ཟླ་ཀླུང་གིས་ཕུལ།
སྙིང་ནས་བརྩེ་བའི་བུ་མོ་ཀར་སྒྲོན་ལགས། ངས་ཁྱོད་རང༌། གདོང་པ་མཛེས་ལ། གཟུགས་པོ་སྙིང་རྗེ་བོ། སྤྱོད་པ་བཟང་པོ། རིག་པ་གྲུང་པོ། ཕུག་བསམ་ཆེན་པོ། མིག་རྒྱང་རིང་པོ། སྙིང་སྟོབས་ཆེན་པོ་ཅན་ཞིག་ཡིན་པའི་ཡིད་ཆེས་བྱེད་ཀྱི་ཡོད། ངའི་རེ་བ་ནང་བཞིན། ཁྱོད་རང་སྐྱིད་ཁྱག་སྡུག་ཁྱག་གི་བློ་རྒྱས། སོ་སོས་སོ་སོ་ལ་མཐོང་ཆེན་དང་ཡིད་ཆེས་བྱས་ཏེ། སྤྱོད་པ་བཟང་ཕྱོགས་དང༌། ཤེས་འབྱོར་གོང་སྤེལ་ལ་ཤུགས་སྣོན་རྒྱག་རོགས་གྱིས། འདི་ནི་ཁོ་བོ་སྐྱིད་སྡུག་དང་འཆི་གསོན་གང་ལྟར་ཡང་སྙིང་ན་ཡོད་པའི་རེ་བ་ཆེ་ཤོས་དེ་ཡིན།
༄།། རྔ་ཡུལ་ཀིརྟི་དགོན་དགེ་ལྡན་ལེགས་བཤད་གླིང་ཕྱག་འདེབས་མཛད་ཚུལ།།
རྔ་བ་རྒྱལ་ཁམས་པ།
དྲུང་ཡིག་ཨ་ཁུ་ཆོས་འཕེལ་གྱི་གསུང་འབུམ་ལས་བཤུས།
དེ་ཡང་རབ་ཡིད་ལྕགས་ཕོ་སྤྲེལ་གྱི་ལོ(༡༨༦༠)དཔྱིད་ཀར་༧སྐྱབས་མགོན་སྐུ་ཕྲེང་བརྒྱད་པ་རྗེ་བློ་བཟང་འཕྲིན་དཀོན་མཆོག་བསྟན་པ་རྒྱ་མཚོ་མཆོག་གི་དགུང་ཞལ་བཅུ་གཉིས་བཞེས་སྐབས། ས་དབང་ཆེན་པོ་རྨེའུ་དཔོན་ཚང་གིས་གདན་དྲངས། སྐྱེ་དགུའི་མ་མ་ཆེན་མོ་ཨ་སྐྱོང་བཟའ་དཔོན་མོ་བདེ་སྒྲོན་དང་། བློན་ཆེན་རྨེའུ་དཀོན་མཆོག་གཉིས་གཙོས་མྰ་བློན་སྡེ་འབངས་རྒན་རབས་ཀུན་བསམ་པ་གཅིག་དྲིལ་སྒོས། རང་རེ་རྔ་ཡུལ་འདིར་ཤི་བོའི་སྔས་གཏོད་ས་གསོན་པོས་སྐྱབས་བཅོལ་ཡུལ་མྰ་བློན་སྤྱི་དགོན་ཕྱག་འདེབས་མཛད་དགོས་ཚུལ་ཡང་ཡང་གསོལ་བ་བཏབ་པར། ཞལ་ནས་ཡ་ཡ་ངས་ཀྱང་དེ་འདྲ་རེ་བསམ་ཡོད་རྗེས་སོར་རང་ཅག་གྲོས་མོལ་བགྱིད་ཆོག་ཅེས་གསུངས། སྤྱིར་ཆོས་སྡེ་འདི་ཉིད་ཞོ་ཆགས་ཀྱི་རུ་རྩི་ལྟ་བུ་ནི་ལྡོང་ཁུ་དགོན་གཡུལ་རྒྱལ་བསམ་གཏན་གླིང་ཞེས་པ་ཡིན། འདི་ཆགས་འདེབས་བགྱིད་པ་པོ་ལུང་རྟོགས་ཡོན་ཏན་གྱི་གཏེར་མཛོད་དམ་པ་བླ་མ་ཕུན་ཚོགས་ཚང་ཡིན།
དེ་ལས་མང་བ་། “༄།། རྔ་ཡུལ་ཀིརྟི་དགོན་དགེ་ལྡན་ལེགས་བཤད་གླིང་ཕྱག་འདེབས་མཛད་ཚུལ།།” »
བར་སེང་ལ་ཕུལ་བའི་རོལ་མོ།
བསམ་གླིང་ཚེ་རིང་ལྷ་མོ།
ལོ་ལྗང་རླུང་གིས་བསྐུལ་བའི།།
གར་སྟབས་མཛེས་རང་དྲགས་ནས།།
ཕྱེ་ལེབ་གར་ལ་རོལ་བར།།
དོ་སྣང་བྱེད་ཁོམ་མ་བྱུང།།
མགྲིན་སྙན་མཛའ་བོའི་སྙིང་གཏམ།།
རྣ་བར་སྙན་རང་དྲགས་ནས།།
དཔྱིད་གསུམ་ཁུ་བྱུག་གསུང་ལ།།
རྣ་བ་གཡེང་ཁོམ་མ་བྱུང།།
རྒྱ་ནག་གཞུང་གིས་བོད་ཁུལ་ལས་བྱེད་ཁག་གཅིག་ལ་ཕྱིའི་བརྒྱུད་ལམ་ཁག་ཏུ་རྫུན་གཏམ་བཤད་པའི་མཉམ་བསྡུས་སྦྱོང་བརྡར་སྤྲད་པ།
བུ་རྫོང་ལྷ་མོ་ཚང་ཚེ་རིང་དབང་ཕྱུག་གིས་བོད་བསྒྱུར་ཞུས།
ཚན་ཡུས་དྲ་རྒྱའི་ནང་ཕྱི་ལོ་ ༢༠༡༡ ཟླ་ ༤ ཚེས་ ༢༥ ཉིན་གུང་ཧྲན་ཞེས་པས་གནས་ཚུལ་སྤེལ་བར་གཞིགས་ན། རྒྱ་ནག་ལྷོ་ཕྱོགས་རྒྱལ་སའི་གསར་ཤོག་ཅེས་པའི་ཐོག་ཕྱི་ཚེས་ ༢༥ ཉིན་གནས་ཚུལ་ སྤེལ་བའི་ནང་། རྒྱ་ནག་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་གིས་བོད་རིགས་ས་ཁུལ་གྱི་གསར་འགྱུར་ལས་བྱེད་རྣམས་ལ་ཕྱིའི་བརྒྱུད་ལམ་ཁག་ཏུ་རྫུན་གཏམ་བཤད་པའི་ཁ་རྩལ་སྦྱོང་ཆེད་ཀྱི་མཉམ་བསྡུས་སྦྱོང་བརྡར་སྤྲོད་པའི་ལས་གཞི་གལ་ཆ་ེཞིག་དེང་སྐབས་སྤེལ་བཞིན་ཡོད་པ་རེད།
ད་ལྟ་འུ་ཚང་གི་ནམ་ཟླ་ཧ་ཅང་གྲང་།
འགར་ཚེ་རྒྱལ་གྱིས།
བཙན་པོའི་གདུང་རྒྱུད་ཀྱི་རླུང་རྟ་གངས་དཀར་གྱིས་མཁའ་རུ་བཏེགས་པའི་མཐོ་སྒང་གི་ཡུལ་གྲུ་ན། གནའ་ནས་ད་ལྟའི་བར་ཡིག་དྲུག་གི་བྱིན་ཁ་མེས་པོའི་དབུ་ཐོད་ནས་འཛུམ་པའི་མི་རིགས་ཤིག རྨི་ལམ་མང་པོ་ཞིག་གི་རུམ་ཁ་ནས་སྙིང་སྟོབས་ཀྱི་གཟི་དཔལ་ཨུ་ཚུགས་ཀྱིས་བླ་རུ་བསྐྱེད་དེ། གདོང་དམར་བོད་པ་ཞེས་པའི་མིང་བྱང་གནམ་སྔོན་པོའི་མཐོངས་དང་ས་དོག་མོའི་ངོས་ལ་ཐོལ་གྱིས་བྲིས། སྐབས་དེར་འུ་ཚང་གི་ནམ་ཟླ་ཧ་ཅང་དྲོད་ཁོལ་ཆེ་བས། ས་མཐོའི་རི་ལུང་ན་ངོ་མཚར་གྱི་གཏམ་རྒྱུད་ཤིན་ཏུ་མང་ལ།
ཁྱེད། རྒྱང་དུ་གནས།
མཆོང་།
