མདོ་འདུམ་ཚང་།
བཀའ་ཁྲིའི་སྔོན་འགྲོའི་འོས་བསྡུ་དེ་གསལ་བསྒྲགས་ཟིན་རྗེས། དྲ་ཐོག་ཏུ་བཀའ་བློན་ཁྲི་བའི་སྐོར་གྱི་བགྲོ་གླེང་ཇེ་འཁྲུགས་ལ་སོང་ཡོད། ལྷག་པར་དུ། བོད་ཡིག་ཐོག་རྩོམ་སྤེལ་མཁན་ཚོ་ལས་དབྱིན་ཡིག་ཐོག་འབྲི་མཁན་ཚོ་འཁྲུགས། ད་ཕན་བློ་བཟང་སེང་གེ་གཅིག་པོའི་སྒང་ལ་ཡང་།
དྲ་ཐོག་ན་དབྱིན་ཡིག་ཐོག་བྲིས་བ་བཅུ་གྲངས་འདུག འོན་ཀྱང་། འབྲི་མཁན་ཕལ་ཆེ་བས། ཕྱོགས་གཅིག་རྐྱང་བ་མ་གཏོགས་གླེང་གི་མི་འདུག བློ་སེང་ལ་སྐྱོན་བརྗོད་བྱེད་མཁན་ཚོས་སྐྱོན་གྱི་སྣེ་མོ་རྐྱང་རྐྱང་བཙལ་གི་འདུག བཀྲས་མཐོང་ལ་བསྟོད་པ་རྒྱག་མཁན་ཚོས་བསྟོད་པའི་མཐེ་བོང་རྐྱང་རྐྱང་བསྒྲེངས་གིན་འདུག རྩོམ་འབྲི་མཁན་གཅིག་གིས། ཕྱོགས་གཉིས་ཀ་གླེང་བ་ད་ཕན་ཉུང་སེ་འདུག ཕྱོགས་གཅིག་གླེང་མཁན་མང་རུང་། ཁོང་ཚོས་བྲིས་བ་དེ་ཚོ་ཅུང་ཞིབ་ཚགས་འདུག གནས་སྟངས་འདིའི་འོག་ཏུ། ངེད་ཀྱི་བསམ་ཚུལ་ལ། ད་ང་ཚོས་མི་གཅིག་གི་ཕྱོགས་གཉིས་ཀར་བལྟ་དགོས་རེད་འདོད། ཕྱོགས་གཉིས་ཀ་ཞིབ་བསྡུར་བྱེད་དགོས་རེད་། དཔེར་ན། བློ་བཟང་སེང་གེ་ལ་སྐྱོན་ཡོད་པ་ནང་བཞིན། ཁོང་གི་ཡོན་ཏན་དེ་ཚོ་ཡང་མཁྱེན་དགོས་རེད་འདོད། སྐྱོན་དང་ཡོན་ཏན་གཉིས་ཀར་བལྟ་དགོས་ཀྱི་འདུག བཀྲས་མཐོང་བསྟན་འཛིན་རྣམ་རྒྱལ་ལ་ཡང་དེ་མཚུངས་རེད། སྐྱོན་དང་ཡོན་ཏན་གཉིས་ཀ་མཁྱེན་པའི་རྗེས་སུ། ཕྱོགས་གཉིས་ཀ་བསྡུར་དགོས་རེད་། དེ་ལྟར་བྱས་ན། གང་ཟག་དེ་བཀའ་ཁྲིའི་རྐུབ་སྟེགས་སྟེང་ལ་མ་སླེབས་སྔོན་དུ་།
གངས་སེང་འབོད་པའི་གློག་བརྙན།
བློ་བཟང་ཆོས་འཕེལ་གྱིས དབྱིན་ལན་བོད་ཀྱི་དགེ་རྩ་ཚོགས་པ་ཞེས་པའི་རོགས་ཚོགས་དེས་ཉེ་སྔོན་གངས་སེང་འབོད་པའི་གློག་བརྙན་ཞེས་པའི་གློག་བརྙན་ཞིག་བཟོས་ཡོད་ཅིང་།བོད་ཀྱི་བཀྲ་ཤིས་རྟགས་བརྒྱད་ཀྱི་ཤིས་ཚིག་མཚོན་པའི་ཕྱིར་དུ་གློག་བརྙན་དེར་ལེའུ་བརྒྱད་བཟོས་འདུག།ལེའུ་རེ་ལ་དུས་ཡུན་དྲ་རྒྱའི་ཚད་དང་བསྟུན་ནས་སྐར་མ་བཅོ་ལྔ་མ་ཟིན་ཙམ་རེ་འདུགགློག་བརྙན་གྱི་ནང་དོན་གཙོ་བོ་ནི་བྱེས་ཀྱི་བོད་མི་རྣམས་བཙན་བྱོལ་དུ་འབྱོར་ནས་མི་ལོ་ལྔ་བཅུ་འཁོར་བའི་ནང་དུ་འགྱུར་བ་གང་འདྲ་ཕྱིན་ཡོད་པའི་སྐོར་ཡིན་པ་རེད།གློག་བརྙན་གྱི་སྒྱུ་རྩལ་ལས་བཙན་བྱོལ་བ་ཇི་ལྟར་གྱུར་པའི་སྐོར་མངོན་གསལ་ཧ་ཅང་ཆེ་ཞིང་།བོད་མི་རྣམས་ཀྱི་རྒྱུན་སྤྱོད་འཚོ་བའི་སྐོར་གཙོ་འདོན་བྱས་འདུག
༧རྒྱལ་བ་རིན་པོ་ཆེ་བགྲེས་ཡོལ་དུ་ཕེབས་རྒྱུར་རྒྱབ་སྐྱོར་ཡོད་ཅེས་རྒྱ་རིས་གསུངས་འདུག
གཤམ་གསལ་ནི་ཀུན་གླེང་ཐོག་བཅར་འདྲི་ཞུས་པ་ཞིག་རེད་འདུག
ཚེ་སྲོག་གི་གཤག་བཅོས།
འཇམ་དཔལ་ཚུལ་ཁྲིམས།
ཉེ་ཆར་༧གོང་ས་མཆོག་གིས་ཁོང་ཉིད་ཆབ་སྲིད་ཀྱི་ཐུགས་འགན་ལས་ཕྱེད་རྒན་ཡོལ་དུ་ཡོད་པ་ལས་རྒན་ཡོལ་ཆ་ཚང་ཞུ་འདོད་ཡོད་སྐོར་ཞིག་གསུང་བ་དེས་བོད་མིའི་སྤྱི་ཚོགས་ནང་ དུ་གླེང་གཞི་གསར་བ་ཞིག་བྱུང་། སྐབས་འཚོལ་བ་ཚོར་རང་རང་གི་མིང་གོང་མཐོར་འདེགས་པའི་ལག་ཆ་ཞིག་རག་པ་དང་། ཐུགས་ཁུལ་ཅན་འགའ་རེར་བཅོས་མེད་ཀྱིས་བློ་འཚབ་སོགས་བྱུང་ཡོད། འདིའི་སྐོར་ལ་བདག་གི་བསམ་ཚུལ་དེ་གསལ་ཁ་ཞིག་མ་བཏོན་ན་ཇོ་བཟང་གི་ངང་ཚུལ་དུ་འགྱུར་བས་འདི་ཆེད་དུ་གླེང་བ་ཡིན།
རྒྱ་ནག་གི་གཞུང་ཚབ་ཚོ་ངག་ལྐུགས་དོན་ཅི་རེད། འདི་ལ་གཟིགས།
འཆི་བ་ནི་ང་ཡི་རྨི་ལམ་ཡིན།
བོད། ལྷ་ཀླུ་གཉན་གསུམ།
མི་ནི་རང་བཞིན་གྱིས་འདོད་མིན་ལ་མ་བལྟས་པར་སྐྱེ་བ་ནས་འཆི་བའི་ཕྱོགས་སུ་འགྲོ་བཞིན་ཡོད། སྐད་ཅིག་ཀྱང་མི་བསྡོད་པར་དེ་ཡི་ཕྱོགས་སུ་འགྲོ་བཞིན་ཡོད། རེད་དེ། ཡ་མཚར་བ་ཞིག་ལ་འཇིག་རྟེན་གྱི་སྐྱེ་བོ་ཆེས་མི་ཉུང་བ་ཞིག་གིས་འཆི་བ་འདི་དང་ལེན་བྱེད་རྒྱུར་འདོད་མོས་མེད་པ་དང་། འཆི་བ་ཟེར་བའི་མིང་ཐོས་པ་དང་སྐྱོ་སྣང་དང་མི་འདོད་པའི་རྣམ་འགྱུར་བཅས་རྒྱུན་དུ་སྟོན་ལ། དེ་ལ་དུས་རྟག་དུ་འཇིགས་སྣང་དང་བློ་དོགས་མི་ཉུང་བ་ཞིག་ཡོང་གི་ཡོད་པ་རེད།
ཁྱེད་ཀྱི་བརླ་བར་དུ་བཏབ་པའི་ས་བོན།
