འབྲོང་བུ་ཟླ་བ་ཚེ་རིང།
ཆུང་ཆུང་བྱིས་པའི་དུས་ཀྱི་ལོ་ཟླའི་ནང།།
སྐེ་དར་དམར་པོ་ཞིག་ལ་དབྱངས་ཞུགས་ཏེ།།
སྐར་ལྔའི་དར་དམར་འོག་ནས་རུ་སྒྲིག་པར།།
ཀྱེ་ཧུད་བདག་གིས་ལས་ངན་ཅི་ཞིག་བསགས།།
བསམ་མེད་བྱིས་པ་ཞིག་གི་ལོ་ཚོད་ནས།།
སྐྱིད་པའི་རང་ཡུལ་བཞག་སྟེ་གཞན་ཡུལ་ལ།།
དཀའ་བ་གང་མང་སྤྱད་དེ་འགྲིམས་པའི་རྒྱུར།།
ཀྱེ་ཧུད་བདག་གིས་ལས་ངན་ཅི་ཞིག་བསགས།།
ལྡོམ་བུ།
ཚུལ་འཆོས་དང་གསོག་གསོབ་ཀྱིས་གཙེས་ཐེངས་རེར།
ངས་ཁྱེད་ཀྱི་གཡའ་དག་པའི་ངོ་གདོང་དང་།
སྐར་ཆེན་ལྟ་བུའི་མིག་ཟུང་ཟིམ་ཟིམ་བྱེད་པའི་ངང་ཚུལ་དེ།
རེ་རེ་བཞིན་དྲན་གསོ་བཏང་དགོས་བྱུང་།
མི་འདི་ཚོས་བརྙས་བཅོས་བྱེད་ཐེངས་རེར།
ང་ཁྱེད་ཀྱི་འགུལ་ནས་འཁྱུད་བཞིན།
སྙིང་གཏམ་ཡོད་ཚད་ཆུ་བོའི་ཚུལ་དུ་ལུད་འཇུག་འདོད་ཅིང་།
དྲི་མ་དང་ར་རི་འདི་དག ཁྱེད་ཀྱི་བྲང་གཞུང་ནས་བཞུར་འོང་བའི།
བྱམས་བརྩེར་རྨད་མེད་དུ་འཁྲུད་སྙིང་འདོད།
དེ་ལས་མང་བ་། “བསམ་གྱིན་བསམ་གྱིན། ངུ་སྙིང་ཞིག་ཀྱང་འདོད་འོང་།” »
ཟླ་བ་གཞོན་ནུ།
Ti-Sarana
Buddham Saranam Gacchâmi.
Dhammam Saranam Gacchâmi.
Sangham Saranam Gacchâmi.
Dutiyampi Buddham Saranam Gacchâmi.
Dutiyampi Dhammam Saranam Gacchâmi.
Dutiyampi Sangham Saranam Gacchâmi.
Tatiyampi Buddham Saranarn Gacchâmi.
Tatiyampi Dhammam Saranam Gacchâmi.
Tatiyampi Sangham Saranam Gacchâmi.