ངས་ཡུན་རིང་ཁྱེད་ཀྱི་འཇམ་མཉེན་པའི་རྒྱུ་བ་མྱང་ཡང་ཚོར་མ་ཐུབ། རེ་སྨོན་བཅོལ་བའི་མིག་འབྲས་ཀྱིས་ཡོད་ཚད་སློག་བཤེར་བྱས་ནའང་ཁྱེད་ཀྱི་འོད་ ཟེར་འཕྲོ་བའི་མིག་མདངས་དང་སྦྲེལ་མ་ཐུབ། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད། ངེད་གཉིས་ཀྱི་བར་ལ་ཆོ་འཕྲུལ་བཙན་པོ་ཞིག་གཙང་བོ་རྒྱུས་མེད་ཏུ་རྒྱུ་བཞིན་རབ་ རིབ་ངང་རླབས་ཕྲེང་བསྟུན་མར་བསྐྱོམས་ནས་ཡུད་ཀྱིས་བཅད། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད།
རང་གིས་རང་ལ་དྲི་བ་དྲིས་ལན་བྱས་པ།
བསང་ཆུ་འབྲུག་བྷེ།
༡དྲི་བ། ཁྱོད་ཀྱིས་རང་གི་ཕ་ཡུལ་གྱི་རྣམ་པ་ངོ་མ་དེ་ཅི་འདྲ་ཞིག་ཏུ་མཐོང་སོང༌།
ལན། མཁའ་དབུགས་རབ་རིབ་ཀྱི་བར་ན་ལུས་སེམས་དེ་གསོ་བཞིན་པའི་ཁྱོད་དང་ངའི་ཕ་ཡུལ་ནི། གཞན་ཞིག་གི་རྐང་པའི་འོག་ན་འདུར་རྒྱུགས་བྱེད་ཅིང་འཚོ་གནས་བྱེད་ཀྱིན་པ་ལས། བརྙན་འཕྲིན་འཕྲུལ་ཆས་ངོས་ཀྱི་རི་ཆུ་ཐང་གསུམ་ལ་སྔོ་ལྗང་མཛེས་སྡུག་གི་མངོན་པ་འདྲ་བའི་ཉམས་སྣང་དེ་འདྲ་ཞིག་མིན་ངེས། དོན་ངོ་མར་ངས་རང་གི་ཕ་ཡུལ་གྱི་རྣམ་པ་ནི་ལག་ངོ་སེར་གས་ཁེངས་ཤིང༌། སེན་རྟིང་རྣག་དང་སེན་མགོ་ཁྲག་གིས་ཁེངས་པའི་གནས་བབ་ཅིག་ཏུ་མཐོང༌།
༄།། ཨ་རིའི་སྲིད་འཛིན་རིམ་བྱོན་གྱི་ལོ་རྒྱུས་གནད་བསྡུས་སྲིད་དོན་གྲུབ་པའི་དགའ་སྟོན།།
རྔ་བ་རྒྱལ་ཁམས་པ།
སྔོན་དུ་འགྲོ་བའི་གཏམ།
རང་བྱུང་སྐྱེ་དངོས་ཀྱི་ཐོན་ཁུངས་ཕུན་སུམ་ཚོགས་ཤིང་། མཚར་སྡུག་ཡིད་དུ་འོང་བའི་འབྱུང་ཁམས་ཀྱི་མཛེས་སྡུག་སྲིད་པའི་རྒྱན་དུ་ཀུན་ནས་བཀྲ་བ། ༼འཛམ་གླིང་གསར་པའམ༽ཡོངས་གྲགས་ཨ་མེ་རི་ཁ་ཞེས་འབོད་པའི་ཡུལ་གྲུ་ཆེན་པོ་འདི་ཉིད་ནི། སའི་གོ་ལའི་ཕྱེད་ནུབ་མའི་གཞུང་ཐིག་གི་རྒྱང་ཚད༣༦ནས༡༦༥བར་དང་། ཕྲེད་ཐིག་གི་རྒྱང་ཚད༥༥ནས་༨༥བར་རིམ་པར་ཆགས་ཡོད།
