ཀུན་དགས་དབྱིན་ཡིག་ནས་བསྒྱུར།
བརྩེ་བའི་ཡིག་འབྲེལ་བ་ལགས།
སྤྲོ་སྣང་ཆེན་པོའི་སྒོ་ནས་ཡང་གཅིག་ཁྱེད་ཀྱི་འཕྲིན་ཡིག་ལ་སྒུག ངེད་ཀྱི་ཡིད་མགུ་དང་ཚོར་ཤུགས་ནི་ཁྱེད་ཀྱི་གནས་ཚུལ་མང་ཙམ་གོ་བའི་བརྡ་ལན་དེ་དག་ཡིན།
ཁྱེད་ཀྱི་བསམ་གཞིགས་ཀྱི་ལམ་ཁ་གང་དུ་ཡོད་དམ་བརྩེ་བའི་ཡིག་འབྲེལ་བ་ལགས།
བོད་ཀྱི་དུས་བབ་ནས་བཏུས།
ཟླ་སྔོན་མའི་ཚེས་ཤར་ནི་འཛམ་གླིང་གི་གཉན་ནད་རེག་དུག་གི་ཉིན་མོ་ཡིན་ལ། འདི་གའི་གསར་འགོད་པས་བོད་གཞུང་སྨན་རྩིས་ཁང་གི་ངེས་སྟོན་པ་དང་བླ་ཞབས་སྨན་པ་རྟ་མགྲིན་ཚེ་དབང་ལགས་སུ་ ནད་རིགས་འདིའི་སྐོར་ནས་བཅར་འདྲི་ཞུས་ཡོད།
དྲི་བ། སྐུ་ཉིད་ཀྱིས་བཙན་བྱོལ་སྤྱི་ཚོགས་ནང་རེག་དུག་གི་ན་ཚ་དེ་ཚབས་ཆེ་ཆུང་གང་འདྲ་ཞིག་ལ་གཟིགས་ཀྱིན་ཡོད་དམ།
ལན། ན་ཚ་དེ་བོད་མིའི་སྤྱི་ཚོགས་ཙམ་མ་ཟད་འཛམ་གླིང་ཁྱོན་ཡོངས་སུ་ཚབས་ཆེན་པོར་མཐོང་གི་ཡོད་ལ། ཉེན་ཁ་ཡང་ཆེན་པོ་རེད། འཛམ་གླིང་ནང་དེང་སྐབས་ཚན་རིག་དང་ཉམས་ཞིབ་ཐོག་ཡར་རྒྱས་ཤུགས་ཆེར་འགྲོ་བཞིན་ཡོད་ནའང་། ན་ཚ་འདིའི་རིགས་ལ་སྨན་བཅོས་བྱེད་མ་ཐུབ་པར་སྐད་རྒྱག་གི་ཡོད། ལྷག་པར་དུ་བོད་མིར་མི་འབོར་ཉུང་ཉུང་ཞིག་ལས་མེད་སྟབས་མི་གཅིག་ལ་ན་ཚ་འདི་ཡོད་ནའང་བོད་མི་རིགས་ཉམས་ཆག་ཏུ་འགྲོ་རྒྱུའི་ཉེན་ཁ་ཡོད། བོད་མིའི་གཤིས་སྤྱོད་ནང་ན་ཚ་འདིའི་རིགས་བྱུང་སྐབས་སྦ་གསང་བྱེད་པ་དང་ངོ་ཚ་བྱེད་རྒྱུའི་གོམས་གཤིས་ཤིག་ཡོད། དེར་བརྟེན་སྤྱི་ཚོགས་ནང་ན་ཚ་འདིའི་རིགས་ཡོད་མཁན་གཅིག་བསླེབ་ནའང་རྩྭ་ལ་མེ་མཆེད་པ་ལྟར་ལམ་སང་ཁྱབ་འགྲོ་རྒྱུའི་ཉེན་ཁ་ཡོད།
མྱི་ལྟིག
དམར་གསོད་མཚོན་ཆའི་འཇབ་རྒོལ་ཀློང་ནས་ཞི་བདེ་མཁའ་དབུགས་རྔུབ་ཏུ་འགྲོ།།
ལར་ཞེན་དཔའ་བོའི་གད་རྒྱངས་ཀློང་ནས་འཕག་འཚག་འོ་དོད་འབོད་དུ་འགྲོ།།
ལོ་ཟླ་སྐྱ་བོའི་ཆག་གྲུམ་ཀློང་ནས་ཕོ་བྲང་དམར་བོ་བསྲུང་དུ་འགྲོ།།