དེ་ལས་མང་བ་། “གནས་བརྟན་སྡེ་བའི་ལུགས་ཀྱི་སྐྱབས་སུ་འགྲོ་བ་གསུམ།” »
ཀླུ་སྨྱོན།
སྔོན་ཆད་དྭངས་ཤིང་ལྷིང་འཇགས་ཡིན་ལ་དལ་བུར་ལྡང་པའི་སྟོན་རླུང་གིས། །
དེ་རིང་ཐག་རིང་རྒྱུས་མེད་ཡུལ་གྱི་མི་སྡུག་ས་རྡུལ་སྐྱ་བོ་ཞིག །
གནམ་ས་བར་སྣང་མ་ཁྱབ་མེད་པར་ཐོལ་གྱིས་ཁུར་ནས་བསླེབས་བྱུང་བས། །
ད་ནི་ང་ཚོས་སྒོ་དང་སྒེའུ་ཁུང་སྐར་ཁུང་ཡོད་ཚད་གཏན་པར་གྱིས། །
ནད་ཡམས་དམག་འཁྲུག་མུ་གེ་མི་ཁ་སྐུར་འདེབས་སྒྲོ་འདོགས་ལ་སོགས་པའི། །
ཉམ་ཆུང་རང་གཞན་ལུས་སྲོག་གཉིས་ལ་དྲག་ཏུ་རྒོལ་བར་བྱེད་པ་ཡི། །
དུས་ངན་སྙིགས་མའི་དུག་གི་མཚོན་ཆ་ཁྲི་མ་འབུམ་ཞིག་བར་མེད་དུ། །
ས་རྡུལ་སྐྱ་བོས་ངལ་མེད་ས་གཞིའི་སྐྱི་གཉེར་ངོས་སུ་དྲུད་དེ་འོངས། །
འབྲེལ་ཐག་འདིར་ཨ་རིའི་གསང་དབང་ལས་ཁུངས་ཀྱིས་༡༩༦༤ནས་༦༨བར་བོད་དམག་དང་བོད་གཞུང་ཐོག་ལ་བཏང་བའི་འགྲོ་སོང་རྣམས་འདིར་བཏོན་འདུག ཡིག་ཆ་འདི་གང་མགྱོགས་བོད་ཡིག་ཐོག་སྒྱུར་ཐུབ་ན་ལེགས། དཔེར་ན། རྒྱ་ནག་ནང་ལ་འདིའི་སྐོར་ལ་བགྲོ་གླེང་བྱེད་བཞིན་འདུག་པས། འབྲེལ་ཐག་༢པར་གཟིགས་རོགས། http://www.state.gov/www/about_state/history/vol_xxx/337_343.html རྒྱ་ནག་ནང་འདིའི་སྐོར་ལ་གཤམ་གྱི་འབྲེལ་ཐག་ཐོག་ནས་བལྟ་ཐུབ་ཟེར། http://chinageeks.org/2010/09/flashback-what-the-cia-was-spending-on-tibet-circa-1964/
རྡུལ་ཕྲན།
དེ་རིང་ངས་དྲ་གྲོགས་ཚོར་དྲི་བ་སྤྱིར་བཏང་བ་རེ་འདྲི། “ཁྱོད་ཚོས་སྤྱི་འཐུས་རྙེད་ཡོད་དམ། “ཟེར་བའི་དྲི་བ་འདི་ཡིན། འདི་ལ་དྲི་བ་སྤྱིར་བཏང་བ་ཟེར་དགོས་དོན་ནི། ད་སྔ་བར་འུ་ཚོས་བཀའ་སྤྱི་བཙལ་ནས་ཉིན་མང་པོ་འགོར་ཚར་པས། འུ་ཚོས་བཀའ་སྤྱི་གླེང་ནས་ཡུན་རིང་པོ་འགོར་ཚར་བས། ད་ནི་ཁྱོད་ཚོས་བཀའ་ཁྲི་རྙེད་ཚར་ཞིང་སྤྱི་འཐུས་ཀྱང་རག་ཡོད་པའི་ཚོད་རྩིས་བྱས་པ་ཡིན།