དེ་ལས་འཛམ་གླིང་འདིའི་ཐོག་སྲིད་འབྱོར་རིག་གསུམ་གང་ཅིར་གཞན་དྲིང་མི་འཇོག་པའི་སྟོབས་ཤུགས་ཀྱི་མངའ་ཐང་ཆེན་པོ་ཞིག་བརྒལ་འཛིན་བྱེད་པ། ༼ཨ་རི་མངའ་སྡེ་མཉམ་འབྲེལ༽ཞེས་སྙན་པའི་གྲགས་པ་ཆེས་ཤིན་ཏུ་ཆེ་བའི་རླབས་ཆེན་གྱི་རྒྱལ་ཁབ་འདི་ཉིད་ནི། གླེང་ཆེན་དེའི་དབུས་ཀྱི་སྲོག་རྩ་ལྟ་བུར་ཆགས་ཡོད། དེའང་འདས་པའི་མི་ལོ་ཉིས་བརྒྱ་ལྷག་གི་སྔ་རོལ་དུ། མི་གྲངས་ཆེས་ཉུང་ཤས་ཤིག་གིས(George Washington)ལྗོར་ལྗེ་ཝ་ཤིང་ཁྲོན་མཆོག ཨ་རི་མངའ་སྡེ་མཉམ་འབྲེལ་གྱི་སྲིད་འཛིན་དུ་ཐོག་མར་འོས་འདེམས་བསྐོ་བཞག་བྱས་ཤིང་། ཝ་ཤིང་ཁྲོན་གྱིས་སྲིད་འཛིན་མངའ་གསོལ་གྱི་རྟེན་འབྲེལ་གསུང་བཤད་ནས།
དེ་ལས་མང་བ་། “༄།། ཨ་རིའི་སྲིད་འཛིན་རིམ་བྱོན་གྱི་ལོ་རྒྱུས་གནད་བསྡུས་སྲིད་དོན་གྲུབ་པའི་དགའ་སྟོན།།” »
གུས་པའི་འཚམས་འདྲི་ཞུ།
གཙང་བུས
བོད་མི་དམངས་ཀྱི་བཀའ་ཁྲི་མཁས་དབང་བློ་བཟང་སེང་གེ་མཆོག་ལ་འཚམས་འདྲི་བཀྲ་ཤིས་བདེ་ལེགས་ཞུ། ཁོང་གི་ལས་དོན་ཐམས་ཅད་འབད་མེད་ཀྱིས་ཡོང་མི་སྲིད་པས་འབད་རྩོལ་གྱིས་འགྲུབ་པར་ཤོག སྤྱིར་བཏང་བཤད་ན་ཁོང་ནི་བོད་མི་མང་གི་བཀའ་ཁྲི་ཡིན་པས་ངའི་བཀའ་ཁྲི་རུ་གྱུར་པ་རེད། དེ་མིན་ངའི་སེམས་ནང་གི་བཀའ་ཁྲི་ནི་སྙིང་སྟོབས་དང་ཞབས་རྗེས་གཟེངས་སུ་མཐོ་བའི་རྒྱལ་བའི་སྐུ་གཅེན་བཀའ་ཟུར་རྒྱལ་ལོ་དོན་གྲུབ་མཆོག་ཡིན། ཡིན་ན་ཡང་འགྲན་བསྡུའི་ཕྲད་ཁོང་གིས་ཤོར་བ་རེད། གཅིག་བྱེད་ན་འཇོན་ཐང་དང་བྱས་རྗེས་ཅན་བཀའ་ཟུར་ཁོང་ལྟ་བུ་ཞིག་བཀའ་ཁྲི་ལ་འཁོས་པ་ཡིན་ན། རྡ་སའི་བཙན་བྱོལ་བོད་གཞུང་འདི་ལ་བསྒྱུར་བཅོས་གང་འཚམས་ཤིག་ཏན་ཏན་གཏོང་ངེས་རེད་ལ། གཏོང་ཐུབ་རྒྱུ་ཡང་རེད།
སྤྱི་དམངས་འགོག་རྒོལ་ལ་ལྟ་སྟངས།
བོད་དོན་ལས་འགུལ་ལྟེ་གནས་ཁང་།
འབྲས་སྤུངས་དགོན་པས་ཀིརྟི་དགོན་པར་གདུང་སེམས་མཉམ་བསྐྱེད་གནང་ཡོད།
གནས་ཚུལ་མཁོ་གཏོང་བ་བསྟན་འཛིན་ཤེས་རབ།