གདུང་ཡུས་ལྕི་མོའི་ཕམ་ཉེས་ཀློང་ནས་སྐྱོ་གདུང་གླུ་གཞས་གཏོང་གི་འགྲོ།།
རྫ་ཚེ་རིང་བཀྲ་ཤིས།
སངས་རྒྱས་ལ་ཕྱག་འཚལ་ལོ།
བདག་ནི་སངས་རྒྱས་ཀྱི་ཐུགས་རྗེ་དང་ཡེ་ཤེས་ཀྱི་འོད་ཟེར་རབ་ཏུ་གསལ་བར་སྐྱབས་སུ་སོང་། རང་བཞིན་གྱིས་དྲི་མ་མེད་པའི་ཆོས་དང་དགེ་འདུན་གྱི་དཔལ་དང་མངའ་ཐང་དང་ཡང་མཇལ་ཏེ། བསྟན་པ་རིན་པོ་ཆེ་ལ་དད་པ་དང་ངེས་ཤེས་ཅུང་ཟད་ཅིག་ནི་མཆིས་སོ། །
དེ་ཡང་ཆོས་ཀྱི་རྗེ་སྟོན་པ་སངས་རྒྱས་དེས་རྒྱ་གར་གྱི་ཡུལ་ཝ་ར་ན་སིའི་ཞི་བའི་ནགས་ཚལ་ཉམས་དགའ་བར་ཆོས་ཀྱི་བཀའ་མཆིད་ཐོག་མར་གནང་ནས་ད་ལྟ་ནི་ཡོངས་གྲགས་སུ་ལོ་ཉིས་སྟོང་ལྔ་བརྒྱ་ལྷག་ཅིག་འདས་ཟིན་ལ། དེའི་རིང་ཤར་ཕྱོགས་ཀྱི་འཇིག་རྟེན་འདིའི་དད་པ་དང་ལྡན་པའི་སྐྱེ་བོ་རྣམས་ཀྱི་ཡིད་ལ་བྱིན་གྱིས་བརླབས་པར་མཛད་པ་ཙམ་དུ་མ་ཟད། ད་ལྟའི་ཆར་ནི་ཤར་ནུབ་ལ་སོགས་པའི་ཡུལ་གྱི་ས་མཚམས་ལས་ཡོངས་སུ་བརྒལ་ཏེ། འཇིག་རྟེན་ལ་ཕན་རླབས་ཆེ་བའི་བསླབ་བྱ་དང་ལེགས་བཤད་ཀྱིས་རྟོག་དཔྱོད་ཅན་གྱི་སྐྱེ་བོ་དག་གི་ཡིད་ལ་ཡ་མཚན་དང་དད་གུས་ཀྱི་མྱུ་གུ་བསྐྱེད་པར་བྱེད་བཞིན་ཡོད་དོ། །
དེ་ལས་མང་བ་། “ངས་ཁྱེད་ལ་དགོས་པའི་དྲིས་ལན་ཁ་ཤས་མཁོ་འདོན་བྱ་རྒྱུ་ཡིན།” »
གཡུ་དྲུག་དཀར། རྡ་ས།
ཕ་ཡུལ་ནི་འགྲོ་མི་ཀུན་པོར་བདོ་བའི་སེམས་ཀྱི་ལོག་མལ་གཅིག་པུ་རུ་སོང་། ཕ་ཡུལ་དང་ཁད་དུ་ཆད་པ་ནས་སེམས་པ་ལོང་ལོང་ངེར་ཆགས་ས་གཏད་ས་ཞིག་ཡེ་ནས་མེད་པར། གོམ་པ་རེ་རེའི་བར་ནས་ཀྱང་སེམས་ལ་བརྡབ་གསིག་གྲངས་མེད་ཤོར་བཞིན་མི་ཡུལ་གྱི་སྡུག་མཐའ་རུ་ལྷུང་འགྲོ།
ཕ་ཡུལ། ཨ་་་་ཕ་ཡུལ། ཁྱོད་ཡོད་པས་ད་གཟོད་བདག་ལ་སེམས་པ་འདི་གྲུབ་ལ། ཁྱོད་ཡོད་པས་ད་གཟོད་བདག་ལ་ལུས་པོ་འདི་ཐོགས་པ་རེད་པས། བདག་གི་སེམས་པ་དང་ཁྱད་དུ་མེད་པའི་ཕ་ཡུལ། བདག་གི་ལུས་པོ་དང་ཁྱད་དུ་མེད་པའི་ཕ་ཡུལ། བདག་གི་མིག་གིས་མཐོང་བའི་ལྟད་མོ་ཐོག་མ་དེ་ཁྱོད་ཡིན། བདག་གི་སྣ་ཡིས་ཚོར་བའི་དྲི་ངད་ཐོག་མ་དེ་ཁྱོད་ཡིན། བདག་གི་རྣ་བས་ཐོས་པའི་སྒྲ་དབྱངས་ཐོག་མ་དེ་ཁྱོད་དང་། བདག་གི་ལྕེ་ཡིས་མྱངས་པའི་རོ་མཆོག་ཐོག་མ་དེ་ཁྱོད་ཡིན་ལ། བདག་གི་ཡིད་ཀྱིས་ཤེས་པའི་འཇིག་རྟེན་ཐོག་མ་དེའང་ཁྱེད་ཡིན། ཕ་ཡུལ། བདག་གི་མགོ་ཐོག་གི་གནམ་ནས་རྐང་འོག་གི་ས་བར་གྱི་ཡོད་ཚད་ཁྱོད་ལས་གཞན་ཅི་ཞིག
སྤོབས་པ་མཐའ་ཡས།
ཨ་ནེ་ཆོས་དབྱིངས་སྒྲོལ་མ་ནི་༡༩༧༡ལོའི་ཟླ་བ་༦པའི་ཚེས་༤་ཉིན་བལ་ཡུལ་གྱི་རྒྱལ་ས་ཀ་གྲུ་ནམ་དུ་རུ་སྐྱབས་བཅོལ་བོད་མིའི་ཁྱིམ་ཚང་ཞིག་ཏུ་སྐྱེས། ལོ་ན་བཅུ་གཉིས་སུ་སོན་སྐབས་རབ་དུ་བྱུང་ནས་རྒྱལ་སའི་ཐོད་ཀྱི་རི་ངོས་སུ་ཆགས་པའི་སྣང་དགེ་དགོན་པ་རུ་ཞུགས། སྤྲུལ་སྐུ་ཨུ་རྒྱན་རིན་པོ་ཆེ་དང་ཁོང་གི་སྐུ་ཟླ་སོགས་དགེ་རྒན་རྣམས་ལ་བརྟེན་ནས་དགོན་པའི་ཆོ་ག་འདོན་དབྱངས་སོགས་སྦྱངས་པ་མཐར་ཕྱིན་བྱས། ༡༩༩༤ཙམ་ནས་མོ་རང་གི་མགུར་དབྱངས་འཁོར་ཐག་བཟོ་བསྐྲུན་བྱེད་མགོ་ཚུགས།
རང་བྱུང་བརྗིད་ཆགས་ལྷོད་དུ་བབ་པའི་སྙན་འགྱུར་དང་། ནང་པ་སངས་རྒྱས་པའི་བྱམས་བརྩེ་དང་ཞི་བདེའི་དོན་སྙིང་ལྡན་པའི་མགུར་མ་དང་། གཟུངས་སྔགས་གྱེར་འདོན། རོལ་དབྱངས་འབུད་དཀྲོལ་གྱིས་མིའི་སེམས་ཁོངས་སུ་ཞི་བདེ་དང་ངལ་གསོའི་དགའ་བ་བཅོས་མིན་དུ་སྟེར་བས་མོ་དང་མོའི་གླུ་གཞས་ཀྱི་སྙན་གྲགས་ཀྱིས་བལ་ཡུལ་རྒྱལ་ཁོངས་ནས་བརྒལ་དེ་འཛམ་གླིང་གི་ཕྱོགས་ཀུན་དུ་ཁྱབ་དེ་གཟེངས་རྟགས་ཀྱང་མང་པོ་བཞེས།
ལྷ་སྡེ་གནམ་ལོ་ཡག
(གསལ་བཤད། ཕྱི་ལོ ༢༠༡༡ལོའི་ཟླ ༡ཚེས ༦ནས ༩བར་ཨོ་སི་ཁྲི་ལི་ཡ་སྐུ་ཚབ་དོན་གཅོད་ཁང་གི་བཀོད་སྒྲིག་འོག་ཨོ་སི་ཁྲི་ལི་ཡ་དང་ནིག་ཟི་ལན་ཊིར་མཐོ་སློབ་འགྲིམས་ཀྱིན་པ་དང་སློབ་མཐར་ཕྱིན་ཟིན་པའི་བོད་རིགས་གཞོན་སྐྱེས་ཚོར་ཟབ་སྦྱོང་ཞིག་འགོ་ཚུགས་ཡོད་པ་དང་ཚེས ༨ཉིན་གྱི་ཞོགས་པར་ཕྲན་གྱིས་བརྗོད་གཞི་འདིའི་སྒང་ནས་ཟབ་སྦྱོང་སྤྲད་པའི་ཁུལ་ཡིན།)
