ཀླུ་སྨྱོན།
ཅི་ཡིན་འདི་ཡིན་མི་ཤེས་པར་རྨི་ལམ་འཁྲུགས་སོང་།
རྨི་ལམ་འཁྲུག་སྟངས་ཀྱང་མི་འདྲ་གི
ཕྱེ་མ་ལེབ་དང་གྲོག་མ།
ས་འབུ་ཐག་ནར་དང་སྦྲང་མ་སོགས་ཀྱིས་མཆེ་བ་གཙིགས་ཡོང་།
ཁོ་ཚོར་ངའི་ཟུངས་ཁྲག་དྲོན་མོ་དགོས་ཟེར།
ལྷ་འདྲེ་དང་འབྱུང་བོ་རོ་ལངས།
དྲི་ཟ་དང་གནོད་སྦྱིན་སོགས་ཀྱིས་ལག་གཡོབ་བྱས་སོང་།
ཁོ་ཚོར་ངའི་རྣམ་ཤེས་འཁྱམ་པོ་དེ་དགོས་ཟེར།
དུས་ཚོད། རེས་གཟའ་པ་སངས། སྤྱི་ལོ་༢༠༡༡ཟླ་བ་གཉིས་པའི་ཚེས་༡༡ཉིན།
ཆུ་ཚོད། ༦-༨བར།
ས་གནས། ལ་རྩེ་དཔེ་མཛོད་ཁང་།
Trace Foundation’s Latse Library
132 Perry St., #2B
New York, NY 10014
ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་ལ་བརྩེ་དུང་གི་དུས་སྟོན་ལ་ཕེབས་རོགས།
ཟླ་བ་གཉིས་པའི་ཚེས་༡༡ཉིན་གྱི་དགོང་དྲོར། བོད་ཀྱི་རྩོམ་རིག་གི་ཡིག་ཆ་ཁག་དང་། ལོ་རྒྱུས་ཀྱི་ཡིག་ཆ། དེ་བཞིན་ཕོ་མོའི་མཛའ་གཞས་སོགས་དཔྱད་གཞིར་བཅོལ་ནས་བོད་ཀྱི་རིག་གཞུང་ནང་ལ་ཕོ་མོའི་བརྩེ་དུང་དང་འདོད་པའི་རྣམ་འགྱུར་སྟོན་སྟངས་ཀྱི་སྐོར་ལ་བགྲོ་གླེང་བྱ་རྒྱུ་ཡིན་པས། ལྷན་རྒྱས་ཕེབས་རོགས་གནང་།
དེ་ལས་མང་བ་། “ཀུན་ཕན་ཐེབས་རྩའི་ལ་རྩེ་དཔེ་མཛོད་ཀྱི་སྙིང་གི་ཚི་ལུ་ཞེས་པའི་ཚོགས་འདུའི་གསལ་བསྒྲགས།” »
བཟང་མོ།
ཕྱི་ཟླ་ ༡ ཚེས་ ༢༠ ཉིན་རྒྱབ། ཝི་སི་ཀོན་སིན་མལ་ཌི་སིན་གྲོང་ཁྱེར་གྱི་བོད་མི་དང་ཕྱི་མིས་ཁེངས་པའི་སྦ་སི་ཆེ་བ་གཅིག་གི་ནང་དུ་བོད་མི་སྤྱི་མཐུན་ཚོགས་པ་དང་ས་གནས་གཞོན་ནུ། སློབ་ཕྲུག་རང་དབང་ཚོགས་པའི་འཐུས་མི་བཅས་ཀྱིས་ཧུའུ་ཅིན་ཐོ་ཆི་ཀ་རྒོ་ལ་ག་དུས་འབྱོར་གྱི་ཡོད་མེད་དང་ག་པར་སླེབས་ཀྱི་ཡོད་མེད། སྐད་འབོད་ཁ་གཡང་དང་ཁྲོམ་སྐོར་སྐབས་བྱ་སྤྱོད་སྟོན་ཕྱོགས་ཐད་ཕྱི་ཕྱོགས་འབྲེལ་མཐུད་དང་བགྲོ་གླེང་བྱེད་པར་བྲེལ་བཞིན་འདུག