བརྩེ་དུང་ཟེར་བ་འདི་ག་རེ་རེད། མཚན་ཉིད་སྨྲ་མཁན་ཞིག་ཡིན་ན། མཚན་ཉིད་འཇོག་དཀའ་བའི་དངོས་པོ་ཞིག་དགོས་ན་བརྩེ་དུང་ཟེར་བའི་ཡིག་འབྲུ་གཉིས་ཁྱེར་ཞོག
བརྩེ་དུང་ཟེར་བ་འདི་ཨེ་ཤེས་ལགས། མི་ཤེས་ན། དྲང་བདེན་སྨྲ་མཁན་ཞིག་གི་མིག་ངོར་ཆེས་ཕྱོགས་མཐར་ལྷུང་བའི་དངོས་པོ་ཞིག་རེད།
བརྩེ་དུང་ནི། འདི་འདྲ་ཞིག་རེད། གནས་ལུགས་དང་རྒྱུ་མཚན་བཤད་ནས་ཁམས་གསུམ་དབང་དུ་སྡུད་མཁན་ཞིག་ཡིན་ནའང་། བརྩེ་དུང་གི་མདུན་ཁོ་ནར་ཁོས་སྨྲ་བ་མེད་པའི་བརྟུལ་ཞུགས་མ་བཟུང་རང་བཟུང་ཆགས་ཀྱི་ཡོད།
སྙིང་གི་ཚིལ་ལུ། ཆུང་འདྲིས་བྱམས་པར་ཕུལ་བའི་མཐའ་མའི་བརྩེ་འཕྲིན་ཞིག
ཚེ་རིང་སྐྱིད་ཀྱིས།
སྙིང་ཉེ་བའི་རྒྱང་རིང་གི་མི་ཡ། ངས་མིག་ཆུ་མེད་པའི་སྡུག་བསྔལ་གྱི་གཏིང་རིམ་ཞིག་ཏུ་ཁ་གཏད་དུ་འབར་གྱིན་པའི་མེ་རླབས་དང་དེའི་ནང་དུ་ཙག་སྒྲ་དང་བཅས་འབར་གྱིན་པའི་ཉིན་ཐོ་འབྲི་དེབ་དེ་ཚོར་ཅེར་བཞིན། འདས་དོན་གྱི་གཏམ་རྒྱུད་གསལ་གསལ་ཐིང་ཐིང་ཕྱིར་དྲན་གྱི་ངོགས་སུ་དྲངས། ངས་བརྗེད་མེད་པའི་ལོ་ཟླ་རེ་རེ་དང་དུས་ཚིགས་རེ་རེ་ནི་ངའི་མཛེས་པའི་ལང་ཚོའི་དཀྱོགས་མཚམས་རེ་རེ་དང་འདྲ་ལ། ཁྱེད་ཉིད་དྲན་ཤིང་བར་བཅུག་ཏེ་ལོ་ཟླ་གང་མང་ཤོར་སོང་བར་འཛུམ་མདངས་དང་ཁེར་བཤད་ཅིག་གིས་བདེ་མོ་འཇོག་དགོས་བྱུང་།
སློབ་ཆུང་ལོ་རིམ་དྲུག་པ་ནས་ང་རང་ཁྱེད་ཉིད་དང་བྲལ་བ་མེད་པའི་གྲིབ་མ་དེར་གྱུར་ཞིང་། ངས་རང་གི་མི་ཚེ་དམིགས་ཡུལ་ཡང་ཁྱེད་ཁོ་ན་ཡིན་པར་འདོད་དེ། ཁྱེད་ཉིད་ནི་ང་ལ་ཐོབ་འདོད་པའི་མངའ་ཐང་དང་ལོངས་སྤྱོད་ཁོ་ན་དེ་ཡིན་པར་འདོད། ཁྱེད་ཀྱིས་ཨེ་ཤེས།
དེ་ལས་མང་བ་། “སྙིང་གི་ཚིལ་ལུ། ཆུང་འདྲིས་བྱམས་པར་ཕུལ་བའི་མཐའ་མའི་བརྩེ་འཕྲིན་ཞིག” »