ཁྱོད་ཚོས་སྤྱི་འཐུས་བཙལ་བའི་རྒྱུད་ལམ་ཁྲོད་ནས་གནད་དོན་ཅི་ཞིག་ལ་རེག་ཐལ། ཁྱོད་ཚོས་རང་ཉིད་ཀྱི་རེ་བ་དང་འདོད་པའི་ཁ་ཕྱོགས་དང་མཐུན་པའི་སྤྱི་འཐུས་ཡང་དག་ཅིག་རག་བྱུང་ངམ། ཁྱོད་ཚོས་སྤྱི་འཐུས་འཚོལ་བའི་རྒྱུད་རིམ་ཁྲོད་ད་ལྟའི་སྤྱི་འཐུས་ལ་དགོས་ངེས་ཀྱི་ཁ་ཚ་དགོས་གཏུགས་ཀྱི་ཆ་རྐྱེན་དག་མཐོང་བྱུང་ངམ།
དཔལ་ལྡནརྒྱལ་གྱི་ཟིན་བྲིས་ལས་བླངས་།
རང་ཡུལ་གད་པ་ཡིད་རུང་སྐྱིད་༽ ཟེར་བ་ཅི་མ་བདེན། ང་རང་མི་ལོ་བཅུ་བདུན་རིང་ས་མཐར་འཁྱམས་ནས། གཞན་ཡུལ་འདྲ་མིན་དུ་གནས་སྡོད་འཚོ་བ་རོལ་ནའང་། རང་ཡུལ་ཡིན་བསམ་པའི་ཚོར་བ་སྐྱེས་མ་མྱོང་། ག་དུས་ཡིན་ཀྱང་གངས་ཅན་བོད་ནི་ངའི་ཡུལ་ཡིན་བསམ་པའི་ཚོར་བ་རྡོག་རྡོག་ཞིག་སྙིང་གི་དཀྱིལ་དུ་གནས་ཡོད་པ་དེས་ང་ལ་ན་ཟུག་སྤྲདམྱོང་ལ། སྦོབས་པ་འང་སྤྲད་མྱོང་། ང་བོད་དང་ཁ་བྲལ་ནས་ལོ་ངོ་བཅུ་བདུན་རྗེས་ཏེ། སྤྱི་ལོ་༢༠༠༦ ལོའི་སྤྱི་ཟླ༦ ནང་ཟི་ལིང་གནམ་ཐང་དུ་འབྱོར་དུས་ཕ་མ་གཉིས་དང་སྤུན་མཆེད་རྣམས་གཙོས་པའི་ཤ་ཉེ་རང་༤༠ ལྷག་གིས་ལག་ཏུ་ཁ་བཏགས་བཟུང་ནས་ང་ལ་སྒུག་འདུག ངའི་ཕ་མ་གཉིས་༡༩༩༩ ལོར་ཨ་རིར་གཉེན་འཕྲད་དུ་ཕེབས་ནས་མཇལ་འཕྲད་ཀྱི་གོ་སྐབས་བྱུང་ཡོད། དེ་མིན་སྤུན་མཆེད་དང་གྲོགས་པོ་རྣམས་ངོ་ལོ་བཅུ་བདུན་རིང་མཐོང་མེད། ཟི་ལིང་གནམ་ཐང་དུ་ཕ་མ་གཉིས་གཙོས་པའི་ནང་མི་ཉེ་འབྲེལ་ཚང་མས་ང་འཐམས་ཏེ་མིག་ལས་མཆི་བ་བཞུར།
ལྡོམ་བུ།
ཀ་རེ་ཀོ་རེའི་ཚུལ་འཆོས་སྤངས་ཏེ།།
ཁ་སེམས་འགལ་བའི་བྱ་སྤྱོད་བཞག་ནས།།
ག་གུག་མེད་པར་དྲང་བོར་བརྗོད་ན།།
ང་རང་ཁྱེད་ལ་སྔོན་ནས་དགའ་ཡོད།།
ཅ་ཅོའི་གཏམ་ལ་རྣ་བ་མ་བླགས།།
ཆ་ལུགས་ངན་ལ་བརྙས་སྨད་མ་བྱེད།།