རིང་པོ་མ་ལོན་པར་ལམ་བར་དུ་མི་ནེ་སོ་ཊ་ནས་ཡོང་བའི་སྦ་སི་གཉིས་ཡོད་པའི་བོད་མི་ཚོ་དང་ཐུག་ཅིང་དེ་ནས་ཆི་ཀ་རྒོ་རུ་ས་གནས་ཀྱི་བོད་མི་ཚོ་དང་མཉམ་འཛོམས་བྱས་ཏེ། ཉིན་རྒྱབ་ཆུ་ཚོད་ ༤ པ་ལ་ཐད་ཀར་ཧུ་ཅིན་ཐོ་སྡོད་སའི་ཕེན་ནིན་སུ་ལ་ཟེར་བའི་མགྲོན་ཁང་ཡོད་སར་ཕྱིན་ཏེ་མགྲོན་ཁང་གི་འཛུལ་སྒོའི་ཁ་གཏད་དུ་སྐད་འབོད་བྱེད་ཆོག་ཆོག་བྱས་ཏེ་བསྡད།
དེ་ལས་མང་བ་། “གྲང་ངར་ཁྲོད་ཧུའུ་ཅིན་ཐོ་ཡི་སྙིང་རླུང་སྟོད་དུ་འཚངས།” »
-འཚོལ་སྙེག་དང་བསམ་གཞིགས
དེ་ཉིད་བསོད་རྒྱལ
༡
ས་གཞི་ལ་ཁ་བས་གཡོགས་པའི་ནངས་མོ་དེར
ནམ་མཁའ་ནི་མདང་ཁ་བ་བབས་པ་དང་ཁྱོན་ནས་མི་འདྲ
སྔོ་སང་སང་། ཧ་ཅང་གི་འབྱམས་སུ་ཀླས
དེ་མཛེས་སྡུག་ཅིག་ཡིན་པས
མཛེས་སྡུག་གི་སྔ་རོལ་དེར་ངས་བསམ་བློ་ཞིབ་པར་བཏང་བ་ཡིན
མྱི་ལྟིག
མོག་མོག་ཟླ་བའི་བཀྲག་མདངས་མཉམ་དུ།།
ལྟེམ་ལྟེམ་སྐར་ཚོགས་གྲང་འདར་བརྒྱབ་སོང་།།
སོབ་སོབ་སེམས་པ་འཁོར་ཕྱོགས་ཞིག་གིས།།
མྱི་ལྟིག་འཁྱམ་པོ་ཁོག་འདར་བརྒྱབ་སོང་།།
རྡོ་རྗེ་དབང་ཕྱུག
ཉིན་འདི་ཚོར། རང་ཉིད་ཆུང་ཆུང་སྐབས་ཀྱི་འདྲ་པར་ཞིག་ཡོད་ན་ཅི་མ་རུང་སྙམ་པ་དེ་སེམས་ནང་ཡང་ཡང་འཁོར་གི་འདུག གཞན་གང་ཡང་མ་རེད། སྐབས་དེའི་རང་ཉིད་ལ་བལྟ་འདོད་པ་དེ་ཙམ་ལས་གཞན་གྱི་དགོས་མཁོ་གང་ཡང་མེད་ནའང་། ཉིན་རྟག་པར་ཆུང་ཆུང་སྐབས་ཀྱི་འདྲ་པར་ཞིག་མེད་པ་དེར་སེམས་ནང་སྐྱོ་སྣང་ལྷང་ངེ་བ་ཞིག་འདུག
དེ་ལས་མང་བ་། “ཆུང་ཆུང་སྐབས་ཀྱི་འབྲི་དེབ། ཆུང་ཆུང་སྐབས་ཀྱི་སྨྱུ་གུ།” »
སྐྱེས་སར་ཀླུ་སྒྲུབ། ཧྥ་རན་སི།
