རྡ་སའི་དབུས་འོས་བསྡུ་ལས་ཁུངས་ནས་སྐབས་བཅོ་ལྔ་བའི་སྤྱི་འཐུས་དང་སྐབས་གསུམ་པའི་བཀའ་ཁྲིའི་འོས་མི་གསལ་བསྒྲགས་གནང་འདུག སྐབས་གསུམ་པའི་བཀའ་ཁྲི་བློ་བཟང་སེང་གེར་ཐོབ་འདུག བློ་བཟང་སེང་གེ་ལགས་སུ་འོས་ཤོག་ ༢༧༠༥༡ ཐོབ་སྟེ་བརྒྱ་ཆའི་ ༥༥ ཟིན་ཡོད་པ་དང་། བཀའ་ཟུར་བཀྲས་མཐོང་རྣམ་རྒྱལ་ལགས་སུ་འོས་ཤོག་ ༡༨༨༠༥ ཐོབ་སྟེ་བརྒྱ་ཆའི་ ༣༧།༤༢ ཟིན་ཡོད་འདུག དེ་བཞིན། བཀའ་ཟུར་བཀྲ་ཤིས་དབང་འདུས་ལགས་སུ་འོས་ཤོག་ ༣༡༧༣ ཐོབ་སྟེ་བརྒྱ་ཆའི་ ༦།༤༥་བཅས་ཟིན་ཡོད་འདུག
སྐབས་བཅོ་ལྔ་བའི་སྤྱི་འཐུས་ཁག་ནི།
༄།། རོང་ཆེན་ཀིརྟི་སྐྱབས་མགོན་ཚང་གི་མཚན་གནས་རྗེས་འབྲེལ་གྱི་ལོ་རྒྱུས་བསྡུས་པ།
རྔ་བ་རྒྱལ་ཁམས་པ།
༼གང་ན་རླབས་ཆེན་གྱི་སྐྱེས་བུ་ཡོད་པ། དེ་ན་ཚེ་སྲོག་གི་གསོན་ཤུགས་ཡོད༽
ཀིརྟི་སྐྱབས་མགོན་གྱི་ཐུན་མོང་དང་ཐུན་མིན་གྱི་འཁྲུངས་རབས་ལོ་རྒྱུས་ལྟར་ན། ད་ལྟའི་སྐུ་ཕྲེང་འདི་བ་ཡན་ཆོད་དུ་སྐུ་རབས༥༥ཕེབས་འདུག་ཅིང་། སྐུ་ཕྲེང་དེ་དག་ཀྱང་སྐབས་འགར་རྒྱལ་བློན་བྱང་ཆུབ་སེམས་པ་དང་། རེ་འགར་རིག་པ་འཛིན་པའི་རྣལ་འབྱོལ་བ། གྲུབ་པའི་དབང་ཕྱུག ལོ་ཙྭ་བ། གཏེར་སྟོན། སྤྲུལ་བའི་ནེ་ཙོ་སོགས། སྐྱེས་རབས་ཀྱི་རྣམ་པ་སྣ་ཚོགས་པའི་རང་བཞིན་དུ་ཕེབས་ཡོད། འདིར་ཀིརྟི་ཞེས་འབོད་དོན། ཀིརྟི་ཚང་གི་ཐུན་མིན་འཁྲུངས་རབས་ལྟར་ན། རྗེ་ཙོང་ཁ་པ་ཆེན་པོའི་དངོས་སློབ། མདོ་རོང་གི་མཁས་པ་མི་བཞིའི་ཡ་གྱལ། བསྟན་པ་ཕྱོགས་མཐར་སྤེལ་བའི་དར་ཆེན་བདུན་དུ་གྲགས་པའི་ནང་ཚན། རོང་ཆེན་དགེ་འདུན་རྒྱལ་མཚན་ནམ་ཡོངས་གྲགས་རོང་ཆེན་ལྗགས་ནག་པ་ཞེས་འབོད་པ་དེ་ཉིད། ད་ལྟའི་རྔ་རྫོང་མངའ་ཁོངས། རྒྱལ་མོ་ཚ་བ་རོང་གི་ཆར་གཏོགས། ཚ་ཁོ་གཡག་རྭ་ཞེས་པའི་རི་ཤོད་ཀྱི་ཉེ་འདབས། ཀིརྟི་མ་ཞེས་པའི་གྲོང་སྡེར་སྐུ་འཁྲུངས་པས༼སྤྱི་ལོ༡༣༧༤ལོར༽། བླ་མའི་མཚན་དུའང་ཀིརྟི་རོང་ཆེན་དགེ་འདུན་རྒྱལ་མཚན། རོང་པོ་ཀིརྟི་ཚང་ཞེས་ཡུལ་མིང་མི་ལ་ཐོགས་པ་ཞིག་ཡིན་པར་གསུངས་འདུག