ཇ་རིན་ཆང་རིན་སྤྲད་རྒྱུ་མེད་རུང་།།
ཉ་ཉོག་མེད་པའི་སེམས་པ་བསྟན་ཡོད།།
ཏ་ཐ་ག་ཏའི་བསྟན་ལ་སྦྱངས་རུང་།།
ཐ་ཆད་ང་ཡི་སེམས་པ་མ་དུལ།།
ད་ལྟ་མཛངས་མ་ཁྱེད་དང་ཕྲད་པས།།
ན་གཞོན་ལུས་སེམས་གཉིས་ཀ་དུལ་སོང་།།
བོད ལྷ་ཀླུ་གཉན་གསུམ།
སུ་ལ་འཕོག་ཐུག་འགྲོ་བའི་ཆེད་དུ་ངས་གཏན་ནས་འབྲི་བཞིན་མེད། འདི་ནི་རང་ཉིད་བོད་རིགས་ཤིག་གི་ལས་དབང་འོག་དུ་ཡོད་སྟབས། བོད་མིའི་སྐྱིད་སྡུག་གི་འགག་འཕྲེང་དེ་ཉིད་འཐོར་ནས་བཤིག་བཞིན་ཡོད་པ་དེ་ཡི་སྐོར་ལ་ཞིག་ཞུ་འདོད་ཀྱི་ཡིན།
ཉེ་དུས་སུ་༧རྒྱལ་བ་རིན་པོ་ཆེ་ཚང་གིས་སྐུ་ངོས་སུ་ཨ་རིའི་གཞུང་ཚབ་ཁང་ལ་བོད་མི་རེ་ཟུང་གི་བྱས་ཉེས་ལ་བརྟེན་ནས་དགོངས་དག་ཁོང་གིས་བོད་མི་རིགས་ཀྱི་ཚབ་དུ་ཞུས་འདུག་པ་དེ་ཡི་སྐོར་ཡིན། ངས་སྔོན་ཆད་ནས་སྤུན་ཟླ་མི་ཉུང་བ་ཞིག་ལ་འདི་ལྟར་གླེང་མྱོང་ཡོད།
མིང༌། སྤེན་པ་ཚེ་རིང༌།
ཕ་ཡུལ། མདོ་སྨད་སྣང་ར།
ད་ལྟའི་ལས་གནས། བོད་མི་མང་སྤྱི་འཐུས་ཚོགས་གཙོ།
ད་ལྟའི་སྡོད་གནས། དྷ་རམ་ས་ལ།
ཉམས་མྱོང༌།
* འཛིན་རིམ་དགུ་པ་ནས་བཅུ་གཉིས་བར་སྦེལ་ ཀོབ་སློབ་གྲྭའི་སྤྱི་ཁྱབ་རྒན་བདག་གི་ལས་འགན་ཁུར།
* མ་རྡ་ར་སི་མཐོ་སློབ་ཏུ་དཔལ་འབྱོར་རིག་ པའི་སློབ་སྦྱོང་བྱེད་པའི་རིང༌། ས་གནས་རང་བདེན་ཚོགས་ཆུང་གི་དྲུང་ཆེ་དང༌། བོད་དང་ནི་ཇི་རི་ཡའི་སློབ་ཕྲུག་མཐུན་ཚོགས་ཀྱི་དྲུང་ཆེ་སོགས་ཀྱི་འགན་ཁུར།
* བོད་མི་མང་སྤྱི་འཐུས་ལྷན་ཚོགས་སུ་ལོ་༡༤ །
* བོད་ཀྱི་གྲོས་ཚོགས་དང་སྲིད་ཇུས་ཉམས་ ཞིབ་ཁང་གི་ངེས་སྟོན་པ་ལོ་༧ །
* རྒྱ་གར་དང་བལ་ཡུལ་གྱི་བཙན་བྱོལ་བོད་ མིའི་འདུ་གནས་ཕལ་ཆེ་བར་ངོ་བསྐྱོད་ཀྱིས། གཞི་རིམ་གནས་སྟངས་ལ་རྒྱུས་མངའ་ཡོད།
རྔ་གཡང་ཕྱུག་མོ།
གཅིག