ཞོགས་པ་བདེ་ལེགས། གོང་དུ་ང་རང་ངོ་སྤྲོད་བྱས་ཟིན་ཙང་བསྐྱར་ཟློས་མི་བྱེད། ད་རེས་ཀྱི་བརྗོད་གཞི་གཙོ་བོ་བཙན་བྱོལ་བོད་གཞུང་དང་དམངས་གཙོའི་འཕེལ་རིམ་ཡིན་ཙང་། ཐོག་མར་ཚང་མ་ལོས་བརྗོད་གཞི་འདི་དང་འབྲེལ་བའི་དོན་དག་འགར་བསམ་བློ་གཏོང་རོགས།
༡ བོད་པ་བཙན་བྱོལ་བ་ཆགས་ནས་ད་ལོ་བར་ལོ་ག་ཚད་སོང་ཟིན་པ་སུས་ཤེས་ཀྱི་ཡོད།
༢ བཙན་བྱོལ་བོད་མིའི་དམངས་གཙོའི་དུས་དྲན་གྱི་ཉིན་མོ་ག་དུས་འཁེལ་ཡོད་པ་ཤེས་མཁན་ཡོད་དམ།
༣ ད་ལོ་བཀའ་སྤྱིའི་འོས་འདེམས་ཀྱི་ཆ་ཤས་བླངས་ཡོད་མཁན་ག་ཚད་ཡོད། ཕྱག་བརྐྱངས་རོགས།
ཐོག་མར་བཙན་བྱོལ་བོད་གཞུང་ངོ་སྤྲོད་དང་། དེ་ནས་དམངས་གཙོའི་འཕེལ་རིམ། གཞན་དྲི་བ་དྲིས་ལན། མཐའ་འཇུག་ལས་འཆར་བཟོ་འགོད་བཅས་ཁག་བཞིར་དབྱེ་ནས་ཟབ་སྦྱོང་འགོ་འཛུགས་ཞུ་རྩིས་ཡིན།
བཙན་བྱོལ་བོད་གཞུང་འཆད་སྐབས། དོན་དག་གཉིས་ལ་བསམ་བློ་མི་གཏོང་རང་གཏོང་ཆགས་ཀྱི་ཡོད།
དེ་ལས་མང་བ་། “བཙན་བྱོལ་བོད་གཞུང་དང་དམངས་གཙོའི་འཕེལ་རིམ་རོབ་གླེང་།” »
རྨོག་རུ་བསྟན་པ།
གྲང་ཤུར་ཤུར་དང་འཁྱག་སིབ་སིབ་ངང་བཙན་བྱོལ་བོད་མིའི་སྤྱི་ཚོགས་ཀྱི་ཕྱོགས་གཅིག་ལ་བལྟས་ན་ང་ཚོར་མེད་མུག་དང་། ཐོབ་ཤོར། རྗེས་ལུས་སོགས་ཀྱི་ཞན་ཆ་མང་པོ་ཞིག་ཡོད་པ་སྨོས་མེད་ཡིན་མོད། སྐྱབས་བཅོལ་འདྲ་འདྲའི་ནང་ནས་མ་འདྲ་བ་ཞིག་ཆགས་ཡོད་པའང་།གཅིག་གྱུར་གྱི་རླབས་ཆེ་བའི་དབུ་ཁྲིད་དང་།རྒྱལ་ཁབ་ཚད་ལྡན་ཅིག་གི་གྲུབ་ཆ་ཡོངས་སུ་ཚང་བའི་བཙན་བྱོལ་བོད་མིའི་སྒྲིག་འཛུགས་སོགས་ཡིན།
དེ་ལས་མང་བ་། “བཙན་བྱོལ་བོད་མིའི་སྒྲིག་འཛུགས་ལས་རྙེད་པའི་སྤོབས་པ།” »
ཀུན་དགས་དབྱིན་ཡིག་ནས་བོད་བསྒྱུར་བྱས།