ཨི་ཇིབ་ཀྱི་གསར་བརྗེའི་རྒྱལ་ཁ།
རྨ་མགུར་སངས་རྒྱམ།
བརྩེ་བའི་འགྲོ་བ་མིའི་ཐོབ་ཐང་གི་རྩོད་ལེན་པ་ཚོས་རྒྱལ་ཁབ་ཀྱི་དམངས་གཙོ་དང་འགྲོ་བ་མིའི་ཐོབ་ཐང་གི་ཆེད་དུ་སྲིད་འཛིན་སྒེར་སྤྱོད་པ་དང་མཉམ་དུ་བདུན་ཕྲག་གཉིས་རིང་དུ་འཐབ་རྩོད་བྱས་པའི་ཁྲོད་དུ་ཁྱེད་ཚོ་ལ་རླབས་ཆེ་བའི་རྒྱལ་ཁ་ཐོབ་པར་དགའ་སྟོན་རྟེན་འབྲེལ་ཞུ་བ་དང་མིའི་རིགས་ཀྱི་དམངས་གཙོའི་རང་དབང་དང་འགྲོ་བ་མིའི་ཐོབ་ཐང་ནི་ཨི་ཇིབ་རྒྱལ་ཁབ་ཀྱི་རྒྱ་ཆེ་བའི་མི་དམངས་ལ་ལོངས་སུ་སྤྱོད་པའི་སྐལ་བ་བཟང་བའི་གོ་སྐབས་ཐོབ་ཡོད།
ལྷོ་སོའུ་དན་རང་བཙན།
འབྲི་མཁན། དཔལ་ལྡན་རྒྱལ
ལྷོ་སོའུ་དན་མི་མང་གི་སེམས་གཏམ།
ཟླ་བ་གཉིས་པའི་ཚེས་༧ ཉིན་སོའུ་དན་གྱི་འོས་འདེམས་ལྷན་ཚོགས་ཀྱིས། ལྷོ་སོའུ་དན་གྱི་མི་མང་གི་བརྒྱ་ཆའི་༩༨.༨༣ གྱིས་ཡུལ་དེ་རང་བཙན་བྱེད་རྒྱུའི་འདོད་མོས་ཡོད་པའི་གནས་ཚུལ་གསལ་བསྒྲགས་བྱས་ཡོད་པ་རེད། འོས་འདེམས་ནང་ལྷོ་སོའུ་དན་གྱི་རང་བཙན་བྱེད་རྒྱུར་འདོད་མོས་ཡོད་པའི་འོས་ཤོག ༣༧༩༢༥༡༨ བྱུང་ཡོད་པ་ནི་འོས་ཤོག་ཡོངས་ཀྱི་བརྒྱ་ཆའི་༩༨.༨༣ ཟིན་ཡོད་པ་དང་། ལྷོ་བྱང་སོའུ་དན་གཉིས་གཅིག་གྱུར་བྱེད་རྒྱུར་འདོད་མོས་ཡོད་པའི་འོས་ཤོག ༤༤༨༨བྱུང་ཡོད་པ་ནི་འོས་ཤོག་ཡོངས་ཀྱི་བརྒྱ་ཆའི་ ༡.༡༧ ཟིན་ཡོད་པ་རེད།
བློ་བཟང་སེང་གེ་ཟེར་བའི་མི་དེ།
ཤ་ཀླན་འཇམ་དབྱངས་གྲགས་པ།
འདུས་བྱུང་ཕུན་ཚོགས་ཚེ་རིང་ལགས་ཀྱི་རྩོམ་ཡིག་༼ང་ཚོས་བདམས་པའི་མི་དེ་བཀའ་བློན་ཁྲི་བ་རྩེ་ཕུད་ཅིག་ཨེ་ཡིན་༽ཞེས་པ་བཀླགས་རྗེས།
(རྩོམ་ཡིག་འདིའི་འགན་ཡོངས་རྫོགས་རྩོམ་པ་པོས་ཁུར་རྒྱུ་ཡིན།)
