བོད། ལྷ་ཀླུ་གཉན་གསུམ།
མི་རུ་སྐྱེ་བ་ནས་མི་སྐད་བཤད་ཤེས་པ་དང་། བོད་དུ་སྐྱེ་བ་ནས་བོད་སྐད་བཤད་པ་དེ་ནས་བཟུང་དེ། ང་རང་བོད་མི་རིགས་ཀྱི་འཆི་གསོན་དང་འབྲེལ་བའི་མི་ཞིག་ཆགས་པ་རེད། དེ་ནས་བཟུང་། ངའི་ཕ་མ་གཉིས་ཀྱིས་ང་རང་ལ་བོད་སྐད་བཤད། ངས་ཀྱང་བོད་སྐད་བཤད། དེ་ལ་ཁྲིམས་དང་གནས་ལུགས་སོགས་གང་ཡང་མི་དགོས་པར། བོད་ཀྱི་ནང་མི་ཞིག་གི་འགྲོ་སྟངས་རྒྱུན་ལྡན་ལྟ་བུ་ཞིག་ཆགས་པ་རེད།
དེ་ལས་མང་བ་། “བོད་མི་ཡིན་མིན་དེ་གང་ནས་ལྟ་དགོས་ཀྱི་ཡོད་དམ།” »
ཕུན་ཚོགས་ཀྱིས་བསྒྱུར།
སྤྱི་ལོ2010ལོའི་ཟླ10ཚེས11ཉིན། མའོ་ཡི་དྲུང་ཡིག་ལེའི་རིའི་གཙོས་པའི་རྒན་ཡོལ་ལས་བྱེད་པ་རྒན་པ་23གྱིས་རྒྱ་ནག་མི་མང་འཐུས་ཚོགས་ལ་སྙན་ཞུ་ཕུལ་ཏེ། པར་སྐྲུན་ཐད་གྱི་བཀའ་རྒྱའི་དམ་དྲག་མེད་པར་བཟོ་བ་དང་། རྩ་ཁྲིམས་གཞིར་བཟུང་ཏེ་སྤྱི་དམངས་ཀྱི་སྨྲ་བརྗོད་རང་དབང་མངོན་གྱུར་ཡོང་བར་འབོད་སྐུལ་བྱས་འདུག
སྤྱི་ཚེས་༡༣་ཉིན་ཏ་ཅེ་ཡོན་རྒྱ་ཡིག་དྲ་བར་གནས་ཚུལ་བཀོད་པ་ལྟར་ན། ལེའི་རིའི་དང་། ཧོའི་ཙི་བེའི། ཧྲ་ཡེ་ཞིན། ལེའུ་ཅིན
ཅང་ཕེན་སོགས་ལས་འཁྱུར་ངལ་གསོ་བྱས་ཟིན་པའི་རྒྱ་གཞུང་གི་ལས་བྱེད་པ་རྒན་པ་ཉེར་གསུམ་གྱིས་ཐུན་མོང་སྒོས་རྒྱ་ནག་མི་མང་འཐུས་ཚོགས་ལ་ཕུལ་བའི་ཡོངས་ཁྱབ་འཕྲིན་ཡིག་ཟེར་བ་ཞིག་སྤེལ་ཏེ། རྩ་ཁྲིམས་ཀྱི་དོན་ཚན་35ནང་བཀོད་ཀྱི་འབྲུ་དོན་ལྟར་དཔར་སྐྲུན་ཐད་གྱི་བཀའ་རྒྱའི་དམ་དྲག་མེད་པར་བཟོ་བ་དང་། སྤྱི་དམངས་ཀྱི་སྨྲ་བརྗོད་རང་དབང་ལག་བསྟར་ཡོང་བར་འབོད་སྐུལ་བྱས་འདུག ཡོངས་ཁྱབ་འཕྲིན་ཡིག་དེར་བསྟན་དོན། དོན་ཚན་འདི་ནི་ལོ་28རིང་ལག་བསྟར་བྱས་མེད་ཅིང་།
དེ་ལས་མང་བ་། “རྒྱ་ནག་གི་རྒན་ཡོལ་ལས་བྱེད་པ་སྐོར་ཞིག་གི་པར་སྐྲུན་རང་དབང་ཐད་གྱི་སྙན་ཞུ།” »
བོད། ལྷ་ཀླུ་གཉན་གསུམ།
མི་རེ་ལ་རྨི་ལམ་རེ་ཡོད་ལ། རྨི་ལམ་རེ་ལ་རང་རང་གི་ལྟ་ཚུལ་རེ་ཡོད་པ་བཞིན། ང་ལ་དུས་རྒྱུན་དུ་རྨི་ལམ་ཞིག་ཡོད། རྨི་ལམ་དེ་ཡང་མཚན་མོ་རེ་རེ་བཞིན་རྨིས་སྟངས་མི་འདྲ། མཚན་མོ་ཆེས་མི་ཉུང་བ་ཞིག་ནི་ང་རང་གི་རྨི་ལམ་ནི་རྒྱུན་ལྡན་མིན། མཚམས་རེར་དགའ་ནས་ཡུལ་ལུང་ལྗང་འདོག་ལྡན་པ་ཆེས་མི་ཉུང་བ་ཞིག་ལ་འགྲིམ་འགྲུལ་བྱེད་པ་དང་། སྐབས་རེར་རི་ཆུ་སྟོང་ཕྲག་གི་ཕར་ཚུར་དུ་ཐོགས་པ་མེད་པར་ང་རང་འཕུར་ནས་འགྲོ་བཞིན་ཡོད་ལ། ཡུལ་ལུང་མཛེས་ཤིང་ལྟ་ན་སྡུག་པ་ཤ་སྟག་ཡིན།