དམངས་གཙོའི་ལམ་ལུགས་ནང་གཞུང་དམངས་བར་གྱི་འབྲེལ་བ་ནི་གཞུང་ནི་མི་དམངས་ཀྱི་ཆེད་དུ་བཙུགས་པ་ཞིག་རེད་ལ།གཞུང་གི་ལས་ཀ་ཚང་མ་མི་དམངས་ཀྱི་ཆེད་རེད།འོན་ཀྱང།བཀའ་ཁྲི་ཟམ་གདོང་རིན་པོ་ཆེའི་སྔོན་གྱི་བཀའ་ཤག་གིས།སྔོན་མ་སྔོན་མའི་གཞུང་གི་འགྲོ་སྟངས་རྒྱུད་འཛིན་ཙམ་ལས་བོད་པའི་སྤྱི་ཚོགས་ཀྱི་འགྱུར་འགྲོས་ལ་ཞུགས་ནས་འགྱུར་བ་གཏོང་ཐུབ་མེད་ཅིང་།འགྱུར་བ་གཏོང་དགོས་པའི་སྐུལ་ལྕག་དང་བསམ་ཚུལ་ཡང་བཙན་བྱོལ་བོད་མིའི་ཁྲོད་ནས་བཀའ་ཤག་ཏུ་བསླེབས་ཡང་ཐུབ་མེད།
བོད། ལྷ་ཀླུ་གཉན་གསུམ་ནས།
རྨི་ལམ་དེ་ནི ང་རང་གི་མིན་ན
དེ་དུས ཕྱི་རོལ་ན་རླུང་མི་འདུག
ཁ་དབུགས་ཀྱང་མི་འདུག
ལས་དབང་ཡང་ གང་ནས་འགོ་འབུས
གང་ལྟར ངས་རང་ངོ་ལ་ཕྱི་ནང་ཞིག
ག་དུས་ཀྱང་བསླུས་ཟིན་པ་ལྟར
སྒྲོན་ཕྲུག་ནས།
———
དེ་རིང་གཟའ་ཉི་མའི་ཞོགས་ཀ་སྔ་པོ་ནས་ཡར་ལངས་ཏེ་ནམ་རྒྱུན་ལྟར་་བྷོ་དྷའི་མཆོད་རྟེན་ལ་སྐོར་བ་ཁ་ཤས་བྱས་རྗེས། མཆོད་རྟེན་ཤར་ངོས་ཀྱི་བོད་པའི་ཇ་ཁང་རིང་པོ་ཞིག་ཡོད་ས་དེར་ཇ་འཐུང་དུ་སོང་སྐབས། ག་ས་གང་ནས་ཡོང་བའི་སྐོར་རྒྱག་མང་པོས་རླངས་པ་ཁོལ་ཁོལ་གྱི་མངར་ཇ་དང་། ཨ་ལོ་བག་ལེབ་རྔམ་ཟ་དང་རྔམ་འཐུང་བྱེད་ཀྱིན་འདུག དེ་བཞིན་ང་ཡང་དེའི་གྲས་སུ་བསྡད་ནས་ཇ་འཐུང་ཞོར་དུ་གཡས་ལྟ་གཡོན་ལྟ་བྱས་དུས། ངའི་རྒྱབ་ཀྱི་ཅོག་ཙེ་ཞིག་གི་སྟེང་ཕར་བལྟས་ཚོད་ལ་བོད་པ་ལོ་ན་ལྔ་བཅུ་ཡས་མས་ཁ་ཤས་ཤིག་དང་། ཨ་ནེ་ཞིག་བསྡད་འདུག་པ་མཐོང་བྱུང་། སྐབས་དེར་རྒན་པོ་ཞིག་གིས་ལག་གཡས་པས་ཇ་བཟུང་། གཡོན་པས་སྣ་ཐ་ཞིག་བཟུང་སྟེ། དབུགས་རིང་རེ་འཐེན་ཞོར་དུ། ཡ་ད་ད་ལོ་འོ་རང་ཚོའི་དགའ་ལྡན་ཁྲི་བ་དེ་སུ་ལ་བླུགས་དགོས་པ་རེད་ལབ་བྱུང་། ལམ་སང་ཁོང་གི་ཁ་གཏད་དུ་ཡོད་པའི་རྒན་པོ་ཞིག་གིས་ག་རེ་དགའ་ལྡན་ཁྲི་བ། བཀའ་བློན་