ལྷད་མེད་སེམས་ཀྱི་རང་སྒྲ
དཀར་མཚོ་སྐྱིད།
ང་ཚོར་དགོས་པ་ནི།
འཁྱག་སིབ་སིབ་ཀྱི་གཏམ་རྒྱུད་ཟླུམ་པོ་དེ།
མིན་ལ།
རེ་ཟད་ཀྱི་ངོ་གདོང་དང་ཕམ་ཉེས་ཀྱི་ལྷག་མ་ནི།
དེ་བས་ཀྱང་མིན།
ང་ཚོར་དགོས་པ་ནི།
དྲང་བདེན་དང་ལྷད་མེད་ཀྱི་བསམ་བློ་ཞིག་དང་།
ལྷག་བསམ་དང་ངེས་དོན་གྱི་དམ་ཚིག་ཅིག
ཁ་བརྡའི་གསལ་བསྒྲགས།
ཁ་བརྡའི་ཀློག་པ་པོ་ཡོངས་ལ། ད་ཕན་ཁ་བརྡའི་ཐོག། རྩོམ་ཡིག་སྤེལ་མཁན་དང་མཆན་བུ་རྒྱག་མཁན་ཚང་མར་ཐུགས་རྗེ་ཆེ། མུ་མཐུད་དུ་རྩོམ་ཡིག་སྤེལ་བ་དང་མཆན་བུ་འདེབས་པར་ཁ་བརྡས་དགའ་བསུ་ཞུ་བཞིན་ཡོད། ཉེ་ཆར་ནས། ཁ་བརྡའི་གློག་འཕྲིན་ཁ་བྱང་(info@khabdha.org)ཟེར་བ་དེ་འཕྲོ་བརླག་ལ་ཕྱིན་འདུག་པས། རྗེས་ཕྱོགས་ནས་ཁ་བརྡར་རྩོམ་ཡིག་བསྐུར་ས་(khabdha@gmail.com)འདི་ཡིན། རྩོམ་ཡིག་བསྐུར་མཁན་རྣམས་ཀྱིས་ཁ་བྱང་འདིའི་ཐོག་རྩོམ་ཡིག་བསྐུར་རོགས་གནང་། ཁ་བརྡ་སྒེར་དང་འབྲེལ་བའི་བསམ་ཚུལ་སོགས་ཡོད་ན་ཡང་འདིའི་ཐོག་འབྲེལ་བ་གནང་རོགས། ཁ་བརྡའི་རྩོམ་སྒྲིག་པས། www.khabdha.org khabdha@gmail.com སྤྱི་ལོ་༢༠༡༠ལོའི་སྤྱི་ཟླ་༡༢པའི་ཚེས་༢༤ཉིན་།
ཐ་ན་ཞུ་དག་ཀྱང་བྱས་མེད།
ལུང་རིགས་རྒྱལ།
ངས་འདི་ལྟ་བུ་ཞིག་གི་བསམ་གི་འདུག དེང་སྐབས་ཚན་རིག་དར་ནས་དར་ཚོད་མ་ཟིན་པའི་སྐབས་ཤིག་རེད། མི་རྣམས་ཀྱི་ལག་རྩལ་ཡང་དར་ནས་དར་ཚོད་མ་ཟིན་པའི་སྐབས་ཤིག་རེད། དྲན་རྒྱུ་རྒོད་པོ་ཡང་མང་བའི་སྐབས་ཤིག་རེད། ཡིན་ཡང་། ང་རང་གི་སེམས་པ་འདི་སྟོང་ལྷིང་ལྷང་རེད། ཁེར་རྐྱང་ཡིན་པ་ཕར་ཞོག ཐ་ན་བྱ་སྐད་བྱེའུ་སྐད་ལ་སྒུག་དགོས་པའི་ཚད་རེད།
༼ཚན་རིག་གིས་ངའི་སེམས་པ་མི་སྐྱོ་བའི་ཐབས་རེ་ཡང་གནང་རོགས༽
འཇིག་རྟེན་འདིའི་འདུ་འཛི་དང་ཟིང་ཆའི་ཁྲོད་ན་སོ་སོ་ལ་ཇི་འདྲའི་སྡུག་བསྔལ་རང་བཞིན་གྱི་ལྷིང་འཇགས་ཤིག་ཡོད་པ་རེད།
ཚེ་སྲོག (བཞུད་ཟིན་པའི་བགྲེས་སོང་ལགས།)གཉིས་པ།
གཅན་བཟོད་རྒྱམ
༡
འགྲོ་རན་པའི་མི་ཞིག་ལ་སྨན་ཁང་ནི་སྨན་པའི་ཡུལ་ཞིག་ཡིན་ནམ
ཁྱོད་སྨན་ཁང་ལ་མི་དགའ་དོན་ངས་ལོས་ཤེས
༢
རང་ཁྱིམ་ནས་ལོ་མི་དོན་དགུ་འདས་ཟིན་པས
ཁྱོད་འགྲོ་ཁར་ཡང་རང་ཁྱིམ་གྱི་མལ་ཁྲིའི་དྲོད་ཁོལ་ལ་གླན་ན་ལོས་འདོད
དེ་ལས་མང་བ་། “ཚེ་སྲོག (བཞུད་ཟིན་པའི་བགྲེས་སོང་ལགས།)གཉིས་པ།” »
ཡེ་ཤུའི་སྐྱེས་སྐར་གྱི་སྔ་ནུབ་ཏུ་སྤྲིངས་པའི་འཕྲིན་ཡིག
ཀླུ་སྨྱོན།