དེ་རིང་ངས་གླེང་བར་བྱ་བ་ནི་འདུས་ཕུན་ལགས་ཀྱིོ་རྩོམ་ཡིག་དེ་ཡིན་ལ་དགོས་དབང་གིས་བློ་སེང་གི་ལོ་རྒྱུས་ཀྱང་མི་ཉུང་བ་ཞིག་བཤད་དགོས་བྱུང་ན། དགོངས་དྭངས་སྔོན་ནས་ཞུ་རྒྱུ་ཡིན། འདུས་ཕུན་གྱི་རྩོམ་ཡིག་འདི་འོག་ནས་ཡར་བཀླགས་ནས་དཔྱད་པ་ཞིག་བཏང་ན་དོན་ངོ་མཚར་བ་མང་པོ་དང་། བློ་ཕྱོགས་གཅིག་པའི་གཏམ་མང་དུ་ཡོད་པ་ཤེས་ངེས་པས། ད་རེས་ངས་ཀྱང་འོག་ནས་མགོ་བཙུགས་ཏེ་དཔྱད་པ་ཞིག་བྱེད་འདོད།
བོད་ལ་རེ་བ་ཨེ་འདུག
ལན་ཞིག་གི་ཡང་ལན་དུ།
བསྟན་འཛིན་ཤེས་རབ།
མཐའ་མཚམས་རྫ་རིས་སྐོར་བ་དང་།།
ཀ་ཡིག་དུར་རྡོར་ཕབ་ལེ་དེ།།
ལོ་ངོ་བརྒྱ་རང་མི་དགོས་དེ།།
ད་ནས་མངོན་དུ་འགྱུར་བཞིན་འདའ།།
མིག་ཆུ་མེད་པའི་དུས་ཤིག་ལ་སྒུག་ཡོད།
བོད། ལྷ་ཀླུ་གཉན་གསུམ།
ཉི་མ་རེ་རེ དུས་ཚོད་རེ་རེ
ཡང་ན སྐར་ཆ་རེ་རེ
ངའི་གདོང་གི་མིག་ཆུ་འདི་སྐམ་སོང་ན
ད་གཟོད་ང་ ངའི་རྨི་ལམ་དེ་ལས་ཐར་ཡོད་སྲིད
ཨི་ཇིབ་རྒྱལ།
དེ་རིང་ ཨི་ཇིབ་མི་དམངས་སྟོང་ཕྲག་དང་ཁྲི་ཕྲག་གིས་ ངོ་རྒོལ་སྐད་འབོད་བྱས་ཏེ་ ཉིན་་༡༨ ཕྱིན་པའི་སྐབས་འདིར། སྲིད་འཛིན་ མུའུ་བྷ་རག་ སྲིད་འཛིན་ནས་ཕྱིར་འབུད་བཏང་ཡོད་འདུག སྐབས་དེར་མི་དམངས་ཀྱིས། “ང་ཚོས་སྲིད་འཛིན་མཐར་སྐྲོད་བཏང་བ་ཡིན།”སོགས་ཀྱི་སྐད་འབོད་དང་བཅས་དགའ་བའི་གླུ་དབྱངས་ལེན་བཞིན་ཡོད་འདུག ཁ་སང་དགོང་མོར་སྲིད་འཛིན་དེས་རྩ་དགོངས་ཞུ་རྒྱུ་མིན་པའི་གཏམ་བཤད་བྱས་མོད། མི་དམངས་ཀྱི་ངོ་རྒོལ་ཤུགས་ཆེ་རུ་ཕྱིན་པའི་རྒྱུ་རྐྱེན་ལ་བརྟེན་ནས། དམག་མིས་ཁོང་དགོངས་ཞུ་བྱེད་བཅུག་ཡོད་པ་རེད་ཟེར།
ལ་རྩེ་ཚང་གི་སྙིང་གི་ཚི་ལུར་དྲ་ཐོག་ནས་བལྟ་ཐུབ་ཟེར།