བདུན་ཕྲག་འགའི་གོང་རྡ་སའི་གྲོགས་པོ་ཞིག་ལ་ཅ་ལག་འགའ་བསྐུར་བཅུག་པ་ཡིན། ཅ་ལག་དེ་ཚོར་སྤྱི་རྒྱ་བཅུ་གཉིས་ཙམ་ཡོད་ཁར། རང་ལ་མཚོན་ན་ཅུང་གལ་ཆེན་ཞིག་ཡིན་དབང་གིས། རྒྱལ་སྤྱིའི་མགྱོགས་འཕྲིན་བརྒྱུད་ལམ་DHLནང་བསྐུར་རོགས་ཞེས་བཤད་པར། གྲོགས་པོས་ཀྱང་དེ་ལྟར་བསྐུར་བའི་འགྲོ་ལུགས་ཚང་མ་གཉེར་འདུག འོན་ཀྱང་ཆེས་དགོད་བྲོ་བ་ཞིག་ནི། ངའི་གྲོགས་པོས་ཅ་ལག་བསྐུར་ལམ་དེ་DHLརྫུན་མ་ཞིག་ཏུ་འཁེལ་ནས། རྒྱ་གར་ལས་ཀ་པ་ཚོས་ཅ་ལག་བསྐུར་རིན་DHL གྱི་གོང་ཚད་ལྟར་ བླངས་ཏེ། ཅ་ལག་དངོས་སུ་བསྐུར་སྐབས་སྦྲག་ཁང་དཀྱུས་འགྲེ་ནས་བསྐུར་ཏེ་དངུལ་གང་ཙམ་ཞིག་བར་ཟོས་བྱས་འདུག་ཁར། ཁོ་ཚོས་ཁས་ལེན་འགན་ལེན་བྱས་པ་ལྟར་གྱི་དུས་བཅད་དེ་ལས་བདུན་ཕྲག་གཅིག་གི་དུས་ཚོད་འགོར་འགྱངས་བྱུང། འདི་ལྟར་བྱས་ནས་རང་ལག་ཏུ་སླེབས་སྐབས་པེ་རི་སིའི་སྦྲག་ཁང་དཀྱུས་མ་ཞིག་ནས་ངོ་ཤེས་ཤིག་གི་ཁ་བྱང་བེད་སྤྱོད་བྱས་པ་བརྒྱུད་དེ་རག
ལ་རྒྱའི་བདག་པོས།
དང་པོ། ཐ་སྙད་དེ་དག་གིའབྱུང་ཁུངས།
སྐུ་དྲག་དང་། བཀས་བཀོད་རྒྱུད་འཛིན། མངའ་བདག་ཆེན་པོ་གསུམ་གཏོར་ཕམ་གཏོང་དགོས་ཟེར་བའི་འབོད་ཚིག་ནི་བོད་ནང་རིག་གནས་གསར་བརྗེའི་སྐབས་རྣ་བར་མི་སྙན་པའི་བརྗོད་ཚིག་ཅིག་ཡིན། རྒྱ་གཞུང་གིས་སྔ་ཕྱི་བར་གསུམ་དུ་ཚིག་དེ་དག་དོ་གལ་ཆེན་པོས་གླེང་ནས་དྲིལ་བསྒྲགས་ཀྱི་ལག་ཆ་མེད་དུ་མི་རུང་བ་ཞིག་ལ་རྩིས་བཞིན་ཡོད། འདས་པའི་ལོ་ངོ་དྲུག་ཅུའི་ནང་རྒྱ་གཞུང་གི་སྲིད་བྱུས་ལ་འགྱུར་བ་སྣ་ཚོགས་ཤིག་བྱུང་ཡོད་ཀྱང་གོང་གསལ་གྱི་ཚིག་དེ་དག་བེད་སྤྱོད་གཏོང་རྒྱུར་འགྱུར་བ་གང་ཡང་བཏང་མེད།
དེ་ལས་མང་བ་། “སྐུ་དྲག་བཀས་བཀོད་རྒྱུད་འཛིན་གྱི་ཉེས་ཞྭ་གཡོག་དགོས་དོན་ཅི།” »
རྩོམ་པ་བོ། ཙེའེ་ལིས་ཞོ་ཆོའོ།
རྟ་ནག་སྐལ་བཟང་ལུང་རིགས་ཀྱི“བསྒྱུར།