ཀིརྟི་ཞེས་པ་འདི་ལ་གུར་རྡི་དང་། གེར་དྷ། འགིར་ཏི་སྐུ་སྐྱེ། རོང་པོ་གི་རྡི་ཚང་། རྒྱལ་དབང་ལྔ་བའི་རང་རྣམ་ན་རོང་པོ་གི་རྟི་ཚང་། འགའ་ཞིག་ཁོང་གི་སྐུ་ཕྲེང་ལ་རྣལ་འབྱོལ་སྨྱོན་པ་གྲགས་ཞེས་པའི་གྲགས་དང་། རྗེ་བླ་མའི་མཚན་གྱི་སྐད་དོད་སློབ་མ་ལ་གནང་བས་ཀིརྟི་ཚང་ཞེས་འབོད་ཚུལ་སྣ་ཚོགས་ཤིག་བྱུང་མོད། ཡུལ་མིང་མི་ལ་ཐོགས་ཚུལ་དེ་དག་པའི་ཕྱོགས་སུ་ཚད་ལྡན་མཁས་པ་དག་གིས་གསུངས། བླ་མ་དེ་ཡོངས་གྲགས་ཀིརྟི་སྐུ་ཕྲེང་དང་བོར་འཇོག་དགོས་པར་སྣང་།
དེ་ལས་མང་བ་། “༄།། རོང་ཆེན་ཀིརྟི་སྐྱབས་མགོན་ཚང་གི་མཚན་གནས་རྗེས་འབྲེལ་གྱི་ལོ་རྒྱུས་བསྡུས་པ།” »
ནེའུ་ཡོག་དང་ནེའུ་ཇར་སེའི་ས་གནས་བོད་རིགས་ཡོངས་ཀྱི་སྙན་ལམ་དུ་ཆེས་ཛ་དྲག་དང་བློ་འཚབ་ཀྱིས་སྙན་སེང་ཞུ་རྒྱུར།
ལྷན་རྒྱས་ཀྱིས་མཁྱེན་གསལ་ལྟར་རྒྱ་གཞུང་གིས་རྔ་བ་གྲོང་སྤྱི་དང་ལྷག་པར་ཀིརྟིའི་དགོན་པ་འདི་ཉིད་བཙོན་ཁང་ལྟ་བུར་བསྒྱུར་ཏེ་གྲྭ་པ་ཉེས་སྟོང་ལྔ་བརྒྱ་ལྷག་གིས་སྡུག་བསྔལ་ཚད་མེད་མྱངས་དང་མྱོང་བཞིན་པ་དང་། ཉེ་ལམ་གནས་སྟངས་སྔར་ལས་དམ་བསྒྲགས་ཆེ་རུ་བཏང་སྟེ་ཕྱི་ཟླ ༤ ཚེས་༢༢ཉིན་གྲྭ་པ་སུམ་ བརྒྱ་བཙན་ཁྲིད་བྱས་བ་དང་ད་དུང་ཡང་ཁྲིད་དང་འཁྲིད་བཞིན་པའི་གནས་ཚུལ་ཁུངས་ལྡན་གོ་བ་ལྟར། བློ་ཕམ་དང་སེམས་འཚབ་ཀྱིས་མ་བཟོད་པར་ཟླ་འདིའི་ ཚེས་ ༡༨ ནས་ ༢༥ བར་འདི་གའི་རྔ་བའི་གཞིས་མི་ཚོས་གཙོས་བོད་རིགས་ཁག་ཅིག་གིས་བདུན་གཅིག་རིང་རྒྱ་མའི་གཞུང་ཚབ་མདུན་དུ་སྐད་འབོད་དང་ཞི་བས་ངོ་རྒོལ་བྱས་ནའང་། རྔ་བའི་ཛ་དྲག་གི་གནས་སྟངས་ལ་འགྱུར་བ་མེད་པས།
དགོངས་སེལ་ཞིག བོད་རྔ་བར་སེམས་གཏད་པ།
(རྩོམ་ཡིག་འདི་ནི་བོད་རྔ་བའི་ཡུལ་མི་ཡོངས་ལ་གདུང་སེམས་མཉམ་སྐྱེས་ཆེད་ཕུལ་བ་ལགས།)
འཇིགས་མེད་ཚེ་རིང་།
ཕྱི་ལོ་༢༠༡༡ ཟླ་༤ ཚེས་༢༣ ཉིན་རི་བོ་རྡ་རམ་ས་ལར་ཚ་བ་ཅུང་ཆེ་ཞིང་། གུས་པོའི་འདུག་ཤག་གཡས་གཡོན་དུ་གད་སྙིགས་བསྲེགས་པའི་དྲི་ངན་གང་སར་མཆེད་བཞིན་འདུག ཨེ་ཤེ་ཡ་རང་དབང་རླུང་འཕྲིན་ཁང་གིས་བོད་མདོ་སྨད་རྔ་བའི་ཡུལ་དུ་རྒྱ་གཞུང་གིས་གཉའ་གནོན་དང་རྡུང་གཅོག་གསོད་འཕྲོག་བྱེད་བཞིན་པའི་གནས་ཚུལ་རྒྱང་སྒྲོག་བྱེད་ཀྱི་འདུག ངས་གློག་ཀླད་ཀྱི་ཁ་ཕྱེས་ནས་QQདྲ་འབྲེལ་གླེང་མོལ་ལས་བོད་ནང་གི་ངོ་ཤེས་དག་ལ་འབྲེལ་བ་བྱེད་འདོད་ཞུས་པ་ཡིན། “ཏུས