རྟ་ནག་སྐལ་བཟང་ལུང་རིགས།
༼གདམ་ཀའི་མཐའ་དཔྱོད། ___ལིས་ཙི་ཧུའུ་དང་བགྲོ་གླེང་བ༽ ཧྲང་ཧེ་མི་རིགས་པར་སྐྲུན་ཁང་། ༡༩༨༧ལོར་པར།
༼<མཛེས་དཔྱོད་དང་མིའི་རང་དབང༽ པེ་ཅིན་དགེ་འོས་སློབ་ཆེན་དཔེ་སྐྲུན་ཁང་། ༡༩༨༨ལོར་པར།
༼གཟུགས་འདས་རིག་པའི་ཁ་ཕྱོགས་སྟོར་ཚུལ༽ ཧྲང་ཧེ་མི་རིགས་དཔེ་སྐྲུན་ཁང་། ༡༩༨༨ལོར་པར།
༼རྐང་རྗེན་དང་དམར་ཧྲེང་། དཀོན་ཅོག་གི་ཕྱོགས་སུ་སྙེག་པ༽ དེང་རབས་རིག་རྩལ་དཔེ་སྐྲུན་ཁང་། ༡༩༨༩ལ་པར།
དེ་ལས་མང་བ་། “ལུག་ཞོ་པོ་ཡི་བརྕམས་ཆོས་གཙོ་བོ་ཁག་གི་དེབ་བྱང་། བོད་འགྱུར་མ།” »
རྟ་ནག་སྐལ་བཟང་ལུང་རིགས།
༡༩༥༥ལོའི་ཟླ༡༢ཚེས༢༨ལ་ཅིས་ལིན་ཞིང་ཆེན་གྱི་ཁྲང་ཁྲོན་གྲོང་ཁྱེར་དུ་སྐྱེས།
༡༩༦༩ ནས ༡༩༧༣བར་ཕ་མའི་རྗེས་འབྲངས་ནས་ནང་སོག་དུ་སོང་།
༡༩༧༦ལོར་ཁྲོན་ཁྲང་གྲོང་ཁྱེར་གྱི་འཛུགས་སྐྲུན་ཀུང་ཟིའི་ལས་བཟོ་བ་བྱས།
༡༩༧༧ནས༡༩༨༢བར་ཅིས་ལིན་སློབ་ཆེན་གྱི་རྒྱ་ཡིག་ཚན་ཁག་ཏུ་སློབ་གཉེར་བྱས་ཏེ། ༡༩༨༢ལོར་སློབ་གླིང་དེ་གར་སློབ་མཐར་ཕྱིན་ཅིང་། རིག་གནས་རབ་འབྱམས་པའི་དཔང་རྟགས་ཐོབ།
དེ་ལས་མང་བ་། “ལུག་ཞོ་པོ་ཡི་ལོ་རྒྱུས་ལོ་ཚིགས་གུང་བསྒྲིགས་མ། ༼བོད་འགྱུར་མ།༽” »
སྤོབས་པ་མཐའ་ཡས།
ཁྱོད་ཚོ་འདྲེ་ཡོད་པར་ཡིད་ཆེས་ཡོད་དམ། ངས་རྒྱུན་དུ་འདྲེ་ཡོད་པར་ཡིད་ཆེས་མེད་ཅེས་ཐག་ཆོད་མདོག་གིས་ཤོད་ཀྱིན་ཡོད། དོན་ངོ་མར་ང་འདྲེ་ལ་ཧ་ཅང་སྐྲག་མོད་འདྲེ་སྒྲུང་ལ་ཉན་པར་དགའ། ཁྱིམ་དུ་འདྲེ་སྒྲུང་ལ་ཉན་གྱིན་ཉན་གྱིན་འདྲེ་སྒྲུང་བཤད་ཚར་རྗེས་སུ་ཕྱི་ལོགས་སུ་གཅིག་གཏོང་དུ་འགྲོ་བར་ཡང་འཚེར་སྣང་སྐྱེ། འདྲེ་ཡོད་པར་རྒྱུ་མཚན་གྱིས་གཏན་ནས་སྒྲུབ་མི་ནུས་མོད་ངག་རྒྱུན་དང་སྟེས་དབང་ངམ་ཡང་ན་བག་ཆགས་ཤིག་གིས་རང་གཞན་མང་པོ་འདྲེ་ལ་ཡིད་ཆེས་པ་ཙམ་ཞིག་གཞན་གང་ལ་ཡང་ཡིད་མི་ཆེས་ཟེར་ཆོག་པ་འདུག