རྩོམ་འདིའི་བརྗོད་དོན་ཏེ་འཆི་བ་ནི་སྐྱེ་བོ་ཀུན་གྱིས་བཀུར་ལ་བསྙེངས་པའི་བརྗོད་གཞི་ཞིག་གོ། བདག་རང་ཉིད་ནི་སྙན་ངག་པ་ཞིག་མིན་སྟབས་རྩོམ་ཡིག་འདི་འབྲི་བའི་དུས་ཉིད་དུ་བདག་གི་གྲོགས་པོས་ཀྱང་འདི་སྐད་དུ། སྙན་ངག་པ་གཤའ་མ་ཞིག་མིན་ཚེ་སྙན་ངག་པའི་ནང་སེམས་ཀྱི་སྡུག་བསྔལ་དག་ཚོར་བས་མྱོང་དུ་མེད་དོ་ཞེས་སོ།། དེ་ལྟ་ནའང་། བདག་གིས་གཟིམས་ཁྲི་མཐའ་ཅན་དུ་བགྱིས་པའི་སྙན་ངག་པ་དག་གི་སྙན་ངག་ཀློག་ཐེངས་རེ་རེ་ལ་ཁོང་དག་གི་ནང་སེམས་ཀྱི་མྱོང་བ་རྣམས་བདག་རང་ཉིད་ཀྱིས་ཚོར་བས་ཟིན་ཅིང་། རྣམ་ཤེས་དང་བདེན་དོན་གྱི་འགལ་བའི་ཁྲོད་དུ་བཞུད་ཟིན་པའི་སྙན་ངག་པའི་སྐད་ཆ་དག་གིས་ནི། བདག་རང་ཉིད་དམ་དུ་བསྡམས་ཟིན་པའི་འཆིང་ཐག་གཞན་ཞིག་གཏོར་ནས་ཡོང་ལ། ཆེས་ཐ་མའི་རང་དབང་ཞིག་དང་མཛེས་སྡུག་ཅིག་གི་ཕྱོགས་སུ་ཡང་བསྐྱར་གསོན་པའི་མྱོང་བ་ཞིག་གྲུབ་སོང་བ་དེའོ།།
དེ་ལས་མང་བ་། ““སྙན་ངག་པ”དང“རང་སྲོག་རང་གཅོད”རགས་གླེང་། (བོད་འགྱུར་མ)” »
ང་ནི་ནམ་རྒྱུན་བོད་མིའི་སྐྱིད་སྡུག་ལ་སེམས་ཁུར་བྱེད་པའི་གྲྭ་རྐྱང་དཀྱུས་མ་ཞིག་དང་། རང་ནུས་གང་ཡོད་ཀྱིས་མི་རིགས་ཀྱི་ཆེད་དུ་ཞབས་ཞུ་ཕྲན་བུ་ཙམ་སྒྲུབ་མྱོང་མཁན་ཞིག་ཀྱང་ཡིན། ཡིན་ནའང་། ཁ་སང་དེ་རིང་གི་བོད་ནང་གི་ན་གཞོན་ཤེས་ཡོན་ཅན་གཙོས་བོད་མི་ཡོངས་ཀྱི་སེམས་ཤུགས་དང་ཁ་ཡོད་ལག་ཡོད་ཀྱིས་ལག་ལེན་བྱེད་སྟངས་སོགས་ལ་བལྟས་པ་ཡིན་ན། ང་ཚོ་ལ་རེ་བ་དང་། ང་ཚོས་ལོ་མང་རིང་དཀའ་ལས་རྒྱབ་པའི་ལས་དོན་ལ་རེ་འབྲས་ཡོད་པ་གདོན་མི་ཟ་སྙམ།
དེ་ལས་མང་བ་། “གཞིས་ལུས་བོད་མི་ཞིག་གིས་མི་རིགས་ལ་བཅངས་པའི་ཆོད་སེམས།” »
སྐྱོ་བྲག་དགའ་དབང་།
གོང་ས་མཆོག་གིས་ཁོང་རིང་མིན་བགྲེས་ཡོལ་ཆ་ཚང་དུ་ཕེབས་རྒྱུའི་ཐུགས་འདུན་ཡོད་པའི་བཀའ་ནན་སྔ་རྗེས་སུ་བསྩལ་བ་དེས། དེང་སྐབས་ང་ཚོའི་སྤྱི་ཚོགས་ནང་སྐྱབས་མེད་མགོན་མེད་ཀྱི་ཚོར་སྣང་ལྟ་བུ་སྐྱེས་ཏེ། ཚོགས་སྒེར་མང་པོས་གཏན་བཞུགས་གནང་བའི་གསོལ་བ་ཕུར་ཚུགས་སུ་འདེབས་ཀྱིན་ཡོད་ནའང་། སྔ་རྗེས་སུ་བསྩལ་བའི་བཀའ་སློབ་རྣམས་དང་། ལྷག་པར་ཉེ་དུས་ཝཱ་རཱ་ཎ་སཱིར་ཆོས་ཞུ་བ་རྣམས་ལ།