ཁྲི་བ་ལབ་དང་ཟེར། དེ་དུས་ཁྲིས་ནས་རྒན་མོ་ཞིག་གིས་ག་རེ་སེམས་ཁྲེལ་བྱེད་ཀྱིན་ཡོད། རྒྱ་ཆེའི་མང་ཚོགས་ཀྱིས་འོས་ཤོག་བླུག་ཡོང་དུས་གཅིག་ལ་ཁེལ་ཡོང་གི་རེད། དེ་འོ་རང་ཚོའི་འགོ་ཁྲིད་རེད། ལབ་པ་དང་ཁམས་ཕྱོགས་ནས་ཡིན་པའི་ལོ་ན་ཁོང་ཚོ་ལས་ཅུང་ཆུང་བ་ཞིག་གིས་དེ་གལ་ཆེན་པོ་རེད་ད། ང་ཚོས་ངེས་པར་དུ་མི་ཡག་པོ་ཞིག་མ་འདེམས་ན་རྒྱལ་པ་རིནཔོ་ཆེ་ནི་དགུང་ལོ་མཐོན་པོ་རེད།
རྔ་བ་རྒྱལ་ཁམས་པ།
ལྟོས་མེད་ཀྱི་དུས་དང་ལྟོས་མེད་ཀྱི་འགུལ་སྐྱོད་ནི། ཚན་རིག་པ་ནོས་ཁྲོན་གྱི་གཞི་རྩའི་ཚན་རིག་གི་རྨང་གཞི་ཡིན་ཞིང་། ཨ་ཡེན་སི་གྲན་མཆོག་གི་རྩིས་གཞི་དང་ལྟ་ཚུལ་དག་གིས་གོང་གི་བསམ་འཆར་དེ་དག་ནུས་མེད་དུ བཏང་ཡོད། ལྷག་པར་ཁོང་གིས་ཚན་རིག་གི་བསམ་བློ་བ་སྐུ་ཞབས་ཨིར་ནི་སི་མ་ཆིའི་མཆོག་གིས་བརྩམས་པའི་དཔེ་ཆར་གཟིགས་ཞིབ་མཛད་པས། ཐུགས་ལ་ཤུགས་རྐྱེན་ཆེན་པོ་ཞིག་ཐེབས་འདུག ཨིར་ནི་སི་མཆོག་གིས་ལྟོས་མེད་ཀྱི་དུས་སམ། ལྟོས་མེད་ཀྱི་འགུལ་སྐྱོད་ཅིག་མེད་ཚུལ་གྲོས་སྟོན་གནང་ཡོད། ཨ་ཡེན་སི་གྲན་གྱི་དམིགས་བསལ་ལྟོས་བཏགས་རིག་པ་ལ་བརྟེན་ནས། ཆེས་ཡིད་ཆེས་དཀའ་བའི་མྱུར་ཚད་ཀྱི་གནས་སྟངས་འོག དུས་ཀྱི་རྒྱུ་ཤུགས་ཇི་ལྟར་བྲི་ཚུལ་སོགས་གཤམ་དུ་བཤད་པའི་འགྲེལ་བརྗོད་དག་ལས་རོབ་ཙམ་རྟོགས་ཐུབ་པ་ཡིན། དུས་ཀྱི་རྒྱུ་ཤུགས་བྲི་ཚུལ་ནི། བྱ་དངོས་གང་ཞིག་གི་རྒྱུ་ཤུགས་ཆེས་མྱུར་ཚད་དང་ལྡན་པའམ། འོད་ཀྱི་མྱུར་ཚད་དང་ཐག་ཉེ་བ་ཞིག་སྟེ། འདི་ལ་ཚན་རིག་ཐོག་དུས་རྒྱང་བསྐྱེད་པ་ཞེས་བརྗོད། དེ་ཡང་སྤྱི་ལོ་༡༩༤༡ལོར་ཞིབ་འཇུག་ཚོད་ལྟ་བྱས་པའི་ཉམས་མྱོང་ལྟར་ན། དུས་ཚོད་ཧ་ཅང་བྲིན་མོ་ཞིག་རླུང་འབུད་གནམ་གྲུར་བཞག་ནས། མགྱོགས་ཚད་མཐོན་པོའི་ངང་འཛམ་གླིང་ཕྱོགས་མཐར་ཉིན་གཉིས་རིང་འཕུར་སྐོར་བྱས་རྗེས། གནམ་གྲུའི་ནང་གི་དུས་ཚོད་དེ་ས་ཐོག་ན་ཡོད་པའི་དུས་གཅིག་པ་དེ་དང་བསྡུར་ན། སྐར་ཆ་ཁ་ཤས་ཤིག་ཉུང་དུ་ཕྱིན་ཡོད་པར་བཤད་ལ། རྒྱུ་མཚན་ནི།