དུས་ཚོད། རེས་གཟའ་པ་སངས། སྤྱི་ལོ་༢༠༡༡ལོའི་ཟླ་བ་༢པའི་ཚེས་༡༡ཉིན། ཆུ་ཚོད། ༦ནས་༨བར། ས་གནས། ལ་རྩེ་དཔེ་མཛོད་ཁང་། གཤམ་གྱི་དྲ་བྱང་བརྒྱུད་དྲ་ཐོག་ནས་དུས་སྟོན་ལ་རོལ་ཐུབ་ཟེར། http://www.trace.org/home.html#2 སང་ཉིན་དགོང་དྲོར། ནེའུ་ཡོག་གི་ལ་རྩེ་དཔེ་མཛོད་ཁང་དུ། བརྩེ་དུང་གི་དུས་སྟོན་ཞིག་ཚོགས་ཀྱི་འདུག་ཅིང་། ཚོགས་འདུ་དེའི་ཆ་ཤས་གཅིག་ནི། སྙིང་གི་ཚི་ལུའི་སྐོར་རེད། སྙིང་གི་ཚི་ལུའི་ལས་རིམ་དེའི་ཁོངས་སུ།…
དེ་ལས་མང་བ་། “ལ་རྩེ་ཚང་གི་སྙིང་གི་ཚི་ལུར་དྲ་ཐོག་ནས་བལྟ་ཐུབ་ཟེར།” »
བུ་མོ་རྣམ་རྒྱལ་སྒྲོལ་དཀར་དང་རྒྱ་གར་མི་སེར་ལག་འཁྱེར།
གསར་འགོད་པ། བནྡེ་སྐྱབས།
ཉེ་ལམ་རྡེ་ར་རྡུན་བོད་མིའི་གཞིས་སྒར་བདེ་སྐྱིད་གླིང་གི་བུ་མོ་རྣམ་རྒྱལ་སྒྲོལ་དཀར་ལགས་ཀྱིས་རྒྱ་གར་གཞུང་གི་རྩ་ཁྲིམས་ཀྱི་ནང་དོན་གཞིར་བཟུང་། ལྡི་ལི་གྲོང་ཁྱེར་རྒྱ་གར་ཡུལ་མིའི་ལག་འཁྱེར་ཐོ་འགོད་ལས་ཁུངས་(passport office)དང་། རིམ་གྱིས་རྒྱ་གར་ལྡི་ལི་མཐོ་རིམ་ཁྲིམས་ཁང་བཅས་ལ་ཞུ་གཏུག་བྱས་མཐར་རྒྱ་གར་མི་སེར་ལག་འཁྱེར་༼ Indian citizenship༽ཞེས་པ་དེ་རག་ཡོད་འདུག་ལ། དེ་ནི་རྒྱ་གར་ནང་ཡོད་པའི་བོད་པ་སྐྱབས་བཅོལ་བ་ཞིག་ལ་ཁྲིམས་ཐོག་ནས་རྒྱ་གར་མི་སེར་ལག་འཁྱེར་རག་པ་ཐེངས་དང་པོ་དེ་ཆགས་ཡོད་འདུག
དེ་ལས་མང་བ་། “བུ་མོ་རྣམ་རྒྱལ་སྒྲོལ་དཀར་དང་རྒྱ་གར་མི་སེར་ལག་འཁྱེར།” »
མཚང་ལ་ཕོག་ན་འཕུང་ལ་སྦྱོར།
‘’དྲང་མོར་བཤད་ན་མི་མི་དགའ། དབྱུག་པ་ཕྱར་ན་ཁྱི་མི་དགའ།’’
བོད་ཀྱི་གཏམ་དཔེ།
ཤིས་ཚང་ལྗང་མྱུག
ནེམ་ཤ་འཁྱུད་པའི་ལྗང་ལོའི་ཚེ་སྲོག་སྟོན་གྱི་རླུང་བུས་ཁྱུར་མིད་བྱེད།།
དཀར་འོད་ཆེམ་པའི་ཟླ་བའི་ལང་ཚོ་སྤྲིན་ནག་ལེབ་མོས་ཧར་གྱིས་སྒྲིབ།།
འཆར་དང་ནུབ་པའི་རྟ་བདུན་གཞོན་ནུའང་ཉིན་དང་ཞག་གི་འཁོར་གྱིས་བཟུང་།།