ངེད་ཚོའི་ཕ་ཡུལ་ན་སེང་ཁོ་ཟེར་བའི་མི་ཞིག་ཡོད། དེ་འདྲེ་རུ་གྱུར་པར་ཡིད་ཆེས་མཁན་མང་བས་དེང་སང་སེང་ཁོའི་མིང་ནས་ཡང་འཛིན་ཕོད་མཁན་དཀོན། ངས་ཀྱང་ཁོའི་མིང་འདོན་དགོས་དུས་རང་བཞིན་གྱིས་མི་བདེ་བ་ཞིག་ཡོང་གིན་འདུག ཁྱད་པར་དུ་མཚན་མོའི་དུས་སུ་མཚམས་རེར་བ་སྤུ་ཡང་གཟེངས་འགྲོ་བཞིན་འདུག ངས་འདིར་འདྲེ་ཡོད་པར་སྒྲུབ་འདོད་པ་མིན་ལ་འདྲེ་མེད་པར་སྒྲུབ་འདོད་པ་ཡང་མིན་མོད་སེང་ཁོ་འདྲེ་རུ་གྱུར་པའི་བརྒྱུད་རིམ་དེ་བཤད་འདོད་བྱུང་།
དེ་ལས་མང་བ་། “རྨི་ལམ་གྱི་བདེན་པ་དང་འདྲེ་ཡིས་ཤ་འཁོན་རྩོད་དུས།” »
སྲོང་བཙན་བུ།
ད་ལོ་ནི་བཙན་བྱོལ་བོད་ཀྱི་འོས་འདེམས་བརྒྱུད་རིམ་ནང་གི་འཁྲུག་ཆ་དོད་ཤོས་དང་། དོ་སྣང་ཆེ་ཤོས་ཀྱི་འོས་བསྡུ་ཞིག་ཆགས་ཡོད་ཅེས་གསར་གནས་ཁག་གིས་ཡང་ཡང་བསྒྲགས་དང་སྒྲོག་གིན་ཡོད། འདི་ཟླའི་ཚེས་གསུམ་ཉིན། བཀའ་བློན་ཁྲི་པ་དང་སྤྱི་འཐུས་ཀྱི་སྔོན་འགྲོའི་འོས་ཤོག་དེ་ཚ་ཚ་འུར་འུར་གྱིས་བླུག་ཡོད། ད་ནི་ས་གནས་ཁག་ན་འོས་ཤོག་གྲངས་བཤེར་གྱི་སྐབས་འཁེལ་ཡོད། འོས་གྲངས་དེ་ཚོ་དབུས་འོས་བསྡུ་ལས་ཁུངས་ལ་མ་འབྱོར་གོང་རྒྱ་ཆེའི་མང་ཚོགས་ལ་འབྱོར་ཡོད།
རྔ་བ་རྒྱལ་ཁམས་པ།
དེང་སང་འཛམ་གླིང་གི་ཡུལ་གྲུ་མང་བོར༼བོད་ཀྱི་ནང་ཆོས༽ཞེས་བོད་བརྒྱུད་ནང་བསྟན་དར་རྒྱས་ཤུགས་ཆེར་འགྲོ་བཞིན་ཡོད། དེ་ནི་བོད་ཀྱི་རྩ་དོན་དང་འཛམ་གླིང་ཞི་བདེ་གཉིས་ཀར་ཕན་པའི་གནས་ཚུལ་དགའ་འོས་པ་ཞིག་ལོས་ཡིན། འོན་ཏེ། བཀྲ་ཤིས་ཀྱི་གཞུག་ན་སྣ་ནག་མ་ཞིག་ཀྱང་འབྱུང་བཞིན་པ་ནི། རང་རེའི་ཆོས་བརྒྱུད་ཀྱི་རྗེས་འཇུག་ཕལ་ཆེར་ཞིག་གིས། སྔགས་ལས་མདོ་མི་སློབ་ཅིང་། སྒོམ་ལས་ཐོས་པ་མི་བྱེད་ལ། དམར་ཟས་ལས་དཀར་ཟས་མི་བསྟེན་པ་འདི་རེད། ང་རྒྱལ་ཁམས་ཉུལ་ནས་ད་བར་བོད་ཆོས་་སློབ་གཉེར་བྱེད་མཁན་མང་བོ་ཞིག་ལ་ཐུག་རྒྱུ་བྱུང་། ངའི་སྣང་ཚུལ་ཞིག་ལ། ཁོང་ཚོ་ཕལ་ཆེར་གྱི་གདོང་ལ་འཛུམ་མདངས་དང་། གཞན་ལ་གུས་ཞབས་ཀྱི་རྣམ་པ་མཐོང་དཀོན་ཞིང་། ངག་ནས་གཟུངས་སྔགས་ཆལ་ཆོལ་མང་བོ་ཟློ། མི་ཚོས་གླེང་ན། དེ་དག་ལ་ལུས་སེམས་ཐང་བོ་མི་འདུག་ཅེས་སྐྱོན་འཛུགས་པའང་རྒྱུ་མཚན་མེད་པ་ཞིག་མ་རེད་སྙམ། ཁོང་ཚོ་སྙམ་དུ་གླེང་མོལ་འདྲ་བྱས་ཚེ། ཕྱག་རྫོགས་སོགས་ལྟ་བ་མཐོན་པོའི་ཀློང་ནས་མར་ཆེར་མི་འབབ་ལ། ངའོ་སྙམ་པའི་ངར་འཛིན་དང་། རང་ལྟ་མཆོག་འཛིན་གྱི་མཁྲེགས་ཤུགས་ཤིན་ཏུ་ཆེ། ལྷ་མཐོང་ཀླུ་མཐོང་དང་། མངོན་ཤེས་གྲུབ་རྟགས་སོགས་མཐོང་ཐོས་དཀོན་པའི་རིགས་གླེང་བར་ཧ་ཅང་དགའ། ངས་ང་ཤ་ཟ་རྒྱུར་ཧ་ཅང་དགའ།
(ཆེས་སྔགས་པར་འོས་པའི་བསམ་སྤྱོད་ལེགས་པོ་ནི་འཇིགས་པ་མེད་པ་དེའོ།)
ཉི་ཚེ། (尼采)
བུད་དྷ།（སི་ཁྲོན།）
༡ ཕྱིར་དྲན་ལ་ན་ཟུག་གིས་ཁེངས་པའི་ཟླ་གསུམ་པ།
ཉིས་སྟོང་བརྒྱད་ལོའི་ཟླ་གསུམ་པ་ནི་འཛམ་གླིང་ལ་མཚོན་ན་མིག་ཟུང་ཧྲིག་གེར་བལྟ་དགོས་པའི་དུས་ཚིགས་ཁྱད་པར་བ་ཞིག་རེད། གསུམ་པའི་བཅུ་བཞིའི་ཉིན་སྟོད་ཉི་མ་ལྷ་ས་ནས་མི་སེར་གཙོ་བྱས་པའི་མང་ཚོགས་ཡར་ལངས་ནས་ཁྲོམ་བསྐོར་བྱས། ཆུ་ལ་རྡོ་འཕངས་པ་ཇི་བཞིན་བསྟུན་མར་བོད་ཀྱི་ས་ཆ་མང་པོ་རུ་གཅིག་རྗེས་གཉིས་མཐུད་ངང་ངོ་བོ་དང་རྣམ་པ་འདྲ་བའི་ཁྲོམ་སྐོར་གང་མང་བྱས།
རང་ཡུལ་ཨ་མདོ་ལ་མཚོན་ན་གསུམ་པའི་བཅུ་དྲུག་སྔོན་གྱི་ཉི་མ་ཁ་ཤས་རིང་མེ་མདའ་དང་ད་དུང་མིང་ཡང་འབོད་མི་ཤེས་པའི་མཚོན་ཆ་མང་པོ་ཐོགས་པའི་དམག་མི་མང་པོས་རྫིག་རྫིག་ངང་དམག་ངོམས་བྱེད་ཅིང་བསྟར་ཕྲེང་བསྒྲིགས་ཏེ་ཚོང་རའི་ཡང་སྣེ་མར་སྣེ་སོགས་ཉུལ་ནས་སྐད་བསེང་མཐོན་པོས་འབོད་ཚིག་འདོན་གྱིན་ཉིན་མཚན་དབྱེར་མེད་ཀྱིས་དོགས་ཟོན་དང་མེལ་ཚེ་བྱེད་ཁུལ་བྱས།
གསུམ་པའི་བཅུ་དྲུག་ཉིན་མི་སེར་དང་གྲྭ་བ་གཉིས་ཀྱིས་གྲུབ་པའི་མི་ཚོགས་ཤིག་ཀིརྟི་དགོན་གྱི་ལམ་མདོ་(ཚོང་རའི་ལྷོ་ལམ་དང་ཆ་ཐང་ལམ་གྱི་བསྣོལ་མཚམས)ནས་མགོ་བརྩམས་ཏེ་ཁྲོམ་བསྐོར་བྱས།
བུད་དྷ། (སྨྱུག་མིང་ལ་སྤྲང་པོ་བུད་དྷ།) ༡༩༧༩ལོར་སྐྱེས། བོད་པ། (ཨ་མདོ་རྔ་བ་རྫོང་གི་མི་ཡིན།) ཁོང་ནི་༡༩༩༤ལོ་ནས་༡༩༩༨ལོར་རྔ་བ་ཁུལ་མཛོད་དགེ་རྫོང་གི་ཁུལ་བོད་སྨན་སློབ་གྲྭར་སློབ་གཉེར་བྱས། ༡༩༩༩ལོ་ནས་༢༠༠༣ལོར་ཁྲོང་ཆིན་སྨན་གྱི་སློབ་གྲྭ་ཆེན་མོ་རུ་སློབ་སྦྱོང་མཛད་ནས་མཐར་ཕྱིན། ད་ལྟ་རྔ་བ་རྫོང་བར་མ་ཞིང་གི་འཕྲོད་བསྟེན་ཁང་དུ་ལས་ཀ་གནང་བཞིན་ཡོད། ཁོང་གིས་<སྤང་རྒྱན་མེ་ཏོག>སོགས་དུསདེབ་ཐོག་ལ་སྙན་ངག་དང་བརྩམས་སྒྲུང་བྲིས་མྱོང་ཡོད། དེ་མ་ཟད་བོད་ཡིག་གི་དུས་དེབ་<དུས་རབས་ཀྱི་ང་།>རྩོམ་སྒྲིག་བྱས་ཡོད།