ཏུས ཏུས” ང་ལ་QQནང་དུ་སྔ་ས་ནས་ངོ་ཤེས་ཤིག་གིས་སྐད་ཅིག་བཞག་འདུག “རྔ་བར་ན་ཙིའི་དཔུང་ཆེན་སླེབས་འདུག ཁྱོད་ཚོས་ཅི་བྱེད་ཀྱི་ཡོད།” ངས་ཚིག་དུམ་གཉིས་ཅན་གྱི་འཕྲིན་ཡིག་འདི་ལ་ཡང་ཡང་བལྟས་ཤིང་། ཚིག་དུམ་འདི་གཉིས་ཡང་ཡང་བཟླས་པ་ཡིན། ངས་མཉམ་འབྲེལ་རྒྱལ་ཚོགས་ཀྱི་མིའི་ཚོགས་ཆུང་གིས་བོད་རྔ་བའི་ཐད་གླེང་སློང་ཅི་བྱས་དང་། ཨ་རི་དང་ཡུ་རོབ་སོགས་ནས་རང་རེའི་རྒྱབ་དཔུང་དུ་སྤྲོས་པའི་གནས་ཚུལ་རིང་པོ་ཞིག་བྲིས་ཚར་སོང་།
འདྲེ་རུ་སྐྱེ་བའི་སྔ་གཞུག་གི་མྱི།
བོད ལྷ་ཀླུ་གཉན་གསུམ།
ཁ་རོག་གེར་བསྡོད་པ་དེ་ནི་ཁྱེད་རང་གི་རང་ གཤིས་སུ་གྱུར་ཉིན་ནས། སུ་ལ་ཡང་འདྲིས་ཤིང་མ་གཤིབ་པའི་མི་གཤིས་སྐྱུར་མོའི་དེ་ཡི་ལྟག་རྒྱབ་ན། ཁ་རོག་གེར་སྐོང་ནས་སྟོང་ལབ་ལ་གོམ་པའི་མྱི་ངན་ཁྱེད་རང་། འཇིག་རྟེན་གྱི་གནས་ལུགས་དང་རྒྱུ་མཚན་ལས་བརྒལ་ནས། མྱི་སེམས་མང་བོ་ཞིག་གི་ཕ་རོལ་ན། ཁེར་རྐྱང་གི་རུམ་ཁ་ཞིག་འཚོལ་བའི་དུས་སུ། ཁྱེད་རང་ལ་ཁྱེད་རང་ལས་ལྷག་པའི་འགྲེལ་བཤད་གང་ཡང་མ་མཆིས་མོད། ཡིན་ཡང་། ཁྱེད་རང་ཤེས་མཁན་གྱི་ཁྱེད་རང་དེ་ནི་མྱི་མ་རེད། འདྲེ་རེད། འདྲེ་དེ་ཡང་མི་ཚོགས་ཤིག་གི་ལྟག་རྒྱབ་ན། ཁ་རོག་གེར་ལབ་རྒྱག་པར་གོམ་པའི་མྱི་ཁྱེད་རང་རེད།
རྟོགས་བརྗོད་འབྲི་སྟངས་གཞན་ཞིག
ཐེ་བོ་ཤེས་རབ་རྒྱ་མཚོ།
ྋཔཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དགུང་ལོ་22ལ་ཕེབས་པའི་སྐུའི་འཁྲུངས་སྐར་དུས་ཆེན་ལ་ཕུལ་བ།
མི་ལོ་བཅུ་དྲུག་གི་ཡར་སྔོན
ཆེས་དག་གཙང་གིས་བཞད་པའི་མེ་ཏོག་རྐང་གཅིག
རླུང་འཚུབ་ཀྱི་ལག་པ་གཏུམ་པོ་དེས
གདུག་རྩུབ་ཀྱིས་བཅད་ཅིང་བཅོམ་པ་ནས
རྣོ་ཞིང་གཟེང་བའི་སེན་མོ་རྔམ་གནག་དེས
ཞེ་སྡང་གིས་གཙབས་ཤིང་གཏུབས་པ་ནས
སྒམ་རླིང་གི་མི་སེམས་མང་པོ་མང་པོ་ཞིག་ལ
ཡལ་བ་མེད་པའི་སྨུག་ལོང་གི་གཏམ་རྒྱུད་བྲིས་སོང
བོད་མི། བཙན་བྱོལ་བོད་མི། བཙན་བྱོལ་བོད་གཞུང་། བཙན་བྱོལ་བོད་མིའི་གཞུང་།