ཀླུ་སྨྱོན།
—གྲོགས་པོ་ཞིག་གི་ཆུང་མར་མངལ་སྦྲུམ་པའི་སྣང་ཚུལ་མཐོང་རྗེས།
སྙིང་སྡུག་མ།
བརྩེ་བ་ཟེར་བའི་ནེམ་ཤ་ཅན་དེའི་ཆེད་དུ།
ང་རང་ཉིད་ཀྱི་ཡོད་ཚད་ཁྱེད་ལ་ཕུལ་ཚར།
ངའི་ཤ་ཁྲག་དང་ངའི་རུས་རྐང་།
ངའི་ལུས་ཟུངས་དང་རྣམ་ཤེས་ཡོད་ཚད་ཁྱེད་ལ་བསྟིམས་ཟིན།
མདང་དགོང་།
ཐེ་ཝན་དུ་བོད་ཀྱི་གོམ་བགྲོད།
འཛམ་གླིང་ཞི་བདེ་དང་འགྲོ་བ་མིའི་ཐོབ་ཐང་། བོད་རང་བཙན་བཅས་ཀྱི་ཆེད་དུ།
བཙན་བྱོལ་བོད་མིའི་འཆི་རྐྱེན་གཙོ་བོ།
ཉེ་ཆར་བོད་གཞུང་འཆར་འགོད་ལྷན་ཁང་གིས་བཏོན་པའི་མི་འབོར་གྲངས་བཤེར་གྱི་སྙན་ཐོ་ལྟར་ན། བྱེས་སྡོད་བོད་མིའི་ཁྲོད་ཕྱི་ལོ་ 1998 ལོར་མི་ཆིག་སྟོང་ཁོངས་ནས་ཤི་ཚད་དེ་ 8.78 ཡིན་པ་ནས་ཕྱི་ལོ་ 2009 ལོར་མི་ཆིག་སྟོང་ཁོངས་ནས་ཤི་ཚད་9.7 ལ་ཅུང་འཕར་ཡོད་པ་དང་། འབྲས་ནད་ཀན་སར་ནི་ཚེ་སྲོག་འཕྲོག་མཁན་ནད་གཞི་ཨང་དང་པོ་དང་། མཆིན་ནད་ལེབ་རྒན་liver cirrhosis གཉིས་པ། སྙིང་དང་འབྲེལ་བའི་ནད་གཞི་གསུམ་པ་ཡིན་ལུགས་ཐོན་འདུག གཞན་གློ་གཅོང་ཊི་སྦི་དང་མ་ལེ་རི་ཡ་ན་མཁན་ཇེ་ཉུང་དུ་ཕྱིན་པ།…
ཡིད་བཞིན་ནོར་བུ།
(༧གོང་ས་རྒྱལ་བ་རིན་པོ་ཆེ་མཆོག་གི་འཛམ་གླིང་ཞི་བདེའི་གཟིངས་རྟགས་ཀྱི་ཉིན་མོ་ཕུལ་བ་ལེགས།།)
ཇིང་སྲས་མིག་གསུམ་པ
རྩ་གསུམ་ལྷ་ཡི་ཐུགས་སྲས་ཡིད་བཞིན་ནོར་བུ།།
མ་གྱུུར་འགྲོ་བའི་སྐྱབས་མགོན་ཡིད་བཞིན་ནོར་བུ།།
བུ་ངའི་སྙིང་གི་བླ་མ་ཡིད་བཞིན་ནོར་བུ།།
ཞི་བདེའི་དེད་དཔོན་ཆེན་པོ་ཡིད་བཞིན་ནོར་བུ།།
གསེར་སེར་པོར་བྲིས་པའི་སྙན་ངག—གསེར་གྱི་གཟེངས་རྟགས་གླེང་བ།
ཀླུ་སྨྱོན།
སྲིད་པའི་གཏམ་དཔེ་ལ། གསེར་ས་འོག་ཏུ་ཡོད་ཀྱང་འོད་ནམ་མཁར་རུ་འཕྲོ་ཞེས་གྲགས་པ་དེ་བདེན་ནམ།
དེ་རིང་། པོ་ཏྰ་ལའི་འོག་ཏུ་འབར་རྫས་སྤྱི་རྒྱ་འབུམ་ཕྲག་ལོངས་པ་ཞིག་སྦས་ཡོད་པའི་དེ་རིང་།
དེ་རིང་། ནོར་བུ་གླིང་ཁ་རུ་སྨད་འཚོང་མ་བརྒྱ་ཕྲག་འགས་གཅེར་གཟུགས་ཉི་མར་ལྡེ་བའི་དེ་རིང་།