༼གྲོགས་པོ་རྣམ་པ་ལགས།ངེད་ཀྱི་ཡིག་བསྒྱུར་འདིར་དེ་ཙམ་གྱིས་རིན་ཐང་མི་ལྡན་ལ།ཆབ་སྲིད་དང་རིག་གཞུང་གི་ཁོར་ཡུག་བཟང་པོ་ཁ་བརྡའི་དྲ་ངོ་འདི་སྦག་བཙོག་བཟོ་བྱེད་ཅིག་ཡིན་ཀྱང་སྲིད།འོན་ཀྱང་།ཡིག་འབྲེལ་འདི་ནི་རྟོག་བཟོ་ཙམ་མིན་པར་བུ་མོ་ཞིག་གི་སེམས་གཤིས་ངོ་མ་ཡིན་པ་དང་།འབྲི་ཐབས་ཀྱི་ཁྱད་ཆོས་ཤིག་ནི་བརྩེ་དུང་གི་ཚོར་བ་རྐྱང་པ་ལབ་གླེང་བྱེད་པ་ཙམ་མིན་པར་འབྲི་ཐེངས་རེ་རེའི་ནང་བརྗོད་བྱ་གསར་བ་ཁོར་ཡུག་དང་།ཆོས་ལུགས།ལྟ་ཚུལ།ལས་གནས་སོགས་མང་པོ་ཞིག་འཁོད་འདུག་པས་འབྲི་རྩལ་གྱི་ཆ་ནས་བརྩེ་དུང་གི་ཨ་ལོང་ལས་ཤོར་བའི་སེམས་འཕྲིན་དམར་པོ་ལས་ལྷག་ཅིག་མཐོང་སོང་།
གསལ་སྒྲོན།
ད་རེས་རྡ་སར་རྒྱ་གར་རྒྱལ་ཡོངས་ཀྱི་བོད་རིགས་མཐོ་རིམ་སློབ་མའི་ཚོགས་ཆེན་ཐོག་བོད་ཕྲུག་གཞོན་སྐྱེས་ཚོས་བཙན་བྱོལ་བོད་གཞུང་གི་བཀའ་ཁྲི་ཟམ་གདོང་སྤྲུལ་སྐུར་བསྔགས་བརྗོད་དང་འབྲེལ་གཟེངས་རྟགས་ཤིག་འབུལ་སྐབས་བཀའ་ཁྲི་ནས་ “ཁོང་གི་མི་ཚེའི་ནང་གི་ལས་དོན་གང་ཞིག་བྱས་པ་ཚང་མ་བླ་མའི་བཀའ་བཞིན་འགྲུབ་པ་ལས་བོད་མི་རིགས་དང་། རྒྱལ་ཁབ། ཆབ་སྲིད་བཅས་ཀྱི་ཐད་ལ་བསམ་བློ་གཏོང་གི་མེད་”ཅེས་པའི་བཀའ་མོལ་ཐབས་སྡུག་དེ་གནང་ཤག
དེ་ལས་མང་བ་། “བཀའ་སློབ་ཐབས་སྡུག་དེ་འདྲས་གནང་དགོས་དོན་ཨ་ཡོད།” »
གཙང་ཞོལ་བདེ་གསལ།
༡ གླེང་བསླངས་པ།
ད་ལོ་སྟེ། ༢༠༡༡ གི་བཀའ་བློན་ཁྲི་པ་སུ་གདམ་རྒྱུ་ཡིན་མིན་ཏེ། འུ་ཅག་གིས་བློ་དྲང་བཞག་དང་སེམས་པ་གཙང་མའི་ངང་ནས་མ་ནོར་མ་འཆུག་པ་ཞིག་བྱ་རྒྱུ་དཔེ་མ་ཚད་པའི་གལ་ཆེན་པོོ་རེད། ང་རང་ཚོར་འགན་ཞིག་འཁྲི་ཡོད་པའི་ཆ་ནས་སེམས་ཁྲལ་བྱེད་ཀྱིན་ཡོད་ལ། བྱེད་རིན་ཡོད་པ་ཞིག་ཀྱང་རེད། དེས་ན། སེམས་ཁྲལ་གཅིག་པོ་བྱས་བསྡད་པ་ཙམ་གྱིས་མི་འགྲིག་པར། གོང་དུ་ཞུས་པ་བཞིན། སེམས་ཁྲལ་བྱ་ཡུལ་མི་དེ་ཁ་ཕྱོགས་དྲང་པོ་དང་བསམ་ཤེས་ཀྱིས་འཚོལ་ཞིབ་བྱ་དགོས། དེ་ནི་ལོ་ལྔ་རེའི་མཚམས་ཀྱི་མི་དམངས་ཀྱི་མང་གཙོའི་ལས་འགུལ་ཆེས་ཆེ་བ་དེ་རེད། དེ་འདྲའི་གལ་ཆེ་བའི་ལས་འགུལ་ལམ། འོས་བླུག་སྟངས་འདིའི་སྟེང་ན་བོད་ཀྱི་ད་ལྟའི་གནས་བབ་དང། མ་འོངས་པའི་ལམ་ཕྱོགས་དང་འབྲེལ་བ་ཏན་ཏན་ཡོད་པའི་དབང་ཚད་མཐོ་ཤོས་དེ་རང་ཅག་མི་མང་གི་ལག་པར་སླེབས་ཡོད་པ་རེད། དེར་བརྟེན།