གོང་ས་མཆོག་གིས་ཏཱ་ལའི་བླ་མ་སྐུ་ཕྲེང་རིམ་བྱོན་དག་གིས་བོད་ཀྱི་ཆབ་སྲིད་སྐྱོང་བའི་རྒྱུན་དེ་ད་ནས་མཚམས་འཇོག་རྒྱུའི་ཐག་གཅོད་དང་ཆབས་ཅིག དགའ་ལྡན་ཕོ་བྲང་ཞེས་པའི་མིང་བྱང་ཡང་སྐབས་བསྟུན་འགྱུར་བ་གཏོང་དགོས་པའི་གསུང་འཕྲིན་ཕེབས་ཡོད་སྟབས། བཅའ་ཁྲིམས་བསྐྱར་བཅོས་ཟིན་བྲིས་ཚོགས་ཆུང་གི་ངོས་ནས། ༼མ་འོངས་པར་བཙན་བྱོལ་བོད་མིའི་གཞུང་གི་སྒྲིག་འཛུགས་ཀྱི་ལས་ཐམ་དང་ལས་རྟགས་སུ་གངས་སེང་ཁ་སྤྲོད་ཡིན་པ་གང་ཞིག་ལ་དགའ་ལྡན་ཕོ་བྲང་ཞེས་པའི་མིང་བྱང་གི་ཚབ་ཏུ་བདེན་པ་ཉིད་རྒྱལ་གྱུར་ཅིག་ཅེས་འགོད་རྒྱུའི་རྒྱབ་གཉེར་ཞུས།༽ཞེས་སྙན་ཐོའི་ནང་བཀོད་ཡོད། དེ་ནི་ཚིག་སྣ་བསྟུངས་ནས་བཤད་ན། དགའ་ལྡན་ཕོ་བྲང་གཞུང་གི་ལས་རྟགས་དང་ལས་ཐམ་སྟེང་ན་༼བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ༽ཞེས་འཁོད་པ་དེ་ཚབ་ཏུ༼བདེན་པ་ཉིད་རྒྱལ་གྱུར་ཅིག༽ཅེས་འཁོད་རྒྱུའི་སྙན་ཐོ་ཞིག་རེད།
དེ་ལས་མང་བ་། “བོད་མི། བཙན་བྱོལ་བོད་མི། བཙན་བྱོལ་བོད་གཞུང་། བཙན་བྱོལ་བོད་མིའི་གཞུང་།” »
བཅའ་ཁྲིམས་བསྐྱར་བཅོས་ཀྱི་རགས་ཟིན་དང་པོའི་བཞི་པ་ནས་ཟུར་བཏོན་དོན་ཚན་ཁག
གཞུང་གི་འགན་འཛིན་དབང་ཆ་བཀའ་བློན་ཁྲི་པ་ལ་ཡོད་ཅིང་། བཅའ་ཁྲིམས་འདིའི་དོན་ཚན་ཁགགཞིར་བཟུང་བཀའ་བློན་ཁྲི་པས་ཐད་ཀར་རམ། བཀའ་བློན་རྣམ་པ་དང་། འགན་འཁུར་ལས་བྱེདབརྒྱུད་དབང་ལུང་ཁྱབ་སྒྱུར་བྱ་རྒྱུ། ཁྱད་པར་བཀའ་བློན་ཁྲི་པས་འཛིན་སྐྱོང་འགན་འཛིན་གྱི་འགནདབང་ཐོག་ནསཿ ༡ སྤྱི་འཐུས་ལྷན་ཚོགས་ཀྱིས་གཏན་འབེབས་བྱས་པའི་ཁྲིམས་ཡིག་དང་། སྒྲིག་གཞི་ཁག་གསལ་བསྒྲགས་དང་ལག་བསྟར། ༢ བྱས་རྗེས་གཟེངས་རྟགས་དང་། གོ་མིང་བདག་རྐྱེན། ༣དགོས་གལ་ནམ་བྱུང་ལ་སྤྱི་འཐུས་ལྷན་ཚོགས་སུ་ལས་དོན་སྙན་ཞུ་དང་། གཏམ་བཤད། གསལ་བཤད་བྱ་རྒྱུ་བཅས། ༼སོགས་འཁོད་པའི་ཡིག་ཆ་བོད་གཞུང་དྲ་རྒྱ་ན་འདུག༽…
དེ་ལས་མང་བ་། “བཅའ་ཁྲིམས་བསྐྱར་བཅོས་ཀྱི་རགས་ཟིན་དང་པོའི་བཞི་པ་ནས་ཟུར་བཏོན་དོན་ཚན་ཁག” »
ན་ཆུང་བྱིས་པའི་རྩོམ་རིག།(ཚན་བཤུས།)
སྐལ་བཟང་ཉི་མས་བསྒྱུར།
