེལ་བ། འདུས་འཛོམ་གྱི་སྒོ་ནས་བགྲོ་གླེང་སྤེལ་བ་བཅས་བྱུང་ཡོད་ལ། དེ་ཡང་བོད་ནས་མཆེད་པའི་མེ་ལྕེ་ཞིག་དང་འགྲོགས་ནས་དེང་གི་བོད་མི་འདུས་བསྡོད་ཀྱི་འཛམ་གླིང་གང་སར་མཆེད་པ་རེད།
འཛམ་གླིང་གི་ཟིན་་ཐོ་(world record)འཛིན་མཁན་གྱི་བོད་པ་ཐོག་མ།
དོན་གྲུབ་ནས།
འཛམ་གླིང་སྟེང་ཤོག་སྒྲིལ་རིང་ཤོས་འདི་ནི་བོད་ཤོག་རྣལ་མའི་སྟེང་དུ་ཉི་ཧོང་གི་སྲོང་མི་(Sumi)་སྣག་ཚ་བེད་སྤྱོད་དེ་བལ་ཡུལ་མཆོད་རྟེན་དུ་འབྲི་འགོ་བཙུགས་ནས་ཟླ་བ་དྲུག་ཙམ་འགོར་ཡོད་པ་དང་། བླ་ཆེན་སོ་གཉིས་ཀྱི་༸གོང་ས་མཆོག་གི་ཞབས་བརྟེན་སྨོན་ཚིག་ཁག་འཁྱུག་ཡིག་དང་། ཚུགས་ན་འཁྱུག ཚུགས་རིང་། འཁྱུག་བཅས་ཀྱི་ཡིག་གཟུགས་ནང་དུ་བྲིས་ཡོད་པ་རེད། ཤོག་སྒྲིལ་གྱི་རིང་ཚད་ལ་མི་ཊར་༡༦༣་༢་ཡོད་པ་དང་འགྲེམ་སྟོན་ཐོག་མ་བསྟན་འཛིན་རྒྱ་མཚོ་སློབ་གཉེར་ཁང་དུ་གནང་ཡོད་པ་རེད། ལོ་འདིའི་ཟླ་བ་བརྒྱད་པའི་ནང་དུ་འདི་གར་ནིའུ་ཡོག་གི་Flushing Meadows Park་ ནང་དུ་བཤམས་ནས་འཛམ་གླིང་གི་ཤོག་སྒྲིལ་རིང་ཤོས་ཀྱི་ཚད་ཐོ་འགོད་ཐུབ་པ་བྱུང་བ་རེད།
ཡིག་གཟུགས་སྒྱུ་རྩལ་གྱི་ཤོག་སྒྲིལ་རིང་ཤོས་འདི་ནི་ལྕགས་རི་ཤར་འཇམ་དབྱངས་རྡོ་རྗེ་ལགས་ཀྱིས་བྲིས་གནང་བ་རེད།
དེ་ལས་མང་བ་། “འཛམ་གླིང་གི་ཟིན་་ཐོ་(world record)འཛིན་མཁན་གྱི་བོད་པ་ཐོག་མ།” »
ཆང་དང་རོལ་དབྱངས།
གཅན་བཟོད་རྒྱམ།
༡
ཆང་གིས་བཟི་རྗེས
ཁེར་རྐྱང་དུ་རོལ་དབྱངས་ལ་ཉན་པ་ཡིན
རོལ་དབྱངས་འདི་གཏིང་རིང་པོ་ཞིག་ནས་སམ་རྒྱང་རིང་པོ་ཞིག་ནས་གྲགས་འོང་གི
རོལ་དབྱངས་འདི་ཇེ་སྙན་ནས་ཇེ་སྙན་དུ་འགྲོ་བ་དང
སེམས་པ་ནི་ཇེ་ལྷོད་ནས་ཇེ་གཉོམ་དུ་གྱུར
ཐ་ན་མིག་ཀྱང་ཕྱེ་འདོད་མེད་པར་རོལ་དབྱངས་ལ་ཉན་ན་འདོད
ཨ་རི་བས་བྱིས་པར་སློབ་གསོ་སྤྲོད་ཐབས་ཀྱི་ཁྲིམས་སྲོལ་བཅུ་གཅིག
སྒྱུར་རྩོམ། ས་ལེ་སྦྲམ།
༡༽ ལྡན་དགོས་པའི་ཁྲིམས་སྲོལ། བྱིས་པ་འཕྲོད་བསྟེན་ལྡན་པའི་ཁོར་ཡུག་ཅིག་ནས་འཚར་ལོངས་འབྱུང་བར་ཁག་ཐེག་བྱ་དགོས།