དེ་ལས་མང་བ་། “༄།། ཨལ་བྷིར་གྲི་ཨ་ཡེན་སི་གྲན། (Albert Einstein) སྔ་མའི་འཕྲོ།” »
བང་ཆེན་ཚང་གི་ནུབ་ཁའི་ཉི་གཞོན་གྱི་ཟིན་བྲིས་ནས་དྲངས
རྒྱལ་སྤྱིའི་བོད་རིག་པའི་ཚོགས་འདུའི་ཐོག་ཉི་ཧོང་པ་ཞིག་དང་འཕྲད། ང་ཚོས་གླེང་མོལ་བྱས། ཁོང་གི་བོད་སྐད་ནི་བོད་པ་རང་རེད། ངས་སྤྱིར་བཏང་གི་དྲི་བ་ཞིག་དྲིས་པ་ཡིན། དེང་སང་ཅ་ལག་ཐོན་གསར་མང་པོ་ཡོད་རེད། དེ་ཚོ་ཉི་ཧོང་གི་སྐད་དུ་བསྒྱུར་སྐབས། ཅ་ལག་གཅིག་ལ་མིང་སྣ་ཚོགས་ཆགས་ནས་དཀའ་ངལ་འཕྲད་ཀྱི་འདུག་གམ། ཡང་ན། ཁྱེད་ཚོ་ལ་གཞུང་གིས་གཏན་འབེབས་བྱས་པའི་སྐད་ཡིག་ཚོགས་པ་ཞིག་གིས་མིང་ཚིག་གསར་བཟོ་བྱེད་ཀྱི་ཡོད་པ་རེད། ཅེས་དྲིས། ཁོང་གིས་རྣམ་འགྱུར་ལྷོད་ལྷོད་ཅིག་གི་ངང་ནས། “དེ་འདྲ་ཁྱོན་ནས་མ་རེད། ང་ཚོ་ལ་ཆ་གཞག་ན། ཅ་ལག་གསར་པ་སོགས་ཐོན་སྐབས། ཚགས་པར་དེ་འདྲས་ངོ་སྤྲོད་ཀྱི་ཡི་གེ་བྲིས་ནས་མིང་བཏགས་ཡོང་གི་རེད། དེ་ཡང་ཚགས་པར་རེ་རེ་ནས་མིང་རེ་རེ་བྲིས་ཏེ་ཡོང་གི་རེད། རིམ་གྱིས་མི་མང་གིས་མིང་གང་བློ་ལ་འཇགས་བདེ་བ་དང་སྣང་བ་འགྲོ་བ་དེ་བེད་སྤྱོད་བྱས་ཡོང་གི་རེད། དེ་ནས་མིང་གཞན་རྣམས་རང་བཞིན་གྱིས་ཡལ་འགྲོ་གི་རེད་ལ། མི་མང་གིས་གང་འདམས་པ་དེ་མིང་གཏན་འཁེལ་འགྲོ་གི་རེད། དེ་འདྲ་ཡིན་ཙང་རྙོག་དྲ་ཡོད་མ་རེད།”ཅེས་གསུངས་བྱུང་།
རྫ་ཚེ་རིང་བཀྲ་ཤིས
བཅོམ་ལྡན་འདས་པདྨ་གར་གྱི་དབང་ཕྱུག་ལ་ཕྱག་འཚལ་ལོ། །
ཐག་རིང་བོད་ཀྱི་ས་མཐོའི་ལུང་པ་ན། །
དམ་ཚིག་མདུད་རྒྱ་དམ་པའི་སློབ་བུ་ཞིག། །
ཟ་ཟིའི་མི་བཟློ་བའི་གར་སྟེགས་ནས། །