དེ་རིང་། བར་སྐོར་དུ་བོད་མི་འགས་རྒྱ་དམག་གི་མེ་མདའི་སོ་ཁ་རུ་གསོལ་བ་འདེབ་བཞིན་པའི་དེ་རིང་།
དེ་རིང་། སྐྱིད་ཆུ་སྔོན་མོའི་ཀློང་ན་ཁྲག་གི་རྦ་རླབས་གཅིག་རྗེས་གཉིས་མཐུད་དུ་འཕྱུར་བའི་དེ་རིང་།
དེ་རིང་གཞི་ནས་ཁྱེད་ལ་གསེར་སྒོར་དེ་ཐོབ་བྱུང་། གཅིག་བྱས་ན་གནས་ལུགས་ཀྱི་དབང་གིས་ཡིན་སྲིད།
དེ་རིང་གཞི་ནས་ཁྱེད་ལ་སྐར་མདའ་དེ་རྙེད་བྱུང་། གཅིག་བྱས་ན་འདི་ལ་གནད་དོན་ཞིག་ཡོད་སྲིད།
དེ་རིང་གཞི་ནས་ཁྱེད་ལ་འཛུམ་མདངས་ཤིག་རྒྱས་སོང་། གཅིག་བྱས་ནས་འདི་ལ་གོ་དོན་ཞིག་ཡོད་སྲིད།
དེ་ལས་མང་བ་། “གསེར་སེར་པོར་བྲིས་པའི་སྙན་ངག—གསེར་གྱི་གཟེངས་རྟགས་གླེང་བ།” »
ཞི་བདེའི་ལམ་བུ་འཚོལ་བ།
(དུས་བབ་ནས་བླངས)
ཆབ་བྲག་ལྷ་མོ་སྐྱབས
སྤྱི་ཟླ་བཅུ་གཉིས་པའི་ཚེས་བཅུ་ནི་འཛམ་གླིང་གི་ཞི་བདེའི་ཉིན་མོ་དེ་ཡིན། ཉིན་འདིར་བོད་པ་ཚང་མས་ཆེས་གསལ་བོར་དྲན་སོས་པ་ནི་ལོ་ཉེར་གཅིག་སྔོན་ལ་༸གོང་ས་མཆོག་གིས་འཛམ་གླིང་ནའོ་བྷེལ་ཞི་བདེའི་གཟེངས་རྟགས་བཞེས་པའི་དགའ་སྟོན་དེ་ལོས་ཡིན།
ང་ཚོས་ལོ་རེ་བཞིན་དུ་ཉིན་མོ་འདི་དྲན་གསོ་དང་དགའ་སྐྱིད་ལ་རོལ་གྱིན་ཡོད། འོན་ཀྱང་༸གོང་ས་མཆོག་གི་ཞི་བདེའི་མཛད་འཕྲིན་སྤྱི་དང། བཀའ་སློབ་ལམ་སྟོན་ལ་ལེགས་པར་བསམ་གཞིགས་བྱས་པ་དང་བྱེད་མཁན་ཉུང་ལ། དེ་བས་རྗེས་སུ་གོམ་པ་རེ་གཉིས་སྤོ་མཁན་ཡང་ཧ་ཅང་ཉུང་། གང་ལྟར་ཚང་མའི་ཁ་ལག་གཉིས་ནས་ཞི་བདེ་ཟེར་བ་ནི་བཏོན་དང་འབྲི་བཞིན་པའི་མིང་ཚིག་གལ་ཆེན་ཞིག་ཆགས་ཡོད།
གླིང་ཆེན་ཨེ་ཤ་ཡའི་ཆེས་བླ་ན་མཐོ་བའི་མཛེས་མ་སུ་རེད། ཡེས་ཅེས་བརྩམས། བོད་འགྱུར་མ།
རྟ་ནག་སྐལ་བཟང་ལུང་རིགས།