༢༠༡༠ལོའི་ཟླ༦ཚེས་༢༡ཉིན་གྱི་ཕྱི་དྲོ་ཆུ་ཚོད་གཅིག་ཡས་མས་སུ་རྔ་བ་རྫོང་བར་མ་ཞིང་གི་འཕྲོད་བསྟེན་ཁང་ནས་རྔ་བ་ཁུལ་སྤྱི་བདེ་ལས་ཁུངས་ཀྱིས་“རྒྱལ་ཁབ་ཁ་བྲལ་གྱི་ངན་སྐུལ་ནག་ཉེས་”ཞེས་རྒྱུ་མཚན་ལ་བརྟེན་ནས་འཛིན་བཟུང་བྱས་ཡོད། སྒེར་གྱི་རྩོམ་ཡིག་དང་དཔེ་ཆ་ཚང་མ་གཞུང་བཞེས་བྱས་ཡོད།
ཀླུ་སྨྱོན།
ཁེ་ཉིན་དགོང་མོའི་ཆུ་ཚོད་བཅུ་གཅིག་དང་ཕྱེད་ཀའི་སྟེང་དུ་ངས་ད་དུང་བརྙན་འཕྲིན་ལ་ལྟ་བཞིན་ཡོད། ནམ་རྒྱུན་ཡེ་ཤུའི་ཆོས་ལུགས་ཀྱི་བརྙན་འཕྲིན་ལས་རིམ་ཞིག་ཡོད་པར་མཚམས་རེར་ལྟ་རྒྱུ་དེ་ངའི་གོམས་གཤིས་ཤིག་ཏུ་གྱུར་ཡོད་ཅིང་། དགོང་མོ་དེར་ཡང་ལས་རིམ་དེར་ལྟ་ཙམ་བྱས་པ་ཡིན་ལ་དེས་སྐབས་ཤིག་གི་རིང་ངའི་ཡིད་དབང་རྦད་དེ་འཕྲོགས་སོང་།
ལས་རིམ་དེའི་ནང་དུ་ཡེ་ཤུ་བ་མི་རྒན་ལོ་ན་བདུན་ཅུའི་ཡར་སྟོད་དུ་སོན་པ་ཞིག་གིས་མི་སྐོར་ཞིག་གི་ཤི་བའི་ཉམས་མྱོང་དང་དེའི་གནས་སྐབས་སུ་ཇི་ལྟར་དཀོན་མཆོག་གི་བྱིན་རླབས་ཐོབ་ཚུལ་ངོ་སྤྲོད་རགས་བསྡུས་རེ་བྱས་རྗེས་མི་དེ་དག་གིས་རང་རང་གི་ཉམས་མྱོང་དག་ཕྲ་ཞིང་ཞིབ་པའི་སྒོ་ནས་ངོ་སྤྲོད་བྱེད་བཞིན་འདུག
ཁྲག་རྒྱུན།
ཀེ་ལ་ཤ་ཡིས་ཡོངས་སུ་བསྐོར་བའི་ཞིང་ཁམས། །
རིགས་དྲུག་སེམས་ཅན་བདེ་བར་སྡོད་པའི་ཞིང་ཁམས། །
བཅུ་ཕྲག་རིག་པ་དར་འཕེལ་བྱུང་བའི་ཞིང་ཁམས། །
རླབས་ཆེའི་འཛུགས་སྐྲུན་སྐར་ལྟར་ཤར་བའི་ཞིང་ཁམས། །
ཡ་རབས་ཚུལ་བཟང་གདོང་དམར་གནས་སའི་ཞིང་ཁམས། །
ནོར་ཕྱུག་རྩྭ་ཁ་ཡོངས་སུ་འཛོམས་པའི་ཞིང་ཁམས། །
ནང་པའི་ཆོས་ལ་དད་པའི་གདོང་དམར་ཞིང་ཁམས། །
རི་སྐྱེས་སྲོག་ཆགས་བདེ་བར་འཁོད་པའི་ཞིང་ཁམས། །
ཞེས་བསྟོད་པའི་མེ་ཏོག་གི་སྦྲང་ཆར་བབས་དང་འབབ་མུས་ཡིན།
དེ་ལས་མང་བ་། “རྣམ་ཤེས་བརླག་པའི་ཕུང་པོ།༼བོད་འབྱོར་རྩོམ་ཡིག༽” »
བོད ལྷ་ཀླུ་གཉན་གསུམ།
རང་བཙན་བརྩད་དེ་རྩ་བར་མ་ཐུག་ཅིང་།།
དབུ་མར་ཕྱོགས་ནས་ལས་དོན་མ་སྒྲུབ་པར།།