ས་གནས་བོད་རིགས་ཚོགས་པའི་ཚོགས་གཙོས་བོད་རིགས་ཚོར་ཡེ་ཤུའི་སྐྱེས་སྐར་དུས་ཆེན་ལ་རྟེན་འབྲེལ་ཞུ་བའི་འཕྲིན་ཡིག་བསྐུར་པའི་ལན་དུ་སྤྲིངས་པ།
ཚོགས་གཙོ་ལགས་སུ་ཐུགས་རྗེ་ཆེ་ཞུ་བ་དང་ཆབས་ཅིག་རང་གི་བསམ་ཚུལ་འགའ་ཞུ་འདོད་ བྱུང་། སྤྱི་ལོའི་ལོ་གསར་འདི་ནི་མི་གཞི་ཕྱི་རོལ་བའི་སྟོན་པ་ཡེ་ཤུ་མ་ཤི་ཀའི་སྐྱེས་ སྐར་ནས་བཟུང་སྟེ་རྩི་སྲུང་བྱས་པ་ཞིག་ཡིན་ན་ཡང་། དེང་སྐབས་འཛམ་གླིང་སྤྱིའི་ལོ་གསར་ལྟ་བུར་ངོས་འཛིན་བྱེད་བཞིན་འདུག་པས་ང་ཚོ་ ཕྱི་རྒྱལ་དུ་ཡོད་པའི་བོད་རིགས་ཚོས་འདིའི་སྐབས་སུ་ཕན་ཚུན་བཀྲ་ཤིས་བདེ་ལེགས་ ཙམ་ཞུས་ན་འགྲིག་གི་ཡོད་འགྲོ ཡིན་ན་ཡང་ཡེ་ཤུའི་འཁྲུངས་སྐར་(Christmas)རང་ལ་ང་ཚོས་གཅིག་གིས་གཅིག་ལ་རྔན་པ་ སྤྲོད་རེས་དང་ཁྱིམ་ཚང་ནང་དུ་ཡེ་ཤུའི་ཤིང་སྡོང་འཛུག་པ་དང་གློག་སྒྲོན་ཁྲ་ཆིལ་ དགུ་ཆིལ་སོགས་སྤར་བ། ཐུགས་སྤྲོ་མགྲོན་འབོད་སོགས་ཕྱི་རྒྱལ་ཡེ་ཤུའི་ཆོས་དད་པ་ནང་བཞིན་བྱེད་དགོས་ དོན་ཨེ་ཡོད།
དེ་ལས་མང་བ་། “ཡེ་ཤུའི་སྐྱེས་སྐར་གྱི་སྔ་ནུབ་ཏུ་སྤྲིངས་པའི་འཕྲིན་ཡིག” »
གཅིན་པ་གཏོང་སྟངས་དང་སྐྱག་པ་བཙིར་སྟངས།
ཀླུ་སྨྱོན། ལོ་ངོ་མང་པོ་ཞིག་གི་ཡར་སྔོན་དུ། ངས་རང་ཉིད་ཀྱི་ཤེས་རབ་ཀྱི་མེ་སྟག་ཆུང་ཆུང་དེ་དང་། ལྷ་ཡི་བྱིན་རླབས་རྒྱང་ཐག་རིང་བ་དེ་གཉིས་ཀྱི་རམ་འདེགས་ལ་བརྟེན་ནས། འཇིག་རྟེན་འདི་རུ་ཆེས་མཛེས་སྡུག་ལྡན་པའི་སྙན་ངག་ཅིག་འབྲི་ཨེ་ཐུབ་བལྟས་པ་ཡིན་ལ། དེ་ཡང་ལོ་ལོན་ཚོས་སྐྱག་པ་བཙུར་སྟངས་ཁོ་ན་ལ་ལད་མོ་བྱས་ཏེ། ཀ་རྩོམ་དང་ཀ་རྩོམ་རེ་རེ་བཞིན་བཙུར་ནས་བྲིས་པ་ཡིན་ལ། སྐྱག་པ་བཞིན་བཙུར་པའི་སྙན་ངག་རེ་འཁྱོངས་དུས། ང་རང་བཙོན་མ་ཞིག་བཙོན་ཁང་ནས་ཐར་བ་ཇི་བཞིན་ལྷོད་ཤིག་གེར་འགྲོ་མྱོང་། ཡིན་ན་ཡང་ད་ལྟ། ལོ་ངོ་དུ་མ་ཞིག་འདས་ཟིན་པའི་དེ་རིང་། ངས་རང་ཉིད་ཀྱིས་མྱངས་ཟིན་པའི་དགའ་སྐྱོ་ཆགས་སྡང་གི་ཚོར་བ་འདི་ཚོ་མ་རྩར་བཞག་སྟེ། གསར་མོ་ཚོས་གཅིན་པ་གཏོང་སྟངས་ཀྱི་དམིགས་རྣམ་སྐྱོང་བཞིན། སེམས་ཚོར་གློ་བུར་བ་རེ་གློག་ལྟར་མྱུར་བའི་སོར་རྩེ་རུ་དྲངས་ནས། ཀློག་མཁན་དག་གི་དགའ་བསུ་ཐོབ་པའི་སྙན་ངག་རེ་ཟུང་འབྲི་བཞིན་ཡོད་ལ།…
རང་མྱི་ཤེས་རྒྱ་ཅན་ཚོའི་ནུས་པ་དམར་གསོད་གཏོང་མཁན་ཚོར་རྒོལ་བ།
བཀྲ་ཤིས་ཚེ་རིང་།
