ཨ་རིག་འགྱུར་མེད།
གཅིག ཨ་རིའི་རླུང་འཕྲིན་ཁང་།
ད་ལོའི་ལོ་གསར་བ་འདིའི་ནང་དུ་ང་ལ་ཕ་ཡུལ་གྱི་སྤུན་ཟླ་གཉིས་ཀྱིས་ཨ་རིའི་རླུང་འཕྲིན་ཁང་གིས་ཨམ་སྐད་མི་བཤད་པ་ཅི་རེད་ཟེར་ནས་དྲིས་བྱུང་། ངས་སྐབས་སོ་སོར་སྟབས་བདེའི་འགྲེལ་བརྗོད་རེ་བྱས་པ་ཡིན། ཡིན་ནའང་། ད་ལྟ་ངས་ཡང་དང་བསྐྱར་དུ་འདིའི་སྐོར་ལ་བསམ་གཞིག་བྱེད་ཀྱིན་པར་མ་ཟད། གནད་དོན་འདིའི་ཐད་དུ་བདེ་སྡུག་ཅིག་ཞུས་ན་འགྲིག་པར་སྙམ། ཅི་ལྟར་བཤད་རུང་ཨ་རིའི་རླུང་འཕྲིན་ཁང་གི་ནང་དུ་མདོ་སྟོད་སྨད་གཉིས་ཀྱི་སྐལ་ཆད་ཡོད། དེ་རུ་མདོ་སྟོད་སྨད་ཀྱི་ལས་བྱེད་པ་མེད་པ་ཡིན་ཡང་མདོ་སྟོད་སྨད་ཀྱི་ལས་བྱེད་པར་རང་རང་གི་ཆོལ་ཁའི་སྐད་ཐོག་ནས་གསར་འགྱུར་བཤད་པ་དང་མདོ་འཛིན་པ་བྱེད་པའི་སྟེགས་བུ་མེད་པ་དེ་རེད། དེ་ནི་ལས་བྱེད་པ་གཅིག་པུར་འཕྲད་པའི་དཀའ་ངལ་ག་ལ་ཡིན། བོད་ཕྱི་ནང་གི་ཉན་མཁན་ཁྲི་སྟོང་མང་བོར་ཐད་ཀར་འཕྲད་ཀྱིན་པའི་དཀའ་ངལ་སྟེ།
དེ་ལས་མང་བ་། “ཨ་རིའི་རླུང་འཕྲིན་ཁང་སོགས་ལ་བདེ་སྡུག་ཅིག་ཞུས་ན།” »