འཕེལ་དང་འགྲིབ་པའི་ཆོས་ཉིད་ཀློང་དུ་རྐང་གཉིས་འགྲོ་འདི་གཏན་དུ་ཐོགས།།
ཨི་ཇིབ་དང་བོད་ལ་འབྲེལ་བ་ཡོད་དམ།
བོད་ཡིག་གི་དྲ་རྒྱ་དག་ན་ ཨི་ཇིབ་ཀྱི་སྐོར་ལ་གླེང་སློང་མེད་པའམ་ཉུང་བ་དེས་རྐྱེན་བྱས་ཏེ། ཨི་ཇིབ་ཀྱི་སྐོར་ལ་གསར་འགྱུར་ཞིག་འབྲི་རྩིས་བྱས་མོད། ད་དུང་ལྕོགས་མ་སོང་། ཨི་ཇིབ་ཀྱི་རྙོག་ཁྲ་འདི་དག་བྱུང་ནས་ད་ཆ་བདུན་ཕྲག་གསུམ་མ་ཟིན་ཙམ་འགྲོ་བཞིན་ཡོད་པ་དང་། མི་དམངས་ཀྱི་སྟོབས་ཤུགས་ལ་བརྟེན་ནས་གཞུང་མགོ་རྟིང་སློག་ལ་ཉེ་བའི་དུས་ཚོད་ཅིག་ཏན་ཏན་རེད། ཨེ་ཤ་ཡ་རང་དབང་རླུང་འཕྲིན་དང་ཨ་རིའི་བོད་སྐད་རླུང་འཕྲིན་དག་ན་འདིའི་སྐོར་གྱི་བོད་ཡིག་གསར་འགྱུར་རེ་རྟག་པར་མཐོང་རྒྱུ་འདུག དེ་རིང་ཨེ་ཤ་ཡ་རང་དབང་རླུང་འཕྲིན་ཁང་གི་དྲ་རྒྱའི་ཐོག་ན། “རྒྱ་ནག་མི་དམངས་ལ་ཨི་ཇིབ་ནང་གི་ངོ་རྒོལ་ལས་འགུལ་གྱི་གསར་འགྱུར་རིགས་དྲ་རྒྱའི་ནང་ནས་ལྟ་ཀློག་བྱེད་རྒྱུ་མེད་པ་བཀག་འགོག་བྱས་པ།” ཞེས་འཁོད་པའི་གསར་འགྱུར་ཞིག་འདུག དེ་བཞིན་ཨ་རིའི་བོད་སྐད་རླུང་འཕྲིན་དུ་ཡང་ “ཨི་ཇིབ་ཀྱི་སྲིད་འཛིན་གྱིས་་བཅོས་བསྒྱུར་བྱ་རྒྱུ་ཁྱབ་བསྒྲགས་གནང་ཡོད་པ།”ཅེས་འཁོད་པའི་གསར་འགྱུར་ཞིག་སྤེལ་འདུག རང་ཉིད་ལ་མཚོན་ན་ ཨི་ཇིབ་ཀྱི་གླེང་རྙོག་འདི་བྱུང་མ་ཐག་ནས་ཤེས་འདོད་པ་ནི་རྒྱ་ནག་གཞུང་གིས་འདི་ཐད་རྣམ་འགྱུར་སྟོན་སྟངས་ག་འདྲ་ཡིན་མིན་དེ་ཡིན། དམིགས་བསལ་གྱིས་ཨ་རིའི་གསར་འགྱུར་བརྒྱུད་ལམ་ཆེ་ཁག་དག་གིས་…
སྙིང་གི་ཚི་ལུའི་ཚིལ་ལན།
གསལ་ལེ་རྒྱལ།
