གཟའ་ཟླ་བའི་གོད་ཆག་དེ་བྱུང་སྐབས་ ཕྲན་གྱིས་ཟླ་གཅིག་ཙམ་གྱི་གོང་དུ་ཁོང་ལ་བཅར་འདྲི་ཞིག་ཞུས་ཡོད་པ་དེ་དྲན་ནས། སྒྲ་འཇུག་འཁོར་ཐག་ནས་གློག་རྡུལ་ཅན་དུ་བསྒྱུར་བའི་འབད་པ་བསྟུད་མར་བྱས་འབྲས་སུ། དེ་རིང་བཅར་འདྲི་དེ་ཉན་ཐུབ་པ་ཞིག་བཟོ་ཐུབ་བྱུང་། བཅར་འདྲི་འདི་དབྱིན་སྐད་དུ་ཡོད་ལ། སྒྲ་གསལ་པོ་མེད་ཁར་ང་ཚོ་ནང་མོལ་གྱི་ཚུལ་དུ་བཅར་འདྲི་ཞུས་པ་ཞིག་ཡིན་སྟབས་གོ་རིམ་འཆོལ་བ་སོགས་ཡོང་སྲིད་པ་རེད། གང་ལྟར་དེ་རིང་འདིར་འཇོག་དོན་ནི། ཁོང་གི་ཆོད་སེམས་དང་སྤོབས་པ། ལ་རྒྱ་སོགས་འདི་ནས་གསན་ཐུབ་པ་ཞིག་ཡོང་ཆེད་ཡིན་ལགས། དམ་པ་ཁོང་མགོན་པོ་སྤྱན་རས་གཟིགས་ཀྱིས་ཚེ་རབས་ནས་ཚེ་རབས་སུ་རྗེས་སུ་འཛིན་སྨོན་འདུན་ཞུ། གཤམ་གྱི་འབྲེལ་ཐག་ལ་བསྣུན་ནས་གསན་རོགས་ཞུ། jigme-norbu interview

༄༅༎ ཨ་རིའི་མངའ་སྡེ་བུ་རྒྱས་གནས་ཤར་ལྷོ་བསུ་དཔལ་བོད་རིགས་སྤྱི་མཐུན་ཚོགས་པའི་ངོས་ནས། དམིགས་བསལ་གྱིས་སྲས་འཇིགས་མེད་ནོར་བུ་མཆོག་བོད་དོན་འབའ་ཞིག་གི་ཆེད་སྐུ་གཤེགས་པར་མྱ་ངན་དང་། ཁོང་གི་རླབས་ཆེན་མཛད་རྗེས་ལ་རྗེས་དྲན་དང་གུས་འདུད་ཞུ་བཞིན་ཡོད། སྲས་འཇིགས་མེད་ནོར་བུ་མཆོག་དང་། ང་ཚོའི་ཚོགས་པ་དང་ས་གནས་བོད་རིགས་མི་མང་གི་བར་ལ་འབྲེལ་བ་དམིགས་བསལ་ཞིག་ཡོད་པ་ནི། ཕྱི་ལོ་ ༢༠༠༦ ལོར། ཁོང་གིས་དབུ་འཁྲིད་འོག ང་ཚོའི་ས་གནས་བོད་མི་རྣམས་མཉམ་ཞུགས་ཀྱིས། ཤར་ལྷོ་བསུ་དཔལ་ནས་མགོ་བཙུགས་ཏེ། ཨ་རིའི་རྒྱལ་ས་ཝ་ཤིན་ཀྲོན་བར་ཉིན་གྲངས་བཅུ་བཞིའི་རིང་བོད་རང་བཙན་ཆེད་ཞི་བའི་གོམ་བགྲོད་བྱས། འཇིགས་མེད་ནོར་བུ་ལགས་ཀྱིས་ད་ཐེངས་ཀྱི་གོམ་བགྲོད་འདིའི་མགོ་འཛུགས་སྐབས། ངའི་གོམ་བགྲོད་འདི་དག་ནི།…

དེ་ལས་མང་བ་། “རྒྱལ་གཅེས་དཔའ་བོ་འཇིགས་མེད་ནོར་བུ་མཆོག་གི་མཛད་བཟང་རྗེས་སུ་དྲན་པ།” »

བོད་མིའི་ཆོས་སྲིད་གཉིས་ཀྱི་དབུ་ཁྲིད་སྐྱབས་མགོན་རྒྱལ་བའི་དབང་པོའི་སྐུའི་སྤུན་རྒན་ཤོས་སྐུ་གཤེགས་སྟག་མཚེར་རིན་པོ་ཆེའི་སྲས་འཇིགས་མེད་ནོར་བུ་མཆོག་ཁར་སང་གཟའ་ཟླ་བའི་ཕྱི་དྲོར་བོད་དོན་གོམ་བགྲོད་བྱེད་བཞིན་པའི་ལམ་དུ་སྐུ་གྲོངས་འདུག རྐྱེན་ངན་དེ་ནི་ཁོང་ཧྥི་ལོ་རེ་ཌའི་བྱང་ཤར་ས་ཁུལ་གྱི་གཞུང་ལམ་སྟེང་དུ་གོམ་བགྲོད་གནང་བཞིན་པའི་སྐབས་སུ་འཁོར་ལོའི་བརྡབས་སྐྱོན་བྱུང་བར་མྱུར་སྐྱོབ་སྨན་འཁོར་སླེབས་ཀྱང་སྐྱོབ་མ་ཐུབ་ཚུལ་འདུག དགུང་ལོ་༤༥ལ་སོན་པའི་སྐུའི་ཚ་བོ་འཇིགས་མེད་ནོར་བུ་མཆོག་ལོ་སྔོན་མའི་སྤྱི་ཟླ་༡༢པའི་ནང་ཐའེ་ཝན་་དུ་ཀི་ལོ་མི་ཊུར་༤༨༠་ཙམ་ལ་གོམ་བགྲོད་གནང་ཡོད་པ་དང་། ཐེངས་འདིར་ཟླ་༢པའི་ཚེས་༡༤་ནས་མགོ་བཙུགས་ཏེ་ཧྥི་ལོ་རི་ཌའི་མཚོ་འགྲམ་གྲོང་ཁྱེར་ཁག་བརྒྱུད་ནས་ཀི་ལོ་མི་ཊུར་༤༨༠ཙམ་ལ་གོམ་བགྲོད་གནང་བའི་འཆར་གཞི་ཡོད་འདུག