རང་ཐག་རང་གཅོད་མ་བྱས་ལྷོད་ལྷོད་བསྡད།།
བོད་པ་ང་ཚོའི་རིགས་འདི་སྙིང་རེ་རྗེ།།
གཅིག་གིས་བྱས་པར་གཅིག་གིས་འཕྱ་ཞིང་དམོད།།
གཞན་གྱིས་བྱས་ན་ཕྲག་དོག་མེ་ལྕེ་འབར།།
ཕར་ཚུར་གཉིས་ཀའི་བྱ་བ་མི་འཇོན་པའི།།
བོད་པ་ང་ཚོའི་རིགས་འདི་སྙིང་རེ་རྗེ།།
འཕན་པོ་བསྟན་དར།
༄༅། །འདས་པའི་ཁ་སང་དང་། ད་ལྟ་བའི་དེ་རིང་། མ་འོངས་པའི་སང་ཉིན་བཅས་ཀྱི་དུས་ཚོད་གསུམ་པོ་དེར་བསམ་བློ་གཏོང་མྱོང་ངམ།
དུས་ཚོད་ནི་གཙང་པོའི་ཆུ་རྒྱུན་དང་འདྲ་བར་མཚམས་མ་ཆད་པར་འགྲོ་གི་ཡོད་པར་བརྟེན། དེ་ཡང་རང་ཉིད་འཚོ་བའི་རིང་། དུས་ཚོད་དེ་དང་མཉམ་དུ་འགྲོ་གི་ཡོད་པས། རང་ཉིད་ཀྱི་མི་ཚེ་དེ། འགྲོ་བཞིན་པའི་དུས་ཚོད་ཟེར་བ་འདི་ཡིན།
བསེ་རོང་འོད་ཟེར། ཕྱི་ཚེས་ ༦ ཉིན་མདོ་སྨད་ཐེ་བོ་སྨད་རྒྱུད་འབྲུག་ཆུ་ཁུལ་དུ་ཡང་བསྐྱར་རི་ཉིལ་གྱི་གནོད་འཚེ་བྱུང་ཡང་། རི་ཉིལ་གྱིས་གནོད་འཚེ་མ་བྱུང་སྔོན་ལ་མི་མང་རྣམས་སྡོད་གནས་སྤར་ཐུབ་ཙམ་བྱུང་བས་མི་མང་རང་ལ་ཤི་རྨས་ཚབས་ཆེ་ཐེབས་ཡོད་མེད་གསལ་ཁ་ཞིག་མེད་ཀྱང་། ཁང་ཁྱིམ་དང་། རྒྱུ་ནོར་ལ་སྐྱོན་གུད་ཚབས་ཆེ་ཐེབས་ཡོད་འདུག སྤྱིར་ད་རེ་ཐེ་སྨད་འབྲུག་ཆུ་ཁུལ་དུ་རང་བྱུང་གི་གནོད་འཚེ་གཅིག་རྗེས་གཉིས་མཐུད་འབྱུང་བཞིན་པའི་གནད་དོན་གཙོ་བོ་རྒྱ་གཞུང་གིསའབྲུག་དཀར་གཙང་པོའི་གཡས་གཡོན་གྱི་རི་ལུང་གི་ནགས་ཚལ་གཅོད་འབྲེག་དང་། རང་བྱུང་གཏེར་ཁ་སྔོག་འདོན་ཚད་མེད་བྱས་པའི་ངན་འབྲས་རྣམས་ཉམ་ཐག་པའི་ས་གནས་བོད་མི་ཚོའི་མགོ་ཐོག་ཏུ་གཅིག་རྗེས་གཉིས་མཐུད་དུ་འབྱུང་བཞིན་པའི་གནས་སྟངས་འདི་དངོས་གནས་ཡིད་སེམས་གཏིང་ནས་སྐྱོ་དགོས་པའི་གནས་སྟངས་རང་རེད།
རྫ་ཚེ་རིང་བཀྲ་ཤིས།
དཔལ་འགྲོ་བའི་མགོན་པོ་གཙང་པ་རྒྱ་རས་ཀྱི་སྐྱེས་རབས་བཅུ་གསུམ་པ་ཡིན་ཞིང་། འགྲོ་མགོན་གཙང་བ་རྒྱ་རས་ནི་འབྲུག་པ་དཀར་བརྒྱུད་ཀྱི་ཤིང་རྟའི་སྲོལ་འབྱེད་པའང་རེད།