ང་ཚོའི་སྤྱི་ཚོགས་ནང་གི་མི་རེ་འགས་རང་གི་ཁེ་ཕན་ཆེད་མི་གཞན་གྱི་མགོར་ཞྭ་མོ་གཡོག་སྲོལ་ཡོད་པ་ནི། སྤྱི་ཚོགས་ཀྱི་ཞི་འཇགས་བརྟན་བརླིང་དང་སྤྱི་ཚོགས་ཀྱི་ནང་ཁུལ་འཆམ་མཐུན་ལ་བསམ་གཟས་གཏོར་བརླག་བཟོ་བཞིན་ཞིག་རེད། མིའི་སྤྱི་ཚོགས་ཀྱི་སྣང་ངོར་མི་རན་པའི་བྱ་སྤྱོད་འདི་བཙན་བྱོལ་སྤྱི་ཚོགས་འདིར་ཧ་ཅང་ཤུགས་ཆེན་པོ་དར་ཡོད་ལ། དུས་ད་ལྟའང་མུ་མཐུད་དེའི་རིགས་དང་དེའི་རྗེས་སུ་འབྲངས་པ་སྐོར་ཞིག་གིས་སྤྱི་ཚོགས་ཀྱི་མི་བུ་རང་ཚིགས་ཅན་ཚོར་བར་ཆད་ཀྱི་ལས་རྩོམ་གིན་ཡོད། འདིའི་རིགས་སེམས་བག་ཡངས་པའི་མི་བུ་དཔྱོད་ཤེས་པ་ཞིག་ཡིན་ན་བལྟས་མ་ཐག་གསལ་བོར་མཐོང་ཐུབ་པས། ཧང་སང་དགོས་པའི་གནད་ཅིག་ཏུ་བརྩི་མི་སྲིད་མོད། སྤྱིར་བཏང་མང་ཚོགས་དཀྱུས་མའི་རིགས་ལ་དོགས་པ་ཐེ་ཚོམ་གྱི་བློ་སེམས་ཁུར་ལ་སྤྲོད་སྲིད་པས་མི་སུ་ཡིན་རང་རང་གི་རྣམ་དཔྱོད་བེད་སྤྱོད་གཏོང་གལ་ཆེན་པོར་མཐོང་སོང་།
དེ་ལས་མང་བ་། “རང་མྱི་ཤེས་རྒྱ་ཅན་ཚོའི་ནུས་པ་དམར་གསོད་གཏོང་མཁན་ཚོར་རྒོལ་བ།” »
རྒྱ་ནག་སྲིད་བློན་རྒྱ་གར་ནང་འཚམས་འདྲི་ཡོང་བའི་དམིགས་ཡུལ་གཙོ་བོ་གང་ཡིན་ནམ།
བུ་རྫོང་ལྷ་མོ་ཚང་ཚེ་རིང་དབང་ཕྱུག
ཉེ་ཆར་རྒྱ་ནག་གི་སྲིད་བློན་ཝུན་ཅཱ་པའོ་རྒྱ་གར་ནང་འཚམས་འདྲིར་སླེབས་པའི་སྔོན་གྱི་ཕྱི་ཟླ་ ༡༢ ཚེས་ ༡༣ ཉིན་རྒྱ་ནག་གཞུང་གཞུང་ཚབ་པ་ཀྲང་ཡན་གྱིས་རྒྱ་གར་དང་རྒྱ་ནག་དབར་གྱི་ཕྱི་འབྲེལ་འབྲེལ་བ་སྐྱོ་པོ་ཡིན་ལུགས་བཤད་ཡོད་ཀྱང་། ཕྱི་ཚེས་ ༡༥ ཉིན་དངོས་སུ་རྒྱ་གར་ནང་སླེབས་པའི་རྒྱ་ནག་གི་སྲིད་བློན་ཝུན་ཅཱ་བའོ་ཡིས་རྒྱ་གར་དང་རྒྱ་གར་གཉིས་ཕན་ཚུན་འགྲན་རྩོད་ཀྱི་འབྲེལ་བ་མ་ཡིན་པར་སླད་ཕྱིན་ཕན་ཚུན་མཉམ་ལས་དང་ཚོང་འབྲེལ་གྱི་མཚོན་པའི་མཛའ་བརྩེའི་འབྲེལ་བ་གོང་འཕེལ་གཏོང་རྒྱུའི་བར་སྟོང་ཡོད་ཚུལ་ནན་བཤད་བྱས་འདུག འོན་ཀྱང་། རྒྱ་གར་ཕྱོགས་ནས་ད་རེས་སྲིད་བློན་ཝུན་ཅཱ་པའོ་དང་མཉམ་དུ་གྲོས་མོལ་བྱེད་སྐབས་དེ་སྔོན་དང་མི་འདྲ་བར་བོད་དང་ཐེ་ཝན་གཉིས་རྒྱ་ནག་གི་ཁ་བྲལ་ཐབས་མེད་པའི་ཆ་ཤས་ཡིན་སྐོར་གསལ་སྟོན་མ་བྱས་པའི་ལངས་ཕྱོགས་གྱོང་པོ་ཞིག་ཟིན་ཡོད་པ་རེད།
དེ་ལས་མང་བ་། “རྒྱ་ནག་སྲིད་བློན་རྒྱ་གར་ནང་འཚམས་འདྲི་ཡོང་བའི་དམིགས་ཡུལ་གཙོ་བོ་གང་ཡིན་ནམ།” »
བཀྲས་མཐོང་བསྟན་འཛིན་རྣམ་རྒྱལ་ལ་ངས་རྒྱབ་སྐྱོར་བྱེད་དགོས་དོན་ཅི།
(བཀྲས་མཐོང་བསྟན་འཛིན་རྣམ་རྒྱལ་ལགས་བཀའ་ཁྲིའི་འོས་དམིགས་སུ་ངས་རྒྱབ་སྐྱོར་བྱེད་དགོས་དོན་ཅི།)
བསྟན་པ་དར་རྒྱས་སྒབ་ཤི (ཁ་ཎ་སྒྲ)