དེ་ལས་མང་བ་། “བཀྲས་མཐོང་པའི་བཟང་སྤྱོད་དང་འབྲེལ་བའི་དཔྱད་གཏམ།” »
ཞིང་པའི་བུ་ནས།
༢༠༡༠ལོའི་དུས་ཚོད་དེ་ཕལ་ཆེར་སྤྱི་འཐུས་དང་བཀའ་ཁྲིའི་ཐོག་རྫོགས་སོང་གཅིག་བྱས་ན་འགྱོད་མི་འོས་པ་ཞིག་རེད་བསམ། འོན་ཀྱང་རང་ཉིད་ཀྱི་བསམ་བློའི་གྲ་སྒྲིག་ནང་ད་དུང་ཐག་ཆོད་པོ་ཞིག་རང་རེད་མ་སོང་བསམ་པའི་ཚོར་སྣང་འོང་གི་འདུག
གློ་བུར་དུ་ཅི་ཞིག་གིས་རྐྱེན་བྱས་པས་ཕ་ཡུལ་གྱི་སྒྲུང་ཐུང་ཞིག་ཡིད་ལ་གསལ་ཐལ་ལེར་འཆར་འོང་བས། ཁྱོད་ཚོ་ལ་གཅིག་ཤོད་འདོད་བྱུང་། ང་ཚོའི་གྲོང་སྡེ་ནི་ལུང་པ་བཞི་མདོ་ཞིག་གི་ཟུར་ཁུག་ན་ཆགས་ཡོད་ཅིང་དུད་ཚང་ཕལ་ཆེར་བརྒྱ་མ་ལོང་ཙམ་ཞིག་ཡོད། ཡུལ་པའམ་རོང་པ་ཡིན་པས་མ་གཞི་འཚོ་བ་མང་ཆེ་བ་ས་ཞིང་རྨོས་འདེབས་ཀྱིས་སྟོན་ཐོག་ལ་བརྟེན་ནས་འཚོ་བ་བསྐྱལ་བཞིན་ཡོད་ཀྱང་དུད་ཚང་འབྱོར་ལྡན་རྣམས་ལ་ཕུ་རུ་སའང་ཡོད། ནམ་དུས་སྟོན་ཀ་ཤར་ཞིང་ནས་བརྔས་ཚར་བ་མ་ཚད་བམ་པོ་ཁང་ཐོག་དུ་བསྡུསཟིན་པས་ཁང་པ་རྣམས་ཀྱི་སྟེང་དུ་སྐྱ་ཆ་ལེར་བམ་པོ་བརྩིགས་བཞག་འདུག ང་ཚོའི་གྲོང་ཚོ་ལོ་ལྟར་སྨ་ལག་ཞེས་པའི་ལུང་པ་ཆེན་པོ་དེའི་ནང་རྩྭ་འཐུ་རུ་འགྲོ་བའི་ལུགས་སྲོལ་ཡོད་པས།
དེ་ལས་མང་བ་། “དགག་འོས་པའི་ལུགས་སྲོལ་ངན་པ་དང་འབྲེལ་བའི་རྐྱེན་ངན་ཞིག” »
གཡུ་དྲུག་དཀར། རྡ་ས།
དུས་རྒྱུན་ལྟར་གཉིད་ལས་སད་པ་ཡིན་མོད། གཉིད་སྐྱོ་ད་དུང་དྭངས་མི་འདུག རྨི་ལམ་ལྟ་བུའི་དྲན་པ་རབ་རིབ་དེའི་ྐློང་ན། རླུང་གཡུག་པའི་ཤུར་སྒྲ་དང་འབྲུག་གྲགས་པའི་ལྡིར་སྒྲ། ཆར་བབས་པའི་ཤག་སྒྲ་བཅས་གཟན་སྒྲ་སྣ་ཚོགས་ཤིག་གི་སུན་སྣང་ལོང་ལོང་བྱེད་པས། མདང་དགུང་ཆར་བབས་ཏེ་གཉིད་ལ་བར་ཆད་བཏང་པ་རྟོགས་ཀྱང་། ཉིན་མཚན་དབྱེར་མེད་དུ་ཞེ་ལྷོད་ནས་འདུག་ཐབས་མེད་པའི་ས་མཐའི་སྡུག་སྣང་གིས་ཡི་ག་ལོག་བཞིན། མགོ་བོ་ཡར་དགྱེས་ཤིང་གཏད་སོ་མེད་པའི་གོམ་ཁ་ཕྱི་རོལ་ལ་བསྒྱུར་དགོས་སོང་།