____________དགུང་ལོ་དྲུག་ཅུར་སོན་པའི་ཨང་ཧྲན་སོའུ་ཅེ་ལ་ཕུལ་བ།
ཡ་གླིང་གི་ཆེས་བླ་ན་མེད་པའི་མཛེས་མ་སུ་རེད། དེ་དག་ནི་ཉི་ཧོང་དང་ལྷོ་ཁོ་རི་ཡའི་ཟློས་གར་ཁྲོད་ཀྱི་དེ་དག་སྟེ། ལྷ་ཡི་ཁང་བཟང་ལ་འགྲན་པའི་དབུས་ཀྱི་འདྲ་རིས་དེ་དག་ཡིན་ནམ། ཧོང་ཀོང་དང་ཐེ་ཝན་ན་གཟི་བརྗིད་དང་མཚན་སྙན་གྱིས་སྲུང་བའི་འཁྲབ་སྟོན་པ་དེ་དག་ཡིན་ནམ། ཡང་ན་རྒྱ་ནག་སྐམ་ས་ཆེན་མོ་རང་ཉིད་ཀྱིས་བསྐྱེད་དེ་འོང་བའི་ན་ཆུང་མཛེས་མ་དེ་དག་ཡིན། ཡང་ན་ཉི་ཧོང་གི་འདྲེན་མ་སྐད་གྲགས་ཅན་ཐིན་ཡོན་ཅེས་ཞང་། ཡང་ན་ཀོ་རི་ཡའི་མཛེས་མ་ཆོན་ཏྲི་ཞན། དེ་མིན་ན་ཧོང་ཀོང་གི་སྨན་ཤར་ཀྲང་མན་ཡེས། དེའང་མིན་ན་སྐམ་ས་ཆེན་མོའི་ཞོའུ་ཅན་ལེའེ་ཡིན་ནམ།
དེ་ལས་མང་བ་། “གླིང་ཆེན་ཨེ་ཤ་ཡའི་ཆེས་བླ་ན་མཐོ་བའི་མཛེས་མ་སུ་རེད། ཡེས་ཅེས་བརྩམས། བོད་འགྱུར་མ།” »
རས་པའི་སྙན་ངག་ཚན་པ་བཞི།
སང་ཉིན་ཞི་བདེའི་ཉིན་མོ་རེད།
—–ཕ་ཡུལ་ལ་སྐད་བསྐུར་བ།
ལོ་ལེགས་བྱུང་ན་ང་ལ་ཅིག་བསྐུར་རོགས་ཞུ་སྟེ
ང་ནི་རྒྱ་གར་གྱི་བྱང་མཐའི་རི་ཁྲོད་འདི་ན་ཁང་བ་གླས་མ་ཞིག་ཏུ་ཡོད
མི་ལོ་ཉེར་གཅིག་གི་གཟེངས་རྟགས་ཤིག་གཟི་བརྗིད་དང་ལྡན་པར་ཡོད་ནའང
ཁྱོད་ཚོར་བསྐུར་ཆོག་པའི་སྦྲགས་ཁང་བཙལ་ཡང་མི་རྙེད་ཅིང
ཁྱོད་ཚོས་ཉར་ཆོག་པའི་རེ་བ་ཅི་ཡང་ཤར་རྒྱུ་མི་འདུག་ལགས
བརྩེ་དུང་། ཐ་སྙད་འདི་མི་རྣམས་འཆིང་བྱེད་ཡིན།
བོད། ལྷ་ཀླུ་གཉན་གསུམ།
བྱིས་པའི་གོམ་འགྲོས་ལྟ་བུའི་བརྩེ་དུང་།
མི་སུ་ཞིག་ཕར་ལ་དགའ་དུས་སུ། དང་བོ་ནི་གླེན་པ་དང་ལྐུགས་པ་ལྟ་བུ་ཞིག་ཡིན་ཟེར་བ་ལྟར། ཉིན་མཚན་ཀུན་དུ་དྲན་རྒྱུ་དང་བསམ་རྒྱུ་དེ་ལས་མེད་པ་ལྟ་བུའི་ངང་ཚུལ་ཞིག་བྱུང་ནས། དེ་ལ་བརྟེན་ནས་སྐད་ཆ་བཤད་ཚུལ་དང་དྲན་ཚུལ་ཚང་མ་ནི། མི་དེ་ཕར་དགའ་སའི་ཡུལ་དེ་ཁོ་ན་ཆགས་ཀྱི་ཡོད། དེ་དུས་ཀྱི་སྐད་ཆ་དག་ནི་གློ་བུར་བ་དང་ཐོལ་བྱུང་། སྣང་ཚུལ་རབ་རིབ། ཁ་ནས་ཐོན་ཚུལ་དུ་ང་རང་ཁྱེད་ལ་དགའ། ངས་ཁྱེད་རང་དྲན། ང་ཁྱེད་རང་མ་གཏོགས་མི་དགོས། དེ་ལྟར་མ་བྱུང་ན་ངའི་ལོ་ཟླ་ལ་སྙིང་བོ་མི་འདུག དེ་ལས་སྐྱེ་བ་འདི་ནས་ཤི་ན་རེད། ཁྱེད་མ་ཐོབ་ཚེ་ང་རང་ཤི་རྒྱུ་ཡིན། འདི་དག་ནི་ངའི་རང་ཉིད་ཀྱི་རྒྱུད་ལམ་ཁྲོད་ནས་བྱུང་ཟིན་པའི་ལེའུ་དེ་དག་ལ་ཕྱིར་འདང་ཞིག་བརྒྱབས་དུས། དེ་ལ་ངས་བྱིས་པའི་གོམ་འགྲོས་ལྟ་བུའི་བརྩེ་དུང་བཏགས་པ་ཡིན།