༢༠༡༡་༤་༢༧ སྟེ་དེ་རིང་དགོང་དྲོའི་ཆུ་ཚོད་དྲུག་དང་ཕྱེད་ཀའི་ཐོག འབྲས་སྤུངས་སྒོ་མང་གྲྭ་ཚང་གི་གོ་སྒྲིག་འོག་འབྲས་སྤུངས་ཀྱི་དགེ་འདུན་པ་རྣམས་ཀྱིས་ཡ་ང་བའི་གདུག་རྩུབ་དང་དྲག་གནོན་མྱོང་བཞིན་པའི་རྔ་བ་ཀིརྟི་དགོན་པ་གཙོ་བྱས་པའི་རྔ་བའི་མི་དམངས་ལ་གདུང་སེམས་མཉམ་བསྐྱེད་དང་། ཁྲིམས་མེད་ལུགས་མེད་ཀྱིས་དམངས་ཚོགས་རྣམས་གསོད་རྡུང་མནར་གཅོད་དང་འཛིན་བཟུང་འཕྲོག་བཅོམ་བྱེད་བཞིན་པའི་རྒྱ་དམར་སྲིད་གཞུང་གི་བྱ་སྤྱོད་དེ་དག་འཕྲལ་མར་མཚམས་འཇོག་ཡོང་སླད་མར་མེ་ཁྲོམ་སྐོར་གཞི་རྒྱ་ཆེ་བ་ཞིག་གནང་ཡོད།
དེ་ལས་མང་བ་། “འབྲས་སྤུངས་དགོན་པས་ཀིརྟི་དགོན་པར་གདུང་སེམས་མཉམ་བསྐྱེད་གནང་ཡོད།” »
སུ་ཞིག་གིས་བོད་ཡུལ་ཟང་ཟིང་བཟོས་པ་རེད།
འཇིགས་མེད་ཚེ་རིང་།
ཕྱི་ལོ་ ༢༠༡༡ ཟླ་ ༤ ཚེས་ ༢༦ ཉིན་ཁོ་བོས་<<སུ་ཞིག་གིས་བོད་ལྗོངས་ཀྱི་གནད་དོན་རྙོག་འཛིང་ཅན་དུ་བསྒྱུར་བ་རེད་>>ཅེས་པའི་ཉོག་བཤད་ལུང་བ་གང་ཅན་གྱི་ཡིག་ཚོགས་ཤིག་བཀླགས་པ་ཡིན། ཡིག་རྙོག་དེ་མཐོང་བས་ཁོ་བོའི་སེམས་སུ་“ཧམ་པ་ཅན་བཤད་མཁས་ན་བདེན་པ་ཅན་ངུ་ཤོར་”ཟེར་བའི་བཤད་རྒྱུན་འདིའི་ཚོར་བ་བོད་མི་ཆེས་ཉུང་ཤས་ལ་འབྱུང་སྲིད་སྙམ་པའི་སེམས་ངལ་ཞིག་བྱུང་ཞིང་། ལས་དོན་འདྲ་མིན་གྱི་དབང་གིས་རང་རེའི་བོད་ཀྱི་ལོ་རྒྱུས་ཐད་གསལ་ཆ་མེད་པའི་མི་རྣམས་ལ་ཁོ་བོའི་གསལ་བཤད་འདི་ཕན་པའི་ཆ་ཡོད་ངེས།
དུད་སྤྲིན་ནག་པོས་དྲི་བ་ལན་གཅིག་དྲིས།
(རྒྱལ་གཅེས་པ་ཞིག་གི་རང་ལུས་མེ་རུ་སྒྲོན་པ་ཡང་ཡང་དྲན་ཆེད།)
རྡོ་རྗེ་ཚེ་རིང་།
ཤ་ཡི་མེ་ཏོག་ང་ཡི་མགོ་ལ་གཏོར།།
ཁྲག་གི་མཚོ་ཞིག་ང་ཡི་སེམས་སུ་བསྐྱིལ།།
སྐུ་ལུས་མེ་དང་གླན་པའི་ཚིག་དྲི་དེ།།
ང་དབུགས་ཀྱི་རྒྱུ་བར་གཤིབ་ནས་ཡོད།།
མཁྱེན་ཡངས་རྒྱ་ཆེའི་སྙན་ངག་པ་གཙོས་པའི་རྩོམ་པ་པོ་དང་ཤེས་ལྡན་པ་ཡོངས་ཀྱི་སྙན་ལམ་དུ།
བསྟན་འཛིན་ཤེས་རབ།