རྒས་གཉེར་གྱིས་བཀབ་པའི་ངོ་གདོང་དང་ས་རྡུལ་གྱིས་གཡོག་པའི་མེ་ལོང་གཉིས་ཁ་གཏད་དུ་ལང་ནས་ཕན་ཚུན་ལ་ཡུན་རིང་ཅེར་རྗེས། རང་ཉིད་ངོས་མ་ཟིན་པའི་བེམ་པོ་དེའི་ལྟེབས་ཁུག་ནས་འཕུར་བའི་སེམས་པ་ཞིག་ངའི་གྲིབ་གཟུགས་ལ་འཐུམས་སོང་ཟེར། གཟན་ཤུབ་གྱིས་བཏུམ་པའི་བེམ་པོ་ཞིག་དྲ་ལམ་གང་མང་ན་ངའི་ཕྱོགས་སུ་གཡུག་བཞིན་པ་མཐོང་ནའང་། ཐག་རིང་ནས་མཐོང་ཚེ་རྒྱུག་ཡོང་ལ་ཐག་ཉེ་ལ་སླེབས་ཚེ་བྲོས་འགྲོ་བ་དེ་ངས་བླ་རྒན་ཞིག་གི་རྩེད་མོར་རློམ་ཡོད། གང་ལྟར་ང་རང་ཨ་རིར་འབྱོར་བ་དེས་མི་ལ་ལའི་རྨི་ལམ་འཁྲིགས་ཡོད་པ་འདྲ་ལ་ཁ་ཤས་ཀྱི་འཆར་གཞིའང་འཐོར་ཡོད་པ་འདྲ་མོད། ཡིན་ནའང་ང་ལ་ཉེས་བ་ཅི་ཡང་མེད་དེ། ཁམས་འདྲི་ཞིག་བྱས་བ་རིགས་ཞེན་ཡིན་ལ་གུས་ཕྱག་ཅིག་ཕུལ་བ་དད་པ་ཡིན། ད་དུང་གསལ་བོར་བཤད་དགོས་བ་ཞིག་ལ་དད་པ་ནི་ངའི་ཉལ་སའི་ནང་གི་རྩེད་ཆོས་མིན།
ཞོགས་པ་ཞིག་ལ།
འབྲོག་རུ་ཆོས་གྲགས།
ང་རང་ཉིན་རྒྱུན་ལྟར་སྔ་བོ་ལངས་ནས་ཁ་སང་དགེ་རྒན་གྱིས་སྤྲད་པའི་ནང་སྦྱོང་ནང་གི་དབྱིན་ཇིའི་མིང་ཚིག་དེ་དག་བློར་འཛིན་ཆེད་ཁང་ཐོག་ལ་སོང་། སྐབས་དེར་སྐྱ་རེངས་གསལ་ལ་ཉེ་བ་འདུག ད་སྐབས་གནམ་གཤིས་འཁྱག་པས་ཡིན་ནམ། གཏི་མུག་ལྗིད་པས་ཡིན། གང་ཡིན་ཆ་མ་འཚལ་མོད། ངའི་ཁོར་ཡུག་ཡོད་ཚད་ད་དུང་གཉིད་ལ་ཡུར་འདུག ངས་འབྲི་དེབ་ཀྱི་ཁ་ཕྱེས་ནས་དབྱིན་ཇིའི་མིང་ཚིག་དེ་དག་བསྐྱར་ཟློས་ཡང་ཟློས་བྱས། དུས་ཡུན་ཅུང་ཙམ་ཕྱིན་རྗེས་ང་རང་འདར་ཟུག་བརྒྱབ་བྱུང་། རྐང་ལག་དང་ལུས་པོ་ཡོད་ཚོད་འདར་ཟུག་བརྒྱབ་བྱུང་། ཡིན་ནའང་། ངས་ཟློ་བཞིན་པའི་ཚིག་གྲུབ་དེ་དག་གིས་ངའི་སེམས་ལ་དྲོད་ཁོལ་སྤྱིན་བྱུང་པས་ངས་མུ་མཐུད་དུ་དེའི་ནང་དོན་ལ་བསམ་གཞིག་བྱས། ཚིག་གྲུབ་དེ་དག་ནི་འདི་ལྟར།
སའི་གོ་ལ་འདི་འཇིག་ན་ཐང་ཀི
Apophis asteroid will probably almost certainly not smash into Earth, say scientists Apophis asteroid: Russian…