དེ་ལས་མང་བ་། “བརྩེ་དུང་། ཐ་སྙད་འདི་མི་རྣམས་འཆིང་བྱེད་ཡིན།” »
སྨིན་གླིང་མཁན་ཆེན་ལ་གཟེངས་རྟཊ།
ཟླ་འདིའི་ཕྱི་ཚེས་ ༤ ཉིན་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་གར་རྒྱལ་སྤྱིའི་མཛའ་འབྲེལ་མཐུན་ཚོགས་ཀྱིས། ཚོགས་པ་དེའི་འདི་ལོའི་སྤྱི་ཚོགས་ཞབས་ཞུའི་ལས་དོན་གཟེངས་ཐོན་བྱ་དགའ་བྷ་རི་ཊ་ཇོ་ཊེ་ Bharat Jyoti Award ཞེས་པ་དེ། བོད་ཀྱི་སྨིན་གྲོལ་གླིང་སྔ་འགྱུར་རྙིང་མ་དགོན་གྱི་སྨིན་གླིང་མཁན་ཆེན་རིན་པོ་ཆེ་མཆོག་ལ་ཕུལ་ཡོད་ཅིང་། དེ་ནི་རིན་པོ་ཆེ་མཆོག་གིས་ལོ་མང་རིང་རྒྱ་གར་གྱི་སྤྱི་ཚོགས་ཞབས་ཞུའི་ལས་རིགས་ཐོག་ཕྱག་ལས་རླབས་ཆེན་གནང་བར་ངོས་འཛིན་གྱིས་ཆེ་བསྟོད་བྱས་པ་ཞིག་ཡིན་འདུག
གཞིས་ཀྱི་སློབ་ཆེན་སློབ་མ་སྐོར་གིས་བཀའ་ཁྲིའི་དོན་ལ་ཕུལ་བའི་སྙན་ཞུ།
ཕུན་ཚོགས་ཀྱི་ཟིན་བྲིས་ནས་བླངས
དེ་ལས་མང་བ་། “གཞིས་ཀྱི་སློབ་ཆེན་སློབ་མ་སྐོར་གིས་བཀའ་ཁྲིའི་དོན་ལ་ཕུལ་བའི་སྙན་ཞུ།” »
རང་དོན་རང་གིས་བྱེད། རང་ཉིད་རང་གི་མགོན།
རྔ་བ་རྒྱལ་ཁམས།
ད་ང་ཚོ་ཚང་མ་ངན་ལངས་ལ་ཤོར་ཚར་བ་རེད། སྔོན་ནས་འཐེན་ནི་ཞིག་དང་། རྒྱབ་ནས་གཏོད་ནི་ཞིག་མེད་ན། མི་རྒན་འཆོས་པོ་ལྟར་ཡར་ལངས་ཐུབ་ནི་མ་རེད། ངོ་མ་སེམས་སྐྱོ་བའི་རྒྱུ་རེད། རྫོགས་པའི་སངས་རྒྱས་བཅོམ་ལྡན་འདས་ནས་བཟུང་སྟེ། རྟག་པའི་ཆོས་ཤིག་ཡོད་ནི་མ་རེད། ༧སྐུ་མདུན་ཡང་མིའི་ཤ་ཚུགས་ཅན་རེད། ནམ་ཕེབས་མ་གཏོགས་ཕེབས་རྒྱུ་ཡིན་པ་ཕལ་ཆེར་གྱིས་ཧ་གོ་བཞིན་ད་དུང་སྐུ་མདུན་མཁྱེན་བསམས་ནས། ཡོད་ཚད་ཞེ་ས་མ་ཞུས་ན་མི་རྒན་གཅིག་གི་སྒང་འཁེལ་ཐབས་བྱེད་ཀྱིན་ཡོད་པ་རེད། ངས་བོད་རིགས་མང་བོ་ཞིག་ལ་ཚོད་སྒམ་གྱི་དྲི་བ་འགའ་རེ་བཏང་བ་ཡིན། ཁོང་ཚོ་རང་ཉིད་ལ་ཡིད་ཆེས་ཡོད་མཁན་ཧ་ལམ་དཀོན་པོ་རེད། དམིགས་ཡུལ་དང་འཆར་གཞི་སོགས་དྲིས་པ་ཡིན་ན། ཕལ་ཆེར་གྱིས་སོ་སོར་ལས་ཤིག་ཡོད་ན་ལམ་ཤིག་ཡོང་གི་རེད་ཟེར་བ་ཙམ་ལས་ཅང་མེད་གི