མི་རིང་བར་རང་རེའི་བོད་ཀྱི་སྤྱི་ཚོགས་ཁྲོད་སྙན་ངག་གྱེར་འདོན་དང་སྙན་ངག་རྩོམ་རིག་བྱ་དགའ། སྙན་ངག་པའི་ཚབ་མཚོན་མི་སྣ་གཟེངས་བསྟོད། ཚབ་མཚོན་དུ་འོས་པའི་སྙན་ངག་གི་དེབ་ཕྲེང་འདོན་སྤེལ། སྙན་ངག་རྩོམ་རིག་གི་ཚོགས་ཆེན་བཅས་སྙན་ངག་གི་ལས་རིམ་ཞིག་སྤེལ་རྩིས་ཡོད་པ་དང་། ལས་རིམ་དེ་རྒྱ་ཆེ་བ་ཞིག་ཡིན་སྟབས། ཚགས་ཚུད་དང་སྤུས་ལེགས་ཤིག་ཡོང་ཕྱིར་རང་རེའི་སྙན་ངག་པ་གཙོས་པའི་རྩོམ་པ་པོ་ཡོངས་ལས་རིམ་འདིར་མཉམ་ཞུགས་གནང་རྒྱུའི་རེ་བ་ཞུ་བཞིན་ཡོད།
དེ་ལས་མང་བ་། “མཁྱེན་ཡངས་རྒྱ་ཆེའི་སྙན་ངག་པ་གཙོས་པའི་རྩོམ་པ་པོ་དང་ཤེས་ལྡན་པ་ཡོངས་ཀྱི་སྙན་ལམ་དུ།” »
གསེར་མདོག་གི་ལང་ཚོ།
སྐྱོ་བྲག་དགའ་དབང་།
ང་ཚོའི་འཛམ་གླིང་འདིར་སྲོག་ཆགས་ཀྱི་རིགས་དུ་མ་འཕེལ་ནུབ་བྱུང་བ་ལས་འགྲོ་བ་མི་རྣམས་ལ་གཞན་དང་ཐུན་མིན་གྱི་ནུས་པ་དམིགས་བསལ་ཡོད་པ་ནི་སོ་སོའི་བསམ་སྤྱོད་ཕན་ཚུན་དུ་བསྟན་ཏེ་ལེགས་སྤེལ་ཉེས་འགོག་ལ་འཇུག་ཐུབ་པ་དེ་ཡིན། ནུས་པ་དེ་ཉིད་བེད་སྤྱོད་ཀྱིས་ཉེར་མཁོའི་ཆ་རྐྱེན་དུ་མ་བཟོ་སྐྲུན་བྱས་པའི་ཆ་ཤས་སུ་ཆེས་ཉེན་ཁ་ཆེ་བའི་དེང་དུས་ཀྱི་མཚོན་ཆ་རྣམས་བྱུང་ཡོད།
བློ་བཟང་སེང་གེ་དང་བོད་མིའི་སྐྱིད་སྡུག་མཉམ་མྱོང་།
བོད། ལྷ་ཀླུ་གཉན་གསུམ།
ལོ་ངོ་གཉིས་གསུམ་གོང་ནས་བོད་མིའི་བཀའ་ཁྲི་གསར་བ་ཞིག་བཙལ་བ་རེད། བོད་མི་འདུས་བསྡོད་ཀྱི་བརྩིགས་ངོས་གང་སར་བཀའ་བློན་ཁྲི་བའི་གསལ་བསྒྲགས་དང་དེ་འབྲེལ་གྱི་ལོ་རྒྱུས། མ་འོངས་པའི་བོད་ཀྱི་སྐྱིད་སྡུག་སོགས་ཆེས་མི་ཉུང་བ་ཞིག་དེ་རིང་གི་བར་དུ་གླེང་བ་རེད། མཐར་བློ་བཟང་སེང་གེ་ལ་ཐོབ་འདུག
དེ་ལས་མང་བ་། “བློ་བཟང་སེང་གེ་དང་བོད་མིའི་སྐྱིད་སྡུག་མཉམ་མྱོང་།” »
བོད་ཕྱི་ནང་གཉིས།
འབའ་སྲས།
ཕྱི་ཡུལ་འགྲུམ་པའི་མི་ལ་དྲན་གདུང་ཞིག །
རང་ཡུལ་སྡོད་པའི་མི་ལ་སྡུག་བསྔལ་ཞིག །
