གཡུ་དྲུག་དཀར། རྡ་ས།
ས་སྨུག་འདྲ་ལ། དུ་སྨུག་འདྲ་ཞིང་། སྨུག་སྤྲིན་དང་ཡང་འདྲ་བའི་སྨུག་ལོང་བན་བུན་རེ་རི་ཁུག་དང་ཐང་གཞོངས་གང་སར་ལྷམ་མེར་འཐིབས་ཤིང་། གྲང་ཤུར་ཤུར་གྱི་སེར་ཁ་འཁྱག་སོབ་སོབ་ཤག་གསེང་ལ་འཛུལ་ཡོང་བའི་དགུན་ཁའི་དགུང་ཁར། ཉི་མ་ཐོག་ཐག་གི་ལས་ཀའི་ངལ་དུབ་ཀྱིས་ལུས་པོ་ལྕི་བ་མ་ཟད། སུན་སྣང་དང་དྲན་གདུང་ལྷག་མ་ཞིག་གིས་བྲང་ཁོག་ཀྱང་འཇོམ་ལ། ལྷག་པར་དུ་སློབ་ཕྲུག་ཅིག་གིས་ཉིན་རེའི་རྩོམ་འབྲིའི་ནང་སྦྱོང་དུ་བཀོད་བྲིས་ཀྱི་ཉིན་ཐོ་དེ་ཡིད་ལ་དྲན་ན། ད་དུང་འདང་རེ་བརྒྱབས་ནས་ཤ་མཆིན་པའི་སྟེང་འོག་བརྗེ་འགྲོ།
ལོས་ཡིན། སློབ་ཐུན་དང་པོའི་སློབ་ཁྲིད་གྲོལ་བརྡ་བཏང་མ་ཐག་ཁོ་མོའི་ངོ་གདོང་གནག་ནས་ཡོང་སྟེ་འབྲི་དེབ་ཅིག་བདག་ལ་སྤྲད་པ་ད་ལྟའང་ཡིད་ལ་ལྷང་ངེར་འཁོར་ལ། སྐབས་དེར་བདག་གི་སེམས་སུ་ཁོ་མོས་ཉིན་ལྟར་རྩོམ་འབྲིའི་ནང་སྦྱོང་གཅིག་རེ་བདག་ལ་འཕྲོད་ཐབས་བྱེད་པར་དགའ་སྣང་ཞིག་ལས། གཞན་མཚར་འཛིན་དང་ཐེ་ཚོམ་གྱི་སྣང་བ་ཅི་ཡང་མ་འཁོར་ལ། དེ་ནི་ཕྱོགས་གཅིག་ནས་དགེ་རྒན་ཞིག་གིས་རང་གི་སློབ་མ་ལ་དོ་སྣང་བྱས་པ་མ་འདང་བའི་སྐྱོན་དུ་བགྲང་ཆོག་པ་ཞིག་ཀྱང་བདོ་བས། ས་སྲོད་ཀྱི་སྣང་བ་བན་བུན་དེས་རང་གི་གཤིས་ལུགས་ཤིག་འགྲེལ་བརྗོད་བྱེད་པ་ལྟར་ཚོར།
བཀའ་བློན་ཁྲི་བའི་འོས་མི་གཉིས་དང་བགྲོ་གླེང་།
དཔལ་ལྡན་རྒྱལ། བཙན་བྱོལ་བོད་གཞུང་དབུས་འོས་བསྡུ་ལས་ཁུངས་ཀྱིས་བཀའ་བློན་ཁྲི་བའི་སྔོན་འགྲོ་འོས་བསྡུའི་གྲུབ་འབྲས་གསལ་བསྒྲགས་བྱས་ཡོད་པའི་ཁོངས་ནས་འོས་ཤོག་མང་ཤོས་ཐོབ་ཡོད་མཁན། ཨ་རིའི་ཧར་ཝ་རྡུ་སློབ་གྲ་ཆེན་མོའི་ནང་ཉམས་ཞིབ་པའི་ལས་ཀ་བྱེད་མཁན་བློ་བཟང་སེང་གེ་ལགས་དང། ཨ་རིའི་Stanford སློབ་གྲ་ཆེན་མོའི་ནང་དགེ་རྒན་བྱེད་བཞིན་པའི་བཀྲས་མཐོང་བསྟན་འཛིན་རྣམ་རྒྱལ་ལགས་གཉིས་ལ་ཨེ་ཤ་ཡ་རླུང་འཕྲིན་ཁང་གིས་བཅར་འདྲི་བྱས་ཡོད་པར་ཉན་རོགས། བཀའ་བློན་ཁྲི་བའི་འོས་མི་གཉིས་ལ་བཅར་འདྲི།