ཕྱི་རོལ་གྱི་འགྱུར་བག་རྒོད་པའི་ཁོར་ཡུག་ལའང་མདང་ནུབ་ཀྱི་ཆར་རླུང་གིས་ཕོག་ཐུག་བཟོས་བདོ་བ་འདྲ་ཡང་། མདང་དགུང་གི་གནམ་གཤིས་ཀྱིས་བསྐྱེད་པའི་རྫ་སྟོད་ཀྱི་ལྷུན་ཆགས་པའི་ཁ་བ་དེ་མཐོང་དུས། གློ་རྡེག་ཏུ་བདག་སེམས་སུ་བརྩེ་ཞེན་གྱི་རྦ་རླབས་དགུང་དུ་འཕྱོ་ལ། ཡིད་ཀྱི་སྣང་བ་གངས་དཀར་གྱི་གཞི་འཛིན་དུ་གྱུར་ཅིང་། གངས་དཀར་གྱི་སྣང་བ་དེ་ཡིས་མདང་དགོང་ཆགས་པའི་ཁ་བའི་དཀར་ཞིང་འཇམ་ལ། བརྗིད་ཅིང་འོད་འཚེར་བའི་ངང་གཤིས་ཡིད་དུ་འཐད་པ་དང་།
བོད ལྷ་ཀླུ་གཉན་གསུམ།
ང་དང་ལས་དབང་གི་གདམ་ཀ
བརྩེ་དུང་གི་གཏམ་རྒྱུད་ལས
ངོ་ཤེས་པའི་གཞོན་ནུ་ཕོ་མོ་འགའ
ནང་དུ་བཞག་པའི་བུ་མོ་དང་ཆུང་མ
ཡར་ལ་བཀྱག ལྷན་འཛོམ་རེད
བསིལ་ཆང་འཐུང་མཁན་གྱི་ཁྱེད་ཅག
ངའི་སེམས་པ་ཁྱེད་ཅག་གི་ཆང་ཕོར་ནང་དུ
འཛུམ་མདངས་དེ་སུ་ཡི་ཆེད་དུ
ཁྱེད་ཚོས་གཞན་ཞིག་གི་ཕ་རོལ་ན
ངུ་སྐད་དང་སུན་སྣང་སྐྱུར་ནས
རོལ་དབྱངས་ཀྱི་ཀློང་དུ
གསར་བུ་ནས།
༡
མི་ཞིག་མདུན་སྒོ་ནས་སོང་མ་ཐག མི་ཞིག་ལྟག་སྒོ་ནས་སླེབས་སོང༌། མི་ཞིག་གི་དྲོད་མདངས་ཁོ་མོའི་སྐྲ་གསེང་ནས་མ་ཡལ་གོང༌། མི་ཞིག་གི་དྲོད་ཤ་ཁོ་མོའི་འོ་འཛིན་ལ་བརླན་སོང༌། མི་ཞིག་སོང་བའི་མདུན་སྒོ་དང༌། མི་ཞིག་སླེབས་པའི་ལྟག་སྒོ་གཉིས་ལས་ཁོ་མོ་ནི་ངས་ཁང་པ་ཞིག་དང་ཨ་ན་མ་ན་མ་ཞིག་རེད་བསམ་བྱུང༌།
འབའ་སྲས།
རྡ་རམ་ས་ནས་ལམ་ལ་ཆས་ཏེ།།
ནུབ་ཕྱོགས་པ་ཡི་ཡུལ་ལ་འབྱོར་ཐལ།།
ནུབ་ཕྱོགས་གྲོང་ནས་ལོ་བཞི་འགོར་ཡང་།།
རྡ་རམ་ས་ལ་བརྗེད་ཐབས་མི་འདུག །
དེ་ཉིད་བསོད་རྒྱལ།
འོད་ཀྱིས་ཁེངས་བའི་བར་སྣང་།
སྔོ་སང་སང་།
ཅི་ཡང་མི་མཐོང་།
དེ་ཁྱོད་ཀྱི་བསམ་བློ་ཡིན་ན་།
སྨུག་གིས་གཡོགས་པའི་ནམ་མཁའ་།