ང་སེམས་ཧ་ཅང་སྐྱོ་སོང་། རྒྱ་རིགས་འགའ་ཞིག་ལ་དྲིས་པ་ཡིན། སློབ་སྦྱོང་དང་། དཔལ་འབྱོར། དམིགས་འབེན་སོགས་རང་ཉིད་ཀྱི་འཁོས་ཀར་དཔགས་པའི་འཆར་གཞི་རེ་མེད་ས་ཕལ་ཆེར་མེད་ཀི གལ་ཏེ་ང་ཚོས་༧རྒྱལ་བ་རིན་པོ་ཆེ་མེད་པའི་ཉིན་ནས་ང་ཚོ་ཚར་བ་རེད་བསམ་གིན་ཡོད་ན། ཚར་འགྲོ་གི་རེད། ང་ཚོ་རང་ཉིད་ཀྱིས་ཚར་རྒྱུ་ཡིན་པ་ཐག་བཅད་ཚར་བ་རེད། བསམ་བློ་དེ་འདྲ་ཞིག་ཁུར་ནས་ལས་ཀ་ཅི་ཞིག་བྱས་རུང་། ལས་ངག་གཉིས་ཀ་སེམས་ཀྱི་རྗེས་སུ་འགྲོ་གི་ཡོད་སྟབས། ནུས་པ་ཐོན་ཐུབ་ཀི་མ་རེད། གལ་སྲིད་ང་ཚོས་མི་གཞན་གྱིས་བྱེད་ཐུབ་པ་ངས་ཅིའི་ཕྱིར་བྱ་མི་ཐུབ། ངས་འདི་འཇོན། ངས་འདི་བྱེད་ཐུབ་སྙམ་པའི་ཆོད་སེམས་དང་། སྙིང་སྟོབས་ཡོད་ན་དམིགས་ཡུལ་གང་ཡོད་ཕལ་ཆེར་འགྲུབ་འགྲོ་གི་རེད། ངས་འདི་ནས་ང་ཧ་ལས་པ་ཞིག་ཡིན་ཞེས་བཤད་ཀི་མེད། འོན་ཏེ་ངས། འཇིག་རྟེན་འདིའི་ཐོག་གི་ཆེ་གཉན་མང་བོའི་སེམས་ཁམས་ལ་ཞིབ་འཇུག་བྱེད་ཀི་ཡོད། ཁོང་ཚོ་རང་རང་ལ་དམིགས་ཡུལ་དང་། འཆར་གཞི་འདུག དམིགས་ཡུལ་དེ་མ་འགྲུབ་པར་བློས་བཏང་མེད་ཀི དེ་ལ་བརྟེན་ནས་ཆུང་ས་རང་ཁྱིམ་ནས་ཆེ་ས་འཛམ་གླིང་བར་ནུས་པ་རེ་བཏོན་ནས་ཕུགས་འདུན་མངོན་དུ་གྱུར་མཁན་རྐྱང་རྐྱང་རེད།
ཁུང་ཙི་ཞི་བདེ་རྟཌ་མ་དང་ནོ་སྦེལ་ཞི་བདེ་རྟཌ་མ།
མི་ནག་ཚང་ལུང་རིགས་རྒྱལ།
སང་ཉིན་ཐའེ་ཝན་གྱི་རྒྱ་མི་ཞིག་ལ་རྒྱ་ནག་གི་ཁུང་ཙིའི་ཞི་བདེའི་རྟགས་མ་རག་རྒྱུ་རེད། གནངས་ཉིན་པེ་ཅིན་གྱི་རྒྱ་མི་ཞིག་ལ་ནོ་སྦེལ་ཞི་བདེའི་གཟེངས་རྟགས་འབུལ་རྒྱུ་རེད།
བར་སྐབས་ཤིག་ནས་བཟུང་རྒྱ་ནག་གིས་རྩ་བ་ཉིད་ནས་ཉན་འདོད་བྱེད་གི་མི་འདུག བསམ་བློ་དང་བསམ་བློ་བརྩད། འདུ་ཤེས་དང་འདུ་ཤེས་འགྲན། མཚོན་ཆ་དང་མཚོན་ཆ་གཏུགས། ཁྲོམ་རའི་ཁ་གཏད་ལ་ཁྲོམ་ར་བཤམས། དཔུང་རོགས་ཀྱི་མདུན་ལ་དཔུང་རོགས་ཁྲིད། རྟགས་མ་དང་རྟགས་མ་ངོམ། ཐ་ན་ས་སྒང་འདིའི་སྟེང་གི་མི་རེ་རེའི་ཁ་གཏད་ལ་མི་རེ་རེ་མི་སློང་བའི་ངེས་པ་མི་འདུག