མཛེས་མ། ལྕགས་སྒྲོག་དམར་བོའི་ལྡེ་མིག།
ཉི་མ་འཚོ་དང་གསལ་ལེ་རྒྱལ་གཉིས་ཀས་མཉམ་དུ་བྲིས།
————
(འདི་ནི་རྒད་པོ་ཞིག་གིས་རང་གི་བུ་མོ་ཁྲིད་ནས་དགོན་པར་མག་པ་སློང་དུ་སོང་བའི་དངོས་སྒྲུང་ཞིག་ལ་གཞི་བཅོལ་ནས་བྲིས།)
གཅིག
ཨ་ཁུ་པདྨས་རང་གི་བུ་མོ་གཉིས་ཀ་ཁྲིད་ནས་ཞོགས་པ་སྔ་མོར་དགོན་པར་སླེབས་སོང་། ཚོགས་ཚོགས་བཞིན་པའི་གོ་སྐབས་དེ་དམ་འཛིན་བྱས་ནས་སླེབས་སོང་། ཁོ་ཚོས་ཚོགས་ཆེན་འདུ་ཁང་གི་སྒོ་ནས་རྐྱང་ཕྱག་གསུམ་རེ་འཚལ་རྗེས་ག་ལེར་ནང་དུ་འཛུལ། ཕ་རྒན་པུས་བཙུག་གིས་གྲལ་མཐར་བསྡད་ཅིང་དེའི་གཡས་ནས་བུ་མོ་ཆེ་བ་དང་གཡོན་ནས་བུ་མོ་ཆུང་བ་བསྡད། ཁོ་ཚོས་ལག་པ་ཐལ་མོ་སྦྱར་ཞིང་མིག་ཟུང་ཤུགས་ཀྱིས་བཙུམ་ནས་གསོལ་བ་རྩེ་གཅིག་ཏུ་འདེབས་སྟངས་དེ་ནི། ཆོས་སྒོར་ཞུགས་པའི་དགེ་འདུན་པ་ཚོར་རང་ཉིད་ལ་ཞུ་དག་ཐེངས་གཅིག་བྱེད་རོགས་ཞེས་ཞུ་བ་བྱེད་པ་དང་འདྲ།
འགྲོ་བ་ཕན་ཕྱིར་སངས་རྒྱས་འགྲུབ་པར་ཤོག ་་་་་་་་་། དགེ་བ་འདི་དག་ཐམས་ཅད་རབ་ཏུ་བསྔོ།
ཝ་ར་ཎཱ་སིར་བསྐྱོད་པའི་ཟིན་ཐོ
ཤིས་ཚང་ལྗང་མྱུག
ཐོག་མའི་གླེང་སློང་།
དེ་ཡང་བདག་ཅག་གི་སྟོན་པ་ཐུགས་རྗེ་ཅན་གང་ཉིད་ཐོག་མར་ཡུལ་ལིམ་བི་ནིའི་སྐྱེད་ཚལ་དུ་སྐུ་འཁྲུངས་པ་ནས་མཐར་གནས་རྩྭ་མཆོག་གྲོང་དུ་སྐུ་མྱ་ངན་ལས་མ་འདས་བར་གྱི་མཛད་ཆེན་དག་ཡུལ་གང་དང་གང་དུ་བསྟན་པའི་གནས་ཤུལ་ལ་མཇལ་སྐོར་དུ་འགྲོ་བ་ནི་སྟོན་པ་གང་གི་རྗེས་འཇུག་པ་སྤྱིའི་བསྒྲུབ་བྱར་གྱུར་པའི་ཆོས་ཀྱི་བྱེད་སྒོ་རིགས་ཤིག་ཡིན་ལ། ལྷག་དོན་འུ་ཚོའི་བོད་མི་རིགས་ལ་མཚོན་ན་ཕ་མེས་ནས་བརྒྱུད་པའི་གོམས་སྲོལ་གཤིས་ལ་བསྒོས་པ་ཞིག་ཏུ་གྱུར་ཡོད། ཆོས་ཀྱི་བྱེད་སྒོ་དེའི་ཆེད་དུ་འུ་ཚོའི་མེས་པོ་སྔ་མ་དག་གིས་རྒྱང་རིང་རྒྱང་རིང་ནས་སྤྲིན་དཀར་ཐོད་དང་ས་ནག་འདོམ་ལ་གཞལ་ཏེ་རྒྱང་གྲགས་སྟོང་ཚོ་དུ་མའི་ལམ་ཐག་དཀའ་བའི་ཚེགས་ལ་བརྒྱུས་ཏེ་ཡོང་ཡོད་ལ།