བྱིས་པའི་རྩོམ་རིག་ནི་ཕྲུ་གུ་ཚོར་སྐུལ་སློང་གི་ཁྱད་ནུས་འདོན་ཞིང་བོངས་ཆེ་བའི་རྩོམ་རིག་གི་ཕུང་བོ་ཞིག་ཏུ་གྲུབ་ཡོད་ལ། ད་ལྟའི་ཆར་ན་ཆུང་ྐློག་པ་པོ་རྣམས་ཀྱིས་རང་ཉིད་ཀྱི་ཕྱིར་རྟོག་བཟོ་བྱས་པའི་ཆེད་ལས་བརྩམས་ཆོས་སྟོང་ཕྲག་ཏུ་མར་གདམ་ང་བྱས་ཆོག་ཅིང་། བརྩམས་ཆོས་དེ་དག་གི་ཁོངས་སུ་དམངས་ཁྲོད་རྩོམ་རིགས་གཅེས་བཏུས་དང་། སྙན་ཚིག་གཏམ་རྒྱུད། མི་སྣའི་ལོ་རྒྱུས་ཁག གཞན་ཡང་སྤྱི་ཚོགས་ཚན་རིག་དང་། ཚན་རིག་སྒྱུ་རྩལ་སྐོར་གྱི་གནས་ཚུལ་ངོ་སྤྲོད་དཔེ་དེབ་བཅས་འདུས་ཡོད།
དེར་མ་ཟད་ཕྲུ་གུ་ཚོ་ཁོ་ནར་དམིགས་ནས་བྲིས་པའི་བརྩམས་ཆོས་འགའ་ྐློག་མཁན་དག་གི་ཁྲོད་དུ་དར་ཁྱབ་ཆེན་པོ་བྱུང་ཡོད་དེ།
བོད་རྒྱལ་ཁབ་ཀྱི་སྲིད་གཞུང་འདི་སྐྱོབ་རོགས།
འཇམ་དཔལ་ཚུལ་ཁྲིམས།
ང་ནི་འཁྱམ་པོ་ཞིག་གིས་ཁ་ཕོ་དེ་ཙམ་མ་བཤད་མི་རིགས་པར་དགོངས་སྲིད་ཀྱང་། ཁོ་བོ་མི་ལོ་ཉི་ཤུའི་ཡར་སྔོན་རང་ཡུལ་ན་ཡོད་པའི་སྐབས་སུ་གནས་དེ་ན་སྐྱིད་མེད་རུང་ཕ་མའི་གློ་ངོགས་ཡིན་པས་རང་གར་སྡོད་མ་འདོད་པ་ག་ལ་ཡིན། སྡོད་གཟོད་མ་བདེ་བར་རམ་དེ་ན་བསྡད་པ་དེས་བློ་མ་ཚིམས་ཤིང་། འདི་ན་ཅི་ཞིག་ཡོད་པའི་རེ་བ་ཆེན་པོ་ཞིག་ལ་བསྙེགས་ཏེ་ཧི་མ་ལ་ཡ་བརྒལ་ནས་ཡོང་བ་ཡིན་པས་ང་ལ་ཡང་བཙན་བྱོལ་བ་ཞིག་གི་མཚན་ཉིད་ཚང་ཡོད་པར་སྙམ།
༧གོང་ས་མཆོག་གིས་རང་རེའི་ཆབ་སྲིད་ཀྱི་ལས་འགན་རང་ལག་ཏུ་གཏད་གནང་བའི་དུས་འདིར་ཡུལ་མིའི་རྒྱལ་ཁབ་ཀྱི་ངོ་བོར་གྲ་སྒྲིག་བྱེད་པའི་བཀའ་སློབ་དང་དུ་ལེན་ལོ་སྐད་ཀྱི་སྦྱོར་བ་ལ་གནས་པའི་སྐྱེ་བོ་རེ་ཟུང་གི་ངག་ལ་བརྟེན་ནས་ལོ་༢༠་ཡི་ནང་ལ་མ་བྱུང་བའི་ཆེས་གཟོད་པར་དཀའ་བའི་ཡིད་ཆད་ཐོག་མ་དེ་ད་གཟོད་གཞི་ནས་བྱུང་། དེ་ཡང་ཁོ་བོ་ཅག་ན་རེ་།
ཁྲུང་ཁྲུང་།
སྐྱོ་བྲག་དགའ་དབང་།
ཁྲུང་ཁྲུང་ནི། ཁྱོ་ཤུག་བརྩེ་བ་ཟབ་ལ་ཐག་རིང་དུ་བགྲོད་པའི་བྱ་རིགས་ཤིག་སྟེ། དཔྱིད་དུས་ལྷོ་ནས་བྱང་ཐང་གྲང་བའི་ཡུལ་དུ་བགྲོད་དེ་དབྱར་དུས་སྐྱེལ་བ་དང་། སྟོན་དུས་བྱང་ནས་ལྷོ་རུ་བགྲོད་དེ་དགུན་དུས་སྐྱེལ་ཞིང་། ཕར་ཚུར་བགྲོད་པ་ན་རི་བོ་ཧི་མ་ལ་ཡ་བརྒལ་བ་ལ་སོགས་པའི་དཀའ་ཁག་མང་པོ་ཞིག་འགྲིམ་དགོས་ཕྱིར། འགྲོ་ཁར་སོ་སོའི་སྡེ་ཤོག་ཚང་མ་འཕུར་ཐུབ་མིན་བལྟ་ཆེད། ཡར་འཕུར་མར་འབབས།
སྐུ་ཡི་མཛད་འཕྲིན་ལ་བསྔགས་པ།
བསམ་གླིང་ཚེ་རིང་ལྷ་མོ།
ཀུན་གཟིགས་པན་ཆེན་རིན་པོ་ཆེ་སྐུ་ཕྲེང་བཅུ་པ་མཆོག་གི་བཀའ་དྲིན་དྲན་པ།