ཞིང་པའི་བུ
དེང་སང་ང་ཚོས་ཚ་ཚ་འུར་འུར་གླེང་བཞིན་པ་གཅིག་ནི་བཀའ་བསྒྱུར་རྒྱུའམ་བཙོང་རྒྱུ་ཡིན་ལ། དེའི་ཐོག་བསམ་བློབ་ཞིག་གཏོང་ན་བོད་ཀྱི་ཡབ་མེས་ཆོས་རྒྱལ་དམ་པ་རྣམས་དང་ལོ་ཙཱ་བ་ཀ་ཅོག་ཞང་གསུམ་གཙོས་པའི་ཕ་མེས་ཡང་མེས་རྣམས་ཀྱིས་མི་འགྲོས་ཀྱི་ཡུ་བ་དང་། རྒྱུ་འགྲོས་ཀྱི་ནོར་རྫས་ཡོད་རྒུ་བཏང་ནས་ཆེས་རིན་ཐང་ཆེའི་རྒྱལ་བའི་བཀའ་འགྱུར་རིན་པོ་ཆེ་དང་རྗེས་འཇུག་མཁས་པ་རྣམས་ཀྱིས་དགོངས་འགྲེལ་དུ་བརྩམས་གནང་པའི་བསྟན་འགྱུར་གཉིས་པོ་ཕུན་སུམ་ཚོགས་པ་ཞིག་ང་ཚོའི་གཅེས་ནོར་དུ་བཞག་ཡོད།
མགོན་པོ་ཡེ་ཤེས།
———
གྲོང་ཚོའི་ཁ་བྱང་དུ་བསྟན་པའི་རི་ཁུག་ཞིག་ནས། ངུ་ཤུམ་ཞིག་གྲགས་ཀྱིན་འདུག ཉན་ཀྱིན་ཉན་ཀྱིན་སྐད་ངོ་ཤེས་ལ་ཁད་ཅིག་རེད། འོན་ཀྱང་ང་རང་གི་སེམས་ཁམས་གངས་རིའི་རྩེ་ལ་ཐུག་ཡོད་པས། དེ་ལ་དོ་སྣང་དེ་ཙམ་མ་བྱས། དེ་མུར་གླུ་རེ་བླངས་ནས་དེབ་ཅིག་ཀློག་སྟེ་བསྡད། མྱི་ཞིག་སླེབས་བྱུང་། ཁོས་ནམ་རྒྱུན་ང་ངོ་ཤེས་ཀྱང་། དེ་རིང་ང་ལའང་གཡོལ་ནས་ཕྱིན་སོང་། ཁོའི་ངོ་གདོང་ལ་མེ་ཤུགས་ཅུང་ཆེ་བའི་ཤེལ་མིག་ཞིག་གཡོག་ཡོད་པས། དེ་ནི་ཁོ་ལ་མཚོན་ན། ངོ་ཕོད་ཆེ་བྱེད་ཀྱི་རམ་འདེགས་རང་རེད།
རྣམ་ཤེས་འཁྱམས་པོའི་སྙན་རྩོམ་ལ་ཕུལ་བ།
ཉམས་འགྱུར་འོད་རིས་འཁྱོགསཔོའི་གུར་ཁྱིམ་འོག།
སྙན་ཚིག་བུང་བ་རྩེན་པའི་དགའ་ཚལ་དུ།།
སྒྱུ་རྩལ་ཚོན་རིས་བཀྲ་བའི་འཛུམ་བག་གིས།།
རྩོམ་རིག་དབྱར་གྱི་ལང་ཚོ་བརྟས་གྱུར་ཅིག།
བོད། ལྷ་ཀླུ་གཉན་གསུམ
བདེ་ས་ཞིག་ནས
སྐྱིད་ས་ཞིག་ནས
ཁུ་སིམ་ས་ཞིག་ནས
ང་ཡི་ཡོད་ཚད་ཁྱེད་ལ་དབང་བར་ཤོག
ང་ཡི་ཚེ་སྲོག་ཁྱེད་ལ་འཐིམ་པར་ཤོག
ང་ཡི་རྨི་ལམ་ཁྱེད་ལ་རྨིས་པར་ཤོག
ཞིང་པའི་བུ