༄༅། །ཅིའི་ཕྱིར་བློ་བཟང་སེང་གེ་མཆོག་ལ་སྔོན་འགྲོའི་འོས་མང་ཤོས་ཐོབ་པ་རེད་དམ།
སྨན་རམས་པ་ངག་དབང་སྦྱིན་པ་བསུ་སྣང་གིས་བྲིས།
ཕྱི་ལོ ༡༩༦༠།༠༩།༠༢ ཉིན་ྋསྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་གིས་དཔལ་ལྡན་སྤྱི་འཐུས་ལྷན་ཚོགས་གསར་འཛུགས་གནང་བ་དུས་དེ་ནས་བཟུང་ཕ་མས་ཕྲུག་གུ་གསོ་སྐྱོང་ལྟར་ངལ་བར་ཡེ་ནས་མ་འཛེམས་པར་དུས་ནས་དུས་སུ་ལམ་སྟོན་དང་སྦྲགས་མང་གཙོའི་ལམ་སྲོལ་མི་མང་ལག་ཏུ་ནན་གྱིས་གོ་བསྐོན་གནང་བ་དེའི་གྲུབ་འབྲས་སུ་བཙན་བྱོལ་གཞུང་མང་ཡོངས་ཀྱི་གནས་སྟངས་སྤྱི་དང༌།
དེ་ལས་མང་བ་། “༄༅། །ཅིའི་ཕྱིར་བློ་བཟང་སེང་གེ་མཆོག་ལ་སྔོན་འགྲོའི་འོས་མང་ཤོས་ཐོབ་པ་རེད་དམ།” »
མཚང་འབྱིན་སྟོང་བའི་གླུ།
བོད ལྷ་ཀླུ་གཉན་གསུམ།
ཉན་དུས་ལྷ་ཡང་གསོན་པོ་བཞུགས་པ་འདྲ།།
བརྟག་དུས་རང་གཤིས་འདི་ཡང་འདྲེ་དང་མཚུངས།།
བཤད་ན་ཀུན་ཡང་གཉེན་དུ་ལྟ་དགོས་བརྗོད།།
སྨྲ་བརྗོད་དབང་བའི་མི་ཚོགས་སྔར་བཞིན་འཚོ།།
སྤྱི་འཐུས་འདིས་སུ་ཞིག་གི་སྐུ་ཚབ་བྱེད།
འཇམ་དཔལ་ཚུལ་ཁྲིམས།
ཉེ་སྔོན་བོད་མི་མང་སྤྱི་འཐུས་འོས་གཞི་གསལ་བསྒྲགས་གནང་ཟིན་ནས་མི་རིང་བར་དངོས་གཞིའི་འོས་བསྡུ་ཆེན་མོ་བྱ་འཆར་ཡོད་པས་འདི་དང་འབྲེལ་བའི་དོན་དོན་ཞིག་བརྗོད་འདོད། ང་ཚོ་དམངས་གཙོ་ལ་ཕྱིན་པ་འདི་གོམ་ཁ་དལ་རུང་། གོམ་པའི་ཁ་ཕྱོགས་འཁྱུག་མེད་པར་འདོད། འོན་ཀྱང་འདིའི་ནང་དུ་ནང་གི་གོ་རྟོགས་ཀྱི་ཆ་ནས་ན་ཚོད་སྨིན་མེད་པ་སྨྲོས་པས་མི་ལང་ཞིང་། དེ་ཕར་ཞོགས།