གྱེས་པའི་སེམས་པའི་བར་ན་བརྩེ་བ་ཞིག །
ལོ་དང་ཟླ་ཡི་བར་ན་མིག་ཆུ་ཞིག །
བཀའ་སྤྱིའི་འོས་ཐོབ་གསལ་བསྒྲགས།
རྡ་སའི་དབུས་འོས་བསྡུ་ལས་ཁུངས་ནས་སྐབས་བཅོ་ལྔ་བའི་སྤྱི་འཐུས་དང་སྐབས་གསུམ་པའི་བཀའ་ཁྲིའི་འོས་མི་གསལ་བསྒྲགས་གནང་འདུག སྐབས་གསུམ་པའི་བཀའ་ཁྲི་བློ་བཟང་སེང་གེར་ཐོབ་འདུག བློ་བཟང་སེང་གེ་ལགས་སུ་འོས་ཤོག་ ༢༧༠༥༡ ཐོབ་སྟེ་བརྒྱ་ཆའི་ ༥༥ ཟིན་ཡོད་པ་དང་། བཀའ་ཟུར་བཀྲས་མཐོང་རྣམ་རྒྱལ་ལགས་སུ་འོས་ཤོག་ ༡༨༨༠༥ ཐོབ་སྟེ་བརྒྱ་ཆའི་ ༣༧།༤༢ ཟིན་ཡོད་འདུག དེ་བཞིན། བཀའ་ཟུར་བཀྲ་ཤིས་དབང་འདུས་ལགས་སུ་འོས་ཤོག་ ༣༡༧༣ ཐོབ་སྟེ་བརྒྱ་ཆའི་ ༦།༤༥་བཅས་ཟིན་ཡོད་འདུག
སྐབས་བཅོ་ལྔ་བའི་སྤྱི་འཐུས་ཁག་ནི།
༄།། རོང་ཆེན་ཀིརྟི་སྐྱབས་མགོན་ཚང་གི་མཚན་གནས་རྗེས་འབྲེལ་གྱི་ལོ་རྒྱུས་བསྡུས་པ།
རྔ་བ་རྒྱལ་ཁམས་པ།
༼གང་ན་རླབས་ཆེན་གྱི་སྐྱེས་བུ་ཡོད་པ། དེ་ན་ཚེ་སྲོག་གི་གསོན་ཤུགས་ཡོད༽
ཀིརྟི་སྐྱབས་མགོན་གྱི་ཐུན་མོང་དང་ཐུན་མིན་གྱི་འཁྲུངས་རབས་ལོ་རྒྱུས་ལྟར་ན། ད་ལྟའི་སྐུ་ཕྲེང་འདི་བ་ཡན་ཆོད་དུ་སྐུ་རབས༥༥ཕེབས་འདུག་ཅིང་། སྐུ་ཕྲེང་དེ་དག་ཀྱང་སྐབས་འགར་རྒྱལ་བློན་བྱང་ཆུབ་སེམས་པ་དང་། རེ་འགར་རིག་པ་འཛིན་པའི་རྣལ་འབྱོལ་བ། གྲུབ་པའི་དབང་ཕྱུག ལོ་ཙྭ་བ། གཏེར་སྟོན། སྤྲུལ་བའི་ནེ་ཙོ་སོགས། སྐྱེས་རབས་ཀྱི་རྣམ་པ་སྣ་ཚོགས་པའི་རང་བཞིན་དུ་ཕེབས་ཡོད། འདིར་ཀིརྟི་ཞེས་འབོད་དོན། ཀིརྟི་ཚང་གི་ཐུན་མིན་འཁྲུངས་རབས་ལྟར་ན། རྗེ་ཙོང་ཁ་པ་ཆེན་པོའི་དངོས་སློབ། མདོ་རོང་གི་མཁས་པ་མི་བཞིའི་ཡ་གྱལ། བསྟན་པ་ཕྱོགས་མཐར་སྤེལ་བའི་དར་ཆེན་བདུན་དུ་གྲགས་པའི་ནང་ཚན། རོང་ཆེན་དགེ་འདུན་རྒྱལ་མཚན་ནམ་ཡོངས་གྲགས་རོང་ཆེན་ལྗགས་ནག་པ་ཞེས་འབོད་པ་དེ་ཉིད། ད་ལྟའི་རྔ་རྫོང་མངའ་ཁོངས། རྒྱལ་མོ་ཚ་བ་རོང་གི་ཆར་གཏོགས། ཚ་ཁོ་གཡག་རྭ་ཞེས་པའི་རི་ཤོད་ཀྱི་ཉེ་འདབས། ཀིརྟི་མ་ཞེས་པའི་གྲོང་སྡེར་སྐུ་འཁྲུངས་པས༼སྤྱི་ལོ༡༣༧༤ལོར༽། བླ་མའི་མཚན་དུའང་ཀིརྟི་རོང་ཆེན་དགེ་འདུན་རྒྱལ་མཚན། རོང་པོ་ཀིརྟི་ཚང་ཞེས་ཡུལ་མིང་མི་ལ་ཐོགས་པ་ཞིག་ཡིན་པར་གསུངས་འདུག