དྲན་པའི་མིག་རྒྱང་བདག་ལ་བསྲངས་པ་དེར། །
དེ་རིང་ཟོལ་མེད་ཡིད་ཀྱི་མེ་ལོང་དུ། །
བཅོས་མིན་རྟོག་པའི་འདུ་འཕྲོ་བག་ཕབ་སྟེ། །
བྱང་ཀ་ལེ་ཕོར་ཉ་ནས་སྦྲ་ནག་ཚང་།
བཀྲས་མཐོང་བསྟན་འཛིན་རྣམ་རྒྱལ་ལགས།སྐུ་ཚེ་དེ་བོད་མི་རིགས་ལ་ཕུལ་ཞིངཕྱགས་རྗེ་དེ་བོད་སྤྱི་ཚོགས་ལ་འཐིམ་པས་མི་སྣརླབས་ཆེན་ཞིག་ཡིན།ཁོང་གིས་ཆུང་དུས་ནས་རྡོར་གླིང་དུ་སློབ་གྲྭར་འགྲིམས་ཞིང་བོད་དབྱིན་ཧིན་གསུམ་ལ་སྦྱང་བ་ཕུད་དུ་་ཕྱིན་པ་མཛད་།
བཙན་བྱོལ་བོད་མིའི་སློབ་གྲ་ཐོག་མ་སྟེ། མ་སུ་རུ་དབུ་འཛུག་གནང་སྐབས་དབྱིན་ཡིག་དགེ་རྒན་དང་། ཕྱི་རྒྱལ་རོགས་སྐྱོར་ཚོགས་པ་ཁག་གིས་སྐད་བསྒྱུར་གནང་བ་སོགས།
དེ་ལས་མང་བ་། “བཀྲས་མཐོང་བསྟན་འཛིན་རྣམ་རྒྱལ། ཡང་བསྐྱར་ཐེངས་གཅིག་བཤད།” »
བོད། ལྷ་ཀླུ་གཉན་གསུམ་།
དེ་དུས་ནས་བཟུང་ སུ་ཞིག་གིས་འཁྲིད་པ་མི་ཤེས
གང་ལྟར ཕྱིར་ཡོང་མེད་པའི་མི་ཞིག་ལ་ང་རང་གི་སེམས་པ་བྱིན
མི་མཐོང་ས་ཞིག་ནས མི་གཉོབ་ས་ཞིག་ནས
སུས་ཀྱང་རྐང་རྗེས་སྤར་ཡོད་མེད་ལ་ཉམས་མ་བཞག
ལོ་ངོ་མང་བོ་མང་བོ་ཞིག་བུད་ཐལ
ད་དུང་ རྒྱང་རིང་རྒྱང་རིང་གི་ཕྱོགས་ཤིག་ལ་བལྟས
ཚེ་རིང་དོན་གྲུབ།
———-
སྐར་མ་གནམ་སྐྱོང་།
ངའི་སྙིང་ཁོངས་སུ་འོད་འཚེར་གྱིན་པའི་སྐར་མ།
ངའི་འཇིག་རྟེན་ལ་འོད་སྣང་སྒྲོན་པའི་སྐར་མ།
ངའི་ཚེ་སྲོག་དང་གཞི་གཅིག་ཏུ་སྣོལ་པའི་སྐར་མ།
ངའི་མི་ཚེ་དང་འཚོ་བ་ལ་ཁ་ཕྱོགས་སྟོན་མཁན་གྱི་སྐར་མ།
སྐར་མ་ཁྱེད་མཁའ་རུ་བདེ་བར་བྱོན་པ་ལེགས་ལ།
གནམ་མཁའ་འདི་ཁྱེད་ཀྱིས་སྐྱོང་ཞིང་དབང་བ་སྐལ་བ་བཟང་།
སྐར་མ་ཁྱེད་སྟོང་ཁམས་སུ་སླེབས་ནས་བཟུང་།
ངས་འཇིག་རྟེན་འདིའི་སྣང་བ་ཚོར་སོང་ལ།
ངས་མི་ཚེ་ཡི་ཁ་ཕྱོགས་རྙེད་སོང་།
ངས་འཚོ་བ་ཡི་དོན་སྙིང་རྟོགས་སོང་།