ཉེ་དུས་ང་རང་གྲོགས་པོ་དང་། གཉེན་ཚན། བོད་རིགས་རྣམ་པ་ལྷན་བཀའ་མོལ་རིམ་པ་ཞུསཔར་བཀའ་ཁྲི་འོས་དམིགས་བསྟན་འཛིན་རྣམ་རྒྱལ་ལགས་ཀྱི་དངོས་ཡོད་སྐོར་མང་ཆེ་བས་གོ་རྟོགས་དེ་ཙམ་མེད་པའི་དོ་སྣང་ཆེན་པོ་བྱུང་། བོད་མི་འགས་ཤེས་རྟོགས་སུ་ཁོང་བཙན་བྱོལ་བོད་གཞུང་ནང་ལོ་མང་ཞབས་ཞུ་གནང་མྱོང་ཡོད་པ་རེད་བཅས་དང་། ཡང་གོ་རྟོགས་གང་ཙམ་ཡོད་པའི་མང་དག་ཞིག་གིས་ཁོང་ལས་འཆར་འདྲ་མིན་ནང་མཉམ་བཞུགས་གནང་མྱོང་ཡོད་པར་ངོ་འཛིན་ཞུ་ཡི་ཡོད་ནའང་། གང་ལྟར་ཁོང་གི་མཛད་འཕྲིན་ངོ་མ་དང་ཁོང་གི་ལས་གཟུགས་དངོས་ཡོད་ཇི་འདྲ་ཞིག་ཡིན་མིན་སྐོར་དངོས་གསལ་ཤེས་རྟོགས་ཡོད་པའི་མི་སྣ་མཇལ་དཀའ་བ་འདུག
དེ་ལས་མང་བ་། “བཀྲས་མཐོང་བསྟན་འཛིན་རྣམ་རྒྱལ་ལ་ངས་རྒྱབ་སྐྱོར་བྱེད་དགོས་དོན་ཅི།” »
རྡ་ས་མདོ་སྨད་ས་རྒྱུན་ཚོའི་ཁ་ནང་ལ།
ཐུབ་བསྟན།
དེ་རིང<<ཁ་བརྡ་དྲ་བ>>ཞོར་ལྟ་ཞིག་བྱས་དུས་རྡ་ས་མདོ་སྨད་ས་རྒྱུན་གྱིས་ཞུ་ཡིག་ཐེབས་ཆག་ཅིག་ཁྲོམ་བསྒྲགས་ཀྱིས་སྤྱི་ཚོགས་འོ་མ་འདྲ་བོ་ཁྲག་དཀྲིག་དཀྲིག་གི་ལས་ཀྱི་སྦྱོར་བ་རྩོམ་གྱིན་འདུག་པ་མཐོང་བས་ཡིད་སྐྱོ་བ་ཞིག་རེད། སྔར་ནས་འདི་ལྟ་བུའི་སྲིད་དོན་འཁྲབ་སྟངས་རེ་ཡོད་ཚུལ་སྔ་མོ་ནས་གོ་མྱོང་ནའང་སུ་ལའང་བཤད་མ་མྱོང་། ད་ཐེངས་རྡ་ས་མདོ་སྨད་རྒྱུན་ལས་ཀྱིས་མི་བུ་སྒེར་བ་ཞིག་གི་སྨྲ་བརྗོད་རང་དབང་དང་འགྲོ་འདུག་སྤྱོད་གསུམ་ལ་ཚད་མེད་དུ་འཇིགས་སྐུལ་བྱ་བཞིན་པ་འདིས་སྤྱི་ཚོགས་ནང་ཁྱབ་བཞིན་པའི་ཁོང་ཚོའི་ལྐོག་གཡོ་ཇི་སྙེད་ཅིག་ཕྱི་གསལ་ནང་གསལ་བྱས་པ་རེད།
གསོལ་འདེབས་དད་པའི་གླུ་དབྱངས།
བསམ་གླིང་་ཚེ་རིང་ལྷ་མོ།
རང་བྱུང་ཟླ་བའི་བསིལ་བསིལ་འོད་ཀྱིས་འཇིག་རྟེན་མུན་པ་ཕ་མཐར་བསྐྲད།།
ཞི་བསིལ་ཕན་བདེའི་བཀའ་སློབ་ཟབ་མོས་འཛམ་གླིང་རྒྱ་ཆེན་བདེ་ལ་སྦྱར།།
ཞབས་སེན་འོད་ཆགས་སྒྱུར་བ་ཙམ་གྱིས་ས་ཕྱོགས་ཀུན་ཏུ་བདེ་ལེགས་སྦྱིན།།
མཚན་ཙམ་ཐོས་པས་འགྲོ་བའི་ཡིད་ལ་སྣུམ་པའི་བདེ་བ་མཛད་མེད་འཕེལ།།
སྩོལ། སྩལ། སྩལ། སྩོལ།
ལ་དྭགས་པ་བློ་བཟང་འཇམ་དཔལ། (ཀོ་ལིམ་སྦི་ཡ།)
རྩོམ་ཡིག་ཆ་ཚང་འདིར་(PDF) ནང་བཅུག་ཡོད་པས། དེ་ལ་གཟིགས་རོགས།ched-tshom-2
རྒྱལ་བའི་གསུང་རབ་ཆེད་དུ་བརྗོད་པའི་ཚོམས་འདི་ཉིད། བོད་ཀྱི་ཤེས་རིག་ཉམ་ཐག་པའི་སྐབས་སུ་བོད་གཞུང་གླེགས་བམ་སྡུད་ཅིང་། ཆོས་འབྱུང་ལ་མཁས་པའི་མཆོག་གྱུར། སྐུ་གཤེགས་གེ་ནེ་སྨིཐ། འཇམ་དབྱངས་རྣམ་རྒྱལ་མཆོག་གི་དགོངས་རྫོགས་ཕྱིར་དུ། ཀློག་པ་པོ་རྣམས་ལ་སྐྱེས་ལ་ཕུལ་པ་འདི་ཉིད་བཀླགས་ཏེ་བོད་ཀྱི་ཆོས་སྐད་ཡུན་རིང་དུ་གནས་པར་དམ་པ་དེའི་དགོངས་པ་བཞིན་གྲུབ་པར་གྱུར་ཅིག