འདིར་ཁོང་ཉིད་ལ་ཉེ་ཆར་མཉམ་འབྲེལ་རྒྱལ་ཚོགས་ནས་གལ་ཆེའི་རྟགས་པ་ཕུལ་བར་ནང་པ་ཡོངས་དང་བོད་པ་ཡོངས་ཀྱི་ངོས་ནས་སྤོབས་པ་ཆེན་པོ་ཞུ་འོས་ཞིག་ཏུ་མཆིས་པ་ལྟར་དད་སྤྲོའི་ཡི་རང་དང་འབྲེལ། ཁོང་གི་སྐོར་ལ་དམིགས་བསལ་དོ་སྣང་སླེབས་བཞིན་པའི་སྐབས་འདིར་ཀློག་པ་པོ་དག་གི་ཆེད། ཁོང་ཉིད་ཉེ་བའི་ལོ་གཉིས་ཀྱི་སྔོན་རྒྱ་གར་ལྷོ་ཕྱོགས་ཀྱི་བྷེལ་ཀོབ་རྒྱལ་བའི་ཕོ་བྲང་དུ་རིས་མེད་མཁན་སྤྲུལ་སེར་སྐྱ་ཁྲི་ཕྲག་ཡས་མས་ཀྱི་འདུས་ཚོགས་སུ་སྤྱན་རས་གཟིགས་ཀྱི་བཀའ་དབང་གནང་བའི་སྐབས་ཀྱི་བཀའ་སློབ་གུས་པས་ལོ་གཅིག་གི་སྔོན་ལ་ཡིག་གེར་ཕབ་པ་ཞིག་ལས། ཁོང་ཉིད་ནས་ཤའི་ཁ་ཟས་དང་འབྲེལ་བའི་བཀའ་སློབ་གནང་བའི་དུམ་བུ་གཅིག་གཤམ་དུ་འདྲེན་འགོད་ཞུ་རྒྱུ་ཡིན། འདི་ཡོངས་སུ་གཟིགས་ཟིན་མཚམས་གཞི་ནས་ཁོང་ཇི་ལྟ་བུའི་དཀར་ཟས་རིང་ལུགས་པ་ཞིག་ཡིན་པ་མཁྱེན་ཐུབ་པའི་རེ་བ་ཡོད།
བོད་ཀྱི་སྐད་ཡིག་རྒྱུན་འཛིན་ཚོགས་པས་གོ་སྒྲིག་འོག་ཟླ་འདིའི་ཚེས ༡༦ དགོང་དྲོའི་ཆུ་ཚོད་ ༥:༣༠ ཐོག་བོད་གཞུང་ཟློས་གར་ཚོགས་ཁང་དུ་བོད་ཀྱི་སྐད་ཡིག་སྐོར་གྱི་རིག་རྩལ་སྤྲོ་ཚོགས་ཤིག་ཚོགས་འཆར་ཡོད་པས། སྐུ་ཉིད་དུས་ལྟར་རིག་རྩལ་སྤྲོ་ཚོགས་འདིའི་ཐོག་ཕེབས་པར་དགའ་བསུ་ཞུ།
དེ་ལས་མང་བ་། “བཙན་བྱོལ་དུ་བོད་ཀྱི་སྐད་ཡིག་སྐོར་གྱི་རིག་རྩལ་སྤྲོ་ཚོགས་ཐེངས་དང་པོ་བསྡུ་རྒྱུ་རེད།” »
ལུག་ཞོ་པོས་བརྩམས།
རྟ་ནག་སྐལ་བཟང་ལུང་རིགས་ཀྱིས་བསྒྱུར།
དམག་ཆེན་གཉིས་པའི་རྗེས་སུ་རང་སྐྱོང་གི་ཁེ་དབང་ཡང་སྤང་ལ་མེ་སྟག་འཐོར་བ་བཞིན་ ཕྱོགས་གང་སར་ཁྱབ་པར་གྱུར་ཅིང་། “མི་བུའི་ཆེས་མཐོའི་ཁེ་དབང་”ཡང་མི་བུ་རེ་རེ་ཡི་སེམས་ལ་བྱིང་པར་གྱུར། གྲངས་ཉུང་མི་རིགས་ཀྱི་རང་དབང་དང་རང་བཙན་གྱི་འདུན་པས་ཀུན་ནས་བསླངས་པའི་མི་ རིགས་ཀྱི་འགལ་བ་མཐའ་དག་ཀྱང་ཐག་གཅོད་བྱ་ཐུབ་པ་བྱུང་ཞིང་། སྲིད་དོན་མཁས་ཆེན་དག་གི་ཁྲིམས་མཐུན་རང་བཞིན་གྱི་ཐབས་ཤེས་དང་། ནུས་པ་རྒྱལ་ཡོངས་ཀུན་ཏུ་སྤྱོད་ཐུབ་པ་བྱུང་བས། དམངས་གཙོ་ནི་རིམ་བཞིན་འཛམ་གླིང་གི་རྒྱལ་ཁབ་ཕལ་མོ་ཆེས་སྤྱི་ཤེས་ལྟ་བུར་གྲུབ་ སོང་བ་རེད། དམངས་གཙོའི་ལྟ་ཚུལ་གྱི་རིན་ཐང་འདི་མི་དམངས་ཀྱི་ཁེ་དབང་གཏན་འབེབས་ཁྲོད་རིན་ ཐང་ལྡན་པས། མང་བོ་མང་བོ་ཞིག་གིས་དམངས་གཙོའི་རང་ལུགས་ལ་་བརྩི་མཐོང་དང་གདེངས་འཇོག་བླ་ མེད་གནང་ཞིང་། གྲངས་ཉུང་མི་རིགས་སྲུང་ཞིང་སྐྱོབ་པའི་རྩ་དོན་ཞིག་ལྷང་ངེར་གསལ་ཡོང་བ་རེད། མདོ་དོན་བཤད་ན། དམངས་གཙོའི་ལམ་ལུགས་ཀྱིས་གྲངས་ཉུང་མི་རིགས་ལ་མགོན་སྐྱབས་མཛད་དགོས་པ་གསལ་ བོར་མཚོན་ཡོད་པ་དེའོ།།