དཔྱད། ང་ཚོ་ཚང་མས་ཤེས་གསལ་ལ། འཕྲོད་བསྟེན་ལྡན་པའི་ཁྱིམ་ཚང་གི་ཁོར་ཡུག་ནི་སློབ་གསོའི་འཚར་ལོངས་ལ་ཧ་ཅང་གལ་ཆེན་ཡིན། བྱིས་པ་འཕྲོད་བསྟེན་ལྡན་པའི་ཁྱིམ་ཚང་གི་སྣང་ཚུལ་ཁྲོད་ནས་ཤུགས་རྐྱེན་ཐེབས་ཏེ་འགྱུར་བ་འགྲོ་བར་བྱ་དགོས། འོན་ཀྱང་ང་ཚོས་ལག་པ་བྲང་ཁར་བཞག་ནས་རང་ཉིད་ལ་དྲིས་དང༌། ངའི་ཁྱིམ་ཚང་ལ་འཕྲོད་བསྟེན་ལྡན་ནམ།
༢༽ རེ་བའི་ཁྲིམས་སྲོལ། ནམ་ཡང་བྱིས་པ་རེ་བས་ཁེངས་པར་བྱ་དགོས།
དཔྱད། བྱིས་པ་ནི་མ་འོངས་པ་ཡིན་ལ་རེ་བའང་ཡིན། དེ་བས་བྱིས་པ་རེ་བས་ཁེངས་པར་བྱ་ལོས་དགོས། འོན་ཀྱང༌། ང་ཚོས་རྒྱུན་དུ་རྒྱུ་མཚན་ཡོད་མེད་ཀྱིས་བྱིས་པར་རེ་བ་མེད་པ་བྱེད་པ་མ་རེད་དམ། གལ་ཏེ་བྱིས་པའི་རྒྱུགས་འབྲས་ཡག་པོ་མ་བྱུང་བའི་སྐབས། ང་ཚོས་གདུག་རྩུབ་ཆེན་པོས་བྱིས་པར་གཤེ་རྡུང་གི་སྦྱོར་བ་རྩོམ་པ་མ་རེད་དམ། ང་ཚོས་སྙིང་ཁོང་རུས་པའི་གཏིང་ནས་ཁོང་ལ་སྤོབས་པ་སྩོལ་པའི་ཚིག་རྒྱན་དང་སྐོར་གཏམ་བཤད་མེད་པ་མ་ཡིན་ནམ།
དེ་ལས་མང་བ་། “ཨ་རི་བས་བྱིས་པར་སློབ་གསོ་སྤྲོད་ཐབས་ཀྱི་ཁྲིམས་སྲོལ་བཅུ་གཅིག” »
བོད་རང་དབང་སློབ་ཕྲུག་ཚོགས་པའི་རྒྱལ་གཅེས་དཔའ་བོའི་ལྷག་དཀར་གཟེངས་རྟགས།
བོད་རང་དབང་སློབ་ཕྲུག་ཚོགས་པའི་ཚོགས་གཙོ་བསྟན་རྡོར་ལགས་ཀྱིས་གསུངས་དོན།
ལྷག་དཀར་ནི་མ་གྲོས་བསམ་པ་གཅིག་མཐུན་གྱི་སྒོ་ནས་བྱུང་བའི་མི་མང་གི་ལས་འགུལ་ཞིག་ཡིན། ལོ་སྔོན་མར། བོད་ནང་གི་ས་ཁུལ་མི་འདྲ་བར།
མི་མང་ཚོས་ལྷག་དཀར་དམ་བཅའ་བཞག་སྟེ། གཟའ་ལྷག་པའི་ཉིན་བོད་ཟས་ཟ་བ་དང་བོད་ལ་གྱོན་པ། བོད་སྐད་བཤད་པ། བོད་ཀྱི་ཟ་ཁངལ་འགྲོ་བ།
བོད་ཀྱི་ཚོང་ཁང་ནས་ཅ་དངོས་ཉོ་བ་དང་དཀར་ཟས་ལ་རོལ་བ་སོགས་བྱས་ཤིང་། འདི་ནི་ས་གནས་སྲིད་གཞུང་དང་མཉམ་ལས་མི་བྱེད་པའི་བདེན་པའི་ཨུ་ཚུགས་ཀྱི་ལས་འགུལ་ཁྱད་པར་བ་ཞིག་ཡིན།
འདི་ལོའི་བོད་རང་དབང་སློབ་ཕྲུག་ཚོགས་པའི་ལོངས་ཤོག་ལོ་འཁོར་མཛད་སྒོའི་སྟེང་དུ། ད་ལྟ་རྒྱ་ནག་གི་བཙོན་འཇུག་དང་བཀག་ཉར་འོག་ཡོད་པའི་བོད་མི་ཆབ་སྲིད་བཙོན་པ་བཞི་ལ་རྒྱལ་གཅེས་དཔའ་བོའི་མཚན་སྙན་གྱི་ལྷག་དཀར་གཟེངས་རྟགས་དེ་ཕུལ་འདུག