རྣམ་པ་ཚོས་གཟིགས་དང་། ཅི་ཞིག་མཐོང་གི་འདུག སྤྱིར་ཚན་རྩལ་གྱི་འོད་རླབས་གོ་ལ་ཧྲིལ་པོ་འདིར་མ་ཆུད་པར་ཟླ་བའི་སྟེང་དུ་ཐོན་ཟིན་པའི་སྐབས་འདིར། མིག་ཡོད་ཚད་ཀྱིས་ཕུར་ཚུགས་སུ་བལྟ་ས་དང་། རྣ་བ་ཡོད་དོ་ལྕོགས་ཀྱིས་ཀྲོག་ཀྲོག་བྱས་ནས་ཉན་ས།
ཁ་འཕྲད་ལ་དོད་ཚད་ཀྱིས་གླེང་བཞིན་པ་ནི། ཕོ་མོ་དབྱེར་མེད། ཐོབ་ཐང་འདྲ་མཉམ། བརྩི་ཐང་གཅིག་གྱུར། ནུས་པ་ཁྱད་མེད་སོགས་དགོས་ཞེས་འབོད་བཞིན་པ་འདི་ལ།
རྫ་ཚེ་རིང་བཀྲ་ཤིས།
སྐད་ཆ་ཤོད་མཚམས་འདིར་སླེབས་དུས། སངས་རྒྱས་ཀྱིས། དགེ་བའི་བཤེས་དང་འཕྲད་པ་དཀའ། ཞེས་གསུངས་པ་དེ་ཤིན་ཏུ་བདེན་པ་རེད་དྲན། གང་རེད་ཅེ་ན། དེང་གི་དུས་སྐབས་འདིར་ནི་དེ་བས་ཀྱང་གནས་སྟངས་འདི་ཅུང་ཚབ་ཆེའི་ངོ་བོར་ཡོད་པ་རེད།
འོན་ཀྱང་ཁྱོད་ཀྱིས་ངེས་པར་དུ་སངས་རྒྱས་ཀྱི་ཆོས་པ་ཞིག་བྱེད་པར་འདོད་ན། ངེས་པར་དུ་ཡང་དག་པའི་དོན་གྱི་ཉམས་ལེན་དང་མཇལ་བར་འདོད་ན།
དེ་ལས་མང་བ་། “ངས་ཁྱེད་ལ་དགོས་པའི་དྲིས་ལན་ཁ་ཤས་འཁོ་འདོན་བྱ་རྒྱུ་ཡིན།” »
ཐེ་བོ་ཤེས་རབ་རྒྱ་མཚོ།
དགའ་འོས་པ་ཞིག་ལ་ཆུ་ཚོད་ཁ་ཤས་སྔོན་《དུས་བབ་》ཀྱིས་ཁེ་ཉིན་པར་རྒྱ་ནག་གིས་མྱི་སྐད་ཆེས་ཐོག་མར་བཤད་པའི་གསར་འགྱུར་དེ་ངའི་མིག་ལམ་དུ་བསྐྱལ་ནས་སླེབས་བྱུང་།
དེ་དང་བསྟུན་ནས་མཆན་བུ་བ་ཞིག་གིས་བོད་ཀྱི་རྒྱལ་གླུ་འདི་ཡང་ བསྒྱུར་བཅོས་གཏང་དགོས་པའི་བསམ་འཆར་རྙིང་ཟད་དུ་གྱུར་བ་ཞིག་དྲུད་ནས་སླེབས་ བྱུང་། མཆན་བུ་བའི་བསམ་འཆར་འདི་གསར་པ་གང་ཡང་མིན་སྟབས་འདིས་ང་ལ་འགུལ་སྐྱོད་ཅི་ཡང་ བཏང་མ་བྱུང་།
དེ་ལས་མང་བ་། “ཁེ་ཉིན་པར་རྒྱ་ནག་གིས་མྱི་སྐད་ཆེས་ཐོག་མར་བཤད་པ།” »
ཀུན་དགའ་དོན་འགྲུབ།
སྤྲིན་གྱི་ཡོལ་རས་སངས་བའི་ཀུན་གསལ་དབྱིངས་སུ།།
ཁྲ་ཚོམ་མེ་ལོང་གཤམས་པའི་སྐར་འོད་དབུས་སུ།།
ཟླ་བ་སྒེག་མོའི་འཛུམ་གྱི་ཟེགས་མ་མངོན་དུས།།
བུ་མོ་ཚེ་རིང་མཁའ་འགྲོའི་ཞལ་རས་དྲན་བྱུང་།།