དེ་རིང་ ༢༠༡༠ ལོའི་ཟླ་ ༡༠ ཚེས་ ༡༠ ཉིན་གྱི་ཆུ་ཚོད་ ༡༠ ཐོག་ ཨ་རིའི་ཨིན་ཌི་ཡ་ན་ ནས་ ཁེ་ཎ་ཌའི་ཊོ་རོན་ཊོའི་བར་གྱི་ རང་བཙན་གོམ་བགྲོད་དེ་མགོ་འཛུགས་བྱས་ཡོད་པ་དང་། གོམ་བགྲོད་པ་ནི་སྐུའི་གཅེན་པོ་ལྟག་མཚེར་རིན་པོ་ཆེའི་སྲས་འཇིགས་མེད་ནོར་བུ་དང་། དེ་བཞིན་ཝི་ཏི་ནམ་ནས་ཡིན་པའི་སྐུ་ཞབས་མཐའ་ཡས་གཉིས་པ་ཡིན་པ་རེད། ཉིན་དང་པོར་ས་གནས་བོད་མི་དང་བོད་དོན་རྒྱབ་སྐྱོར་བ་ བཅུ་ཕྲག་ཙམ་གྲོང་ཁྱེར་གྱི་རྒྱལ་སའི་ཁྲོམ་དཀྱིལ་དུ་འཛོམས་པ་དང་། སྒོ་མང་དགེ་བཤེས་སྦྱིན་པ་བསོད་ནམས་མཆོག་གིས་ཐུགས་སྨོན་གནང་བ་དང་། དེ་བཞིན་ས་གནས་ཀྱི་ཚོགས་པ་དག་གིས་རྒྱབ་སྐྱོར་གྱི་གསུང་བཤད་གནང་བ་དང་བཅས་གོམ་བགྲོད་མགོ་བཙུགས་ཡོད་པ་རེད།
རྒྱལ་སྟོན་དུས་ཆེན་ཉིན་ལ་ཕུལ། བོད་འབྱོར་རྩོམ་་་་་་ལྷམ་ཀོག
ཉི་མ་འདི་ཚོར་སྤྲིན་པ་དེ་ཡང་ནད་པ་ཞིག་དང་མཚུངས་ཤིང
སྐེ་བསྒགས་ནས་གཞན་གྱིས་རྡུང་གིན་ཡོད་པ་དང་འདྲ
ཉི་མ་འདི་ཚོར་མེ་ལོང་དེ་ཡང་སླ་ང་བཞིན་ནག་རོག་གེར་སོང་ཞིང
ཅི་ཡང་འཆར་རྒྱུ་མི་འདུག་པའི་རྒན་པོ་ལོང་བ་དེ་དང་མཐུན་འདུག
ཉི་མ་འདི་ཚོར་མགོ་ཐོག་ན་བརྐྱངས་པའི་སྤྲིན་པ་དེ་ཡང་ཡོམ་སྣང་འདུག་ལ
རྐང་བའི་འོག་གི་ས་གཞི་འདི་ཡང་དངངས་སྙམ་སྐྱེས
ཉི་མ་འདིའི་སྟེང་ལ་ད་དུང་ཉི་མ་འདི་འདྲ་ཞིག་ཡོད་ཚེ
འཇིག་རྟེན་འདི་ནས་སྡོད་འདོད་སྐྱེས་པའི་མི་གཅིག་ཀྱང་ཡོད་མི་སྲིད་ལ
མི་གཅིག་ཡོད་པའི་དབང་དུ་བཏང་ན་དེ་ནི་ཀླད་རྩ་མི་ཚང་བ་ཞིག་ཡིན་ངེས
ངས་ཉི་མ་འདི་ལྟག་ཀ་ནས་དེད་དེ་མདུན་དུ་ཕུད་འདོད་ཀྱང
དེ་ནི་ངས་དུས་ཚོད་ལྟར་དུ་འདང་བརྒྱབས་པ་ལྟ་བུ་ཞིག་མ་ཡིན་པར
ཤིན་ཏུ་དཀའ་མོ་ཞིག་རེད
གལ་ཏེ་དེ་ལྟའི་ཤེད་ཤུགས་འདྲ་ཡོད་པའི་བསམ་བློ་བཏང་རུང
ལོ་རྒྱུས་འདྲ་ཆག་པོ་ཞིག་གིས་ལྟག་པར་འཐེན་ནས་ཐབས་ཤེས་ཁྱོན་ནས་མི་འདུག