བྱིས་པའི་དུས་ནས་གུང་ཁྲན་གཞུང་གི་གཡོ་སྒྱུའི་འཕྲུལ་གྱིས་སྐྱོར་ནའང།།
དཔའ་བོའི་མི་རིགས་བདེན་པའི་ཞལ་རས་གསལ་འདོད་ཉིད་ཀྱི་དམ་བཅའ་ལགས།།
སྐྱེ་ཆེན་དམ་པའི་ལོ་རྒྱུས་རིང་མོ་ནག་པོའི་ཐིག་གིས་མི་བཀུ་བར།།
འདྲེ།
(ཟླ་བ་འདིའི་ཚོར་བ་ཞིག་དང་སྦྱར་ཏེ་བྲིས།)
གཅིག མྱི་ལྟིག
འདྲེ ཕོ་འདྲེ མོ་འདྲེ
ད་དུང་མ་ནིང་གི་འདྲེ་ཡང་ཡོད་ཀི ངོ་མ་ཡིན
ཁོ་ཚོས་མྱི་ཤ་ཟ་ཞོར མྱི་སྐད་བཤད་ཞོར
མྱིའི་བྱ་གཞག་ཡོད་དོ་ཅོག་ལ་ཇུས་གཏོགས་བྱེད་ཀིན་འདུག
སུས་ཀྱང་ཉམ་འཇོག་མི་བྱེད་ས་ནས་མྱིའི་རིགས་ཀྱི་འཇིག་རྟེན་གཏོར་གྱིན་འདུག
སུས་ཀྱང་ཐེ་གཏོགས་མི་བྱེད་པའི་གནས་དེ་ནས་མྱིའི་རིགས་ཀྱི་འཚོ་གནས་བཅོམ་གྱིན་འདུག
སེམས་པའི་དག་འབུད།
མཆོང་།
ཉིན་དེར། ཁྱེད་ཉིད་ངའི་འཁྲིས་སུ་སླེབས། ཡ་མཚར་གྱི་རྐྱེན་ནམ། ཡང་ན་གློ་བུར་ཀྱི་སེམས་འགུལ་གྱིས་བགྱིས་པ་ཡིན་ནམ། དམིགས་བྱ་ཅི་ཡིན་མ་ངེས་ཏེ། ཁྱེད་ཉིད་ཀྱིས་འཛུམ་མུལ་མུལ་ངང་རྡེའུ་ཞིག་བླངས་ཏེ། པྲ་ཚགས་ཀྱི་ཚུལ་ཏུ་ངའི་ལྷིང་འཇགས་ཀྱི་ཡིད་མཚོའི་ཀློང་དུ་འཕངས།
ས་མཐའི་གྱེས་གདུང་།
དགེ་འདུན་པཀྵི།
མདང་གི་མཚན་མོར་རྨིས་པའི་རྨི་ལམ་ཞོགས་པའི་ལྡོག་འཕྲོའི་འོད་ཀྱིས་དཀྲོགས།།
ཁྱེད་ཀྱི་ཞལ་རས་མཇལ་བའི་ཏིང་འཛིན་ལྷན་ཅིག་སྟོང་བའི་དབྱིངས་སུ་ཐལ།།
གསང་ངེར་འབྱིན་པའི་དབུགས་རིང་དང་བཅས་མལ་གྱི་ཁྲི་ལས་ལྡང་བའི་ཚེ།།
སླར་ཡང་ལོ་ལས་རིང་བའི་ཉི་མ་གཅིག་པུས་སྐྱེལ་བར་ཞེ་ནས་ཁྲེལ།།
རྡོར་གླིང་ལྕགས་པོ་རིའི་བོད་ཀྱི་གསོ་རིག་མཐོ་སློབ་ནང་སྨན་སློབ་གསར་པ་བསྡུ་རྒྱུའི་གསལ་བསྒྲགས།
བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ནས་ངོས་བཞེས་ཐོབ་པའི་ལྕགས་པོ་རིའི་དྲན་རྟེན་བོད་ཀྱི་གསོ་རིག་མཐོ་སློབ་ཁང་དུ་ཕྱི་ལོ་ ༢༠༡༡ ནང་སྨན་སློབ་བསྡུ་བཞེས་གནང་རྒྱུ་ཡིན་ན། བོད་ཀྱི་གསོ་བ་རིག་པའི་གཞུང་ལུགས་ལ་སློབ་སྦྱོང་གནང་བློ་ཡོད་པ་རྣམས་ནས་སོ་སོའི་འབྲེལ་བ་ཞུ་ཡུལ་ཁ་བྱང་དང་། གློག་འཕྲིན་ཁ་བྱང་། ཁ་པར་ཨང་གྲངས་གང་ཡོད་གསལ་བཀོད་ཀྱིས་ཟུར་གསལ་ཆ་རྐྱེན་གྱི་ཡིག་ཆའི་འདྲ་བཤུས་བཅས་སྙན་ཤོག་གཤམ་གསལ་ཁ་བྱང་ཐོག་གློག་འཕྲིན་ནམ། སྦྲགས་ཡིག་གང་རུང་བརྒྱུད་གཏོང་གནང་དགོས་རྒྱུ་བཅས་དེ་དོན་དགོངས་འཇགས་ཞུ།