ཆེད་དུ་བརྗོད་པའི་ཚོམས་ཀྱི་དཔེ་ཆ་འདི་ཉིད་ཀློག་གྲོགས་ཞུ་བའི་དམིགས་ཡུལ་གཙོ་བོ་ནི། ང་འདྲ་བའི་བོད་ཀྱི་གནའ་བོའི་སྐད་ཡིག་ལ་གཅེས་པ་རྣམས་ཀྱིས་ཡང་དང་ཡང་དུ་བལྟས་ཏེ། གནའ་བོའི་སྐད་ལ་སྦྱང་ཕྱིར་ལགས་ན། དེ་བཞིན་མཛོད་ཅིག ཞུ་བ་ཡིན། དཔེ་ཆ་འདི་བསྐྲུན་སྐབས་དང་། སྔོན་ལོ་བརྒྱ་ཕྲག་ནས་འོངས་པའི་ཡིག་ནོར་ཡང་ཡོད་སྲིད་པས་མཁྱེན་ལྡན་བློ་གསར་རྣམས་ཀྱིས་དག་པར་བྱས་ཏེ། བདག་ལ་གསུང་བ་དང་། རང་གི་བློ་གྲོས་ཀྱི་རྒྱ་མཚོ་ཆེན་པོའང་བོད་སྐད་ཡིད་བཞིན་ནོར་བུས་གཏམས་པར་མཛོད་ཅིག་ཅེས་ཞུ་བ་ལགས།
གསུང་རབ་འདི་ཉིད་ཚིགས་བཅད་སོ་སོར་ཕྱེས་ཏེ། ཨང་གྲངས་འགོད་པར་རྫོང་རྩེ་བྱམས་པ་ཐུབ་བསྟན་མཆོག་གིས་དེ་ལྟར་བཀོད་ཅིང་༡༩༩༠ ལོར་སྤར་པའི་དཔེ་ཆ་དེ་ཕན་ཐོགས་ཆེར་གྱུར་པས། དེ་ལྟར་མཛད་པར་ཁོང་ལ་བཀའ་དྲིན་ཆེའོ་ཞེས་ཞུ་འོས་པ་ལགས།
ཆེད་དུ་བརྗོད་པའི་ཚོམས་ཀྱི་ཚིགས་སུ་བཅད་པ་དག་ཏུ། ད་ལྟ་འདས་མ་འོངས་བསྐུལ་ཚིག་རྣམས་ན་གང་ཡོད་པ་དེའི་བྱ་ཚིག་གཞན་རྣམས་གང་ཡིན་པ་ལྟ་རྟོག་ཡོད་ན། བྱ་ཚིག་གཞན་ཀུན་ཤེས་པ་ལ་ཕན། དཔེར་ན། བྱེད་ཅེས་ཡོད་ན། དེ་ཉིད་ཀྱི་འདས་མ་འོངས་བསྐུལ་ཚིག རིམ་པ་བཞིན་དུ། བྱས། བྱ། བྱོས། ཞེས་པ་ཡིན་ཅིང་། དེ་བཞིན་དུ། བགྱིད་ཅེས་པ་ལ་ བགྱིས། བགྱི། གྱིས། ཞེས་པ་ལྟ་བུ་དང་། བྱེད་དང་བགྱིད་ཅེས་བྱ་ཚིག་འདི་གཉིས་དོན་གཅིག་པར་མཐོང་། སྩོལ། སྩལ། སྩལ། སྩོལ། ཞེས་ད་ལྟ་འདས་མ་འོངས་བསྐུལ་ཚིག་བཅས་རིམ་བཞིན་ལགས་ཤིང་། ད་ལྟ་དང་བསྐུལ་ཚིག་ལ་སྩོལ་ཞེས་ཡིག་གཟུགས་འདྲ་ཡང་། སྔོན་གྱི་ཡི་གེ་འབྲི་ལུགས་ལྟར་ན་ད་ལྟ་བའི་སྩོལ་ལ་ད་ཡང་འཇུག་མེད། བསྐུལ་ཚིག་གི་སྩོལ་ལ་ད་ཡང་འཇུག་ཡོད། དེ་བཞིན་འདས་པའི་སྩལ་ལ་ད་ཡང་འཇུག་ཡོད། མ་འོངས་སྩལ་ལ་ད་ཡང་འཇུག་མེད། འོན་ཀྱང་།
འཆི་བར་སྒུག་བཞིན་པའི་ང་དང་ངའི་གྲོགས་པོ་ཚོ།
ཀླུ་སྨྱོན།
འཆི་བ་ནི་ཁྱེད་ཀྱི་སྒེའུ་ཁུང་ཕྱི་ལོགས་སུ་འབབ་བཞིན་པའི་དབྱར་གཞུང་གི་ཆར་བ་དེ་དང་འདྲ་བས།
དེས་ཁྱེད་ཀྱི་སྐྱིད་ལ་སྡུག་པའི་མི་ཚེའི་ལོ་མ་ལྗང་ཁུ་དེ་ཚོ་གཙང་མར་བཀྲུ་ལ།
དེས་ཁྱེད་ཀྱི་བྱ་བ་གང་ཞིག་མ་འགྲུབ་པའི་སུན་སྣང་ཁྲོད་ཀྱི་ས་རྡུལ་དག་ཀྱང་སེལ་བར་བྱེད།