དེ་ལས་མང་བ་། “བོད་རང་དབང་སློབ་ཕྲུག་ཚོགས་པའི་རྒྱལ་གཅེས་དཔའ་བོའི་ལྷག་དཀར་གཟེངས་རྟགས།” »
བཀའ་བློན་ཁྲི་པ་འཚོལ་བའི་གཏམ་ཨ་ཙ་མ།
འགར་ཚེ་རྒྱལ།
དམ་བཅའ་བརྟན་དུ་མ་བཟུང་སྟོང་པ་ཡིན།།
ལྷག་བསམ་རྣལ་དུ་མེད་ན་དོན་མེད་ཡིན།།
རང་སེམས་དབྱིངས་ལ་བཏེགས་ན་ལྟས་ངན་ཡིན།།
ཁ་བཤད་རང་ཚུགས་མི་བརྟན་ལབ་རྐྱལ་ཚོ།
མཐོ་པོའི་བཀའ་ཁྲིར་བཞག་ན་འཐུས་ཤོར་མང༌།
ཁ་ནས་བདེ་བདེ་བཤད་པ་ནེ་ཙེས་ཤེས།།
དོན་ཐོག་ལག་ཏུ་བསྟར་བ་སྲིད་མཐའ་ཙམ།།
ཕྱི་ཚུལ་གུས་གུས་ཞུམ་ཞུམ་ཁྱི་གུས་ཤེས།།
ཁྲ་ཁྲའི་སྲིན་འབུ་འགུལ་བའི་མགོ་བདེ་ཚོ།།
མཐོན་པོའི་བཀའ་ཁྲིར་བཞག་ན་བསླུ་བྲིད་མང༌།
ཆེན་པོའི་རྫིག་ཉམས་མཐོང་ན་འཛུམ་ཤིག་ཤིག།།
དམའ་མོའི་མི་སེར་རིག་ན་གདོང་ནག་ནག།།
སྲིད་ཀྱི་གོ་ས་བསམ་ནས་བྲེལ་འདུར་འདུར།།
བོད་པའི་ལས་སྐལ་མི་བསམ་གཡོ་ཅན་ཚོ།།
མཐོན་པོའི་བཀའ་ཁྲིར་བཞག་ན་བདེ་འཇགས་མེད།།
ནང་ཆོས་དང་ཚན་རིག་བར་གྱི་ཚོད་སྒམ།
རྔ་བ་རྒྱལ་ཁམས་པ།
སྔོན་སླེང་།
ལོ་ངོ་བདུན་བརྒྱད་ཅིག་གི་སྔོན་ལ།ངས་ཕྱི་རྒྱལ་གྱི་གྲོགས་པོ་འགའ་དང་མཉམ་པོར་ནང་ཆོས་ཀྱི་སྐོར་ཅིག་གླེང་སློང་བྱས་པ་ཡིན། ཁོང་ཚོས་སངས་རྒྱས་ཀྱི་གསུང་དེ་ཆོས་ལུགས་ཤིག་མ་རེད། དེ་ནི་མཚན་ཉིད་རིག་པ་ཞིག་རེད། ཆོས་ལུགས་ཡིན་ནReligiousཡིན་དགོས་ཤིང་། Religiousཡིན་ནdogmaཡིན་དགོས། ནང་ཆོས་དེdogmaཞིག་རེད་མི་འདུག དེ་མཚན་ཉིད་རིག་པ་ཞིག་རེད་འདུག་ཅེས་གསུངས་བྱུང་
འབྲུག་ཆུ་ལ་གྱེར་བའི་མྱ་ངན་གྱི་གླུ། གཞས་ཚིག།
རྟ་ནག་པས….
དང་པོ་འབྲུག་ཆུ་ལ་འཁྲེང་པའི།།
བར་དུ་འབྲུག་ཆུ་ཡིས་བསྙོར་བའི།།
ཐ་མར་འབྲུག་ཆུ་ཡིས་བཅོམ་པའི།།
ངའི་ཤ་རུས། ངའི་ཟུངས་ཁྲག ངའི་རིགས་བརྒྱུད་འཁྲུལ་མེད།
ཁྱེད་ཚོ་བཙན་པོའི་དམག་ཡིན། ང་ཚོའི་རྨི་ལམ་གཅིག་ཡིན།
དེ་ལས་མང་བ་། “འབྲུག་ཆུ་ལ་གྱེར་བའི་མྱ་ངན་གྱི་གླུ། གཞས་ཚིག།” »