འབྲེལ་བ་ཞུ་ཡུལ་ཁ་བྱང་།
Chagpori Tibetan Medical Institute,
west view 10, Burdwan Road,
P.O. Darjeeling-734101, west Bengal
E_mail: chagpori@sify.com
website;www.chagpori-tibetan-medical-institute.com
ཆ་རྐྱེན་དགོས་མཁོ།
༡ བོད་མི་ཡིན་ཚེ་དཔྱ་དངུལ་འབུལ་བབས་གཙང་ཕུལ་དཔང་རྟགས་དཔྱ་དེབ་ཤོག་ངོས་དང་པོ་དང་། མཐའ་མའི་དཔར་བཤུས།
༢ ཧི་མ་ལ་ཡའི་མི་རིགས་ཡིན་ཚེ་འབྲེལ་ཡོད་རྒྱ་གར་གཞུང་གི་ས་གནས་ལས་ཁུངས་ནས་རྒྱབ་གཉེར་ཕྱག་བྲིས་དགོས་པ་ཡིན།
༣ འཛིན་རིམ་བཅུ་གཉིས་ཐོན་པའི་སློབ་ཐོན་ལག་འཁྱེར་དང་། ཨང་ཐོབ་ངོ་བཤུས་དགོས།
རྔ་བ ང་ཚོས་སེམས་ཀྱིས་ཁྱེད་ལ་ཉན
མཚན་རླུང་།
ལྷིང་འཇགས་ཀྱི་ས་སྲོད་དེར
གནས་ཚུལ་དེ་དྲ་རྒྱའི་ཁྱོན་ཡངས་ནས
ངའི་སེམས་ངོགས་སུ་གློག་དམར་འཁྱུག་པ་བཞིན
གློ་བུར་དུ སྐད་ཅིག་ཉིད་དུ་མཚལ་བས
སྤྲིན་ཕུང་འཁྲིགས་པ་ལྟར
ས་གཞི་ཁྲོས་པ་ལྟར
སྐྱི་གཡའ་བའི་རླུང་འཚུབ་དེས
ངའི་སེམས་ཀྱི་ཞི་བདེ་བཅོམ
དཔལ་བོ་ཐུབ་བསྟན་དངོས་གྲུབ་དང་། ཚོགས་པ་ཁག་གི་རྒྱབ་མདུན།
ཡཱན་ཧོང་པེན།
པདྨ་ཆོས་སྒྲོན་གྱིས་བསྒྱུར།
གླག་རག་མོ་ནང་བཞིན་གྱི་དཔའ་རྒོད་དེའི་རང་ལུས་མེ་མཆོད་བཏང་། སྐྱ་མདོག་གི་གོན་པའི་མཆན་འོག་གཉིས་ནས་དམར་སེར་འོད་མདངས་ཀྱི་མེ་ལྕེ་དགུང་ལ་མཆེད། ཤ་རློན་པ་མེ་རུ་འབར་བའི་ན་ཟུག་ཁྲོད་ནས། དཔའ་རྒོད་གང་ཉིད་ཀྱིས་མེ་རླབས་རྡོག་པས་བརྫུས་ཤིང་ཕྱག་རྒྱས་རྣམ་པར་མཛེས་པའི་གར་གྱི་སྟངས་སྟབས་བསྒྱུར་པ་ན། དམར་པོ་མེ་དང་དེའི་དུ་ཞགས་ཀྱིས་དེ་མ་ཉིད་དུ་དཔའ་བོའི་རྟོགས་བརྗོད་ཀྱི་སྙན་རྩོམ་ཁད་ཀྱིས་དཀྲོགས་པ་ནི “བོད་རང་བཙན་གྱི་འབོད་སྒྲའོ”།
དེ་ནི་ཕྱི་ལོ་༡༩༩༨ ལོའི་ཟླ་ ༤ ནང་ལྡི་ལི་གསར་བར་བྱུང་བའི་རྣམ་པ་རེད། སྐབས་དེར་བོད་པ་ཚོས་རྒྱ་དམར་གཞུང་གི་བྱེད་བབས་ལ་ཟས་བཅད་ངོ་རྒོལ་བྱེད་ཀྱིན་ཡོད། དཔའ་བོས་སྐུ་ལུས་མེ་རུ་འབར་བ་དང་ཆབས་ཅིག་ལོ་རྒྱུས་ཀྱི་མེ་ཁ་སླར་ཡང་གསོས། ཐེངས་དེའི་ཟས་བཅད་ངོ་རྒོལ་དེ་བཞིན་ཚེ་སྲོག་གསེར་མདོག་གི་མེ་ལྕེར་མཆོད་པའི་རྒྱུ་རུ་གྱུར་བ་དང་། དཔའ་བོ་ཁོང་གི་མཚན་ལ་ཐུབ་བསྟན་དངོས་གྲུབ་ཞེས་སུ་གསོལ།