དེ་ལས་མང་བ་། “ཁུང་ཙི་ཞི་བདེ་རྟཌ་མ་དང་ནོ་སྦེལ་ཞི་བདེ་རྟཌ་མ།” »
མི་འབོར་གྱི་གནད་དོན་འདི་རྙོད་དྲ་ཚ་བོ་རེད།
མདོ་འདུམ་ཚང་།
ཉེ་ཆར། རྡ་ལམ་ས་ལའི་འཆར་འགོད་ལྷན་ཁང་གིས་སྤྱི་ལོ་༢༠༠༩ལོའི་མི་འབོར་ཞིབ་བཤེར་གྱི་སྙན་ཐོ་དེ་བཏོན་འདུག ཐོག་མའི་འཆར་གཞི་ལྟར་ན། འཆར་འགོད་ལྷན་ཁང་གིས་སྙན་ཐོ་དེ་སྤྱི་ལོ་༢༠༠༨ལོར་འདོན་དགོས་ཀྱི་ཡོད། རྒྱུ་རྐྱེན་ཅི་ཞིག་གིས་དལ་འགྱངས་བྱས་བ་ངེད་ཀྱིས་མི་ཤེས།
ཞིབ་བཤེར་སྙན་ཐོ་དེ་ལྟར་ན། ད་ལྟའི་བཙན་བྱོལ་གྱི་མི་འབོར་ནི། ༡༢༧༩༣༥ཙམ་རེད། དེ་ནི། ཕྱི་ལོ་༡༩༩༨དང་བསྡུར་ན། མི་གྲངས་༡༦༩༡༥ཙམ་གྱིས་འཕར་སྣོན་བྱུང་འདུག འོན་ཀྱང་། བཙན་བྱོལ་བོད་མིའི་སྐྱེ་འཕེལ་གྱི་གྲངས་དེ་མར་ཆགས་བཞིན་ཡོད། འདས་བའི་ལོ་སུམ་ཅུའི་ནང་ལ་བརྒྱ་ཆ་༢༨ཆགས་འདུག་ཟེར། སྐྱེ་འཕེལ་གྱི་འཕར་ཚད་ལས་མར་ཆགས་ཚད་མགྱོགས། འཆར་འགོད་ལྷན་ཁང་གི་འགན་འཛིན་དཀོན་མཆོག་བརྩོན་འགྲུས་ཀྱིས་གསུངས་ན། ང་ཚོའི་འཕར་ཚད་ཧ་ཅང་དམའ་བོ་རེད། དེ་ནི་ཕྱི་སྡོད་བོད་མི་མང་དུ་ཕྱིན་དང་བཙན་བྱོལ་བོད་མི་ཉུང་དུ་ཕྱིན་སྟབས་རེད་ཟེར། འདི་ལ་དོགས་དཔྱོད་ཞིག་བྱེད་གི་ཡིན། མི་འབོར་གྱི་འཕར་ཚད་དམའ་རུ་ཕྱིན་པ་དེ། ཕྱི་སྡོད་བོད་མི་མང་དུ་ཕྱིན་པ་བརྟེན་ནས་མ་རེད། དེ་ནི་ཐད་ཀར་ཤེས་ཡོན་སློབ་སྦྱོང་དང་འབྲེལ་བ་ཆགས་ཀྱི་ཡོད་རེད། སྤྱི་ཚོགས་ཚན་རིག་གི་ཐོག་ནས། ལུང་པ་གང་ཞིག་ཡིན་རུང་། ལུང་པ་དེའི་ཤེས་ཡོན་ཡར་རྒྱས་ཕྱིན་ན། ཡིག་རྨོངས་བའི་གྲངས་ཉུང་དུ་ཕྱིན། བུ་ཕྲུག་གི་སྐྱེ་འཕེལ་དལ་དུ་དང་ཉུང་དུ་འགྲོ་གི་ཡོད་རེད། དེའི་རྒྱུ་རྐྱེན་ལྟེ་བ་ཡང་བུད་མེད་ཚོར་འབྲེལ་ཆགས་ཀྱི་ཡོད་རེད། བུད་མེད་ཀྱི་ཡིག་རྨོངས་སེལ་ན།