འཆི་བ་ནི་ཁྱེད་ཀྱི་རྐང་འོག་གི་ལམ་ཕྲན་གྱ་གྱུ་མ་དེ་དང་འདྲ་བས།
དེའི་གཡས་གཡོན་དུ་ཆེས་མཛེས་པའི་མེ་ཏོག་གི་སྐྱེལ་ཚལ་དང་དེ་ལས་འཐུལ་བའི་བསུང་ཞིམ་ཡོད་ལ།
དེའི་མཐའ་སྣེ་རུ་ཧ་ཅང་ལྷིང་འཇགས་ཡིན་པའི་གནའ་བོའི་གྲོང་གསེབ་སྐྱིད་པོ་ཞིག་ཀྱང་ཡོད།
འཆི་བ་ནི་ཁྱེད་ཀྱི་མགོ་ཐོག་གི་ནམ་མཁའ་སྔོན་པོ་དེ་དང་འདྲ་བས།
དེའི་དཀྱིལ་འཁོར་དུ་བྱེ་བ་ཕྲག་བརྒྱའི་འཇིག་རྟེན་སྣ་ཚོགས་ཀྱི་ངོ་མཚར་བྱུར་བུར་སྤུངས་ཡོད་ལ།
དེའི་དབྱིངས་རུམ་དུ་གྲངས་མེད་པའི་རྣམ་ཤེས་ཀྱི་ཁ་བ་བུ་ཡུག་ཀྱང་འཚུབ་བཞིན་ཡོད།
རྡ་ས་མདོ་སྨད་ས་རྒྱུན་ནས་དབུས་རྒྱུན་ལ་ཞུ་ཡིག
༄༅། །མདོ་སྨད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་ལྷན་རྒྱས་མཆོག་ལ།
ཆེད་ཞུ།
ཁ་སྔོན་ཨ་ཚོགས་ཀླུ་མཁར་བྱམས་ཀྱི་སྐོར་ལ་སྙན་ཞུ་ཞིག་ཕུལ་ཡོད་པར་གཟིགས་ཞིབ་ཀྱིས་གནང་ཕྱོགས་ཅི་དགེ་ཕྱག་ལེན་འཁེལ་ཐབས་ཀྱི་འབད་པ་ལྷུར་བཞེས་མཛད་བཞིན་ཡོད་ཤག་ལ། ངེད་ཅག་ས་གནས་རྒྱུན་ལས་ནས་ཀླུ་མཁར་བྱམས་ཀྱིས་བྲིས་པའི་རྩོམ་ཡིག་ལག་པར་གང་སོན་ཞིག་བསྡུ་རུབ་ཀྱིས་ལྟ་བསྡུར་བྱས་པར། མི་དེའི་བཤད་སྟངས་ལ་བལྟས་ན། རྒྱ་གུང་ཁྲན་ལས་ཐུ་བ་མེད་ན་སྙམ་པའི་ཚོད་དུ་འདུག་པས། གཤམ་དུ་ཟུར་འདོན་ཞུས་པའི་བཤད་དོན་རྣམས་ལ་གཟིགས་དཔྱད་གནང་རོགས་ཞུ་རྒྱུ་དང་། སྤྱིར་ན་ཀླུ་མཁར་བྱམས་འདི་བ་བོད་ནང་གཞི་རིམ་སློབ་གྲྭའི་ཤེས་ཚད་ལས་མེད་པའི་མི་ཞིག་ཡིན་པ་དང་། རྒྱ་གར་དུ་སླེབས་ནས་བདེ་སྲུང་ཉམས་ཞིབ་ཁང་དུ་ལས་ཀ་བྱེད་སྐབས། གསར་འགྱུར་ཐིག་ཕྲེང་ཁ་ཤས་བསྒྱུར་དགོས་བྱུང་ན་བཟོ་བཅོས་མ་བརྒྱབ་པར་གོ་བརྡ་མི་འཕྲོད་པ་ཞིག་ཡིན་རབས་ཀུན་ལ་གྲགས་ཤིང་། ཕྱིས་སུ་ཉམས་ཞིབ་ཁང་ནས་རྩ་དགོངས་ཞུ་རུ་བཅུག་རྗེས། ཧོབ་སྟེ་ཚོགས་པ་འདྲ་མིན་གྱི་ལྡིངས་ཆ་ཁག་དང་། གསར་འགྱུར་བརྒྱུད་ལམ་ཁག་ཏུ་མཁས་པའི་མིང་རྫིག་པོ་ཞིག་གཡོགས་ཏེ། གང་སར་གཏམ་བཤད་དང་། རྩོམ་ཡིག་འདྲ་མིན་སྤེལ་འདུག་པར། ཉན་མཁན་དང་ལྟ་མཁན་ཅི་ཡོད་མི་ཤེས་མོད། ཁ་གྲགས་ཚད་དང་ལག་འགུལ་ཚད་ཚང་མ་བཀྲ་མི་ཤིས་པ་རྐྱང་རྐྱང་ལས་མེད་ཅིང་། དེ་ཡང་བློ་ཕྱིར་གཏད་གྲོད་པ་ནང་དུ་གཏད་དེ་བཙན་བྱོལ་བོད་གཞུང་ལ་གཞི་མེད་ སྐྱོན་བརྗོད་དང་། ལྷག་པར་དུ་༸གོང་ས་༸སྐྱབས་མགོན་ཆེན་པོའི་མཚན་ནས་སྨོས་རྒྱུར་མ་འདོད་པར། རྒྱ་ནག་འཐབ་ཕྱོགས་གཅིག་གྱུར་དང་བོད་རང་སྐྱོང་ལྗོངས་ཀྱི་རྗོད་ཚིག་སྤྱད་དེ། ཏཱ་ལའི་ཞེས་འབོད་པ་མ་ཟད། བླ་རྒན་དང་ཨམ་ཕྲུག་སོགས་དམའ་འབེབས་དང་ཟུར་ཟ། ཁྱད་གསོད་ཀྱི་མིང་འདྲ་མིན་བྱུང་རྒྱལ་དུ་སྤྱོད་པ་འདི་དག་འཇིག་རྟེན་ཡ་རབས་ཀྱི་ལུགས་ལའང་ཤིན་ཏུ་མཚང་ཆེ་བས། དབུས་རྒྱུན་ནས་དེའི་ཐད་དགོངས་བཞེས་ཟབ་ནན་གནང་གལ་ཆེ་བ་དང་། ཕྱི་ལོ་ ༢༠༠༢ ཟླ་ ༤ ཚེས་ ༡ ཉིན་འཁོད་མདོ་སྨད་མི་མང་ཡོངས་རྫོགས་ཀྱི་གྲོས་ཆོད་ཅེས་པ་ཁྱོན་བསྡོམས་དོན་ཚན་ ༡༡ ཡོད་པ་དེའི་ནང་གི་དོན་ཚན་༤ པར། ༼མདོ་སྨད་ཆོལ་ཁའི་སེར་སྐྱ་མི་དམངས་ཡོངས་རྫོགས་ནས་གྲོས་ཆོད་སྔ་རྗེས་བསྣོལ་འཇོག་གནང་བའི་འབྲུ་དོན་ལྟར། ༸གོང་ས་སྐྱབས་མགོན་ཆེན་པོའི་སྐུ་དབང་དང་སྐུ་ཕྱྭ་མཛད་འཕྲིན་དགོངས་གཞི་དང་བཅས་པར་འགལ་རྐྱེན་སྒྲུབ་པ་དང་། མཚན་སྨད་ཞུ་མཁན་ནམ་བྱུང་ལ་མདོ་སྨད་ཆོལ་ཁའི་དབུས་རྒྱུན་དང་ཕྱོགས་མཐའི་སེར་སྐྱ་མི་དམངས་ཡོངས་རྫོགས་རྡོག་རྩ་ཆིག་སྒྲིལ་གྱིས་དུས་ཐོག་གདོང་ལེན་མཐར་ སྐྱེལ་བྱ་རྒྱུ༽ཞེས་དང་། དེ་བཞིན་དེའི་སྔ་རྗེས་ཀྱི་ཚོགས་ཆེན་རིམ་པའི་གྲོས་ཆོད་དུ་གསལ་པོ་ཡོད་སྟབས། ངེད་ཅག་མདོ་སྨད་པ་ཡོངས་ལ་འདིའི་ཐད་འགན་ཁུར་ཡོད་པ་གོར་མ་ཆག
དེ་ལས་མང་བ་། “རྡ་ས་མདོ་སྨད་ས་རྒྱུན་ནས་དབུས་རྒྱུན་ལ་ཞུ་ཡིག” »
ཡོལ་བའི་ཕག་ན།
ཉི་མ་འཚོ།
གཅིག
གཉེན་སྟོན་མེད་པའི་གཉེན་སྒྲིག་གི་ཉིན་མོ་དེར། སྲུ་མོ་དང་ངེད་གཉིས་ཀྱིས་གཅེན་པོས་ཁྲིད་ནས་ཡོང་བཞིན་པའི་བདག་གི་མ་འོངས་པའི་ཆུང་མ་ལ་སྒུག སྒོ་འགྲམ་གྱི་ཁ་ལ་ཡུག་གི་འདམ་ཚང་ནས་བྱ་སྤུ་ཐ་ཐོར་རེ་རླུང་གིས་ཁུར་ནས་སྒོ་སྲུབ་ལ་ཡར་འཚང་གི་འདུག་མོད། ཁ་ལ་ཡུག་ཚང་ནང་དུ་སླེབས་མི་འདུག
གཅེན་པོས་ངའི་མ་འོངས་པའི་ཆུང་མ་ཁྲིད་ནས་སླེབས་བྱུང༌།
“བཀྲ་ཤིས་བདེ་ལེགས།” ཆུང་མ་རྩེད་དགའ་ཅན་ཞིག་ཡིན་པ་འདྲ། གཏན་དུ་མི་ལྷོད་པ་ལྟ་བུའི་འཛུམ་མདངས་ཤིག་ཕྱུང་ནས་འཚམས་འདྲི་བྱས་བྱུང་མོད། དེ་མ་ཐག་འཛུམ་མདངས་དེ་ནི་གང་ཞིག་ནས་བཙིར་ནས་ཡོང་བ་དང་འདྲ་བར་ངོ་གདོང་དམར་པོར་གྱུར་སོང༌། དེ་དང་བསྟུན་ནས་ངེད་གཉིས་ཀྱི་བར་ཐག་ནི་ཡོལ་བ་ཞིག་གིས་སྒྲིབ་ཡོད་པ་ལྟ་བུའི་ཚོར་སྣང་བྱུང༌།
པར་འདི་ག་རེ་རེད།
པར་འདི་ག་རེ་རེད། གནས་ཚུལ་ཞིབ་གསལ་གཤམ་གྱི་འབྲེལ་ཐག་ན་ཡོད། http://www.ambassadorsforworldpeace.org/
སྙན་ངག་མ་ཚེ་རིང་སྐྱིད་ལ་སྙན་ངག་གི་སྐོར་ནས་བཅར་འདྲི་བྱས་ཡོད་ཀི