ཀིརྟི་ཞེས་པ་འདི་ལ་གུར་རྡི་དང་། གེར་དྷ། འགིར་ཏི་སྐུ་སྐྱེ། རོང་པོ་གི་རྡི་ཚང་། རྒྱལ་དབང་ལྔ་བའི་རང་རྣམ་ན་རོང་པོ་གི་རྟི་ཚང་། འགའ་ཞིག་ཁོང་གི་སྐུ་ཕྲེང་ལ་རྣལ་འབྱོལ་སྨྱོན་པ་གྲགས་ཞེས་པའི་གྲགས་དང་། རྗེ་བླ་མའི་མཚན་གྱི་སྐད་དོད་སློབ་མ་ལ་གནང་བས་ཀིརྟི་ཚང་ཞེས་འབོད་ཚུལ་སྣ་ཚོགས་ཤིག་བྱུང་མོད། ཡུལ་མིང་མི་ལ་ཐོགས་ཚུལ་དེ་དག་པའི་ཕྱོགས་སུ་ཚད་ལྡན་མཁས་པ་དག་གིས་གསུངས། བླ་མ་དེ་ཡོངས་གྲགས་ཀིརྟི་སྐུ་ཕྲེང་དང་བོར་འཇོག་དགོས་པར་སྣང་།
དེ་ལས་མང་བ་། “༄།། རོང་ཆེན་ཀིརྟི་སྐྱབས་མགོན་ཚང་གི་མཚན་གནས་རྗེས་འབྲེལ་གྱི་ལོ་རྒྱུས་བསྡུས་པ།” »
ནེའུ་ཡོག་དང་ནེའུ་ཇར་སེའི་ས་གནས་བོད་རིགས་ཡོངས་ཀྱི་སྙན་ལམ་དུ་ཆེས་ཛ་དྲག་དང་བློ་འཚབ་ཀྱིས་སྙན་སེང་ཞུ་རྒྱུར།
ལྷན་རྒྱས་ཀྱིས་མཁྱེན་གསལ་ལྟར་རྒྱ་གཞུང་གིས་རྔ་བ་གྲོང་སྤྱི་དང་ལྷག་པར་ཀིརྟིའི་དགོན་པ་འདི་ཉིད་བཙོན་ཁང་ལྟ་བུར་བསྒྱུར་ཏེ་གྲྭ་པ་ཉེས་སྟོང་ལྔ་བརྒྱ་ལྷག་གིས་སྡུག་བསྔལ་ཚད་མེད་མྱངས་དང་མྱོང་བཞིན་པ་དང་། ཉེ་ལམ་གནས་སྟངས་སྔར་ལས་དམ་བསྒྲགས་ཆེ་རུ་བཏང་སྟེ་ཕྱི་ཟླ ༤ ཚེས་༢༢ཉིན་གྲྭ་པ་སུམ་ བརྒྱ་བཙན་ཁྲིད་བྱས་བ་དང་ད་དུང་ཡང་ཁྲིད་དང་འཁྲིད་བཞིན་པའི་གནས་ཚུལ་ཁུངས་ལྡན་གོ་བ་ལྟར། བློ་ཕམ་དང་སེམས་འཚབ་ཀྱིས་མ་བཟོད་པར་ཟླ་འདིའི་ ཚེས་ ༡༨ ནས་ ༢༥ བར་འདི་གའི་རྔ་བའི་གཞིས་མི་ཚོས་གཙོས་བོད་རིགས་ཁག་ཅིག་གིས་བདུན་གཅིག་རིང་རྒྱ་མའི་གཞུང་ཚབ་མདུན་དུ་སྐད་འབོད་དང་ཞི་བས་ངོ་རྒོལ་བྱས་ནའང་། རྔ་བའི་ཛ་དྲག་གི་གནས་སྟངས་ལ་འགྱུར་བ་མེད་པས།