ནག་་འཐིབ་བེ་།
སྐར་ཚོགས་ཀྱིས་མཛེས་།
དེ་ཁྱོད་ཀྱི་ཅི་ཞིག་ཡིན་ནམ་།
ཚོགས་འདུའི་མིང་། “ད་ལྟའི་ལྷ་སའི་རི་མོའི་སྒྱུ་རྩལ་གྱི་གནས་བབ།” དུས་ཚོད། ༢༠༡༡ཟླ་བ་དང་པོའི་ཚེས་༡༤ དགོང་དྲོ་ཆུ་ཚོད་༦ནས་༨བར། ཚོགས་ཁང་། ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང། Trace Foundation Latse Library 132 Perry Street, Suite 2b New York NY…
དེ་ལས་མང་བ་། “ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་བགྲོ་གླེང་ཚོགས་འདུའི་གསལ་བསྒྲགས།” »
ཤར་ཕྱོགས་ཁུག་རྟ།
༢༠༠༨ ལོའི་བོད་ནང་གི་ཞི་རྒོལ་ཆེན་མོས་བླུན་པོ་ཉལ་ས་ནས་བསླངས་ཏེ། མི་ཤེས་ཤེས་ཁུལ་གྱིས་ཁྲག་གི་རྡོ་རིང་ཞེས་པའི་དེབ་ཞིག་པར་དུ་བསྐྲུན། རང་ཉིད་ནག་ཁུངས་ཡིན་པའི་སྲིད་དོན་རིགས་པ་དང་ཁྲིམས་ཀྱི་ཤེས་ཚད་དེས། ན་མཉམ་ཚོའི་ཁྲོད་ནས་སྨྲ་བརྗོད་རང་དབང་ཟེར་བ་ལྟ་བུའི་ཁྲིམས་ལུགས་ཀྱི་ཚིག་འདི་དག ཚོར་བ་ཤུགས་ཆེན་ཡིན་པའི་རྩོམ་མམ་ཡིག་ཚོགས་སུ་འབྲི་རྒྱུའི་ཞེད་སྣང་བྱས། ཞེད་སྣང་གིས་ཡུན་རིང་ལྷགས། ད་དུང་ལྷགས་འདུག་ཀྱང། སྐབས་དེར་དེབ་དེའི་ཟུར་སྦྱར་དུ་རྒྱ་ནག་གི་རང་སྐྱོང་བཅའ་ཁྲིམས་ཤིག་བཀོད་ཁར། མཇུག་གཏམ་ནང་སྲིད་དང་ཁྲིམས་ཀྱི་ཤེས་བྱ་ལས་ཚོར་སྣང་མཆོག་ཏུ་འཛིན་པའི་འཐབ་རྩོད་དང། གཏམ་བརྗོད་རྣམས་ཉུང་དུ་འགྲོ་རྒྱུའི་སྨོན་ལམ་བཏབས་པ་ཡིན།
དེ་ལས་མང་བ་། “སྨྲ་བརྗོད་རང་དབང་ལ་སེན་འབྲད་བྱེད་པ། ༼ཁ་སང་གི་ཉིན་ཐོ།༽” »
མྱི་ལྟིག
ས་མཐའི་མི་ཡི་རང་གཤིས་ཤེས་ཐལ།།
འཛུམ་མདངས་བཅོས་མའི་རིན་ཐང་རྟོགས་ཐལ།།
ཞེ་སའི་ཚིག་གི་རྫུ་བག་མཐོང་ཐལ།།
བས་མཐའི་འཚོ་བའི་ཉམས་མྱོང་ལོན་ཐལ།།
དུས་རབས་གསར་བའི་ཁ་ཕྱོགས་བརྩད་ཐལ།།
མི་རབས་གསར་བའི་དགོས་མཁོ་བཤད་ཐལ།།
སྐད་ཡིག་གསར་བའི་རིན་ཐང་གླེང་ཐལ།།
ཁ་བ་ཅན་གྱི་ལས་སྐལ་བརྗེད་ཐལ།།