དོན་རྐྱེན་བྱུང་རྗེས། བསིལ་གྲིབ་འོག་ཏུ་བཞུགས་པའི་གྲྭ་རྒན་ཞིག་སྐད་མགོ་དམའ་མོས། ཐུབ་བསྟན་དངོས་གྲུབ་ཀྱི་བྱ་སྤྱོད་གསུང་རབ་ཀྱི་དགོངས་དོན་དང་འགལ་ཡོད་སྟབས། ཁོང་ལ་མི་ལུས་ཐོབ་རྒྱུ་ཁག་པོ་རེད་ཟེར་ནས་བསྙོན་འཛུགས་བྱས། ཅིན་ཧྲིན་པེ་ཡིས་སྐྱོན་འཛུགས་དེའི་ཁྲོད་ནས་མི་སེམས་ཀྱི་ཆེས་རྫོབ་པའི་ཕྱོགས་དེ་མཐོང་སོང་། སྐྱོན་འཛུགས་བྱེད་དོན། ཁོ་བོར་དཔའ་བོ་ཐུབ་བསྟན་དངོས་གྲུབ་ནང་བཞིན་འཐབ་རྩོད་ཆེད་གཅེས་སྲོག་ལེགས་སྐྱེར་འབུལ་རྒྱུའི་བློ་ཁོག་མེད་པ་དེ་ཁོ་ནས་རེད།
དེ་ལས་མང་བ་། “དཔལ་བོ་ཐུབ་བསྟན་དངོས་གྲུབ་དང་། ཚོགས་པ་ཁག་གི་རྒྱབ་མདུན།” »
མི་མང་ལ་ཆོས་འབྲེལ་དང་བཀའ་དབང་།
ས་གནས་ནས་ཐུབ་རྒྱལ་གྱིས།
ར་པུར་དཔལ་ས་སྐྱའི་ཆོས་སྒར་རུ་མཁའ་མཉམ་སྐྱེ་འགྲོ་ཀུན་གྱི་མགོན་དཔུང་དམ་པ་སྐྱབས་མཆོག་༸གོང་མ་བདག་ཁྲི་རིན་པོ་ཆེ་མཆོག་གིས་དེར་འདུས་མི་མང་བཞི་སྟོང་ལྷག་ལ་འཆི་མེད་ཚེ་དབང་ཟབ་མོའི་ལྗགས་ དབང་བསྩལ་གནང་སོང་། ཟླ་འདིའི་ཕྱི་ཚེས་༢༣ཉིན་སྔ་དྲོ་ཕྱག་ཚོད་དགུ་པའི་ཐོག་དངོས་སུ་བཀའ་དབང་དབུ་འཛུགས་གནང་བ་དང་སྐབས་དེར་མགོན་པོ་གང་གིས། སྔོན་འགྲོ་ཡན་ལག་བདུན་པ་དང་ནང་ཆོས་ངོ་ སྤྲོད་གནང་བ་མ་ཟད། གཙོ་ཆེ་ཤོས་དེ་ཀུན་སློང་ཀུན་སྤྱོད་ལེགས་པ་གསལ་བཏབ་དགོས་པས་ཚེ་དབང་ཞུ་བར་ཁྲལ་དང་ལྟད་མོ་ལྟ་བུའི་འདུ་ཤེས་འཁྱེར་ནས་དབང་གྲལ་དུ་ཞུགས་པ་ཡིན་ན་དབང་མི་འཐོབ་ཁར་ཉེས་དམིགས་སུ་འགྲོ་རྒྱུ་ལས་དགེ་མཚན་མེད་པ་བཀའ་གནང་སོང་།
བོད་རང་བཙན་ཐོབ་པའི་རྨི་ལམ་རྨིས། །
ན་མོ་གུ་རུ་རཏྣ་བྷྱ།
ཤར་སྐྱ་བའི་སྐྱ་རེངས་དང་པོའི་སྐབས། །
བྱ་སྐྱ་ཀའི་ཀ་ཀ་མ་སྒྲོག་གོང་། །
གཉིད་སད་རྨི་གཉིས་ཀྱི་བར་མཚམས་ནས། །
ཤར་མཛེས་ལྗོངས་རུ་དམ་ལུང་བ་མཇལ། །
རྗེ་བླ་མ་གྲུབ་དབང་རིན་པོ་ཆེས། །
གསེར་སེར་པོའི་སྒོང་ང་རྣམ་གསུམ་ཞིག །
ཐུགས་དགྱེས་བཞིན་བདག་ལ་གནང་བར་རྨིས། །
ངས་རྒྱལ་བ་སྲས་བཅས་མཆོད་པར་ཕུལ། །