http://www.rfa.org/tibetan/chediklaytsen/amdolaytsen/tsom-rig-kyi-dora/interview-with-tibetan-poet-tering-kyi-12212010153439.html འདྲ་པར་འདི་མཆོད་མེ་དྲ་ངོས་ལས་བཤུས་པ་ཡིན།
གསར་འགོད་གསལ་བསྒྲགས། བཀའ་ཟུར་བཀྲ་ཤིས་དབང་འདུད།
༄༅། ཕྲན་བཀྲིས་དབང་འདུད་བཀའ་བློན་ཁྲི་པ་སྐབས་ ༣ འོས་གཞིར་ལང་ཆེད་སྦར་སིལ་༸སྐུ་ཚབ་དོན་གཅོད་ཀྱི་ལས་གནས་ནས་དགོངས་པ་ཞུས་འཁྲེོལ་གྱིས་ལས་མཚམས་དངོས་སུ་ ༢༠༡༠ ཟླ་ ༡༢ ཚེས་ ༡༧ ཉིན་བཞག་ཟིན་པ་དང་། ད་ཆ་དངོས་གཞིའི་འོས་གཞིར་སྡོད་རྒྱུའི་གསལ་བསྒྲགས་སྦུད་ཙམ་ཞུ་རྒྱུར།
ལོ་ཤས་སྔོན་ནས་མི་སྒེར་དང་གཞུང་འབྲེལ་མིན་པའི་སྒྲིག་འཛུགས་ཁག་གི་མི་སྣས་ཕྲན་མ་འོངས་བཀའ་བློན་ཁྲི་པའི་འོས་གཞིར་སྡོད་འཆར་ཡོད་མེད་དྲི་བརྩད་དང་། སྡོད་དགོས་པའི་འབོད་སྐུལ་ཨུ་ནན་གནང་མཁན་རིམ་པ་བྱུང་བར་འོས་གཞིར་སྡོད་བློ་མེད་ལུགས་ཞུས་པ་དང་། འདས་ལོ་གཅིག་ནང་ནོར་ཝེ་དང་ཁེ་ན་ཌ་ནས་སྐབས་གསུམ་པའི་བཀའ་ཁྲི་འོས་མི་མང་ཚོགས་ནས་མིག་འཛུགས་གནང་ཆེད་གློག་འཕྲིན་དྲྭ་བ་ (Website) ཆེད་འཛུགས་གནང་བའི་ནང་ཕྲན་གྱི་མིང་རིམ་ཐོན་སྐབས་ཕྱིར་འཐེན་ཞུས་ཤིང་། དེ་འབྲེལ་གཞུང་འབྲེལ་མིན་པའི་ཚོགས་པ་ཁག་གཅིག་ནས་ཀྱང་འོས་མིར་སྡོད་རྒྱུའི་རེ་སྐུལ་ཕྱག་བྲིས་གནང་བར་འོས་གཞིར་སྡོད་འཆར་མེད་སྐོར་ཡིག་ངག་གཉིས་ཐོག་ནས་འགྲེལ་བཤད་ཞུས་ཡོད།
དེ་ལས་མང་བ་། “གསར་འགོད་གསལ་བསྒྲགས། བཀའ་ཟུར་བཀྲ་ཤིས་དབང་འདུད།” »
ཞི་བདེ་དང་དམག་འཁྲུག
ཨོའོ་ཞོ་ཡིས་བརྕམས།
ཁྲི་ཆུ་བཟང་རྒྱ་མཚོས་་བསྒྱུར།
འཛམ་གླིང་འདི་རུ་ཞི་བདེ་གང་ཡང་མེད་ལ། ལོ་རྒྱུས་ཁྲོད་དུས་སྐབས་གཉིས་འབའ་ཞིག་བྱུང་མྱོང་སྟེ། ང་ཚོ་རྒྱུས་མངའ་ཆེ་བའི་དམག་འཁྲུག་གི་དུས་སྐབས་དང༌། ཞི་བདེ་རུ་འབོད་པའི་དུས་སྐབས་དེ་རེད། ཞི་བདེ་རུ་འབོད་པའི་དུས་སྐབས་དེ་ནི་མི་མངོན་པའི་སྒྲིབ་གཡོག་ཅིག་སྟེ། དོན་དངོས་ཐོག་དམག འཁྲུག་གཞན་ཞིག་གི་ཆེད་དུ་སྟ་གོན་བྱེད་པའི་དུས་སྐབས་ཞེས་བརྗོད་ཆོག ལོ་རྒྱུས་ཧྲིལ་བོ་ཁྲོད་དོན་ཚན་གཉིས་འབའ་ཞིག་མངའ་སྟེ། དམག་འཁྲུག་དང་དམག་འཁྲུག་གི་ཕྱིར་དུ་གྲ་སྒྲིག་དེ་རེད། ཁྱེད་ཀྱིས་ང་ལ་སྐད་ཆ་འདྲི་བཞིན་ཡོད་དེ། འཛམ་གླིང་དམག་ཆེན་གཉིས་པ་མཇུག་སྒྲིལ་རྗེས་འཛམ་གླིང་ཡོངས་ལ་གཞུང་འབྲེལ་གྱིས་ཞི་བདེ་བསྐྱར་གསོ་བྱས་པ་ནས་བཟུང༌། ཆབ་སྲིད་པ་རྣམས་ཀྱིས་ཅི་ཞིག་བྱེད་མྱོང་ཟེར།
